Category: Uncategorized

Iki gikorwa cyateye impungenge nyinshi, kuko umuryango wa Guverineri wari uri mu rugo, ariko nta muntu wakomeretse. Abashinzwe umutekano bahise batabara vuba, bakuramo umuryango wa Guverineri ndetse batangira iperereza ku byabaye. 

Polisi ya Pennsylvania yatangaje ko ibikorwa byo gukusanya ibimenyetso no gukora iperereza bikomeje. Nyuma y'iki gikorwa, Guverineri Josh Shapiro yashimiye abashinzwe umutekano ku bwitange bwabo, anizeza abaturage ko Leta izakora ibishoboka byose kugira ngo abakoze iki gikorwa babiryozwe.

NBC News yavuze ko Guverineri Shapiro yanasabye abaturage gufasha Polisi mu iperereza, binyuze mu gutanga amakuru yose ashobora gufasha mu kumenya abakoze iki gikorwa.

Iki gikorwa cyateye impungenge mu baturage ba Pennsylvania, ariko abashinzwe umutekano barimo gukora ibishoboka byose kugira ngo iki kibazo gikemuke vuba.

Ni igikorwa cyabaye mu muhango witwa 'Ku Gicaniro' usanzwe ukorerwamo igikorwa cyo kwibuka abazize Jenoside yakorewe Abatutsi mu 1994. Cyateguwe n'Umuryango Nyarwanda w'urubyiruko witwa Peace and Love Proclaimers (PLP), Ishami rya Canada.

Ni umuhango wabereye ahitwa Shenkman Arts Center ku itariki 12 Mata 2025 ubanzirizwa no kumurika ibihangano by'ubugeni n'ubutumwa bwanditse bigaruka kuri Jenoside yakorwe Abatutsi kandi bifasha abantu kwibuka no gusigasira amateka ashaririye u Rwanda rwanyuzemo.

Mukarukundo Godelieve, warokotse Jenoside yakorewe Abatutsi yatanze ubuhamya ku nshuro ya mbere mu ruhame mu gukomeza bagenzi be barakotse n'abandi muri rusange.

Hanerekanywe filime mbarankuru igaragaza uburyo amateka ya Jenoside ashobora kwigishwa abana atabateye ubwoba kandi agaragaza ukuri, bakayasobanurirwa neza.

Kanyemera Pascal uhagarariye ihuriro ry'abarokotse Jenoside yakorewe Abatutsi ryo muri Canada ryitwa Humura Survivors Association, yashimye urubyiruko rwo muri PLP rwateguye icyo gikorwa kandi ashishikariza abari aho gukoresha imbuga nkoranyambaga bamagana abapfobya Jenoside.

Ambasaderi w'u Rwanda muri Canada, Higiro Prosper, yavuze ko Jenoside atari impanuka yagwiriye u Rwanda, ko ahubwo yateguwe ikanashyirwa mu bikorwa n'ubutegetsi bwariho bukoresheje ingengabitekerezo y'amacakubiri n'urwango.

Yashishikarije urubyiruko kugira indangagaciro z'ubumwe no kwitanga byaranze abitangiye u Rwanda ngo rube rugeze aho ruri uyu munsi.

Ubuyobozi bwa PLP Canada bwagaragaje ko buzakomeza gutegura ibikorwa byo kwibuka byitabirwa n'urubyiruko kugira ngo rurusheho gusobanukirwa amateka yaranze igihugu.

Abato n’abakuru bafashe umwanya wo kuzirikana amateka yaranze Jenoside yakorewe Abatutsi

Hatanzwe ubuhamya bugaruka ku mateka ya Jenoside yakorewe Abatutsi

Ambasaderi w'u Rwanda muri Canada, Higiro Prosper yavuze ko Jenoside atari impanuka yagwiriye u Rwanda ko ahubwo yateguwe ikanashyirwa mu bikorwa n'ubutegetsi bwariho bukoresheje ingengabitekerezo y'amacakubiri n'urwango

Urubyiruko rwari rwiganje mu bitabiriye Kwibuka31 muri Ottawa

Uyu musore yamenyekanye cyane binyuze mu itsinda ry’ibitaramo yashinze yise 'Zero tolerance rap battle', ryagiye ritaramira mu bihe bitandukanye muri Kigali Conference and Exhibition Village ahazwi nka Camp Kigali, aho yakunze kuba ari kumwe na bamwe mu banyeshuri biga umuziki ku ishuri rya muzika rya Nyundo. 

