Category: Uncategorized

Igitaramo cyitwa Mudaheranwa cyabaye ku wa 13 Mata 2025, gitegurwa n'umuhanzi Musinga Joe hagamijwe kwibuka Jenoside yakorewe Abatutsi mu 1994 binyuze mu bugeni n'ubuhanzi.

Musinga yaririmbye indirimbo zirimo ubutumwa bwo kwibuka ndetse no kwiyubaka zikubiye mu muzingo yise 'Mudaheranwa 31'

Yagaragaje uruhare rw'Inkotanyi mu guhagarika Jenoside yakorewe Abatutsi n'urugendo rwo kwiyubaka ku Rwanda n'abarokotse Jenoside muri rusange.

Yashimangiye ko uruhare rw'abahanzi muri Jenoside yakorewe Abatutsi mu 1994 ari rwo rwatumye ahagurukana imbaraga ngo akoreshe ubuhanzi mu kubaka igihugu.

Ati 'Bamwe mu bahanzi bakoze indirimbo zihembera urwango zoretse igihugu cyacu, rero nk'umuhanzi ni umwanya mwiza wo kongera kuvuga ngo ubuhanzi bworetse igihugu cyacu bwakongera bukacyubaka.'

Umunyabugeni Theoneste Kubwayo, yifashishije ibihangano bye yacanye urumuri rw'icyizere mu buryo bwihariye bw'ubugeni, ashushanya 'bougie' 31 zigaragaza imyaka 31 Jenoside yakorewe Abatutsi imaze ihagaritswe n'Ingabo za RPA.

Depite Izere Ingrid Marie Parfaite yabwiye urubyiruko ko rugomba kurangwa n'ubumwe n'ubudaheranwa bagakoresha amahirwe igihugu gitanga mu kwiteza imbere.

Ati 'Igihugu cyacu cyaduhaye amahirwe, ayo mahirwe rero mureke tuyakoreshe nk'urubyiruko, dufite imbaraga, dufite impano, ibyo byose tubikoresheje neza byadufasha gusigasira amateka yacu dukora icyiza, tuba abahanga b'icyiza, dushyira ubumwe bwacu imbere.'

Iki gitaramo kibaye ku nshuro ya kabiri cyahariwe kuzirikana urugendo rw'imyaka 31 y'ubudaheranwa bw'u Rwanda hashingiwe ku bikorwa by'amajyambere rumaze kugeraho ndetse n'Abanyarwanda mu mibereho yabo.

Urubyiruko rwitabiriye iki gitaramo rwavuze ko bigiyemo amateka yaranze u Rwanda n'uburyo bashobora kwifashisha impano zabo mu kubaka igihugu aho kugisenya.

Theoneste Kubwayo yashushanyaga abantu bareba

Gucana urumuri rw’icyizere byakozwe mu buryo bwa gihanzi hashushanywa ‘bougie’ 31 zisobanuye imyaka ishize Jenoside yakorewe Abatutsi ihagaritswe

Igihangano kiri ibumoso cyerekana uko Inkotanyi zabohoye u Rwanda, zihagarika Jenoside yakorewe Abatutsi none ubu ruratekanye

Hanakoreshejwe indirimbo mu kwibuka Abatutsi bishwe muri Jenoside

Musinga Joe yaririmbye indirimbo zitandukanye zirimo Peter na Ritha yavuze ko ari inkuru mpamo

Abayobozi mu ngeri zitandukanye bitabiriye igitaramo

Depite Izere Ingrid Marie Parfaite yasabye urubyiruko gukoresha impano bafite mu gusigasira amateka y’igihugu

Icyaciye igikuba ni icyo aheruka gukorana na BBC mu mpera za Werurwe, aho yavuze ko afite 'amakuru yizewe' ko u Rwanda rushaka gutera u Burundi; yongeraho ati 'niba bashaka gutera Bujumbura banyuze muri Repubulika Iharanira Demokarasi ya Congo, natwe Kigali si kure tunyuze mu Kirundo.'

