Webrwanda Backend

Category: Uncategorized

  • Kwandikwa ku isoko ry’imari n’imigabane, kugabanya ibiciro: Rwandair igiye guhindura isura y’ubwikorezi muri Afurika – #rwanda #RwOT

    Icyakora, ni ibikorwa byagiye bikomwa mu nkokora n’ibibazo bitandukanye birimo ihangana rikomeye mu rwego rw’ingendo zo mu kirere n’ihungabana ryatewe n’icyorezo cya Covid-19.

    Amafaranga akoreshwa kugira ngo iki kigo gikomeze ibikorwa byacyo, aturuka mu ngengo y’imari y’u Rwanda, ndetse nko mu ngengo y’imari y’umwaka ushize, Leta yari yashoyemo miliyari 145 Frw.

    Nubwo ibijyanye n’ingendo z’indege byakomwe mu nkokora muri iyi minsi, RwandAir ni ishoramari Leta idashobora kureka kuko rifasha ubukungu cyane. Nk’igihugu kidakora ku nyanja, RwandAir igira uruhare rufatika mu koroshya ingendo z’ibicuruzwa byoherezwa mu mahanga n’ibitumizwayo mu buryo bwihuse.

    Iki kigo kandi ni ingenzi mu gufasha ba mukerarugendo kugera mu Rwanda, ari na yo mpamvu mbere y’icyorezo cya Covid-19, ubukerarugendo bwari bumaze kugera ku mwanya wa mbere mu nzego zinjiriza igihugu amadovize menshi.

    Mu rwego rwo kucyongerera ubushobozi, Leta y’u Rwanda yatangiye amasezerano y’ubufatanye n’ikigo cya Qatar Airways, kiri ku mwanya wa mbere ku Isi mu bigo bitanga serivisi nziza zo gutwara abantu mu kirere.

    Umuyobozi Mukuru wa RwandAir, Yvonne Makolo, yabwiye CNBC ko ibiganiro byo guhuza ibi bigo byombi birimbanyije ku buryo Qatar Airways izahabwa imigabane ingana na 49% muri RwandAir.

    Yagize ati “Turacyari mu nzira zo kurangiza ibiganiro by’ubufatanye, aho Qatar Airways izafata 49% by’imigabane ya RwandAir, ibyo ntabwo biremezwa neza ariko turacyabiganiraho.”

    Hejuru y’icyorezo cya Covid-19, indi mpamvu ikomeye yari yadindije ibiganiro ku mpande zombi, ni uko Leta y’u Rwanda yari yabanje kumvikana na Qatar Airways ku bijyanye n’ikibuga cy’indege cya Bugesera, kandi amasezerano hagati y’impande zombi akaba yaramaze gusinywa, igikurikiyeho akaba ari amasezerano hagati y’ibigo by’indege by’ibihugu byombi.

    Ati “Ni urugendo rurerure, twari turajwe ishinga no kubanza kurangiza amasezerano yo kubaka ikibuga cy’indege, kandi twarayarangije ndetse imirimo yo kubaka irakomeje, aho Qatar ifite 60% by’ikibuga cy’indege cya Bugesera. Ubwo rero twarangije amasezerano areba ikibuga cy’indege, ubu turi gushyira imbaraga mu [kunoza amasezerano] hagati y’ibigo by’indege byombi. Byatindijwe n’icyorezo cya Covid-19 ariko ibiganiro birakomeje kandi biri kugenda neza.”

    Amakuru avuga ko imirimo yo kubaka ikibuga cy’indege cya Bugesera igeze hejuru ya 35% nyuma y’aho igishushanyo mbonera kivuguruye kibonekeye. Iki kibuga gifite agaciro ka miliyari 1.3$, kikazubakwa mu bice bibiri, byose bizarangira gifite ubushobozi bwo kwakira abantu miliyoni 14 ku mwaka, ibikigira kimwe mu bibuga by’indege binini mu Karere k’Ibiyaga Bigari.

    Ni ubufatanye buzahindura ubwikorezi muri Afurika

    Muri Gashyantare 2020, ubwo Al Baker, Umuyobozi Mukuru wa Qatar Airways yatangazaga imikoranire mishya hagati ya RwandAir n’ikigo ayoboye, yatanze impamvu zatumye bashima imikoranire na RwandAir, avuga ko ‘ahantu igihugu kiri, umutekano n’uburyo cyorohereza ishoramari’, ari bimwe mu byabakuruye.

    Ku rundi ruhande ariko, Qatar Airways yanakuruwe cyane n’imbaraga Leta ishora muri RwandAir ‘ifatwa nka kimwe mu bigo biri gukurana ingoga ku Mugabane wa Afurika’.