Ni igitekerezo yagize nyuma y’uko nawe asoje amasomo ku Nyundo, akiyemeza gukora umuziki ariko ateza imbere cyane injyana ya Hip Hop cyanye cyane ahereye ku bakiri bato bayiyumvamo.

Yatangariwe na benshi ubwo yari kumwe na bagenzi be mu gitaramo cya Gen-Z Comedy aho buri umwe yahawe umwanya wo kugaragaza icyo ashoboye.

Mu kiganiro na InyaRwanda, Kabarankuru yavuze ko yakuze yiyumvamo umuziki nubwo yasoje amasomo mu bijyanye n’ubwubatsi; ariko akavuga ko umuryango we wamuteye inkunga kandi ukamushyigikira kugirango yige amasomo ku Nyundo mu gihe cy’imyaka itatu.

Kabarankuru yavuze ko nk’abandi bahanzi bose, yakuze yumva indirimbo z’abandi, ndetse akifuza gutera ikirenge mu cyabo, ariko ko Alex Dusabe aza ku rutonde rw’abo ashaka gukorana nabo indirimbo.

Yavuze ko yiteguye gukorana indirimbo na Alex Dusabe nubwo byamusaba guhindura akava muri Hip Hop. Ati “N’iyo byansaba guhindura nkajya muri ‘Gospel’ arimo njyewe nabikora, ariko nkakorana indirimbo na Alex Dusabe.”

Kabarankuru yavuze ko yakunze indirimbo za Alex Dusabe ‘ntazi ko ari ize’. Ati “Ntigeze gukunda indirimbo eshanu za Alex Dusabe ntazi ko ari ize. Ku ishuri rero hari umusore waririmbaga ‘Gospel’ aza kuziririmba zose icyarimwe, ndamubwira nti izo ndirimbo zose uririmbye ndazikunda, ati izo ndirimbo ni izande? Njya kuzireba nsanga ni iza Alex Dusabe nari nsanzwe muzi, hanyuma nkajya numva n’ibiganiro by’abahanzi barimo Knowless, Butera Knowless bavuga ko ariwe muhanzi bakuze bakunda, ngira amatsiko yo kumureba.”

Uyu muraperi yavuze ko yakunze cyane Alex Dusabe binashingiye ku myitwarire ye ‘n’ibyo byansaba guhindura nkava muri Hip Hop nkakora Gospel ariko tuzayikorana’.

Alex Dusabe ni umwe mu bahanzi bamenyekanye cyane mu Rwanda kubera ubuhanga bwe mu ndirimbo zo kuramya no guhimbaza Imana (Gospel).

Afite indirimbo zikundwa n'abatari bake kuko ziba zifite amagambo yuje ukwizera, guhumuriza no gufasha abantu mu rugendo rwabo rwo kwizera.

Alex Dusabe amaze imyaka myinshi mu muziki  wo kuramya no guhimbaza Imana.

Yatangiye kera, mu bihe bitari byoroshye mu Rwanda gukorera umuziki wa Gospel nk'uko bimeze ubu. Yatangiye aririmba mu rusengero, nyuma aza gukora n'indirimbo ze ku giti cye.

Ni umwe mu bahanzi bamenyereweho kuvuga make no kudakunda kugaragara mu bitaramo byinshi cyangwa mu itangazamakuru. Ibi byatumye abantu benshi bamuha agaciro nk'umuntu wiyubashye kandi wubashywe mu muziki.

Benshi mu bahanzi bakomeye mu Rwanda barimo Butera Knowless, Tonzi n'abandi, bagiye bavuga ko bakuriye mu bihangano bye, ndetse bamwe bifuza kuzakorana na we igihe nikigera.

Alex Dusabe ntasohora indirimbo buri gihe, ahubwo azwiho gusohora indirimbo zifite ireme kandi zateguwe neza. Ibi bituma igihe yasohoye indirimbo, abantu bayumva bafite amatsiko n'icyizere cy'uko ubutumwa buyirimo bufite umumaro.