Ese u Rwanda rwabaye inzozi mbi za Ndayishimiye? Cyangwa ibyo arimo ni we ubizi, bimwe by'Abanyapolitiki? Ikizwi neza ni uko u Rwanda n'u Burundi bitari mu ntambara. Gusa bavuga ko nta nduru ivugira ubusa.

Abakurikiranira hafi ibya politiki yo mu Karere babona ko imvugo za Ndayishimiye zishinja u Rwanda gushoza intambara ku Burundi zihatse ubwoba bw'ingaruka zishobora guturuka ku myanzuro yafashe irebana n'intambara ikomeje gukaza umurego mu Burasirazuba bwa RDC.

Ndayishimiye ashikamye ku mugambi umwe na Perezida Tshisekedi wo gushoza intambara ku Rwanda nk'uko mu myaka yashize bigambye ko bashaka guhirika ubuyobozi buriho mu Rwanda, akaba arimo kwiriza ay'ingona kugira ngo nagaba ibitero ku Rwanda Abarundi ntibazabyibazeho.

Ndayishimiye yasimbuje ubuzima bw'inzirakarengane amadolari

Uruhande Ndayishimiye yafashe mu ntambara iri mu Burasirazuba bwa RDC rwanenzwe na benshi, barimo abanyepolitiki n'abasirikare bakuru mu Burundi.

Gufasha ingabo za Tshisekedi n'abazishyigikiye kurasa ku barwanyi ba AFC/M23, Ndayishimiye yabitewe ahanini n'ingengabitekerezo yo kwanga Abatutsi, cyane ko ubutegetsi bwa Tshisekedi bwakomeje gukwirakwiza icengezamatwara rivuga ko 'M23 igizwe n'Abanyarwanda bo mu bwoko bw'Abatutsi bashaka kwigabiza u Burasirazuba bwa RDC.'

Nyamara uko kubita abanyamahanga mu gihugu cyabo, ni cyo cyatumye Abanye-Congo bavuga Ikinyarwanda begura intwaro mu bihe bitandukanye, uhereye mu myaka ya 1996, kugira ngo birwaneho badashira.

Bagabweho ibitero baricwa, batwikirwa inzu, inka zabo zirasahurwa izindi ziricwa, imiryango yabo imara imyaka myinshi mu buhunzi, Leta za RDC ntacyo zibikoraho.

M23 yiyemeje kwegura intwaro ngo ihagarike ubwicanyi bukorerwa Abanye-Congo bukozwe n’ubutegetsi bwa RDC

Indi mpamvu Ndayishimiye yahisemo uruhande ariho ubu, ni amafaranga Tshisekedi yamwishyuye, akimwishyura uko intambara ikomeza. Gukemura izi mvururu mu nzira y'amahoro Ndayishimiye abifata nk'igihombo gikomeye kuri we.

Icyemezo cyo kohereza abasirikare bagera ku bihumbi 20 bagiye gufasha ihuriro ry'ingabo za RDC guhangana na AFC/M23 bavuga ko barwanira uburenganzira bw'Abenegihugu n'imiyoborere iboneye mu gihugu cyabo, cyatumye Abarundi batakariza Ndayishimiye Icyizere. Ntibumva impamvu u Burundi bwivanga mu makimbirane ari hagati y'Abanye-Congo.

Haba abasirikare bari muri RDC n'abatariyo, imiryango yabo, bamwe mu bagize guverinoma n'abo mu buyobozi bukuru bw'Ishyaka CNDD-FDD riri ku butegetsi, binubira uruhande Ndayishimiye yafashe.

Ni ibintu byatumye benshi bamwijundika, mu gihe gahunda yo kwiyongeza manda mu matora ya Gicurasi 2027.

Byageze aho bamwe mu basirikare baca umuvumo wo gutoroka urugamba bakisubirira mu Burundi, Ndayishimiye yohereza Imbonerakure muri Teritwari ya Uvira, zifite gahunda yo gushaka abasirikare bashaka gusubira iwabo batorotse zikabica. Imbonerakure zitwara nk'uko Interahamwe zitwaraga mu Rwanda ku bwa Habyarimana.

