Category: Uncategorized

Uyu Mushumba w’Itorero Zion Temple Celebration Center ku Isi, yahanuye mu rucyerera rwo kuri iki Cyumweru tariki 1 Mutarama 2023, nyuma y'amasaha arenga 11 n'iminota 29' Abakristu ba Zion Temple bateraniye mu nyubako y'imyidagaduro ya BK Arena mu masengesho y'amacyesha yiswe 'Cross Over' yambukiranyije umwaka.

Yitabiriwe n'abarenga ibihumbi bitandatu biganjemo urubyiruko. Harimo abayobozi b'amatorero atandukanye ya Zion Temple n'abandi bakorera umurimo w'Imana mu bihugu by'amahanga nka Pasiteri Claudine wo muri Leta Zunze Ubumwe za Amerika, Bishop Leonard, Apotre Domitille wo mu Mujyi wa Ottawa muri Canada [Gitwaza yavutse Domitille akora umurimo w’Imana] n'abandi.

Yari yubakiye ku ijambo riboneka muri Bibiliya muri Zaburi ya 90 umurogo 15, hagira hati ‘Utwishimishe ibyishimo bingana n’iminsi watubabarijemo n’imyaka twabonyemo ibyago.'

Mu ijambo rifungura aya masengesho, Gitwaza yavuze ko ari amahirwe adasanzwe Abanyarwanda babonye yo gushimira Imana, kuko imyaka ibiri yari ishize badaterana gutya kubera icyorezo cya Covid-19 cyugarije Isi, kuva mu myaka ibiri ishize.

Ati “Navuga ko ari amahirwe akomeye cyane nyuma y’imyaka ibiri tudaterana gutya, Imana yongeye kutugirira ubuntu.'

Intumwa y’Imana yavuze ko ari umunezero udasanzwe ku muryango we, ku giti cye ndetse no ku Itorero mu rusange kuba babashije gutegura aya materaniro, kugira ngo ‘Abanyarwanda twese dutarame’ mu gusoza umwaka wa 2022.

Yavuze ko n’ubwo hari abinjiye muri BK Arena ariko hari abandi bari hanze babuze uko binjira. Ndetse, hari abari basabye ko bategurirwa inyakiramashusho (Televiziyo) mu Gatenga aho Zion Temple ikorera, kugira ngo barebe neza aya materaniro.

Gitwaza yavuze ko uyu mwaka wa 2023 wiswe ‘uwo gusimbura’. Yifurije Umwaka Mushya Muhire amashami yose ya Zion Temple ku Isi. Ati “Umwaka Mushya Muhire Bene Data.”

Yagarutse ku bintu 12 bizaba muri uyu mwaka. Harimo nka ‘Kudindira kugiye gusimburwa n’umuvuduko w’iterambere’. Kuri iyi ngingo yavuze ko Imana igiye ‘kugusimbutsa aho utari waranyuze’.

Gusubira inyuma kwa benshi kugiye gusimburwa no kubyuka k’umwuka: Avuga kuri iyi ngingo yavuze ko Imana igiye kongera kubyutsa impano iri muri buri umwe kugira ngo zikangure n’iz’abandi. Ati 'Mwese impano z’Imana zigiye kwaka.'

Ubwoba bugiye gusimbuzwa no kwizera: Yasabye Abakristu kwakira kwizera muri bo, kugira ngo babashe kurenga aho batatekerezaga. 

Ni ukwizera avuga ko kuzanesha satani, kukagukemurira ibibazo. Ati “Imana imaze umwuka w’ubwoba muri wowe.' 

Apotre Gitwaza yigisha Ijambo ry’Imana ananyuzamo akaririmba. Yashimye buri wese witabiriye umugoroba w’aya masengesho

Kwamburwa bigiye gusimburwa no kugarurirwa: Yabajije niba hari umuntu utarigera wamburwa, abasaba kuzamura amaboko. Nawe avuga ko yambuwe mu bihe bitandukanye.

Yavuze ko bitewe n’ibibazo bihari, umuntu aguza mugenzi we akwizeza ko azakwishyura bidatinze ariko bikarangira akwambuye.

Gitwaza avuga ko hari abatakwambura ahubwo wowe wenyine urinyaga, birimo nko gukoresha nabi ibyo Imana yaguhaye ugasanga usubiye mu madeni. 

