Category: Uncategorized

Abarangije muri iki cyiciro, ni abakuze bigishijwe gusoma, kwandika no kubara mu mwaka wa 2020-2021 bemeza ko n'ubwo bakomwe mu nkokora n'icyorezo cya COVID-19, bitabaciye intege kuko bari bazi neza ingaruka n'ingorane bahuraga na zo kubera kutamenya gusoma no kwandika.

Abaganiriye na IGIHE bahuriza ku ipfunwe bahoranaga mu bandi ndetse n'ihohoterwa bakorerwaga, aho bamwe bibwagwa n'imitungo yabo.

Nyandagazi Laurence w'imyaka 45 ni umwe muri bo wo mu Karere ka Burera, uvuga uburyo yaterwaga ipfunwe no kwitwa inkandagirabitabo.

Yagize ati 'Najya mu nama bampa urupapuro nkegera uwo twegeranye nkamusaba ko yanyandikira ngo ndumva ntameze neza. Hari ubwo nagiye i Kigali gusura inshuti zacu, ngezeyo nkajya mbaza kandi ndeba icyapa imbere yanjye ariko kubera kutamenya gusoma barandindagije nirirwa mu nzira, ubu nzi gusoma, kwandika no kubara niteguye no kuziyamamaza mu matora yegereje kuko imbogamizi nari mfite zararangiye.''

Umutoni Zainab wo mu Karere ka Musanze we yagize ati 'Kera umuntu utarajyaga ku ishuri ntacyo bamutwaraga, nabayeho nk'intama, nahoranaga ipfunwe kuko ntazi gusoma. Ubu nzi gusoma, kwandika no kubara, iyo nkeneye inguzanyo mu itsinda ndiyandikira kandi nkanayikoresha neza kuko maze kujijuka, abana banjye mbafasha gusubiramo amasomo ugasanga birashimishije mu rugo”

Umuhuzabikorwa w'Inama y'Igihugu y'Abagore mu Karere ka Musanze, Nyiramahirwe Blandine, yemeza ko kuba umubare munini w'abigishijwe ari abagore bizakuraho imbogamizi nyinshi zabazitiraga mu iterambere.

Ati “Nk'abagore, twari dufite imbogamizi z'abagore batazi gusoma, kwandika no kubara ariko ubu iterambere ry'umugore rigiye kwiyongera kuko bagiye gukora ibyo bazi. Bajyaga banahohoterwa kubera kutamenya gusoma aho basomeshaga ubutumwa rimwe na rimwe bakabubabwira nabi hari n'abibwaga ibyangombwa by'ubutaka cyangwa amafaranga biturutse ku kuba batazi gusoma, kwandika no kubara ariko bigiye gukemuka biteze imbere.”

Harushyabana Bernard, Umukozi wa Duhamic Adri yafashije abigishijwe bakuze kwiga ibinyujije mu Mushinga Literacy Project ku nkunga ya Care Rwanda, avuga ko babategerejeho kwiteza imbere kuko kwigisha umugore ari guteza imbere umuryango.

Yagize ati “Abarangije turashaka ko bahindura ubuzima bwabo bakazamuka mu bukungu, mu mibereho myiza, bakaringaniza urubyaro, bagatanga mituweli, bagakoresha neza ubumenyi bahawe bahera ku mahirwe abegereye. Turasaba n'ubuyobozi kuzakomeza kubaba hafi kuko bo bagaragaje ko bashoboye.”

Umuyobozi w'Akarere ka Burera wungirije ushinzwe Imibereho myiza y'Abaturage, Manirafasha Jean de la Croix, avuga ko bazakomeza kwigisha abantu bakuze batari barabonye ayo mahirwe bitewe n'amateka igihugu cyanyuzemo.

Yagize ati “Ni igikorwa twishimira kuko giha amahirwe n'abakuze yo kumenya gusoma, kwandika no kubara. Ubundi kubera ibihe twanyuzemo by'amateka yaranze igihugu cyacu, byagiye biteza ingaruka no mu myigire mu Karere ka Burera mu myaka itatu ishize twari dufite abagera hafi ku bihumbi 40, batazi gusoma no kwandika ariko ubu dusigaranye abari munsi y'ibihumbi 10. Intego ni uko buri mwaka tuzajya twigisha abarenga ibihumbi bitanu, ari nako dushyiraho n'amasomero hirya no hino, bizadufasha muri gahunda yo guhindura umuryango bityo tugire umuryango uteye imbere.”