    Nko mu 2013, RwandAir yatwaye abagenzi ibihumbi 408, baza kugera ku bihumbi 885 mu 2017 ndetse bikavugwa mbere ya Covid-19, iki kigo cyatwaraga abagenzi bakabakaba miliyoni ku mwaka. Ibijyanye n’amafaranga yinjira na yo yarazamutse kuko yavuye kuri miliyoni 91.6$ mu 2013, akagera kuri miliyoni 221.6$ mu 2018.

    Bitandukanye n’ibindi bigo bikora ubwikorezi bwo mu kirere ku Mugabane wa Afurika no hanze yayo, isoko ry’ibanze rya RwandAir, ni Afurika nyirizina. Mu byerekezo 26 bya RwandAir, bitandatu byonyine nibyo byerekeza mu mijyi iri hanze ya Afurika birimo icya Londres, Bruxelles, Tel Aviv, Dubai, Mumbai na Guangzhou mu Bushinwa.

    Nk’uko bigaragara, RwandAir ishyize imbaraga cyane mu kongera ibikorwa byayo ku isoko rya Afurika, ndetse Makolo yavuze ko iri soko rifite amahirwe menshi y’iterambere.

    Isoko rya Afurika ni isoko ritanga icyizere cyane mu bijyanye n’ingendo zo mu kirere, kuko mbere y’umwaduko wa Covid-19, ryari ryitezweho kujya rizamuka ku kigero cya 5.9% buri mwaka mu myaka 20 iri imbere.

    Nubwo bimeze bitya ariko, Qatar Airways ntabwo yakunze kwita cyane ku isoko rya Afurika, kuko mu ngendo zirenga 170 ikora, 20 gusa nizo zerekeza muri Afurika, enye muri zo zikerekeza muri Afurika y’Iburasirazuba.

    Ni mu gihe ibigo nka Turkish Airways bihanganye na Qatar Airways, bimaze gukuba gatatu umubare w’ibyerekezo bikoreramo ingendo muri Afurika, aho byavuye kuri 18 bikaba bimaze kugera kuri 56 mu myaka 10 ishize.

    Mu kiganiro aherutse kugira na Simple Flying muri Gicurasi, Al Baker yavuze ko Afurika ari isoko Qatar Airways iri kurebaho cyane, anaca amarenga ko ari imwe mu mpamvu bahisemo gukorana na RwandAir.

    Ati “Afurika ni wo mugabane ufite icyuho kinini mu bwikorezi bwo mu kirere, ndetse n’ibigo bihakorera bitanga serivisi mbi. Akazi kanjye ni ukubaka ikibuga cy’indege kigezweho ndetse no gufatanya na RwandAir maze tukabaha serivisi nziza zimeze nk’izo dutanga muri Qatar Airways.”

    Andi makuru avuga ko mu gihe impande zombi zakwemeranya amasezerano y’imikoranire, Qatar Airways ishobora guha cyangwa gukodesha indege kuri RwandAir, ibintu byazamura ubushobozi bwa RwandAir cyane kuko byakemura ikibazo cy’indege nke RwandAir ifite, aho itunze indege 12 gusa.

    Umuyobozi Mukuru wa RwandAir, Yvonne Makolo yavuze ko Afurika ari umugabane ufite amahirwe menshi mu bijyanye n’ishoramari mu by’ingendo z’indege

    Ubu buke bw’indege nibwo bwari bwatumye mu 2018, RwandAir yiyemeza kujya mu ikodesha-gurisha ry’indege enye zirimo ebyiri zo mu bwoko bwa Boeing 737 MAX zari butangwe n’ikigo cya LAC ndetse n’izindi ebyiri zo mu bwoko bwa Airbus A330neos zagombaga gutangwa n’ikigo cya SMBC Aviation Capital gicuruza kikanakodesha indege.

    Mu mwaka ushize ariko, nibwo RwandAir yatangaje ko iby’ayo masezerano byahagaritswe, bitewe n’uko mu biganiro byari kuba hagati ya RwandAir na Qatar Airways, byari bikubiyemo n’uburyo icyo kigo cyakodesha indege kuri RwandAir, nk’uko Umuyobozi Mukuru wayo, Yvonne Makolo, yabitangarije Flight Global.

    Ku rundi ruhande ariko Makolo yavuze ko RwandAir iticuza icyo cyemezo yafashe cyo kureka kugura izo ndege, kuko n’ubundi icyorezo cya Covid-19 cyagabanyije ibikorwa by’ingendo zo mu kirere, ku buryo nka RwandAir iri gukora ku bushobozi buri munsi ya 50% by’ubwo yakoreragaho mbere ya Covid-19.

    Yagize ati “Kubera impamvu zitandukanye, byabaye ngombwa ko duhagarika ibikorwa byo kugura indege twateganyije, kandi ni ibintu byiza kuko zakabaye ziparitse muri ibi bihe bya Covid-19, ariko turi gushyira imbaraga mu kongera gukuza ibikorwa byacu, rero ingendo nizongera gufungura mu buryo bwuzuye, tuzareba niba dushobora kongera kugura izindi ndege, bishingiye ku buryo isoko rizaba riteye.”

