Category: Uncategorized

Terry Gobanga, umupasiteri wo muri Kenya yanyuze mu magorwa akomeye cyane ubwo umunsi w’ubukwe bwe wari ugeze, yafashwe ku ngufu n’abagabo batatu biba ngombwa ko ajyanwa mu bitaro bya Nairobi, akize ahita asezerana na wa musore wamukunze ndetse bagira ubukwe bw’akataraboneka, ariko nyuma y’iminsi 29 basezeranye, Terry yarapfakaye bimuviramo igikomere, icyakora Imana yamuhojeje amarira imuha undi mugabo ubu babanye neza.

Mu gice cya mbere cy’ubuhamya twabonye uko Terry n’umugabo we Harry bakoze ubukwe bwiza cyane. Muri iki gice turarebera hamwe ibyakurikiyeho bavuye mu kwezi kwa buki.

Bamaze gukora ubukwe bagiye mu kwezi kwa buki bagaruka mu kwezi kwa 8bamazeyo iminsi 29. Nairobi mu kwezi kwa 7 no mu kwa 8 haba hari imbeho nyinshi cyane. Batashye basanze mu nzu yabo hari imbeho nyinshi cyane noneho umugabo wa Terry Gobanga aragenda afata Imbabura ayishyiraho amakara arangije ayishyira mu cyumba kugira ngo gishyuhe, babonye hamaze gushyuha ayikuramo arayijyana ayishyira ahandi hantu mu nzu ariko hatari mu cyumba.

Hanyuma bararyamye, ariko umugabo atangira kuvuga ati 'Ndumva mfite ikizungera meze nabi' Umugore aramubwira ati 'Biraza gushira' umugabo yakomeje avuga ko birimo kwiyongera noneho bigeze aho umugore na we atangira gufatwa abwira umugabo ngo agende kuzana indi couvre-lit kuko yumvaga hakiri imbeho. Umugabo yarasubije ati 'Ndumva nta mbaraga mfite meze nabi sinashobora kugenda' Umugore na we yashatse kujya kuyifata biramunanira.

Mubyukuri birashoboka ko ari imbabura yabagizeho ingaruka. Byagezeho umugore yahamagara umugabo we akitaba, ikindi gihe ntamusubize, ahita yumva ko ibintu bimeze nabi.Terry yagiye akamabakamba agera aho telephone yabo yari iri ahamagara abaturanyi baraza, ariko kugira ngo agere ku rugi abakingurire byamufashe umwanya munini cyane. Yarabakinguriye barinjira ahita yikubita hasi atakaza ubwenge.

Pastor Terry yashidutse ari ku bitaro hanyuma aravuga ngo umugabo wanjye ari hehe? Baramubwira ngo humura umugabo wawe ari mu cyumba kindi turi kumukurikirana, ariko umugore kuko yari azi ko umugabo we ameze nabi, yarababwiye ati 'Njyewe ndi pasiteri kandi nahuye n’ibibazo byinshi cyane, nimumbwize ukuri umugabo wanjye ameze ate? 'Muganga yaramwitegereje aramubwira ngo ihangane umugabo wawe yitabye Imana.

Umugore yarize amarira menshi cyane, ibaze aho yasezeraniye nyuma y’ukwezi kumwe yasubiyeyo agiye gushyingura. Mwibuke yaherukagayo yambaye ikanzu yera noneho asubirayo yambaye iy’umukara. Terry yarababaye cyane abantu batangira kuvuga urumva umuntu bafashe kungufu bikagerekaho na none yuko umugabo we yapfuye, bavuze ko afite imivumo. Bavuze amagambo menshi baramutuka n’ibindi byinshi. Nyuma yo gushyingura yumvaga yiyanze yibaza n’impamvu Imana yamuretse yibaza impamvu ibyo bintu byamubayeho ari umukozi w’Imana.

