Category: Uncategorized

Yabitangaje ku wa 13 Mata 2025 mu gikorwa cyo kwibuka abanyapolitike bishwe bazira kurwanya itegurwa n'ishyirwa mu bikorwa rya Jenoside yakorewe Abatutsi mu 1994, cyabereye ku Rwibutso rwa Jenoside rwa Rebero.

Mukabunani yavuze ko ubukoloni bw'Ababiligi ari bwo bwatangije politike y'amacakubiri mu Rwanda, n'ubutegetsi bwakurikiyeho nyuma y'icyiswe ubwigenge bwahawe u Rwanda bakomereza muri politike itanya Abanyarwanda.

Yashimangiye ko abanyapolitike bibukwa bishwe bazira kurwanya ingoma y'igitugu yarenganyaga Abatutsi, bakajujubywa, kugeza ubwo bishwe bazira uko bavutse.

Ati 'Bishwe bazira ubutwari bwabo bwo kurwanya ingoma y'igitugu no kwanga akarengane. Babikoze baharanira ko igihugu kirangwa n'imiyoboree iha agaciro abanyarwanda bose nta vangura. Turabunamira twiyemeza gukomeza guharanira imiyoborere myiza no kubaka igihugu cyacu twese dushyize hamwe.'

Mukabunani yashimiye Ingabo zari iza RPA zahagaritse Jenoside yakorewe Abatutsi zikanabohora igihugu ubu kikaba gitekanye.

Ati 'Twe rero abanyapolitike bariho muri iki gihe ndetse n'abazaza dufite inshingano yo gutoza abayoboke bacu n'abandi Banyarwanda muri rusange kubana neza mu mahoro tugakomeza kubaka igihugu cyacu, tukaba intangarugero mu byo dukora byose tugaharanira imibereho myiza n'imiyoborere myiza bityo turasabwa kunga ubumwe, tukarwanya uwo ari we wese washaka kudusubiza inyuma kandi twese tukabikora dufatanyije.'

Yasabye urubyiruko kwirinda ababashuka bashaka kubifashisha mu bikorwa bisenya ubumwe bw'abanyarwanda.

Yakomoje no ku bikorwa by'ubunyamaswa bikorerwa mu burasirazuba bwa Repubulika Iharanira Demokarasi ya Congo, bica Abatutsi, Abanyamulenge, n'Abandi bavuga Ikinyarwanda, ahamya ko babyamaganye kandi bamagane n'amahanga abirebera.

Mukabunani Christine yavuze ko imitwe ya Politike yiyemeje kwigisha Abanyarwanda ibyatuma basigasira ubumwe bwabo

Uyu mubyeyi avuka mu Murenge wa Kagarama mu Kagari ka Kanserege mu Karere ka Kicukiro, Jenoside yakorewe Abatutsi yabaye afite imyaka 14, bigaragaza ko yabonye ibyabaye ndetse byinshi akaba abyibuka nk'ibyabaye ejo.

Maniraguha uvuka mu bana icyenda, basigaye ari batatu gusa abandi bicanwa n'ababyeyi babo muri Jenoside yakorewe Abatutsi.

Ni umwe mu barokotse Jenoside yakorewe Abatutsi bari muri ETO Kicukiro, kugeza ku wa 11 Mata 1994 ubwo Ingabo z'Ababiligi zatereranaga abari bazihungiyeho zigahitamo kuzinga utwangushye twazo zikabasiga mu kaga.

Ati 'Kurokoka kwa njye nk'abandi Batutsi bose, navuga ko ari amahirwe cyangwa umugambi w'Imana ni ko dukunze kubivuga nk'abakirisitu. Nari ndi muri ETO Kicukiro kugera ku itariki ya 11 Mata. Ubwo ababyeyi banjye, abavandimwe banjye, abaturanyi batangiraga inzira y'umusaraba, nagize umugisha nza kubona umuntu wari umukozi ukorera umuryango mpuzamahanga washoboye kumfata arangendana, ngenda nitwa izina y'umwana we, turagenda kugera ndokotse.'

Yavuze ko Abarokotse Jenoside yakorewe Abatutsi bakwiye kugira uruhare mu kugaragaza ukuri gushingiye ku bukana n'ubugome Jenoside yakoranywe, ibyo banyuzemo mu gihe cya Jenoside hagamijwe kugaragaza ukuri kw'ibyabaye mu guhangana n'abakomeje kuyipfobya.