Abarangije amasomo muri uyu mwaka biganjemo abagore ku kigero kirenga 80%, ni abatangiye kwiga muri Werurwe 2020 baza gusubika amasomo batarangije kubera icyorezo cya Covid-19, baza kuyakomeza kugeza muri uyu mwaka, abenshi bari hejuru y'imyaka 30 kuko harimo n'ufite 55 y'amavuko.

Abantu bo mu Turere twa Burera na Musanze bakuze bahawe impamyabumenyi nyuma yo gusoza amasomo yabo bahawe mu gihe cy’umwaka

Abigishijwe gusoma, kwandika no kubara bavuga ko imbere ari heza

Leta y’u Rwanda yakunze gushinja u Bufaransa kugira uruhare muri Jenoside yakorewe Abatutsi igahitana abarenga miliyoni imwe.

Gusa Leta zayoboye kiriya gihugu kuva mu 1994 kugeza muri 2017 ubwo Perezida Emmanuel Macron yatorwaga akagaragaza ubushake bwo kuzahura umubano w’Igihugu cye n’u Rwanda ndetse agatera intambwe yo kugaragaza ko hashobora kuba hari amakosa kiriya gihugu cyakoze.

Muri 2019 ubwo u Rwanda rwibukuga ku nshuro ya 25 Jenoside yakorewe Abatutsi, Guverinoma y’u Rwanda yari yatumiye Perezida Emmanuel Macron ariko icyo gihe ntiyabashije kuza gusa yohereje itsinda rimuhagarariye ryari riyobowe na Depite Hervé Berville ufite inkomoko mu Rwanda.

Emmanuel Macron muri uriya mwaka kandi yashyizeho ko tariki 07 Mata, muri kiriya gihugu ari umunsi wo kwibukaho Jenoside yakorewe Abatutsi mu Rwanda.

Muri uwo mwaka kandi, Perezida Macron yashyizeho itsinda ry’abantu 15 bahabwa inshingano zo gusesengura no gucukumbura niba kiriya gihugu cyaragize uruhare muri Jenoside yakorewe Abatutsi.

Iri tsinda ryahawe uburenganzira kuishyinguranyandiko ribitsemo inyandiko z’ibanga ry’ibiro by’inzego zikomeye muri kiriya gihugu nk’ibiro by’umukuru w’Igihugu, ubutasi ndetse n’Igisirikare kugira ngo harebwe uruhare rwa kiriya gihugu mu byabaye mu Rwanda.

Biteganyijwe ko uyu munsi ku wa Gatanu Tariki 26 Werurwe 2021 ku isaaha ya saa 17:30 ari bwo riri buze guha Perezida ibyavuye muri ubu bucukumbuzi, gusa ntibizwi niba iyi raporo iza guhita ijya hanze.

Mu kwezi gushize kwa Gashyantare 2021, Ikinyamakuru Mediapart cyo mu Bufaransa cyasohoye inkuru ivuga ko ubwo Jenoside yabaga mu Rwanda, ubutegetsi bwa kiriya gihugu bwategetse abasirikare bari mu butumwa mu Rwanda mu kiswe Opération Turquoise, guhungisha abari abategetsi b’u Rwanda bari bamaze gukora Jenoside.

Iyi nkuru yagarukaga ku nyandiko z’ibanga zabonetse mu biro bya Alain Juppé wari Minisitiri w’Ububanyi n’Amahanga wa kiriya gihugu.

Abasesengura iby’umubano w’u Rwanda n’u Bufaransa, bahise batangaza ko izi nyandiko zizafasha iriya komisiyo yashyizweho kubona uruhare rwa kiriya gihugu mu byabaye mu Rwanda.

Gusa mu Umugaba Mukuru w’Ingabo z’u Bufaransa, General François Lecointre yavuze ko nta ruhare ingabo za kiriya gihugu zagize muri Jenoside yakorewe Abatutsi mu Rwanda mu 1994.

General François Lecointre yavuze ko ibivugwa ku ngabo za kiriya Gihugu ngo ari 'igituzi cyakozwe ku basirikare bacu.'

