Category: Uncategorized

1. Ubutaliyani: Ubutaliyani buherereye mu Majyepfo y'Uburayi bukaba bufite ubuso bungana na kilometero kale 301,340 nabaturage bangana na miliyoni 60.36. Ubutaliyani ni igihugu cy'umuco n'amateka, Roma n’umurwa mukuru wacyo, ni ho hantu ha mbere ho gusura aho wabonera Colisée na Vatican, hamwe n'ibindi bice by'akarusho nka Florence izwiho kuba inzu y'ubugeni. Venice, igihugu kizwiho imihanda y'amazi na kanali.

Igihugu n’umugi wa Vatican biherereye mu mugi wa Roma mu Butaliyani

2. Argentina: Argentina iherereye muri Amerika y’Epfo, mu Majyepfo y’umugabane. Ifite ubuso bungana na kilometero kale 2,780,400 nabaturage bangana na miliyoni 45.38. Argentina ni igihugu gifite umwihariko mu bijyanye n’ubukerarugendo. Uhereye ku misozi ya Patagonia, inkengero za Iguazu Falls, ndetse n'imijyi nka Buenos Aires, wowe ubwawe wamenya neza imikorere y'umuco wa tango n'indi mitako itangaje.

Umujyi wa Buenos Aires uhereye muri Argentina 

3. Laos: Laos iherereye muri Aziya y'Amajyepfo y'Iburasirazuba. Ifite ubuso bungana na kilometero kale 237,955 nabaturage bangana na miliyoni 7.5. Laos itanga amahirwe yo gusura imijyi y'amateka nka Luang Prabang, hakaboneka n'ahantu ushobora no gufata ubwato ku ruzi rwa Mekong. Iki gihugu kandi kirangwa n'ubuzima bworoheje no kumva umuco w’ubugwaneza bw'abaturage babo.Umujyi wa Luang Prabang uherereye muri Laos

4. Greenland: Greenland iherereye mu Majyaruguru ya Amerika, ariko igakomeza ku genzurwa na Denmark. Ifite ubuso bungana na kilometero kale 2,166,086 nabaturage bangana na 56,000. Greenland ni igihugu gikurura abantu kubera ubwiza bwacyo karemano. Abayisura bashobora kwishimira imisozi, ibiyaga by'umwihariko n'ikirere gikurura abashaka kubona ibihe byiza mu buryo bwihariye. Ni igihugu cy'abantu bahuje umuco utandukanye kandi bashyira imbere ubwisanzure n’amahoro.

Igihugu cya Greenland cyirangwa n’ubukonje bw’inshi biri munsi ya dogere celicius 0

5. Polynesia y’Ubufaransa: Polynesia y’Ubufaransa iherereye mu Nyanja ya Pasifika mu gice cy'Amajyaruguru. Ifite ubuso bungana na kilometero kale 4,167 nabaturage bangana na 280,000. Ibi birwa bitangaje, nka Bora Bora na Tahiti, bizwiho amazi asukuye n'imisozi y’icyatsi. Abaturage baho bafite umuco wihariye kandi bakira neza abashyitsi. Ni ahantu heza ho kwishimira ibiranga ubwiza karemano.

Ibirwa bya Bora Bora na Tahiti boratangaje

6. Malezya: Maleziya iherereye muri Aziya y'Amajyepfo, hagati ya Singapore na Thailand. Ifite ubuso bungana na kilometero kale 330,803 nabaturage bangana na miliyoni 33.5. Kuala Lumpur, umujyi w'ikitegererezo, izwiho inyubako zigezweho n'ibiranga ubukerarugendo. Imijyi ya Penang na Malacca nabyo bizwiho amateka n’umuco wihariye.

Umurwa mukuru wa Maleziya Kuala Lumpur urihariye 

7. Afurika y’Epfo: Afurika y'Epfo iherereye ku mugabane wa Afurika, hafi y’inkengero z'amajyepfo. Ifite ubuso bungana na kilometero kale 1,221,037 nabaturage bangana na miliyoni 60. Afurika y’Epfo itanga umuco utangaje, harimo ibice by'ubukerarugendo nka Kruger National Park n'imijyi ikomeye nka Cape Town. Aha ni ahantu heza ho kwiga ku mateka ya Afurika no ku mico itandukanye.