Nyuma Imana yaje kumwoherereza umusore wamwitagaho cyane akamubwira Ijambo ry’Imana akamubwira ngo niba ushaka kugira ngo ukire ugomba kujya uvuga ibyakubayeho kandi ugakomeza gusenga Imana ukabohoka kuko Imana ntiyagutaye bibaho mu buzima kandi ibyo byose bibaho kuko bifite impamvu. Uwo mugabo yamaze iminsi itatu atamusuye, Terry yaramuhamagaye aramubwira ngo kuki utaje kundeba uyu munsi? Byonyine kumuhamagara yahise yumva ko hari uburyo yatangiye kumukunda.

Igihe cyarageze uwo musore abwira Terry ko yifuza kumushaka. Umugore yaramubwiye ngo reka nkubwire mbere y’uko uzana igitekerezo cyo kunshaka, genda usome ibinyamakuru byo muri kenya usome umenye ngo umuntu witwa Terry ni muntu ki? Numara kumenya ubuzima bwanjye ukumva ufite umuhate wo kunkunda uzabimbwire icyo gihe. Umugabo yaragiye kuri murandasi asoma n’ibinyamakuru arangije araza aramubwira ngo byose nabisomye ndacyagukunda cyane kandi ndagushaka.

Umugore yarumiwe cyane aravuga ngo uyu muntu ni muzima? Kuko yari yarafashe gahunda ko atazongera gushaka. Kugira ngo amwikize yaramubwiye ati 'Hari n’ikindi utazi, kwa muganga barambwiye ngo sinshobora kubyara kubera ibibazo byambayeho mu nda harangiritse'. Umugabo yaramurebye araseka cyane arangije aramubwira ati 'Njyewe ntabwo ngukundira abana, dushobora kubyara kuko Imana ishobora byose, ariko dushobora no kutabyara. Yamusomeye ijambo rivuga ko abana ari umwandu uturuka ku mana. Imana nibona ko dukwiriye iyo kado izayiduha, ariko nitayiduha izaba impaye umwanya uhagije wo kugukunda'.

Terry akimara kubyumva yaravuze ngo ntibishoboka, aba bagabo bameze batya baracyariho ku isi? Arangije aravuga ngo n’ubwo navuze ko ntazongera gushaka, urukundo rumeze gutya ntabwo narusubiza inyuma aramwemerera barashakana nyuma y’imyaka itatu apfakaye. Ariko mbere gato umugabo agiye kubibwira iwabo barishimye cyane, ariko bamenye ko ari Terry baramubwira ngo sigaho uriya ni ikivume nawe uzapfa. Barabirwanyije ariko umugabo yari yafashe umwanzuro aravuga ngo ngomba kurongora uriya mupasiteri.

Pastor Terry Gobanga hamwe n’umugabo we Imana yamushumbushije

Nyuma icyaje gukurikiraho bagiye gukora ubukwe bajya muri rwa rusengero na none abantu baza ari benshi cyane barahurura Imana ihagurutsa abantu baramufasha ndestse bamuba hafi. Mugihe barimo babwirana amagambo yo gusezerana, umugore ubwoba bwaramwishe aravuga ngo Mana yanjye noneho uyu mugabo ntazapfa? Napfa bazavuga ko ndi ikivume. Terry yararize imbere y’Imana aravuga ngo Mana ndakwinginze uyu mugabo umurinde ntazapfe kandi uzatugirire neza kugira ngo aba bantu bamvuze amagambo bazamenye ko uri Imana yacu. Yarize amarira atabaho adashobora guhagarika imbere y’Imana.

Imana yaritegereje iri mu ijuru ireba Terry irangije irabyemera. Nyuma y’umwaka umwe gusa bashakanye, yatangiye kumva ameze nabi ajya kwa muganga atekereza ko ari cya gikomere afite mu nda barangije baramubwira ngo twasanze utwite. Iyo nda yayibyayemo umwana w’umukobwa bamwita 'Tehille' Nyuma y’imyaka 4 babyaye undi mukobwa bamwita 'Towdah'. Kugeza ubu uyu mugore abanye neza na sebukwe n’umuryango wose.

