Ibi yabigarutseho ku wa ya 22 Kanama 2025 mu Nama Nyunguranabitekerezo y'Intara y'Iburasirazuba. Iyi nama yitabiriwe n'abayobozi bahagarariye abandi ku Mudugudu kugera ku Ntara.
Minisitiri Habimana yavuze ko inshingano ya mbere abayobozi bafite ari iyo gukemura ibibazo by'abaturage kugira ngo buri muturage wese yumve atekanye, abibutsa ko ibibazo by'abaturage bidakwiriye kurangaranwa.
Ati 'Rimwe na rimwe hari igihe hagaragara ko abaturage batishimiye imitangire ya serivisi ndetse n'ibipimo by'imitangire ya serivisi ntabwo biragera aho twifuza mu nshingano zitandukanye. Icyabitera icyo ari cyo cyose twebwe iyo tubibonye nk'abayobozi tugomba kubifata nk'ibiremereye tukongera tukibaza icyo twakora kugira ngo abaturage duha serivisi barusheho kwishima.''
Minisitiri Habimana yavuze ko imitangire ya serivisi ikwiriye kwihutishwa, asaba ko abagitinza serivisi ku buryo abaturage babiriza ku mirongo bihagarara.
Ati 'Ku bijyanye na serivisi twaganiriye uburyo abayobozi bagomba kurushaho kwakira neza umuturage, umuturage agahabwa serivisi mu buryo bwihuse, serivisi umuntu afitiye ubushobozi bwo gutanga uyu munsi ntayishyire umunsi ukurikira.''
Umunyamabanga Nshingwabikorwa w'Umurenge wa Munyiginya, Mukantambara Brigitte, yavuze ko hari ahantu hakunze kuba imirongo y'abaturage benshi harimo muri serivisi z'ubutaka, kwa muganga n'ahandi hatandukanye bakaba biyemeje kubikosora.
Ati 'Tubihuje n'impanuro Minisitiri yaduhaye, twabonye muri serivisi z'ubutaka ari ho hari imirongo minini, bagira serivisi nyinshi kandi abaturage bakenera cyane, dukurikije impanuro baduhaye tugiye kugenda twegere abakozi bashinzwe ubutaka ndetse no kwa muganga tubafashe ku buryo bigenda neza.''
Umunyamabanga Nshingwabikorwa w'Umurenge wa Nyamirama, Kagabo Jean Paul we yavuze bagiye kwisubiraho mu mitangire ya serivisi ku buryo abaturage bazajya bataha bishimiye serivisi bahererwa ku mirenge no mu zindi nzego.
Minisitiri Habimana yasabye abayobozi gushyira imbaraga mu gukemura ibibazo by’abaturage mu buryo bwihuse
Abayobozi bitabiriye inama no abo kuva ku rwego rw’Umudugudu kugera ku Ntara
Amasezerano hagati y'impande zombi yashyizweho umukono ku wa 22 Kanama 2025, aho ibigo byombi byiyemeje gufashanya gukora ubushakashatsi bubyara ibisubizo birimo ibyo kubungabunga ibidukikije no guhangana n'imihindagurikire y'ikirere.
Umuyobozi Mukuru wa Spiro, Kaushik Burman, yavuze ko nk'ikigo gikorera ibikoresho byacyo byinshi mu Rwanda, cyari gikeneye kugirana imikoranire n'ikigo gifite ubumenyi mu bijyanye n'ikoranabuhanga ndetse no kurengera ibidukikije.
Akomeza avuga ko ubu bufatanye bugamije kongera urubyiruko rubona akazi no kongera imbaraga nshya mu kigo.
Yagize ati 'Izi moto zikoresha amashanyarazi ziri gukorerwa hano mu Rwanda, rero ubu bufatanye buzaba ari ubwo gusangira ibitekerezo, kuzana abanyeshuri kwimenyereza umwuga, gufasha iyi kamunuza gutanga amasomo ahuye n'ibyo abanyeshuri bazakenera mu buzima bwa buri munsi, ndetse no kuzamura uru ruganda.'
