Webrwanda Backend

Category: Uncategorized

  • Guhindura no kugoreka amateka ntibizabahanaguraho ibyaha #rwanda #RwOT

    Nk'uko Prof. Gregory H. Stanton, umuhanga mu mateka ya jenoside yabivuze, guhakana no gupfobya  jenoside, nicyo cyiciro cyayo cya nyuma . Muri iki cyiciro, abakoze jenoside bagerageza uko bashoboye ngo bagoreke amateka bagahindura abarokotse jenoside abicanyi, nk'aho aribo bayikoze. Bakoresha kandi urubyiruko rubakomokaho mu kugaragaza ko ababyeyi babo ari abere nta cyaha bakoze.

    Abagize uruhare muri Jenoside yakorewe Abatutsi mu 1994, nicyo cyiciro bagezeho. Urubyiruko rukomoka ku bajenosideri nk'urwibumbiye muri Jambo asbl, ubu rurakoreshwa amanywa n'ijoro ngo bagoreke amateka bagerageza kwerekana ko RPF yahagaritse Jenoside ariyo yayikoze. 

    Ni amateshwa bagiye kumaramo imyaka 28, aho abajenosideri bose n'ababakomokaho barimo kurwana umuhenerezo ngo bagaragaze ko hanabaye jenoside ebyiri, ariko ibimenyetso bikomeje kubana ihurizo. 

    Amategeko y'u Rwanda agaragaza ko guhakana jenoside ari igikorwa icyo aricyo cyose gikozwe ku bushake kandi mu ruhame kigamije kuvuga cyangwa kugaragaza koj enoside atari jenoside cyangwa se ko habayeho jenoside ebyeri.

    Gupfobya jenoside byo ni imyitwarire iyo ariyo yose igambiriwe kandi igaragajwe mu ruhame mu buryo ubwo aribwo bwose, igamije kugabanya uburemere cyangwa ingaruka ya jenoside no koroshya uburyo jenoside yakozwemo.

    Ngibi ibikorwa by'ubugome by' abagize amashyirahamwe y'abahakana bakanapfobya Jenoside yakorewe Abatutsi, nka Jambo Asbl yashinzwe na bene Mbonyumutwa,  FDU-Inkingi ya Ingabire Victoire na Ndereyehe Charles, 'IBUKA BOSE RENGERA BOSE' ya Jean Marie Vianney Ndagijimana, n'abandi benshi babundabunda i Burayi, bahora bavuga ko habayeho jenoside ebyiri. 

    Kugirango habeho jenoside ni uko ibayujuje bya byiciro 10, nk'uko byagaragajwe na Prof. Gregory H. Stanton, birimo ko itegurwa kandi igashyirwa mu bikorwa na leta. 

    Ngibi ibikorwa n'abagize uruhare muri Jenoside yakorewe Abatutsi n'ababakomokaho, inshuti zabo n'abandi bijanditse muri aya mahano. Byose babiterwa no n'ipfunwe ndetse n'ikimwaro bitewe n'ibyo bakoze cg byakozwe n'ababyeyi babo. 

    Dore bamwe mu bajenosideri bakomeje kuburagizwa n'ikimwaro kubera ibyo bakoze ubwabo cg ibyakozwe n'ababyeyi babo, maze nabo bashinga ikirenge mu cyabo, barwana no kubatagatifuza 

    JamboAsbl: Ni itsinda rikorera mu Bubiligi, ryashyiriweho guhaka na no gupfobya Jenoside yakorewe Abatutsi.

    Abarigize ni abana b'abasize bakozeJenoside. Ni inyangabirama zibuzwa amahwemo n'ikimwaro zikomora ku byo ababyeyi babo bakoze, kuko banze kwakira mu mitima yabo ko icyaha ari gatozi maze bakomeza kugendera ku ngengabitekerezo y'ababyeyi babo. 

    Benshi muri abo babyeyi-gito baracyakurikiranywe mu nkiko, mu gihe abandi bahamijwe ibyaha bakaba bari mu bihano bahawe n'inkiko. 