    Andi makuru ariko yemeza ko icyemezo cya RwandAir cyo guhagarika igurwa ry’izo ndege, gishobora kuba gifitanye isano n’amasezerano ari kuganirwaho hagati y’impande zombi, cyane ko na Qatar Airways ifite indege 235, isanzwe ikora ibi bikorwa byo gutiza indege, ndetse yewe ikigo cya Air Italy cyari gisanzwe gikoresha indege za Qatar Airways kikaba giherutse gufunga imiryango, kuko hari indege nyinshi zo gukodesha ibindi bigo.

    Birumvikana ko mu gihe amasezerano ku mpande zombi yakwemeranywaho, byagira inyungu kuri buri umwe kuko Qatar Airways yabyaza umusaruro indege ifite zitabyazwa umusaruro mu buryo bwuzuye, mu gihe RwandAir yabona indege ikeneye mu rugendo rwo kwagukira mu bindi bice by’Isi.

    Ikindi gishobora guhindura ibintu ni uko imikoranire y’ibigo byombi ishobora gufasha RwandAir kugabanya ibiciro by’itike z’indege zayo, bikiyongeraho ko ari kimwe mu bigo bizwiho gutanga serivisi nziza, byose bikaba bishobora kuba imbogamizi ku bigo bikora ingendo zo mu Karere ka Afurika y’Iburasizuba. Ibi byose bije byiyongera ku kibuga cy’indege kigezweho, ndetse n’umubare w’indege za RwandAir wariyongereye, nta kabuza ko byatanga ihangana rikomeye ku bigo bisanzwe bitwara abantu n’ibintu mu kirere.

    RwandAir yari isanzwe ifite umugambi wo gukuba kabiri indege zayo mu myaka itanu iri imbere.

    Ni ryari RwandAir izatangira kunguka?

    Yvonne Makolo yavuze ko nubwo RwandAir itaratangira kunguka, hari icyizere ko ibi bizagerwaho kuko isoko rya Afurika riri kwaguka cyane.

    Yagize ati “Mfite icyizere cyinshi cyane, isoko rya Afurika ntabwo rirabyazwa umusaruro neza, kandi ntekereza ko nubwo hari ibigo bindi bitwara abantu mu ndege, turacyafite imijyi myinshi itagira ingendo ziyihuza. Mu by’ukuri hari amahirwe menshi.”

    Yongeyeho ko ubwiyongere bw’ubucuruzi buturutse mu masezerano y’isoko rusange rya Afurika, ari indi ntambwe izaganisha ikigo ayoboye mu kubona inyungu.

    Ati “Imbogamizi muri Afurika ni imbogamizi y’ibiciro biri hejuru mu gukora ibikorwa byacu, ariko ntekereza ko kubera ibiganiro biri kuba hagati y’ibihugu bitandukanye, ibi biciro bishobora kuzamanuka, cyane cyane ku bijyanye n’imisoro, ibijyanye no kongera amavuta mu ndege aho hari itandukaniro rinini ku biciro byo ku Mugabane wa Afurika ugereranyije n’indi migabane, rero nizera ko ibintu bizahinduka. Mfitiye icyizere isoko rusange rya Afurika, kuko rizongera ubucuruzi hagati y’ibihugu, kandi ibyo bikazongera ingendo z’abantu n’ibintu muri Afurika.”

    RwandAir ku isoko ry’imari n’imigabane?

    Makolo yavuze ko mu myaka iri imbere, RwandAir ishobora kuziyandikisha ku isoko ry’imari n’imigabane, ariko avuga ko atari ibintu byakorwa uyu munsi binajyanye n’ibihe bikomeye urwego rw’ubwikorezi bwo mu kirere buri gucamo.

    Ati “Icyo si icyemezo nafata, ni ikintu abafatanyabikorwa bacu bazafataho icyemezo. Ndizera ko ari ibintu bishoboka mu gihe kiri imbere, wenda ubu si igihe cyiza bitewe n’ibihe urwego rw’ubwikorezi bwo mu kirere rurimo, ariko mu bihe biri imbere ni ibintu bishoboka.”

    Uyu muyobozi kandi yavuze ko kuri ubu ibihugu bidakwiye gusaba abantu kwikingiza kugira ngo babone kongera gukora ingendo zo mu kirere, bitewe n’uko ibihugu byose, cyane cyane ibyo muri Afurika, bitabonye uko bitanga inkingo zihagije.

    Ati “Sintekereza ko ari igikwiye gushingirwaho mu gusubukura ingendo, cyane cyane bijyanye n’uburyo Umugabane wa Afurika watanze inkingo nke, ziri munsi ya 2% by’abawutuye, ariko ntekereza ko ibihugu bishobora gufungura kandi mu buryo budakwirakwiza icyorezo, binyuze mu kwemerera abaturage bikingije ariko bakanemerera abandi baturage bafite icyangombwa cy’uko nta bwandu bwa Covid-19 bafite.”