Umuyobozi Mukuru wa Mount Kigali University, Dr. Martin Kimemia, yavuze ko nka kaminuza bashyira imbaraga nyinshi mu kwigisha abana ariko bagakora n'ubushakashatsi, bityo kugirana amasezerano na Spiro bizabafasha cyane muri icyo gice cy'ubushakashatsi.
Ati 'Twagiranye amasezerano n'ishami rya Spiro rishinzwe ubushakashatsi, bivuze ko tuzafatanya muri urwo rwego, tugakora ubushakashatsi buzana ibisubizo mu muryango Nyarwanda, ariko noneho bunafasha abanyeshuri bacu, kuko babonye ahantu ho gukorera ubushakashatsi bwabo.'
Christian Ibishimishije wiga Ikoranabuhanga (IT) mu mwaka wa kane muri Mount Kigali University, yavuze ko bari basanzwe bagorwa no kubona aho bakorera imenyerezamwuga, gusa ubu bigiye gukemuka kubera aya masezerano iyi kaminuza yagiranye na Spiro.
Ati 'Nk'ubu nari ndi gushaka aho nkorera imenyerezamwuga, usanga ari ibintu bigoye kuko ntuba uzi aho ubariza, na hake ubonye usanga batakwakiriye. Gusa ubwo ikigo kigiranye amasezerano na Spiro, tuzajya tujyayo nta nkomyi kuko tuzaba twizeye ko batwakira.'
Muri aya masezerano kandi Spiro yashyizeho igabanyirizwa ku banyeshuri n'abakozi b'iyi kaminuza bifuza ibinyabiziga byabo, ndetse igenera impano ya moto eshanu iyi kaminuza zo kuyifasha mu bikorwa bitandukanye.
Ikigo gicuruza ibinyabiziga bikoresha amashanyarazi Spiro na kaminuza ya Mount Kigali University binjiye mu bufatanye bugamije gukora ubushakashatsi
Umuyobozi mukuru wa Spiro, Kaushik Burman, yavuze ko ubu bufatanye buzabafasha mu bikorwa byo kubungabunga ibidukikije
Umuyobozi mukuru wa Mount Kigali University, Dr. Martin Kimemia, yavuze ko ubu bufatanye na Spiro buzabafasha mu kwigisha no guha imenyerezamwuga abanyeshuri babo
Spiro yageneye moto eshanu Mount Kigali University zo kuyifasha mu bikorwa bya buri munsi
Abanyeshuri bishimiye ubufatanye kaminuza ya Mount Kigali University yagiranye na Spiro, bavuga ko buzabafasha mu myigire yabo
Ubusanzwe mu Kirwa cya Nkombo usanga abagore baho bakunze kugira umuco wo gukarabya ibirenge abagabo babo cyangwa kubuhagira umubiri wose mu rwego rwo kubereka ko babakunda kandi babubaha.
Ni umuco wa kera ukigaragara muri iki Kirwa, ndetse abagore babikora baganiriye na TV1 bagaragaza ko banezezwa na byo kuko ari ikimenyetso cy'urukundo no kubaha abagabo babo.
Umwe ati 'Hari n'ubwo umwoza umubiri wose, iyo akubwiye ngo nubwo bimeze bitya ndumva naniwe ndashaka koga umubiri wose ariko hari nubwo wafata amazi ukamwoza ibirenge. Ubwo iyo atagiye ku kiyaga ngo ajye koga ushobora kumwoza umubiri. Ubwo se nabura kubimukorera? uwo ni umukunzi wanjye sinabura kumwoza umubiri wose.'
Yakomeje ati 'Ntabwo ari igikoloni kuko ni byo mama na data bakuriyemo kandi baraducukije, barabitubwiriza nanjye sinabireka. Ubwo nabikuye kuri mama na data.'
Undi yagaragaje ko ari umuco wa kera ariko kuri ubu usanga abato bo batabikozwa.