Ati “Bavandimwe umwuka wo kwamburwa Imana iwugukuyeho.” Ari kuri iyi ngingo, yasabye Imana guhagarika intambara mu Karere, ikazana amahoro n’ituze mu bantu.

Gusharira ko mu mutima kugiye gusimburwa n’amashimwe: Avuga kuri iyi ngingo yavuze ko amashimwe agiye kuba menshi muri benshi. Avuga ko ibikomere byo gutabwa, iby’inzara, ubukene n’ibindi bigiye kurangira muri uyu mwaka wa 2023.

Gutakarizwa icyizere bigiye gusimbuzwa n’izina ryiza: Yavuze ko Imana igiye kugarura izina ryiza ‘ryari ryarangiritse hano hanze’. Yatanze urugero avuga ko hari abantu bazi ko ‘uri umuntu mubi’ nyamara muri wowe uri umuntu mwiza.

Ati “Ni ukuri reka nkubwire izina ryawe ryiza rigiye kugaruka.” Yavuze ko ntacyo uzabikoraho ahubwo Imana yonyine izagenda ibyikorera.

Ubuzima budasenga bugiye gusimburwa n’umwuka w’amasengesho. Gitwaza yavuze ko muri uyu mwaka mu ngo nyinshi hagiye kubaho ibicaniro by’amasengesho. Ati “Imana igiye kumanura umwuka wo gusenga mu ngo.”

Ubuzima bwo kwiheba bugiye gusimbuzwa n’umwuka wo guhimbaza no kuramya: Gitwaza yavuze ko bibaho ko umuntu aruha umutima wo kuramya no guhimbaza bikamuvamo, ugasanga asigaranye indirimbo z’amanyaga. Yavuze ko nta kongera gushakisha, ahubwo ibyiza bizaza mu muntu.  Avuga ko uzashima Imana mu bibi no mu byiza.

Umwuka wo kuma mu mwuka ugiye gusimbuzwa n’umuriro w’ivugabutumwa: Intumwa y’Imana avuga ko umwuka wo kuma mu mwuka utera cyane cyane abakozi b’Imana. Gusa ngo nta muntu udatera. Gitwaza avuga ko uyu mwuka uzaba umwuka w’ivugabutumwa kurusha indi yose.

Mu gihe cyo guhanura, Gitwaza yavuze ko Imana yamubwiye ko urubyiruko ruzakizwa cyane muri uyu mwaka. Kuri we, avuga ko uyu mwaka uzaba uw’urubyiruko.

Yanavuze ko mu bari bitabiriye iri torero harimo babiri bazaba aba Minisitiri, ashimangira ko hari ukuboko kwiza ku bwoko bw’Imana. Ariko asaba aba bazazamurwa mu ntera, gukomeza gukorera Imana no guca bugufi.

Gitwaza yanasengeye Ngoga ufite ikipe y’amagare, amubwira ko ikipe ye izahiga izindi muri shampiyona. Yanamubwiye ko bitazagarukira ku ikipe, ahubwo no mu marushanwa Mpuzamahanga.

Yavuze ko muri we, adakunda igare, atazi kuritwara, ariko biramutunguye uburyo Imana yamweretse ibijyanye n’igare.

Gitwaza yanasengeye umusore ukina muri ‘Academy’ amubwira ko azagurwa amafaranga menshi, harimo undi ukina Bugesera FC, Muhinda Brian.

Aha yavuze ko mu 1996, ubwo yari mu Bugesera, Imana yamubwiye umusore uzahava akina umupira kandi akazakomera ku rwego rukomeye.

Mu bandi bakinnyi yasengeye harimo umukinnyi wa Gasogi United, n’umukobwa ukina Basketball.

Gitwaza yasabye buri wese kwizera amateka agahinduka, u Rwanda rukazabasha kwitabira igikombe cy'Isi.  Ati “Reka twemezanya, turema amateka u Rwanda ruzagera mu gikombe cy’Isi. Sibyo? Tureme ayo mateka, dufite imbaraga hano zo kuyarema…”

Ubwo yavugaga ibi yakiriye ku rubyiniro abakinnyi barimo Adolphe Hakizimana, umunyezamu wa Rayon Sports, n’umunyezamu wa Kiyovu Sports. Ati “Nta bitego by’umwanzi bizongera kwinjira mu buzima bwacu.”

