Category: Uncategorized

Umuryango wabateguriye urutonde rw'indirimbo z'abahanzi nyarwanda zimaze kurebwa n'arenga miliyoni kurubuga rwa YouTube.

1.My Vow ya Meddy

Iyi ndirimbo ikaba yarakiriwe neza ndetse abantu bitabira kuyireba ku bwinshi ku rubuga rwa youtube mu gihe gito cyane ikaba yarakoze amateka atari yarigeze akorwa n'undi muhanzi nyarwanda aho yahise yuzuza miliyoni y'abayirebye bita Views ikijya hanze .

My Vow ikaba imaze kurebwa n'abarenga 3,848,356 mu gihe k'ibyumweru bibiri byonyine .

Iyi ndirimbo y'igaruriye imitima y'abenshi iri mu rurimi rw'icyogereza n'igiswahili akaba arizo ndimi zikoreshwa cyane ku Isi, aho icyongereza gifatwa nk'ururimi rwa mbere rukoreshwa n'abarenga miliyari 1,1- ubwo nukuvuga ko 15% byatuye Isi bazi icyogereza, naho Igiswahili kikabarwa nk'ururimi rwa 2 aho 82% by'abavuga Igiswahili barabizi nk'ururimi rwa kabiri. Igiswahiri cyashyizwe ku rurimi rw'igihugu cyangwa cyemewe mu bihugu byinshi bya Afurika: Tanzaniya, Kenya, Uganda, na Repubulika Iharanira Demokarasi ya Kongo.

'My VOW' nimwe mu ndirimbo yavuzweho ndetese inatangwaho ibitekerezo bitandukanye bitewe n'uburyo yakiriwe n'abatari bake barayikuda karahava bitewe n'ubwiza n'ijwi rigaragara uri iyi ndirimbo Meddy yahimbiye umugore we Mimi.

Meddy yashyingiranwe na Mimi ,Umukobwa ukomoka mu gihugu cya Ethiopia ,bakaba bari bamaze igihe kirekire mu rukundo.ndetse abantu batandukanye bakaba barashimye Meddy kuba ataragiye ajarajara mu bakobwa batandukanye nkuko abandi basitari bo bigenda.

2. Away -Ariel Wayz & Juno Kizigenza

Indirimbo 'Away' ya Ariel Wayz yakoranye na Juno Kizigenza 'indirimbo yakunzwe cyane mu gihe gito n'abanyarwanda ndetse no hanze y'u Rwanda .

Iyi ndirimbo imaze kuzuzuza abarenga miliyoni nigice kurubuga rwa Youtube (1,744,226 views). Mu gihe cy'Ukwezi kumwe gusa.

Iyi ndirimbo yasohotse tariki ya 18 Kanama ,yabanjirijwe y'amashusho aya Ariel Wayz na Juno Kizigenza basohoye ku mbuga nkoranyambaga bahuje urugwiro bari kunywa umuvinyo ku buryo bigera aho bagatwarwa bagasomana.

Aya mashusho akijya hanze abantu benshi baratangaye bavuga ko aba bombi bashobora kuba bari mu rukundo ndetse bamwe batangira kuvuga ko baba baberanye bituma indirimbo yabo ikomeza kurebwa cyane.

3. BAHO ya Israel Mbonyi

Iyi ndirimbo'BAHO' y'umuhanzi imaze Amezi agera kuri 5 imaze kurebwa n'abarenga miliyoni 3 , ikaba yarakunzwe mu buryo butangaje hano mu Rwanda ndetse no muri Diyasipora.

Izina Israel Mbonyi rimaze kuba ikimenya bose mu Rwanda haba mu bemera Kirisitu nk'umwami n'umukiza wabo, n'abatabikozwa, ku buryo igikundiro akirusha benshi no bakora indirimbo z'Isi.

