Webrwanda Backend

Category: Uncategorized

  • Rusizi: Babangamiwe n'umunuko uva mu kimoteri #rwanda #RwOT

    Bamwe mu batuye n'abagenda hafi y'ikimoteri cy'Akarere ka Rusizi gihere mu Kagari ka Ruganda, mu Murenge wa Kamembe, bavuga ko babangamiwe n'umunuko ugiturukamo, bagasaba ko cyatunganywa kugira ngo batazahakura indwara.

    Aba baturage bavuga ko batewe impungenge n'uyu munuko cyane cyane iyo imvura yaguye, kuburyo hari igihe bumva ko bazarwara indwara z'ubuhumecyero.

    Umwe ati 'Giteje ikibzo bitewe n'umwanda uvamo cyane cynae iyo imvura yaguye. Umwanda uvamo ushobora no kuba watera abantu indwara, nk'iyo batwitse ibipine urabona ko bigira umwanda mwinshi kandi n'umwotsi ushobora kuvamo wangiza abantu ku buryo bishobora gutera abantu ibihaha.'

    Mugenzi we ati 'Iki kimoteri kiri hano kiranuka cyane bikabije. Hari ubwo abagenzi baba bari kuhanyura , ugasanga bamwe baragenda bapfutse umunwa , amazuru  kubera haturukaho isazi nyinshi, hagaturukamo n'umunuko mwinshi. '

    Undi ati 'Iyo uhanyuze ugenda wumva umerewe nabi mu nda, ukanumva ufite isesemi, ukumva uranukiwe cyane ku buryo wumva mu buzima hari ikintu gihindutse kitari cyiza.'

    Sibyo gusa kuko hari abana babacika, bakajya gutoragura amacupa ya parasitike ndetse hakaba hari n'ay'ibirahure atema abo bana, kubw'ibyo barasaba ko cyakwimurwa cyangwa kigatunganywa kuburyo izo mbagamizi zose zikurwaho.

    Umwe ati 'Hari abana usanga bari gutoragura amacupa ya parasitike n'ibyuma, usanga bamwe bayatora kwa kundi bayashyira mu isashi yagiye ava muri icyo kimoteri, akenshi hari abayakandagiramo bagacika ibisebe, urumva kitugiraho ingaruka nyinshi.'

    Undi ati 'Turaaba ko iki kimoteri cyagira uburinzi kigacungwa neza, kikabungwabungwa  cyangwa byaba ngombwa ari ibintu bishoboka, hari ahantu ubuyobozi butureberera bwabona bwakimurira kikaba cyakwimuka bagagishyira ahantu kigira uburinzi kure y'umuhanda. '

    Umuyobozi w'Akarere wungirije ushinzwe iterambere ry'ubukungu, Jean Louis Munyemanzi,  avuga ko inyigo y'iki kimoteri iri hafi kurangira, ku bufatanye n'Ikigo cy'Igihugu gishinzwe Isuku n'Isukura WASAC, ndetse ko hari abashoramari bari hafi kuza kukibyaza umusaruro .

    Ati 'Ku bufatanye na Wasac turi kwiga uburyo cyatunganwa ndetse hari abafatanyabikorwa basabye ko kugitunganya. Ibiganiro turimo twizeye ko bizatanga umusaruro ariko mu gihe bitarakorwa kompanyi yatsindiye ririya soko twayisabye gutandukanya imyanda ibora n'itabora, kandi barimo kubikora. Inyigo irarangira bitarenze uyu mwaka w'ingengo y'imari.'

    Iki kimoteri gikusanyirizwamo imyanda yiturutse hirya no hino muri aka karere, ariko cyane cyane mu mujyi wa Rusizi.

    Gusa ntikirabyazwa umusaruro nk'uko bikwiye, aho kugira ngo kibere umuzigo abagituriye.

    Sitio Ndoli

    The post Rusizi: Babangamiwe n'umunuko uva mu kimoteri appeared first on FLASH RADIO&TV.