Hari kandi Ngabonziza Pacifique ukina Police Fc. Gitwaza yavuze ko ubuzima bw’aba bombi bugiye guhinduka.

Yabujije aba bakinnyi kujya mu bapfumu nk’uko abandi babikora. Yavuze ko amasengesho azafasha aba kujya bagurwa nk’amafaranga angana n’ayo Messi bamugura. 

Gitwaza ko yavuze ko mu bari bitabiriye iri torero harimo babiri bazaba aba Minisitiri Gitwaza yavuze uko konti ya Facebook y’umuhungu we [Elyse Gitwaza] yinjiriwe  

Gitwaza yavuze ku mukecuru Nyiramandwa Rachel uherutse kwitaba Imana ku myaka 110. Avuga ko yarinze yitahira kwa Jambo, yariyeguriye Imana    

Gitwaza yashimye Imana….Avuga ko uyu mwaka uzaba udasanzwe 

Gitwaza agezemo hagati yasengeye uwari wifitemo umwuka wo kwiyahura….Bamusize amavuta… ati ‘Baho’ 

Gitwaza yavuze ko hari umuntu wari umaze igihe kinini atwita inda zivamo, yamusize amavuta avuga ko azabyara neza bidatinze. Ati “Mu izina rya Yesu inda ntizongere kuvamo.” Umwana wa mbere w’umuhungu uzamwita Musimbura.’ 

Gitwaza yasabye Imana kwibuka buri wese muri uyu mwaka… Imibereho ihinduke… ibibi bisimburwe n’ibyiza.. Umuvumo usimburwe n’umugisha.. Imana iguhe ibyishimo bingana n’amarira warize 

Gitwaza yasabiye abakristu guhirwa n’ubuzima…. aho bazahura bazabe abanyamugisha.. inzozi zabo zizabe umumaro… bakore Imirimo ifasha abandi

Gitwaza yavuze ko agakiza ari keza, bigaragarira mu basore, inkumi n’abubatse baraye ijoro bahimbaza Imana 

Gitwaza ati “Urukundo ruzaguhobera…. Umunezero uzabe inshuti yawe…. Yifuriza Abanyarwanda n’abakristu ba Zion Temple umwaka Mushya Muhire wa 2023    

Gitwaza ati ‘Nshobora gushidikanya ko uyu atari Mushiki wanjye ariko nsinshobora gushidikanya ko nakijijwe.” 

Gitwaza avuga ko ‘igihe kimwe tuzareba Yesu… Tuzamureba ntituzamuhaga….” 

Gitwaza yavuze ko yasabye Imana kuzamugira umuhereza wayo mu Bwami bwayo. Ati “Naravuze nti ndashaka kuba umuhereza mu Bwami bwawe… Kandi birashoboka ko yanyemereye.” 

Gitwaza ati “Inshuti ni Yesu.” …. Nta munsi n’umwe Yesu aza kuvuga nabi 

Gitwaza yavuze ko ‘ibyago cyangwa ibigeragezo wanyuzemo ntabwo byatunguye Imana….” 

Intuma y’Imana yavuze ko hari amasengesho usenga woroheje agasubizwa, andi ugasengana umutima ushaka ariko ntasubizwe 

Gitwaza yavuze uko mu minsi ishize umudozi we yibagiwe gukura ‘akadodo’ (Urudodo) ku mwenda we, abantu baramwandikira kugera muri Australia bamubwira uko hari akadodo kari ku mwenda we 

Gitwaza avuga ko kuba umusitari ari bibi… Avuga ko kumenyekana bisaba kubaho wigengesera 

Abakinnyi b’umupira w’amaguru bakuyemo inkweto Gitwaza abasiga amavuta 

Gitwaza yabwiye Ngoga ufite ikipe y’amagare ko igiye gukomera ku rwego Mpuzamahanga 

   

Gitwaza yavuze ko muri uyu mwaka hagiye kubaho impinduka mu buzima bwa benshi no ku Isi yose muri rusange

Gitwaza yafashe ifoto n’abakinnyi b’umupira barimo uwa Rayon Sports, Police Fc, Gasogi United n’abandi

KANDA HANO UREBE UKO AYA MATERANIRO YISWE ‘CROSS OVER’ YAGENZE
“>

KANDA HANO UREBE AMAFOTO MENSHI

AMAFOTO: Serge Ngabo-INYARWANDA.COM

Iki gisigo gifite iminota 10' n'amasegonda 49', Rumaga yagisohoye ku mugoroba wo kuri iki Cyumweru tariki 1 Mutarama 2023.

