Category: Uncategorized

Ubu ibyishimo ni byose kuri Yannick Mukunzi wabonye uwo bavuga ururimi rumwe bagiye gukinana muri Sweden, Byiringiro Lague.

Yannick amaze imyaka 4 akina muri Sweden mu cyiciro cya 3 muri Sandvikens IF, akaba yamaze kubona umwunganizi, Byiringiro Lague basanzwe bakinana mu ikipe y’igihugu.

Mu gitondo cy’ejo hashize ku wa Gatanu, ni bwo Byiringiro Lague yasesekaye muri Sweden aho agiye gukinira iyi kipe mu gihe cy’imyaka 4.

Akihagera yasanze bamwiteguye ndetse bamuha ikaze mu bandi bakinnyi mu gihe cyo gufata amafunguro ya nimugoroba.

Byari ibyishimo kuri Lague ugeze muri iki gihugu akahasanga Yannick Mukunzi uzamufasha kuhamenyera kuko we ahamaze imyaka 4 nta mukinnyi bakinana uvuga ikinyarwanda arabona.

Yannick aheruka gutangariza ikinyamakuru ISIMBI ko ari umwe mu bagize uruhare ngo Lague yerekeze muri iyi kipe kuko bamumubajijeho akavuga ko ari umukinnyi mwiza.

Byari ibyishimo kuri Yannick Mukunzi na Byiringiro Lague nyuma yo guhura

Ni uruganda ruzubakwa n'Ikigo Biopharmaceutical New Technologies (BioNTech), kizobereye mu gutanga ikoranabuhanga ryifashishwa mu gukora inkingo n'imiti. Muri iki gihe, iki kigo kizwi cyane ku rukingo rwa COVID-19 cyakoze gifatanyije na Pfizer.

Muri gahunda icyo kigo cyihaye cyo guhererekanya ikoranabuhanga mu gukora inkingo hagamijwe koroshya uburyo ibihugu cyane cyane ibiri mu nzira y'amajyambere bizibona, uruganda rwa mbere rugiye kubakwa mu Rwanda.

Ni gahunda izatuma n'ibihugu bya Sénégal na Afurika y'Epfo bibona bene izi nganda, ndetse iyi gahunda ikazagera hanze ya Afurika.

Uruganda rwo mu Rwanda ruzubakwa mu cyanya cyahariwe inganda cya Masoro mu Karere ka Gasabo, ahazwi nka Special Economic Zone.

Ni uruganda rwagenewe ubutaka bungana na metero kare 30.000, mu buryo bw'ibanze rukazaba rugizwe n'inyubako ebyiri zigizwe na kontineri nini zizwi nka BioNTainers.

Amakuru agera kuri IGIHE ni uko izo kontineri zizagera i Kigali ku wa Mbere tariki ya 13 Mutarama.

Imwe izakorerwamo Messenger RNA (mRNA) yifashishwa mu gukora inkingo n'imiti. Iha umubiri amakuru ukeneye, ugakora protein iwufasha kubaka ubwirinzi ku ndwara cyangwa virus runaka.

Itandukanye n'uburyo busanzwe bwifashisha virus idashobora gutera uburwayi mu gukora inkingo n'imiti, mu kurwanya indwara iterwa na virus ijya gusa na ya yindi yakoreshejwe mu rukingo.

Muri za BioNTainers ebyiri, indi yo izaba ikorerwamo imiti cyangwa inkingo byagenwe. Ibikoresho by'ibanze byose bizoherezwa mu Rwanda na BioNTech.

BioNTech ivuga ko BioNTainers zizaba zubatswe na kontineri 12, buri imwe ifite ibipimo bisanzwe (2.6m x 2.4m x 12m).

Ni umushinga ukomeye witezweho guhindura uburyo Afurika itega amaso ibihugu by'amahanga kuri 99% by'inkingo ikenenera, kuko ubu ishobora kwikorera 1% gusa.