    Source : https://flash.rw/2022/12/06/rusizi-babangamiwe-numunuko-uva-mu-kimoteri-cyimyanda/?utm_source=rss&utm_medium=rss&utm_campaign=rusizi-babangamiwe-numunuko-uva-mu-kimoteri-cyimyanda

  • Sandra Teta yateguje igitaramo muri Uganda bitangaza benshi #rwanda #RwOT

    Uyu mubyeyi w'abana babiri yabyaranye na Weasel, abinyujije ku rubuga rwa Snapchat yemeje ko agiye kujya mu Mujyi wa Kampala mu minsi ya vuba.

    Agiye muri gahunda y'ibirori yateguye bizaba ku wa 14 Ukuboza 2022 mu kabari kitwa B. Club, kamwe mu dukunzwe mu Mujyi wa Kampala muri iyi minsi.

    Mu babonye iyi nteguza bamwe batunguwe n'uyu mwanzuro yafashe wo guubira muri Uganda aho bamwe bavuze ko bishobora kumuviramo ibindi byago bitewe nuko yaje atameranye neza n'umugabo we.

    Sandra Teta aheruka muri Uganda muri Kanama 2022 nyuma yo kugirana ibibazo n'umugabo we Weasel wamamaye muri Goodlyfe, byatumye agarurwa i Kigali n'abana be.

    Muri Gicurasi 2018 nibwo Teta yari yerekeje mu ruhando rwo gutegura ibitaramo mu Mujyi wa Kampala, nyuma yo kubengukwa n'abayobozi b'akabari kitwa Hideout Lounge Bar & Restaurant.

    Yahise yigarurira imitima ya benshi muri iki gihugu kuva yagera i Kampala, aho yagiye ategura ibitaramo byiswe 'Boss Lady Wednesday' n'ibya 'Kigali Nation'.

    Source : https://umuryango.rw/imyidagaduro/article/sandra-teta-yateguje-igitaramo-muri-uganda-bitangaza-benshi

  • Zari yongeye kuvugisha benshi kubera amafoto ateye akwayo yashyize hanze ari kumwe n’umukunzi we mushya(Amafoto) – YEGOB #rwanda #RwOT

    Source : https://yegob.rw/zari-yongeye-kuvugisha-benshi-kubera-amafoto-ateye-akwayo-yashyize-hanze-ari-kumwe-numukunzi-we-mushyaamafoto/

  • Igikombe Cy’Isi: Brazil yanyagiye Koreya y’Ep… – #rwanda #RwOT

    ‘Seleçao’ ya Brazil iraye igeze muri ¼ cy’igikombe cy’isi gikomeje kubera muri Qatar, nyuma yo kunezeza abafana bayo mu mukino wa ⅛ yanyagiyemo Koreya y’Epfo ibitego 4-1 mu mukino wabaye kuri uyu wa Mbere.

    Mu mukino watangiye i Saa 21:00 kuri Stadium 974, Brazil yari yabanjemo abakinnyi bayo bose bakomeye, itangirana umuvuduko n’imbaraga nyinshi ibasha gutsinda ibitego byose mu minota y’igice cya mbere.

    Vinicius Jr (Uri hasi) yahatanye n’abanya-Koreya

    Rutahizamu Vinicius Jr ni we wafunguye amazamu ku munota wa 7′ aho yahawe umupira mwiza na Neymar, na we agacunga uko abugarizi n’umunyezamu wa Koreya bahagaze, aboneza umupira mu nshundura.

    Ku munota wa 13′ Brazil yabonye igitego cya kabiri, cyinjijwe na Neymar wateye Penaliti nziza ahana ikosa ryari rikorewe Richarlison.

    Ku munota wa 29, Richarlison wavudukaga yakoresheje ubuhanga bwinshi aha umupira Thiago Silva ndetse ahita awusubizwa mu rubuga rw’amahina, awinjiza mu izamu rya Koreya ryari ririnzwe na Kim Seung Gyu.