Ni indirimbo ikozwe mu buryo bwa live recording.mu magambo yumvikana cyane muri iyi ndirimbo.
Harimo 'ufite ikimenyetso cy'amaraso y'umukuzi uruwanjye ndi uwawe ibyo nijye ubuvuze ngaho baho yewe ngenda ubeho magufwa yumagaye yewe ngenda ubeho, aranyitegereza imbabazi ziramusanga ati genda ubeho.

Israel Mbonyicambu bakunda kwita mbonyi, ni umuhanzi nyarwanda umaze kwigarurira imitima yabatari bake mu njyana ya Gospel hano mu Rwanda ndetse no mubindi bihugu bitandukanye birimo nibyo hakurya y'amazi magari.

Israel Mbonyicambu amaze kumurika alubumu ebyiri ari zo 'Number One' na 'Intashyo' akaba ari no kwitegura gushyira hanze iya gatatu yise 'Urwandiko ' . iyi ndirimbo izaza kuri iyi alubumu ya gatatu.

Uyu muhanzi Israel Mbonyi yavukiye muri Repubulika Iharanira Demokarasi ya Congo, kuwa 20 Gicurasi 1992. Yabyawe na Bizimana Shushe Jean Claude na Murorunkwere Dorcas akaba ari umwana wa gatatu mu muryango w'abana barindwi: abahungu 3 n'abakobwa 4.

4. Amata ya Dj Phil Peter na Social Mula

N'indirimbo yakozwe n'umuhanzi Mugwaneza Lambert [Social Mula] n'Umunyamakuru wa Isibo Tv, Phil Peter wi Isibo Tv , ikaba imaze kurebwa 1,130,192 views mu gihe cya mezi abari n'icyumweru.

Mu mpera za Werurwe 2021 nibwo Polisi y'u Rwanda yerekanye itsinda ry'abantu 39 bafatiwe mu nzu imwe bari gufata amashusho y'indirimbo barenze ku mabwiriza ya Covid-19 , muri abo harimo umuhanzi Social Mula n'umunyamakuru Dj Phil Peter.

Dore bimwe mubintu utamenye kuri iyi ndirimbo 'AMATA' yakunzwe na Benshi

1. Ni ubwa mbere Social Mula na Phil Peter bakorewe indirimbo na Producer Element
Producer Element wo muri Country Records yihariye isoko kuva mu 2020. Indirimbo itumvikanamo 'Eleeeh' bisaho n'aho iba itagezeho neza umugisha.

Niwe Producer muto mu Rwanda mu batunganya amajwi y'indirimbo (Audio). Ukuboko kwe n'ubuhanga bwe bimaze gutuma akorera indirimbo abahanzi bakomeye buri Producer wese yakwifuza.

Ati: 'Yaba ari njye, yaba ari Social Mula nta ndirimbo twari dufite twakorewe na Element. Izindi nubwo zaba zihari zaba ziri muri studio ariko iyi (Amata) araba ariyo ya mbere isohotse.'

2. Ni ubwa mbere Phil Peter azagaragara abyina mu mashusho y'indirimbo ye
Abakunze kureba amashusho y'indirimbo Phil Peter agaragaramo, abyina by'igihe gito ku buryo utavuga ngo yabiteguye hanyuma arabyina.

Mu mashusho y'indirimbo 'Amata' afitemo imbyino yihariye y'igihe kinini, ku buryo nawe asobanura ko ari bwo bwa mbere azaba agaragaraye abyina mu ndirimbo.
Iyi ndirimbo igaragamo abakobwa benshi b'ikimero bagaragara mu mashusho y'indirimbo z'abahanzi bakomeye mu Rwanda. Aba bose barabyina bigatinda.

Harimo umukobwa ugaragara mu mashusho y'indirimbo 'Nkufite ku Mutima' The Ben yakoranye n'umuraperi, harimo kandi n'umukobwa ugaragara mu ndirimbo 'Like you' ya Kevin Kade, Seyn na Davis D n'abandi.