    Yakomeje agira ati “ Ibi byarakozwe mu Rwanda kandi bitanga umusaruro mwiza, rero sintekereza ko icyangombwa cy’uko umuntu yakingiwe ari cyo cyonyine gikwiye kwemerera abantu gusubukura ingendo.”

    RwandAir isanzwe ikorera ingendo mu byerekezo 26 ariko mu ntangiriro z’uyu mwaka iki kigo cyatanze impapuro zisaba guhabwa uburenganzira bwo gukora ingendo ziva Kigali, zikanyura i Accra muri Ghana, mbere yo kwerekeza i New York muri Leta Zunze Ubumwe za Amerika.

    RwandAir yitezweho kuba imwe muri sosiyete z’indege zitanga icyizere mu myaka iri imbere

  • RDF yivuganye abarwanyi bane muri Mozambique, iri gusatira ibindi birindiro by’inyeshyamba – #rwanda #RwOT

    Aka gace gaherereye mu Ntara ya Cabo Delgado iri mu Majyaruguru ya Mozambique, kari mu bilometero 10 kugira ngo ugere mu Karere ka Macimboa da Praia ari naho hari icyicaro cy’imitwe y’iterabwoba yazengereje iyo ntara.

    Icyo cyicaro ni cyo iyo mitwe yifashisha mu kujya mu bindi bihugu birimo Tanzania.

    Muri iyo mirwano, ingabo z’u Rwanda zishe abarwanyi bane, hafatwa imbunda enye za RPG, eshatu za SMG n’ibindi bikoresho birimo inyandiko.

    Uvuye ku Kibuga cy’Indege cya Afungi kigenzurwa na Polisi y’u Rwanda kugera aho imirwano yabereye, harimo ibilometero 65. Abarwanyi bakuwe mu birindiro ako gace kiyongera ku tundi turi mu maboko ya RDF.

    Kugira ngo Ingabo z’u Rwanda zigere mu gace ka Macimboa de Praia hasigaye ibirometero icumi.

    Mbere yo gufata ” 1st May” yabereyemo imirwano, Ingabo z’u Rwanda zari zanyuze ahitwa Njama.

    Ubu Ingabo z’u Rwanda ziri kugenzura n’ahitwa “Quelimane 2” aho zikoresha nk’ibirindiro mu bizifasha mu rugamba.

    Inzira ya Afungi ni imwe muri ebyiri ingabo z’u Rwanda n’iza Mozambique bakoresheje ngo bagere mu mujyi wa Mocimboa da Praia ufatwa nk’indiri y’inyeshyamba.

    Kuri ubu abasirikare bamwe barwana baturutse mu ruhande rumwe, abandi mu rundi ku buryo bose bazahurira ahantu hamwe.

    Iya mbere ni iya Afungi unyuze Palma ugana Mocimboa da Praia mu gihe iya kabiri ari ihera Mueda igakomereza Awasse na yo igera Mocimboa da Praia.

    Izo ngabo nizimara guhurira muri ako gace, ikizaba gikurikiyeho ni ukugenzura ibice byose by’intara, hanyuma abaturage bagatangira gusubizwa mu byabo nta nkomyi.

    Mu ntangiriro za Nyakanga uyu mwaka ni bwo ingabo z’u Rwanda zagiye muri Mozambique nyuma y’ubusabe bwa Perezida w’icyo gihugu, Filipe Nyusi.

    Byari byitezwe ko izi ngabo zifatanya n’iz’Umuryango uhuza ibihugu bya Afurika y’Amajyepfo (SADC) ariko iza SADC zatinze kuhagera na nyuma yo kuhagera ntiziratangira gutanga ubufasha.

    Aka gace kazwi nka 1st May kamaze kwirukanwamo inyeshyamba

  • Perezida Ndayishimiye yongeye kugaragara asangira n'abaturage urwagwa [AMAFOTO] #rwanda #RwOT

    Perezida w'u Burundi,Evariste Ndayishimiye, n'umugore we Angeline Ndayubaha basangiye n'abaturage bo muri Komini Giheta umuganura.

    Nkuko yabikoze mu minsi ya mbere arahiriye kuyobora u Burundi,yagiye agaragara asangira n'abaturage ndetse s'ubwa mbere basangiye urwagwa.

    Perezida Ndayishimiye yasangiye n'aba baturage ndetse ababwira ko umuganura ari igihe cyiza cyo gusangira no kunga ubumwe.