    Mu bashinze bakanayobora ishyirahamwe Jambo asbl, twavugamo nka KayumbaPlacide. Uyu niwe wewasigariyeho Ingabire Voctoire mu kuyobora Parmehutu nshya ariyo FDU-Inkingi, ifitanye isano-muzi na FDLR y'abajenosideri ruharwa. Twavuga kandi abuzukuru ba Dominique Mbonyumutwa, aribo Ruhumuza Mbonyumutwa na Gustave Mbonyumutwa bakomoka kuri Shingiro Mbonyumutwa uherutse gupfira muri Luxembourg aho yari yarahungiye kubera uruhare muri muri Jenoside yakorewe Abatutsi. Shingiro yari umuyobozi w'ibiro bya Yonani Kambanda, Minisitiri w'intebe wa Leta y'abajenosideri wanemeye ibyaha agakatirwa gufungwa burundu

     

    Ndagijimana Jean Marie Vianey: Ni mwene Ntasangirwa na Ntamabyariro, akaba umujenosideri mu ngengabitekerezo ndetse n'umujura kabuhariwe. Nyuma yo kwiba amadolari y'amerika187,000 yari ahawe ngo ajye gufungura ambasade z'urwanda muri Amerika, yahise atangiza amashyirahamwe atandukanye yo guhakana no gupfobya Jenoside yakorewe Abatutsi. 

    Marcel Sebatware: Uyu ni we wari kizigenza mu Bugarama mu gihe cya Jenoside yakorewe Abatutsi, kuko yari Umuyobozi Mukuru w'uruganda rukora sima, CIMERWA.

    Nka muramu wa Jenerali Nsabimana Deogratias wari Umukuru wa État-major ya Ex-FAR yagize uruhare ruziguye n'urutaziguye mu gutsemba Abatutsi mu Bugarama ahahoze hitwa Perefegitura ya Cyangugu. Uyu mwicanyi yatangaga amakamyo ubundi yari agenewe gutwara sima, bakayapakiramo Abatutsi, akabajyana aho bagomba kwicirwa. 

    Mpozembizi Jean Pierre wakomokaga muri Komini Rwerere, Perefegitura ya Gisenyi yari umuyobozi w'ibijyanye na tekinike akaba n'umuyobozi wa CDR muri CIMERWA, yari afite amakarikari ahambaye ashaka ko nta Mututsi ugombagusigara muri Cyangugu. Umuhungu we Mpozembizi Théophile akomeje kumusigarira mu cyimbo neza, agerageza kumuhanaguraho ibyaha byose, abinyujije mu guhakana no gupfobya jenoside. 

    Ntiwavuga Mpozembizi Théophile ngo wibagijwe inshuti banganya ubumara mu ngengebitekerezo, ariwe Rwalinda Pierre Célestin ukomoka mu Gakenke,  aho se umubyara Rukaza yamariye Abatutsi. 

    Simpunga Aloys na Musabyimana Gaspard: Aba bo  bamaze kuba imizindaro kabuhariwe mu kumokera kuri youtube, bavugira benewabo nyamara nabo amaraso abajejeta ku ntoki batarayihanagura.

    Charles Ndereyehe: Ni we wayoboye Jenoside yakorewe Abatutsi mu yahohoze ari ISAR. Uyu mugome uri gushyira hamwe na ba Niyibizi Michael n'abandi nka Bucyeye Joseph mu guhembera urwango bifashishije kugoreka amateka, ni we wahamagaye Interahamwe mu 1994 ziza kwica abakozi barenga 100 bakoreraga ISAR yari ayoboye, zibicana n'abo mu miryango yabo bari bahahungiye ku buryo yashyizeho igihembo cy'ibihumbi 10, ku nterahamwe izica Abatitsi benshi. 

    Wenceslas  Munyeshyaka: Ni ingirwa-mupadiri wanywanye na Sekibi, akaba akidegembya mu Bufaransa, nubwo mu mwaka ushize yirukanywe mu gipadiri nyuma yo gusanga afiteumwana.Uyuni we wayoboye ibikorwa byo kwica Abatutsi muri Paruwasi ya Sainte Famille.Yarishe anafata ku ngufu abagore n'abakobwa nk'uko hari n'ababitanzemo ubuhamya.

