Source : https://www.kigalitoday.com/ubuzima/indwara/Dore-uko-wakwirinda-uburwayi-bw-amaso-ku-kigero-cya-80
Ku Cyumweru tariki 6 Ugushyingo, ni bwo indege ya kompanyi ya Precision Air yaguye mu mazi, ubwo yari isigaje urugendo ruto ngo igere ku kibuga cy'indege cya Bukoba. Abantu 19 muri 43 bari muri iyo ndege, bahise bitaba Imana.
Mu gitondo cyo kuri uyu wa Mbere, Perezida Paul Kagame yihanganishije Perezida wa Tanzania ku bw’abaturage batakarije ubuzima muri iyi mpanuka, anifatanya n’imiryango yabuze abayo.
Mu butumwa bwo kuri Twitter, yagize ati ”Ndihanganisha Abaturage ba Tanzania na Perezida Suluhu Samia ku bw’abatakarije ubuzima mu mpanuka y’indege. Ibitekerezo byacu biri ku miryango y’ababuze ababo bakundaga.”
Kuri uyu wa Mbere tariki 7 Ugushyingo mu 2022 nibwo u Rwanda rwatangaje ko hari indege y’intambara y’ingabo za RDC yinjiye mu kirere cyarwo ndetse ihagarara umwanya muto ku kibuga cy’indege kiri mu Karere ka Rubavu.
Mu itangazo u Rwanda rwashyize hanze rwavuze ko rutigeze rushaka gusubiza ubu bushotoranyi mu buryo bwa gisirikare.
Mu kiganiro Umuvugizi Wungirije wa Guverinoma y’u Rwanda, Alain Mukuralinda yagiranye n’Ikigo cy’Igihugu cy’Itangazamakuru yavuze ko kugeza ubu nta bisobanuro birambuye barahabwa na Repubulika Iharanira Demokarasi ya Congo kuri iki kibazo.
Mukuralinda yakomeje avuga ko iby’iyi ndege u Rwanda rwabifashe nk’igikorwa cy’ubushotoranyi kije cyiyongera ku bindi byinshi iki gihugu cyagiye kigerageza mu buryo butandukanye.
Ati 'Kugeza uyu munsi nta bindi bisubizo batanze gusa igihari n’uko Guverinoma y’u Rwanda ibona ko ibikorwa byo kwiyenza bikomeje, hari ibikorwa byo kurasa mu Rwanda byabaye mu ntangiriro z’umwaka murabizi byarabaye, hari abo byakomerekeje hari n’abo byasenyewe.'
'Hari ibikorwa bibera muri RDC byo kwiyenza nabyo Guverinoma y’u Rwanda yarabivuze, aho usanga hari abaturage kavukire bavuga Ikinyarwanda nabo bahohoterwa n’abandi bose bafite inkomoko mu Rwanda cyangwa se isura y’Abanyarwanda.'
Yakomeje avuga ko ibyo RDC iri gukora bihabanye n’ibyo Perezida wayo, Félix Antoine Tshisekedi avuga agaragaza ko igihugu cye gishyize imbere inzira y’ibiganiro n’amahoro.
Ati 'Ibyo byose ni ibikorwa byo kwiyenza birimo n’iki cyabaye bikomeje ndetse bikanyuranya n’ibyo Perezida wa RDC aherutse kuvuga agaragaza ko nubwo ahamagarira abantu kurwanya umutwe wa M23 ashyize imbere inzira y’amahoro. Ntabwo washyira imbere amahoro ngo ukomeze kwiyenza.'
Kugeza ubu Repubulika Iharanira Demokarasi ya Congo ikomeje gushinja u Rwanda gushyigikira umutwe wa M23 ukomeje kwigarurira ibice bitandukanye muri iki gihugu.
U Rwanda rwo ruvuga ko nta nyungu rufite mu kuba rwashyigikira uyu mutwe, ahubwo rukemeza ko ibyo RDC ikora ari uburyo bwo kuyobya uburari no kwirengagiza inshingano abayobozi bayo bafite zo gukemura ibibazo biri imbere mu gihugu.
Ubwo aya makuru y’uko hari indege ya RDC yavogereye ikirere cy’u Rwanda yamenyekanaga benshi mu Banyarwanda biganjemo abakoresha imbuga nkoranyambaga bagaragaje ko batumva impamvu Ingabo zabo zitagize icyo zikora ngo zihanure iyi ndege cyangwa ngo ifatirwe mu gihe yari imaze kugwa i Rubavu.
Source : https://imirasire.com/?Leta-y-u-Rwanda-yagize-icyo-ivuga-ku-ndege-ya-RDC-yavogereye-ikirere-cyarwo
Imiryango iharanira uburenganzira bw'Abafite ubumuga bwo kutabona, iratunga agatoki abubaka imihanda ko bayubaka mu buryo butorohereza abatabona.