Ati 'Ni ko twabigenzaga ariko abubu bo ntabwo bakibikora.'
Abagabo bozwa n'abagore babo na bo bavuga ko babyishimira kuko ari ikimenyetso cyiza cy'urukundo kuri bo.
Umwe ati 'Nanjye Papa apfuye vuba, mama yamwozaga ibirenge mubona. Umugore wanjye na we namuzanye abona mama yoza data ibirenge. Umugore wanjye arabikora rwose. Si rimwe si kabiri, aranyuhagira akanyoza ibirenge.'
Undi ati 'Umugore koza umugabo we ni urukundo, baba bakundana, nanjye baranyogeje.'
Umusaza w'imyaka 50 yagaragaje ko umugore we bamaranye igihe akunze kumwoza ibirenge kandi ari ikimenyetso cyiza.
Iperereza ry'ibanze rigaragaza ko ubwo habagaho ikibazo cy'igabanyuka ry'amazi, kuva mu kwezi kwa Gicurasi 2025, uyu mugabo yagiye yaka bamwe mu baturage amafaranga kugira ngo abashyire ku muyoboro uvana amazi ku isoko uyajyana mu mavomo yabo bidaciye ku kigega rusange abandi bafatiraho nyamara binyuranyije n'amabwiriza ya WASAC Group.
Iti 'Ibi bikaba byaragize ingaruka ku baturage bafatiraga amazi aturuka mu kigega kiri mu Kagali ka Ruhanga kigaburira imidugudu ine ari yo; Ruhanga, Rugende, Mirama na Nyagacyamo.'
RIB yahamije ko ukekwaho icyaha afungiye kuri Sitasiyo ya RIB ya Kacyiru mu gihe iperereza rikomeje hanatunganywa dosiye kuri iki cyaha ikazashyikirizwa Ubushinjacyaha.
RIB na Polisi byaburiye abakoresha inshingano n'ububasha bahabwa mu nyungu zabo bwite kubihagarika kuko bigira ingaruka ku iterambere ry'umuturage n'Igihugu muri rusange ndetse no kuri bo ubwabo kuko bihanwa n'amategeko.
RIB ifatanyije na Polisi ikomeje iperereza ku bikorwa bigayitse nk'ibi mu bindi bice by'Igihugu, inashimira abakomeje gutanga amakuru kugira ngo ababifatirwamo bahanwe nk'uko amategeko abiteganya.
#RIB ku bufatanye na @Rwandapolice yafunze Manirakiza Straton, umukozi mu Kigo gishinzwe Amazi, Isuku n’Isukura (WASAC) ushinzwe ibikorwa byisanwa ry'umuyoboro w'amazi wa Ruhanga mu Murenge wa Rusororo, ukurikiranweho icyaha cya ruswa.
Hari bamwe mu baturage bo mu bice bitandukanye by'Akagari ka Bihungwe, mu Murenge wa Mudende, mu Karere ka Rubavu, bavuga ko babayeho mu buzima butoroshye cyane bitewe n'uko batuye mu nzu zishaje zenda kubagwaho, doreko babana n'akaga ko kuba mu nzu za nyakatsi mu gihe Isi igeze mu iterambere rihanitse.
Aba baturage bavuga ko babangamiwe n'uko kuba muri izo nzu bibatera ipfunwe, bakumva bimeze nk'aho basigaye inyuma mu iterambere ry'Igihugu.
Umwe mu batifuje ko dutangaza amazina ye, ybwo yaganiraga na Kasuku Media yagize ati: 'Ubu buryo tubayemo butuma twumva tudafite agaciro, twifuza ko inzego z'ubuyobozi zidutabara zikadufasha kubona icumbi ritubereye.'
Hari abemeza ko iyo imvura iguye bahita bahinduka abashyitsi mu ngo z'abandi, kuko amazi yinjira mu nzu bakarara bashakisha inzu mu baturanyi babaha icumbi.