    Abo bose rero nibo bakomeje umugambi utazabahira wo gupfobya no guhakana genocide yakoreye Abatutsi, ndetse banashizeho umunsi wabo ngo wokwibuka icyo bise jenoside yakorewe Abahutu. Burya akaga ni ukubona ikirura cyakuririye umwana kikurusha uburakiri. Bamenye neza ko isi yose yamenye ibyabaye mu Rwanda n'uruhare bose bagize muri Jenoside yakorewe Abatutsi kandi amaherezo bazabiryozwa.  Amaraso arasama.

    The post Guhindura no kugoreka amateka ntibizabahanaguraho ibyaha appeared first on RUSHYASHYA.

    Source : https://rushyashya.net/guhindura-no-kugoreka-amateka-ntibizabahanaguraho-ibyaha/?utm_source=rss&utm_medium=rss&utm_campaign=guhindura-no-kugoreka-amateka-ntibizabahanaguraho-ibyaha

  • Musabyimana yigiye ku gitutu Kaminuza bituma arusha amanota umuhungu we biganaga #Rwanda #RwOT via @kigalitoday #rwanda #RwOT

    Ntibikunze kubaho ko mu mashuri umwana yigana n’umubyeyi we mu cyumba kimwe cy’ishuri, ariko mu rugo rwa Musabyimana Faustin ni ibyishimo bikomeye, kuko (…)

    Source : https://www.kigalitoday.com/uburezi/amashuri/article/musabyimana-yigiye-ku-gitutu-kaminuza-bituma-arusha-amanota-umuhungu-we-biganaga

  • Perezida Ruto yashenye umutwe wa polisi ushinjwa ubwicanyi #rwanda #RwOT

    Perezida wa Kenya William Ruto yasheshe umutwe udasanzwe w'igipolisi wagiye ushinjwa ubwicanyi muri icyo gihugu mu myaka ya vuba. 

    Ruto, wagiye ku butegetsi mu kwezi gushize, yavuze ko ibi ari mu muhate wo kuvugurura inzego z'umutekano za Kenya.

    Ku cyumweru yabwiye abari bateraniye mu rusengero ati:

    'Ni jye wategetse ko 'Special Service Unit' yagiye ikora ubwicanyi iseswa. Dufite umugambi w'uburyo tuzaha umutekano iki gihugu kugira ngo twirinde isoni z'abanyakenya bicwa [hirya no hino imirambo yabo ikajugunywa] mu ruzi Yala n'ahandi. Tugiye guhindura iki gihugu.'

    Ikinyamakuru Daily Nation kivuga ko 'raporo y'iperereza ku ibura ry'abahinde babiri n'umushoferi wabo w'umunyakenya ari yo yihutishije uku guseswa' k'uwo mutwe wa polisi.

    Abo bahinde babiri bageze muri Kenya mu kwezi kwa Mata(4) baje gufasha mu kwamamaza Ruto mbere y'amatora yari ateganyijwe mu kwa munani, ariko hashize amezi atatu baje kuburirwa irengero hamwe n'umushoferi wabo, nk'uko icyo kinyamakuru kibivuga.

    Muri Mutarama(1), byagaragaye ko mu myaka ibiri yari ishize mu ruzi Yala hakuwe imirambo 19 yari igeze ku nzego zitandukanye yangirika.

    Nta gihamya yerekanye ko inzego z'umutekano zari zifite uruhare muri iyo mirambo yatowe mu ruzi.

    Ariko imiryango iharanira uburenganzira bwa muntu yagiye igaragaza ubwicanyi bumwe na bumwe ishinja abapolisi.

    @BBC

    The post Perezida Ruto yashenye umutwe wa polisi ushinjwa ubwicanyi appeared first on IRIBA NEWS.