Yabwiye InyaRwanda ko yacyanditse ashaka kwibutsa abatahira ubuvanganzo Nyanka ari bumwe mu bukwiye kubungabungwa, cyane cyane haremwa amazina y'inka mashya cyane kurusha gufata mu mutwe Inka zimwe aho ujya mu rubanza ugasanga amazina y'inka avugwa akenshi ntahinduka.

Rumaga avuga ko iki gisigo ari kimwe mu bigize Album 'Mawe' aherutse gusohora. By'umwihariko iki gisigo ni ubwoko bw’ubusizi butamenyerewe ariko kandi amazina y’inka nayo aba mu ngeri z’ubusizi, cyane ko agerageza kwerekana uburyo ibisigo byaturwaga mu Rwanda rwo hambere ku ngoma ya cyami.

Aho ibisigo byatorwagwa bigaturwa mu majwi atatu ariyo, Urugera: Ijwi ryo hejuru umusizi yanzikiragamo akiri kure y’ibwami avunyisha, ngo bamuhe karibu avuge ikimugenza.

Hari kandi Amataga/irarire: ijwi riririmbitse ariko riciye bugufi, ubu buryo bukaba bwarakoreshwaga umusizi yegereye ibwami mu rwego rwo kudakangaranya iby’ibwami, yirinda kuhinjira asahinda.

Iyo umusizi yamaraga guhabwa karibu ibwami rero, yanzikaga igisigo mu buryo bw'inkuru, uburyo bworohereza abakumva kumva ibyo uvuga, aha niho abikirizi babaga batora igisigo bakagisigurira umwami cyangwa undi kigenewe ibwami.

Rumaga avuga ko iki gisigo yagifatiye amashusho mu Bigogwe. Ashimira cyane abamufashije mu itunganywa ryacyo by'umwihariko Ngabo Karegeya, uzwi nka Ibere rya Bigogwe ku rubuga nkoranyambaga rwa Twitter.

Uyu musizi anashima abaturage bo mu Bigogwe bamufashije kwisanga muri aka gace bakamwakira, bikamufasha gukora amashusho arimo ubuzima.

Rumaga avuga ko yakoze iki gisigo mu rwego rwo kwifuza kugarura umuco wo kuvuga inka 'z’iwacu no kugerageza kwerekana uburyo n'inzira amazina y’inka aremwa, n'uko aturwa ku kuva ku myoma n’amahamba'.

Muri muzika, Rumaga aherutse gushyirwa ku rutonde rw’abahanzi bashya batanga umuziki ‘Best New Artist’ mu bihembo ‘The Choice Awards’ bya Isibo Tv. 

Rumaga yasohoye amashusho y'igisigo yise 'Inyana y'inyange Imaragahinda' kimwe mu bigize album ye yise 'Mawe'

Rumaga avuga ko yakoze iki gisigo mu rwego rwo kugarura umuco wo kuvugira inka

Album 'Mawe' ya Rumaga iriho ibisigo 111 iboneka ku rubuga rwa www.sigarwanda.com

KANDA HANO UREBE AMASHUSHO Y'INDIRIMBO 'INYANA Y’INYANGE IMARAGAHINDA' YA JUNIOR RUMAGA

“>

Abinyujije ku mbuga nkoranyambaga, Muheto yagize ati: 'Undi mwaka ku rugendo rw'ubuzima bwacu! Twongeye kubikora hamwe n'ibigeragezo n'intsinzi, gusa icy'ingenzi ni ukumenya icyo ushaka. Muri uyu mwaka ndishimye kubw'urukundo n'ubufatanye mwangaragarije muri byose.'

Yongeraho ati: 'Ntewe ishema n'ishimwe n'umuryango wanjye, inshuti n'igihugu cyanjye mwarakoze kubwa buri kimwe, byari ibihe naronse inararibonye ikomeye mu buzima bwanjye bwose, mwese mbifurije umwaka mushya muhire.'