Ni indirimbo ifite amashusho abantu bakwiye kwitega

3. Imyandikire idasanzwe isaba gutekereza kabiri
Iyi ndirimbo yitwa 'Amata', ucyumva iri zina wagira ngo bazaririmba ku kamaro k'amata, aho akoreshwa, uko aterekwa n'ibindi.

'Amata' arubahwa mu muco Nyarwanda ku buryo mu bahanzi b'iki gihe wabarira ku ntoki abayakozeho indirimbo.

Phil Peter yavuze ko mu ndirimbo 'Amata' baririmbye urukundo ariko ko 'iyo uyumvise ushobora kugira ngo n'ibindi bintu by'ubuzima busanzwe.'

Uyu munyamakuru yavuze ko iyi ndirimbo yakoranye na Social Mula irimo imyandikire idasanzwe 'kuko ukuntu turirimba 'Amata' ari ibintu bidasanzwe'.

Yakomeje ati: 'Wenda simbivuga aka kanya ariko nabo nibayumva bazabyumva.'
4. Ni indirimbo isize urwibutso rudasaza kuri Phil Peter na Social Mula
Phil Peter avuga ko iyi ndirimbo izahora mu ntekerezo ze na Social Mula, kuko yatumye bisanga imbere y'inzego z'umutekano ubwo bafatwaga barenze ku mabwiriza yo kwirinda Covid-19.

Uyu munyamakuru avuga ko we na Social Mula bari bafite uburenganzira bwo kurenza amasaha, ariko ko bari kumwe n'abandi bantu batari bafite uruhushya.
Yavuze ko indirimbo 'Amata' bazahora bayibuka nk'indirimbo yabaruhije, kandi bakisanga muri gereza bari baziko bayimurikira abantu mu gihe cya vuba.

Phil Peter na Social Mula bafunzwe bari kumwe n'abantu 39. Barekuwe nyuma y'umunsi umwe baciwe amande ndetse buri wese yipimishije Covid-19.

5. Ni ubwa mbere Social Mula akoranye indirimbo na Phil Peter
Phil Peter avuga ko Social Mula ari inshuti ye y'igihe kirekire kandi ko bahuza mu mashyi no mu mudiho. Akavuga ko bari baratinze gukorana indirimbo ariko 'inkono ihira igihe'.

Yavuze ko Social Mula ari mu bantu bagiye bamugira inama yo gukora indirimbo, aza kubyiyumvamo atangira urugendo.

Phil Peter yavuze ko ari inshuti na Social Mula kuva ku ndirimbo ye ya mbere yise 'Ijoro ryiza' yakorewe na Bagenzi Bernard binyuze muri Label ye yari yarise 'The Zone'.

Uyu munyamakuru yavuze ko ubushuti bwe na Social Mula bwatangiriye ku muziki, buza gukomera bitewe n'uko bahuza mu nguni zose.

Peter yavuze ko atazibagirwa umunsi yahamagawe mu kiganiro kuri Radio na Social Mula amubwira ko akurikiye ikiganiro nk'abandi bafana.

Bombi batangiye kuvugana mu 2012. Umushinga w'iyi ndirimbo 'Amata' ngo ugiye gukomeza ubuvandimwe.

5. PIYAPURESHA ya Niyo Bosco

Source : https://umuryango.rw/imyidagaduro/article/urutonde-rw-indirimbo-5-nyarwanda-zarebwe-n-abarenga-miliyoni-muri-2021

Umunyarwenya akaba n'umunyamakuru Nkusi Arthur wamenyekanye nka Rutura yarushinze na Miss Muthoni Fiona, mu buryo bw'ibanga rikomeye aho ibirori byabereye ku nkengero z'Ikiyaga cya Kivu mu Karere ka Rutsiro.