Abandi nabo bavuga ko inzu zabo zishaje ku buryo zishobora kugwa igihe icyo ari cyo cyose, bagahorana ubwoba bwo kubura ubuzima cyangwa kwangizwa n'ibyabo.
Nubwo hari gahunda za Leta zagiye zishyirwa mu bikorwa mu kurandura Nyakatsi, aba baturage bavuga ko hari bamwe basigaye inyuma batari baragerwaho n'iryo terambere. Basaba ko ubuyobozi bwongera kubatekerezaho, kuko icyifuzo cyabo ari ugufashwa kubakirwa cyangwa guhabwa ubufasha bwo kwiyubakira inzu zifite agaciro.
Nk'uko bamwe babivuga, kuba mu nzu zikomeye bitabafasha gusa kugira ubuzima bwiza, ahubwo binabaha icyizere cy'ejo hazaza. Umugani w'Abanyarwanda ugenekereje ugaragaza ko 'Utabona aho arambika umusaya, ntabona aho yikinga imvura.' Ibi bikaba bituma basaba ko ijwi ryabo ryumvikana kugira ngo bagire ubuzima bwiza nk'abandi banyarwanda.
Abatuye Bihungwe barasaba ubufasha: 'Nyakatsi ni inzu zishaje, vuba aha ziratugwaho'
Umunyamakuru Ismael Mwanafunzi usanzwe akorera ikigo cy'Igihugu cy'u Rwanda RBA, akaba atangaza amakuru mu buryo bwa documentary ari mu bihe bikomeye nyuma y'uko urubuga rwa YouTube rwamufatiye ibihano bikomeye birimo no gusiba burundu channel ye yari imaze gukurikirwa n'abatari bake.
Ibi byose byaturutse ku makosa yo gutangaza amakuru ajyanye n'ibibera muri Repubulika Iharanira Demokarasi ya Congo (RDC), Leta y'i Kinshasa yatanze akayabo igahereza urubuga rwa YouTube ku mpamvu zo kwamagana abanyamakuru bose batangaza inkuru zibiri kubera mu ntambara iri hagati ya FARDC n'abambari babo na AFC/M23.
Dore ko Repubulika Iharanira Demokalasi ya Congo yamushinje gukwirakwiza amakuru adafite ishingiro kandi atubahirije amabwiriza agenga uru rubuga, si Mwanafunzi wafungiwe amazi n'umuriro ahubwo nuko ariwe ubaye nkufite izina rizwi wamenyekanye ko yafungiwe channel.
Muri iyi minsi, amakuru avuga ko YouTube itakihanganira imiyoborere mibi y'ibikorwa by'amashene, by'umwihariko izikora inkuru zifite aho zihuriye n'intambara, politiki n'umutekano w'Akarere ku bibera muri DRC.
Ibi byatumye n'iya Mwanafunzi igirwa imfabusa. Abamukurikirana bavuga ko yari amaze kubaka izina rikomeye kubera inkuru akenshi yashyiraga ku mbuga nkoranyambaga ze, ariko byose byahindutse isomo rikomeye ku bandi banyamakuru bakora ku rubuga rwa YouTube.
Abasesenguzi bavuga ko ibi bihano bigamije kwigisha abanyamakuru kubahiriza amahame y'umwuga no kurinda umutekano w'amakuru batangaza.
Icyakora hari ababona ibi nk'ikigeragezo kuri Mwanafunzi, abandi bakavuga ko bishobora kuba intangiriro yo gushakisha inzira nshya mu mwuga we. Kugeza magingo aya Mwanafunzi ari mu kababaro yatewe na YouTube ko gusibirwa channel ye.
Muri iyi minsi, amakuru avuga ko YouTube itakihanganira imiyoborere mibi y'ibikorwa by'amashene, by'umwihariko izikora inkuru zifite aho zihuriye n'intambara, politiki n'umutekano w'Akarere ku bibera muri DRCMwanafunzi ari mu bihe bikomeye nyuma y'uko urubuga rwa YouTube rumufatiye ibihano bikomeye birimo no gusiba burundu channel ye
Amanota y'ibizamini bya Leta yatangajwe ku wa 19 Kanama 2025, Minisiteri y'Uburezi itangaza ko ibigo byigenga byatsindishize neza ku kigero cya 99%.