8. Maroc: Maroc iherereye muri Afurika y’Amajyaruguru. Ifite ubuso bungana na kilometero kale 710,850 nabaturage bangana na miliyoni 37. Maroc ni igihugu gikurura abakerarugendo kubera umuco wihariye n'amateka. Ushobora gusura imijyi nka Marrakech, Fes na Casablanca, uzenguruke amasoko no kwiga ubwubatsi bwa kera hamwe n’ibice by’ubutayu bya Sahara bitangaje.

Ibi bihugu bitandukanye bifite byinshi kandi bigaragaza umuco w’ubwiza karemano ndetse n’ibikorwa remezo byihariye bituma umuntu wese usura ibyo bihugu arushaho kwiyungura ubumenyi no gukurura umwuka mwiza w’ubuzima. Gusura ibi bihugu nibura rimwe mu buzima bwawe bizaguha ibihe bidasanzwe.

Hari benshi bagerageza amahirwe yabo muri sinema imyaka myinshi batagaragara, ariko hari n'abamamaye ku isi yose nyuma yo gukina filime yabo ya mbere. Mu gihe bamwe bafata iyi ntsinzi nk'amahirwe, abandi bagaragaje impano idasanzwe yahise ibashyira mu cyiciro cy'abakinnyi bakomeye.

Kuva kuri Edward Norton wahise yigarurira Hollywood muri ‘Primal Fear’ kugeza kuri Gabourey Sidibe wahinduwe icyamamare na ‘Precious,’ aba ni bamwe mu bakinnyi batangiriye hasi urugendo rwabo rwa sinema, maze bagahita bahinduka ibyamamare ku rwego mpuzamahanga.

Dore bamwe mu bakinnyi ba filime bazwi ku isi bazamuye izina ryabo nyuma yo gukina filime imwe gusa:

1. Edward Norton — Primal Fear (1996)

Edward Norton yinjiye muri sinema bwa mbere muri filime yitwa ‘Primal Fear,’ aho yakinnye nk'umunyabyaha ushinjwa ubwicanyi. Uru ruhare rwahise rumugira icyamamare, ndetse yahise ahatanira igihembo cya Oscar ku nshuro ye ya mbere.

2. Barkhad Abdi — Captain Phillips (2013)

Barkhad Abdi yari umushoferi wa taxi mbere yo kwinjira muri sinema akagaragara muri filime yitwa ‘Captain Phillips,’ aho yakinnye nk'umwambuzi w'inkazi. Uru ruhare rwamuhesheje izina rikomeye, ndetse ahatanira igihembo cya Oscar.

3. Gabourey Sidibe — Precious (2009)

Gabourey Sidibe ntiyari azwi na gato mbere yo gukina muri ‘Precious,’ aho yagaragaye nk’umukobwa wahuye n'ibibazo bikomeye mu muryango we. Uru ruhare rwamuhesheje igikundiro gikomeye ndetse anahatanira Oscar.

4. Hailee Steinfeld — True Grit (2010)

Hailee Steinfeld yinjiye muri sinema akina muri ‘True Grit,’ aho yakinnye nk’umwana w'umukobwa ushaka kwihorera. Iyi filime yatumye ahita aba icyamamare ndetse yinjira mu bakinnyi b’ibyamamare ba Hollywood.

5. Alan Rickman — Die Hard (1988)

Alan Rickman yari umuririmbyi mu itorero mbere yo kugaragara bwa mbere muri sinema agakina muri ‘Die Hard,’ aho yakinnye nka Hans Gruber, umwe mu banyabyaha bamenyekanye cyane mu mateka ya filime.

6. Julie Andrews — Mary Poppins (1964)

Julie Andrews yari icyamamare mu njyana ya Broadway, ariko ‘Mary Poppins’ ni yo filime ye ya mbere ndetse yahise imumenyekanisha ku isi hose.