    Source : https://umuryango.rw/amakuru/mu-mahanga/ubuzima/article/perezida-ndayishimiye-yongeye-kugaragara-asangira-n-abaturage-urwagwa-amafoto

  • InyaRwanda Music Top 10: ‘My Vow’ ya Meddy ik… – #rwanda #RwOT

    KANDA HANO WUMVE INDIRIMBO ZIKUNZWE ZIYOBOWE NA ‘My VOW’

    Iyi ndirimbo haba mu kurebwa ndetse no gukundwa mu gihe gito yabirushije indirimbo zose zaririmbwe mu gihugu cy'u Rwanda kuva umuziki watangira kubaho ndetse no kumvwa mu Rwanda. Mu minsi itanu gusa indirimbo ‘My Vow’ yari yujuje miliyoni ebyiri z'abayirebye kuri Youtube, akaba ari agahigo kiyongera mu tundi duhigo uyu muhanzi akomeje kwesa umunsi ku wundi abikesha ‘My Vow’ n’izindi yakoze mu bihe bishize.

    Ku rutonde rwa InyaRwanda Music Top 10, indirimbo My Vow yakurikiwe n'indirimbo ‘Piyapursha’ y'umuhanzi Niyo Bosco uri kwerekana ubushongore n'ubukaka mu muziki w'u Rwanda kuko iyi ndirimbo nayo mu gihe imaze isohotse kugeza ubu yamaze kurenza Miliyoni y'abayirebye ku rubuga rwa Youtube mu gihe gito.

    Mu gukora uru rutonde (InyaRwanda Music Top 10), twabanje gushyira ku mbuga nkoranyambaga zacu indirimbo 15 aho buri mukunzi w'umuziki nyarwanda yasabwaga guha ijwi rimwe indirimbo ari gukunda cyane. Ni ko byagenze kuko buri umwe yerekanye indirimbo iri kumuryohera cyane.

    Izi ndirimbo 10 ziri mu ndirimbo 15 zari zatoranyijwe n'abakunzi b'umuziki nyarwanda, itsinda ry'abanyamakuru ba InyaRwanda.com n'abandi banyamakuru batandukanye bakurikiranira hafi umuziki nyarwanda maze zishyirwa ku mbuga nkoranyambaga za InyaRwanda kuri Facebook na Instagram maze harebwa amajwi buri ndirimbo yagize.

    Muri izo ndirimbo zari zimaze umunsi zishyizwe kuri Instagram na Facebook bya InyaRwanda zari zifite amajwi agera ku 161 y'abatoye kuri Instagram naho kuri Facebook ho hari hariho amajwi agera kuri 67, dutangira kuzishyira ku rutonde hakurikijwe amajwi ya buri ndirimbo yose hamwe agera ku majwi 228.

    KANDA HANO WUMVE INDIRIMBO ZIKUNZWE ZIYOBOWE NA ‘MY VOW’

    KANDA HANO UREBE INDIRIMBO MY VOW YA MEDDY IKUNZWE CYANE

     

    Source : https://inyarwanda.com/inkuru/108386/inyarwanda-music-top-10-my-vow-ya-meddy-ikomeje-gukundwa-ku-kigero-cyo-hejuru-yakurikiwe-n-108386.html

  • #COVID19: Abantu 7 bitabye Imana, abanduye bashya ni 650 #Rwanda #RwOT via @kigalitoday #rwanda #RwOT

  • Turabona ko vuba imigenderanire y’u Burundi n’u Rwanda izasubira – Guverineri w’Intara ya Kayanza #Rwanda #RwOT via @kigalitoday #rwanda #RwOT

    Guverineri w
    Guverineri w’Intara ya Kayanza mu Burundi, Col. Remy Cishahayo

    Yabibwiye Abanyarwanda n’Abarundi bari bitabiriye umuhango wo gushyikiriza Guverineri w’Intara y’Amajyepfo mu Rwanda, Alice Kayitesi, Abanyarwanda barindwi bafatiwe mu Burundi, hamwe n’inka y’Abanyarwanda Abarundi bari baratwaye, tariki 6 Kanama 2021.

    Yagize ati “Perezida wacu w’u Burundi, Gen. Major Evariste Ndayishimiye, hamwe na Gen. Paul Kagame, twarumvise yuko bariko babitegura neza, turabona ko vuba imigenderanire izosubira”.

    Guverineri Cishahayo anavuga ko abaturiye inkiko z’ibihugu byombi bifuza ko imipaka hagati y’u Rwanda n’u Burundi yakongera gufungurwa, kuko aho yafungiwe byabangamiye ubuhahirane.

    Yafatiye urugero ku mupaka w’Akanyaru agira ati “Kuri ‘frontière’ y’Akanyaru, ni ukuri uhagiye harababaje cyane. Nkunda kujyayo, abanyagihugu cyangwa abaturage bakaza ari benshi, bibaza ngo wenda tugiye gufungura, ukabona ko babyishimiye cyane, ariko tukabahumuriza tukababwira tuti mwihangane gato, tuzafungura”.

    Yunzemo ati “Ni umupaka ukomeye cyane, kandi abaturage benshi, amamodoka yo ku rwego mpuzamakungu, twizera yuko vuba aha, ni ukuri iyo mipaka izafungurwa”.

