Category: Uncategorized

Muri uyu mwaka, hamaze gufungwa abantu bakurikiranyweho ibyaha bifitanye isano n’ingengabitekerezo ya Jenoside byakorewe ku mbuga nkoranyambaga nka YouTube, barimo Aimable Karasira, Idamange Iryamugwiza Yvonne [wanakatiwe] na Hakuzimana Abdul Rashid.

Umunyamakuru Karegeya Jean Baptiste avuga ko kuba abantu nka bariya bashinjwa ibyaha nka biriya muri iyi myaka ya 2020 atari igitangaza kuko 'Mu Gihugu cyabayemo Jenoside kiba gifite amakuru, hari naba ataravugwa.'

Avuga ko bariya batangaje ariya makuru yavuyemo ibyaha bakurikiranyweho, baba bagize imbarutso yatuma bayatangaza bakayifashisha, ati 'ariko mu mitima y’abantu harimo byinshi.'

Karegeya avuga ko inkubiri y’ikoreshwa ry’ikoranabuhanga nk’urubuga Nkoranyambaga rwa YouTube yahaye rugari abafite ibitekerezo nka biriya kandi ko uretse kuba haragaragaye bariya ariko hashobora kuba hari benshi batekereza nka bo.

Ati 'Ushobora gusanga bariya bafite abandi bahagarariye mu mitwe yabo batekereza nka biriya.'

Ashimira Leta y’u Rwanda kuba yaratangiye ingamba zo guhangana n’ibitekerezo nka biriya zirimo kuba iherutse gushyiraho Minisiteri y’Ubumwe bw’Abanyarwanda n’Inshingano Mboneragihugu nubwo ngo na yo yatinze kujyaho ariko ko izagabanya ubukana bwa biriya bitekerezo.

Ati 'Dusa nk’aho tugeze mu gihe abantu batangiye gusohora ibibarimo, mu gusohora ibibarimo bagakubitana no kuba babonye urwaho, izo za YouTube.'

Karegeya avuga ko abantu nka Karasira bafite ibibazo byo mu mutwe ari benshi ku buryo hakenewe imbaraga nyinshi zo kubavura kandi ko bizakorwa n’iriya Minisiteri nshya.

Ati 'Hazaza n’abandi [ntabwo mbizi] kuko na Rashid yaje gutya giturumbuka ariko n’abandi mu mitwe yabo hamo byinshi.'

Karegeya unagendera kuri Raporo ya RBC iherutse kujya hanze ivuga ko Abanyarwanda bagera muri miliyoni 2 bafite ibibazo byo mu mutwe bagenda, avuga kandi ko muri abo bafite ibibazo mu mitwe yabo, harimo abo mu ngeri zinyuranye barimo n’abo mu nzego z’ubuyobozi n’izifata ibyemezo.

Ati 'Ibaze muri bo niba harimo Umucamanza, Umugenzacyaha [arakora dosiye ate ?] harimo Umushinjacyaha kandi muri izo miliyoni nta rwego rudafitemo abantu, harimo abayobozi b’Ibigo by’amashuri nka wa wundi ukubita umwana aho gukurura ugutwi akaguca, njya nkunda gutanga urugero rwa Sebashotsi…'

IKIGANIRO CYOSE

UKWEZI.RW

Uyu muhanzi yaherukaga gusohora Album yise 'Ingabo'. Umuyobozi wa Kina Music, Ishimwe Karake Clement yabwiye INYARWANDA, ko iyi Album bayise 'RNB 360' kubera ko “uzayumva azamenya ubushozi bwa Nel Ngabo mu mpande zose.”

Avuga ko RNB ari impine y'amazina y'uyu muhanzi ari yo Rwangabo Nelson Byusa. Nel Ngabo avuga ko iyi Album azayishyira ku isoko tariki 21 Ukuboza 2021.

Tariki 4 Nyakanga 2020, Nel Ngabo ubarizwa muri Label ya Kina Music yamuritse Album ya mbere yise 'Ingabo' yatuye Ingabo zari iza RPA zabohoye u Rwanda zirimo na Se wamushyigikiye mu rugendo rwe rw'umuziki.

Iyi Album iriho indirimbo nka 'Why', 'Byakoroha', 'Ya motema' yakoranye na Platini, 'Ntibikabe' yakoranye na Butera Knowless, 'Nzahinduka' na 'Nzagukunda'.

'Nyereka inzira' ihimbaza Imana, 'My Queen', 'Zoli', 'Low Key', 'Agacupa', 'Ndaku(Blocka)' yakoranye na Bull Dogg, 'Mukwakarindwi' na 'Baby'.

By'umwihariko iyi Album “Ingabo” yayituye Se kuko ari umwe mu bagize uruhare mu kubohora u Rwanda, kandi ngo yashyigikiye impano ye kuva cyera.