 Umuraperi Kabarankuru yatangaje ko afite inzozi zo gukorana indirimbo na Alex Dusabe nubwo byamusaba kureka Hip Hop akajya muri Gospel    

Alex Dusabe yamamaye mu ndirimbo zirimo 'Umuyoboro', ndetse bamwe mu bahanzi barimo Bruce Melodie na Knowless bagiye bagaragaza ko banyuzwe n'ibikorwa bye

KANDA HANO UBASHE KUREBA IKIGANIRO CYIHARIYE TWAGIRANYE NA KABARANKURU

“>

KANDA HANO UREBE INDIRIMBO ‘NTUMUKUNDIRE’ YA ALEX DUSABE

 “>

Urugamba rwo kwegukana igikombe cya shampiyona y’icyikiro cya mbere mu Rwanda ya 2024/2025 rugeze aho umwana arira  nyina ntiyumve. 

‎‎Nyuma y’uko APR FC itsinze Bugesera FC mu mukino wo ku munsi wa 23, yahise ifata umwanya wa mbere n’amanota 48  mu gihe Rayon Sports yo yahise iwutakaza nyuma yo kunganya na Marine  FC 2-2 ikajya ku wa Kabiri n’amanota 47.

‎‎Ni muri urwo rwego InyaRwanda yegereye abanyamakuru ba siporo batandukanye bakayibwira ikipe babona izegukana igikombe ndetse n’uko izitwara mu mikino 7 isigaye ya shampiyona.

‎‎Mugenzi Faustin uzwi nka Faustinho  ukorera Isibo Radio & TV, yabwiye InyaRwanda  ko amahirwe y’uzegukagana igikombe cya shampiyona ayaha Rayon Sports ndetse anavuga impamvu zabyo.

‎‎Yagize ati”Njyewe rero amahirwe yo gutwara igikombe cya shampiyona ndayaha ikipe ya Rayon Sports ku kigero cya 53% naho APR FC ikaba 47%.

‎‎Impamvu ni igihe Rayon Sports yamaze iri ku mwanya wa mbere ariko nanone n'igihe imaze idatwara igikombe. 

‎‎Yagize imbogamizi nyinshi zo kubura rutahizamu Fall Ngagne,igira ibibazo ubwayo byo  kuba abakinnyi badahemberwa ku gihe no kuba uwo bahanganye atoroshye ariko ibyo ngibyo navuga ko bigomba nayo kuyigisha . Uyu  wagakwiye kuba ariwo mwaka w'igikombe ubundi ikindi gihe bikazagorana.  

‎‎Kuba Rayon Sports yaramaze amezi ane iri ku mwanya wa mbere bazi icyo bisaba kugira ngo uwujyeho ariko ni ukubikorera ntabwo ari ibintu bizizana. Navuga ko na APR FC bahanganye ntabwo izabura imikino izatakaza”.   

‎‎Yavuze ko mu mikino isigaye Rayon Sports izabona amanota 15 naho APR FC ikabona amanota 12.

‎‎Ukurikiyimfura Eric Tony ukorera Igihe yabwiye InyaRwanda  ko amahirwe yo kwegukana igikombe ayaha APR FC ndetse anasobanura impamvu.

‎‎Ati”APR FC nayiha amahirwe angana na 55 % naho Rayon Sports nkayiba 45%.  APR FC yakosoye amakosa yakoze mu mikino ibanza aho Rayon Sports yakoraga ikosa nayo bikarangira irikoze.  

‎‎Ibyo byarangiye ibikosoye biyifasha gufata umwanya wa mbere kuko niba wibuka neza Rayon Sports yigeze gushyiramo ikinyuranyo cy'amanota 11 hagati yayo na APR FC igifite ibirarane, none ubu ngubu ahubwo yashyizwemo ikinyuranyo cy'inota 1.  

‎‎Ikindi kintu ni uburyo APR FC yaguze abakinnyi beza bayifasha ugereranyije na Rayon Sports yo yaguze abatayifasha.

Icya 3  ni uburyo APR FC yazamuye urwego bigendanye n'uburyo abakinnyi bameranye cyangwa se no kuganiriza umutoza ubona ko harimo ibyahindutse mu gihe Rayon Sports yo ubona ko yasubiye inyuma”.

‎‎Yavuze ko mu mikino isigaye APR FC izabona amanota 17 mu gihe Rayon Sports yo izabona amanota 16.

‎‎Ephrem Kayiranga ukorera Radio & TV 10 yavuze ko amahirwe yo kwegukana igikombe cya shampiyona ayaha APR FC bitewe n’impamvu zirimo no kuba ariyo ifite umwanya wa mbere kugeza ubu.

‎‎Ati”Impamvu APR FC nyiha amahirwe menshi yo kwegukana igikombe nuko iri mu mwuka mwiza,yagiye mbere ubu niyo ifite umwanya wa mbere,bafite imbaraga,bafite ibyo byishimo umwuka ni mwiza . 

