Category: Uncategorized

Amasezerano y'imikoranire yashyizweho umukono ku wa Gatandatu tariki 12 Mata 2025. Uruhande rw'u Rwanda rwari ruhagarariwe n'Umuyobozi Mukuru w'Urwego rw'Igihugu rw'Iterambere (RDB), Jean-Guy Afrika, mu gihe Chery International yari ihagarariwe n'Umuyobozi Mukuru wayo, Xu Hui.

Impande zombi zemeranyije gukorana mu bijyanye n'ibinyabiga bikoresha umuriro w'amashanyarazi, ingufu zitangiza ikirere, ubuhinzi n'ubucukuzi bw'amabuye y'agaciro.

Xu Hui n'itsinda ry'abo bari kumwe bari bamaze iminsi ibiri mu Rwanda.

Chery International ni ikigo cyamenyekanye cyane mu bijyanye no gukora imodoka mu Bushinwa, ndetse kiza guca agahigo ko ari cyo cya mbere cyo muri iki gihugu cyagurishije bwa mbere imodoka zirenga miliyoni imbere mu gihugu.

Chery International yashinzwe mu 1997. Kugeza ubu ikorera mu bihugu birenga 100 ndetse ikaba ikomeje gushaka uko yarushaho kwagukira hirya no hino.

Chery International ikora amoko y'imodoka zitandukanye harimo izijya ku isoko zitwa Chery, zirimo amoko nka Tiggo 7 Pro Max, Tiggo 8 Pro Max, Arrizo 5.

Uru ruganda kandi rukora imodoka zizwi ku mazina ya Jetour, Exeed, Kaiyi, iCar, Jaecoo, Luxeed na Soueast.

Uretse imodoka uru ruganda rwikorera, runafitanye imikoranire n'uruganda rwa Jaguar Land Rover rwo mu Bwongereza, ari narwo rukora imodoka za Range Rover na Jaguar.

Mu 2024 Chery International yagurishije hirya no hino ku Isi imodoka miliyoni 2.6. uyu mubare wazamutseho 38.4% ugereranyije n'izo uru ruganda rwari rwagurishije mu mwaka wabanje.

Kugeza ubu ntiharamenyekana neza uko u Rwanda ruzakorana na Chery International, gusa ubu bufatanye buje mu gihe rukomeje gushyira imbere ibijyanye n'ikoreshwa ry'ibinyabiziga bitangiza ibidukikije, dore ko ruteganya ko mu 2030 ruzaba rugeze ku kigereranyo cya 20% by'imodoka zitwara abagenzi mu buryo bwa rusange.

Bitewe na gahunda zitandukanye u Rwanda rwagiye rushyiraho, buri mwaka mu gihugu hinjira abashoramari bashya bifuza gushyira amafaranga mu bijyanye no gushyiraho uburyo bw'ubwikorezi no gutwara abantu butangiza ikirere.

Mu bigo biri muri iri shoramari mu Rwanda harimo VW Mobility Solutions, Victoria Autofast Rwanda, Kabisa, Ampersand, Rwanda Electric Motorcycle Ltd na Safi/Gura Ride.

Minisiteri y'Ibidukikije igaragaza ko gahunda Leta y'u Rwanda yihaye yo gutangira gukoresha imodoka z'amashanyarazi izarusaba nibura gushora agera kuri miliyoni 900$ (Miliyari 900 Frw).

Aya mafaranga azakoreshwa mu kugeza izi modoka mu gihugu ndetse no gushyiraho ibikorwaremezo bitandukanye zikenera kugira ngo zikore neza. Uru kandi ni urugendo rudashoboka bitagizwemo uruhare n'abashoramari.

Guverinoma y'u Rwanda yafashe gahunda yo korohereza abashoramari bari muri uru rwego haba mu buryo bw'amafaranga cyangwa n'ubundi bwose bushoboka.

Mu byo aba bashoramari bazagabanyirizwa harimo n'igiciro cy'amashanyarazi kuri sitasiyo izi modoka zizajya zikoresha zongerwamo amashanyarazi. Ikindi, ni uko ibyuma bisimbura ibindi by'izi modoka bizajya bigabanyirizwa umusoro.

Uretse kutishyura umusoro ku nyongeragaciro no kuri gasutamo, ibi byuma bizajya byishyura umusoro ugabanyijeho 5%.

Ubundi bufasha aba bashoramari bazahabwa harimo kuba batazajya bishyura ubukode bw'aho bubatse sitasiyo z'amashanyarazi mu gihe cyose ari ku butaka bwa Leta.

Imodoka zo muri ubu bwoko kandi ngo zizajya zihabwa ibirango byihariye ku buryo zizajya zoroherezwa kubona aho guparika. Mu gihe izi modoka ziri gukoreshwa mu bikorwa by'ubucuruzi, zizajya zoroherezwa kubona ibyangombwa.

Mu gihe Leta igiye gukodesha imodoka mu bikorwa bitandukanye hazajya haherwa kuri izi zikoresha amashanyarazi. Mu gihe ibigo bizikora n'ibizicuruza bizajya bigabanyirizwa umusoro kandi bigashyirirwa igihe runaka bizajya bimara bitawishyura.

Nubwo gushyira mu bikorwa gahunda y'ikoreshwa ry'imodoka z'amashanyarazi mu Rwanda bisa n'ibihenze, Leta y'u Rwanda igaragaza ko mu gihe kirekire ibifitemo inyungu.

Mu nyigo yakozwe na Guverinoma byagaragaye ko bizagera mu 2025 u Rwanda rumaze kuzigama arenga miliyari 20 Frw yajyaga agenda mu bikorwa byo gutumiza ibikomoka kuri peteroli mu mahanga.

