Category: Uncategorized

Iyi foto yafashwe na Annie Liebovitz ni iy’amateka, kuko ibi byamamare muri ruhago y’isi, bitari byagahurira na rimwe mu gikorwa cyihariye, kuva byatangira kunyeganyeza ibinyamakuru by’isi yose mu mwaka wa 2005.

Ku mugoroba wo kuri uyu wa Gatandatu, inkuta za Instagram za Cristiano Ronaldo, Lionel Messi ndetse na Luis Vuitton zashyizweho ubutumwa bujya gusa, bwashyizwe munsi y’ifoto ya bombi bakina ikibuguzo.

Ubutumwa bwaherekeje iyi foto kuri Konti ya Messi na Cristiano buragira buti “Intsinzi ni mu mutwe. Ubu ni ubugeni bwa kera bwafotowe na Annie Leibovits ku bwa Louis Vuitton.”

Ubutumwa bwa Cristiano Ronaldo kuri Instagram 

Lionel Messi wo muri Argentine na Cristiano Ronaldo wo muri Portugal bafatwa na benshi nk’abakinnyi babiri ba mbere bakomeye babayeho mu mateka y’umupira w’amaguru, aho bamaze imyaka isaga 15 bahiganwa ubutwari.

Messi ukinira Paris Saint Germain yo mu Bufaransa amaze gutwara ibihembo bya Ballon D’Or inshuro 7 mu gihe Cristiano Ronaldo wa Manchester United we amaze guhembwa inshuro 5, bombi bakaba abatwaye iki gihembo inshuro nyinshi mu mateka.

Ni ifoto y’amateka

Rutahizamu w’umunyarwanda Hakizimana Muhadjiri yasabye imbabazi ku gikorwa yagaragaje ku mukino wa Sudani arwana n’umukinnyi wa yo.

Amavubi yateguye imikino ibiri ya gicuti na Sudani umwe wabaye ku wa Kane w’iki cyumweru aho banganyije 0-0, ni mu gihe undi wabaye kuri uyu wa Gatandatu tariki ya 19 Ugushyingo 2022.

Umukino wabaye uyu munsi, Amavubi yatsinze 1-0 cya Gerard Bi Goua Gohou ku munota wa 20.

Uyu mukino ntabwo wasojwe neza kuko Hakizimana Muhadjiri ubwo umusifuzi Ishimwe Claude yari asoje umukino habayeho gushyamirana hagati ye na Gadin Awad wa Sudani wari umukiniye nabi maze bararwana.

Polisi yahise yinjira mu kibuga guhosha iyi mirwano maze umukinnyi wa Sudani abaca mu rihumye ajya gukibita Muhadjiri wari umwiteguye amutera umugeri ariko umunyezamu wa kabiri wa Sudani ahita yishyurira mugenzi we akubita mu Muhadjiri yitura hasi, umunyezamu ahungira mu rwambariro.

Hakizima Muhadjiri akaba yasohoye itangazo risaba imbabazi abanyarwanda bose muri rusange avuga ko yitwaye nabi bitari bikwiye.

Ati “mbabajwe n’imyitwarire itari myiza nagaragaje mu mpera z’umukino twatsinzemo Sudani kuri uyu wa Gatandatu. Nitwaye nabi ku mukinnyi twari duhanganye ubwo yankiniraga nabi. Ndasaba imbabazi Abanyarwanda, abakinnyi ba Sudani by’umwihariko abakiri bato, ntabwo bizongera ukundi. “

Hakizimana Muhadjiri yasabye imbabazi nyuma y’uko n’ishyirahamwe ry’umupira w’amaguru mu Rwanda na ryo ryasohoye itangazo ryisegura ku myitwarire yagaragaye kuri uyu mukino ndetse ko hari ibihano bigomba gufatwa.

Please accept my apologies🙏🙏@FERWAFA | @Rwanda_Sports | pic.twitter.com/TUf4D8GNhG

— Hakizimana_Muhadjiri (@HakizimanaMuha4) November 19, 2022

Umubano uri hagati yacu na Sudan ntiwatokorwa n’ibyabaye ku mukino. Ibihano kuri iyo myitwarire bizafatwa uko bikwiye.

— Rwanda FA (@FERWAFA) November 19, 2022

Louise Mushikiwabo yongeye gutorerwa kuba Umunyamabanga mukuru w’Umuryango w’Ibihugu bivuga ururimi rw’Igifaransa (OIF), umwanya yari asanzweho, akaba yari (…)

Ikipe y’igihugu y’u Rwanda kuri uyu wa Gatandatu yatsinze Sudan igitego 1-0 mu mukino wa gicuti wabereye kuri stade ya Kigali, ibona intsinzi nyuma y’amezi (…)

Bosco Nshuti azwi mu ndirimbo “Ibyo Ntunze” yakunzwe bihebuje, “Umutima”, “Utuma nishima”, “Ngoswe n’ingabo”, “Uranyumva”, “Ntacyantandukanya”, “Nzamuzura”, “Ni wowe”, “Dushimire”, “Isaha y’Imana” na “Ni muri Yesu”.

Uyu muramyi uherutse gukora igitaramo gikomeye yise ‘Unconditional Live Live Worship Concet’ cyabereye muri Camp Kigali kuwa 30 Ukwakira 2022, yasezeranye imbere y’Imana n’umukunzi we Vanessa aherurse kwereka imbaga yitabiriye iki gitaramo cye aheruka gukora.