7. Yalitza Aparicio — Roma (2018)

Yalitza Aparicio ntiyari asanzwe ari umukinnyi wa filime, ariko yatoranyijwe gukina muri ‘Roma,’ filime yamuhesheje gukundwa cyane no guhatanira igihembo cya Oscar.

8. Anna Paquin — The Piano (1993)

Anna Paquin yari afite imyaka 11 gusa ubwo yakinaga muri ‘The Piano.’ Yatsindiye igihembo cya Oscar ku nshuro ye ya mbere, aba umwe mu bakinnyi bato begukanye icyo gihembo.

9. Shirley Henderson — Trainspotting (1996)

Shirley Henderson yamenyekanye cyane nyuma yo gukina muri ‘Trainspotting,’ filime yamugize icyamamare nyuma y'iyo nshuro ya mbere muri sinema.

10. Tatum O'Neal — Paper Moon (1973)

Tatum O'Neal yari afite imyaka 10 ubwo yakinaga muri Paper Moon, filime yamuhesheje igihembo cya Oscar, aba umukinnyi muto wegukanye icyo gihembo mu mateka.

Impano cyangwa amahirwe?

Bamwe muri aba bakinnyi baje kwemeza ko kuba icyamamare nyuma ya filime imwe ari ibintu bigorana, kuko biba bisaba gukomeza gukora cyane kugira ngo izina ryabo ritazima vuba. Impano, imbaraga n'uburyo babashije gukoresha ayo mahirwe ni byo byabafashije gukomeza kuzamuka no kudasubira inyuma.

 

Mu butumwa Papa Fransisiko yageneye Yubile y’Abarwayi n’abakora kwa Muganga bwasomwe na Archbishop Rino Fisichella, Papa yibukije ko muri iki gihe yifatanyije n’abarwayi ku buryo bwihariye mu kigeragezo cy’uburwayi. Aho umuntu acika intege, agakenera abamufasha byose, abamuba hafi.

Papa Fransisiko avuga ko kurwara bitoroshye, ariko ari ishuri ry’urukundo. Aho umuntu asabwa kwemera kwitabwaho atinuba kandi yizeye, ibi akaba yabivuze asanisha n'ubuzima bwe bw'uburwayi.

N'ubwo bitari biteganyijwe ko aza kugaragara ndetse akanasuhuza Abakristo, nyuma ya Misa, Papa Fransisko yaje kugaragara, ashimira abari aho, abasabira umugishansi, anabashimira uburyo bitwaye neza muri icyo gikorwa cya Yubile.

Mu butumwa bwe, Papa Fransisko yibanze ku ngingo yo kugaragaza ko ku mu bitaro hashobora kuba ahantu heza, avuga ko hashobora gutuma 'urukundo n'ubumuntu birushaho guca umwiryane ndetse bikarushaho guha abantu ibyiringiro.'

Papa yakoresheje inyigisho z’umuhanuzi Izayi, avuga ko n'ubwo abantu benshi iyo bageze mu bihe bikomeye ndetse bashidikanya ku buzima bwabo, ari muri icyo gihe cy’ibigeragezo Imana ishyiraho amahirwe mashya. 

Yasabye abari aho gutekereza ku mibereho y’Abayisraheli mu gihe bari mu bucakara mu Misiri, avuga ko n'ubwo byari bikomeye, ndetse nta cyizere gihari, muri icyo gihe nibwo bahawe igihugu gishya.

Papa Fransisko yasobanuye neza ko uburwayi bushobora gutuma umuntu yumva ameze nkuri mu buhungiro cyangwa nk’umugore wavuzwe mu Ivanjili y'uyu munsi, aho bamusabiraga igihano cyo kwicishwa amabuye, kuko yari yafashwe asambana, ariko ahabwa amahirwe yo kwisubiraho n'imbabazi.

Yasobanuye ko Imana idategereza ko abantu baba beza ngo ibafashe, ahubwo igera mu bikomeye byabo, ikabihindura. Yagize ati: “Uburwayi bushobora kuba ahantu heza ho guhurira n’Imana, ni ishuri aho twiga gukunda, gukundwa n’umutima w’ubwiyoroshye.”