Ati 'Abapfobya amateka yacu ntabwo bizabahira, nta nubwo byabakundira kuko twebwe ubwacu turi ubuhamya. Turahari ngo tuvuge ibyabaye, tubwire Abanyarwanda n'abanyamahanga ko Jenoside yabaye kandi itagomba kuba ukundi.'

Yongeyeho ati 'Rero nibahinduke kuko icyo twifuza ni kimwe, nk'uko turi muri Leta y'ubumwe tugomba kwiga kubana mu mahoro. Niba twarateye intambwe yo kubabarira, nibakire izo mbabazi kandi tubane neza.'

Yasabye kandi abarokotse Jenoside kumva ko hari impamvu yatumye basigara kandi ko badakwiye kuyitesha agaciro ahubwo bagomba guharanira kubaho ubuzima bwiza buhesha ishema ababyeyi, inshuti n'abavandimwe bishwe muri Jenoside.

Ati 'Abarokotse Jenoside yakorewe Abatutsi, kuba turiho hari impamvu yatumye dusigara, kandi ntibakwiye gutesha agaciro iyo mpamvu. Imyaka 31 irashize dukomeze dukomere, twiyubake kugira ngo abatwishe bashaka ko dushira babone ko duhari, ababyeyi bacu babone ko twabyaye kandi twashibutse. Dukwiye kubaho ndetse kubaho neza kugira ngo ababyeyi bacu, abavandimwe bacu aho bari baterwe ishema natwe.'

Maniraguha usanzwe asengera mu Itorero ry'Ivugabutumwa ry'Inshuti mu Rwanda, yagaragaje ko abantu bakwiye kwihana neza kuko hari benshi bagiye bicwa n'abo basenganaga, abari abayobozi b'amatorero abandi bicirwa mu nsegero bari bahiteze amakiriro.

Yagaragaje ko nyuma ya Jenoside yakorewe Abatutsi amatorero yagize uruhare mu rugendo rw'isanamitima no komora ibikomere, ndetse akanafasha abantu kongera kugira umuryango no kwigisha abayoboke bayo.

Umuyobozi uhagarariye Abarokotse Jenoside yakorewe Abatutsi mu Itorero ry'Ivugabutumwa ry'Inshuti mu Rwanda, Uwiragiye Genevieve, yavuze ko kwibuka bibafasha kuzirikana no guha agaciro abishwe bazira uko bavutse, asaba abayirokotse gukomeza gukomera no guhangana n'abagishaka kubatoneka.

Umuvugizi w'Itorero ry'Ivugabumwa ry'Inshuti mu Rwanda ( EEAR), Pasiteri Mupenda Aron, yagaragaje ko mu rugendo rw'ubwiyunge n'isanamitima amatorero yagize uruhare runini muri byo, mu rwego rwo kongera kugarura icyizere yari yaratakaje mu gihe cya Jenoside yakorewe Abatutsi ubwo abantu biciwe mu nsengero, abakirisitu n'abayobozi b'amadini n'amatorero bakayijandikamo.

Yerekanye ko urubyiruko rwavutse nyuma ya Jenoside yakorewe Abatutsi rukwiye kwigishwa amateka y'ibyabaye, kugira ngo rumenye ukuri kandi rubashe kurwanya ko ibyabaye byazongera kubaho.

Ati 'Ubu intambara nini isigaye ni iyo kubeshyuza, kuvuguruza abashaka kugoreka ukuri kw'amateka ya Jenoside. Uru rubyiruko rero ni ukurubwira amateka y'ukuri, tukanarusaba kuvuguruza, kunyomoza ndetse no kwamagana uwo ari we wese ushaka kugoreka amateka yacu kuko nitwe tuyazi, n'ingaruka yateye n'Abanyarwanda nitwe tubizi.'

Yashimangiye ko ababyeyi n'amatorero bafite inshingano yo kwigisha abato amateka kugira ngo babashe guhinyuza abashaka kuyagoreka ku bw'inyungu zabo bwite.

