Category: Uncategorized

Inkweto z’amabara y'umutuku n'umukara zamaze kugera ku isoko nyuma yo kumurikwa na Lil Nas X umuraperi, umuririmbyi n'umwanditsi ukiri muto w'umunyamerika w'imyaka makumyabiri nu’mwe afatanyije na kompanyi yitwa MSCHF.

Nike yahise itangaza ko ntaho ihuriye n'umushinga w’ikorwa ry'iyi nkweto yakozwe hifashishijwe inkweto yayo ya Air Max 97s ariko ibimenyetso bikavanwaho hagashyirwaho ibindi bijyanye na shitani nk’uko nyir’umushinga yabiteguye.

Izi nkweto zageze hanze tariki 29 Werurwe 2019. Ni imiguru 666. Izi nkweto zigurishwa akayabo k’amadorali 1018 (Miliyoni y’amanyarwanda), ziri kwitwa iza shitani bitewe n’amaraso y’umuntu bazikoranye ukongeraho n’amagambo yanditseho yo mu ivanjiri yanditswe na Luka umutwe wa 10 umurongo wa 18 uvuga ngo ‘Nabonye shitani amanuka ava mu ijuru’.

Izi nkweto zanditseho Icyanditswe cyo muri Bibiliya, Luka 10:18

Src: CNN

Byiringiro Christian [Christian Hope] yavutse tariki 29 Nzeri 2001. Ni ubuheta mu muryango w'abana batandatu barimo abahungu batanu n'umukobwa umwe. We n'umuryango we batuye ku Kimihurura, afite ababyeyi bombi.

Mu 2018, ni bwo yatangiye urugendo rw'umuziki nk'umuhanzi wigenga asohora indirimbo ye ya mbere mu mwaka wa 2019.

Yabwiye INYARWANDA ko yinjiye mu muziki kubera urukundo awufitiye no kuba awiyumvamo kubera ko atawukoze ntacyo ubuzima kuri we bwaba buvuze.

Ati 'Byakomotse ku rukundo no kwiyumvamo umuziki ko ntawukoze ubuzima bwaba ntacyo buvuze.'

Christian Hope anavuga ko kwinjira mu muziki yanasunitswe n'indirimbo 'Yankuyeho urubanza' ya Israel Mbonyi.

Ati 'Indirimbo ya Israel Mbonyi yitwa 'Yankuyeho urubanza' nayo yanteye imbaraga cyane binsunikira gutangira umuziki wanjye.'

KANDA HANO WUMVE INDIRIMBO “NDAGUSHIMIRA” Y’UMUHANZI CHRISTIAN HOPE

Uyu muhanzi avuga ko yakuze akunda kuririmba muri korali, ariko ko atajyaga atekereza ko azaba umuhanzi wigenga. Anavuga ko umuryango we wari warahanuriwe ko uzabyara umwana w'umuhanzi.

Indirimbo ye ya mbere ya Christian Hope yitwa 'Ntawe uhanye nawe' ivuga ko mu Isi no mu Ijuru abariho, ababayeho, abazabaho ntawuhwanye na Yesu Kristo. Ni indirimbo ihimbaza Imana yakuye mu gitabo cyo kuva 15:2,11.

Uyu muhanzi yavuze ko afite intego yo gukora umuziki, ku buryo umubare munini uzakira Yesu nk'umwami n'umukiza kubera we.

Anavuga ko ashaka gukora umuziki mpuzamahanga ntaririmbe mu Kinyarwanda gusa, ahubwo akisanzura mu ndimi nyinshi.

Indirimbo ye nshya ya yise 'Ndagushimiye', yayanditse ayikomeye ku bihe bigoye yarimo acamo ariko akumva akwiye gushima Imana.

Ni indirimbo yitezeho guhindura 'benedata bera mu bibi cyangwa mu byiza bagatera umugongo Imana'.

Ati 'Uyumvise wese arayikunda akambwira ko imusubijemo intege zo gukomeza urugendo. Imaze guhindura imyumvire ya benshi yo kumva ko ibyo bagezeho ari amaboko yabo gusa kandi ari Imana yabashoboje.'