Papa Fransisko kandi yashimiye abakora kwa muganga ku kazi gakomeye bakora kandi abibutsa ko buri murwayi afite agaciro kandi agomba kwakirwa nk’undi.

Mu musozo, Papa Fransisko yagarutse ku magambo ya Papa Benedigito wa XVI avuga ko ubumuntu bugenwa n’uburyo umuntu afata abandi bari mu bubabare n'agahinda. Yasabye Abakristo kutirengagiza abakuze, abarembye, ndetse n’abantu bose bafite n'ibibazo, ababwira ko bagomba gukomeza kubitaho no kubaba hafi.

  

Kuri iki cyumweru, kuva aho aviriye mu bitaro, Papa yabashije kugaragara mu ruhame anasuhuza Abakristo

Ubuyobozi bwa Liège mu Bubiligi bwari busanzwe bwifatanya n'Abanyarwanda mu bikorwa byo kwibuka Jenoside, ndetse bwari bwarateganyije ko iki gikorwa kizaba tariki ya 12 Mata 2025, gusa bwanzuye ko kitakibaye.

Ibyo guhagarika ibikorwa byo kwibuka kandi byabaye mu mujyi wa Bruges naho ho mu Bubiligi.

Abakurikiranira hafi ibya politike bashimangira ko iki cyemezo cy'u Bubuligi gishingiye ku mwuka mubi umaze igihe hagati yabwo n'u Rwanda, dore ko bumaze igihe kinini burusabira gufatirwa ibihano kubera intambara imaze igihe mu Burasirazuba bwa RDC.

Ubwo yari mu Nama Mpuzamahanga ku Kwibuka ku nshuro ya 31 Jenoside yakorewe Abatutsi, Minisitiri Dr. Bizimana yatangaje ko u Bubiligi buvuga ko ibyo gusabira ibihano u Rwanda bubikora bugamije kubahiriza amategeko mpuzamahanga.

Yagaragaje ko imyanzuro y'Akanama ka Loni gashinzwe umutekano, n'Inteko Rusange y'Umuryango w'Abibumbye byose ari amategeko mpuzamahanga u Bubiligi bugomba kubahiriza.

Ati 'Icyemezo cy'Inteko Rusange ya Loni yo ku wa 26 Mutarama 2018 kivga ko Leta zose zubahiriza tariki 7 Mata nk'Umunsi Mpuzamahanga wo kuzirikana Jenoside yakorewe Abatutsi no kureka ibikorwa byo kwibuka iyo Jenoside bikabaho. Mu gihe u Bubiligi bwabibuza kubaho, byaba ari ukurenga kuri iryo tegeko rireba ibihugu byose binyamuryango bya Loni.'

U Bubiligi bwafashe umurongo wo gukora icengezamatwara rigamije gukomanyiriza u Rwanda mu bihugu n'imiryango isanzwe ikorana na rwo mu bikorwa by'iterambere.

Ku wa 17 Werurwe 2025, u Rwanda rwaciye umubano n'u Bubiligi kubera uruhare bwagize mu mateka mabi igihugu cyanyuzemo by'umwihariko mu gukora ibikorwa bibangamira u Rwanda.

Amateka agaragaza ko u Bubiligi ari bwo bwacuze ingengabitekerezo ya Jenoside, igihe bwinjiza amacakubiri mu baturage binyuze mu gutanga indangamuntu irimo amoko, yanifashishijwe muri Jenoside yakorewe Abatutsi.

Mu 1959 u Bubiligi bwagize uruhare rugaragara mu cyiswe 'revolution' yakozwe n'Abahutu, ishyigikirwa na Col Guy Logiest wari Resident wihariye wa gisirikare u Bubiliigi bwashyiriyeho u Rwanda.

Mu 1962 u Bubiligi bwavuze ko buhaye u Rwanda ubwigenge ariko Guverinoma yashyizweho yarimo abazungu babarirwa mu 10, n'igihe baviriyemo abategetsi bakomeje kuyobora igihugu bagendera muri politike y'abakiloni n'Ababiligi kugeza mu 1994 bakoze Jenoside yakorewe Abatutsi.