Nyuma y’ibyoTerry yanditse igitabo gikunzwe cyane muri iyi minsi cyitwa 'Crawling out of Darkness' bisobanuye 'Gukambakamba uva mu Mwijima' Ikindi kandi Imana yamuhaye minisiteri yo gufasha abandi badamu bafite ibibazo nk’ibyo yagize byo gufatwa ku ngufu. Arabafasha akabahumuriza. Muri macye Imana dusenga ni yo ifite ububasha bwo kutuvana mu mwijima ikadushyira mu mucyo.

Source: mannaexpressonline.com, Agakiza Tv

[email protected]

'Muri Islam, Imana ntabwo ari Data(umubyeyi) ahubwo ifatwa nk’izaciraho abantu iteka. Bavuga ko hagati yacu n’Imana hari umworere munini, kandi Imana ikintu cyose dukoze izakiduciraho urubanza'. Hedieh wairiye inyota Imana akiri no muri Islam yakijijwe gute?

Ababyeyi ba Hedieh ni abimukira bavuye muri Iran bajya muri Leta zunze ubumwe z’Amerika nkuko byari mu nzozi zabo. Hedieh yakuriye mu muryango ukize kandi ukomeye cyane, ariko kuri we avuga ko ibyo bitari bihagije. Ati ' Ibyo numvaga bitanyuzuza, nabonaga ngiciriritse ugereranyije nibyo isi nayifuzagaho, ariyo mpamvu nahoraga numva mbabaye. Nahoraga rero nibaza impamvu muri njye harimo icyo cyuho, numva ko hari ikintu mbuze.

Igihe Hedieh yajyaga kwiga, yizeye ko wenda ibijyanye no kwijira mu idini bishobora kumuha uwo munezero yabuze muri we. Nibwo papa we yamushishikarije kujya muri Islam, umuhungu wari inshuti ye amujyana mu musigiti wari hafi aho. Hedieh ati' Wari umusigiti utangaje kubera ko wasangaga harimo n’ibikorwa bya politike, aho bumvaga ko n’amerika yose yayoborwa n’ubusiramu. Ndibwira nti ibi bintu ndabona biteye ubwoba, numva ntashaka kubijyamo. Nkavuga nti niba ari imyemerere, ibyo bindi ntibikwiye kwivangamo.'

Hedieh kubera ko yashakaga kumenya Imana, mu rwego rwo guhunga ubuhezanguni bwo muri Islam yisunze irindi tsinda ryo rikora ibikorwa byizi muri Islam ryitwa’Sufism’. Muri islam haba ibikorwa by’amayobera, aho nahasanze: ibikorwa by’urukundo, amahoro, imibanire myiza n’Imana, ndavuga nti 'ok, ibi ni byiza wenda aha ho nzahabonera amahoro kandi nzahagirira ubusabane bwiza n’Imana.'

Nyuma yuko arangije amashuri ye mu bijynye n’amategeko, Hedieh yatangiye gusohora raporo ku bijyanye n’ubuhezangani muri Islam. Ibikorwa bye byatumye ajya gukorera ibro by’Amerika bishinzwe ubutasi FBI, akorana na leta y’america muri ibyo bikorwa byo guhashya iterabwoba. Ati' byari nk’ibisanzwe ko mpura ku buryo bworoshye n’iyo miryango muri islam, byari binyoroheye kubiga neza no kumenya uko narwanya iterabwoba muri bo. Muby’ukuri natekerezaga ko ndimo gutanga umusanzu wanjye ku gihugu, kandi ko ndi no mu nshingano z’ibyo nizera.'