    Source : https://iribanews.rw/2022/10/17/perezida-ruto-yashenye-umutwe-wa-polisi-ushinjwa-ubwicanyi/

  • FERWAFA yahaye impano Jimmy Gatete – #rwanda #RwOT

    Kuri iki cyumweru ni bwo umuyobozi wa FERWAFA, Olivier Nizeyimana; Visi Perezida, Marcel Matiku, bari kumwe n’umunyamabanga wa FERWAFA, Muhire Henry, bashyikirije Jimmy Gatete impano y’igihangano kiriho ifoto ye ubwo yari akiri umukinnyi.

    FERWAFA yatangaje ko iyi mpano bayitanze mu buryo bwo gushimira uyu rutahizamu w’amateka mu Rwanda ku buryo yemeye kwitabira muri gahunda yahuje abanyabibwi mu mupira w’amaguru baheretse guteranira hano mu Rwanda.

    Uhereye ibumoso, Muhire Henry umunyamabanga wa FERWAFA, Nizeyimana Olivier umuyobozi wa FERWAFA, Jimmy Gatete na Fred Siewe umuyobozi wa FIFVC 

    Aba banyabigwi bari baje mu gikorwa cyo kumenyekanisha irushanwa ry’igikombe cy’Isi cy’umupira w’amaguru gikinwa n’abakanyujijeho, kikazabera mu Rwanda mu 2024 aho kizaba kibaye ku nshuro ya mbere.

    Jimmy Gatete utari uherutse mu Rwanda, yazanye mu Rwanda n'ibindi birangirire birimo; Anthony Baffoe ukomoka muri Ghana, Lilian Thuram ukomoka mu Bufaransa, Roger Milla ukomoka muri Cameroun, Laura Georges ukomoka mu Bufaransa Patrick Mboma ukomoka muri Cameroun na Khalilou Fadiga ukomoka muri Senegal.


    Nizeyimana Olivier ashyikiriza impano Gatete 


    Jimmy Gatete yitegereza impano yahawe

    Source : https://inyarwanda.com/inkuru/121936/ferwafa-yahaye-impano-jimmy-gatete-121936.html

  • Museveni yasobanuye iby’Ipeti riruta ayandi ryahawe umuhungu we n’ikoreshwa rya Twitter ye ritavugwaho rumwe #rwanda #RwOT

    Gen Kainerugaba mu minsi ishize yavuze byinshi kuri Twitter, bifata indi ntera aho yanditse ko ingabo ze zafata Nairobi mu gihe kitarenze ibyumweru bibiri. Ibi byarakaje abanya Kebya benshi kugeza ubwo Guverinoma ya Uganda na Perezida Museveni ubwe bandika amabaruwa yo kwisegura ku baturage ba Kenya.

    Icyo gihe Muhoozi Kainerugaba yari umugaba mukuru w’ingabo zirwanira ku butaka, maze ayo magambo ateza ikibazo cyatumye akurwa kuri uwo mwanya, nubwo yabaje kuzamurwa mu ntera agahabwa ipeti rya Général, avuye kuri Lieutenant General.

    Mu kiganiro Perezida Museveni yahaye KTN TV, Museveni yasobanuye ko impamvu yazamuye Gen Muhoozi kutari ukumuhemba kubyo yari yavuze kuri Kenya, ahubwo yemeza ko ubusanzwe Gen Muhoozi ari umu- Ofisiye mwiza mu ngabo za Uganda.

    Yagize ati :'Ni umu-Ofisiye mwiza, Rero kuba umuntu ari mwiza mu bintu, ntibivuze ko aba agomba kugira 100%, ashobora gukora amakosa nka 10 cyangwa 20% ariko ibyo ntibyasiba ibyiza bigera kuri 80% yakoze'

    Museveni yavuze ko umuhungu we atazongera gukomoza ku ngigo zishobora guteza impagarara ku gihugu , akarere n’amahanga muri rusange.

    Yagize ati 'Iyo yandika kuri Twitter avuga kuri siporo, ibintu bidafite icyo bitwaye, nta kibazo cyajyaga kuba. Ari kuvuga ku bindi bihugu, cyangwa se kuri politiki z’amashyaka muri Uganda, ntabwo akwiye kubikora kandi ntabwo azongera kubikora.'