    Guverineri Kayitesi na Cishahayo ku mupaka w
    Guverineri Kayitesi na Cishahayo ku mupaka w’u Rwanda n’u burundi

    Col. Cishahayo anavuga ko na we akiri muto ku wa Gatandatu no ku Cyumweru yirirwaga mu mujyi wa Butare, ku mugoroba agataha, kandi n’Abanyarwanda bakundaga kurema isoko mu Kayanza na Ngozi.

    Ati “Turashaka ko iyo migenderanire isubira. Ngo ntazibana zidakomanya amahembe ni ko mu Kirundi iwacu tubivuga, ariko turashaka yuko nk’uko abayobozi b’ibihugu byacu, u Burundi n’u Rwanda barimo kubikora, turabona yuko biri mu nzira nziza”.

    Abanyarwanda bamwumvise bashimishijwe n’icyizere cy’uko imipaka yakongera gufungurwa hagati y’u Rwanda n’u Burundi, kuko ngo ari ho bari basanzwe bahahira, bakaba bafite na bene wabo batari bakibasha kubonana kuko batuye hakurya y’umupaka.

    Florida Ahishakiye utuye mu Murenge wa Ruheru ati “I Burundi dufiteyo abavandimwe, kandi twarahahahiraga. Ubwo urumva ko hari icyo twari twarahombye. Twakuragayo imyenda, imyumbati, ibishyimbo n’ibindi”.

    Uwitwa Nkundimana na we utuye mu Murenge wa Ruheru ati “Nkatwe dutuye hano tuba twaragiye dushyingirana n’Abarundi. Biradushimisha iyo tubona ibiganiro hari aho bigera, buriya wenda amaherezo byazagera aho imipaka igakingurwa tukongera tukagenderanirana nk’uko byari bisanzwe. Hariyo ba masenge, ba databukwe, abantu benshi cyane”.

    Abana bafatiwe i Burundi nta kabuza ko na bo bazishima imipaka niyongera gufungurwa kuko muri rusange bavuga ko bari bagiye gushakayo imari, abandi imyambaro, cyane cyane bagendeye ku kuba hari Abarundi babonye mu Rwanda, babona ntacyo babatwaye bakibwira ko na bo ari ko bizabagendekera nibajya i Burundi.

    Muri bo hari uvuga ko yafashwe yagiye gushakayo injyamani agurisha mu isoko rya Gatunda, undi kurangura amacunga, undi kugura ipantalo yo kwambara kuko ngo mu Burundi zihendutse.

  • Ese iyo ni ya Pantalo wakuriyemo muvandi? Iby… – #rwanda #RwOT

    Meddy arizihiza isabukuru y'amavuko y'imyaka 32 ikaba ari imyaka agize nyuma y'imyaka isaga 13 atangiye by'umwuga umuziki. Yavutse kuwa 07 Kanama 1989, atangira umuziki mu mwaka wa 2008 ubwo yari afite imyaka ijya kuzura 19.

    Umuziki usobanura ubuzima bwa Ngabo Medard Jobert mwene Sindayihebura Alphonse na Cyabukombe Alphonsine bwatangiye mu bwana bwe ahanini bishingiye ku babyeyi be bakundaga umuziki bikomeye.

    Nyina yamutoje byinshi kuko ari we babanye igihe kinini nyuma y’uko se atabarutse. Alphonsine n'umuhungu we Meddy bakundaga gusubiranamo indirimbo z'umwami w'injyana y'ubutumwa 'Reggae' ukomoka muri Jamaica Bob Marley.

    Meddy yaririmbaga ubwo yigaga mu mwaka wa gatatu w'amashuri yisumbuye mu itsinda ry'abarenganuwe ryo mu itorero rya Zion Temple yari ahuriyemo na bamwe mu bantu bafite amazina akomeye mu muziki barimo The Ben, Lick Lick, Nicolas na Rata Jah NayChah ukora umuziki wa Gospel.

    Meddy uherutse gushakana n'umunya-Ethiopia, Mimi Mehfira mu bukwe bwanditse amateka mu ruhando rw'imyidagaduro nyarwanda kubera igikundiro  cy'uyu muhanzi n'uburyo bwahuje hafi y'igisekuru cyose cy'umuziki nyarwanda ugezweho. Ni ubukwe bwabereye muri Leta Zunze Ubumwe za Amerika.

    Kuva yakora indirimbo ya mbere yitwa 'Ungirira Ubuntu', yahise atangira gukurikirwa n'abatari bacye kimwe n'ibihangano bindi yakurikijeho nabyo birishimirwa birimo; Akaramata, Amayobera na Ese Urambona n’izindi. Ibyo rero hamwe n'umugisha byaje gutuma yisanga mu gihugu cya Leta Zunze Ubumwe za Amerika ari naho atuye kugeza uyu munsi.