Hedieh yaje gushaka muri ibyo bihe abyara umukobwa, hashira imyaka myinshi yariziritse ku mahame y’idini(Islam) ibintu bitari bimworoheye. Yakomeje agira ati' Ntabwo byari byoroshye kugenga ibyifuzo bya kamere, imyitwarire y’aho, byasabaga imbaraga ngo ugaragaze ko uri kumwe n’Imana. Buri gihe wahoranaga ubwoba bw’uko bari bugucira urubanza, kandi ibyo byose ntibyakorwaga kubw’urukundo. Twasengaga Imana itabasha kutwumva!'

Byaje kurangira acitse intege kuko yaje gusanga Islam nta gakiza itanga. 'Banyizezaga ko nzagera ku ntegoz’ubuzima bwanjye, ariko sinumvaga uko ibyo bizagerwaho! Ibyo rero byanshyize ku gipimo cyo kuremererwa cyane uko nagendaga nkura ndetse n’umukobwa wanjye akura.' Uko niko Hedia abisobanura.

Umunsi umwe nyuma yimyaka 22 Hedieh ari muri Islam, yaje kwiyambura umwitandiro wamuhoraga ku mutwe. Umuyobozi we(Imam) amubwira ko icyerekezo ahisemo kuzabaho iteka kitazamugwa amahoro. Hedieh ati' Bambwiye ko nsa naho ngiye kwiyahura bitewe n’umusatsi wanjye nagaragaje, ngo umutwe wanjye uzangusha mu muriro w’ikuzimu iteka ryose' Byarangiye rero mvuye muri Islam kuko yarankomerekeje cyane, numvaga ntashoboye kubaho muri ubwo buzima. Nasanze nari narazimiye!

Hedieh wari wararahiriye kuziha Imana ubuzima bwe bwose, mu gihe yari akurikiye kuri tereviziyo yabonye umupasiteri wigishaga ku nyigisho zijyanye no kugirana ubusabane n’Imana biciye muri Kristo Yesu. Guhera ako kanya yatangiye gucanganyikirwa muri we, atangira kujya mu masengesho. 'Narapfukamye nsenga nkuko muri islam twabigenzaga, umutwe wanjye wubitse ku butaka ndimo kurira cyane. Naravugaga nti’ Ese wanyihishurira ko numva nacanganyikiwe cyane, ukambwira uwo uri we?’ nino muri iryo sengesho ubwo nari mu cyumba cyanjye numvise ijwi rya Yesu! Yarambwiye ngo'Hedia, ni njyewe!” byari ibintu bidasanzwe ndabikubwira nk’aho ari ijo hashize byabaye, Kuva uwo munsi narahinduwe'

Yakomeje gukurikira wa mu pastieri kuri internet, atangira gusoma ibyanditswe byera. Yakomeje ahamya ati 'Bibiliya nasanze ari ubuzima, ibintu Korowani itampaye! Numva ari Imana irimo kunganiriza, kandi koko yavuganye nanjye kuko yanyeretse Korowani nk’urugero rwanyobyaga, hanyuma inyereka Bibiliya nk’umuyobozi w’ukuri. Nabonyemo ibihamya binyemeza ko Yese ari Umwami n’Umukiza wanjye. Nigeze gusenga nsaba ko Imana yandokora, Yesu ambwira ko ntakwiye kuzongera kugira ubwoba ukundi'

Hedieh bidatinze yaje kubatirizwa muri rya torero yakurikiriyemo inyigisho kuri interinete. Avuga ko ubu afitanye ubusabane n’Imana atazongera kubishidikanyaho.

'Naje kwisobanukira, ndibuka uko nahoraga mpangayitse, Yesu ni nk’aho yambwiye ati ' Ngwino unkurikire’, muri iyi nzira rero nakurikiye Yesu niho ambwira ngo witinya ngufitiye umugambi mwiza, nta bibi nkwifuriza'. Ngambiriye kukwereka ubwiza bwanjye, nguteguriye ubugingo buhoraho, nzakuzuza urukundo n’ibyishimo witinya!'