Ubu bukwe bwabaye kuri uyu wa 14 Kanama 2021 ku mucanga wa Rushel Kivu Lodge Hotel. Ni ubukwe bwatashywe n'abantu bake b'inshuti z'aba bombi ndetse nta muntu n'umwe mu bari baburimo wemerewe gusakaza amafoto.

Bwabaye nyuma yaho ku wa Gatatu tariki 11 Kanama 2021, Rutura na Miss Muthoni Fiona basezeranye imbere y'amategeko muri umwe mu mirenge igize Umujyi wa Kigali.

Uyu muhango wo gusezerana imbere y'amategeko na wo wagizwe ibanga rikomeye, ndetse amafoto n'amashusho yafashwe n'ababyishyuriwe bari bafite amabwiriza yo kutagira n'imwe ibacika. Uretse aba, abari batumiwe muri uyu muhango nabo bari basabwe kudafata amafoto cyangwa amashusho ngo bayasakaze ku mbuga nkoranyambaga.

 

 

Src: igihe.

Source : https://yegob.rw/mu-ibanga-rikomeye-arthur-nkusi-numukunzi-we-barushinzeamafoto/

Nyuma y’imyaka irenga ine bakundana, abanyamakuru Arthur Nkusi na Miss Naringwa Muthoni Fiona bakoze ubukwe bwabereye ku nkengero z’ikiyaga cya Kivu.

Kuri uyu wa Gatandatu tariki ya 14 Kanama 2021 nibwo umunyarwenya akaba n’umunyamakuru wa Kiss FM, Nkusi Arthur yakoze ubukwe n’igisonga cya 3 cya Nyampinga w’u Rwanda 2015 akaba n’umunyamakuru wa CNBC TV, Naringwa Muthoni Fiona.

Ni ubukwe bwabereye mu Karere ka Rutsiro mu Ntara y’Iburengerazuba mu nkengero z’ikiyaga cya Kivu, ku mucanga wa Rushel Kivu Lodge Hotel.

Ni ubukwe bwahuriranye n’isabukuru y’amavuko ya Miss Naringwa Fiona Muthoni wahoze wifuza kuzakora ubukwe ku isabukuru ye nk’uko umwe mu nshuti z’uyu mukobwa yabibwiye ISIMBI, akaba yakabije inzozi ze.

Ni ubukwe bwabaye mu ibanga rikomeye kuko abari muri ubu bukwe batumiwe, bari bake cyane kandi babuzwa gufotora abageni, nta foto yabo yigeze isohoka.

Bakoze ubu bukwe nyuma y’uko tariki ya 11 Kanama 2021 bari basezeranye imbere y’amategeko.

Bashakanye nyuma y’imyaka myinshi badashaka kuvuga ku rukundo rwabo, muri Mutarama uyu mwaka nibwo Arthur Nkunsi usanzwe ukorera Kiss FM yemeje ko ari mu rukundo n’umunyamakuru wa CNBC, igisonga cya mbere cya Africa Calabar 2017 n’igisonga cya 3 cya Nyampinga w’u Rwanda 2015, Miss Naringwa Muthoni Fiona.

Urukundo rwa Arthur Nkusi na Miss Muthoni Fiona wabaye igisonga cya 3 cya Nyampinga w’u Rwanda 2015 rumaze imyaka irenga 4 nubwo batakunze kurugaragaza cyane.

Ni ubukwe ababutashye ntabwo bari bemerewe gufotora abageni

Source : http://isimbi.rw/siporo/article/zari-inzozi-ze-kurushinga-ku-isabukuru-ye-miss-muthoni-fiona-yakoze-ubukwe-na-arthur-nkusi

Inkunga MTN Rwanda yahaye aba bangavu, yayinyujije mu muryango Empower Rwanda washizwe n'abanyarwanda, ukaba ugamije guteza imbere umudamu cyangwa umutegarugori n'umwana w'umukobwa. Uyu muryango uharanira uburenganzira bwabo ariko ukanabafasha kwiteza imbere kugira ngo bashobore kubaho mu buzima bwiza. By'umwihariko uyu muryango wita cyane ku bana b’abakobwa bahuye n'ibibazo byo kuba ababyeyi bakiri bato [bahohotewe], ukabitaho ukabatera ingabo mu bitugu kugira ngo babashe kurera abana no kwiteza imbere.