Imibare yerekana ko mu 2008 mu bicuruzwa u Rwanda rwatumizaga mu mahanga, ibikomoka kuri peteroli byari byihariye 3,3%.

Mu 2008 iri janisha ryaje kuzamuka rigera kuri 8,1%, byageze mu 2014 ibikomoka kuri peteroli byihariye 19,5% by'ibyo u Rwanda rutumiza mu mahanga. Mu 2019 iri janisha ryari kuri 16,7%.

Imibare ya The Observatory of Economic Complexity (OEC) igaragaza kandi ko ibikomoka kuri peteroli ari bimwe mu bicuruzwa u Rwanda rukenera cyane kandi rukabishoramo akayabo, nk'aho nibura buri mwaka miliyoni 411$, amafaranga ari hejuru y'ayo rushora mu kugura imiti.

Cherry International ni uruganda ruri mu zikomeye zikora imodoka mu Bushinwa

Amasezerano y'imikoranire yashyizweho umukono ku wa Gatandatu tariki 12 Mata 2025

Chery International yari ihagarariwe n'Umuyobozi Mukuru wayo, Xu Hui

U Rwanda rwinjiye mu mikoranire n'uruganda rwo mu Bushinwa rukora imodoka

Ku mugoroba wo kuri iki Cyumweru tariki ya 12 Mata 2025 ku Cyicaro Gikuru cy’Urwego rw’Igihugu rw’Itangazamakuru, RBA, habereye igikorwa cyo kwibuka ku nshuro ya 31 abanyamakuru barenga 50 bishwe muri Jenoside yakorewe Abatutsi mu 1994.

‎Umuyobozi ushinzwe politiki y’itangazamakuru muri RGB, Peacemaker Mbungiramihigo watanze Ubuhamya yavuze uko yageze kuri Radiyo Rwanda. ‎‎Ati: “Mu kwezi k’Ukuboza muri 1992 ni bwo nageze kuri Radiyo Rwanda na bagenzi banjye twari tumaze guhamagarwa nyuma y'ibizamini twakoze tuhamara ukwezi twimenyereza umwuga;

Noneho mu kwezi kwa Mbere mu 1993 mu kwezi aba ari bwo baduha amasezerano nyirizina yo gutangira umurimo mushya. ‎‎Uyu mwuga nawinjiyemo bisa n’aho bintunguye kuko nawutangiye nkiri muto kuko nawutangiye mfite imyaka 23.” 

‎‎Yavuze ko akiri umwana yari afite inzozi zo kuzaba umunyamategeko kugira ngo ajye aharanira kurenganura Abanyarwanda kubera akarengane yabonaga bakorerwa, ariko birangira abujijwe uburengazira bwo kwiga Kaminuza.

‎‎Yavuze ko ubwo abari batsinze ikizamini cy’akazi bahamagarwaga bagiye guhura n’ubuyobozi bwa Radiyo Rwanda, uwari ushinzwe kwakira abantu yiyamiriye avuga ko “ntabwo bisanzwe noneho batuzaniye inyenzi”.

‎‎Ati: “Ubwo twahamagarwaga kwitabira ubuyobozi bwari budutumyeho tumaze gukora ikizamini nari ndi kumwe n'abanyamakuru bari batsinze ikizamini cyo gukora mu rurimi rw'ikinyarwanda, ishami ry'igiswahili ndetse n'igifaransa, tugeze ku irembo ry’aho Radiyo Rwanda yakoreraga uwari ushinzwe kwakira abantu ariyamira agira ati: 'Ntabwo bisanzwe noneho batuzaniye inyenzi”.

“‎Ikintu nibajije naravuze nti ntabwo byoroshye ko umumtu agiye gutangira akazi ngo yakirwe atya nuko ibihe bitameze neza. Birumvikana twatangiranye igishyika ubwoba twibaza aho dutangiriye akazi uko bizagenda”. 

‎‎Peacemaker Mbungiramihigo yavuze ukuntu yigeze kuzanirwa itangazo ryuzuyemo amacakubiri ngo arisome ariko akabyanga. Ati: “Bamwanga Jean Baptiste wari umwanditsi mukuru yazanye itangazo kuko ari njye wari ushinzwe kuyobora amakuru ya saa sita na mirongo ine n'itanu. Ryari rivuye mu basirikare bakuru ba Habyarimana aravuga ngo ni ndinyuzeho uko riri, ndarisoma mbere yuko amakuru atangira. 

‎‎Itangazo uko ryari ryateguwe ryarimo amagambo ashingiye ku macakubiri aho bavuga ngo Inkotanyi ni inyenzi, zitwikiriye ijoro, zongeye gukora amabara n'andi magambo mabi cyane atandukanya Abanyarwanda ndetse uko icyo gihe byari bimeze atashoboraga guhumuriza umuntu. 

‎‎Icyabaye ni uko namubwiye ko hari amagambo yagakwiye kuba asimbuzwa, aya magambo ntabwo mbona ko ari cyo cyerekezo turimo cyo kubaka u Rwanda ruharanira amahoro cyane cyane ko turi mu mishyikirano igamije amahoro, arambwira ngo urarihitisha uko riri nanjye ndamubwira ngo njyewe ntabwo binkundira”. 

‎‎Yavuze ko iryo tangazo bahise bariha undi munyamakuru aba ariwe urikora ndetse ko uwo ariwo mwuka babayemo igihe kinini.

‎‎Mbungiramihigo yavuze ko ubwo Habyarimana yapfaga yari kuri Radiyo amaze gusoma amakuru ubundi nyuma bakaza gutaha aho bari mu modoka y'akazi bagendaga bahura n'interahamwe zibahagarika gusa birangira ageze mu rugo.