Umuyobozi w'Ishuri rya Winners Mount Academy, Muhizi Elie, yagaragaje ko bishimira kuba abanyeshuri babo bakoze ibizamini bya Leta baratsinze neza ku kigero cya 100%.
Muri bo 80% bahawe ibigo bya Leta bigamo barara mu gihe abandi bahawe ibyo kwigamo bataha.
Ati 'Batsinze 100/100, ibanga dukoresha ni ukugirira abana icyizere no gukora cyane. 80% bahawe ibigo biga bararamo.'
Yagaragaje ko iri ishuri rifite umwihariko unashingiye ku cyizere rikomeje kugirirwa n'ubunyamwuga mu myigishirize yayo bituma umubare w'abarigana ugenda wiyongera.
Yagaragaje ko umwihariko wabo ushingiye ku kuzamura indimi zose zikamenyekana neza mu bana, gufasha abafite intege nke mu myigire kugira ngo bajyane n'abandi no kuba bakorana na Leta y'u Budage mu kubona abarimu hagamijwe guteza imbere indimi no kuba abana bakwigirira icyizere.
Yagaragaje kandi ko iri shuri rishyira imbere ikoreshwa ry'ikoranabuhanga no gufasha abanyeshuri kugira ubumenyi kuri ryo kandi ko kuri ubu hagiye gushyirwaho icyumba kizajya cyifashishwa mu bushakashatsi ku banyeshuri n'abarimu.
Ati 'Ikoranabuhanga, mu gihe gito tuzaba dufite icyumba cy'ikoranabuhanga (ICT room) kigomba gufasha abanyeshuri n'abarimu mu kwiga no gukora ubushakashatsi.'
Mu bindi bifasha abana harimo ibikorwa bya nyuma y'amasomo bibafasha ku ruhuka no gusabana birimo imikino itandukanye nk'umupira w'amaguru, Volleyball, imikino njyarugamba n'imbyino gakondo.
Winners Mount Academy yashinzwe mu 2018, itangirana abanyeshuri 20, ariko kubera icyizere yakomeje kugirirwa n'ubunyamwuga mu myigishirize yayo, umubare w'abanyeshuri wagiye wiyongera.
Kuva mu 2020 kugeza 2022, abanyeshuri bariyongereye bagera ku bari hagati ya 300 na 400, abakozi bayo bagera hagati ya 20-25.
Muri 2022-2024 abakozi na bo bariyongereye bagera kuri 30, na ho mu 2025, abanyeshuri banyuze mu maboko y'iki kigo, bamaze kugera kuri 700.
Ubwo hizihizwaga imyaka irindwi iki kigo kimaze, Muhizi yagaragaje ko gifite intego zikomeye mu myaka itanu iri imbere, aho giteganya kugeza ku kwakira abanyeshuri 2000 no gutanga imirimo ku bakozi barenga 500.
Umuyobozi w'Ishuri rya Winners Mount Academy, Muhizi Elie, yagaragaje ko bishimira kuba abanyeshuri babo bakoze ibizamini bya Leta baratsinze neza ku kigero cya 100%
Bamwe mu banyeshuri biga muri Winners Mount Academy
Ubu bukoreshwa muri Nigeria mu kugena agaciro k'ibintu, imisoro n'ibindi.
Prof Akinkuge yayoboye za kaminuza zitandukanye zo mu bihugu nka Nigeria, Afurika y'Epfo, Zambia, Eswatini, Botswana, Namibia, Canada, Leta Zunze Ubumwe za Amerika, no mu Bwongereza.
Si mu burezi gusa yakoze kuko yagiye ahabwa n'inshingano zitandukaye nko kuba umujyanama w'ibigo bitandukanye birimo Ishami rya Loni ryita ku Iterambere (UNDP), Banki ya Afurika itsura Amajyambere(AfDB), ndetse n'Umuryango wa Commonwealth.