Ubu intambara ikomeye Ndayishimiye arimo ni iyo gushaka uko yakwigarurira imitima y'abakomeje kunenga ubutegetsi bwe, bwateye ubwiyongere bw'ibura ry'akazi, ibikomoka kuri peteroli, isukari, n' amadovize. Arabihuza no kuneza Tshisekedi ngo akomeze amuhe ku madolari.

Ibitero bya RED-Tabara, ibihamya by'ubushobozi bucagatse bwa Ndayishimiye

Ku wa 22 Ukuboza 2023 ni bwo RED Tabara yagabye ibitero muri zone ya Gatumba mu Ntara ya Bujumbura, hafi y'umupaka w'u Burundi na RDC.

Uwo mutwe watangaje ko wishe abasirikare b'u Burundi icyenda n'umupolisi umwe, ariko Leta y'u Burundi yo yasobanuye ko uyu mutwe wishe abasivili 20 barimo abana b'amezi atanu y'amavuko n'ababyeyi batwite.

Mu 2024 RED Tabara yasenye ibiro bya CNDD-FDD muri Buringa

Mu mwaka ushize uwo mutwe werekanye ibyo wangiririje mu gitero wagabye muri komini Gihanga, intara ya Bubanza mu Burundi mu ijoro ryo kuri uyu wa 25 Gashyantare 2024.

Ku wa 26 Gashyantare 2024 na bwo wigambye ko ari wo yagabye ibitero bibiri ku birindiro bya gisirikare biri ku mugezi wa Mpanda n'ibindi biri ahitwa 'Kwa Ndombolo' muri zone Buringa.

Ibyo bitero byagaragaje ko intege nke za Ndayishimiye zirimo no kuba adashoboye kurinda abenegihugu.

Ingabo z'u Burundi zinjiye muri Kivu y'Amajyepfo mu 2021, aho zafatanyije n'iza RDC mu bikorwa byiswe ibyo guhiga bukware abarwanyi ba RED-Tabara.

Icyo gihe hari mbere y'uko umutwe wa M23 wongera kwegura intwaro kuko wo wongeye kumvikana muri Bunagana mu mpera z'uwo mwaka.

Ibitero RED-Tabara yagabye ku Burundi mu mpera za 2023 n'intangiriro za 2024 byatumye benshi bibaza icyo izo ngabo zimaze imyaka zikora muri RDC, ku buryo uwo mutwe waba ugifite ingufu zo kugaba ibitero imbere mu gihugu.

Raporo zitandukanye zirimo n'izakozwe n'impuguke za Loni kuri RDC zagiye zerekana ko kuva ingabo z'u Burundi zagera muri Kivu y'Amajyepfo, zitashishikajwe cyane no kurwanya RED-Tabara.

Zivuga ko Ingabo z'u Burundi zicukuriye zahabu, zinafatanya n'imitwe ya Mai-Mai ihaba kugaba ibitero ku mutwe wa Twirwaneho uharanira uburenganzira bw'Abanyamulenge.

Uko byagenda kose umuturage wituriye muri Komine Mabayi ikoze ku Ishyamba rya Kibira rihana imbibi na Nyungwe, biragoye ko yarambika umusaya ngo asinzire mu gihe 'Sebarundi' aririmba intambara n'u Rwanda buri uko abonye uruvugiro.

Nyamara Ndayishimiye icyo si cyo yitayeho, ararwana no kumvisha Abarundi ko Igihugu cyanzwe ndetse cyifurizwa inabi, bityo bakure ijisho ku byaha by'intambara abasirikare yohereje muri RDC bakomeje gukora, n'imyanzuro idahwitse yafashe ikomeje gushegesha ubukungu bw'u Burundi.

Aho kubungabunga umutekano w’Abarundi, Ndayishimiye yirirwa yibasira u Rwanda yifashishije n’ibirimo Bibiliya

Iyo Perezida Paul Kagame abwira Abaturarwanda ati 'muryame musinzire', aba azi icyo bivuze. Umukuru w'Igihugu ni we ugomba kwizeza abenegihugu amahoro kandi agakora iyo bwabaga ngo bayahorane kuko ari we ubareberera.