Umuryango w'Ubumwe bwa Afurika (AU) wifuza ko nibura kugeza mu 2040, wazaba wikorera 60% by'inkingo ibihugu byayo bikenera.

Mu gihe imirimo nyirizina yo kubaka uruganda mu Rwanda igiye gutangira, ibi ni bimwe wamenya kuri uru ruganda n'umusanzu ruzatanga.

Ku wa Kane tariki ya 23 Kamena 2022 nibwo Perezida Kagame yashyize ibuye ry'ifatizo ahazubakwa uru ruganda.

Perezida Paul Kagame yavuze ko iki gikorwa cyo gutangira kubaka uru ruganda ari intambwe ikomeye mu buvuzi buteye imbere.

Yagize ati 'Iki gikorwa ni intambwe ikomeye mu kwihaza mu bijyanye n'inkingo. U Rwanda rushaka kubakira ku ishoramari rizarufasha mu kurushaho kwagura ubuvuzi bugezweho.''

'U Rwanda rushyigikiye gahunda za Biontech ndetse tuzakorana mu kugera kuri byinshi. Gukora inkingo bisaba ubutunzi n'ubushobozi bw'abantu.'

Mu gushyira mu bikorwa iyi gahunda, Guverinoma yemeje ko hashyirwaho ishuri rikuru ryigisha ibijyanye no gukora inkingo ryitwa African Biomanufacturing Institute.

Umukuru w'Igihugu yasobanuye ko iri shuri rizafasha mu gutanga amahugurwa n'amasomo ku bazakora muri uru ruganda.

Yavuze ko imikoranire y'iri shuri n'ibindi bigo bitandukanye bizafasha mu gutanga ubumenyi bukenewe.

Perezida Kagame yavuze ko hagiye no gusinywa amasezerano hagati y'Ikigo gishinzwe kugenzura Ibiribwa n'Imiti mu Rwanda (Rwanda-FDA) n'icyo muri Ghana, mu kurushaho kungurana ubumenyi.

Izi BioNTainers zubatswe mu buryo burengera ibidukikije, binyuze mu gukoresha ingufu zisubira

Mu Cyumweru gitaha nibwo izi kontineri zizagera i Kigali

Bivugwa ko Braverman azagirira uruzinduko mu Rwanda mu mpera z'icyumweru gitaha, tariki ya 18 Werurwe na 19 Werurwe, akabonana na Minisitiri w'Ububanyi n'Amahanga, Vincent Biruta.

Usibye we, hari n'amakuru amaze iminsi avuga ko mu minsi iri imbere Minisitiri ushinzwe Iterambere rya Afurika, Andrew Mitchell, nawe ateganya kugirira uruzinduko mu Rwanda.

Uruzinduko rwa Braverman ruje mu gihe ubuyobozi bwe bukomeje kotswa igitutu ku ngingo ijyanye n'abimukira bazoherezwa mu Rwanda aho benshi bamaganye iyi gahunda.

Leta y'u Bwongereza isobanura ko u Rwanda ari igihugu cyiza, ko abantu bazoherezwa bazabaho neza kandi mu buryo budahutaza uburenganzira bwabo.

Amasezerano yasinywe mu 2022, agena ko u Rwanda ruzajya rwakira abimukira binjiye mu Bwongereza binyuranyije n'amategeko, akaba ariho hakorerwa isesengura ku bujuje ibisabwa ku buryo bahabwa ubuhungiro mu Bwongereza, abo bibaye ngombwa bagatuzwa mu Rwanda, bagafashwa kuhatangirira ubuzima cyangwa bagasubizwa mu bihugu byabo.

Isesengura rya Guverinoma y'u Bwongereza ryagaragaje ko aba mbere bashobora koherezwa mu Rwanda mu 2024.

N'ubu ruracyageretse mu nkiko basaba kutoherezwa mu Rwanda, mu gihe u Bwongereza bwo bukomeye kuri uwo mwanzuro, kuko uzafasha icyo gihugu kugabanya ikiguzi kigenda ku kwita ku bimukira ndetse kikanatuma abakiganamo baba abafite impamvu zumvikana.