Muri UoK uyu muyobozi azafasha iyi kaminuza mu gukomeza umubano wayo na kaminuza mpuzamahanga mu kongerera ubushobozi abanyeshuri n'abarimu
Bizakorwa binyuze mu kwiga kuri izo kaminuza no kubona amahugurwa aziturutseho, hagamijwe kugira iyi kaminuza imwe mu zikomeye ku ruhando mpuzamahanga.
Yitezweho gushyiraho gahunda zitandukanye zirimo izo kongerera ubushobozi kaminuza mu bijyanye n'imyigishirize, guteza imbere ubukungu ndetse no guha amahirwe abanyeshuri benshi yo kwiga muri Kaminuza ya Kigali.
Kaminuza ya Kigali isanzwe ifite intego ihura n'iy'igihugu yo kugira u Rwanda igicumbi cy'ubumenyi, Prof. Akinkugbe akaba aje gufasha iyi kaminuza mu rugendo rwo kugera kuri iyi ntego.
Kaminuza ya Kigali yatangiye mu 2013 ifite abanyeshuri 35 ariko ubu yakuze ku buryo ifite abanyeshuri barenga 8000 biga mu mashami atandukanye arimo irya Kigali n'irya Musanze.
Prof. Olu Akinkugbe yagizwe Umuyobozi Mukuru Wungirije wa Kaminuza ya Kigali ushinzwe amasomo
Umuyobozi wa BK Foundation yavuze ko abana barangije kwiga hari igihe birara bakanga imirimo ngo iraciciritse kandi iyo bashaka ntayihari ugasanga bikomeje gukurura ubushomeri kandi bashoboye.
Yagize ati 'Dushaka kubona abana bishyuriwe na BK Foundation biteza imbere bakaba abantu bahindura n'umuzima bw'abandi, kuko aba ni abana baba baragize amahirwe macye yo kudakomeza amashuri asanzwe kubera ibibazo bitandukanye ariko tukongera tukabaha amahirwe yo kuzagira icyo bimarira mu buzima.'
Nkurunziza kandi yasobanuye ko gufasha aba bana biri mu mushinga mugari wa BK Foundation wo guteza imbere uburezi mu bana batagize amahirwe yo gukomeza amasomo, bagahabwa amahirwe yo kwiga imyuga mu mezi atandatu bishyurirwa na BK Foundation.
Yavuze ko buri mwaka hatoranywa abana 200 bateganyirizwa ingengo y'imari ya miliyoni 42 Frw izabafasha kubona amasomo.
Aba 40 basoje ni icyiciro cya mbere muri 200 batoranyijwe binyuze mu mushinga w'Umuryango Nyafurika ukora ivugabutumwa ukorera mu Rwanda (African Evangelistic Enterprise, AEE) mu mushinga wayo wa Igire Ubaka Ejo.
Uyu muryango kandi wahaye aba banyeshuri ibikoresho byo kwifashisha gushyira mu bikorwa ibyo bize bifite agaciro k'arenga miliyoni 15 Frw.
Inema Vanessa mu bishyuriwe binyuze muri ubwo buryo yavuze ko mbere yo kwiga iyi myuga ubuzima bwari bumugoye cyane ko ari imfubyi ndetse akaba afite n'ubumuga.
Icyakora agaragaza ko ubu afite ibyiringiro by'ejo hazaza kuko yabonye n'igikoresho kizamifasha kugera ku nzozi zo gushinga atelier ye.
Umuyobozi ushinzwe guhuza ibikorwa mu mushinga wa Igire Ubaka Ejo, Albert Mabasi, yavuze ko ubusanzwe iyo umuntu yumvise Banki ya Kigali atekereza serivisi z'imari gusa gufasha aba bana bigiye guhindura imyumvire ya benshi bakamenya ko ari ikigo cyita no ku bana batagize amahirwe yo kwiga ngo barangize nk'abandi.