Nel Ngabo yatangaje ko agiye gusohora Album ye ya kabiri yise 'RNB 360'
Iyi Album ngo izumvikanisha ubushobozi bwa Nel Ngabo mu muziki

'RNB 360', ibaye Album ya kabiri uyu muhanzi agiye gusohora nyuma ya 'Solo'

KANDA HANO UREBE AMASHUSHO Y'INDIRIMBO YE YISE 'NYWE'

“>

Igabanuka ry’ubukana bwa COVID-19 rigaragarira muri raporo ngarukamunsi ya Minisiteri y’Ubuzima y’abandura COVID-19 ndetse n’abo ihitana.

Nko ku wa 31 Ukwakira 2021, mu Rwanda habonetse abanduye bashya 17 mu bipimo 16.893; batatu bahitanywe na COVID-19 mu Rwanda mu gihe umwe yasezerewe mu bitaro, undi abyinjizwamo. Batatu ni bo barembye.

Umuyobozi Mukuru w’Ikigo cy’Igihugu cy’Ubuzima (RBC), Dr Nsanzimana Sabin, mu kiganiro Ishusho y’Icyumweru kinyura kuri Televiziyo Rwanda, yavuze ko aho igihugu kigeze gihangana na COVID-19 hatanga icyizere ariko hadakwiye kubaho kwirara.

Yagize ati: “Ni byo mu bitaramo, utubari n’ahantu hahurira abantu benshi turi kugenda dufata ibipimo. Ikiri kugaragara cyane mu Mujyi wa Kigali ni uko COVID-19 ikiri munsi ya 0,5%, ku bantu dupima. Icyo tubona kindi ni uko abaturuka mu ntara binjira mu Mujyi wa Kigali na bo bari kuzamo umubare w’abafite ubwo burwayi. Dushishikariza ufite ibimenyetso cyangwa uwahuye n’ufite ubwo burwayi ko akwiye kwitwararika cyangwa kwipimisha ngo atanduza abandi.”

Kugeza ubu mu gihugu hose imibare y’abanduye COVID-19 yerekana ko ubwandu buri munsi ya 1%.

Dr Nsanzimana: “Ni ibintu byiza tutaherukaga, hari hashize nk’amezi atanu. Ariko nta wavuga ko bizikora, bikomeze uko bimeze. Mu kwihangana abantu bagize, dukwiye gufatanyiriza hamwe kurushaho kubigira byiza.”

Mu mpera za 2020, igihugu nabwo cyari mu murongo mwiza wo guhashya COVID-19 ariko imyitwarire y’abaturarwanda mu gihe cy’iminsi mikuru yatumye mu ntangiriro z’uyu mwaka uduce tumwe na tumwe dushyirirwaho ingamba zikaze zirimo na Guma mu rugo kubera icyorezo cyari cyongeye gukaza umurego.

Dr Nsanzimana avuga ko muri ibi bihe usanga abenshi bategura ibirori n’ibindi bikorwa bishobora kuvamo ibibazo.

Ati: “Turegera iminsi mikuru, igihe abantu baba bashaka gukora ibirori, ibyo ni byo akenshi usanga biturukamo ibibazo dushingiye no ku byo mu bindi bihugu bagiye banyuramo.”

Yasobanuye ko isomo bakuye ku bindi bihugu ryerekana ko nubwo abenshi bakingiwe ariko urukingo rwonyine rutafashije kurinda byuzuye abaturage babyo.

Ati: “Hari n’igihe byazaba ngombwa ko urukingo rudahagije, turi kwiga uko abamaze amezi atandatu bakingiwe bazahabwa urundi rukingo. Turi gupima ubudahangarwa umubiri wakoze ko bubarinda kwandura bundi bushya.”

Uyu muyobozi akomeza avuga ko igabanuka rya COVID-19 rihingiye ku ngufu z’urukingo n’ibikorwa abantu bakoze.

Yakomeje agira ati: “Ni byiza ariko ntitugire ngo byarangiye. Urukingo rwagabanyije uburwayi, rugabanya impfu, rufungura ubukungu, ishoramari ryongeye gukorwa. Ntiduse nk’abarura ibitarashya ngo tuvuge ngo COVID-19 yarangiye kuko ishobora kugaruka Virus yihinduranyije, birasaba kuba maso.”

Abanyarwanda bakina hanze yarwo bamwe ntibahiriwe n’impera z’icyumweru aho nka makipe y’umunyezamu Twizere Buhake Clement na Migi impera z’icyumweru ziyasize mu murongo utukura, ni mu gihe Rwatubyaye Abdul akomeje gufasha ikipe ye muri Macedonia gutsinda umusubirizo.

Muri Kenya, ku wa Gatandatu w’icyumweru gishize, Emery Mvuyekure ntabwo yari mu bakinnyi ikipe ya Tusker FC yakoresheje mu mukino wa shampiyona batsinzemo Wazito FC 2-0.