Perezida Emmanuel Macro ugiye kugezwaho iyi raporo, biteganyijwe ko azasura u Rwanda muri Gicurasi uyu mwaka 2021 ubwo u Rwanda ruzaba ruri mu minsi 100 yo kwibuka ku nshuro ya 27 Jenoside yakorewe Abatutsi.

UKWEZI.RW

Mukura VS yo mu magepfo y’u Rwanda yamaze gusinyisha abatoza 3 bayobowe na Zapata Rodolfo Antonio ukomoka muri Argentine.

Bakaba basinye kuri uyu wa Gatanu tariki ya 26 Werurwe 2020, aho bagiye kuyobora iyi kipe mu gihe cy’imyaka 2.

Zapata Rodolfo azaba yungirijwe na Mateso Jean de Dieu mu gihe umutoza w’abanyezamu ari Theogene Ndaruhutse.

Zapata Rodolfo w’imyaka 54 si ubwa mbere agiye gutoza muri Afurika y’Iburasirazuba kuko muri 2018 yatoje AFC Leopards yo muri Kenya n’ubwo atahatinze yahise yerekeza muri Township Rollers FC yo muri Botswana yanahesheje igikombe cya shampiyona cya 2018-2019.

Mateso Jean de Dieu uzaba umwungirije yatoje AS Kigali ari umutoza wungirije aza no kuyisigarana ari umutoza mukuru ari nabwo yegukanaga igikombe cy’Amahiro cya 2019, batandukanye umwaka ushize wa 2020 ubu akaba yatozaga Vision FC mu cyiciro cya 2.

Aba batoza bakaba basinyiye iyi kipe mu gihe mu mpera z’umwaka ushize yatandukanye n’umufaransa ufite inkomoko muri Algeria, Djilali Bahloul.

Mukura VS ibarizwa mu karere ka Huye mu Ntara y’Amagepfo, mu mpera za Mutarama 2021 yahagaritse amasezerano y’abakozi bayo.

Mukura VS yasinyishije abatoza 3 bashya

Rodolfo Zapata ni umutoza mukuru wa Mukura VS

Mateso Jean de Dieu wahesheje igikombe cy’Amahoro AS Kigali, ni we mutoza wungirije wa Mukura VS

Producer Knoxbeat yasezeranye imbere y’amategeko n’umukunzi we Akamikazi Bernice, ni umuhango Uwizeyimana Marc[Rocky Kirabiranya]yatunguranye akaza yambaye ingofero mu gihe ari we wari iruhande rwa Knoxbeat(parrain).

Muri Mutarama 2021 nibwo Knoxbeat yari yambitse impeta ya fiançailles Akamikazi Bernice amusaba ko yazamubera umugore.

Uyu muproducer(utunganya indirimbo) umwe mu bakomeye kandi bazwi mu mu muziki nyarwanda Rwanda aho ubu akorera muri Monster Record, yasezeranye imbere y’amategeko mu murenge wa Nyakabanda mu karere ka Nyarugenge mu Myujyi wa Kigali ku munsi w’ejo hashize ku wa Kane tariki ya 25 Werurwe 2021.

Abinyujije ku rukuta rwe rwa Instagram, Knoxbeat yashyizeho amwe mu mafoto y’ubukwe bwe aherekezwa n’amagambo agira ati'kunda abo bagukunda'

Muri uyu muhango, Rocky Kirabiranya umenyerewe mu gusobanura filime mu Rwanda, ni we wari waherekeje Knoxbeat nka parrain, akaba yaratunguranye akaza yambaye ingofero yayirebesheje inyuma.

Knoxbeat yakoze indirimbo nyinshi kandi za menyekanye nka 'Ngufite ku mutima’ ya Bushali na The Ben, 'Ngirente’ ya Amalon, 'Ibanga’ ya Zizou na Christopher Muneza n’izindi nyinshi.

Bernice yarahiriye kuba umugore wa Knoxbeat

Knoxbeat na Bernice n’abari babaherekeje

Rocky yari parrain wa Knoxbeat

Ni gutya Rocky yaje yambaye mu bukwe bwa Knoxbeat

Rocky imyambarire ye nka Parrain wa Knoxbeat yatunguye benshi