Maniraguha Solange yagaragaje ko abarokotse Jenoside yakorewe Abatutsi ari ubuhamya bugenda kandi bugaragaza ukuri kw’ibyabaye

Itorero ry’Ivugabutumwa ry’Inshuti mu Rwanda ryibutse abari abakirisitu baryo bishwe muri Jenoside

Abakirisitu beretswe ko urugamba rusigaye ari urwo guhangana n’abapfobya n’abagoreka amateka ya Jenoside yakorewe Abatutsi

Abato basabiwe kwigishwa amateka ya Jenoside yakorewe Abatutsi mu buryo bwimbitse kandi amatorero akabigiramo uruhare

Ibi Komiseri Bayingana yabigarutseho mu kiganiro yahaye IGIHE, ubwo yifatanyaga n'abatuye Akarere ka Rubavu mu kwibuka ku nshuro ya 31 Abatutsi biciwe ku Nyundo.

Ati 'Ibiri kuba ku baturage bo mu bwoko bw'Abatutsi batuye muri Repubulika Iharanira Demokarasi ya Congo mu myaka itatu ishize n'ibyayibanjirije, bimeze nk'ibyari mu Rwanda mu myaka ya 1990 — 1994, kuko inyigisho mbi zuzuye amacakubiri za FDLR yazambukanye, bivuze ko hariya gukora Jenoside biroroha kuko bayigerageje ndetse bakayikora mu Rwanda, ku buryo mu minsi 100 bishe Abatutsi barenga miliyoni.'

Yakomeje avuga ko ubugome bwa FDLR mu bikorwa byo kumena amaraso, aribwo burimo gukoreshwa bica abantu bameze nk'abo bicaga mu myaka 31 ishize.

Komiseri Bayingana asanga amahanga akwiriye kwicara akumva neza ikibazo cy'ibiri kubera mu Burasirazuba bwa Repubulika Iharanira Demokarasi ya Congo akabivuga, atitaye ku mpamvu zirimo n'iza Politiki.

Yavuze ko ibiri kuba ku Batutsi bo muri Repuburika iharanira Demokarasi ya Congo nk'Umuryango IBUKA nta handi babyifuza, kuko bazi neza ingaruka za Jenoside, yaba mu gusenya umuryango, abantu ku giti cyabo cyangwa Igihugu.

Yakomeje avuga ko nk'Abarokotse Jenoside yakorewe Abatutsi mu Rwanda aribo bafite inkuru yo kubara, ariyo mpamvu bifuza ko icyo byasaba cyose cyatangwa kugira ngo Jenoside irimo gukomeza kugeragerezwa ku Batutsi bo muri Congo ihagarare, ndetse baba batanashoboye kuyihagarika bagafashwa.

Komiseri mu Muryango Ibuka, Bayingana Janvier yavuze ko imibereho y'Abatutsi muri RDC ntaho itaniye n'ibyari mu Rwanda mu 1990

Abanyapolitiki bashyinguye mu Rwibutso rwa Jenoside rwa Rebero, bibukwa kuri uyu munsi ni 21 barimo abo mu Mujyi wa Kigali no mu ntara zitandukanye bishwe bazizwa kurwanya umugambi wa Jenoside yakorewe Abatutsi mu 1994.

Barimo Landouard Ndasingwa (PL), Charles Kayiranga (PL), Jean de la Croix Rutaremara (PL), Augustin Rwayitare (PL), Aloys Niyoyita (PL), Venantie Kabageni (PL), Andre Kameya (PL), Frederic Nzamurambaho (Yari Perezida wa PSD na Minisitiri w'Ubuhinzi), Felicien Ngango (PSD), Jean Baptiste Mushimiyimana (PSD), Faustin Rucogoza (MDR) na Joseph Kavaruganda wari Perezida w'Urukiko rw'Ikirenga.

Abandi ni Ngulinzira Boniface, Prof Rumiya Jean Gualbert, Dr Habyarimana Jean Baptiste, Ruzindana Godefroid, Dr Gafaransa Théoneste, Ndagijimana Callixte, Nyagasaza Narcisse, Gisagara Jean Marie Vianney na Rwabukwisi Vincent (Ravi).

Igikorwa cyo kwibuka ku nshuro ya 31 abanyepolitiki barwanyije umugambi mubisha wa Jenoside yakorerwaga Abatutsi cyitabiriwe n'abayobozi mu nzego nkuru z'Igihugu n'abahagarariye imiryango y'abishwe bashyinguye mu Rwibutso rwa Jenoside rwa Rebero. 

Abandi bitabiriye ni abahagarariye ibihugu n'imiryango mpuzamahanga ikorera mu Rwanda, Abadepite n'Abasenateri n'abahagarariye inzego zitandukanye.