Asoza yongera gushima cyane buri umwe ariko by'umwihariko irushanwa rya Miss Rwanda, ryamugejeje kuri byinshi n'ubwo iri rushanwa mu gihe cye ryajemo ibibazo bitandukanye; yakomeje kugerageza gukora agenda agaragara mu bikorwa bitandukanye.

Ubwo aheruka kwizihiza isabukuru y'amavuko mu Ukuboza 2022, yahisemo kuyizihizanya n'abafite ubumuga anakangurira abantu kubatekerezaho kuko nabo baba bakeneye urukundo kandi mu ukuri ababatekerezaho atari benshi.

Miss Muheto ubusanzwe yabonye izuba 2003, bivuze ko afite imyaka 19. Atangiye uwa 20 yamamaye, na mbere y'uko yambara ikamba, kubera uburanga bwe bwanakangaranyije abarimo abagize akanama nkempuramaka ka Miss Rwanda.

Mubyo yemerewe ahabwa ikamba harimo imodoka ya Hyundai yamaze no gushyikirizwa, no kuzajya ahabwa umushara w'ibihumbi 800Frw n'ibindi bitandukanye kugeza ubu amakuru ahari ni uko ashobora kuzamarana ikamba imyaka 2 inarenga kuko iri rushanwa mu mwaka wa 2023 rishobora kutazaba mu gihe hakiri gukosorwa bimwe mu bitari biwuriho muriryo.

Yifurije umwaka mushya muhire abanyarwanda banamubaye hafi mu mwaka utoroshye wa 2022Muheto yashimye kandi Miss Rwanda imaze kumugeza kuri byinshiHatagize igihinduka yazamarana ikamba rya Miss Rwanda imyaka irenga 2

Ni mu gitaramo cy'amasengesho cyiswe 'Cross Over' [Kwambuka cyangwa se Kwambukiranya] cyabereye mu nyubako y'imyidagaduro ya BK Arena, cyafashije Abakristu b'iri torero kwinjira mu mwaka mushya wa 2023 batunganiye Imana binyuze mu nyigisho n'indirimbo bumvishije.

Abitabiriye aya masengesho batangiye kugera kuri BK Arena ahagana saa kumi z'amanywa, zo kuri uyu wa Gatandatu tariki 31 Ukuboza 2022. Ni amasengesho yamaze amasaha arenga 11, kuko yarangiye ahagana saa kumi n'imwe mu gitondo cyo kuri iki Cyumweru tariki 1 Mutarama 2023.

Yayobowe n'Abashumba Batandukanye ba Zion Temple, barangajwe imbere n'Intumwa Dr Paul Gitwaza wafashije abakristu kwegerana n'Imana.

Aya masengesho yatambukaga imbona nkubone (Live) ku rubuga rwa Youtube rwa Zion Temple, ndetse no kuri Televiziyo y'iri torero Authentic [TV0]. Yahujwe no gutaramirwa n'abahanzi babiri Aime Uwimana ndetse na Prosper Nkomezi.

Ariko ubwo Apotre Gitwaza yasozaga kubwiriza yasabye Gisubizo Ministries kumusanga ku rubyiniro, bagafasha abakristu kujya mu mwuka binyuze mu bihangano byabo.

Prosper Nkomezi ni we wabimburiye abandi. Yinjiriye mu ndirimbo ye yakunzwe mu buryo bukomeye yise ‘Wanyujuje Ishimwe’.

Iri kuri shene ye Youtube kuva ku wa 14 Nzeri 2020, kandi imaze kurebwa n’abantu barenga ibihumbi 500. Muri iyi ndirimbo hari aho agira ati “Wanyujuje indirimbo mu mutima z’amashimwe. Sinzigera nibagirwa ya mirimo wankoreye…”

Uyu muramyi aherutse kuririmba mu gitaramo gikomeye Vestine na Dorcas bamurikiyemo album yabo ya mbere bise ‘Nahawe Ijambo’ cyabereye muri Camp Kigali.

Muri iki gitaramo kandi Prosper Nkomezi yaririmbye indirimbo ‘Urarinzwe’. Yayiririmbye afatanya n’abakristu ba Zion Temple kuririmba babwira buri wese ko hamwe n’Imana ‘Urarinzwe’.

Ubwo yaririmbaga iyi ndirimbo mu gitaramo yakoreye muri Kaminuza y’u Rwanda mu myaka ibiri ishize, abanyeshuri bo muri Kaminuza bayakirije amashyi y’urufaya.