Hedieh yibajije impamvu Imana yemeye ko anyura muri ibyo byose mu myaka 25 shize, ariko yasobanukiwe ko byari ukugira ngo bimusunikire mu muhamagaro we wo gukorera Imana avuga ubutumwa bwiza ubu, no mu gihe kizaza.

Source: 700 Club Interactive Tv

[email protected]

Ibi bikoresho byibwe uriya mushoramari w’umunyamahanga, birimo intebe zigezweho z’ama divan ndetse n’imisambi igezweho izwi nk’imikeka.

Ibi bikoresho byose byari byibwe uwo musoramari ukomoka muri Turukiya, yahise abisubizwa.

Aba bagabo batatu beretswe Itangazamakuru kuri uyu wa Kabiri tariki 13 Nyakanga 2021, ubu bafungiye kuri station ya RIB ya Kinyinya mu Karere ka Gasabo.

Urwego rw’Igihugu rw’Ubugenzacyaha RIB rutangaza ko ruri gutegura dosiye y’ikirego cya bariya bantu bakurikiranyweho ubujura kugira ngo ishyikirizwe Ubushinjacyaha.

Uru rwego rwaboneyeho guha ubutumwa abantu bagura ibikoresho batazi inkomoko yabyo.

Ubu butumwa bugira buti 'RIB irasaba abaturarwanda kwirinda kugura ibintu batazi inkomoko yabyo kuko bibatera igihombo kandi bishobora kubaviramo n’icyaha iyo bigaragaye ko babiguze bazi ko ari ibijurano.'

Umwe muri aba bakekwaho ubujura, aremera icyaha cyo kwiba ariko akabivuga yabitewe no kuba umukoresha we yari yaramwambuye, yanamuhemba akamuha macye macye.

Yagize ati 'Mu mezi abiri yari andimo yampembye 20 000 Frw gusa kandi yaragombaga kumpemba 80 000 Frw.'

UKWEZI.RW

Mu makipe akina icyiciro cya mbere mu Rwanda mu mupira w’amaguru, nubwo isoko rishyushye ku bakinnyi amakipe yongeramo abakinnyi bashya, amenshi nta batoza afite aho mu makipe 14, atanu niyo yonyine afite abatoza.

Shampiyona ya 2020-2021 yasojwe APR FC ari yo yegukanye igikombe, amakipe abiri AS Muhanga na Sunrise FC amanuka mu cyiciro cya kabiri.

Nyuma yo gusoza iyi shampiyona amakipe akaba yaragiye ku isoko atangira kugura abakinnyi n’abatoza.

Muri iyi nkuru ISIMBI iragaruka ku makipe adafite abatoza yaba ari abasoje amasezerano batarongererwa ndetse n’ayasoje shampiyona adafite abatoza.

Muri rusange amakipe afite abatoza ni APR FC, Kiyovu Sports, Bugesera FC , Espoir FC na Marines FC.

Dore uko amakipe ahagaze

APR FC

Kugeza ubu ikipe ya APR FC umutoza wayo ukomoka muri Maroc, Adil Erradi Mohammed wayihesheje ibikombe 2 bya shampiyona, aracyafite umwaka w’amasezerano.

Kiyovu Sports

Nyuma y’uko inaniwe kumvikana n’umutoza Ndayiragije Etienne wasoje shampiyona ya 2020-2021 ari we uyitoza, iyi kipe ikaba mu mpera z’icyumweru gishize yarasinyishije umutoza Haringingo Francis watandukanye na Police FC. Kiyovu Sports yasoje ku mwanya wa 9.

Bugesera FC

Bugesera FC ni imwe mu makipe make ya hano mu cyiciro cya mbere afite abatoza kuri ubu aho umutoza Mbarushimana Abdou agifite amasezerano. Bugesera FC yasoje ku mwanya wa 8.