    Museveni yakoze iki kiganiro mu gihe umuhungu we ari mu Rwanda mu ruzinduko bwite, rukaba ari urwa gatatu agiriye muri iki gihugu kuva uyu mwaka watangira.

    Source : http://www.ukwezi.rw/1-1/Amakuru-anyuranye/article/Museveni-yasobanuye-iby-Ipeti-riruta-ayandi-ryahawe-umuhungu-we-n-ikoreshwa-rya-Twitter-ye-ritavugwaho-rumwe

  • Al Nasr yo muri Libye yasezereye As Kigali mu ijonjora rya kabiri rya CAF Confederation Cup, APR FC irakina umukino w'ikirararane na Police FC #rwanda #RwOT

    Mu ijoro ryo kuri iki cyumweru tariki ya 16 Ukwakira 2022, nibwo ikipe yari ihagarariye u Rwanda mu nikino Nyafurika ya CAF Confederation Cup yasezerewe na Al Nasr yo mu Libye ku giteranyo cy'igitego kimwe ku busa.

    Ni umukino watangiye ku isaha ya saa Moya z'ijoro zo mu mumujyi wa Benghazi ari  nayo saha yo mu Rwanda, watangiye amakipe yombi arnganya ubusa ku busa nk'umusaruro wabonetse mu mukino ubanza.

    As Kigali yasabwaga gutsinda kugirango ikomeze mu kiciro cya nyuma cyashoboraga kuyigeza mu matsinda cyangwa se kunganya byibuze ku bitego runaka, ariko ntabwo byakundiye iyi kipe y'umujyi wa Kigali.

    Byasabye iminota 70 gusa kugirango ikipe ya Al Nasr yari iri iwayo igere mu kindi kiciro, ni nyuma yaho yabonye igitego kimwe cyabonetse muri uyu mukino cyanatumye As Kigali ihita isezererwa.

    Al Nasr SC de Benghazi ikaba yahise ibona itike yo kuyigeza mu ijonjora rya gatatu aho igomba gutegereza imwe mu makipe yasezerewe muri CAF Champions League kugirango bahatanire kugera mu matsinda y'uyu mwaka w'imikino.

    Mu Rwanda, kuri uyu wa mbere ku isaha ya saa kumi n'ebyiri z'umugoroba kuri Sitade ya Kigali i Nyamirambo, harabera umukino uri buhuze ikipe ya APR FC ndetse na Police FC.

     


    Ni umukino shampiyona ugiye guhuza aya makipe yombi yagombaga kuba yarahuye ku munsi wa 3, gusa ntabwo wakinwe kuko ikipe y'ingabo z'igihugu ya APR FC yari mu mikino Nyafurika ya CAF Champions League.

    APR FC igiye gukina uyu mukino idafite umutoza mukuru Adil Erradi Mohamed wahagaritswe n'ubuyobozi bw'iyi kipe, ibi bivuze ko Ben Moussa wari umwungirije ari we uri bufate izi nshingano zo kuyobora iyi kipe.

    Si umutoza gusa wahagaritswe kuko na Kapiteni wa APR FC, Manishimwe Djabel nawe yahagaritswe igihe kingana n'ukwezi kumwe atari mukazi ko gukinira iyi kipe ndetse no kuyibera Kapiteni.

    The post Al Nasr yo muri Libye yasezereye As Kigali mu ijonjora rya kabiri rya CAF Confederation Cup, APR FC irakina umukino w'ikirararane na Police FC appeared first on RUSHYASHYA.

    Source : https://rushyashya.net/al-nasr-yo-muri-libye-yasezereye-as-kigali-mu-ijonjora-rya-kabiri-rya-caf-confederation-cup-apr-fc-irakina-umukino-wikirararane-na-police-fc/?utm_source=rss&utm_medium=rss&utm_campaign=al-nasr-yo-muri-libye-yasezereye-as-kigali-mu-ijonjora-rya-kabiri-rya-caf-confederation-cup-apr-fc-irakina-umukino-wikirararane-na-police-fc

  • Imirwano imeze nabi, baraburira ko abasivile bazicwa ari benshi muri Tigray #rwanda #RwOT

    Abatuye Tigray bavuga ko ibiribwa n'imiti birimo kubura mu gihe ibitero bikomeye kuri iyi ntara byarushijeho gukara.