Uyu munsi hari kwibukwa ku nshuro ya 31 abanyepolitiki 21 barwanyije umugambi mubisha wa Jenoside yakorerwaga Abatutsi

Abafashwe ni Niyoyandika Elyse na Usabyimbabazi Pierre, bombi bafite imyaka 18.

Bafashwe nyuma y'iperereza ryakozwe ku cyaha bakekwaho cyo kwinjira mu nzu ya Nyiramugwera Evodie w'imyaka 64, tariki ya 2 Mata 2025 ahagana Saa Tanu za mu gitondo (11:00), bakoresheje icyuma kizwi nka fer à béton bicishije urugi rw'inzu.

Ibikoresho byibwe harimo televiziyo ya Samsung, dekoderi, antenne, telekomande, na telefone nto ya Itel.

Nyuma y'ifatwa ry'aba bakekwa, hamenyekanye ko ibyo bikoresho byagurishijwe kwa Kubwimana Dominique ku bihumbi 40 Frw. Polisi yasanganye Kubwimana televiziyo hamwe na dekoderi, nawe yemera ko yabiguze kuri aba basore.

Bombi bafungiwe kuri sitasiyo ya Polisi ya Rubengera kugira ngo bakurikiranwe n'amategeko.

Umuvugizi wa Polisi y'u Rwanda, mu Ntara y'Iburengerazuba, SP Karekezi Twizere Bonaventure, mu kiganiro na IGIHE yibukije abaturage ko ubujura buciye icyuho ari icyaha gihanwa n'amategeko, ashimira abaturage uburyo bakomeje kugira uruhare mu gukumira ibyaha binyuze mu gutanga amakuru ku gihe.

Ati “Turabakangurira kandi kwirinda kugura ibintu batazi inkomoko yabyo kuko bishobora kubaviramo gufatwa nk'abafatanyacyaha. Tuboneyeho umwanya wo gukangurira urubyiruko kwirinda ibishuko bishobora kubajyana mu byaha, tubibutsa ko ubujura atari wo muti w'ubukene”.

Abasore babiri bo mu Karere ka Karongi batawe muri yombi, bakekwaho kwiba ibikoresho by’ikoranabuhanga

Yabigarutseho kuri uyu wa 12 Mata 2025, ubwo hibukwaga Abanyamakuru bishwe muri Jenoside yakorewe Abatutsi mu 1994.

Mutesi Scovia yagaragaje ko aterwa ipfunwe no kuba hari abanyamakuru bagize uruhare mu gushishikariza abantu kwitabira gushyira mu bikorwa Jenoside, asaba ko umutimanama ukwiye kuruta amashuri abanyamakuru bize mu rwego rwo gukora umwuga wabo kinyamwuga no kuwunoza kurushaho.

Ati 'Umutimanama ukwiye kuruta impamyabumenyi mubitse, ukwiye kuruta amashuri mwiza, uko bababwiye. Ukaruta uko ababyeyi banyu bababwiye ko ibi bitavugwa ibi bivugwa. Umutimanama ukwiye gufata iya mbere mu gutuma abapfobya Jenoside, abayihakana bakoresheje itangazamakuru… iyi nzira dufite y'umurongo uranguruye, uvugira ahirengeye mu byiciro byose, dutuma Abanyarwanda bumva neza ubukana Jenoside yakoranywe.'

Yagaragaje ko bimwe mu binyamakuru mpuzamahanga bikomeje kugira uruhare mu guhakana no gupfobya Jenoside yakorewe Abatutsi, asaba ko abanyamakuru bo mu Rwanda kugira uruhare mu kubirwanya.

Ati 'Mureke twange kwemera ko kuba umuntu yarabaye igihangange mu kinyamakuru cye, bimuha ubuhangange bwo kuvuga ukuri kw'igihugu cyacu. Nemera ko umunyamakuru adakwiye kubeshya kandi adakwiye gukoreshwa n'indonke.'

Mutesi Scovia yatangaje ko kuri ubu hari abanyamakuru babirinduwe n'indonke, inda igasumba umurage w'igihugu cyabo barimo n'abashobora kuba bavuka mu miryango yarokotse Jenoside yakorewe Abatutsi ariko bakayipfobya.

Umuyobozi Mukuru w'Urwego rw'Igihugu rw'Itangazamakuru (RBA), Barore Cléophas, yagaragaje ko itangazamukuru mu gihe cya Jenoside yakorewe Abatutsi naryo ryakozwe mu nda.