‎‎Tugeze no ku kibazo cy'ubushobozi yo nta kibazo ifite ariko Rayon Sports yo ubushobozi buba ari buke, ni ikipe ishobora kumara icyumweru cyose ititoza abakinnyi baburana umushahara,ikindi bacitse intege kubera gukurwamo amanota ndetse bagashyirwa no ku mwanya wa Kabiri”.

‎‎Yavuze ko muri rusange APR FC ayiha amahirwe angana na 80% naho Rayon Sports yo akayiha 20% ndetse ko mu mikino isigaye APR FC izabonamo amanota 15 naho Rayon Sports yo ikabona amanota 12.

‎‎Uwimana Clarisse ukorera B&B Kigali FM, yavuze ko ikipe ya APR FC ifite amahirwe yo kwegukana igikombe cya shampiyona angana na 60% naho Rayon Sports  yo akayiha angana na 40% ndetse asobanura impamvu.

‎‎Yagize ati”Navuga ko ikipe ya APR FC ifite amahirwe yo gutwara igikombe ku kigero cya 60 % hanyuma Rayon Sports  yo ikaba ifite amahirwe anagana na 40%. 

‎‎Ni amakipe yagiye asa nkaho akubana ,APR FC itinda gufata umwanya wa mbere kubera imikino mpuzamhanga, nyuma iza kuza ikajya ikora amakosa amwe n’amwe ariko ayo makosa yagiye ikora ntabwo nkeka ko ubu yayakora iyoboye urutonde rwa shampiyona kuko nyine ni ikipe itajya iva mu bihe by'igikombe iyo yakibonye. 

‎‎Ikindi cya Kabiri ni ikiganiro nagiranye na Chairman wa APR FC, avuga ko ashaka igikombe, ni mushya yaje mu mpera z'umwaka ushize muri APR FC harimo ibibazo, rero ni umugabo wifuza kuba yatwara igikombe. 

‎‎Ikindi ni abakinnyi ,abakinnyi ba APR FC uburyo baguma ku gikombe bitandukanye n'aba Rayon Sports kuko umuntu anarebye ibihe ikipe ya Rayon Sports irimo turabizi ko buri mukino ufite abagomba kuwukurikirana bihita bituma hazamo akantu ko kudahuza 100% ku bayobozi.  

‎‎Yavuze ko kuba Rayon Sports yaratakaje uwayitsindiye ibitego byinshi mu gihe mukeba we yinjizagamo abandi bakinnyi batatu kandi batanga umusaruro ari igikora itandukaniro”.

‎‎Yavuze ko mu mikino isigaye APR FC izabonamo amanota 18 naho Rayon Sports yo ikabonamo amanota 16.

‎‎Rugaju Reagan ukorera RBA, yabwiye InyaRwanda  ko amahirwe yo kwegukana igikombe cya shampiyona ayaha APR FC ashingiye ku mpamvu zirimo imyitwarire y’amakipe yombi ahanganye.

‎‎Ati”Navuga ko amahirwe yo gutwara igikombe nayaha APR FC, nkayiha amahirwe 60% naho Rayon Sports nkayiha 40%. 

‎‎Mu mikino 7 basigaranye kuri buri ruhande, Rayon Sports nabara ko ku manota 21 byibura ishobora kuzabonamo amanota 17 hanyuma APR  FC yo ikazabonamo 19. 

‎‎Impamvu eshatu zituma mbona ko APR FC ariyo izatwara igikombe; iya Mbere ishingiye ku myitwarire y'amakipe yombi mbere y’uko tujya mu Cyumweru cy'Icyunamo,ubona ko ikipe ya APR FC mu mikino yo kwishyura yagerageje kubona amanota menshi ugereranyije na Rayon Sports”.

‎‎Yakomeje agira ati”Impamvu Rayon Sports ititwaye neza, ni ibijyanye n'abakinnyi ifite urabizi ko nyuma y'ivunika rya Fall Ngagne ndetse na Kevin wagizemo imvune tutibagirwa y’uko nubwo yakize haba hakirimo umunaniro kuko amaze gukina imikino myinshi.

‎‎Birasa nkaho abo bakinnyi babiri hagati yabo ufashe ibitego Fall Ngagne yari amaze gutsinda n'imipira ibivamo Muhire Kevin yari amaze gutanga mu by’ukuri uburyo bw'ubusatirizi bwa Rayon Sports bwari bushingiye kuri abo babiri.