    Imijyi irimo kuraswa ibisasu igasenyuka burundu, nk'uko bivugwa na Tedros Ghebreyesus, umukuru w'ishami rya ONU ryita ku buzima, WHO/OMS, ukomoka muri Tigray.

    Avuga ko abasivile barimo kwicwa kandi abakomeretse ntibatabarwe kuko iyi ntara yagoswe.

    Tigray imaze amezi 17 igoswe, kandi imirwano yongeye kubura nyuma y'uko agahenge kari kamaze amezi atanu impande zombi zikarenzeho muri Kanama (8). Abantu bagera kuri miliyoni imwe bugarijwe n'inzara.

    Umuryango w'Ubumwe bwa Africa (AU) nawo urimo kunga mu ijwi ry'amahanga usaba ko intambara ihagarara hakongera kubaho ibiganiro.

    Kuwa gatanu, umukozi w'umuryango ufasha wa Rescue Committee yishwe arimo agerageza kugeza ibiribwa ku bagore n'abana mu mujyi wa Shire, umaze iminsi uraswaho ibisasu bikomeye.

    Josep Borrell ukuriye ububanyi n'amahanga mu muryango w'ibihugu by'i Burayi(EU), yavuze ko muri Shire hari gukorwa amahano, kenshi yibasira abasivile.

    Inkambi zirimo miliyoni z'abantu bahunze imirwano nazo zirimo kuraswaho, nk'uko bivugwa na Samantha Power, ukuriye ikigo cy'iterambere cya Amerika.

    Niba ingabo za Ethiopia n'iza Eritrea zifashe iyi ntara muri ibi bitero, hari ubwoba bwinshi 'bw'ubwicanyi bukomeye bushobora kwibasira abasivile', nk'uko Samantha abivuga.

    Kjetil Tronvoll, umwalimu mu byo gukemura amakimbirane muri Oslo New University College muri Norway (Norvège), avuga ko uburyo bwo mu ntambara ya mbere y'isi burimo gukoreshwa n'ingabo za Ethiopia na Eritrea zirimo gusunikira 'abantu benshi cyane' ku mirongo y'urugamba ya Tigray.

    Uyu musesenguzi yanditse kuri Twitter ko ku bwe intambara ikomeye kurusha izindi irimo kuba ubu ku isi atari iy'Uburusiya muri Ukraine, ahubwo ibitero bya Ethiopia na Eritrea kuri Tigray.

    Avuga ko abasirikare bagera kuri miliyoni imwe bari mu bitero bya biriya bihugu byombi.

    Source : https://umuryango.rw/amakuru/mu-mahanga/umutekano/article/imirwano-imeze-nabi-baraburira-ko-abasivile-bazicwa-ari-benshi-muri-tigray

  • Umukunzi wa Muhire Kevin yavuze ikintu kimwe amukundira kurusha ibindi byose #rwanda #RwOT

    Ku munsi umukinnyi w’umunyarwanda ukina muri Kuwait, Muhire Kevin yizihizaho isabukuru ye y’amavuko, umukunzi we Cyuzuzo Delly yamubwiye ko ikintu amukundira cyane ari uko atari umunebwe akora cyane.

    Muhire Kevin ukinira ikipe ya Yarmouk muri Kuwait, buri tariki ya 17 Ukwakira yizihiza isabukuru y’amavuko yishimira imyaka amaze ku Isi.

    Kuri iyi nshuro akaba yabyukiye ku magambo meza y’urukundo y’umukunzi we Cyuzuzo wamwibukije ko amagambo yonyine atasoboranura uburyo yishimira ibyo amukorera.

    Ati 'ni umunsi wa we mukunzi, amagambo ntahagije mu gushima ibyo unkorera. Warakoze kumbera umwunganizi, inshuti no kuba umuntu unkomeza, ni umugisha wuzuye kukugira nk’umwunganizi w’ubuzima bwanjye.'