Uruzinduko rwa Braverman ruje rukurikira ibiganiro bya Minisitiri w'Intebe w'u Bwongereza, Rishi Sunak na Perezida Kagame byanagarutse ku bufatanye u Rwanda rufitanye n'u Bwongereza, bwo kwakira abimukira binjiye muri icyo gihugu mu buryo bunyuranyije n'amategeko.

Umwaka ushize mu Bwongereza hinjiye abimukira batubahirije amategeko basaga 45.000 mu gihe uyu mwaka byitezwe ko bashobora kuba 80.000.

Minisitiri w'Umutekano mu Bwongereza, Suella Braverman, arateganya kugirira uruzinduko mu Rwanda

Ishuri ry'umuryango ni agashya kazanwe n'abo mu Murenge wa Karenge nyuma yo kubona ko mu ngo 522 zari zifitanye amakimbirane mu Karere ka Rwamagana, ari bo bari bafite umubare munini, ni ukuvuga ingo 138.

Bahise bishakamo ibisuzibo bashinga ishuri ry'umuryango riterana buri wa Gatanu rigahurizwamo imiryango ifitanye amakimbirane. Mu barimu bigisha iyi miryango harimo ishuti z'umuryango, abayobozi mu nzego z'ibanze, imiryango y'intangarugero ikuze ndetse n'abihayimana.

Kuri uyu wa Gatanu tariki ya 10 Werurwe 2023 imiryango irindwi yasoje amasomo yahabwaga mu gihe cy'amezi atandatu. Iki cyiciro ngo cyatangiranye n'imiryango 33 bamwe baza gusibira nyuma yuko batabashije kumvikana neza.

Umuryango wa Niragire Claude na Nyiransabimana Ruth ni bamwe mu barangije muri iri shuri ry'umuryango, bavuze ko nyuma y'amasomo bahawe mu gihe cy'amezi atandatu ngo umugabo yayumvise neza ku buryo yaretse guhohotera umugore we kuri ubu ngo bakaba bishimira iterambere bari kugeraho barikesha kubana neza.

Mbarushimana Obed uri mu basibiye muri iri shuri yavuze ko we impamvu yatumye asibira ari uko atari yumvikana n'umugore we amasaha agomba gutahira ngo kuko umugore agitsimbaraye ku kuba umugabo yajya ataha kare mu gihe na we yumva ko nta mpamvu yO kugera mu rugo hakiri kare. Yavuze ko ibindi byose babigishije birimo kubahana no kwihanganirana babyumvise kandi banatangiye kubishyira mu bikorwa.

Ku kijyanye n'amasaha yo gutahira yavuze ko acyumvikana n'umugore we neza kandi ngo yizeye ko bizakemuka mu minsi mike nabo bakabasha kuyasohokamo.

Batamuriza Redempta usanzwe ari inshuti y'umuryango mu Kagari ka Nyabubare yavuze ko iyo bari kwigisha ingo ziba zatoranyijwe zibana mu makimbirane ngo buri wese bamufata ku giti cye bakabanza kumenya igitera amakimbirane mu rugo rwabo, buri wese ngo iyo amaze kugaragaza ikibazo gihari ngo hakurikiraho kubahuriza hamwe ubundi bakigishwa.

Ati 'Tubereka igitera amakimbirane mu ngo zabo, ubundi tukabereka uko bakemura bya bibazo n'icyakorwa, umuntu wese ufite amakimbirane mu Mudugudu tuba tumuzi.'

Umuyobozi w'Akarere ka Rwamagana wungirije ushinzwe imibereho myiza y'abaturage, Umutoni Jeanne, yavuze ko iri shuri ry'umuryango rigiye gushyirwa mu mirenge yose igize Akarere ka Rwamagana ngo kuko babonye ko itanga umusaruro.

Ati 'Twabonye rero bishobora gutuma imiryango myinshi iva mu makimbirane icyarimwe kuruta uko tubandika tukagenda tubasanga mu ngo iwabo, ikindi nibura baba bari kumwe bakaganira ku bibazo bamwe bafite mu ngo zabo ugasanga hari uko babona ko byoroshye.'

