Webrwanda Backend

Category: Uncategorized

  • Umuhango wo gutanga Ibihembo bya The Choice A… – #rwanda #RwOT

    Iryo tangazo riragira riti: 'Isibo Tv iramenyesha abantu bose ko umuhango wo gutanga ibihembo bya The Choice Awards 2022 By Isibo Tv, wari uteganyijwe tariki 26 Werurwe 2023, wimuriwe tariki ya 30 Mata 2023. Isibo Tv ibashimiye uburyo mwakiriye izi mpinduka n’ubufatanye bwiza.'

    Abarimo Bruce Melodie, Mukansanga Salima, Rusine Patrick, Mutesi Scovia na Mugisha Moise, bari mu bahataniye ibihembo bya The Choice Awards bigiye gutangwa ku nshuro ya gatatu.

    Ibi bihembo biri mu byiciro 13 batangajwe mu ijoro rishyira tariki ya 1 Mutarama 2023, mu muhango wabereye kuri Isibo TV itegura ibi bihembo.

    Kuri iyi nshuro abahanzi Bruce Melodie, Bwiza, Kenny Sol na Juno Kizigenza ni bo bahataniye ibihembo byinshi dore ko bahataniye ibigera kuri bibiri.

    Mu cyiciro cy'uvuga rikumvikana [Best Influencer of the year] harimo, Mukansanga Salima, Coach Gael [Umujyanama wa Bruce Melodie] na Mutesi Scovia.

    Mu cyiciro cy'umuhanzi w'umwaka [Best Male Artist of the year] harimo Bruce Melodie, Christoper, Kenny Sol, Juno Kizigenza na Chris Eazy.

    Abahanzi bashya bitwaye neza [Best New Artist] harimo Bwiza, Afrique, Mistaek, Yampano na Rumaga.

    Umuhanzikazi wahize abandi [Best Female artist of the year] harimo Butera Knowless, Ariel Wayz, Alyn Sano, Bwiza na Marina.

    Ku ndirimbo ifite amashusho meza [Best Video of the year] hahatanye; Why ya The Ben na Diamond Platnumz, Funga Macho ya Bruce Melodie, Joli ya Kenny Sol, Jaja ya Juno Kizigenza na Izina ya Bruce Melodie.

    Mu cyiciro cy'abatunganya amashusho y'indirimbo [Best Video Director of the year] harimo Gad, Meddy Saleh, Eazy Cuts, Fayzo Pro na Simbi Nailla.

    Icyiciro cy'abahanzi baririmba indirimbo zo kuramya no guhimbaza Imana (Best Gospel Artist of the year) harimo Israel Mbonyi, Vestine & Dorcas, James & Daniella, Bosco Nshuti na Chryso Ndasingwa.

    Umukinnyi wahize abandi [Most Valuable Player] harimo Axel Mpoyo, Bigirimana Abed, Malinga Kartbart, Mugisha Moise na Shabana Hussein Tchabalala.

    Umukinnyi wa filime wahize abandi [Best Actor of the year] harimo Nyaxo, Rusine Patrick, Niyitegeka Gratien, Bamenya na Clapton Kibonge.

    Umukinnyikazi wa filime wahize abandi [Best Actress of the year] harimo Nadia, Bahavu Usanase Janet, Nyambo Jesca, Aisha na Rufonsina.

    Umu DJ wahize abandi [Best Dj of the year] ni Dj Toxxyk, Dj Marnaud, Dj Pyfo, Dj Briane na Nep Djs.

    Inzu y'imideli yahize izindi [Best Fashion Designer of the year] hahatanye Moshions, Joyce Fashion Design, Kezem, Urutozi Gakondo na Style By Chriss Be.

    Icyiciro cy'umubyinnyi wahize abandi [Best Dancer of the year] harimo Jojo Breezy, Jordan Kallas, Uwase Biance, Saddie na Rachid.

    Ibi bihembo biheruka gutangwa mu ijoro ryo ku wa 13 Werurwe 2022, bigamije gushyigikira no gushimira abahanzi n'abandi bafite aho bahuriye n'uruganda rw'imyidagaduro.

    Mu kumenya uwatsinze muri buri cyiciro hazagenderwa ku majwi y'abazatora binyuze kuri internet, amajwi azatangwa n'abagize akanama nkemurampaka n'ibindi. Kuri Ubu amatora Ari kubera kuri Noneho Events.