‎‎Nahamya rero ko Rayon Sports bagize ikibazo gikomeye mu busatarizi,niyo mpamvu batakaje iyo mikino myinshi noneho n'abakinnyi bakabaye bagira icyo bakora ntabwo bari mu bihe byiza uko bikwiye”. 

‎‎Yavuze ko indi mpamvu Nyamukanagira izegukana igikombe ari ukubera imikino myinshi isigaranye izayikinira i Kigali.

‎‎Ati” Indi mpamvu  ni ikijyanye no kuba APR FC imikino myinshi isigaje iyifite i Kigali ikagira ibiri mu ntara.Rayon Sport yo imikino ifite i Kigali ni ine naho indi 3 ikazayikinira hanze. Ibi bibuga byo hanze nabyo binyereka ko byagiye biyigora. Icya nyuma ni icyo kuvuga ko APR FC iyiri imbere bikaba biri mu biganza byayo, icyo ni ikintu gikomeye”.

‎‎Claude Hit ukorera Radio & TV 10, yavuze ko amahirwe yo kwegukana igikombe ayaha APR FC ndetse anasobanura impamvu.

‎‎Ati”Shampiyona aho igeze aha ngaha habura imikino 7 kugira ngo ngo irangire, hagati y'ikipe ebyiri zikubana navuga ko ikipe ya APR FC ndikuyiha amahirwe ku kigero nk’icya 60%,Rayon Sports nkayiha 40%. 

‎‎Impamvu ni ukubera ko ikipe ya APR FC iyoboye urutonde rwa shampiyona ,ni umwanya yirutseho igihe kirekire ariko birangira iwufashe. APR FC ni ikipe izi gukina iyi mikino cyane cyane igana ku musozo wa shampiyona. 

‎‎Aya makipe yamenyereye gutwara ibikombe bya shampiyona,ubuzima bwayo ari ugutwara ibikombe aba azi gukina iyi mikino cyane”. 

‎‎Yakomeje agira ati”APR FC yamaze igihe kinini yiruka inyuma ya Rayon Sports biza kugera igihe iyicaho ifata umwanya wa mbere ,abayizi rero izi gukina umwanya wa mbere kuko ni ubuzima yabayemo imyaka myinshi cyane kandi ifite n'abakinnyi benshi bafite ubwo burambe. 

‎‎Ikindi muri iyi minsi  ya nyuma ya shampiyona bisaba ikipe ihamye mu bijyanye n'ubushobozi aho kandi APR FC ifite ibyo bintu kurusha n’iyo Rayon Sports”. 

‎‎Yavuze ko ikindi gituma arushaho kuyiha amahirwe, ari uburyo iyi mikino isigaye imeze aho amakipe isigaranye byoroshye kuyabanoho amanota ugereranyije n’ayo Rayon Sports isigaranye.

‎‎Yavuze ko mu mikino isigaye APR FC izabonamo amanota 17 naho Rayon Sports ikabonamo 14.

‎‎Uwihanganye Fuadi ukorera B&B Kigali FM, yavuze ko amahirwe y’igikombe cya shampiyona ayaha APR FC bitewe n’impamvu zirimo ko ibi bihe irimo ibimazemo imyaka 5 kandi bikarangira icyegukanye.

‎‎Ati” Tugendeye ku burambe bwa APR FC n'ibikombe bya shampiyona isanzwe itwara kandi ibi bihe ntabwo ari ubwa mbere ibigezemo, mu myaka 5 ishize ihuye n'ibihe bimeze gutya.  

‎‎Hari aho yigeze ihangana na AS Kigali iyirusha amanota baragenda iza gutwara igikombe ku bitego. Nyuma yaho yaje guhura na Kiyovu Sports inshuro ebyiri ikava inyuma bikarangira itwaye igikombe.  

‎‎Bivuze ngo ni nako uyu mwaka yongeye kubikora kuko yakuyemo amanota menshi hagati yayo na Rayon Sports none irinze iyijya imbere”. 

‎‎Yakomeje agira ati”Aho rero iyo bigeze mu minota ya nyuma, biba bigeze muri bwa buryo APR FC isanzwe izi no gukoramo neza. Nibyo Rayon Sports itandukanye na AS Kigali na Kiyovu Sports mu buryo bwo kumenya uko batwara igikombe cya shampiyona  ariko irimo irahangana n'umuntu ukomeye ariwe APR FC. 