‎‎Yavuze ko tariki ya 8 Mata abasirikare baje kumukura aho yabaga akumva ko ibye birangiye. ‎‎Ati: “Ku itariki ya 8 Mata ahagana nka saa cyenda mbona imodoka ya Land Cruiser iraje icyo gihe nabireberaga mu madirishya y'icumbi nabagamo, ihagarara ku irembo ivamo abantu bambaye gisirikare ariko nza kumenya ibyabo tumaze kuganira;

Kuko bahise bakomanga uwo twabanaga mu gipangu arasohoka ababaza uwo bifuza bati turashaka Peacemaker. Birumvikana numvise ko birangiye noneho ndasohoka ndababaza ngo muranshakira iki bati icyo tugushakira uraza kukimenya mukanya gira vuba wihuta kandi nta kintu dushaka kukubaza”.

‎‎Yavuze ko yababwiye ko ari kumwe na murumuna we n'undi wari waje kubasura bamubwira ko nabo ababwira bakaza vuba. ‎‎Abo basirakare babwiye Peacemaker ko murumuna we ukora muri Hotel des mille Collines amubatumyeho ubundi yitsa umutima yumva ko baje kubahungisha.  

‎‎Yavuze ko ageze kuri Hotel des mille Collines yahasanze abandi Banyarwanda ubundi amenya ko mukuru we yishyuye abo basirakare kugira ngo bajye kumutwara. 

‎‎Yavuze ko ari uko yarakotse Jenoside yakorewe Abatutsi, nyuma aza kujyanwa i Kabuga ahari harafashwe n'Inkotanyi. Nyuma yaje kujya kuri Radiyo ya Muhabura we n'abandi banyamakuru kugira ngo bafatanye n'abandi mu rugamba rwo kubohora igihugu.

‎‎Peacemaker Mbungiramihigo yavuze ko nyuma y'urugamba rwo Kubohora igihugu baje gushyira Radiyo Rwanda ku murongo bitewe nuko ibikoresho byayo byose byari byaratwawe. Yashimiye Leta y'Ubumwe kuko yamufashije kuminuza mu bijyanye n'Itangazamakuru.

‎

Peacemaker Mbungiramihigo yatanze ubuhamya bw’uko yigeze kwanga gusoma itangazo kuri Radiyo Rwanda bitewe n’uko ryari ryuzuyemo amacakubiri

Abantu bo mu ngeri zitandukanye bitabiriye igikorwa cyo Kwibuka abanyamakuru bazize Jenoside yakorewe Abatutsi mu 1994

Kuri uyu wa Gatandatu tariki 12 Mata 2025 humvikanye inkuru ibabaje cyane aho muzehe Karega Cosima Se wa Pastor Kayitanga yitabye Imana. Ni inkuru yababaje cyane umuryango n’inshuti za nyakwigendera wari utuye mu Karere ka Nyagatare mu Ntara y’Iburasirazuba.

Pastor Kayiranga Innocent yabwiye inyaRwanda ko yashavujwe n’urupfu rwa Se witabye Imana mu buryo butunguranye. Ati: “Ntabwo yari arwaye, yaryamye ari muzima ariyorosa arasinzira ntiyakanguka”. Nyakwigendera Karega asize abana batanu; abahungu bane n’umukobwa umwe.

Pastor Kayiranga Innocent ni umushumba mu Itorero Ebenezer Open Bible Church akaba n’umuhanzi ukomeye mu muziki wa Gospel ndetse afatwa nka nimero ya mbere mu Ntara y’Iburasirazuba. Yashakanye na Pastor Nkwihoreze Grace bafitanye abana 5. Bucura bwabo ni umuhungu bise Ntwari Gad Israel wabonye izuba kuwa 25/9/2020.

Yamamaye mu ndirimbo 'Ngarutse imbere yawe’ wanditse mu mwaka wa 2012. Iyi ndirimbo yamubereye umugisha ukomeye kuko ituma atumirwa hirya no hino mu Rwanda cyane cyane mu bukwe ndetse no mu bihugu by’abaturanyi nka Uganda, Tanzania n’u Burundi. 

Se wa Pastor Kayiranga yitabye Imana

Pastor Kayiranga Innocent ari mu baramyi b’ibyamamare mu Rwanda

Ni igikorwa bakoze kuri uyu wa Gatandatu tariki 12 Mata 2025, mu rwego rwo kwibuka ku nshuro ya 31 Jenoside yakorewe Abatutsi mu 1994. 

Bruce Melodie yari kumwe na Kenny Sol, Ross Kana ndetse na Producer Kompressor babarizwa muri 1:55AM, bari kumwe n'Umuyobozi wa Sosiyete ya 1:55 AM Ltd, Kenny Mugarura. 

Aba bahanzi bavuze ko bahisemo gusura urwibutso rwa Jenoside yakorewe Abatutsi rw'Akarere ka Nyanza mu rwego rwo kwiga amateka yaranze aka gace mu bihe bya Jenoside yakorewe Abatutsi mu 1994.

Nyuma yo gusobanurirwa amateka bunamiye inzirakarengane zirenga 31,644 zishyinguye muri uru rwibutso. 

Mu rwego rwo guhumuriza no gukomeza abarokotse Jenoside yakorewe Abatutsi, iri tsinda ryasuye, riganira ndetse rigenera impano ababyeyi 10 b'Intwaza barokotse Jenoside yakorewe Abatutsi mu 1994 batuye mu Murenge wa Busasamana ho mu Karere ka Nyanza. 