    Source : https://inyarwanda.com/inkuru/127255/umuhango-wo-gutanga-ibihembo-bya-the-choice-awards-wimuriwe-indi-tariki-127255.html

  • Menya akamaro ka Beterave mu kurinda indwara… – #rwanda #RwOT

    Beterave ni izina ry'igifaransa ariko mu cyongereza iki gihingwa cyitwa 'Beets' cyangwa 'Beetsroots'. Beterave ikunda gukoreshwa n'igitsinagore, ariko igenewe buri wese kandi yamufasha kubaho ubuzima buzira umuze.

    Zimwe mu ntungamubiri ziboneka muri beterave harimo ubutare (iron cyangwa fer), umuringa, vitamin C, vitamin A, vitamin B, potasiyumu, manganese, fibre, vitamin B9 n'izindi nyinshi.

    Beterave uretse kuba ikungahaye ku ntungamubiri wakoresha mu buzima bwa buri munsi, ivamo umutobe mwiza kandi utagombera isukari. Iki gihingwa kifashishwa na benshi harimo hoteri, resitora ndetse n’imiryango.

    Benshi bakora umutobe wayo bakawuvanga n'inanasi, hakavamo umutobe uryoshye kandi usa neza wazimanira umuntu.

    Imiryango myinshi isobanukiwe n'akamaro ka beterave, ku mafunguro yabo ya buri munsi ntabwo bayiburaho, ndetse bahagaritse kugaburira abana babo isukari ikomoka mu nganda, ahubwo bakoresha iy’umwimerere idatera ikibazo mu mubiri.

    Bamwe bayibona isa n'amaraso bagatekereza ko ibiyigize birimo intungamubiri, bikenewe n'abantu bagira ikibazo cyo kubura amaraso, ariko igira uruhare mu kugera amaraso akwiye mu mubiri ku buryo yakoreshwa na buri wese.

    'Beta Carotene' iboneka muri vitamin C ifasha byihuse mu kurwanya indwara z'amaso zishobora kuganisha ku buhumyi. Abantu bageze mu zabukuru basabwa kuyikoresha kenshi kuko mu masaziro yabo bakunze gutangira kugira ubumuga bwo kutabona cyangwa ntibarebe neza.

    Uko iminsi igenda yiyongera umubare w'abarwara amaso ugenda wiyongera bitewe no gukoresha mudasobwa cyane, guhora kuri murandasi, abakora akazi kabiriza ku izuba, n'ibindi.

    Aba bantu bakunze kurwara indwara zifata amaso, ariko gukoresha beterave bibafasha koroherwa igihe bamaze gufatwa n'izi ndwara cyangwa bakayikoresha birinda kuzirwara.

    Isukari iboneka muri yo, ifite ubushobozi bwo gutanga ingufu zihagije ku mubiri, ndetse ikarinda abantu indwara yo gususumira ikunze gufata abakuze. Iyi sukari kandi ikomeza umubiri ku buryo umubiri w'umunyantegenke ukomera ntufatwe n'indwara byoroshye.

    Urubyiruko cyangwa n'abandi bakunda gukora imyitozo ngororamubiri, batakaza isukari nyinshi kandi bagakenera kwinjiza indi mu mubiri. Ni byiza ko hakoreshwa isukari ikomoka mu bimera kuko ubuzima buba buri mu maboko meza.

    National institute of health ivuga ko iyi sukari iboneka muri Beterave nubwo ari ingenzi, hari bamwe batemerewe kuyikoresha harimo, abarwayi ba diabete, abarwaye impyiko n'uruhago.

    Umurwayi urwaye diabete yo kugira isukari nyinshi mu mubiri, ntabwo yemerewe gukoresha beterave kuko aba asabwa kugabanya isukari mu mubiri we.


    Uretse kuba uyu mutobe uryoha, benshi bawukorana n’izindi mbuto ukaryoha kurushaho

    Iki kiribwa cya beterave ntabwo kivamo umutobe gusa, ahubwo gikoreshwa no mu mboga. Ku bantu bagira ikibazo cyo kubura amaraso, beterave ikoreshejwe neza ikurinda kongera gukoresha ibinini bya hato na hato, bityo ukagira amaraso ahagije.

    Beterave ni igihingwa cyoroha kugihinga, kidasaba ubutaka bunini, ndetse n'abatuye mu mujyi begeranya ubutaka bakaba bayihinga mu mezi atarenze atatu iba yakuze yasarurwa.