Kuvugira ku karubanda ko azahamagaza abenegihugu impande zose ngo bajye kurwana n'Abanyarwanda kandi nta ntambara iri hagati y'ibihugu byombi, ni ubugwari gukomeye Ndayishimiye yagize mu maso y'abamugiriye icyizere cyo kubayobora, bikarangira abafungiranye mu gihugu aho kuborohereza ubuhahirane n'abaturanyi, abavandimwe babo ba kera na kare.

Kuririmba u Rwanda kwa Ndayishimiye, ni ubwoba. Arahinda umushyitsi kuko atazi neza amaherezo y'imyanzuro yafashe itarimo ugushishoza.

Arabizi ko nubwo ingabo ze zimaze imyaka ine muri RDC 'zirwanya RED-Tabara', mu by'ukuri ntacyo zahakoze uretse ibyaha by'intambara kuko zijanditse mu bwicanyi bwibasiye Abanyamulenge.

Umuvuno wo kuririmba u Rwanda yadukanye, inshuti ye magara Tshisekedi yarawukoresheje kandi ntacyo watanze kugeza ubwo atangiye kwemera ibiganiro n'umutwe wa AFC/M23 yahoze yita 'uw'iterabwoba'.

U Rwanda rutateye u Burundi ku bwa FLN rwabikora ubu?

Ubwenge Ndayishimiye yagira bwaba gukemura ibibazo byugarije igihugu cye adashatse urwitwazo ku Rwanda, agakura akarenge ke mu bibazo by'Abanye-Congo bakabyikemurira, ndetse agashyigikira intamwe yari iherutse gutangizwa hagati y'u Rwanda n'u Burundi yo kongera kuzahura umubano.

U Rwanda ruzi ikiguzi cy'amahoro, n'icyo bivuze kuyagira. Ruzi kandi icyo intambara n'ivangura rishingiye ku moko bivuze kurusha ibindi bihugu mu Karere. Nta nyungu rwagira mu gushoza intambara ku Burundi, usibye ko nta n'impamvu ihari magingo aya.

Umutwe wa FLN wateye u Rwanda uturutse mu Kibira winjira muri Nyungwe, ariko ingabo z'u Rwanda zarasaniye na wo muri iryo shyamba ntizigeze zishoza intambara ku Burundi. Kubera iki Ndayishimiye abeshya ko u Rwanda rwamutera ubu rutaramuteye icyo gihe?

Mu gice cya Kabiri cy'iyi nkuru, hazibandwa ku by'Abahutu n'Abatutsi Ndayishimiye yabeshye ko byageze mu Burundi bivuye mu Rwanda, n'uko ubutegetsi bwa CNDD-FDD bwabaye umubyeyi wa FDLR na FLN kuva mu 2015, u Rwanda rugakomeza kurenzaho.

Mu 2021 Umutwe w'Iterabwoba wa FLN wigambye ko ari wo wagabye igitero mu Murenge wa Bweyeye muri Rusizi. Bimwe mu bikoresho byafatanywe abo muri uwo mutwe byagaragazaga ko ari iby’u Burundi

Uyu mugabo utuye mu Murenge wa Nyagisozi, mu Kagari ka Rurangazi, Umudugudu wa bikekwa ko yavuze amagambo arimo ingengabitekerezo ya Jenoside ku 7 Mata 2025.

Yabwiye umwana ko yamutema akamujugunya mu mugezi wa Mwogo nk'uko yabikoze uwitwa Makabuza wishwe muri Jenoside yakorewe Abatutsi mu 1994.

Uwo mwana, ababyeyi be barokotse Jenoside.

Umuyobozi w'Akarere ka Nyanza, Ntazinda Erasme, yabwiye IGIHE ko uyu muturage akimara kubivuga ngo abayobozi b'isibo batuyemo, bashatse kubunga banamuca icyiru ariko ntiyagitanga, bituma uwo mwana ajya kumurega ku kagari, maze amakuru ahita amenyekana bamuta muri yombi ku wa 11 Mata.

Ati 'Urwego rw'Igihugu rw'Ubugenzacyaha, RIB, Sitasiyo ya Nyagisozi, rwatangiye kumukoraho iperereza no gukora idosiye.''