‎‎Yavuze ko APR FC ariyo isigaranye imikino yoroshye ugereranyije na mukeba wayo.

‎‎Muri rusange APR FC yayihaye amahirwe angana na 89%  naho  Rayon Sports yo akayiha 11%. Yavuze ko mu mikino isigaye APR FC izabonamo amanota 19 naho Rayon Sports yo ikabona amanota 17.

‎Nyiri SK FM,Sam Karenzi  nawe amahirwe y’ikipe izegukana igikombe cya shampiyona yahaye APR FC ndetse anasobanura impamvu zabyo.

‎Ati”APR FC ndayiha 60% yo gutwara igikombe cya shampiyona.  Nubwo na APR FC itagize umwaka mwiza w'imikino ariko na Rayon Sports byabaye bibi kuko urumva itakaje amanota 5 mu mikino 2 ishize, ni ibikwereka ko yasubiye inyuma cyane.

‎‎Ibibazo by'amikoro, abakinnyi bari kujya mu myitozo bigoranye,imvune,abakinnyi baguze mu kwa mbere badafite imbaraga no guhuza ubona ko komite idahuje n'ikipe neza cyane ko atariyo yabaguze, mbona harimo ibibazo byinshi biyimisha amahirwe yo kuba yakwegukana igikombe cya shampiyona mu mikino 7 isigaye. 

‎‎APR FC mbona yarafashijwe cyane no kuba yarabonye ibibazo byayo ikabyakira, igahangana nabyo n'imitoreze mibi arinacyo kibazo gikomeye ifite ubona ko yashyizemo imbaraga nyinshi cyane mu bakinnyi bayo kugira ngo bahatane ariko yanoroherejwe n’uwo bahanganye Rayon Sports, ntabwo yashoboye kwitwara neza”.

‎‎Yavuze ko mu mu mikino isigaye APR FC izabonamo amanota 19 naho Rayon Sports yo ikazabonamo amanota 17.

‎Rigoga Ruth ukorera RBA yasobanuye ko Rayon Sports yakoze ikosa ryo gutakaza amanota menshi mu gihe yari ifite amahirwe ndetse ikaba yaritwaye neza mu mikino ibanza ya shampiyona ariko mu yo kwishyura bikaba byaranze.

‎‎Ati”Rayon Sports yakoze ikosa ryo gutakaza amanota menshi mu gihe yari ifite amahirwe yo kwegukana igikombe cya shampiyona bicyoroshye cyane ko uyu mwaka ubona ko yaba amakipe ashaka igikombe n'andi asigaye yose asa n’ari ku rwego rumwe.

‎‎Ushingiye ku buryo yitwaye mu mikino 15 y'igicye cya mbere ya shampiyona yari nziza kurusha mukeba wayo APR FC ku buryo ubu yakabaye igeze kure imyiteguro y'ibirori byo guterura igikombe kuko yagisoje ifite amanota 36 yaratakaje amanota 9 gusa irusha APR FC amanota 5.

 Nyamara mu mikino 8 ihwanye n'amanota 24 y'igicye cya kabiri bamaze gukina, basaruye  amanota 12 ikaba irusha inota rimwe APR FC yo ifite imibare myiza mu gicye cya kabiri cya shampiyona ikagira umwihariko ko ariyo ifite igikombe cya shampiyona giheruka, bisobanuye ikintu kinini nk'ikipe ishaka igikombe cya 6 yikurikiranya”. 

‎‎Yasobanute ko ikindi kigabanya amahirwe ya Rayon Sports ku gikombe ari ukuntu imikino isigaje harimo 3 yo hanze y’u Kigali.

‎‎Ati”Ikindi kigabanya amahirwe y'ikipe ya Rayon Sports ku gikombe cya shampiyona ni imikino aya makipe asigaje, ifite imikino 3 yo hanze ya Kigali harimo ibiri ikurikirana, kujya kwa Muhazi irwana no kutamanuka mu cyiciro cya kabiri,kujya kwa Etincelles imwe mu makipe ahagaze neza mu gicye cya kabiri cya shampiyona, ifite Gorilla yayibujije igikombe cya shampiyona, Bugesera FC na Vision ziri mu rugamba rwo kuguma mu cyiciro cya mbere n'ikipe ya Police FC yo ibyishimo by'abakinnyi bayo ni ugutsinda ikipe ya Rayon Sports kuko nta gikombe baharanira”.

