Category: Uncategorized

Mu masaha y’umugoroba wo Kuwa 20 Gashyantare 2023, Intara ya Hatay yo muri Turkey yongeye kwibasirwa n’umutingito ukomeye wo ku gipimo cya 6.3, uhitana abaturaga batatu, abasaga 200 barakomereka naho abandi barahunga.

Uyu mutingito kandi wanageze muri Syria ukomeretsa abantu 6, mu gihe izindi nyubako nyinshi zo muri ibi bihugu byombi zahirimye.

Minisitiri w’Ubutegetsi bw’igihugu wa Turkey, Bwana Süleyman Soylu yavuze ko abagizweho ingaruka n’umutingito wo kuri uyu wa Mbere bose bajyanywe mu bitaro bya İskenderun.

Uyu mutingito wari ufite ishingiro ‘Epicentre’ mu mujyi wa Antakya uri mu Majyepfo ya Turkey wageze mu bilometero bibiri by’ubujyakuzimu, wumvikana mu bihugu bya Syria, Leban na Misiri yo mu Majyaruguru y’Africa.

Umutingito wongeye gukanga abantu

Muna al-Omar utuye mu Mujyi wa Antakya yabwiye umunyamakuru wa The Guardian ati “Umutingito w’uyu munsi wari uteye ubwoba, natekereje ko isi igiye kwasama ikandigisa ihereye ku birenge.”

Lütfü Savaş uyobora Intara ya Hatay yavuze ko hari abantu bakigendagenda ahibasiriwe n’umutingito kubwo gushira ubwoba cyangwa kwiheba kuko babona ntahandi bafite ho kujya. Yavuze kandi ko amazu yahirimye kuri uyu wa Mbere ashobora kuba yaguye ku bandi bantu.

Abantu bishwe n’umutingito wadutse kuva mu byumweru bibiri bishize barabarirwa mu 47000 mu bihugu bya Turkey na Syiria, mu gihe hari abo bitaramenyekana niba bariho cyangwa barapfuye. Habarurwa ko amazu asaga 385,000 ariyo yahiritswe n’iyi mitingito ikaze.

Perezida wa Turkey, Recep Tayyip Erdoğan avuga ko muri Werurwe hazatangira kubakwa amazu 200.000 azafasha abasenyewe n’umutingito kubona aho kuba mu buryo buhoraho.

Umuhanzikazi Robyn Rihanna Fenty wamamaye mu muziki ku izina rya Rihanna, ari kwizihiza isabukuru y’imyaka 35 ishize abonye izuba. Rihanna umaze iminsi ari mu bihe byiza nyuma yo gutangaza ko agiye kwibaruka ubuheta, ni umwe mu bahanzikazi banditse amateka mu muziki ku rwego mpuzamahanga kuva mu 2007 ubwo yawutangiraga.

Kuba Rihanna afatwa nk’umuhanzikazi w’ibihe byose ku Isi ntabwo byaturutse ku kuba ari umuhanga gusa, ahubwo byanaturutse ku bikorwa yagiye akora akerekana itandukaniro rye n’abandi basangiye umwuga. 

Dore ibintu 5 bikomeye Rihanna amaze kugeraho ku myaka 35 y’amavuko:

1. Rihanna niwe muhanzikazi wa mbere ukize ku Isi

Uretse kuba umuziki waramugize icyamamare mpuzamahanga, wanamwinjirije amafaranga menshi amufasha gukora ibindi bikorwa birimo nko gushinga kompanyi ya Fenty ikora ibikoresho by’ubwiza n’imyenda. Ibi byose byamwinjirije akayabo bituma aba umuhanzikazi wa mbere ukize ku Isi, aho afite umutungo ungana na  miliyari 1.7 z'amadolari ($1.7 Billion).

2. Rihanna yagizwe intwari y’igihugu avukamo cy’ibirwa bya Barbados

Hashize umwaka umuhanzikazi Rihanna agizwe intwari y’igihugu cye cy’amavuko mu birwa bya Bardabados. Ibi byabereye mu muhango wo kwimika perezida wa mbere w’iki gihugu witwa Sandra Mason. Rihanna wagizwe intwari ya 11 y’iki gihugu, yahise aca agahigo ko kuba umuririmbyi wa mbere mu mateka ugizwe intwari.

3. Rihanna yahiriwe n’ubucuruzi

Si kenshi abantu bakora ubucuruzi bibahira cyangwa se abafatanya ubucuruzi n’indi mirimo bibagendekera neza, gusa kuri Rihanna we byaramuhiriye ndetse binatuma umutungo we utumbagira uva kuri miliyoni 780 ugera kuri miliyari 1.7 z’amadolari. Kompanyi ye ya ‘Fenty’ iri mu zicuruza cyane muri Leta Zunze Ubumwe za Amerika.