Abarimo Bruce Melodie, Ross Kana, Kenny Sol na Kompressor ubwo bari ku rwibutso rwa Jenoside rw’Akarere ka Nyanza basobanurirwa amateka yagejeje kuri Jenoside yakorewe Abatutsi

Bruce Melodie yasuye Urwibutso rwa Jenoside rw’Akarere Nyanza ari kumwe n’abagize ikipe ya UGB yashoyemo imari ndetse na Kenny Mugarura uyobora 1:55 AM

Bruce Melodie ari kumwe na Kenny Mugarura uyobora Label ya 1:55 AM

Ross Kana na Bruce Melodie bafashe umwanya wo kunamira inzirakarengane zishyinguye mu rwibutso rwa Jenoside rw’Akarere ka Nyanza 

Kenny Sol aramukanya na bamwe mu baturage bo mu Karere ka Nyanza mu Majyepfo y’u Rwanda 

Abagize 1:55 AM na UGB batanze impano ku babyeyi b’intwaza bo mu Karere ka Nyanza

Aba bahanzi barimo Emmy Nsengiyumva [Emmy], Patient Bizimana, Mujyanama Claude [TMC], Lionel Sentore na Shaffy uzwi mu ndirimbo 'Akabanga', batandukanye mu buryo bahanga ariko bahuriye ku guha agaciro amateka n'uruhare rwabo mu gusigasira umuco w'amahoro binyuze mu bihangano no mu butumwa batanga. 

Emmy: Kongera kubaho ni bwo butwari

Emmy, uri mu bahanzi nyarwanda bakorera umuziki hanze y'igihugu, yavuze ko kwibuka Jenoside ari umwanya wo guhamya ubudaheranwa bw'Abanyarwanda. 

Yagize ati 'Icyo nabwira Abanyarwanda ni ukubaho tugakomera, tukubaka u Rwanda ruzira Jenoside, ruzira kuvogerwa. Uwacitse ku icumu nakomeze abeho, kongera kubaho ni bwo butwari.'

Uyu muhanzi yongeyeho ko ubuhanzi ari ijwi rigera kure, kandi bufite ubushobozi bwo guhumuriza, gufasha mu gusigasira amateka n'ukuri kw'ibyabaye mu 1994:

Yagize ati 'Ubuhanzi n'ijwi regera kure, bwaba inzira nziza yo guhumuriza ndetse no gusigasira amateka yacu.'

Patient Bizimana: Yahumurije abarokotse Jenoside yifashishije amagambo yo muri Zaburi

Mu kiganiro yagiranye na InyaRwanda TV, umuhanzi w'indirimbo zo kuramya no guhimbaza Imana, Patient Bizimana yavuze ko uko imyaka ishira ari nako yumva akeneye kurushaho guharanira ubuzima bwubaka, butanga icyizere.

Avuga ko iyo igihe cyo kwibuka kigeze, agenda ahinduka imbere mu bitekerezo n'imibabaro. Yavuze ko mu gihe nk'iki yifatanyije n'Abanyarwanda bose, kandi ahumuriza abarokotse Jenoside yakorewe Abatutsi.

Ati 'Muri ibi bihe twibuka ku nshuro ya 31 Jenoside yakorewe Abatutsi mu 1994, ijambo ry'Imana riboneka muri Zaburi 62-6 riratubwira ngo 'ivuga ko 'Imana ni yo yonyine niringira, reka nyisunge mbone ihumure'. Iryo humure ry'Imana ni ryo nifurije Abanyarwanda, ariko by'umwihariko abarokotse Jenoside, kandi nk'umuhanzi inshingano zacu ni ugusigasira ibyagezweho.'

Patient ari mu bahanzi batanze umusanzu ukomeye mu ndirimbo zo kwibuka, n'izindi zirimo nka Ubwo buntu, Menye Neza, n'izindi. Avuga ko igihe cyo kwibuka kimwongerera imbaraga zo gukomeza gutanga ubutumwa burimo gukira, imbabazi n'icyizere.

Shaffy: 'Nahumure, ntibizongera'

Umuhanzi Shaffy, umwe mu batanga ubutumwa bwimbitse mu bihangano byo kwibuka, yavuze ko iki ari igihe cyo kongera kuzirikana ingaruka z'ingengabitekerezo mbi zasenye u Rwanda n'imiryango myinshi.

Ati 'Iki ni igihe cyo kwibuka ingaruka z’ingengabitekerezo bibi zatumye abana babura ababyeyi, ababyeyi babura abana, u Rwanda rurasenywa. Mpumurije umunyarwanda wese iki gihe kigora bitewe n'ibyo yabonye cyangwa yakorewe, nahumure ntibizongera.'

Yakomeje asaba urubyiruko rw'u Rwanda guharanira ukuri, kurwanya ikibi n'ingengabitekerezo ya Jenoside. Ati 'Ndasaba Abanyarwanda cyane cyane urubyiruko kurwanya no kwirinda abapfobya Jenoside yakorewe Abatutsi.'

Lionel Sentore: 'Dukomere, dukomeze twiyubakire igihugu cyacu'

Lionel Sentore, uzwi mu ndirimbo ziranga umuco nyarwanda n'ubutumwa bwimbitse, yatanze ubutumwa bwuje amarangamutima, agaragaza uburyo Jenoside yasize ubumuntu burimo igikomere gikomeye.

Mu magambo ye, yagize ati 'Ndirire nde Mana? Ndirire nde Data? Ko abo nakaririye ari imirambo, abandi inkongoro zishiha?'.

Sentore yashimiye Inkotanyi zarokoye Abatutsi, avuga ko batagomba kwibagirana mu mateka y'u Rwanda. Ati 'Igihe batemaga batongora, twumvise Inkotanyi ku Nkiko ziradutabara, zirokora utwari dusigaye. Mwarakoze Inkotanyi.'

Yashishikarije urubyiruko gukomeza umurongo wo kubaka igihugu, nk'abasigaye bafite inshingano z'ahazaza. Ati 'Dukomere, kandi dukomeze twiyubakire igihugu cyacu. Twe nk'urubyiruko duharanire ko bitazongera ukundi.'