Ati 'Itangazamukuru ryakozwe mu nda kuko ryabuze abagabo n'abagore, bazizwa ko ari Abatutsi, ntibahowe ko ibyo batangazaga byari byishe amahame y'umwuga kandi n'iyo biza kuba ari byo bakoze, uwishe amahame y'umwuga ntiyicwa arakeburwa, yananirana agahanwa n'amategeko atarimo igihano cy'urupfu.'

Minisitiri muri Perezidansi, Uwizeye Judith, yagaragaje ko ingengabitekerezo ya Jenoside n'ipfobya ryayo ryafashe indi ntera, bigashimangira ko nta somo abagize umuryango mpuzamahanga basigiwe na Jenoside yakorewe Abatutsi mu Rwanda mu 1994.

Yasabye abanyamakuru ko mu gihe ingengabitekerezo ya Jenoside ikomeje gukwira mu Karere u Rwanda ruherereyemo by'umwihariko muri Repubulika Iharanira Demokarasi ya Congo, rikwiye kugira uruhare mu kugaragaza ukuri.

Ati 'Kubera icyizere itangazamakuru rigirirwa ni ngombwa ko abanyamakuru mwumva ko mufite inshingano yo guhora ku ruhembe rwo gutanga amakuru nyayo, no kugaragaza ukuri ku mpamvu zitera umutekano muke muri RDC. Ari uko Abanye-Congo baharanira uburenganzira bwabo burimo ubwo kubaho, bahora bitwa Abanyarwanda, bicwa bunyamaswa biturutse ku mvugo z'urwango z'abanyapolitiki barimo n'abo mu nzego nkuru zacyo, ibikorwa bitandukanye birimo kwangiza imitungo yabo ndetse n'ibindi bikorwa bibi byinshi bakorerwa.'

Yagaragaje ko bibabaje kubona bamwe mu banyamakuru b'Abanyarwanda batinyuka guhakana no gupfobya Jenoside yakorewe Abatutsi kandi bazi uburemere bw'ingaruka zayo.

Yabasabye kandi kugira uruhare mu bikorwa byo kwimakaza ubumwe n'ubudaheranwa bw'Abanyarwanda.

Minisitiri Uwizeye yavuze ko Guverinoma y'u Rwanda izakomeza gushyigikira iterambere ry'itangazamakuru.

Visi Perezida wa IBUKA, Christine Muhongayire, yasabye abanyamakuru kugira uruhare mu kurwanya ingengabitekerezo ya Jenoside ikomeje gukwirakwira no mu Karere u Rwanda ruherereyemo.

Umuyobozi Mukuru w'Urwego rw'Abanyamakuru Bigenzura mu Rwanda (RMC), Mutesi Scovia, yagaragaje ko abanyamakuru bakwiye gushyira imbere umutimanama

Umuyobozi Mukuru w'Urwego rw’Igihugu rw’Itangazamakuru (RBA), Barore Cléophas, yagaragaje ko itangazamukuru mu gihe cya Jenoside yakorewe Abatutsi naryo ryakozwe abanyamakuru bishwe bazizwa ko ari Abatutsi

Uhagarariye imiryango y’ababuze ababo bari abanyamakuru, Karangwa Francois yashimye iki gikorwa cyo kubibuka, asaba abato kugira uruhare mu gukumira ingengabitekerezo ya Jenoside n’imvugo z’urwango

Minisitiri Uwizeye Judith yasabye abanyamakuru kuba ku ruhembe mu kugaragaza ukuri

Visi Perezida wa IBUKA, Christine Muhongayire, yasabye abanyamakuru kugira uruhare mu kurwanya ingengabitekerezo ya Jenoside

Umuhanzi Bonhomme yafashije abanyamakuru kuzirikana abazize Jenoside yakorewe Abatutsi binyuze mu ndirimbo

Senateri Emmanuel Havugimana yagaragaje ko itangazamakuru ryagize uruhare muri Jenoside yakorewe Abatutsi binyuze mu kubiba urwango mu baturage

Mbungiramihigo Peacemaker wakoze itangazamakuru mbere ya Jenoside yagaragaje uko batotezwaga na bagenzi babo babita ibyitso by’Inkotanyi