Mu 1964 umuryango w'Abibumbye wemeje Inkoni Yera nk'Ikimenyetso Mpuzamahanga kigaragaza ko uyifite aba afite ubumuga bwo kutabona.Â
Gusa mu Rwanda abafite ubumuga bwo kutabona baravuga ko nubwo baba bafite Inkoni yera, bagorwa no kugenda mu mihanda itandukanye kuko hamwe na hamwe bagihutazwa n'abatwara ibinyabiziga no kuba abubaka imihanda bayikora muburyo butorohereza abatabona.Â
Jacques Mugisha ni visi perezida  w'Ubumwe Nyarwanda bw'Abatabona.
Ati ' Ubundi inkoni yera ni ikimenyetso cyerekana ko uyikoresha afite ubumuga bwo kutabona, cyane cyane abatwaye ibinyabiziga nibo bagomba kubona ya nkoni noneho muri we kuyibona akabihuza n'icyo agomba gukora. Icya kabiri n'ikigendanye n'ibikorw remezo uko byubakwa, ahantu henshi hagenda habamo imiyoboro y'amazi ariko ugasanga idapfundikiye, uko kudapfundikirwa kwayo rero bituma njyewe ufite ya nkoni nkoresha imbaraga nyinshi mu gushaka hahandi hadapfundikiye, kugira ngo nze kuhagenda mu buryo bworoshye.'
Nubwo Inkoni yera ifatwa nk'ijisho ry'ufite ubumuga bwo kutabona, ngo si uwari wese wayigondera kuko ihenze.
Kubw'Ibyo abayikoresha bagasaba ko ijya ku bwishingizi bwa Mituelle.
 Donatile Kanimba ni Umunyamabanga nshingwabikorwa w'Ubumwe bw'abatabona (RUB).
Ati 'Icyuho cy'aho kuzigura rero ni nacyo gikomeye cyane kurusha igiciro cyazo, kuko n'ukwemereye kugufasha ngo ayikugurire. iyo adashoboye kujya kuyigura hanze abura aho ayigurira. Icyo ni ikintu gikeneye ubuvugizi kuri Leta yacu, ubundi buvugizi dukeneye ni uko Inkoni yera yajya mubigurwa kuri mituelle de santé.'
Inama y'Igihugu y'Abafite Ubumuga, ivuga ko ku bufatanye n'inzengo zitandukanye zirimo Polisi y'igihugu bari kuganira uko hakurwaho imbogamizi zose, abafite ubumuga bwo kutabona bahura nazo iyo bari gukoresha umuhanda.
Emmanuel Ndayisaba, ni umunyambanga Nshingwabikorwa w'Inama y'Igihugu y'Abafite Ubumuga.
Ati 'Kandi dusaba na Polisi mu biganiro ikoresha mu kwigisha gukoresha imihanda, icyo kintu bakigarukaho hari n'ikindi twasabaga ni uko mu mategeko arengera abafite ubumuga turi kuvugurura hari ibyo tuzashyiramo, kugira ngo noneho bibe nk'itegeko ariko dukorane na Polisi niba igiye muby'amategeko y'umuhanda nabyo babishyiremo.'
Ku kijyanye n'inkoni Yera ifite ikuguzi kiri hejuru, Inama y'Igihugu y'Abafite Ubumuga, ivuga ko hari kwigwa uko zajya ziboneka kuri mituelle de santé, kimwe n'izindi nyunganira ngingo zikoreshwa n'ibindi byiciro by'abafite ubumuga.
Ati 'Hari inyingo bari bakoze ndetse barimo basubiramo ibiciro bya ziriya nsimburangingo n'inyunganirangingo kugirango ibiciro byumvikanweho hagati y'abazikora na Mituelle.'
Tariki 15 Ukwakira buri mwaka, Isi yizihiza umunsi Mpuzamahanga w'Inkoni Yera.
Gusa mu Rwanda wizihijwe Kuri uyu 9 Ugushyingo 2022.
Daniel Hakizimana
The post Abatabona barataka guhutazwa iyo bambuka imihanda appeared first on FLASH RADIO&TV.
Rutahizamu w’ikipe y’igihugu y’u Rwanda, Meddie Kagere ukinira Singida Big Stars muri Tanzania yatunguranye ubwo yakinanaga umwenda 'Jersey’ wanditseho izina ry’umugore we ari we Oda.
Ubusanzwe bimenyerewe ko umukinnyi akina yambaye amazina ye ku myenda akinana ndetse ni nako bimeze kuri rutahizamu w’umunyarwanda umaze imyaka 4 akina muri shampiyona ya Tanzania.
Uyu mukinnyi wamamaye muri Tanzania bitewe no gustinda ibitego n’uburyo abyishimiramo yafunze ijisho rimwe, ubusanzwe yakinaga yambaye izina rye 'Kagere’ mu mugongo.
Mu mukino wa shampiyona ikipe ye ya Singida Big Stars ejo hashize ku Cyumweru tariki ya 6 Ugushyingo 2022 yakinaga na Polisi Tanzania, Meddie Kagere yahisemo ku izina rye kongeraho iry’umugore we Oda maze akina yambaye jersey yanditseho Oda Kagere.