Kuri ubu mu Karere ka Rwamagana habarurwa imiryango isaga 500 irangwamo amakimbirane, ubuyobozi bukaba buvuga ko imwe yigishwa ikayavamo ariko hakanagaragara indi mishya iyinjiramo.

Ishuri ry'umuryango ni agashya ko mu Murenge wa Karenge

Imiryango yamaze kwigishwa ikava mu makimbirabe yahawe icyemezo cy'ishimwe

Umuyobozi w'Akarere ka Rwamagana wungirije ushinzwe imibereho myiza, Umutoni Jeanne yavuze ko iri shuri bagiye kurikwirakwiza mu mirenge yose

Umuhango wo kumurika iri shami wabereye kuri Kaminuza y'u Rwanda Ishami rya Siyansi n'Ikorabuhanga (UR-CST), kuri uyu wa 10 Werurwe 2023.

Witabiriwe n'Umuyobozi w'Agateganyo wa African Centre of Excellence in Internet of Things (ACEIoT), Assoc. Prof. Damien Hanyurwimfura wanafunguye ku mugaragaro iki gikorwa mu izina ry'Umuyobozi wa UR-CST, abandi bayobozi muri UR-CST ndetse n'abanyeshuri bayo.

Promise Ricardo Abgedanu, umunyeshuri w'iyi kaminuza uri gukora PhD muri ACEIoT mu bijyanye na Embedded Computing systems uhagarariye ishami ry'abanyeshuri ryafunguwe muri IEEE , yatanze ikiganiro kigaruka ku nyungu zo kuba umunyamuryango wa IEEE no kuba mu ishami rigenewe abanyeshuri.

Abgedanu yabwiye abitabiriye uyu muhango ko umunyamuryango wa IEEE aba ashobora gukura inyandiko zisaga 8000 mu isomero ry'ikoranabuhanga rya IEEE buri kwezi, bityo ko ari amahirwe ku biga siyansi n'ikoranabuhanga, cyangwa abandi baba bakeneye amakuru ashingiye ku bushakashatsi.

Umuyobozi w'isomero rya College ya CST, Umubyeyi Marguerite, yavuze ko iyi kaminuza yatangiye gukorana n'Ikigo cya IEEE, bityo ko abanyeshuri ndetse n'abandi bakora ubushakashatsi bahawe ikaze muri iri shami ryafunguwe.

Ati “Kaminuza y'u Rwanda yamaze gusinya amasezerano n'Ikigo IEEE, mu kwezi gutaha tuzatangira gukoresha ikoranabuhanga ryacyo”.

Umuyobozi w'Agateganyo wa ACEIoT, Assoc. Prof. Damien Hanyurwimfura, yavuze ko ari iby'agaciro gukorana na IEEE kuko abanyeshuri bo mu Rwanda bazabasha gukorana na bagenzi babo bakora ubushakashatsi ku rwego mpuzamahanga, bikabungura ubumenyi bwisumbuye kandi bigatuma Kaminuza y'u Rwanda imenyekana cyane.

Ati “Ni yo mpamvu rero twashatse ko noneho twafungura iri shami rya IEEE mu Rwanda, kugira ngo natwe abanyeshuri bacu bagire ubwo bumenyi bunguka, kandi n'ibyo bakoze mu bushakashatsi bwabo bimenyekane ku rwego mpuzamanga”.

Institute of Electrical and Electronics Engineers (IEEE) ifite amashami mu bihugu 160, ikagira abanyamuryango bayibarizwamo basaga 430.000.

Ku bijyanye n'ubwitabire bw'abakora ubushakashatsi bifashishije ikoranabuhanga ry'iki kigo, 43,3% ni ibigo byigenga, 31,2 ni ibigo by'amashuri, 9% ni inzego za Leta, 5,1% ni abantu bikorera ku giti cyabo, 5,1% bandi ni abari mu biruhuko by'izabukuru ndetse na 1,7% badafite akazi.