Aba bombi bakoze ubukwe nyuma y’imyaka 3 bamaze bakundana nk’uko Bosco Nshuti aherutse kubitangariza inyaRwanda. Berekanwe mu rusengero rwa ADEPR Mbugangari-Rubavu tariki 14 Kanama 2022, bemererwa gutangiza umushinga w’ubukwe bwabo.

Nyuma y'uko berekanwe mu rusengero ubwo batangizaga umushinga w'ubukwe bwabo, Bosco Nshuti yanyarukiye kuri Instagram, avuga ko ari isezerano risohoye, ati 'Imenya ibidukwiriye mu gihe nyacyo, ntacyo yavuze ngo gihere”.

Urukundo rwabo rwakomeje gushinga imizi, kugeza ubwo tariki 10/11/2022 basezerana imbere y'amategeko ya Leta mu muhango wabereye muri Kigali. Tariki 12/11/2022 ni bwo habaye umuhango wo gusaba no gukwa, wabereye mu Karere ka Rubavu.

Uyu munsi tariki 19/11/2022 ni bwo bambikanye impeta y’urukundo rudashira, bahamya isezerano ryabo imbere y'Imana n'imbere y'abakristo n'inshuti zabo. Abatumiwe mu bukwe, biyakiriye i Kibagabaga kuri Saint Ignatius.

Bahamije isezerano ryabo kuri uyu wa Gatandatu

Ku munsi batangirijeho umushinga w’ubukwe

Bosco Nshuti yerekanye umukunzi we mu gitaramo aheruka gukora

Baherutse gusezerana imbere y’amategeko

Rutahizamu Gerard Bi Goua Gohou ukomoka muri Côte d’Ivoire uheruka guhabwa ubwenegihugu bw’u Rwanda, yatsinze igitego cye cya mbere mu ikipe y’igihugu Amavubi.

Ni mu mukino wa gicuti u Rwanda rwatsinzemo Sudani 1-0 ari na cyo cya Gerard Bi Goua, ukaba wasojwe n’imirwano yakuruwe na Muhadjiri n’umukinnyi wa Sudani.

Uyu rutahizamu akaba yari inshuro ye ya kabiri ahamagawe mu ikipe y’igihugu kuko ubwa mbere yahamagawe muri Nzeri 2022 ubwo Amavubi yakinaga na Guinea umukino wa gicuti muri Maroc, gusa ntiyabashije gutsinda.

Yongeye kwitabazwa mu mikino 2 ya gicuti Amavubi yateguye na Sudani yabereye mu Rwanda.

Umukino umwe wabaye ku wa Kane w’iki cyumweru akaba yarinjiye mu kibuga asimbura, ni mu gihe undi wabaye uyu munsi aho yabanje mu kibuga, ni mikino yose yabereye kuri Stade Regional i Nyamirambo.

Gerard Bi Goua byamusabye iminota 20 gusa kugira ngo abe afunguye konti ye y’ibitego mu ikipe y’igihugu Amavubi, ni ku mupira mwiza yari ahawe na Tuyisenge Arsene.

Abasore b’u Rwanda bagerageje gushaka ikindi gitego binyuze mu basore nka Mugenzi Bienvenue, Hakizimana Muhadjiri, Nshuti Savio binjiye mu kibuga basimbura ndetse na Sahabo Hakim wabanje mu kibuga usanzwe ukinira Lille y’abatarengeje imyaka 19 wishimiwe cyane b’abanyarwanda.

Ubwo umusifuzi Ishimwe Claude yari asoje umukino hanayeho gushyamirana hagati ya Hakizimana Muhadjiri ndetse na Farga wa Sudani aho barwanye.

Polisi yahise yinjira mu kibuga guhosha iyi mirwano maze umukinnyi wa Sudani abaca mu rihumye ajya gukibita Muhadjiri wari umwiteguye amutera umugeri ariko umunyezamu wa kabiri wa Sudani ahita yishyurira mugenzi we akubita mu Muhadjiri ahungira mu rwambariro.

This morning in Djerba, President Kagame joins other leaders from member countries of @OIFrancophonie for the 18th Summit of La #Francophonie. #SommetDjerba2022 https://t.co/KO9oy0Tchm

— Presidency | Rwanda (@UrugwiroVillage) November 19, 2022

Inama y’uyu mwaka iribanda ku ikoranabuhanga n’ubufatanye muri uyu muryango, ariko by’umwihariko ikaba ari inama igomba gusiga ishyizeho Umunyamabanga mukuru wa OIF kuko manda y’imyaka ine ya Louise Mushikiwabo wari usanzwe uwuyobora yarangiye.

Louise Mushikiwabo akaba yarongeye kwiyamamariza kuba umunyamabanga wa OIF kandi akaba ari we mukandida umwe rukumbi kuri uyu mwanya, ibintu birimo gutanga ikizere ko yongera gutorwa.

Iyi nama ihuza abakuru b’ibihugu na za guverinoma itegurwa buri myaka ibiri igafatirwamo ibyemezo bitandukanye.

Iyi nama igiye kuba yari imaze gusubikwa inshuro ebyiri kubera icyorezo cya COVID-19. Ubu ikaba iteranye ku nshuro ya 18 nyuma y’iyo myaka yari imaze idaterana.

Umuryango wa OIF urizihiza kandi isabukuru y’imyaka 50 umaze ubayeho kuko washinzwe mu 1970. Ugizwe n’ibihugu 88 bikoresha Ururimi rw’Igifaransa.

Ikigamijwe muri uyu muryango ni ukongera umubare w’abavuga ururimi rw’igifaransa ku isi ndetse no gusigasira uru rurimi kugira ngo rutagenda rwibagirana mu bihugu bimwe na bimwe kandi ari ururimi mpuzamahanga.