Uyu mukino baje no kuwutsinda 1-0 cyo ku munota wa 22 cyatsinzwe na Meddie Kagere, mu kwishimira iki gitego yahindukije umupira maze inyuma ahashyira imbere yerekana aya mazina yakinnye yambaye.
Oda ni umugore wa Kagere Meddie bakaba Kicukiro, mu gihe Kagere ari mu kazi umugore we na we aba ari mu Rwanda yita ku bana cyane cyane akurikirana ibijyanye n’amasomo ya bo.
Nyuma yo gusoza amasezerano mu ikipe ya AFC Eskilstun, umunyarwanda ukinira iyi kipe ikina mu cyiciro cya kabiri muri Sweden, Rafael York ashobora kutongerera iyi kipe amasezerano kuko yananiwe kuzamuka mu cyiciro cya mbere.
Tariki ya 5 Ugushyingo ni bwo shampiyona y’icyiciro cya kabiri muri Sweden yashyizweho akadomo, AFC Eskilstuna yatsindwaga na Västerås SK 2-0. Yasoje ku mwanya wa 8 n’amanota 40 ni mu gihe Brommapojkarna ya mbere yazamutse mu cyiciro cya mbere n’amanota 62.
Muri Kamena 2022, Rafael York yari yabwiye ikinyamakuru ISIMBI ko asigaranye amasezerano y’amezi 6 muri iyi kipe ndetse ko abona igihe kigeze ngo iyi kipe bayizamure mu cyiciro cya mbere kuko ifite abakinnyi beza, aho yashimangiye ko yo nitazamuka we azazamuka bityo ko mu gihe yaguma mu cyiciro cya kabiri nta masezerano yayongerera.
Icyo gihe yagize ati 'Umwaka w’imikino nurangira ndakeka tuzazamuka nitutazamuka bizaba ari bibi kuko turi ikipe nziza buri gihe tuba turi mu makipe meza muri shampiyona, rero uyu mwaka tugomba kuzamuka kuko turi abakinnyi beza bo gukina icyiciro cya mbere.'
'Ndatekereza nsigaranye amasezerano y’amezi 6 ariko batangiye kumvigisha ngo twongere amasezerano ariko nasabye umpagarariye kuba ategereje kubera ko nizamuka 100% nzagumana na yo ariko mu gihe itazamuka na bo barabazi nzanzamuka njyenyine. Amakipe menshi yo mu cyiciro cya mbere yifuza kuba yansinyisha, umwaka ushize amakipe agera muri 5 yifuzaga kunsinyisha.'
Rafael York w’imyaka 23 yakiniye amakipe atandukanye muri Sweden aho 2014-18 yakiniraga Sandvikens IF, ubwo yari muri iyi kipe 2016 yatijwe muri Gefle IF, 2017 atizwa muri VFL Bochum. Umwaka wa 2018-19 yawukinnye muri AFK Varnamo aho yakinnye imikino 7 ihita imutiza muri Sandvikens IF. 2019 kugeza 2021 yakiniraga Kalmar FF muri 2021 ni bwo yerekeje muri AFC Eskilstuna yakiniraga kugeza uyu munsi.
Abinyujije mu kegeranyo yashyize hanze yise'My Mind &Me' Selena Gomeze yahishuye ko afite uburwayi abana nabwo kuva akiri muto bwatumye atazabyara kubera imiti yabwo myinshi yafashe.
Yagize ati”Abantu benshi baziko indwara ikomeye narwaye ari impyiko zanjye angiritse bikaba gombwa ko bazihindura.Ubu sibwo burwayi bwonyine bwanyangije kuko mfite n'indi ndwara yitwa 'Bipolar' yangije ubuzima bwanjye”.
Selena gomez yakomeje kuvuga kuri iyi ndwara yangije ubuzima bwe mu gahinda kenshi ati” Kuva nkiri muto nabanye n'iyi ndwara ariko njye n'umuryango wanjye tubigira ibanga.Muri 2018 nibwo yankomeranye ntakibasha kwikontorora banjyana kwa Muganga kuko nari nkeneye ubufasha bw'abaganga amasaha 24/24.Kubera kumara igihe kinini mfata iyi miti y'ubu burwayi yatumye yababyeyi yanjye yangirika ku buryo ntabasha gusama”>
Mu ijwi ririmo ikiniga Selena Gomeze avuga ko ubu burwayi bwatumye imitekerereze ye ihinduka cyane ndetse n'ikizere muri we kikaba gike kubaho aziko atazabyara cyangwa yakenera umwana akishyura bakamutwitira.
Uyu mukobwa wamenyekanye akiri muto avuga ko nubwo kuri we ibyiringiro bisa nibyashize Mama we akomeza kumukomeza amubwira ko bishoboka ko hari igihe Imana yakora ibitangaza.
Ikinyamakuru Rolling Stone cyatangaje ko ku muntu warwaye iyi ndwara agira ihindagurika ry'ibitekerezo ndetse ko amahirwe yo kubyara kuri we aba ari make cyane, ikindi kandi ni uko akenshi usanga hari igihe bavurizwa mu bitaro by'abarwayi bo mu mutwe.