    Richarlison yahindukije Kim Gyu

    Ku munota wa 36′ Lucas Paqueta yatsinze agashinguracumu ka Brazil, aho yakiriye umupira mwiza yari ahawe na Vinicius Junior, na we awutera adahagaritse, uboneza mu izamu.

    Mu minota wa 45′ y’igice cya kabiri, Brazil ntabwo yigeze yinjiza igitego, ahubwo Koreya y’Epfo yabonye igitego kimwe cy’impozamarira gitsinzwe na Seung-Ho Paik.

    Muri uyu mukino, Tite utoza Brazil yahaye umwanya Dani Alves wasimbuye Eder Militao ndetse n’umunyezamu Weverton Silva wasimbuye Alisson Becker, Brazil iba ikipe ya mbere ikoresheje abakinnyi bose (26) yajyanye mu gikombe cy’isi.

    ‘Seleçao’ ya Brazil yabaye ikipe ya Gatandatu igeze muri ¼ mu gikombe cy’isi, nyuma y’ Ubufaransa, Ubuholandi, Ubwongereza, Argentine na Croatia. Amakipe asigaye azava hagati ya Marooc izakina na Espagne ndetse na Portugal izakina n’Ubusuwisi.

    Startimes nk'ikigo kinini cy'isakazamashusho mu Rwanda, izanerakana imikino ya Bundesliga, CAF Champions League, CAF Confederation Cup hamwe na shampiyona y'ibihugu y’umupira w'amaguru muri Afrika, CHAN, mu mwaka wa 2023.

    Startimes irakugezaho imikino y’igikombe cy’isi kugeza kuri Final

    Source : https://inyarwanda.com/inkuru/123540/igikombe-cyisi-brazil-yanyagiye-koreya-yepfo-isanga-ibindi-bihangange-muri-123540.html

  • Bitunguranye Travis Greene ntagitaramiye mu R… – #rwanda #RwOT

    Travis Greene wari watumiwe mu Rwanda na RG Consult, yahamije ko atakije i Kigali mu itangazo yanyujije ku mbuga ze nkoranyambaga ku mugoroba w’uyu wa Mbere tariki 05 Ukuboza 2022. Yiseguye ku bakunzi b’umuziki we, avuga ko atazabataramira muri iki cyumweru, gusa abizeza ko umwaka utaha bishoboka.

    Uyu muramyi umaze iminsi mui Nigeria, yatangiye avuga ko afite inkuru ibabaje ku Rwanda na Uganda. Yavuze ko ku bw’impamvu zirenze intekerezo ze [ntizisobanutse kuri we], uwateguye igitaramo ntiyigeze agura amatike y’indege imuzana mu Rwanda.

    Ni ibintu yise ubunyabwuga bucye, agasaba ko abaguze amatike y’igitaramo basubizwa amafaranga yabo. Ati “Ndasenga ngo promoter [uwateguye igitaramo] nibura azabasubize amatike yanyu”. Iyi nkuru yababaje benshi barimo Aline Gahongayire washyize kuri Instagram utumenyetso tw’umutima ushenguwe n’agahinda.

    Travis yababajwe no kuba atagitaramiye i Kigali

    Travis yari gutaramira bwa mbere mu Rwanda kuwa Kane tariki 08 Ukuboza 2022 muri Camp Kigali. Ku munsi w’igitaramo, itike yari kuzaba igura 15,000 F mu myanya isanzwe, 25,000 Frw muri VIP, 50,000Frw muri VVIP na 450,000 Frw kuri Table y’abantu 10. Yari kuzasangira uruhimbi n’abarimo Gaby Kamanzi na Papi Clever & Dorcas.

    Yari kuzaza i Kigali avuye i Kampala muri Uganda aho yari afite ibitaramo bibiri. Icya mbere cyari kuba kuri uyu wa Kabiri tariki 06 Ukuboza 2022 muri Imperial Royal Hotel. Kwinjira byari kuba ari amashiringi ibihumbi 150, ibihumbi 100, ndetse na Miliyoni 2 n’igice kuri table.