Minisitiri Dr Bizimana yahamije ko kubuza abantu gukora ibikorwa byo kwibuka ari ukwica amategeko mpuzamahanga

Ibi yabigarutseho mu ijambo yatanze ubwo yasuraga Kaminuza ya Hamilton iherereye muri Leta ya New York, aho yanenze bikomeye politiki zitandukanye zagiye zishyirwaho na Trump harimo kuzamura imisoro ku bicuruzwa byinjira muri Amerika biturutse mu bindi bihugu.

Mu zindi gahunda za Trum zanenzwe na Obama, zirimo kugabanya amafaranga yakoreshwaga n'ibigo bya Leta, gushyiraho amabwiriza akakaye ku bimukira, ndetse no gufata mu buryo budakwiriye itangazamakuru

Obama yagaragaje ko atishimiye icyemezo Trump aherutse gufata cyo kuzamura imisoro ku bicuruzwa byinjira muri Amerika.

Ati 'Ntabwo ntekereza ko ibyo turi kubona ubu hari icyiza byazanira Amerika.'

Obama w'imyaka 63 yakomeje avuga ko ahangayikishijwe cyane n'uburyo Leta isigaye itera ubwoba za Kaminuza, mu gihe zidatanze abanyeshuri bakoresha uburenganzira bwabo bwo gutanga ibitekerezo.

Obama yavuze ko ibyemezo Trump akomeje gufata, iyo aza kuba ari we wabifashe igihe yari kubutegetsi, abantu batari guceceka ngo babirebere nk'uko bari kubikora kuri Trump.

Obama yanenze bikomeye ibyemezo bya Politiki Trump agenda ashyiraho kuva yasubira ku butegetsi

Byatangarijwe mu Murenge wa Rugabano w'Akarere ka Karongi ku wa 4 Mata 2025, ubwo hasozwaga amasomo y'ishuri ryo mu murima yahawe abahinzi b'icyayi bagera 598 mu rwego rwo kubagira abahinzi b'icyayi b'umwuga.

Umuyobozi w'Akarere ka Karongi, Muzungu Gerald witabiriye iki gikorwa cyabereye mu Ishuri ryisumbuye rya Rugabano yavuze ko abahinzi b'aka karere bakwiye guhindura imyumvire bagatangira guhinga kinyamwuga.

Akarere ka Karongi ni kamwe mu turere two mu Ntara y'Iburengerazuba dufite ubutaka busharira, ibyo bamwe babona nk'intandaro y'ubuke bw'umusaruro w'ubuhinzi.

Nubwo biri uko ariko ubusharire bw'ubutaka si umwihariko w'Akarere ka Karongi kuko Akarere ka Nyaruguru ko mu Ntara y'Amajyepfo kazwiho kugira ubutaka busharira kurusha utundi ubu kari mu turere dufite umusaruro mwinshi w'ibirayi n'icyayi.

Muzungu uyobora Akarere ka Karongi nyuma yo kurangiza manda ebyiri yayoboye Akarere ka Kirehe mu Ntara y'Iburasirazuba, yavuze ko mu Karere ka Kirehe hari imirenge irimo n'uwa Sake yari yarasigaye inyuma mu buhinzi kubera ikibazo cy'ubusharire bw'ubutaka, ariko ubu ikaba yarubatse izina ku buhinzi bw'ibirayi n'inanasi kuko ibi bihingwa byombi byihanganira ubusharire bw'ubutaka.

Meya Muzungu yavuze ko ubuyobozi bw'Akarere ka Karongi bugiye gutoranya muri buri kagari abahinzi bagerageza muri ibi bihingwa uko ari bitatu, urutoki, ibirayi n'inanasi kandi bashobora kwigisha abandi bakabumva.