RIB itangaza ko dosiye 82 z'abakurikiranyweho ibyaha birimo ingengabitekerezo ya Jenoside n'ivangura no gukurura amacakubiri arizo yakiriye mu cyumweru cyo Kwibuka.

Umugabo wari uherutse gufungurwa kubera icyaha cya Jenoside, yatawe muri yombi akekwako ingengabitekerezo yayo

Ibi bikorwa byo gusura inzibutso byabaye ku matariki atandukanye mu cyumweru cy'icyunamo.

Ku wa 9 Mata 2025, itsinda ry'abakozi ba Shelter Group /Africa basuye Urwibutso rwa Jenoside rwa Kigali ku Gisozi bashyira indabo ku mva ziruhukiyemo abarenga ibihumbi 250 bazize Jenoside yakorewe Abatutsi mu 1994 ndetse barabunamira.

Gusura Urwibutso rwa Jenoside rwa Kigali byababereye umwanya wo kuzirikana amateka mabi Igihugu cyanyuzemo no kurushaho gusobanukirwa ingaruka zayo biyemeza gukomeza kwibuka no kubaka ubumwe.

Ku wa 12 Mata 2025 na none irindi tsinda ry'abakora muri Shelter Group/ Africa ryasuye Urwibutso rwa Jenoside yakorewe Abatutsi rwa Kiziguro ruherereye mu Karere ka Gatsibo bunamira inzirakarengane zahiciwe zizira uko zaremwe.

Abakozi ba Shelter Group /Africa banagiranye ibiganiro n'ubuyobozi bw'Akarere ka Gatsibo hamwe n'abarokotse Jenoside yakorewe Abatusti babizeza gukomeza kubaba hafi mu rugendo rwo kubomora bikomere no kubafasha kwiyubaka.

Mu kwibuka i Gatsibo, Shelter Group /Africa yafatanyije n'akarere gutoranya imiryango y'abarokotse Jenoside ikeneye ubufasha kurusha indi ihabwa inkunga y'ibikoresho hagamijwe kuyifata mu mugongo no kuyifasha kwiyubaka.

Umuyobozi ushinzwe ibikorwa muri Shelter Group /Africa, Ibrahim Chehab, yavuze ko kwibuka abazize Jenoside yakorewe Abatutsi bijyana no gufasha abayirokotse kwiyubaka.

Yagize ati 'Gusubiza icyubahiro abazize Jenoside yakorewe Abatutsi mu 1994 ntibigomba kugarukira gusa ku bikorwa byo kwibuka. Ni n'uburyo bwo kugaragariza abayirokotse ko tutazibagirwa ayo mateka. Twishimiye uburyo abarokotse Jenoside bakomeye kandi bataheranwe. Turi kumwe na bo kandi dufite intego yo gukomeza kwimakaza ubumwe, kwibuka no kubatera inkunga.'

Ubuyobozi bwa Shelter Group /Africa buvuga ko ibyo bikorwa byo gusura inzibutso za Jenoside yakorewe Abatutsi no gufasha abarokotse biri mu rwego rwo kwifatanya n'Abanyarwanda kwibuka ku nshuro ya 31 Jenoside yakorewe Abatutsi hagamijwe gusigasira amateka no kubaka ejo heza.

Abasuye Urwibutso rwa Jenoside rwa Kigali basobanuriwe ububi bw’amacakubiri yagejeje kuru Jenoside yakorewe Abatutsi

Bashyize indabo ku mva bunamira abarenga ibihumbi 250 baruhukiye ku Rwibutso rwa Jenoside rwa Kigali

Basobanuriwe amateka ya Jenoside yakorewe Abatutsi i Kiziguro

Shelter Group yateye inkunga Urwibutso rwa Jenoside rwa Kiziguro

Yabigarutseho mu kiganiro Waramutse Rwanda cya RBA, cyo kuri uyu wa 14 Mata 2025, cyagarukaga ku migendekere y'icyumweru cy'Icyunamo cyatangijwe ku wa 7 Mata 2025.