    Yakomeje avuga ko amukundira ibintu byinshi ariko igihatse ibindi ni ukuba akora cyane. Ati 'nkunda ibintu byinshi kuri wowe ariko by’umwihariko uburyo ukora cyane, komeza utere imbere urinzwe n’Imana, ndagusengera uyu munsi n’iteka ryose, isabukuru nziza rukundo.'

    Kevin na Cyuzuzo bamaze imyaka irenga 6 bakundana, gusa urukundo rwabo bakunze kugenda barugira ibanga rikomeye, mu ntangiriro z’uyu mwaka wa 2020 nibwo ibyabo batangiye kugenda babishyira ahabona.

    Ubutumwa bwa Cyuzuzo yifuriza umukunzi we isabukuru nziza

    Urukundo rwa Muhire Kevin na Cyuzuzo rugenda rufata indi ntera

    Bamaze imyaka irenga 6 bakundana

    Source : http://isimbi.rw/imyidagaduro/article/umukunzi-wa-muhire-kevin-yavuze-ikintu-kimwe-amukundira-kurusha-ibindi-byose

  • #COVID19: Abantu babiri banduye babonetse mu bipimo 1,212 #Rwanda #RwOT via @kigalitoday #rwanda #RwOT

    Minisiteri y’Ubuzima (MINISANTE) iragaragaza ko ku Cyumweru tariki 16 Ukwakira 2022 mu Rwanda habonetse abantu babiri banduye Covid-19, bakaba babonetse mu (…)

    Source : https://www.kigalitoday.com/ubuzima/indwara/article/covid19-abantu-babiri-banduye-babonetse-mu-bipimo-1-212

  • Abasirikare bakuru mu rukiko bashinjwa kugira uruhare mu ifatwa rya Bunagana #rwanda #RwOT

    Hashize amazi ane umujyi wo ku mupaka wa Bunagana n’uduce two hafi yawo mu karere ka Rutshuru byigaruriwe n’umutwe wa M23 wirukanye ingabo za leta.

    Col Désiré Lobo na Col Jean-Marie Diadia wa Diadia bari bakuriye imitwe y’ingabo, bararegwa ibyaha bine nk’uko iyo radio iterwa inkunga na ONU ibivuga ;

    Ntibiramenyekana neza niba Lobo na Diadia wa Diadia bahakana cyangwa bemera ibyaha baregwa.

    Bivugwa ko aba basirikare, ubu bafunze, bombi bari bakuriye ibikorwa bya gisirikare ubwo umujyi wa Bunagana wafatwaga.

    Bashinjwa gutuma Bunagana ifatwa ubwo bataga intwaro ndetse n’imodoka z’ingabo za leta mu maboko ya M23.

    Ubwo uyu mujyi wafatwaga amashusho yagaragaje bamwe mu ngabo za DR Congo bambuka umupaka wa Bunagana bahungira muri Uganda.

    Aba basirikare bahunze baje gusubizwa iwabo biciye mu bifatanye bw’ibihugu byombi.

    Radio Okapi ivuga ko mu iburanisha ryabaye kuwa gatatu ushize, abunganira abaregwa basabye ko barekurwa by’agateganyo kuko 'barwaye bikomeye'.

    Aba basirikare bafunze kuva muri Nyakanga(7), urubanza rwabo ruzakomeza kuwa gatatu w’iki cyumweru, nk’uko Radio Okapi ibivuga.

    Ibyaha baregwa bibahamye bashobora gukatirwa igihano cy’urupfu.

    Mu mpera z’icyumweru gishize umuvugizi w’umukuru w’intara ya Kivu ya Ruguru yavuze ko ingabo ziteguye gutera M23 zikisubiza ibice izi nyeshyamba zafashe.

    M23 nayo yasohoye itangazo inenga ko leta 'idashaka inzira y’ibiganiro' kandi ko ibona ingabo za leta zirimo kwitegura kubatera, ko nabo biteguye 'gusubiza ibyo bitero'.

    Source : http://www.ukwezi.rw/Mu-mahanga/Amakuru-anyuranye/article/Abasirikare-bakuru-mu-rukiko-bashinjwa-kugira-uruhare-mu-ifatwa-rya-Bunagana