4. Yaciye agahigo ko kuba umuhanzikazi wumvishwe cyane hanze ya Leta Zunze Ubumwe za Amerika

Rihanna niwe muhanzikazi wa mbere wumvishwe n’abantu benshi bari hanze ya Leta Zunze Ubumwe za Amerika, nk’uko Billboard yabitangaje. Binyuze ku mbuga zicuruza umuziki mu buryo bwa murandasi harimo Apple Music, Spotify n’izindi, indirimbo za Rihanna zumvishwe n’abantu miliyoni 95 bari hanze ya Amerika. Uyu mwanya yawusimbuyeho Madonna wari ufite miliyoni 92 z’abamwumvise.

5. Rihanna yabaye umuhanzikazi wa mbere waririmbye muri ‘Super Bowl’ atwite

Hashize icyumweru Rihanna yongeye gusubira ku rubyiniro, nyuma y’imyaka 4 yari amaze adakora ibitaramo. Mu mukino wa ‘Super Bowl’ niho Rihanna yataramiye abafana be bari bamukumbuye kumubona aririmba, ndetse anatangarizamo ko agiye kwibaruka ubuheta. 

Ibi byahise bituma aba umuhanzikazi wa mbere ukandagiye ku rubyiniro rwa Super Bowl atwite dore ko abamubanjirije barimo Beyonce, Shakira, Lady Gaga na Jennifer Lopez batari batwite ubwo baririmbaga muri iki gitaramo.

Felix Namuhoranye yari asanzwe ari Umuyobozi Mukuru Wungirije wa Polisi y'Igihugu ushinzwe Ibikorwa.

Itangazo ryaturutse mu biro bya Minisitiri w'Intebe, rivuga ko CP Vincent Sano ari we wagizwe Umuyobozi wa Polisi wungirije ushinzwe ibikorwa. Yari asanzwe ari Komiseri muri Polisi y'u Rwanda ushinzwe imari.

Ni mu gihe Col Celestin Kanyamahanga yagizwe Umunyamabanga Uhoraho muri Minisiteri y'Ingabo asimbuye Maj Gen Bayingana Emmanuel.

Namuhoranye wagizwe Umuyobozi Mukuru wa Polisi, mu 2018 nibwo yagizwe Umuyobozi Wungirije wa Polisi y'Igihugu ushinzwe ibikorwa. Mbere yaho yari Umuyobozi w'Ishuri rikuru rya Polisi y'u Rwanda.

Itangazo riturutse mu Biro bya Minisitiri w’Intebe | Communiqué from the Office of the Prime Minister pic.twitter.com/GFxoDo1dLk

— Office of the PM | Rwanda (@PrimatureRwanda) February 20, 2023

DCG Namuhoranye yagizwe Umuyobozi Mukuru wa Polisi y’u Rwanda

CP Vincent Sano yagizwe Umuyobozi Mukuru wungirije wa Polisi y’u Rwanda ushinzwe ibikorwa

Ubu bwanikiro bwaguye ku Cyumweru tariki ya 19 Gashyantare 2023 mu Mudugudu wa Ntovi mu Kagari ka Ntovi mu Murenge wa Rukumberi.

Umuyobozi w'Akarere ka Ngoma, Niyonagira Nathalie, yabwiye IGIHE ko ubu bwanikiro bwaguye ku ku Cyumweru, bugwira bamwe mu baturage bari bagiye kuhanika ibigori ariko ku bw'amahirwe nta muturage wahapfiriye.

Yagize ati 'Iyi mpanuka yatewe n'ubwanikiro bwagwiriye abaturage ubwo batunganyaga umusaruro w'ubuhinzi. Hakomeretse abantu 20, barimo 16 bakomeretse byoroheje baranatashye, bane baracyari gukurikiranwa kwa muganga.'

Meya Niyonagira yakomeje avuga ko hari ababishinzwe bari gukora ubugenzuzi bw'ubwanikiro kugira ngo ubutujuje ibisabwa buhagarikwe kwanikwaho.

Iyi mpanuka ibaye ikurikira indi yo kuwa wa Gatanu tariki 3 Gashyantare 2023 ubwo abantu 10 bapfaga naho 36 bagakomereka, bagwiriwe n'ubwanikiro bw'ibigori buherereye mu Kagari ka Gasagara mu Murenge wa Rusororo mu Karere ka Gasabo.

Uwo mushumba yishe uNtezirinda ahagana saa kumi z'urukerera rwo kuri uyu wa Mbere tariki ya 20 Gashyantare 2023.