Dr. Murangira yavuze ko nubwo icyumweru cy'Icyunamo gisojwe ariko ibikorwa byo Kwibuka Jenoside yakorewe Abatutsi byo bikomeje mu gihe cy'iminsi 100.
Yagaragaje ko mu cyumweru cy'icyunamo hagaragaye ibikorwa n'ibyaha by'ingengabitekerezo ya Jenoside n'ibifitanye isano nayo, aho hakiriwe dosiye 82 zikurikiranywemo abarenga 87.

Yagaragaje ko mu bihe byo kwibuka Abaturarwanda bakwiye kwitwararika ku byo bavuga n'amagambo bakoresha, yemeza ko kwibuka atari agahato ariko bigomba kubahwa na buri wese.

Ati 'Kwibuka ni inshingano za buri Munyarwanda wese, ariko kwibuka si agahato gusa bigomba kubahwa na buri muntu wese.'

'Niba mu gace runaka bari kwibuka, abayobozi b'inzego za Leta zitandukanye bakababwira bati mufunge ibikorwa byanyu mujye kwibuka, ntabwo ugomba kugerekaho amagambo. Uvuge uti ese muribuka mwibuka iki? Njyewe nzibuka aba namwe mwibuke bariya, turabibutsa ko ari ibikorwa bigize icyaha.'

Yagaragaje ko abenshi bakunze kugwa mu mutego wo kuvuga amagambo agize ibyaha, abasaba kugira amahitamo meza kuko amategeko atazabura kubahirizwa mu guhana abayarengaho.

Ati 'Abenshi ni ayo magambo bagiye bagaragaramo. Turi kwibuka ku nshuro ya 31, uracyafite amagambo ameze gutyo. Amategeko arahari azaguhana ubwo ni wowe ugomba guhitamo. Icyo nabizeza, ntabwo inzego zishinzwe kurwanya ibi byaha zo zizadohoka. Byanze bikunze tuzabirwanya kugeza igihe ukibifite abireka.'
Yasabye abantu kwirinda amagambo mabi n'ibikorwa byo guhohotera Abarokotse Jenoside yakorewe Abatutsi.

Yasabye ababyeyi bananiwe kwikuramo ingengabitekerezo ya Jenoside yakorewe Abatutsi kutayanduza abana babo.

Ati 'Babyeyi turabinginze, niba mwebwe mwarananiwe kwikuramo ingengabitekerezo ya Jenoside mureke abana. Umubyeyi gito, araga umwana we ingengabitekerezo ya Jenoside. Iyo uyimuraze, uba umuraze kujya muri gereza. Biratangaje kubona warafunzwe ntukuremo isomo ahubwo ukabona n'umwana wawe agusanzeyo, n'umwuzukuru.'

Yagaragaje ko hari byagaragaye umuntu afunganywe n'abakazana be n'abuzukuru bitewe n'ibikorwa bakoze nyuma ya Jenoside yakorewe Abatutsi birimo kubakira ku mibiri y'abishwe muri Jenoside bakayihisha.

Ku bakoresha imbuga nkoranyambaga mu gukora ibyaha na bo baburiwe ko badakwiye kumva ko ari ahantu bazajya bakorera ibyaha, abasaba kwirinda ababashuka no gushishoza ku buryo bakoresha izo mbuga.

Ati 'Ni gute ushobora gufata amagambo arimo ingengabitekerezo ya Jenoside yoherejwe n'abantu bari mu Burayi, wowe ukaza ukayakoresha hano mu Rwanda? Uba uzi ko tudahari? RIB idahari? Inzego zishinzwe umutekano zidahari? Wowe utekereze neza ikibereye, kuko byanze bikunze ingengabitekerezo ya Jenoside tuzayirwanya, abayifite bose tuzabarwanya. Ubushake n'ubushobozi birahari n'ubufatanye n'abaturage.'

Yakomeje asaba abaturage kwirinda guhishira abagifite ingengabitekerezo ya Jenoside, bagatangira amakuru ku gihe.