Muri iki gihe, uyu musore yatangiye gukora kuri Album ye nshya. Christian Hope ni umwe mu baririmbye muri korali zirimo nka 'Siloam' yaririmbyemo akiri ku ntebe y'ishuri mu mashuri yisumbuye.

Christian Hope yinjiye mu muziki asohora amashusho y'indirimbo ye ya kabiri yise 'Ndagushimira'

Christian Hope yavuze ko yinjiye mu muziki kubera ko abikunda kandi akaba yarasunitswe n'indirimbo ya Israel Mbonyi

KANDA HANO UREBE AMASHUSHO Y’INDIRIMBO “NDAGUSHIMIRA” YA CHRISTIAN HOPE

“>

Ingingo ya gatatu y'itegeko N° 04/2013 ryerekeye kubona amakuru, ivuga ko buri muntu afite uburenganzira bwo kubona amakuru afitwe n'urwego rwa Leta na zimwe mu nzego z'abikorera.

Ingingo ya 14 n'iya 15 zo zigaragaza uburyo umuntu ashobora kwifashisha kugira ngo abone amakuru mu kigo cyigenga, kandi inzego z'abikorera zitegekwa gushyiraho umukozi ushinzwe gutanga amakuru.

Mu mahugurwa yateguwe n'Ihuriro ry'Abatanga Ubufasha mu Mategeko, LAF (The Legal Aid Forum), abashinzwe gutanga amakuru mu bigo binyuranye bari guhugurwa, kugira ngo bazafashe ibigo bakorera kuzamura imyumvire ku iyubahirizwa ry'itegeko ryemerera abantu guhabwa amakuru.

Aya mahugurwa y'iminsi itatu, yahujwe n'intego ya 16 mu zigamije iterambere rirambye zizwi nka SDGs (Sustainable Development Goals).

Umuhuzabikorwa w'amashami y'Umuryango w'Abibumbye mu Rwanda, Fodé Ndiaye, yanenze abantu batubahiriza itegeko rigena uburenganzira bwo guhabwa amakuru.

Ati 'Uburenganzira bwo guhabwa amakuru ni ingenzi kuko iyo amakuru atanzwe bifasha abaturage gusobanukirwa uko igihugu gihagaze bityo bakagira uruhare mu bibakorerwa. Itangazamakuru rifasha mu kurandura ubujiji no kurwanya ibihuha. Icyo nabonye mu Rwanda, ni uko itangazamakuru ridakora mu buryo buboneye.'

Umunyamabanga Nshingwabikorwa w'Urwego rw'Abanyamakuru Bigenzura, RMC, (Rwanda Media Commission), Mugisha Emmanuel, yabwiye itangazamakuru ko uretse kuba iri tegeko ritubahirizwa, hakiri n'ibindi byuho mu mategeko ubwayo.

Ati 'Itegeko risobanura amakuru akwiye kugirwa ibanga ariko hari ayo abakayatanze bagira ay'ibanga kandi atari muri urwo rwego. Hari amakuru abayobozi baba bagomba gutangaza babyibwirije, ariko ntabwo babikora. Mu itegeko mpanabyaha hahozemo ibihano bihabwa umuntu utatanze amakuru, ariko ubu byakuwemo.

Mugisha yavuze ko iri tegeko ryashyiriweho gufasha abanyamakuru gutara no gutangaza inkuru zicukumbuye, ariko ngo nta nkuru zicukumbuye zikorwa. Kuba bishoboka ko hari benshi batazi ko bafite uburenganzira bwo guhabwa amakuru na byo ni imbogamizi ikomeye.

Umuyobozi Nshingabikorwa w'Ihuriro ry'Abatanga Ubufasha mu Mategeko, LAF, Kananga Andews, yavuze ko n'ubwo hari abanyamakuru bahohoterwa, hari n'abandi badakurikiza amategeko mu gihe bari gutara inkuru.