Umunyamabanga Nshingwabikorwa w'Umurenge wa Nyabirasi, Mpirwa Migabo yabwiye IGIHE ko uwo mushumba yakubise uwari ugiye kumwiba inkoni mu mutwe ahita apfa.
Yagize ati ' Yari agiye kwiba ibigori, barwanye amukubita Inkoni ahita apfa.'

Yongeyeho ko uyu mushumba yahise ashyikirizwa Urwego rw'Ubugenzacyaha RIB anaboneraho gusaba abaturage gutanga amakuru no gushyikiriza uwafatiwe mu cyaha inzego zibishinzwe bakirinda kwihanira.

Ejobundi ahagana saa tatu za mu gitondo nibwo inkuru itari nziza ku mupira w’amaguru ndetse n’Isi yose muri rusange yagiye hanze ivuga ko umukinnyi ukomoka muri Ghana, Christian Atsu yabonetse yapfuye. Nyuma y'uko umutingito wibasiye Turkey uyu mukinnyi yari ari munzu iherereye mu mujyi wa Hatay kandi uyu mujyi warashegeshwe cyane.

Christian Atsu umutingito ukimara kuba yarashatswe arabura burundu, ariko ejobundi nibwo yabonetse aho yabaga ari mu nsi y'ibikuta byinzu.

Uyu mukinnyi yapfuye afite imyaka 31 gusa. Christian Atsu yavukiye mu gace ka Ada Foah ko muri Ghana, yatangiye gukina umupira afite imyaka 15 akina mu ikipe y’abato ya Feyenoord Football Academy y'iwabo.

Yavuye muri iyi kipe y’abato yerekeza gukina ku mugabane w’iburayi, 2011 nibwo yakinnye umukino we wa mbere muri Porto yo muri Portugal. Muri 2013 Christian Atsu yasinyiye Chelsea ariko kubona umwanya wo kubanza mu kibuga biranga, bituma atizwa mu yandi makipe arimo Vitesse Arnhem yo mu Buhorandi, Everton na Newcastle United zo mu Bwongereza.

Muri 2019 nibwo Christian Atsu yerekeje mu ikipe ya Al-Raed FC yo muri Saudi Arabia, aho yakinnye imikino 8 gusa kubera imvune. Tariki 06 z'ukwezi kwa 12 mu mwaka ushize nibwo yagiye gukina muri Turkey, asinya amasezerano y’umwaka 1 muri Hatayspor. Yari amaze gukinayo imikino 4 gusa ndetse yanatsinze igitego 1 bakina na Kasimpasa, ku munota wa 7 w’inyongera mbere y’umunsi umwe ko umutingito uba.

Umukino Christian Atsu yatsinzemo igitego bigatuma ahindura ibitekerezo akaguma muri Turkey

Mu ikipe y’igihugu ya Ghana yakoze akazi gakomeye cyane. Muri 2011 yakiniye ikipe y’igihugu y'abatarengeje imyaka 20 mu gikombe cya Afurika cy’ibihugu, maze akora amateka aba umukinnyi mwiza w’irushanwa ndetse aba ari nawe utsinda ibitego by’inshi. 

Muri 2013 yari mu bakinnyi bakiniye Ghana mu gikombe cya Afurika cy’ibihugu cyaberaga muri South Africa, 2014 yahise ajya gukina igikombe cy’Isi ari kumwe n’ubundi n’ikipe y’igihugu cye ariko baviriyemo mu matsinda.

Indi myaka Christian Atsu yakiniye Ghana ni muri 2015, 2017 na 2019 hose hari mu gikombe cy’ibihugu cya Afurika. Imikino 60 niyo yakiniye ikipe y’igihugu atsindamo ibitego 11. Christian Atsu yishwe n’umutingito kandi yaragombaga kuba yaravuye muri Turkia ndetse anafite itike y’indege, ariko ahindura ibitekerezo mu minota micye gusa. 

Christian Atsu wakiniye ikipe y’igihugu ya Ghana

Yari yavuganye n’umutoza we amusaba umwanya anamubaza niba byashoboka ko agenda mu gihe yaba abonye indi kipe, maze umutoza arabyemera. Ntabwo yakinnye umukino bari bafitanye na Gaziantep FK, ariko akina uwo bari bafitanye na Kasımpasa atsinda igitego. 

Usibye no kuba Christian Atsu yarashakaga indi kipe, yari agiye no kujya gusura umuryango we, ariko iki gitego yatsinze cyatumye ahindura ibitekerezo aguma muri Turkey kugira ngo agumye gufasha ikipe ye gutsinda kuko yari iri mu bihe bibi, bimuvuramo urupfu azize umutingito wahise uba ku munsi ukurikiyeho.