Bamwe mu bangavu bahawe inkunga na MTN Rwanda

Kuri uyu wa Gatanu tariki 13 Kanama 2021, MTN Rwanda nibwo yatanze inkunga ya Miliyoni icumi z’amafaranga y’u Rwanda (10,000,000 Frw) yo gufasha abangavu bahuye n'ibibazo nk'ibi bibumbiye mu matsinda batuye muri Gatsibo na Rwamagana. MTN Rwanda yakoze iki gikorwa cy’ubugiraneza ibinyujije mu muryango Empower Rwanda mu muhango wabereye muri utu turere twombi tw’Iburasirazuba.

Kabatesi Olivia Umuyobozi Mukuru w’umuryango Empower Rwanda

Umuyobozi Mukuru wa Empower Rwanda, Kabatesi Olivia yavuze ko ari bo bafashe iya mbere bakiyambaza sosiyete ya mbere y'itumanaho mu Rwanda, MTN, kugira ngo babashe gushyigikira aba bangavu muri ibi bihe bitoroshye. Ati: 'By’umwihariko rero ndagira ngo nshimire MTN Rwanda muri iki gikorwa twarabaganye tubasaba inkunga yo kuba twafasha bano bana muri ibi bihe bya Covid-19 yugarije isi yose”.

“Ni icyorezo cyagize ingaruka ku bantu benshi ariko by’umwihariko kigeze ku basanzwe bafite ibibazo kurusha abandi kibakiniraho, aba bana rero ni bo navuga bababaye kurusha abandi. Mu rwego rwo kubafasha kugira ngo bashobore kongera kubaho bashobore kurera ziriya mpinja zabo mubona bafite, twaravuze tuti se ni iki twakora mu rwego rwo kubafasha kuba bagira icyo bikorera kibinjiriza kugira ngo bashobore kubaho, bashobore kurera abana babo ariko bashobore no gusubira mu ishuri'.

Aba bana b’abakobwa bahawe ihene ziri mu kigero cyo kwima

Yakomeje avuga ko aba bana bakeneye gusubira mu ishuri ndetse no gushyira abo babyaye mu ishuri akaba ariyo mpamvu bahisemo kwiyambaza MTN kugira ngo batabare aba bana b’abakobwa. Miliyoni 10 Frw MTN yatanze nk'inkunga ibinyujije muri uyu muryango, zaguzwemo ihene ziri mu kigero cyo kwima zahawe aba bakobwa ndetse banagurirwa imashini zidoda bakaba bagiye kwigishwa kuzikoresha mu gihe cy'amezi 6 bityo bikabafasha kwihangira imirimo bakiteza imbere.

Bahawe imashini nshya zizabafasha kwiteza imbere

Kabatesi Olivia yavuze ko aya matungo magufi [ihene] azafasha aba abana b’abakobwa kurinda abana babo imirire mibi no kugwingira kuko bazabasha kubona amahenehene afite intungamubiri nyinshi ku mwana.

Aba bakobwa bavuze ko batazapfusha ubusa amahirwe bagize

Alain Numa wari uhagarariye MTN muri iki gikorwa cyabereye mu turere tubiri yavuze ko nk'Ikigo yaje ahagarariye gikora ubucuruzi nta gishya bakoze kuko inkunga yatanzwe yavuye mu mafaranga y'abo [abaturarwanda bakoresha itumanaho rya MTN]. Yagiza ati: '(….) tunabashimira ko muhamagara ari nayo mpamvu twaje ahangaha! Hari benshi bashobora kwibaza bati ese MTN, itumanaho, telefone, ikarita hakazamo n'ihene bihurira hehe? Nta gishya, twakoze mu mafaranga yanyu turayagarura tuyacishije mu buryo bwo bufasha”.