‎‎Yavuze ko bikomera cyane kuri Rayon Sports bitewe nuko ifite imikino yegeranye harimo ibiri ifitanye na Mukura VS kandi ikaba idafite umubare w’abakinnyi benshi bitwara neza.

‎‎Rigoga Ruth yavuze ko APR FC ari ikipe imaze kubaka igitinyiro,ikaba ifite abakinnyi benshi bakora itandukaniro nubwo umutoza Anya akora amakosa mu misimburize ndetse ko isigaje imikino yoroshye irimo iyo izakinamo na Muhazi United, Rutsiro FC na Marine FC.

‎Yavuze ko nubwo aha amahirwe APR FC ariko hakiri imikino 7 bityo ko utabyemeza 100%.

‎‎Ati”APR FC ndayiha amahirwe ku gikombe kurusha ikipe ya Rayon Sports, gusa na none mu busesenguzi bwa shampiyona burya mu gihe imikino ikiri gukinwa kandi burya imikino 7 ni myinshi nti wakwemeza ko igikombe cyagiye 100% nk'uko twabonye mu mikino yatambutse, izi kipe zombi zitakaza amanota ku mikino itatekerezwaga n'ubu wabona iyi APR FC mpa amahirwe iguye mu nzira Rayon Sports yo igahagurukana imbaraga cyane ko yaba abayobozi n'abafana bose banyotewe n'iki gikombe”.

‎‎Muri rusange Rigoga Ruth yahaye APR FC amahirwe angana na 60% naho Rayon Sports yo ayiha 40%.

‎‎Mu mikino isigaye yavuze ko ikipe y’Ingabo z’igihugu izabonamo amanota 19 naho Rayon Sports ikabonamo amanota 10.

‎

‎

‎

Kugeza ubu haba abakomoka mu Rwanda barutuyemo cyangwa ababa hanze mu mahanga ya kure, bakomeje kwifashisha imbuga nkoranyambaga bakomeza imitima y’Abanyarwanda by’umwihariko abarokotse Jenoside yakorewe Abatutsi. Ni ubutumwa bw’ihumure bari gutanga mu kwifatanya n’u Rwanda n’Isi Kwibuka ku nshuro ya 31 Jenoside yakorewe Abatutsi mu 1994.

Ni mu gihe abandi bari kwifashisha izi mbuga bamagana abapfobya n'abahakana Jenoside yakorewe Abatutsi, ndetse bamwe bari no gutanga ubuhamya bw'ibyababayeho cyangwa ibyabaye ku miryango yabo.

Ni nyuma y’uko ku wa 7 Mata hatangiye ibikorwa byo Kwibuka ku nshuro ya 31 Jenoside yakorewe Abatutsi mu 1994, ari na yo mpamvu ibyamamare bitandukanye bikomeje kugira icyo bivuga kuri bihe bitoroheye Abanyarwanda ariko by’umwihariko ababuze ababo muri Jenoside yakorewe Abatutsi.

Tariki ya 7 Mata ni Umunsi Mpuzamahanga ngarukamwaka Isi yose yibukaho Jenoside yakorewe Abatutsi  mu 1994 aho yahitanye abasaga miliyoni mu  minsi 100 gusa.

Mu bahanze ubutumwa bw’inkomezi, harimo abahanzi b’amazina akomeye, abakinnyi ba filime, abasizi, abakinnyi b’umupira w’amaguru, abayobozi b’ibigo bitandukanye, abanyamakuru, ba Nyampinga banyuze mu marushanwa y’ubwiza n’abandi benshi mu ngeri zitandukanye. Benshi batanze ubu butumwa binyuze mu kiganiro bagiranye na InyaRwanda.com.

Dore ubutumwa bwa bamwe muri bo:

 

‎Ikipe ya Rayon Sports yitwaye neza mu mikino ibanza ya shampiyona ndetse biyifasha kwicara ku mwanya wa mbere dore ko hari naho yageze irusha APR FC yari iyikurikiye amanota 4.

‎‎Ibi ariko kuva imikino yo kwishyura yatangira iyi kipe yambara Ubururu n’Umweru ntabwo yagiye yitwara neza kuko mu mikino 9 iheruka ya shampiyona yanganyijemo 6,igatsindamo 1 naho igatsindwamo 2 .

‎‎Uyu musaruro nkene watumye iyi kipe iva ku mwanya wa mbere ikaba iri ku mwanya wa kabiri aho irushwa inota rimwe na APR FC none ubuyobozi bwafashe umwanzuro wo kuba buhagaritse umutoza mukuru Robertinho.