TMC: Twibuke, twiyubaka

Umuhanzi TMC wahoze muri Dream Boys yagaragaje ubutumwa bwuje uburemere n'ubutumwa bw'ubuzima bushya bukwiye kubakira ku mateka igihugu cyaciyemo.

Mu kiganiro na InyaRwanda, yagize ati: 'Kurokoka Jenoside yakorewe Abatutsi mu Rwanda mu 1994, ni ikimenyetso simusiga ko ugomba kubaho ndetse ukabaho wubahisha abacu batuvuyemo. Ni inshingano ya buri wese yo gukumira icyadusubiza mu bihe by'icuraburindi. Twibuke twiyubaka.'

Aya magambo ye agaragaza ko kubaho nyuma y'ibihe bikomeye nk'ibi bitari ukwibera ho gusa, ahubwo ari uguharanira ubuzima bufite intego, bugendera ku mahame y'ubwubahane, ubumuntu n'icyizere cy'ejo hazaza.

TMC, umaze igihe kinini agaragaza uruhare rwe mu rugendo rwo gukomeza kubaka sosiyete ibumbatiye amahoro n'iterambere, yibukije ko Kwibuka atari igikorwa cy'abantu bamwe, ahubwo ari inshingano rusange y'Abanyarwanda bose.

Ubutumwa bwe bwashimangiye ko indangagaciro zo kwiyubaka, kubaha abazize Jenoside yakorewe Abatutsi no guharanira ko amateka mabi atazongera, ari inkingi ya mwamba y'ubuzima bw'ubu n'ubw'ejo.

Ubutumwa bw'aba bahanzi ni kimwe mu bigize igikorwa cya #Kwibuka31, aho abantu batandukanye hirya no hino mu gihugu n'ahandi ku isi bibuka, batanga icyizere, bakomeza abarokotse Jenoside yakorewe Abatutsi, banaharanira ko urubyiruko ruzagira ubumenyi n'ubushake bwo gusigasira amateka no kurwanya amacakubiri.

Ni urugendo rushya rukomeje gufata intera uko imyaka ihita, rugaragaza ko u Rwanda ari igihugu cy'abadacika intege—u Rwanda rwiza n'ubudaheranwa.

Ubutumwa bwa TMC bwubakiye ku nsanganyamatsiko yo ‘Kwibuka, twiyubaka’

Lionel yasabye buri wese kugira uruhare mu gukomeza kubaka u Rwanda rwifuzwa
  Shaffy yahumurije abarokotse Jenoside yakorewe Abatutsi mu 1994

Patient Bizimana yatanze ihumure ku barokotse Jenoside yifashishije amagambo yo muri Bibiliya

Emmy ukorera umuziki muri Leta Zunze Ubumwe za Amerika, yabwiye abarokotse gukomeza gutwaza gitwari

KANDA HANO WUMVE UBUTUMWA BW’UMUHANZI PATIENT BIZIMANA

Ibi yabigarutseho mu mugoroba wo kuri iki Cyumweru tariki ya 12 Mata 2025 mu gikorwa cyo kwibuka ku nshuro ya 31 abanyamakuru bishwe muri Jenoside yakorewe Abatutsi, cyabereye ku Cyicaro Gikuru cy’Urwego rw’Igihugu rw’Itangazamakuru, RBA.

‎‎Mutesi Scovia yavuze ko abanyamakuru bibuka abanyamakuru bazize Jenoside yakorewe Abatutsi, ariko batanibagirwa n’abayigizemo uruhare kugira ngo ikoranwe ubukana.

‎ Ati: “Uyu munsi urwego rw'itangazamakuru ryigenzura kimwe n'abandi banyamakuru iyo turimo twibuka abanyamakuru bazize Jenoside ndetse ntabwo twibagirwa abagize uruhare rwumvikana kugira ngo Jenoside ikoranwe ubukana nku’bwo yakoranywe kuko uyu munsi dufite amazina azwi yari arimo abahanga bize”. 

‎‎Yavuze ko abanyamakuru bambaye ishusho ikomeye kuko ntawe ushidikanya ku cyo bavuze gusa ko atewe ipfunwe nuko uwo abaturage bizeraga ari we wahamagarariye abantu kwica.

‎‎Ati: “Abanyamakuru twambaye ishusho ikomeye uyu munsi ntawe ushidikanya ku cyo abanyamakuru bavuze rimwe na rimwe icyatambutse kuri Televizyo n'ahandi usanga n’iyo abantu bajya impaka bavuga ngo ni ukuri nacyumvanye abanyamakuru. 

‎‎Njyewe ubwanjye sinatinya kuvuga ko ntewe ipfunwe no kumva ko uwo abaturage bizeraga ko ari umunyamakuru ari buvuge ibyabaye kandi bikwiye ariwe wahamagariye abantu kwica abandi”. 

‎‎Yavuze ko aba banyamakuru bishwe muri Jenoside yakorewe Abatutsi mu 1994 bari bafite ibyago birenze iby’abandi bitewe nuko babaga bazwi 

‎‎Ati: “Aba banyamakuru twibuka uyu munsi bagize ibyago biruta iby'abandi, mu by’ukuri njye Scovia nshiye mu mujyi, mu isoko, mu giturage cyangwa ahandi habaye ubukwe benshi baranzi. Rimwe na rimwe hari n'abashaka kumenya ngo ndi mwene nde bagateranya ibyo byose. Mu banyamakuru rero twibuka, bagize ibyago biruta iby'abandi kuko aho yacaga hose kwihisha byabaga bigoye”.

‎‎Mutesi Scovia yavuze ko abanyamakuru bakwiye kurutisha umutimanama wabo amashuri bize ndetse n’ibyo babwiwe n’ababyeyi. ‎‎Ati: “Ndavuga ngo abanyamakuru twiga itangazamakuru, dukoresha ibikoresho by'ikoranabuhanga uyu munsi turi noneho ku mbuga nkoranyambaga turakoresha ikoranabuhanga mu buryo bushoboka ubwo ari bwo bwose ndetse umunyamakuru wihuta muri ibyo ni we twita umuhanga. 