Yavuze ko nubwo imibare y'abagifite ingengabitekerezo ya Jenoside ishobora kuba ari mike ariko nta cyaha kiba gito, yemeza ko nubwo yaba ari dosiye imwe ikwiye kurwanywa.

Umuvugizi w'Urwego rw'Igihugu rw'Ubugenzacyaha, RIB, Dr. Murangira B. Thierry, yagaragaje ko Kwibuka Jenoside yakorewe Abatutsi atari agahato ariko bigomba kubahwa na buri wese

Mu birori byabaye muri  uyu mwaka bigamije guhemba ubuhanzi n'imyidagaduro yo mu karere, Abanya-Kenya nibo begukanye ibihembo byinshi bikomeye muri 'East Africa Arts Entertainment Awards 2025', nubwo Abanya-Tanzania ari bo bari biganje mu byiciro byinshi. 

The Ben yatwaye ibihembo bitatu, birimo icya 'Best Music Video' abikesha indirimbo ye 'Plenty' iri kuri Album 'Plenty Love', yatwaye igihembo cy’umuhanzi mwiza mu Rwanda (Best Artist Rwanda), anatwara igikombe cy'indirimbo ikunzwe (Best Hit Song Rwanda) abikesha indirimbo ye 'True Love'. 

Umuhanzikazi Alyn Sano, we yatwaye igikombe (Best Rwanda Sound) muri ibi bihembo abikesha indirimbo ye 'Head' aherutse gushyira hanze. Producer David cyangwa se Run wakunze gukorera indirimbo Alyn Sano, we yatwaye igihembo cya Producer wigaragaje muri Afurika 'Best Breakthrough Audio Producer Africa.'

Mu bandi batwaye ibihembo barimo umuhanzi Bien-Aimé Baraza, uzwi cyane mu itsinda rya Sauti Sol ndetse no mu bikorwa bye bwite, ni we wigaragaje cyane aho yegukanye ibihembo bitatu: Best Male Artist, Best Male Live Performer n'icyo mu bwoko bwa Best Collaboration abikesha indirimbo 'Nairobi' yakoranye na Marioo wo muri Tanzania. Ibi byamuhesheje icyubahiro nk'umwe mu bahanzi bakomeje kwerekana ubudasa muri Afurika y'Iburasirazuba.

Mr Seed, umuhanzi w'umuziki wa Gospel wanamamaye mu njyana ya Arbantone (ihuriro rya Gengetone na Riddim), yegukanye igihembo cya Best Arbantone abikesha indirimbo ye 'Diva'. Mu butumwa yashyize hanze, yashimiye abafana be ndetse n'itsinda rimufasha, avuga ko iyo ntsinzi ayikesha ubufatanye bwabo.

Undi munya-Kenya wigaragaje ni KRG the Don, icyamamare mu njyana ya Afro-Dancehall ndetse no mu biganiro bya Televiziyo wegukanye igihembo cya 'Best Afro-Dancehall Fusion' abikesha indirimbo ye 'Time Bomb' afatanyije na Konshens wo muri Jamaica. Yagaragaje ko ari intsinzi y'abafana n'ikimenyetso cy'urugendo rwe rukomeje gutera imbere.

Mu cyiciro cy'abahanzi bashya, Qare The Mask yatsindiye igihembo cya 'Best New Upcoming Artist of 2025', nyuma yo guhatana mu byiciro bine bitandukanye. Mu butumwa bushimishije yashyize kuri Instagram, yashimiye Imana n'abafana be, avuga ko ari intambwe ikomeye mu rugendo rwe.

Ila Nia, nawe uri kuzamuka, yegukanye igihembo cya 'Best Breakthrough Music Video' ku ndirimbo yakoranye na Nameless, yemeza ko ari intambwe ikomeye mu rugendo rwe mu muziki no mu mashusho.

Mu itangazamakuru, umushyushyarugamba n'umunyamakuru, Azeezah Hashim yigaragaje nk'umwe mu bazamuka neza, aho yegukanye ibihembo bitatu birimo: Best Female Event Host, Best Media Personality, na Best Radio Host. Ni igihembo gikomeye ku bakobwa bakora mu ruhando rw'itangazamakuru n'imyidagaduro.