Umunyamabanga Nshingwabikorwa wa ARJ, Habumuremyi Emmanuel akurikiye ubuhamya

Abayobozi muri RBA barimo Paul Rutikanga, Munyarukumbuzi Emmanuel, Nzabandora Leon na Jean Pierre Kagabo

Abanyamakuru batandukanye bitabiriye iki gikorwa

Hacanwe urumuri rw’icyizere cyo kubaho

Umuvugizi wa RIB, Dr. Murangira B. Thierry, mu bitabiriye igikorwa cyo kwibuka abanyamakuru bishwe muri Jenoside yakorewe Abatutsi mu 1994

Abanyamakuru batandukanye n’abayobozi bitabiriye

Ingabire Egidie Bibio wayoboye iki gikorwa

Amafoto: Kwizera Hervé

Ni amakuru yamenyekanye ku wa 11 Mata 2025, bikavugwa ko hari amafaranga uyu muyobozi yafashe nk'inguzanyo mu baturage ariko ntiyishyure, arimo n'aya mituweli yakiriye ngo abishyurire ariko ntabikore, abaturage bakaba bifuza ko yabishyura ku neza.

Umuyobozi w'Akarere ka Nyanza, Ntazinda Erasme, yatangarije IGIHE ko uyu muyobozi yatawe muri yombi kugira ngo akurikiranweho ibyo ashinjwa.

Ati 'Ni byo yafunzwe kubera amafaranga y'abaturage.'

Meya Ntazinda ntiyasobanuye byinshi ku ifatwa ry'uyu muyobozi, ariko amakuru IGIHE yamenye ni uko afungiye kuri RIB, Sitasiyo ya Nkomero mu Karere ka Nyanza.

Gitifu w'Akagari ka Nyabinyenga afitiye abaturage ideni ry'agera ku bihumbi 500 Frw, bifuza ko abishyura.

Ibiro by’Umurenge wa Cyabakamyi ubarizwamo Akagari ka Nyabinyenga, mu Karere ka Nyanza

Ubwo hibukwaga Jenoside yakorewe Abatutsi hanunamirwa abarenga ibihumbi 30 bashyinguwe mu Rwibutso rwa Jenoside rwa Ndera ku wa 11 Mata 2025, nibwo hagaragajwe ko abari bahungiye mu bitaro bya Careas Ndera batereranywe n'Ingabo z'Ababiligi.

Usabye Grace ni umwe mu baharokokeye kandi Jenoside yabaye afite imyaka 10 bivuze ko byinshi mu byabaye yabirebaga.

Yavuze ko ubwo Jenoside yakorewe Abatutsi yatangiraga, abaturiye hafi n'ibitaro bya Caraes Ndera bahisemo kubihungiramo kuko byari byubatswe mu buryo bidashobora kugerwaho na buri wese.

Yerekanye ko Interahamwe zabimenye zikiyemeza kujya zirasa mu bitaro zishaka kwica ababihungiyemo, bituma abarwayi babyivurizagamo benshi bicwa.

Nyuma y'iminsi itari mike baraswaho, Ingabo z'Ababiligi zagiye kureba bagenzi babo bakoreraga kuri ibyo bitaro, abari babyihishemo bibwira ko nabo bagiye gutabarwa.

Ati 'Twavuye ahantu twari twihishe, tuza tuzi ko bagiye kuza kudutabara, yewe banakingura imiryango abantu bose bari barimo batarapfa n'abatari bakomeretse cyane turasohoka. Baraza n'imodoka, twumva ko turokotse ariko ikintu kibabaje baraje bajyana imbwa zo mu ba padiri bazishyira mu modoka, hari n'umurwayi w'umuzungu na we baramutwara. Umuntu wese wari ufite uruhu rwera baramutwara, badusiga aho.'

Yavuze ko abo Babiligi babaye nk'abashumurije abari bahungiye muri ibyo bitaro interahamwe kuko bari bamaze gufungura imiryango yinjiragayo.

Ati 'Interahamwe zari ziri hafi aho ngaho kuko hari n'umusirikare wabo (u Bubiligi) umwe wahakomerekeye. Bamaze kugenda rero nibwo zabonye uko zica abantu neza kuko bari bamaze no gufungura amarembo. Twasubiyemo twiruka tugwirirana, abantu bamwe baburana n'abandi kuko nanjye Papa muheruka mbere y'uko Ababiligi baje.'

Icyo gihe hahise hoherezwa abasirikare, berekeza i Ndera barasa Caraes Ndera hifashishijwe imbunda ziremereye ku buryo nta muntu wari uzi ko azavamo ari muzima.