Rayon Spports

Rayon Sports ni imwe mu makipe mesnhi ubu adafite abatoza, shampiyona yatojwe Guy Bukasa ariko nyuma y’umunsi wa 5 w’amakipe ahatanira igikombe batsinzwe na APR FC tariki ya 16 Kamena, Guy Bukasa yahise asezera kugeza ubu nta mutoza mukuru iyi kipe afite. Rayon Sports yasoje ku mwanya wa 7.

AS Kigali

Iyi kipe umwaka w’imikino wa 2020-2021 watojwe na Eric Nshimiyimana, akaba nyuma y’uyu mwaka yari anasoje amasezerano ye ariko ntarongererwa nubwo amakuru avuga ko bamaze kumvikana kukongererwa amasezerano ariko ntarasinya, mu magambo make iyi kipe nayo nta mutoza ifite. AS Kigali yasoje ku mwanya wa 2.

Police FC

Police FC nayo nta mutoza ifite, ni nyuma y’uko mu kwezi gushize kwa Kamena batandukanye na Haringingo Francis shmpiyona igasozwa na Nkotanyi Ildephonse usanzwe ari umutoza wa Interforce FC, kugeza ubu nta mutoza ifite. Police FC yasoje ku mwanya wa 4.

Gasogi United

Umwaka w’imikino wa 2020-2021 watojwe n’umutoza wungurije Kirasa Alain, ni nyuma y’uko Cassa Mbungo Andre yerekeje muri Bandari FC yo muri Kenya. Iyi Kipe nayo nta mutoza mukuru ifite. Gasogi United yasoje ku mwanya wa 10.

Gorilla FC

Ikipe ya Gorilla FC ubu nayo nta mutoza ifite, ni nyuma y’uko Ruremesha Emmanuel wayitoje mu mwaka ushize w’imikino amasezerano ye yarangiye ndetse akaba yaranemeje ko atazakomezanya n’iyi kipe yamaze kuyisezeraho. Gorilla FC yasoje ku mwanya wa 14.

Musanze FC

Nyuma y’uko tariki ya 23 Gicurasi 2021 Musanze FC yirukanye Seninga Innocent ku munsi wa mbere w’amakipe 8 arwana no kutamanuka mu cyiciro cya kabiri, nta wundi mutoza mukuru irazana. Musanze FC yasoje ku mwanya wa 12.

Marines FC

Marines FC nayo iracyari kumwe n’umutoza wayo Yves Rwasamanzi ugifite amasezerano yo gutoza ikipe ya Marines FC wayigiyemo kuva muri 2018. Marines FC yasoje ku mwanya wa 5.

Etincelles FC

Shampiyona yasojwe iyi kipe itozwa na Said Abedi Makasi ni nyuma y’uko yatandukanye n’umutoza mukuru. Etincelles FC yasoje ku mwanya wa 11.

Mukura VS

Ikipe ya Mukura VS yahagaritse umutoza Zapata nyuma y’uko yari itaratsinda umukino n’umwe. Yahagaritswe hasigaye imikino 5 ya shampiyona, kuva icyo gihe nta mutoza irazana. Mukura VS yasoje ku mwanya wa 13.

Rutsiro FC

Rutsiro FC yazamutse mu cyiciro cya mbere umwaka ushize w’imikino, mu mwaka wa mbere yatojwe na Bisengimana Justin wari warasinye umwaka umwe ukaba yarawusoje ariko ntarongererwa. Iyi kipe yasoje ku mwanya wa 6.

Espoir FC

Espoir FC ni indi kipe ifite umutoza, ni nyuma y’uko mbere shampiyona itangira basinyishije Gatera Moussa imyaka 2, akaba yarayitoje umwaka umwe aho yawesoje ku mwanya wa 3.

Adil Erradi aracyafite amasezerano ya APR FC

Gatera Moussa asigaranye umwaka wa Espoir FC

Haringingo Francis yasinyiye Kiyovu Sports

Yves Rwasamanzi aracyafite amasezerano na Marines FC

Abdou aracyafite amasezerano ya Bugsera FC