Yagize ati 'Kubona ikigo nk'iki kirenga ku kureba inyungu zacyo ahubwo kigatangira no kwita ku mibereho y'abantu, kigakorana n'umuryango nyarwanda mu kuzamura imibereho y'abantu, ni ikintu gikomeye cyane, ndetse twifuza ko ubu bufatanye bwakomeza.'
Aba bana barangije ni abo mu Karere ka Kayonza, basoje amasomo ajyanye gusudira, gukanika imodoka, kudoda, guteka, gukora inkweto n'ibindi bikoze mu mpu, gukora imisatsi n'inzara, kubaka n'ibindi.
Abanyeshuri 40 basoje amasomo y’imyuga bishyuriwe na BK Foundation
Abasoje amasomo y’imyuga n’ubumunyingiro bishyuriwe na BK Foundation bahawe impamyabushobozi
Abanyeshuri bari basoje amasomo y’imyuga n’ubumenyingiro ku nkunga ya BK Foundation bashimiwe
Gitifu Umugiraneza Martha, ayobora umurenge wa Gacurabwenge ho mu Karere ka Kamonyi. Avuga ko ubufatanye bw'Abaturage, Ubuyobozi n'Abakozi b'Umurenge ayoboye ariryo banga ryabahesheje Ishema imbere y'indi mirenge uko ari 12 igize Akarere ka Kamonyi. Begukanye Igikombe banahabwa ibyemezo by'ishimwe(Certificate) ku yindi Mihigo yihariye besheje nka; Ejo Heza, VIUP na Byikorere.
Gitifu Umugiraneza Martha, aganira n'umunyamakuru wa intyoza.com yamubwiye ko Umwaka w'Imihigo wa 2024-2025 bari bafite imihigo yose hamwe 98, ko kandi hatabuzemo n'umwe bayesheje ijana ku ijana(100%) ndetse n'indi yihariye bahawe nka; Ejo Heza, Inguzanyo za VIUP hamwe n'Umuhigo wa Byikorere, yose barayesheje.
Gitifu Umugiraneza Martha/Gacurabwenge.
Avuga ku ibanga ryabahesheje kwesa iyi Mihigo bakaza ku isonga imbere y'Indi mirenge, yagize ati' Nta rindi banga rero! Ni uko iyo tugisinya Imihigo, tuyibona tukayinyuranamo n'Abakozi ndetse tukajyanamo n'Abafatanyabikorwa, tukiyemeza ko icyo dufite gukora uyu munsi tugikora kikarangira kuko ejo haba hazazana ibyaho'.
Akomeza ati' Tuba tubivuga kimwe, tubyumva kimwe twarabyiyemeje ku buryo n'umukozi utabonetse undi ahita ahagarara mu mwanya we ku buryo tuziba icyuho. Ubufatanye n'Abakozi, Abafatanyabikorwa b'Umurenge n'inama tugirwa n'Ubuyobozi bw'Akarere n'abandi bayobozi nibyo bidufasha cyane mu kwesa Imihigo'.
Ikipe ya bamwe mu bakozi b'Umurenge wa Gacurabwenge imbere y'Akarere ka Kamonyi bavuye gushimirwa no gusinya Imihigo ya 2025-2026.
Gitifu Umugiraneza, avuga ko gukora ukabona ibyo wakoze bigaragaye neza imbere y'abandi ndetse bigashimwa bitera imbaraga bikanaba ishema ku wakoze, akumva ko noneho akwiye kurushaho kuko n'abandi baba bakora ariko iyo ugeze ku musaruro cyangwa intego mbere y'abandi biba byiza kuko wumva imbaraga zihise zikuba.
Avuga ko umwe mu Mihigo mu yihariye isaba ubukangurambaga wabanje kubagora ari 'BYIKORERE' kuko ngo aribwo bwa mbere bari bawuhawe. Ni umuhigo usaba ko Umuturage yisabira Serivise ku ikoranabuhanga atiriwe ajya k'umu Ajenti(Agent) w'Irembo ngo amufashe, ahubwo we ubwe akabyikorera anyuze kuri Terefone cyangwa ku mashine ye bwite mbere y'uko ajya ku biro by'Umurenge.