Mu bucuruzi, rwiyemezamirimo Jimal Rohosafi yatsindiye igihembo cya Best Emerging Art of Business Icon, ashimira abamutoye anavuga ko iyi ntsinzi ari imbarutso yo gukora cyane kurushaho.

Itangwa ry'ibi bihembo, ryabaye umwanya wo kwerekana impano zitandukanye z'Abanya-Kenya, kuva mu muziki, itangazamakuru kugeza mu bucuruzi, bigaragaza ko bafite ijambo rikomeye mu ruganda rw'imyidagaduro muri Afurika y'Iburasirazuba.

The Ben yatwaye ibihembo bitatu mu bihembo bya 'East Africa Arts Entertainment Awards 2025'

Alyn Sano yegukanye ku nshuro ye ya mbere igihembo muri 'East Africa Arts Entertainment Awards 2025'

Producer David cyangwa se Run yatwaye igihembo cya Producer wigaragaje cyane muri Afurika
 Tems yatwaye igihembo cya ‘Best Global African Female Artist’

Chris Brown na Davido batwaye igihembo cya ‘Best International/Global Collaboration’ abicyesha indirimbo bakoranye ‘HMMM’
 

Diamond Platnumz yatwaye igihembo cya ‘Best Global African Male Artist’ muri Africa Arts Entertainment Awards mu byatanzwe ku wa 6 Mata 20

  

Wizkid yatwaye igihembo cya Global Album of the year abicyesha Album ye yise ‘Morayo’

Ibi birori biba buri mwaka bimaze kuba umwihariko udasanzwe mu ruganda rwa muzika n'imideli, aho ibyamamare bitandukanye bigaragariza isi uburyo bushya bwo kwiyerekana, haba mu ndirimbo, mu myambarire no mu mico ijyanye n'ibihe.

Iri serukiramuco riteganyijwe kuba mu byumweru bibiri bikurikirana, kuva ku itariki ya 11 kugeza kuya 13 Mata, ndetse n'indi minsi kuva ku ya 18 kugeza ku ya 20 Mata. 

Urutonde rw'abahanzi baririmba uyu mwaka ruriho ibyamamare nka Lady Gaga, Post Malone, Travis Scott na Green Day, bose bazwiho gushimisha imbaga binyuze mu bitaramo byuzuye imbaraga n'ubuhanga. Hari kandi abandi bahanzi benshi bakunzwe barimo Tyla, Jennie, Missy Elliott, n'abandi batandukanye bagiye bandika izina ku isi yose.

Uretse umuziki, Coachella izwiho kuba urubuga rw'imideli idasanzwe. Abitabiriye bitwaza imyambaro ikoze mu buryo bushya, yihariye igaragaza ubuhanga bw'imideli ku rwego mpuzamahanga. 

Ku rubyiniro, mu butayu cyangwa mu birori by'ijoro bibera hirya no hino, hari aho ushobora kubona imyambaro itangaje, imwe igerageza guhiga ibihe, indi igaragaza ubusirimu, ndetse n'iyindi ituma abantu bungurana ibitekerezo ku mico n'imyambarire mishya.

Kuri benshi batabashije kwitabira, ntibabujijwe kuryoherwa n'ibihe bya Coachella. Ibinyamakuru bikomeye nka Vogue bikomeje kugeza ku bafana amafoto n'amakuru mashya y'ibi birori, aho buri munsi haba havugwa imyambaro y'abamamare, ibitaramo byabaye n'ibidasanzwe byaranze iryo joro. Coachella si iserukiramuco gusa, ni uruguga rwerekanirwaho ibishya mu muziki n'imideli.

Dore amafoto agaragaza imyambarire idasanzwe yihariye weekend ya mbere y’iserukamuco rya Coachella 2025:

Umuhanzikazi Tyla ari mu byamamare byakuriwe ingofero mu bijyanye n’imyambarire mu birori by’itangizwa ry’iserukamuco rya Coachella

Lady Gaga ari mu batunguranye mu myambaro yihariye

Buri wese yakoze uko ashoboye ngo asige inkuru ku ikubitiro ry’iserukamuco