Alain Numa ni we wari uhagarariye MTN Rwanda muri iki gikorwa

Yakomeje avuga ko mu byo iyi sosiyete ikora ahanini inakenera imbaraga za Leta ndetse n'ibitekerezo. Yavuze ko mu minsi ishize hari igihe bagendereye akarere ka Rwamagana kakababwira ko hari ikibazo kimaze gufata indi ntere cy'abangavu bafashwe ku ngufu bagaterwa inda batarageza ku myaka 18. Iki kibazo ngo bakigize icyabo maze baza kwihuza n'umuryango Empower Rwanda ngo barebe uko bafasha aba bangavu.

Yabisobanuye muri aya magambo ati: 'Na none ibikorwa bya Empower Rwanda birivugira, ntabwo wakwifatanya n'abandi usize Empower Rwanda. Twarabegereye, twegera Empower Rwanda tuti ikibazo twumvise kiri ahangaha n'ubwo tutagikemura ariko nk'ikigo gikuru cy'itumanaho cya mbere mu gihugu turavuga tuti reka dufatanye turebe icyo twakora'.

Yakomeje avuga ko iyi nkunga yatanzwe itakuraho ikibazo ariko na none ashimangira ko igikenewe ari ubuvugizi ari nayo mpamvu bazakora ubuvugizi mu bakiriya babo barenze miliyoni esheshatu. Yahumurije aba bana b’abakobwa ababwira ko imbere ari heza ati: 'Ibyabaye byarabaye ariko ikiri imbere ni iki, muzabona abagabo beza, bahagaze neza baruta natwe uburebure, bahora babatetesha babibagize iriya mibabaro. Namwe mufate ihene, mufate imashini mudode, mudodere amashuri, mudodere kaminuza ….namwe mukire'.

Alain Numa yabwiye aba bakobwa ko bazabona abagabo beza babatetesha bakabibagiza agahinda bagize

Umwe mu bagenerwa bikorwa Mukarugwiza Dafroza wahagarariye abandi muri Rwamagana yashimye cyane umuryango Empower Rwanda avuga ko wabafashije kwishyira hamwe bakiga kumenya kwizigama no gukora imishinga ibyara inyungu. Yakomeje ati' Ibyo byose bikimara kutugezwaho twigaruriye icyizere. Mpagaze hano mu izina rya bagenzi banjye tubashimira. Batuguriye ihene, batuguriye imashini ndetse n'ibindi byinshi badufasha no kwihuza tukaganira kugira ngo ejo hazaza hacu habe heza ndetse twirinde n'umuntu wakongera kudushora mu kibi cyatuma dusubira hasi'.

Mukarugwiza Dafroza

Mukeshimana Divine wo mu karere ka Gatsibo watewe inda afashwe ku ngufu ku myaka 14, nawe ntiyagiye kure ya mugenzi we, akaba yashimiye Empower Rwanda na MTN Rwanda babafashije kuva mu bwigunge. Mu magambo ye yashimangiye ko inkunga bahawe irimo imashini izabafasha kwiha icyo bashaka bityo ntibongere gushukwa ukundi kuko ibyababayeho babikuyemo isomo rikomeye. Yagiriye inama abangavu bagenzi be abasaba kwitwararika ngo nabo ka kaga katazabageraho.

Umuyobozi w'Akarere ka Rwamagana, Mbonyumuvunyi Radjab wari witabiriye uyu muhango wabereye ku karere ayoboye, yavuze ko yishimiye ubufatanye bw'abafatanya bikorwa b'aka karere [Empower Rwanda na MTN Rwanda] muri ki gikorwa bakoze cyo kuremera aba bana b'abakobwa bagize ikibazo bakabyara by'imburagihe bakiri batoya kandi batanabiteguye.