    Ubwo yageragayo indirimbo yakoreyeyo kuva ku ya mbere zakunzwe maze agenda yaguka mu mikorere kugeza ubwo uyu munsi ariwe muhanzi ufite uduhigo twinshi ku mbuga nkoranya mbaga turimo kuba ariwe ufite indirimbo imaze kurebwa inshuro nyinshi ku rukuta rwa Youtube yitwa ‘Slowly’ kugeza none imaze kurebwa n’abarenga Milyoni 52 (52, 886,834).

    Niwe muhanzi mu Rwanda ufite umusaruro mwiza kuri uru rukuta urenga Miliyoni 114 (114, 536, 779) akanagira n’abemeye kumukurikira bihoraho kuri Youtube benshi (subscribers) mu Rwanda bagera ku bihumbi 653. Ku rukuta rwa instagram naho bikaba ari uko aho ariwe ukurikirwa cyane mu bahanzi n'abagera ku bihumbi 726.

    Si ibyo gusa kuko kuva umuziki watangira niwe muhanzi w'umunyarwanda wabashije kugira indirimbo yarebwe na Miliyoni y'abantu mu gihe cy'iminsi 2 gusa, bimwe mu bintu kandi bikorwa n'abahanzi bacye muri Afrika.

    Meddy na Mimi 

    Kuri uyu munsi Meddy yizihizaho isabukuru y'amavuko, ni umunsi ahuza n’umwe mu bahanzi beza b'ikiragano gishya cy'umuziki w’u Rwanda, Nelly Ngabo ubarizwa muri Kina Music inzu ikomeye mu muziki w'u Rwanda mu kuwutunganya no kureberera inyungu abahanzi.

    Meddy yifurijwe n'abantu benshi umunsi mwiza w'amavuko nk’uko bigaragara ku mbuga zitandukanye, muri abo ariko harimo Mimi uw'ingenzi, uwo bahuye bagahuza bakemera kubana no kuzasohozanya urugendo rw'ubuzima.

    Mimi ngo yamubajije icyo ashaka undi nawe aramusubiza ngo naze bijyanire mu butumwa bukomeje gusakara. Meddy yagize ati: 'Yambajije ngo ni iki nshaka ku munsi w'amavuko ndangije ndamubwira ngo ngwino ujyane nanjye!!! Mimi wankoreye umunsi, mufasha mwiza.'

    Meddy na none abinyujije ku rukuta rwe rwa Twitter yerekanye ko atigeze atecyereza ko imyaka izihuta nk’uko abibona anongeraho ko nyina umubyara yavugaga ukuri yagize ati: 'Reka mvuge, sinigeze ntekereza ko nzageza iyi myaka byihuse gutya. Mama yavuze ukuri ni iki nakongeraho.' Lick Lick na Uncle Austin nabo bari mu bamwifurije umunsi mwiza w'amavuko.

    Nel Ngabo nawe ku munsi we yatunguranye yerekana ifoto yo mu bwana bwe maze abantu bagaragaza kwishimira uyu musore uri mu bahanzi bakunzwe cyane muri iyi minsi.

    Ifoto ya Nel Ngabo yavugishije abatari bacye barimo abo muri Kina Music abarizwamo, Promesse Kamanda umwe bakobwa bazi gufotora neza n’abandi

    Mu gutebya no guterana ubuse, Igor Mabano yabaye nk’ubihuhuye ubwo yatangaga igitekerezo ku ifoto ya Nel Ngabo yo mu bwana bwe. Nel Ngabo agaragara yambaye ipantaro nini nawe rero ahera aho ati:'Ese iyo ni ya pantalo wakuriyemo muvandi, imigisha myinshi.'

    Butera Knowless umwamikazi wa Kina Music nawe yagaragaje gutangarira ifoto ya Nel Ngabo yasangije abamukurikira ku munsi w'amavuko, agira ati: 'Ooh Yesu, Marie na Yozefu.'  N'umwami wa Kina Music, Ishimwe Clement nawe yatunguwe uko bigaraga, akoresha amagambo y'icyarabu avuga ngo Imana ni nziza yagize ati: 'Imana ni nziza, isabukuru nziza mwana muto mukulukulukulu.'

    Umwe mu bakobwa bazi gufotora neza mu gihugu cy'u Rwanda Promesse Kamanda yerekanye ko hari ukuntu uyu musore yahindutse ariko asa n’unatebya agira ati: 'Cyera wasaga nawe kurusha ubu isabukuru nziza mwami muto.' Ni benshi bifurije isabukuru nziza uyu musore yaba ibyamamare birimo; Aline Gahongayire, Papa Cyangwe n'abakunzi b'umuziki nyarwanda banyuranye.