Abanyeshuri b'abanyamuryango muri IEEE babona amahirwe atandukanye arimo no guhabwa buruse ndetse no kubona amakuru yose nkenerwa ashingiye ku bushakashatsi na inovasiyo.

Umunyeshuri ushaka kuba umunyamuryango muri IEEE yishyura amadolari 27 ku mwaka, na ho ushaka kuba umunyamuryango ashaka andi makuru ashingiye ku bushakashatsi we akishyura amadorali 47, ku batuye mu bihugu bikiri mu nzira y'amajyambere.

Ibi bituma yishyura make mu gihe ubushakatsi bwe bwemewe kubikwa muri IEEE.

Iki gikorwa cyo kumurika iri shami cyakurikiwe no guhugura abanyeshuri bo mu mashuri yisumbuye biga Siyansi, Ikoranabuhanga n'Imibare (STEM), muri gahunda y'iyi kaminuza yo kwegera abanyeshuri bakiri bato binyuze muri STEM Power Center, kugira ngo ibategure kuzakomeza aya masomo no muri kaminuza.

Dr. Rugema James, Umwarimu w'Ikoranabuhanga muri Kaminuza y'u Rwanda akaba anakuriye icyiciro cya Masters muri ACEIoT, avuga ko iyi kaminuza ifite gahunda yo gukundisha aya masomo abakiri bato, cyane cyane abakobwa kuko bakiri bake bayiga.

Iyi gahunda y'iyi kaminuza yo gutegura abanyeshuri bakiri bato, iyishyira mu bikorwa ku bufatanye na Ambasade ya Israel mu Rwanda.

Abanyeshuri bahuguwe baturutse ku bigo birimo Lycée Notre Dame, Lycée de Kigali, Saint Ignace na muri Saint André, buri kigo gihagararirwa n'abanyeshuri batanu.

Guhugura abanyeshuri bakiri bato bari muri STEM cyane cyane mu mashuri yisumbuye, ni gahunda Kaminuza y'u Rwanda izajya ikora nibura buri kwezi hakagira abanyeshuri baturuka ku kigo runaka bajya kuyihugurirwamo.

Umuyobozi w’Agateganyo wa ACEIoT, Assoc. Prof. Damien Hanyurwimfura, avuga ko Kaminuza y’u Rwanda izamenyekanya ku rwego mpuzamahanga, bigizwemo uruhare no kuba yafunguye ishami ry’abanyeshuri muri IEEE

Umuyobozi w’isomero rya College ya CST, Umubyeyi Marguerite, yavuze ko Kaminuza y’u Rwanda yamaze gusinya amasezerano y’imikoranire na IEEE

Umuhango wo gufungura ku mugaragaro iri shami, witabiriwe na bamwe mu banyeshuri n’abayobozi ba Kaminuza y’u Rwanda

Promise Ricardo Abgedanu, umunyeshuri w’iyi kaminuza uri gukora PhD muri ACEIoT mu bijyanye na Embedded Computing systems, ni we uhagarariye iri shami ry’abanyeshuri ryafunguwe

Abanyeshuri bo muri Kaminuza y’u Rwanda bitabiriye uyu muhango, bagaragarijwe amahirwe ari mu kuba umunyamuryango muri IEEE, ko harimo no guhabwa buruse

Abanyeshuri bo mu mashuri yisumbuye muri STEM bahawe amasomo y’igihe gito na Kaminuza y’u Rwanda, muri gahunda y’iyi kaminuza yo gutegura abakiri bato ngo bakunde ayo masomo

Abakobwa basashishikarizwa kwiga Siyansi, Ikoranabuhanga n'Imibare, kuko bakiri bake muri yo

Abakobwa biga Siyansi, Ikoranabuhanga n'Imibare baracyari bacye, bakangurirwa kwitabira kwiga aya masomo kuko atagenewe abahungu gusa