Muri iyi shampiyona kandi ku Cyumweru ikipe ya Bandari FC y’umutoza Cassa Mbungo Andre yatsinze Talanta 3-0. Nyuma y’umunsi wa 5, iyi shampiyona iyobowe na Bandari FC n’amanota 12, Tusker FC ni iya 13 n’amanota 3.

Cassa Mbungo akomeje guhigika amakipe muri Kenya

Ntabwo muri Zambia, Mirafa Nizeyimana yari mu kibuga mu mukino ikipe ye ya Zanaco FC yanganyijemo na Power Dynamos 3-3 ku Cyumweru tariki ya 31 Ukwakira 2021. Nyuma y’umunsi wa 9, iyi kipe iri ku mwanya wa 13 n’amanota 9 ni ku rutonde ruyobowe na Green Buffaloes ifite 21.

Ntabwo byari byiza ku ikipe ya Simba SC muri Tanzania ya rutahizamu Meddie Kagere kuko ku Cyumweru yanganyije Coastal Union ubusa ku busa, ni umukino Meddie Kagere yagiye mu kibuga asimbura Hussein ku munota wa 78.

Meddie Kagere ntabwo yahiriwe n’impera z’icyumweru

Muri iki gihugu ntabwo ku wa Gatanu byagendekeye neza Mugiraneza Jean Baptiste Migi na KMC kuko batsinzwe na Kagera Sugar igitego 1-0. Nyuma y’umunsi wa 4, Simba SC iri ku mwanya wa 4 n’amanota 8, KMC ni iya 15 mu makipe 16 n’amanota 2 mu gihe Yanga ari yo iyoboye n’amanota 12.

Ku wa Gatanu, umunyezamu Twizere Clement Buhake yari ku ntebe y’abasimbura ubwo ikipe ye ya Strommen IF mu cyiciro cya kabiri muri Norway yatsindwaga 3-2 na Start mu mukino w’umunsi wa 26 wa shampiyona. Iyi kipe iri ku mwanya wa nyuma n’amanota 18 ku rutonde ruyobowe na HamKam ifite 57.

Sandvikens IF mu cyiciro cya 3 muri Sweden idafite Yannick kubera imvune yo mu ivi yahuye nayo izamara igihe kirekire, ku Cyumweru yatsinze IFK Luleå 5-2 mu mukino w’umunsi wa 27 w’iyi shampiyona. Sandvikens IF iri ku mwanya wa 3 n’amanota 52, urutonde ruyobowe na Brommapojkarna ifite 65.

Nirisarike Salomon ku wa Gatandatu yari mu kibuga akina iminota 90 ubwo ikipe ye ya Urartu FC yanganyaga na Ararat 1-1 mu mukino w’umunsi wa 12 muri shampiyona ya Armenia. Urartu iri ku mwanya wa 6 n’amanota 15, Ararat-Armenia niyo iyoboye n’amanota 31.

Nirisarike yari mu kibuga ikipe ye inganya

Mu cyiciro cya mbere muri Georgia, FC Dila Gori ya Manzi Thierry , ku Cyumweru yatsinze Torpedo Kutaisi 3-0 mu mukino w’umunsi wa 32, ni umukino Manzi Thierry iminota 90 yayimaze ku ntebe y’abasimbura. Iyi kipe iri ku mwanya wa 4 n’amanota 30, Dinamo Batumi ya mbere ifite 64.

Zari impera z’icyumweru nziza cyane kuri myugariro Rwatubyaye Abdul kuko yitwaye neza mu mukino w’umunsi wa 12 wa shampiyona y’icyiciro cya mbere muri Macedonia, ubwo ku wa Gatanu tariki ya 29 Ukwakira yafashaga ikipe ye ya FC Shkupi kunyagira Bregallnica 5-0 mu mukino w’umunsi wa 12, uyu musore akaba ari we watsinze igitego cya 2. FC Shkupi niyo iyoboye n’amanota 29.

Rwatubyaye Abdul akomeje kwitwara neza

Mu cyiciro cya kabiri muri Sweden, AFC Eskilstuna ya Rafael York yaraye itsinzwe na Varnamo 2-0 mu mukino w’umunsi wa 27 w’iyi shampiyona. Rafael York yavuye mu kibuga ku munota wa 82. Varnamo niyo iyoboye urutonde n’amanota 56, AFC Eskilstuna ni iya 12 n’amanota 31.

Mu cyiciro cya kabiri mu Bubiligi, KMSK Deinze ya Djihad Bizimana ku Cyumweru yatsinze Westerlo 2-0 mu mukino w’umunsi wa 10 w’iyi shampiyona. Ni umukino Djihad Bizimana yakinnye iminota yose. KMSK Deinze iri ku mwanya wa 4 n’amanota 15, Westerlo ya mbere ifite 23.

Bizimana Djihand yari mu kibuga ikipe ye itsinda Westerlo