‎‎Ndimo ndavuga ngo dukwiye kuvuga ko umutimanama ukwiye kuruta diplome mubitse iwanyu, umutimanama ukwiye kuruta amashuri mwize, uko bababwiye, ukwiye kuruta ababyeyi banyu babawiye ko ibi bitavugwa, ibi bivugwa, umutimanama ukwiye kuba iya mbere mu guhangana n’abapfobya Jenoside, abayihakana bakoresheje itangazamakuru.” 

Mutesi Scovia‎ y‎avuze ko itangazamukuru rikwiye kurwanya abakomeza gupfobya Jenoside yakorewe Abatutsi. ‎‎Yavuze ko umunyamakuru adakwiye gukoreshwa n’indonke ubundi akemera kubeshya.

‎‎Ati: “Nemera ko umunyamakuru adakwiye kubeshya, nemera ko umunyamakuru adakwiye gukoreshwa n'indonke. Ningera ku ndonke mu by’ukuri dufite abanyamakuru bagenzi bacu twiganye, twakoranye, twakuranye, twareranywe, indonke zababirinduye inda zigasumba umurage w'igihugu cyabo, uyu munsi agahagarara ku maguru abiri ashobora no kuba yaravutse mu muryango warokotse Jenoside, ubundi agapfobya. Mureke amajwi yacu aganze ikibi, arwanye ingebitekerezo gupfobya n'ibindi bikorwa bitandukanye”.

‎

Mutesi Scovia yavuze ko abanyamakuru bakwiye kurutisha umutimanama wabo amashuri bize ndetse n’ibyo babwiwe n’ababyeyi

Iyi mibiri yashyinguwe mu cyubahiro ku wa Gatanu, tariki ya 11 Mata 2025, mu gikorwa cyo kwibuka ku nshuro ya 31 Jenoside yakorewe Abatutsi mu 1994 i Kiziguro, ahiciwe Abatutsi benshi bari bahungiye kuri Paruwasi Gaturika ya Kiziguro.

Iki gikorwa cyitabiriwe na Minisitiri w'Ubumwe bw'Abanyarwanda n'Inshingano Mboneragihugu, Dr. Bizimana Jean Damascène ; Minisitiri w'Abakozi ba Leta n'Umurimo, Christine Nkulikiyinka ; Guverineri w'Intara y'Iburasirazuba, Pudence Rubingisa n'abandi bayobozi batandukanye.

Kuva tariki ya 10 Mata 1994 ni bwo kuri Paruwasi ya Kiziguro hiciwe Abatutsi benshi bigizwemo uruhare na Gatete Jean Baptiste wari Burugumesitiri wa Komini Murambi. Muri uyu muhango hashyinguwe mu cyubahiro imibiri 21 harimo 10 yari ishyinguye mu buryo butari bwiza n'indi 11 yabonetse.

Uhagarariye imiryango yashyinguye abayo, Ahimana Augustin, yashimiye Ibuka na Leta y'u Rwanda ku mbaraga nyinshi zishyirwa mu kwita ku barokotse Jenoside yakorewe Abatutsi, avuga ko kwibuka ari inshingano ya buri wese.

Perezida wa Ibuka mu Karere ka Gatsibo, Sibomana Jean Népo, yakomeje imiryango yategereje imyaka 31 ngo ibone ababo bashyinguwe uyu munsi mu cyubahiro, asaba abaturage baba bazi ahandi hantu hakiri imibiri kuhagaragaza kuko byafasha bene yo kuruhuka.

Yashimiye Leta ko yabubakiye urwibutso rwiza anasaba ko rwashyirwamo amateka kugira ngo ajye yifashishwa mu kwerekana ububi bwa Jenoside yakorewe Abatutsi muri Kiziguro n'ahandi.

Minisitiri w'Abakozi ba Leta n'Umurimo, Christine Nkulikiyinka, yasabye abantu bose bafite amakuru y'ahakiri imibiri y'abishwe muri Jenoside yakorewe Abatutsi itarashyingurwa kuhagaragaza, avuga ko kutayatanga bigize icyaha.

Ati 'Mu gihe tuzirikana ko hari imibiri itaraboneka ngo ishyingurwe mu cyubahiro, turakangurira abantu bafite amakuru bose kuyatanga kugira ngo abazize akarengane bahabwe icyubahiro bakwiye. Ndabibutsa kandi ko kudatanga amakuru bigize icyaha gishamikiye kuri Jenoside n'ingengabitekerezo yayo.'

Minisitiri Nkurikiyinka yashimiye Inkotanyi zabohoye u Rwanda zikanahagarika Jenoside, kuri ubu igihugu kikaba gifite imiyoborere myiza ishingiye ku kwishyira ukizana kwa buri Munyarwanda wese. Yasabye urubyiruko kutareberera abagihakana n'abapfobya Jenoside yakorewe Abatutsi bakiri hirya no hino, anarwibutsa ko hari n'abagifite ingengabitekerezo kandi bose bakwiriye kutareberwa.

Urwibutso rwa Jenoside yakorewe Abatutsi rwa Kiziguro rwari rusanzwe rushyinguyemo imibiri 20.162. Munsi y'uru rwibutso hari icyobo kinini cyagujunywagamo Abatutsi bamwe ari bazima abandi bakajugunywamo bamaze gucibwamo ibice.