    Nel Ngabo wizihiza none isabukuru y’amavuko, ipantalo yambaraga mu bwana yabaye igitaramo ku mbuga nkoranyambaga

    Nel Ngabo afite indirimbo nshya ‘Sawa’ ikomje kunyura abatari bacye yashyize hanze kuwa 21 Nyakanga 2021

    Meddy afite indirimbo ‘My Vow’ ikunzwe mu Rwanda no mu karere k’ibiyaga bigari yitwa ‘My Vow’ yagiye hanze kuwa 22 Nyakanga 2021Inyunganizi zashyizwe ku rukuta rwa Instagram rwa Nel Ngabo z’abantu banyuranye barimo Butera Knowless na Igor bose bishimira umunsi w’amavuko weUbutumwa bwa Mimi ku munsi w’amavuko w’umugabo we Meddy wanabushyize hanzeUmwe mu bagabo bakomeye mu gutunganya umuziki wagiye afasha Meddy kuva yatangira umuziki Lick Lick yamwifurije umunsi mwiza w’amavukoUbutumwa Meddy yashyize kuri Twitter yemeza ko imyaka yihuta

    KANDA HANO WUMVE INDIRIMBO YA NEL NGABO YITWA SAWA IRI MU ZIKUNZWE CYANE

    Source : https://inyarwanda.com/inkuru/108383/ese-iyo-ni-ya-pantalo-wakuriyemo-muvandi-ibyingenzi-ku-munsi-wamavuko-wa-meddy-na-murumuna-108383.html

  • Impano Mimi ahaye Meddy ku isabukuru ye – YEGOB #rwanda #RwOT

    Tariki 07 Kanama 1989 nibwo Meddy yabonye izuba. Kuri uyu munsi yizihije isabukuru ye y'imyaka 32 y'amavuko. Abinyujije kuri story ya instagram ye yavuze impano umugore we, Mimi, yamuhaye nyuma yuko Mimi yari amaze kumubaza icyo yifuza nk'impano ku munsi w'isabukuru ye y'amavuko.

    Mimi yamuhaye impano yo kumukodeshereza imodoka ya Sport.

    Meddy abinyujije kuri story ya instagram ye yagize ati ” She said what u want for your bday?!!! I said come with Daddy!!! @itsmimiali, you make my days, pretty lady😘 “.

    Source : https://yegob.rw/impano-mimi-ahaye-meddy-ku-isabukuru-ye/

  • Uko ikipe ya PSG izaba ihagaze mu kibuga – YEGOB #rwanda #RwOT

    Nyuma yuko Messi atagikomezanyije na Fc Barcelone kuri ubu ibiganiro bigeze kure bigana ku musozo n'ikipe ya PSG yo mu Bufaransa. Uko ikipe ya PSG izaba ihagaze mu kibuga ni ibi bikurikira:

    Mu izamu: DONNARUMMA cga NAVAS

    Myugariro:

    LAKIMI

    MARQUINHOS

    RAMOS cga KIMPEMBE

    Hagati :
    WIJNALDUM

    BERNAT

    VERRATTI

    Rutahizamu :
    DI MARIA

    MESSI

    NEYMAR

    MBAPPÉ

    Mwebwe iyi squad ya PSG murayibona gute? Mwaduha ibitekerezo muciye muri comment section

    Source : https://yegob.rw/uko-ikipe-ya-psg-izaba-ihagaze-mu-kibuga/

  • Umunyeshuri yatunguranye ubwo yajyaga kwiga atwaye indege, benshi bacitse ururondogoro #rwanda #RwOT

    Umunyeshuri yatunguye benshi mu gihugu cya Kenya ubwo hakwirakwiye amafoto yiwe agiye ku ishuri mu buryo budasanzwe aho yatwawe na kajugujugu,ibintu bidakunze kubaho mu buzima bw'ishuri.

    Uyu munyeshuri witwa Maisha Nyororo yakoze agashya ubwo yari agiye ku ishuri,asaba se ko bajyana amutwaye mu ndege aho gutega bisi cyangwa kugenda mu modoka nkuko bisanzwe ku bandi.

    Uyu munyeshuri Maisha yari agiye kwiga ku kigo cyitwa lycée Maranda cy'ahitwa Siaya muri Kenya,agenda mu ndege ya se.

    Mu mashusho yakwirakwijwe cyane ku mbuga nkoranyambaga,yagaragaje abanyeshuri bo kuri iki kigo bategereje kwakira abanyeshuri bashya hanyuma babona kajugujugu iturutse hejuru iraza iparika imbere y'iri shuri hanyuma uyu musore avamo barumirwa.

    Abantu benshi bagiye impaka kuri iyi video bibaza kuri uyu munyeshuri wahisemo kugenda n'indege bidasanzwe aho bamwe bamushinjaga ubwirasi mu gihe abandi bavugaga ko ntacyo bitwaye kugenda mu ndege igihe ababyeyi bawe bayifite.

    Source : https://impanuro.rw/2021/08/07/umunyeshuri-yatunguranye-ubwo-yajyaga-kwiga-atwaye-indege-benshi-bacitse-ururondogoro/