Aha ni mu cyumba cy'Inama cy'Akarere. Ba Gitifu imbere, hari n'Abandi bafatanyabikorwa.
Amabwiriza ahari mu nzego z'ibanze nkuko Gitifu Umugiraneza abivuga ni uko 20% bya Serivise zitangwa ari umuturage ubwe ugomba kuba yisabiye Serivise( Akoresheje Terefone cyangwa mashine ye) atagiye k'umukozi w'Irembo cyangwa undi mu Ajenti ngo amufashe. Ahamya ko 'BYIKORERE' ari Serivise isa n'igoye ku baturage kuko abenshi bataragira Simati Fone( Smart Phone) cyangwa Mashine ngo babyikorere.
Ashima uruhare rw'Umuturage mu kwesa iyi Mihigo yose, yaba iriya 98 ndetse n'Imihigo yihariye isaba ubukangurambaga besheje. Agira ati' Uruhare rw'Umuturage muri ino Mihigo rurimo cyane!. Abaturage ari nabo bakiriya bacu bagize uruhare rukomeye mu gutuma ino Mihigo igerwaho kuko hafi ya yose tuyikorana nabo kandi ni nabo ikorerwa'.
Abashimiwe bose mu ifoto y'Urwibutso imbere y'Akarere.
Gushyikiriza Umurenge wa Gacurabwenge Igikombe n'ibindi bihembo by'imihigo yihariye besheje kurusha abandi, byabereye mu cyumba cy'inama cy'Akarere ka Kamonyi aho herekanywe uko Imihigo yeshejwe muri buri Murenge ndetse hakanasinywa Imihigo ya 2025-2026 hagati ya buri Murenge n'Ubuyobozi bw'Akarere.
Uretse Gacurabwenge yabaye iya mbere ndetse igasakuma ibihembo ku kigero gisaga 95% by'ibihembo byose byatanzwe, Umurenge wa Kabiri mu Mihigo wabaye uwa Runda, hakurikiraho Umurenge wa Kayenzi. Hanashimiwe Imidugudu yitwaye neza ndetse n'Abafatanyabikorwa babaye hafi Akarere mu kwesa Imihigo ya 2024-2025.
Gitifu Christine Nyirandayisabye ari nawe ukuriye bagenzi be, amaze gusinyana Imihigo na Meya Dr Nahayo Sylvere, imbere ya bagenzi be n'abafatanyabikorwa.Gitifu Nsengiyumva Celestin uyobora Kayenzi, amaze gusinya Imihigo.Gitifu Jean de Dieu Nkurunziza wa Rugalika amaze gusinya Imihigo.Gitifu Umugiraneza Martha wa Gacurabwenge asinya Imihigo.Gitifu Jean Damascene Mudahemuka( aka Nzirubugwari) wa Ngamba amaze gusinya Imihigo.Gitifu Yvette Nirere wa Karama amaze gusinya Imihigo.Gitifu Epimaque Munyakazi wa Mugina amaze gusinya Imihigo.Gitifu Ndayisaba Jean Pierre Egide wa Runda amaze gusinya Imihigo.Gitifu Mpozenzi Providence wa Kayumbu amaze gusinya Imihigo.Gitifu Innocent Mandera wa Rukoma amaze gusinya Imihigo.Gitifu Rafiki Mwizerwa wa Nyamiyaga amaze gusinya Imihigo.Gitifu Jean Paul Minani wa Kayumbu amaze gusinya Imihigo.Runda yashimiwe nk'Umurenge wabaye uwa 2 mu Mihigo.
Kayenzi yashimiwe nk'Umurenge wabaye uwa 3 mu Mihigo.Abayobozi batandukanye bakurikirana igikorwa cy'Imihigo no gushimira abakoze neza.Abashimiwe bose mu ifoto y'Urwibutso imbere y'Akarere.