Imibiri 21 y’Abatutsi bishwe muri Jenoside mu 1994 ni yo yashyinguwe mu cyubahiro

Minisitiri w'Ubumwe bw'Abanyarwanda n'Inshingano Mboneragihugu, Dr. Bizimana Jean Damascène, ashyira indabo ku mva ziri mu Rwibutso rwa Kiziguro

Minisitiri Nkulikiyinka yasabye abakiri bato guhangana n'abapfobya Jenoside yakorewe Abatutsi

Minisitiri Dr. Bizimana yatanze ikiganiro kigaruka ku mateka ya Jenoside yakorewe Abatutsi

Abayobozi batandukanye bitabiriye iki gikorwa cyo kwibuka i Kiziguro

Sibomana Jean Népo uhagarariye Ibuka mu Karere ka Gatsibo, yashimiye Inkotanyi zahagaritse Jenoside

Jenoside yakorewe Abatutsi yahitanye abarenga miliyoni bazira uko bavutse mu gihe cy'iminsi 100. Muri abo harimo abakoraga mu nzego zitandukanye babarizwagamo n'abari abakozi ba BPR Bank Rwanda.

Ku wa Gatanu, tariki ya 11 Mata 2025, ku cyicaro gikuru cya BPR Bank Rwanda giherereye mu Mujyi wa Kigali habereye igikorwa cyo kwibuka abahoze ari abakozi b'iyi banki 33 bazize Jenoside yakorewe Abatutsi mu 1994.

Ni igikorwa cyitabiriwe n'ubuyobozi ndetse n'abakozi b'iyi banki, imiryango y'abayikoreraga bazize Jenoside yakorewe Abatutsi n'abandi bantu batandukanye.

Abitabiriye babanje gushyira indabo ku kimenyetso cy'urwibutso, ahanditse amazina y'abakoreraga BPR Bank Rwanda, hakurikiraho gucana urumuri rw'icyizere, mbere yo kumva ubuhamya bw'abagize imiryango y'abahoze bakorera iyi banki bazize Jenoside yakorewe Abatutsi.

Umuyobozi Mukuru wa BPR Bank Rwanda, Mutesi Patience, yagaragarije abitabiriye iki gikorwa cyo kwibuka ko abahoze bakorera iyi banki uyu ari umwanya mwiza wo guhamya ko ubuzima bwabo bwari bufite agaciro ndetse ari na bwo buryo bwo 'kongera kwigira ku ndangagaciro zabaranze mu gihe tubibuka.'

Ati 'Uyu mugoroba twawushyizeho kugira ngo tugire umwanya wo kubibuka by'umwihariko kumenya abo ari bo n'indangagaciro badusigiye ndetse akaba ari n'umwanya mwiza wo guhamya ko ubuzima bwabo bwari bufite agaciro kuri twe.'

Yakomeje avuga ko nyuma ya Jenoside yakorewe Abatutsi mu 1994, iyi banki yagerageje gukomeza gufasha ndetse no kubana n'imiryango yabo, ashimangira ko ari inshingano zayo.

Ati 'Mu bihe bitandukanye twakomeje kubana n'imiryango yabo kandi tukaba twumva ko ari nk'inshingano zacu zikomeye kubaba hafi kuko ari bamwe mu bagize umuryango wa BPR Bank.'

Ubuyobozi bwa BPR Bank Rwanda kandi bwagaragaje ko abenshi bwabishyuriye amashuri, abandi bahabwa akazi mu gihe urugendo rugikomeje.

Ati 'Uyu mwaka BPR yabonye ko ari ingenzi gushyira imbere imibereho myiza y'abasigaye, cyane abakomeje kwibasirwa n'ingaruka z'amateka mabi, ni yo mpamvu twatanze inkunga mu bufatanye bwa 'Your wellbeing center', muri gahunda igamije kubafasha gukira ibikomere no kongera kwiyubaka.'

Mutesi yasobanuye ko iyi gahunda ijyanye n'imbaraga Leta y'u Rwanda ikomeje gushyira mu kwimakaza ubuzima bwo mu mutwe no gukomeza urugendo rwo gukira ku barokotse Jenoside yakorewe Abatutsi n'ababakomokaho.

Yasoje asaba abarokotse Jenoside kudaheranwa n'agahinda ndetse no kwigirira icyizere.

Ati 'Icyo nababwira ni ukudaheranwa n'agahinda, bagire icyizere kuko ejo ari heza, cyane ko bafite Leta ibitayeho ndetse twebwe nka BPR by'umwihariko tubitayeho kubera ko dufite inshingano zo gukomezanya na bo muri uru rugendo.'

Umuyobozi Mukuru wa BPR Bank Rwanda, Mutesi Patience, yagaragaje ko kwita ku miryango y’abahoze ari abakozi bayo bishwe muri jenoside ari inshingano zayo

Abakozi ba BPR Bank bibutse bagenzi babo bakorera muri iyi banki bazize Jenoside yakorewe Abatutsi

Abahoze ari abakozi ba BPR Bank 33 bishwe muri Jenoside yakorewe Abatutsi mu 1994

Abakozi ba BPR Bank Rwanda bunamiye inzirakarengane zazize jenoside yakorewe Abatutsi

Abakozi ba BPR Bank Rwanda bashyira indabo ku rwibutso rwa Jenoside ruri ku cyicaro cy'iyi banki

Yabivuze ubwo abayobozi n'abakozi ba BK Group bifatanyaga b'Abanyarwanda kwibuka ku nshuro ya 31 Jenoside yakorewe Abatutsi mu 1994.

Ni igikorwa cyabereye ku Rwibutso rwa Jenoside yakorewe Abatutsi rwa Kigali ruri ku Gisozi, ku mugoroba wa tariki 11 Mata 2025.

Cyatangiriye ku gushyira indabo ku rwibutso rw'abagera kuri 15 bakoreraga Banki ya Kigali bishwe muri Jenoside, ruri ku cyicaro cy'iyi banki.