Umuyobozi w’Akarere ka Rwamagana yashimiye cyane MTN Rwanda

Yibukije aba bana ko batagomba guheranwa n’aya mateka kuko eje habo ari heza ari na cyo kintu gikomeye bagakwiye kurebaho. Yagize ati: 'Abakobwa turi kumwe hano mwagize amateka atoroshye ariko na none agomba guhinduka'. Yabasabye kutazapfusha ubuza aya mahirwe bagize.

Yagize ati: “Iyi hene baguhaye uzayorore neza, ibyare rimwe ibyare kabiri, ibyare gatatu, ubwo uzaba uciye ukubiri no gusaba amavuta, uzaba uciye ukubiri no gusaba ama unite na telefone, uzaba uciye ukubiri no gusaba ikanzu nzinza n'ijipo nziza kubera y’uko uzaba ubasha kubyibonera. Wa wundi wese watekerezaga kugushuka umubwire ngo bye bye”. Yabasabye kandi kuziga neza imashini bahawe maze yemeza ko akarere kazabafasha gushakirwa amasoko yo kudodo maze bakabona amafaranga.

Umuyobozi w’Akarere ka Rwamagana ubwo yafunguraga ishuri rigiye kumara ameze 6 ryigisha aba bana kudoda

Manzi Theogene, Umuyobozi w’Akarere ka Gatsibo wungirije ushinzwe iterambere ry’ubukungu, yashimiye umuryango Empower Rwanda n'umufatanyabikorwa MTN ku nkunga batanze igiye gufasha aba bana. Yavuze ko aba bana ari bo bazavamo abayobozi b’ejo maze abasaba kudatakaza icyizere. Yagize ati: 'Mwebwe nk'urubyiruko rw'u Rwanda ni mwe Rwanda rw’ejo'. Yunzemo ati: 'Ni amahirwe mwagize ntabwo mukwiriye kuyapfusha ubusa'. Aha yabibutsaga ko bari muri bacye batoranyijwe maze bagahabwa inkunga, abasaba kuyibyaza umusaruro bakiteza imbere.

Hatanzwe ihene 100 mu karere ka Gatsibo

Source : https://inyarwanda.com/inkuru/108590/muzabona-abagabo-beza-bahora-babatetesha-mtn-yateye-inkunga-ya-miliyoni-10-frw-abangavu-ba-108590.html

Mu nyandiko yasohotse mu kinyamakuru 'Command One Post' gikorera mu kwaha k'urwego rw'ubutasi rwa Uganda, CMI, Umubiligi Filip Reyntjens afatanyije na Gen Abel Kandiho utegeka CMI, basabye Leta y'uBubiligi guhagarika inkunga bugenera uRwanda, ngo kuko Paul Rusesabagina 'yafashwe akanafungwa mu buryo bunyiranyije n'amategeko'.

Aya magambo ntiyatinze kuba amahomvu, nk'uko bisanzwe bibagendekera mu migambi inyuranye yo guharabika no kugambanira uRwanda, uko buri gihe ibakoza isoni.

N'ubu rero niko bigenze, kuko nyuma y'iminsi mike gusa Rentjens n'ibikoresho bya Perezida Yoweri k. Museveni, Ububiligi n'uRwanda byasohoye itangazo muri izi mpera z'icyumweru, risobanura amasezerano y'ubufatanye hagati y'ibihugu byombi, cyane cyane mu rwego rw'ubuzima.

Iryo tangazo ryasinyweho n'impande zombi, rivuga ko uBubiligi bwiyemeje gushyigikira no gutanga inkunga igaragara mu mushinga munini cyane w'uRwanda, ugamije gukora inkingo za Covid-19 n'indi miti, ndetse n'ibikoresho byo kwa muganga. Ubu bufatanye buzanyuzwa mu Kigo cy'Ababiligi gishinze Ubufatanye Mpuzamahanga, ENABEL.