Ati 'Dufite ibibazo by'abanyamakuru bahohoterwa, ku buryo hari n'abafunzwe ubu turi kuburanira. Abanyamakuru na bo bakwiye kujya bakurikiza amategeko mu gihe bari gutara amakuru.'

Kananga kandi yavuze ko hari abanyamakuru usanga badasobanukiwe itegeko ribaha uburenganzira bwo guhabwa amakuru, bigatuma hari n'ubwo barenganywa kubera kutamenya.

Abari gukurikira aya mahugurwa, bitezweho kuzamura imyumvire ku itegeko rigenera abantu uburenganzira bwo guhabwa amakuru.

Abari gukurikira aya mahugurwa, bitezweho kuzamura imyumvire ku itegeko rigenera abantu uburenganzira bwo guhabwa amakuru

Umuhuzabikorwa w'amashami y'Umuryango w'Abibumbye mu Rwanda, Fodé Ndiaye, yanenze abatubahiriza itegeko rigena uburenganzira bwo guhabwa amakuru

Umunyamabanga Nshingwabikorwa w'Urwego rw'Abanyamakuru Bigenzura, RMC, Mugisha Emmanuel, yagaragaje icyuho kikiri mu mategeko kizitira abanyamakuru mu kazi kabo

Aya mahugurwa yitabiriwe n’abayobozi mu nzego zinyuranye

Asubiza abarimo perezida w’ikipe ya Gasogi United ari we Kakooza Nkuriza Charles[KNC] bavuze ko adashoboye guhamagarwa mu ikipe y’igihugu, Rubanguka Steve yamusubije ko mu gihe umuntu afite inzozi adakwiye kureka injiji kumubuza kuzigeraho.

Rubanguka Steve amaze igihe ahamagarwa mu ikipe y’igihugu ariko ntagire amahirwe yo gukina, byatumye benshi bibaza ku rwego rwe ndetse n’impamvu umutoza amuhamagara abizi ko atazamukinisha.

Ku wa 24 Werurwe 2021, mu mukino Amavubi yatsinzemo Mozambique 1-0, Rubanguka Steve yakinaga umukino we wa mbere mu ikipe y’igihugu, aho yakinnye iminota 45.

Mu cyumweru gishize, KNC yavuze ko igihe kigeze ko abantu bareka kwizirika ku bakina hanze cyane nka Rubanguka kuko hari abakinnyi ba Gasogi benshi bamurusha.

Ati'njyewe ntekereza ko igihe kigeze y’uko twivanamo ngo abantu bavuye hanze, nk’uriya muhungu Rubanguka nta mukinnyi n’umwe wo mu Rwanda ukina hagati aruta, ntaruta Kaneza, ntaruta Wanyama Byumvuhore Tresor, ntaruta Hakim Dieme, ibyo ndabivuga si uko ari abakinnyi ba Gasogi, bose bamuri hejuru, ibyo byo kuvuga ngo abantu bavuye hanze mubivemo mutoranye ikipe abakinnyi barahari.'

Abinyujije kuri page ye ya Facebook, Rubanguka Steve yavuze ko mu gihe ufite inzozi udakwiye kureka injiji zikuzitira kuko abaguseka uyu munsi ari bo bazaza kukubaza uko wabigenje mu gihe uzaba wagize urwego ugeraho.

Ati' Niba ufite inzozi, ntukemere ko injiji izikuvugishaho. Kubera ko abantu bagushidikanyaho, baguseka, cyangwa bavuga ko ibyiza bitakuremewe, ni bo bantu bazakugarukira gake gake bakubaza uko wabikoze banakugisha inama. Guma ku ntego yawe kandi ukomeza ukore cyane nshuti.'

Rubanguka Steve akinira ikipe ya AE Karaiskakis yo mu cyiciro cya 2 mu Bugereki, yayigiyemo muri Kanama 2020, nyuma yo gutandukana na Patro Eisden yo mu Bubiligi.

KNC ngo abona Rubanguka adakwiye guhamagarwa mu ikipe y’igihugu

Rubanguka Steve yakinnye umukino we wa mbere mu Mavubi

Nga nta muntu ukwiye kukubuza kugera ku ntego zawe