Ati “Ku buryo mu gihembwe cy'ihinga gitaha tuzaba dufite abahinzi ntangarugero tuzaheraho twigisha, tuzajyana mu rugendoshuri, baze bafate uturima shuri bagerageze, nko ku birayi bavuge ngo dufate neza aka karima dushyiremo ibyangombwa bisabwa turebe umusaruro uvamo, no ku bindi bihingwa bibe bityo mu mwaka uzakurikiraho bizatume twagura ku buhinzi bw'ibirayi'.

Muzungu avuga ko akurikije amakuru amaze gukusanya y'imvura iboneka mu Karere ka Karongi n'ubutaka bwaho yasanze ntaho butandukaniye n'ubutaka bw'i Nyaruguru.

Ati 'Muzakurikirane Nyaruguru ibirayi bivayo biri hafi kuzaca ku bya Kinigi, kandi nako kari akarere gafite ubutaka busharira. Karongi iri mu turere dufite imvura nyinshi. Mbahaye urugero aho nakoreraga muri Kirehe ubu nabo basigaye bahinga ibirayi kandi ukabona ko ari ibirayi binini bijya ku isoko, niba ahantu nka hariya hashyuha cyane ibirayi bihera kandi ibirayi bikunda ahantu hakonja nk'aha byatunaniza iki?'.

Meya Muzungu yavuze ko muri buri mudugudu hagiye gushyirwa umurima w’icyitegererezo

Buri Kagari ko mu Karere ka Karongi hagiye gushyirwa 'umurimashuri'

Ubushinjacyaha bw'u Rwanda bugaragaza ko hari impapuro 1147 zisaba guta muri yombi abakekwaho uruhare muri Jenoside yakorewe Abatutsi bari mu bihugu by'amahanga, ariko bigenda biguru ntege mu kubafata.

Ubwo yari mu Nama Mpuzamahanga ku Kwibuka ku nshuro ya 31 Jenoside yakorewe Abatutsi, ku wa 6 Mata 2025, Alice Wairimu Nderitu, yavuze ko abarenga 530 bakurikiranyweho uruhare muri Jenoside yakorewe Abatutsi bakidegembya muri RDC.

Ati 'Ababarirwa muri 530 baba muri RDC. Niba aba bantu bashyiriweho ibirego n'urukiko rwa Loni [ICTR] bakaba bidegembya ubwo 'ntibizongere' ivuze iki? Kuki tudashyira hamwe ngo dushakishe aho abo bantu bari hanyuma tugashyira igitutu kuri guverinoma kugira ngo abo bantu bagezwe mu butabera.'

Nderitu yavuze ko umuryango mpuzamahanga wananiwe gushyira mu bikorwa imyanzuro yafashwe n'Akanama ka Loni gashinzwe umutekano irimo no guhana abagize uruhare muri Jenoside yakorewe Abatutsi.

Ati 'Umuryango mpuzamahanga ukwiye kwibaza. Ntabwo wahana umujura wibye igare ariko ngo ukomeze kubana n'umuntu wateguye kandi agashyira mu bikorwa jenoside yahitanye abantu barenga miliyoni.'

Yahamije ko nyuma ya Jenoside abayirikotse baba bafite ibyago byikubye inshuro eshatu byo kongera kwibasirwa.

Impapuro u Rwanda rwoherereje ibihugu by'Isi zisaba guta muri yombi abagize uruhare muri Jenoside yakorewe Abatutsi harimo 962 zoherejwe mu bihugu bya Afurika, ariko nta muntu byari byoherereza u Rwanda cyangwa ngo bimuburanishe.

Impapuro 143 zoherejwe mu bihugu by'i Burayi, 37 zoherezwa muri Amerika no muri Aziya, ebyiri muri Australia.

U Bufaransa bwohererejwe impapuro 47, mu gihe u Bubiligi bwohererejwe zigera kuri 40. Nubwo hari abantu bake ibi bihugu byaburanishije ariko haracyari umubare munini w'abo bigikingiye ikibaba.

Ubushinjacyaha bw'u Bufaransa, mu Ishami rishinzwe gukurikirana ibyaha by'iterabwoba harimo n'ibya Jenoside, mu 2024 bwatangaje ko bagikora iperereza kuri dosiye 40 z'abakekwaho ibyaha bya Jenoside yakorewe Abatutsi.