ENABEL itangaza ko u Rwanda kugeza ubu ruri mu bihugu bya mbere 3 ikorana nabyo neza cyane, kurutera inkunga mu kubaka uruganda rukora inkingo za Covid-19, bikaba bigamije gufasha Abanyafurika kwishakamo ibisubizo ubwabo.

ENABEL kandi,kimwe n'abandi bafatanyabikorwa mpuzamahanga b'uRwanda, ntibahwemye kuvuga ko Leta y'uRwanda yakomeje kugaragaza ubushake n'ubushobozi bwo gukoresha neza inkunga rugenerwa, ari nayo mpamvu imishinga yarwo yose itajya isubizwa inyuma.Ntiyari gukomwa mu nkokora rero na Reyntjens na Gen Kandiho, bashingira gusa ku ishayari bafitiye uRwanda.

Filip Reyntjens na Gen Kandiho, igikoresho cya Perezida Museveni mu bugome bukorerwa uRwanda n'Abanyarwanda, bakozwe n'ikimwaro nk'uko byabokamye. Bitiranyije uRwanda na Uganda yamunzwe na ruswa, ku buryo abaterankunga bayo batangiye kuvanamo akabo karenge, kuko imfashanyo zose zigira mu mifuka ya Perezida Museveni n'umuryango we.

Filipp Reyntjens ni umuntu wabaswe n'ingengabitekerezo ya jenoside, akarangwa no kuyipfobya no kuyihana. Nta gitangaje ariko, kuko yari umwe mu bajyanama ba Leta ya Juvenal Habyarimana, banamushoye mu makosa akabije y'ivanguramoko, cyane cyane mu burezi no mu kazi ka Leta.

Reyntjens yanga Abatutsi cyane Théoneste Bagosora, Agatha Kanziga n'abandi bajenosideri, dore ko ariwe muvugizi wabo w'ibanze. Nyuma ya Jenoside yakorewe Abatutsi, yabaye umutangabuhamya ushinjura abajenosideri bose mu Rukiko Mpuzamahanga rwa Arusha, ariko nabyo ntibyamuhira kuko hafi y'abo yashinjuye bose bakatiwe ibihano biremereye.

Filip Reyntjens kandi yagaragaye kenshi muri Uganda ashakisha abanyakinyoma bake no gukoreshejwe na Jean-Louis Bruguière, wa mucamanza w'Umufaransa wari warahagurukiye gushinja ku ngufu Abayobozi b'uRwanda ihanurwa ry'indege ya Habyarimana. Bruguière nawe yarinze apfa atageze ku mugambi we mubisha.

Ibi byose rero byagombye kubera isomo abagambanira u Rwanda , kuko nta n'umwe byigeze bigwa amahoro. Ibihe byarahindutse, si nka kera ubwo umuntu yabykaga akigira 'impuguke' mu bibazo by'uRwanda, nka Filipp Reyntjens bavugaga rikijya.

Ibikorwa by'uRwanda birivugira, n'iyo wakoresha imbaraga z'umurengera mu kuruvuga uko rutari, ikinyoma kigutamaza ukigitekereza.

The post Uganda n'Umubiligi Filip Reyntjens basabaga u Bubiligi guhagarika inkunga butera u Rwanda, basebye ubwo ibihugu byombi byasinyanaga amasezerano y'ubufatanye appeared first on RUSHYASHYA.

Source : https://rushyashya.net/uganda-numubiligi-filip-reyntjens-basabaga-u-bubiligi-guhagarika-inkunga-butera-u-rwanda-basebye-ubwo-ibihugu-byombi-byasinyanaga-amasezerano-yubufatanye/?utm_source=rss&utm_medium=rss&utm_campaign=uganda-numubiligi-filip-reyntjens-basabaga-u-bubiligi-guhagarika-inkunga-butera-u-rwanda-basebye-ubwo-ibihugu-byombi-byasinyanaga-amasezerano-yubufatanye