Nyuma abakora muri BK Group bakomereje ku Rwibutso rwa Jenoside rwa Kigali bunamira inzirakarengane zisaga 250.000 zihashyinguye ndetse bashyira indabo ku mva mu rwego rwo kubasubiza icyubahiro.

Umuyobozi Mukuru wa BK Group, Dr. Ndagijimana Uzziel, yanenze abari barize bajijutse mu Rwanda ariko bakamira bunguri ingengabitekerezo y'amacakubiri yazanywe n'Abakoloni kugeza ku rwego ubutegetsi bwariho butegura bukanashyira mu bikorwa Jenoside yakorewe Abatutsi.

Yanenze kandi n'umuryango mpuzamahanga utaragize icyo ukora, mu gihe yashimiye Inkotanyi zahagaritse Jenoside.

Yavuze ko imyaka 31 ishize Jenoside irangiye itanga icyizere cyo kudatezuka mu iterambere, asaba buri wese gutanga umusanzu we uko ashoboye mu gukomeza muri uwo mujyo.

Ati 'Muri iyi myaka 31 ishize, u Rwanda rwarahindutse kandi rwahindutse burundu bidasubirwamo. Ntawe uzadusubiza aho twavuye kuko dufite ubuyobozi bwiza bufite icyerekezo cyiza n'abaturage basobanukiwe aho twavuye habi n'aho tugeze heza ndetse n'aho twifuza kugera kandi twese dufatanyije nk'Abanyarwanda.'

Nubwo bimeze gutyo, Dr. Ndagijimana yibukije ko ibyo bikwiye kujyana no gukora cyane by'umwihariko mu batanga serivisi z'imari.

Ati 'Muri uru rugendo rwo kubaka igihugu dufitemo uruhare runini nk'Abanyarwanda muri rusange ariko by'umwihariko abakora mu rwego rw'imari. Turusheho gutanga serivisi nziza, dusobanurire abaturage ibyo dukora byabafasha mu bikorwa byabo byo kwiteza imbere kandi tugere no ku bafite amikoro make, dufashe Leta kugera kuri gahunda yo kugeza serivisi z'imari kuri bose.'

Rugirabaganwa Gaspard uri mu bakozi ba BK barokotse Jenoside yakorewe Abatutsi, mu buhamya bwe yavuze ko nta musaraba yabonye uruta uburyo yarokotsemo ariko kandi ko hari isomo rikomeye ry'ubuzima bitanga.

Ati 'Twari twamaze kwakira urupfu ariko uyu munsi iyo twibutse ko hari amahoro kandi nta habi hashoboka tutageze bidutera imbaraga. Turarwanira kubaho no gukora ibishoboka ngo Jenoside itazongera ukundi kandi nta cyo dutinya kuko twamaze kubona ko ubuzima umuntu ari we ubuharanira.'

Komiseri ushinzwe amategeko mu Ishami ry'Umuryango w'Abibumbye ryita ku Mpunzi mu Rwanda (UNHCR), Ndabirora Kalinda Jean Damascène, yavuze ko biteye agahinda kuba uyu munsi igihugu kigihanganye no gusobanura ko icyabaye mu Rwanda ari Jenoside yakorewe Abatutsi.

Yatanze urugero kuri Leta zunze Ubumwe za Amerika n'u Bwongereza byinangiye bigakomeza gukoresha inyito ya Jenoside yo mu Rwanda ariko ko hazabaho gukomeza gusobanura ukuri.

Ati 'Abakomeza gukoresha iyo mvugo bagamije kwanga kwemera abakorewe Jenoside bitwaje ko hari Abahutu n'Abatwa bapfuye. Ariko igihe kirageze ngo dukomeze guhangana n'abakoresha ibyo binyoma kuko twe dufite ukuri.'

BK Group ni ikigo kibarizwamo Banki ya Kigali (BK), Ikigo cy'Ubwishingizi cya BK (BKGI), Umuryango BK Foundation, BK Capital na BK TecHouse.

Igikorwa cyo kwibuka ku bakoze ba BK cyatangiriye ku Rwibutso rwa Jenoside rwayo

Abagize BK Group bashyize indabo ku rwibutso rw’abari abakozi ba BK bishwe muri Jenoside yakorewe Abatutsi

Ubwo abakozi ba BK Group bashyiraga indabo ku mva zishyinguyemo Abatutsi bishwe muri Jenoside mu 1994

Nyuma yo gushyira indabo ku mva, hakurikiyeho umwanya w’ibiganiro

Ubwo hafatwaga umunota kwo kwibuka Abatutsi bishwe muri Jenoside

Abantu 15 bakoreraga BK bishwe muri Jenoside yakorewe Abatutsi

Munyantwali Alphonse uhagarariye Aegis Trust mu Rwanda, ari mu bitabiriye iki gikorwa cyo kwibuka

Ndabirora Kalinda Jean Damascène yavuze ko biteye agahinda kuba uyu munsi igihugu kigihanganye no gusobanura ko icyabaye mu Rwanda ari Jenoside yakorewe Abatutsi

Rugirabaganwa Gaspard uri mu bakozi ba BK barokotse Jenoside yakorewe Abatutsi, mu buhamya bwe yavuze ko nta musaraba yabonye uruta uburyo yarokotsemo

Abitabiriye iki gikorwa cyo kwibuka bacanye urumuri rw’icyizere

Abana bo muri Sherie Silver Foundation babinyujije mu mukino, bagaragaje ko u Rwanda rwavuye habi ariko ubu hari icyizere

Umuyobozi Mukuru wa BK Group, Dr. Ndagijimana Uzziel, yavuze ko ibihe bya Jenoside yakorewe Abatutsi mu 1994, u Rwanda rwanyuzemo, nta muntu uwo ari we wese uzabirusubizamo

Amafoto: Kwizera Remy Moses