Nderitu ati 'Byibaze, ubaze Guverinoma yawe, wibaze ngo ni iki gituma abantu bakorana n'abagize uruhare muri Jenoside? Kuki guverinoma iyo ari yo yose yakorana na bo? Niba guverinoma yawe ikingira ikibaba abakoze Jenoside? Ni ngombwa kubyibaza. Abantu bashyiriweho ibirego n'urukiko mpuzamahanga mpanabyaha kuki tubahisha? Kandi bari hose, navuze kuri 530 bari muri RDC ariko hari abandi benshi bari mu bindi bihugu.'

Nderitu yahamije ko umuryango mpuzamahanga ukwiye kwigaya mu gihe habayeho kwibuka ku nshuro ya 31 Jenoside yakorewe Abatutsi hari ibihugu bigicumbikiye abakoze Jenoside bakidegembya, byarabemereye gukomeza gukwirakwiza ingengabitekerezo ya Jenoside no gukwiza ibinyoma ku bantu bari kwibasirwa.

Kugeza ubu mu ngabo za Leta ya Congo, FARDC habarizwamo abarwanyi ba FDLR bashinjwa ibyaha bya Jenoside yakorewe Abatutsi, ndetse umwe muri bo witwa Brig Gen Gakwerere Jean Baptiste aherutse gufatwa n'abarwanyi ba M23 yambaye impuzankano ya FARDC yoherezwa mu Rwanda.

Iyi nama yitabiriwe n’ingeri zinyuranye z’abantu

Abashakashatsi abahanga n’abandi baturutse mu bihugu bitandukanye bari kurebera hamwe uko bahangana n’ingengabitekerezo ya Jenoside

Alice Nderitu (uwa kabiri ibumoso) yavuze ko bidakwiye ko ibihugu bikomeza gukorana n’abajenosideri

Ni umwanya wo kurebera hamwe ingamba zafatwa ngo Jenoside ntizongere ukundi

Itangazo ryashyizwe hanze ku wa 05 Mata 2025, n'Umunyabanga wa Amerika ushinzwe Ububanyi n'Amahanga, Marco Rubio, aho yavuze ko icyemezo cyafashwe kubera ko Sudani y'Epfo yanze kwakira Abanya-Sudani yirukanye ku butaka bwayo.

Yagize ati 'Leta ya Sudani y'Epfo yananiwe kwakira Abanya-Sudani y'Epfo ku gihe.'

Nyuma yo kubyanga Amerika yahise ifata umwanzuro wo guhagarika Viza zifitwe n'Abanya-Sudani y'Epfo ndetse no guhagarika Viza z'abifuza kwinjira muri iki gihugu.

Amerika ivuga ko iki cyemezo kizagumaho kugeza ubwo Sudani y'Epfo izemera kwakira abaturage bayo yirukanye.

Perezida Donald Trump yagiye yumvikana kenshi avuga ko azagabanya abimukira badafite ibyagombwa muri Amerika akabohereza mu bihugu bakomokamo.

Rubio yakomeje avuga ko ari cyo gihe ngo Leta ya Sudani y'Epfo ihagarike kungukira muri Amerika.

Ati 'Iki nicyo gihe ngo Leta ya Sudani y'Epfo ihagarike kungukira muri Leta Zunze Ubumwe za Amerika.'

Rubio yahagamariye ibihugu byose kwakira abaturage byo ku gihe cyagenwe.

Ati 'Ibihugu byose bikwiriye kwakira abaturage babyo ku gihe, mu gihe ibindi bihugu, harimo na Amerika, bihisemo kohereza abenegihugu b'ibyo bihugu.'

Ntabwo ari ubwa mbere Amerika ihagaritse Viza ku baturage bo mu gihugu cya Afurika kubera ko mu 2020, yafashe icyemezo cyo guhagarika gutanga Viza ku Barundi bose.

Rubio yavuze ko Amerika yahagaritse gutanga Viza ku baturage bo muri Sudani y’Epfo bose