Mu kurasa kandi ngo abo basirikare ntibari bitaye ku kureba ko harimo n'abarwayi bafite ibibazo by'ubuzima bwo mu mutwe.

Yavuze ko nyuma Interahamwe zaje kwinjira muri Caraes Ndera zisohora abari barokotse amasasu, zitangira kubambura imyenda n'utundi tuntu tw'agaciro zikabijyana ari nako zikomeza kubica.

Usabye yavuze ko yabonye se atemwa n'uwari umuturanyi we, amucyurira ngo azongere akore imwe mu mirimo yakoraga irimo gukora amazi n'amashanyarazi.

Yagaragaje ko abari abarwayi bishwe cyane kuko bo aho bari bari mu bitaro batari bafite ubushobozi bwo kwibuka ku buryo byatumye bishwa n'amasasu ari benshi.

Ku bw'amahirwe we na nyina babashije kurokoka nubwo banyuze mu nzira igoye cyane, ariko ko kuri ubu yamaze kwiyubaka.

Visi Perezida wa Sena y'u Rwanda, Nyirahabimana Solina, yavuze ko intambwe u Rwanda rumaze gutera mu buryo bwose ishimishije kandi itazasubira inyuma, ariko asaba Abanyarwanda kurwanya abatarwifuriza ibyiza kuko bagihari.

Yavuze ko amateka ya Jenoside yakorewe i Ndera ndetse no mu bindi bice by'Umujyi wa Kigali, yerekana ko Isi itagira imbabazi.

Ati 'Abatutsi bari bahungiye hano, bari hamwe n'abanyamahanga, ariko twagaragarijwe ko ingabo za MINUAR zari zigizwe ahanini n'Abasirikare b'Ababiligi, baraje batwara bene wabo batererana Abatutsi, baricwa.'

Senateri Nyirahabimana yongeye gushimangira ko hakigaragara abagifite ingengabitekerezo ya Jenoside, asaba uruhare rwa buri wese by'umwihariko urubyiruko mu kuyirwanya.

Ati 'Haracyari Abanyarwanda ndetse n'abanyamahanga bakwirakwiza ingengabitekerezo ya Jenoside kandi bahakana bakanapfobya Jenoside yakorewe Abatutsi. Abo banzi b'igihugu cyacu bakoresha uburyo butandukanye, harimo n'imbuga nkoranyambaga. Ni inshingano ya buri wese, kubavuguruza tugaragaza ukuri ku itegurwa n'ishyirwa mu bikorwa rya Jenoside yakorewe Abatutsi.'

Usabye Grace uri mu barokokeye muri Caraes Ndera atanga ubuhamya

Abato bunamiye abazize Jenoside yakorewe Abatutsi

Umunyamabanga Nshingwabikorwa w’Akarere ka Gasabo, Bayasese Bernard, yavuze ko bagiye kubaka urwibutso rugari i Ndera

Senateri Mukabalisa Donatille ni umwe mu bitabiriye iki gikorwa

Visi Perezida wa Sena, Nyirahabimana Solina, yasabye kurwanya ingengabitekerezo ya Jenoside

Senateri Mukabaramba Alvera ubwo yumvaga ubuhamya

Depite Madina Ndangiza akurikiye ubuhamya bwatanzwe

Senateri Nyirasafari Esperance ari mu bagize Inteko Ishinga Amategeko bifatanyije n’abaturage b’i Ndera mu kwibuka Jenoside yakorewe Abatutsi mu 1994

Umuhanzi Grace ni we waririmbiye abitabiriye iki gikorwa, atanga ubutumwa bw’icyizere binyuze mu ndirimbo

Visi Perezida w’Umutwe w’Abadepite, Sheikh Mussa Fazil Harerimana, na we yifatanyije n’abaturage b’i Ndera kwibuka Jenoside yakorewe Abatutsi muri ako gace

Depite Kalisa Jean Sauveur na Dr. Ntaganira watanze ikiganiro ku mateka

Abarokokeye i Ndera bavuze amazina ya bamwe mu bibukwa bishwe muri Jenoside yakorewe Abatutsi mu 1994

Ubwo hacanwaga urumuri rw’icyizere

Senateri Nyirahabimana Solina yasabye urubyiruko guhangana n’ingengabitekerezo ya Jenoside

Amafoto: Yassip Esther