    Kuwa Gatatu tariki 07 Ukuboza 2022 uyu muramyi w’umunyamerika yari kuzakorera igitaramo gikomeye muri Stade nini muri Kampala, Lugogo Hockey Gronds, aho kwinjira byari kuzaba ari amashiringi ibihumbi 30 mu myanya isanzwe ndetse n’ibihumbi 50 muri VIP.

    Abari batumiye Travis Greene mu Rwanda ntacyo baratangaza kugeza ubu. Gusa hari kuvugwa byinshi ku ihagarikwa ry’igitaramo cye aho bamwe bavuga ko hari guhagarikwa ingendo nyinshi z’indege bakabihuza n’uko ikirere uko kimeze. Hari n’andi makuru avuga ko Travis yifuzaga itike y’indege ye bwite, ibintu bishobora kuba byagoranye mu kubyumvikanaho n’abamutumiye.

    Travis Greene yamamaye mu ndirimbo 'Nara' kuva ubwo izina rye riraguka mu buryo bukomeye. Kuva mu 2007 yakwinjira mu muziki, amaze gushyira hanze album eshatu zirimo 'Stretching Out' yo mu 2010, 'The Hill' yo mu 2015 na 'Crossover' yo mu 2017. Anafite ku isoko Extended Play (EP) yise 'International'.

    Uyu muhanzi waririmbye mu muhango wo kurahira kwa Donald Trump ubwo yabaga Perezida wa Leta Zunze Ubumwe za Amerika, yavukiye mu gace ka Delaware ku wa 17 Mutarama 1984, kuri Nyina witwa Charleather Greene, ariko yakuriye mu gace ka Warner Ribins muri Georgia. Se yitabye Imana 1989, hashize imyaka itanu avutse.

    Itangazo rya Travis rivuga ko atagitaramiye i Kigali

    Igitaramo Travis yari ategerejwemo i Kigali

    Igitaramo Travis yari ategerejwemo i Kampala

    REBA INDIRIMBO YAZAMUYE IGIKUNDIRO CYA TRAVIS

    Source : https://inyarwanda.com/inkuru/123543/bitunguranye-travis-greene-ntagitaramiye-mu-rwanda-123543.html

  • Ubufatanye hagati ya Leta n’abikorera mu guteza imbere uburezi mu ikoranabuhanga #Rwanda #RwOT via @kigalitoday #rwanda #RwOT

    Source : https://www.kigalitoday.com/amashusho/kt-tv/article/ubufatanye-hagati-ya-leta-n-abikorera-mu-guteza-imbere-uburezi-mu-ikoranabuhanga

  • Igikombe cy’isi: Hitabajwe penaliti ngo Croatia yigobotore Japan – YEGOB #rwanda #RwOT

    Source : https://yegob.rw/igikombe-cyisi-hitabajwe-penaliti-ngo-croatia-yigobotore-japan/

  • Brazil yanyagiye Koreya y'Epfo igera muri 1/4 cy'igikombe cy'isi biyoroheye #rwanda #RwOT

    Ikipe y'igihugu ya Brazil (Seleção) yanyagiye Koreya y'Epfo ibitego 4-1 ikatisha itike ya kimwe cya Kane mu gikombe cy'isi aho izahura na Croatia yo yatsinze Ubuyapani kuri penaliti 3-1.

    Ikipe ya Brazil yabaye iya mbere ibashije gutsinda ibitego byinshi (4) mu gice cya mbere cy'umukino mu gikombe cy'isi cya 2022,nyuma yo gutsinda iyi Koreya y'Epfo ibitego 4-0.

    Igitego cya Mbere cyatsinzwe na Vinicius Jr ku munota wa 7 nyuma y'umupira mwiza yahawe na Neymar Jr.