Aba banyeshuri beretswe imikoreshereze y’ikoranabuhanga ritandukanye

Abakiri bato bati gutegurwa ngo bazavemo abashakashatsi ku rwego mpuzamahanga muri Siyansi, Ikoranabuhanga n'Imibare

Aba banyeshuri bajyanwe muri laboratwari ngo berekwe imikorere y’ikoranabuhanga ritandukanye

Aba banyeshuri bashimiye Kaminuza y’u Rwanda yatangiye kubegera, bavuga ko bibaha icyererekezo mu gukomeza inzozi zabo kuko bashyigikiwe

Crimson Academy, ni ikigo cyashinzwe mu mwaka wa 2011, gishingwa n’umunyamerika Dr Phillip Haynes abinyujije mu muryango ayobora witwa Crimson Foundation. giherereye mu kagari ka Kagina ko mu murenge wa Runda mu karere ka Kamonyi, kikaba gifite amashuri abanza n’ay’incuke. Ni kimwe mu bigo bya mbere bitsindisha neza mu karere ka Kamonyi, dore ko nko mu myaka iheruka abanyeshuri bose bakoze ikizamini gisoza amashuri abanza batsinze neza bagahabwa imyanya mu mashuri yisumbuye mu bigo byiza bya Leta.

Abanyeshuri bose batsinda ku kigero cyo hejuru mu bizamini bya Leta

Ni ikigo ubusanzwe kitapfa kwigonderwa na buri wese mu babyeyi bagituriye, kuko amafaranga y’ishuri mu mashuri y’incuke n’abanza, harimo n’ifunguro rya saa sita bafata ku ishuri, usanga ari menshi ugereranyije n’ubushobozi bwa benshi mu baturage bo muri aka gace, cyane ko giherereye mu rusisiro rw’abasigajwe inyuma n’amateka batunzwe n’ububumbyi. Ibi ariko nta mpungenge biteye, kuko hari ababyeyi batishyuzwa ahubwo bakanafashwa mu buzima n’ibibereho yabo ya buri munsi.

Iki kigo cyazanye muri aka gace iterambere rihambaye cyane ko n’abatuye kure y’aka kagari bajyana abana babo muri Crimson Academy kugirango babashe kwibonera uburezi bwiza buhava. Abo baturuka kure y’aka gace kandi bafite ubushobozi bwo kwirihira no kwishyura amafaranga y’imodoka ibajyana ku ishuri, bigana n’abana bo mu miryango itishoboye kandi bagahabwa amahirwe angana mu kubona uburezi butanga icyizere cy’ahazaza.

Abaturage batuye muri aka gace by’umwihariko abasigajwe inyuma n’amateka, bavuga ko mbere abana babo babafashaga mu mwuga wo kubumba inkono, ibijyanye n’amashuri bakaba bataranabitekerezaga kuko uretse kubura ubushobozi bagiraga n’ikibazo cya bamwe babanenaga. Ibi ariko ngo bimaze kuba amateka, ibyo bagezeho byose bakavuga ko babikesha umuryango Crimson Foundation.

Marie Claire Mukabirinda uyobora ikigo cy’amashuri cya Crimson Academy, avuga ko ababyeyi bo mu basigajwe inyuma n’amateka, uretse kubafasha mu kurihira abana babo, hari n’ababona ubundi bufasha butandukanye mu buzima bwabo bwa buri munsi. Avuga ko bahuza abana n’abaterankunga, hakaba ababona umuterankunga uzabarihira amashuri, akabagurira imyenda n’ibikoresho bakenera mu ngo, bakagerekaho no kubaha ibibatunga iwabo ndetse ngo hari n’abo bubakira inzu nziza zo guturamo.

Marie Claire Mukabirinda uyobora ikigo cy’amashuri cya Crimson Academy, ku munsi wo guha abanyeshuri indangamanota

Dr Phillip Haynes aha bahaga umubyeyi utishoboye inyunganizi y’ibyo kurya we n’umwana arerera muri Crimson Academy

Founded in 2011, Crimson Academy is one of the highest performing schools in Kamonyi District on National Exams. The school is located in Kagina Cell, Runda Sector, Kamonyi District in the southern Province of Rwanda. Dr Phillip Haynes, The Executive Director of Crimson Foundation which owns the school, chose to build it in the cell where live the families categorised as historically marginalised groups Rwanda.