‎‎Kuri ubu Rwaka Claude uheruka gukurwa mu ikipe y’Abagore akajyanwa mu bagabo kungiriza niwe wasigaranye ikipe. 

‎‎Ibi bije nyuma yuko Murera n’ubundi yari yabanje guhagarika umutoza w’abanyezamu Mazimpaka André. Byabaye ku Cyumweru cyashize ubwo Rayon Sports yari yaraye inganyije na Marine FC 2-2 gusa ibitego umunyezamu Khadime Ndiaye yari yatsinzwe bikaba bitaravuzwemo rumwe.

‎‎Abakinnyi b’iyi kipe kandi bamaze iminsi badakora imyitozo bitewe nuko bishyuza umushara w’ukwezi kwashize kwa Werurwe.

‎‎Nubwo ibi biri kuba ariko Rayon Sports ifite umukino igomba kwakirwamo na Mukura VS kuri Stade mpuzamahanga ya ku munsi wejo muri 1/2 cy’Igikombe cy’Amahoro.

‎

Rayon Sports yafashe umwanzuro wo kuba ihagaritse Robertinho 

Umunsi wa mbere w'iki gitaramo watangiranye imbaraga, aho Lady Gaga, Benson Boone, Tyla, Missy Elliott, The Marías, Lola Young na Brian May batamaje imbaga mu buryo butazibagirana.

Lady Gaga yagarutse ku rubyiniro rwa Coachella nyuma y'imyaka itatu, aririmba indirimbo zakunzwe cyane mu bihe bitandukanye birimo Poker Face, Born This Way n'izindi nshya zo kuri album ye nshya Mayhem. 

Yagaragaye mu mashusho atangaje n'amajwi asukuye, bikaba byaratumye benshi bavuga ko ari we wigaruriye uwo munsi.

 Lady Gaga wagarutse ku rubyiniro rwa Coachella 

Benson Boone, umwe mu bahanzi bakiri bato b'abanyempano, yagaragaje urwego rwisumbuye ubwo yafatanyaga na Brian May wo muri Queen mu ndirimbo Bohemian Rhapsody. 

Ubufatanye bwabo bwashimangiwe n'ibinyamakuru bikomeye, birimo Associated Press (AP) yavuze ko 'uburyo aba bombi bahuje ibisekuru bitandukanye by'umuziki bwakoze ku mitima ya benshi kandi bwari ubutumwa bukomeye bw'uko umuziki uhuza abantu.'

 Benson Boone, umwe mu bahanzi bakiri bato b'abanyempano wagaragaje ubuhanga bwihariye 

Tyla, umunyafurika y'Epfo w'imyaka 22, yanditse amateka ubwo yageraga ku rubyiniro rwa Coachella bwa mbere. Yakoze igitaramo cy'akataraboneka, aririmba On My Body afatanyije na Becky G, anagaragaza ko Afurika igira impano zifatika zishobora kwigaragaza ku ruhando mpuzamahanga.

 

Tyla, umunyafurika y'Epfo w'imyaka 22 nuko yaserutse 

Missy Elliott nawe yacanye umucyo mu gitaramo, agaruka mu buryo bukomeye ku rubyiniro. Yaboneyeho no guha agaciro umuco n'amateka y'abirabura binyuze mu mbyino n'imyambarire idasanzwe. The Marías nabo bakoze igitaramo cyuje ubusizi n'amajwi asukuye, bifashishije urubura ku rubyiniro mu buryo butangaje.

 Missy Elliott nawe wacanye umucyo mu gitaramo 

Lola Young yakoze ku mitima y'abakunzi ba TikTok ubwo yaririmbaga indirimbo Messy, imaze igihe iharawe ku mbuga nkoranyambaga. FKA twigs na LISA nabo bari mu byamamare byerekanye umwihariko mu myambarire, imbyino no gutanga ubutumwa bw'ubuhanzi bwimbitse.

  Lola Young yakoze ku mitima y'abakunzi ba TikTok

Iminsi iracyari myinshi mu birori bya Coachella, ariko umunsi wa mbere wasize amateka. Abitabiriye baravuga ko byari ibihe by'akataraboneka, bikomeza kugaragaza impamvu iki gitaramo gikomeje kuba igicumbi cy'imyidagaduro ku isi.

Amafoto y’umunsi wa mbere y’igitaramo cya Coachella 2025

Ni igitaramo cyasigiye benshi ibyishimo