Ku rubyiniro, Nkomezi yari kumwe n’abasore n’inkumi bamufashaga mu miririmbire mu bijyanye no kunoza amajwi kugira ngo indirimbo yumvikane neza. Byageze n’aho abakristu ba Zion Temple basimbuka, ubwo iyi ndirimbo yari igeze hagati.

Atarasoza iyi ndirimbo, Aime Uwimana yamusanganiye ku rubyiniro maze asubiramo amagambo y’iyi ndirimbo ‘Urarinzwe’. Uyu muramyi umaze imyaka irenga 20 mu muziki, yinjiriye mu ndirimbo ye yise ‘Muririmbire Uwiteka’.

Uwimana aherutse kubwira Radio Rwanda, ko iyi ndirimbo yaje mu mutima ubwo yari afite gitari ari gucuranga ari no gusoma Bibiliya. Yavuze ko iyi ndirimbo yayishyize hanze mu mwaka wa 1998, kandi ko ibyo yaririmbye byasohoye k’u Rwanda.

‘Muririmbire Uwiteka’ iri mu ndirimbo zicengera cyane mu bakristu. Ahanini biturutse ku butumwa buyigize. Bayiririmba bacanye amatoroshi ya telefoni, mu kwerekana ko Yesu yazanye umucyo mu Rwanda. Hejuru y’ibyo kandi, iyi ndirimbo yakomeje izina rya Aime Uwimana.

Muri iki gitaramo cy’amasengesho kandi, Aime Uwimana yaririmbye indirimbo ‘Beautifull Name’ ya Hillsong Worship. Iyi ndirimbo imaze imyaka itandatu kuri shene ya Youtube y’iri tsinda, imaze kurebwa n’abantu barenga miliyoni 468.

Ishami rya Hillsong ryo mu Bwongereza riherutse mu Rwanda mu gitaramo gikomeye bakoreye muri BK Arena. Amakuru avuga ko iki gitaramo kinjije miliyoni 50 Frw avuye mu baguze amatike. Birashoboka ko ari cyo gitaramo cya mbere cyinjije menshi muri uyu mwaka mu Rwanda.

Uwimana yanaririmbye indirimbo ‘Urakwiriye Gushimwa’ na 'Yongeye guca akanzu’ ya James na Daniella na Israel Mbonyi. Muri iyi ndirimbo, Uwimana yayiririmbaga asaba buri wese guhanurira umwaka we wa 2023, yumvikanisha ko Imana yabanye nawe.

Uyu muramyi waboneye benshi izuba, yaririmbaga anyuza akabyiniro, akazenguruka urubyiniro mu rwego rwo gufasha Abakristu ba Zion Temple kwinjira neza mu mwaka 2023. Ati “Ese wahanurira umwaka wawe wa 2023.”

Ubwo yasozaga aya masengesho, Apotre Gitwaza yahamagaye ku rubyiniro Gisubizo Ministries kumusanga ku rubyiniro ubundi bagashyira abakristu mu mwuka. Ati “Reka batwinjize mu mwaka.”

Yanasabye ko Umuyobozi wa Gisubizo Ministries, Nkomezi amusanga ku rubyiniro ubundi bagafatana ifoto. Ati 'Gisubizo Imana ibahe umugisha cyane.”

Mbere yo gutangira kuririmba, Gitwaza yanasabye ko Asaph Ministries isanganira ku rubyiniro Gisubizo Ministries bagafatanya kuramya Imana. Iri tsinda ryinjiriye mu ndirimbo zirimo ‘Uri ibuye rizima' n'izindi.

Gisubizo iherutse gukora igitaramo cya 'Worship Legacy Concert Season 3' bamurikiyemo album yabo ya gatatu.

Bazwi mu ndirimbo zirimo nka 'Humura', 'Abagufite ntibazakena', 'Ku musaraba', 'None ubwo bimeze bityo', 'Ntayindi Mana twabona' na 'Ebenezer'..