Many years ago, families of those categorised as historically marginalised made a living through rudimental pottery, hunting and entertaining people in ceremonies through their exceptional dance moves. But as time went by, those past activities lost their appeal thus compelling them to resort to farming and animal husbandry in a society where land was scarce and precious. Due to limited access to land coupled with societal negligence, the historically marginalised found themselves between a rock and a hard place forcing many to sink deeper into poverty.

Since the Founder of Crimson Academy wanted to empower communities to thrive with increased access to quality educational practitioners and facilities, the priority was those families of those categorised as historically marginalised groups, who could not afford school fees and materials.

Since then, Dr Phillip encouraged the community to bring their children to Crimson Academy and they started studying together with others from families that could afford school fees, materials and school buses facilities for those who come a bit far from the school.

Apart from not paying school fees and materials, children from families categorised as historically marginalised groups, are given support in means of feeding their families and pay for life saving medicines among others.

Crimson Foundation also supports those families by providing small loans and ongoing business training and support. The program empowers people to set up their own self-sustainable businesses. The profits from these businesses enable the women to work themselves and their families out of poverty. All of these have changed the lives of the community in general.

Crimson Foundation is committed to increasing access to quality education in marginalized regions and populations around the globe. The target areas of development are located in East Africa, Central America, and Southeast Asia. More specifically, they have existing projects in Rwanda, Uganda, Tanzania and Nicaragua.

Umutoza w’ikipe y’igihugu Amavubi, Carlos Alós Ferrer yahamagaye abakinnyi 30 azifashisha ku mukino wa Benin mu gushaka itike y’igikombe cy’Afurika cya 2023, ni mu gihe hari bamwe mu bakinnyi birengagijwe.

Ni imikino y’umunsi wa 3 na 4 w’itsinda L iteganyijwe tariki ya 22 Werurwe muri Benin ndetse na 27 Werurwe i Huye mu Rwanda.

Buri wese mu mboni ze aba bona hari abahamagawe batabikwiriye ni mu gihe hari n’ababa batahamagawe hari ababona ko babikwiye, gusa byose ni umutoza ubazwa umusaruro.

Muri iyi nkuru ikinyamakuru ISIMBI kiragaruka ku ikipe y’abakinnyi 11 beza birengagijwe kandi barakoze cyane ndetse bagafasha amakipe ya bo.

Ni abakinnyi batoranyijwe hagendewe ku musaruro wa bo mu makipe ya bo barimo batanga, si uguhinyuza umutoza wahamagaye ariko benshi bahamya ko hari bamwe bakabaye babona umwanya mu bakinnyi bahamagawe.

Guhamagarwa kwa Iradukunda Simeon wa Gorilla FC, Niyonzima Olivier Seif na Ruboneka Bosco bagasigara ntibyavuzweho rumwe, guhamagara Muhozi Fred hakirengagizwa Haruna Niyonzima no guhamagara Nyarugabo Moise hakirengagizwa Niyibizi Ramadhan na byo benshi babyibajijeho.

11 beza b’Amavubi basigaye

Umunyezamu: Hakizimana Adolphe (Rayon Sports)

Ba Myugariro: Usengimana Faustin (Al Qasim), Buregeya Prince (APR FC), Bugingo Hakim (Gasogi United) na Mucyo Junior Didier (Rayon Sports)

Abakina Hagati: Niyonzima Olivier Seif (AS Kigali), Ruboneka Bosco (APR FC), Haruna Niyonzima (Al Ta’awon)

Ba Rutahizamu: Niyibizi Ramadhan (APR FC), Hakizimana Muhadjiri (Police FC) na Gerard Bi Goua

Uko baba bahagaze mu kibuga

11 beza batahamagawe