    Bidatinze ku munota wa 13,Brazil yahawe penaliti ku ikosa ryakorewe Richarlison mu rubuga rw'amahina,yinjizwa neza cyane na Neymar Jr.

    Brazil yarushaga bikomeye Koreya mu guhererekanya umupira,yabonye igitego cya 3 ku munota wa 29 gitsinzwe na Richarlison wacenze myugariro wa Korea y'Epfo,ahereza umupira Casemiro ahita yinjira mu rubuga rw'amahina,uyu mukinnyi wo hagati ahita wumusunikira aroba umunyezamu bari basigaranye.

    Brazil yasoje umukino ku munota wa 36 itsinda igitego cya 3 cyatsinzwe na Paqueta ku mupira mwiza winjiranwe mu rubuga rw'amahina na Vinicius Jr ahita awumucomekera usanga uyu mugenzi we ahagaze neza ahita awushyira mu rushundura.

    Brazil yinjiye mu gice cya kabiri yatangiye gutekereza Croatia bazahura muri 1/4 cy'irangiza byatumye yinjizwa igitego na Paik Seung-ho ku munota wa 76.

    Iyi kipe ihabwa amahirwe kurusha izindi yo kwegukana iki gikombe kiri kubera muri Qatar,yahushije uburyo bwinshi bwashoboraga kuyibyarira ibindi bitego.

    Umukino warangiye Brazil yinjije mu kibuga Weverton umunyezamu wa 3 wayo wari utarakina na rimwe muri iki gikombe cy'isi.

    Ku rundi ruhande,bigoranye Croatia yigaranzuye Ubuyapani ibutsinze kuri penaliti 3-1 nyuma yo kunganya igitego 1-1 mu minota 120.

    Ubuyapani nibwo bwafunguye amazamu ku munota wa 43 w'umukino ku gitego cya Daizen Maeda ukinira Celtic ariko kiza kwishyurwa na Ivan Perisic ku munota wa 55.

    Uyu mukino ugeze mu gutera penaliti,abakinnyi b'Ubuyapani barimo Takumi Minamino, Kaoru Mitoma na Yoshida bazihushije mu gihe uwinjije imwe rukumbi ari Takumi Asano.

    Croatia yinjije 3 zatewe na Vlasic,Brozovic na Pasalic mu gihe uwahushije imwe ari Livaja wayikubise igiti cy'izamu.

    Ikipe ya Zlatko Dalic yatsindiwe n'Ubufaransa ku mukino wa nyuma mu myaka 4 ishize,izahura na Brazil kuwa Gatanu saa kumi n'imwe.


    Source : https://umuryango.rw/imyidagaduro/imikino/article/brazil-yanyagiye-koreya-y-epfo-igera-muri-1-4-cy-igikombe-cy-isi-biyoroheye

  • Dutemberane ku Nyanja Itukura aho bivugwa ko Mose yakoreye igitangaza (Amafoto) #Rwanda #RwOT via @kigalitoday #rwanda #RwOT

    Ushobora kuba warumvise inkoni Mose uvugwa muri Bibiliya yakubise mu Nyanja Itukura igatandukana Abisiraheli bakayambuka. Muri iyi nkuru turatemberana kuri (…)

    Source : https://www.kigalitoday.com/ubukerarugendo/ahantu/article/dutemberane-ku-nyanja-itukura-aho-bivugwa-ko-mose-yakoreye-igitangaza-amafoto

  • Ikigo cya Iwawa gikoresha ibijumba mu kuvura amaso abahagororerwa #Rwanda #RwOT via @kigalitoday #rwanda #RwOT

    Abakozi b’ikigo gishinzwe igororamuco ku kirwa cya Iwawa batangaza ko bifashisha ibijumba bya Orange bikize kuri Vitamine A mu kuvura amaso bamwe mu (…)

    Source : https://www.kigalitoday.com/amakuru/amakuru-mu-rwanda/Ikigo-cya-Iwawa-gikoresha-ibijumba-mu-kuvura-amaso-abahagororerwa