Prosper Nkomezi aherutse gushyira ahagaragara amashusho y’indirimbo yise ‘Nyigisha’ imaze iminsi irindwi isohotse

Nkomezi azwi cyane mu ndirimbo ‘Warakoze’, ‘Wanyujuje indirimbo’ n’izindi zitandukanye

Amasegesho ya ‘Cross Over’ yafashije Abakristu kongera gutekereza ku rukundo rw’Imana

Hari gahunda y’uko muri uyu mwaka wa 2023, Nkomezi azakora igitaramo cye bwite

Apotre Dr Paul Gitwaza ari kumwe n’umufasha we Angelique Gitwaza mu masengesho ya ‘Cross Over’

Prosper yafashije abakristu ba Zion Temple kugirira ibihe byiza mu masengesho yiswe “Cross Over”

Muri uyu mwaka, Nkomezi yaririmbye mu bitaramo byubakiye ku gufasha abantu kwegerana n’Imana

Aime Uwimana yinjiriye mu ndirimbo ye yise ‘Muririmbire Uwiteka’ yakunzwe mu buryo bukomeye

Mu bihe byo kwinjira mu mwaka mushya upfukamira Imana ukayishimira uburinzi bwayo

Apotre Gitwaza yahanuye ibyiza gusa ku buzima bwa benshi

Uwimana yasanganiye ku rubyiniro Nkomezi Prosper mu ndirimbo ye ‘Urarinzwe’

Imyaka irenze 20, Uwimana ari mu muziki w’indirimbo zihimbaza Imana

Aime Uwimana yabaye ikitegererezo cya benshi mu banyamuziki muri iki gihe

Uwimana yatunguwe no gusanga abakristu ba Zion Temple bazi neza indirimbo ‘Muririmbire Uwiteka’

Gisubizo Ministries yahamagawe ku rubyiniro na Apotre Gitwaza

Gisubizo yafashije abakristu gusoza aya masengesho batunganiye Imana

Umuyobozi wa Isha Collections, Gatarayiha Angelique akaba umwe mu basobanurira Apotre Gitwaza iyo ari kubwiriza

Ibihumbi by’Abakristu ba Zion Temple bari bakoraniye muri BK Arena mu masengesho yambukiranije umwaka

Byari ibihe byo gutuza ukumvira ijwi ry’Imana….

Itsinda ry’abaririmbyi rya Asaph ryafashije benshi kwegerana n’Imana binjira mu mwaka wa 2023

KANDA HANO UREBE AMAFOTO YARANZE ‘CROSS OVER’

AMAFOTO: Ngabo Serge-INYARWANDA.COM

Ibi bihembo ni ngarukamwaka, bitegurwa n'ikipe ngari y'abanyamakauru bakora ikiganiro 'The Choice Live', kimwe mu biganiro bikunzwe kuri Televiziyo 'Isibo TV'.

Bifite intego yo gushyigikira urugendo rw'umuziki w'u Rwanda, gutera imbaraga abahanzi no kubashimira ibyo bamaze gukora mu ruganda rw'imyidagaduro.

Ni ku nshuro ya gatatu bigiye gutangwa. Abashyizwe muri ibi byiciro ni abakoze cyangwa se abigaragaje, kuva muri Mutarama kugeza mu Ukuboza 2022.

Mu ijoro ryo kuri uyu wa Gatandatu tariki 31 Ukuboza 2022 rishyira kuri iki Cyumweru tariki 1 Mutarama 2023, ni bwo abanyamakuru ba Isibo Tv bakora mu biganiro bitandukanye batangaje ku mugaragaro abahataniye ibihembo mu byiciro bitandukanye.

Murenzi Emmalito uri mu bategura ibi bihembo, yabwiye InyaRwanda ko nyuma yo gutangaza abahatanye, mu gihe cya vuba bazatangaza amatora yo kuri internet.

Avuga ko amajwi yo kuri internet, azatangwa n'abagize Akanama Nkemurampaka, n'ibindi bizahuzwa hanyuma hatangazwe uwatsinze muri buri cyiciro.

Yavuze ko buri wese washyizwe muri ibi bihembo, hashingiwe ku bikorwa bye. Ati 'Ikintu cya mbere twashingiyeho ni imikorere ya buri umwe. Abantu babimenye ko The Choice Awards nta mahitamo ya kabiri igira. Icyo wakoze kigaragara bakagishyigikira bakagutora.”

“N'ubwo tuba turi komite ariko komite ifata umwanya wo gukora ubushakashatsi, igahitamo abantu ikavuga iti bano bantu turabakoresha ku bw'iyi mpamvu.'

Yavuze ko ku nshuro ya gatatu bagiye gutanga ibi bihembo hari byinshi byo kwishimira. Ati 'Icyo twishimira cya mbere ni uko tutigeze twumva ikintu kijyanye no kujya impaka. Umuntu yumva ngo uyu bamwibiye, uyu ntiyari abikwiye. Ibintu byose tubishyira ku mugaragaro, tugashyiraho urubuga rwo gutoreraho, abafana bagatora, abagize Akanama Nkemurampaka bagakora ibyabo, hanyuma tugafata umwanzuro.'

IBYICIRO 12 BY'ABAHATANIYE IBIHEMBO BYA THE CHOICE AWARDS 2022

Uwahize abandi mu gutunganya amashusho y’indirimbo [Best Video Director of the year] harimo Gad, Meddy Saleh, Eazy Cuts, Fayzo Pro na Simbi Nailla.

Uwahize abandi mu kuvanga imiziki [Best Dj of the year] ni Dj Toxxyk, Dj Marnaud, Dj Pyfo, Dj Briane na Nep Djs.

Umuhanzi Mushya w’umwaka [Best New Artist] harimo Bwiza, Afrique, Mistaek, Yampano na Rumaga.

Inzu y’imideli yahize izindi y’umwaka [Best Fashion Designer of the year] harimo Moshions, Joyce Fashion Design, Kezem, Urutozi ndetse na Style By Chriss Be.

Umukinnyi wa filime wahize abandi mub'igitsinagore [Best Actress of the year] harimo Nadia, Bahavu Usanase Janet, Nyambo Jesca, Aisha na Rufonsina.

Umuhanzikazi wahize abandi w’umwaka [Best Female artist of the year] harimo Butera Knowless, Ariel Wayz, Alyn Sano, Bwiza na Marina.

Indirimbo yahize izindi mu kugira amashusho meza [Best Video of the year] harimo Why ya The Ben, Funga Macho ya Bruce Melodie, Joli ya Kenny Sol, Jaja ya Juno Kizigenza na Izina ya Bruce Melodie.

Icyiciro cy’uvuga rikumvikana [Best Influencer of the year] harimo Ishimwe Dieudonne [Prince Kid], Mukansanga Salima, Coach Gael [Umujyanama wa Bruce Melodie], Mutesi Scovia na Mushyoma Joseph [Boubou].

Umukinnyi wa filime wahize abandi mu bagabo [Best Actor of the year] harimo Nyaxo, Rusine Patrick, Niyitegeka Gratien, Bamenya na Clapton Kibonge.

Umukinnyi wahize abandi [Most Valuable Player] harimo Axel Mpoyo, Bigirimana Abed, Malinga Kartbart, Mugisha Moise na Shabana Hussein Tchabalala.

Mu cyiciro cy’indirimbo zo kuramya no guhimbaza Imana (Best Gospel Artist of the year) harimo Israel Mbonyi, Vestine na Dorcas, James na Daniella, Bosco Nshuti na Chryso Ndasingwa.

Icyiciro cy’umubyinnyi wahize abandi [Best Dance of the year] harimo Jojo Breezy, Jordan Kallas, Uwase Biance, Saddie na Rachid.     

Mukansanga Salima aherutse kwandika amateka yo kuba umugore wa mbere wasifuye mu Gikombe cya Afurika cy'Abagabo [CAN] n'icy'Isi cya 2022 cyabereye muri Qatar 

 Prince Kid muri uyu mwaka yaravuzwe cyane nyuma yo gutabwa muri yombi. Ariko ku wa 2 Ukuboza 2022, Urukiko rwategetswe ko afungurwa, kuko ko nta bimenyetso bifatika ubushinjacyaha bwerekanaga ku byaha bwamuregaga 

Mu bihembo bya The Choice Awards, Bruce Melodie ahatanye mu byiciro bibiri: Muri 'Best Female artist of the year' no muri 'Best Video of the year'

 

Umunyamakuru Babu ukora ikiganiro 'The Choice' ubwo yari kumwe na Zaba Missed Call na Lynda Priya mu gutangaza abahataniye ibi bihembo

Abanyamakuru ba Isibo Tv, Emmalito na Giti Ketty ni bamwe mu batangaje ibyiciro by'abahataniye ibihembo