    Amababi ya beterave benshi bajugunya, nayo aratekwa mu mboga akaribwa, kandi akungahaye kuri vitamin C. Abahanga mu buzima badusaba kurya ibimera nk'imiti aho kuzabikenera twarwaye.

    Sarade ukora, ni byiza ko wongeraho beterave kugira ngo ubona zimwe mu ntungamubiri ifite kandi igaragare neza

    Gusiga beterave ku ruhu bikangura ubwonko bikazibura n’utwenge ducamo imyanda, ndetse n’uruhu rugasa neza 


    Umuryango wawe ukwiye kugira akarima k’igikoni kariho beterave ku bw’ahazaza habo heza

    Gaburira abana bawe beterave bazaca ukubiri nindwara zifata mu buhumekero

    Source : https://inyarwanda.com/inkuru/127244/menya-akamaro-ka-beterave-mu-kurinda-indwara-zishegesha-umubiri-127244.html

  • Amafoto n’amateka bya Stade Amavubi azacakiraniraho na Benin yitiriwe uwahoze ari Perezida #rwanda #RwOT

    Ikipe y’igihugu y’u Rwanda, Amavubi yamaze kugera muri Benin aho igomba gucakirana n’iki gihugu mu gushaka itike y’igikombe cy’Afurika cya 2023.

    Amavubi yegeze muri Benin kuri uyu wa Mbere tariki ya 20 Werurwe 2023, ni nyuma yo gutsindirwa na Ethiopia muri Ethiopia ejo hashize 1-0 mu mukino wa gicuti.

    Umukino w’u Rwanda na Benin uzaba ku wa Gatatu tariki ya 22 Werurwe 2023, uzakabera kuru Stade del’Amitié Général Mathieu Kérékou.

    Ni Stade y’Ubwatsi (nka Stade Amahoro) iri mu Karere ka Kouhounou kari mu murwa mukuru w’iki gihugu, Cotonou.

    Ni Stade yakira inama z’ikipe y’igihugu ya Benin n’Ishyirahamwe ry’umupira w’amaguru muri Benin. Uretse kuba ari ho Benin yakirira imikino ya yo, ni ikibuga kinakoreshwa mu mikino ya shampiyona ubu ifite ubushobozi bwo kwakira abantu ibihumbi 35.

    Bwa mbere yubakwa yatashywe kumugaragaro mu Gushyingo 1982, ikaba yari ifite ubushobozi bwo kwakira abantu ibihumbi 20, icyo gihe yatwaye miliyoni 10 z’amadorali.

    Stade del’Amitié, yakiriye igikombe cy’Afurika cy’ingimbi muri 2005 aho cyegukanywe na Nigeria.

    Muri 2007 FIFA yatangaje ko itari ku rwego kwakira imikino mpuzamahanga, hahise hatangira imirimo yo kuyivugurura aho banayongerereye ubushobozi bw’abantu yakira bugera ku bihumbi 35.

    Havuguruwe Urwambariro, Icyumba cy’Itangazamakuru, Ubwiherero… byose byatangiye muri Gicurasi 2008.

    Yongereweho n’ibindi bibuga ku ruhande nk’ibya Basketball, Volleyball, Tennis… ikaba inafite Pisine Olempike.

    Tariki ya 10 Ukuboza 2015, Yayi Boni wayoboye Benin kuva 2006 kugeza 2016, yafashe umwanzuro wo guhindurira iyi Stade izina, aho kwitwa “Stade del’Amitié” nk’uko yitwaga ahubwo ayitirira Général Mathieu Kérékou wabaye Perezida wa Benin kuva 1996-2006 akaza kwitaba Imana tariki ya 14 Ukwakira 2015 afite imyaka 82, maze iba “Stade del’Amitié Général Mathieu Kérékou”.

    Iyi Stade yubatswe ku nkunga y’Ubushinwa, muri Mata 2016 basinye amasezerano yo kuyivugurura ikajya ku rwego rwo hejuru.

    Uretse ibikorwa bya Siporo, iyi Stade ikoreramo igitangazamakuru ADO TV na ADO FM. Ikorerwamo ibitaramo nk’icya Kassava muri 2011.

    Ubwo Papa Yohani Pawulo II yasuraga iki gihugu muri Gashyantare 1993 na Papa Benedict XVI mu Gushyingo 2011 basuraga iki gihugu ni ho bakoreye Igitambo cya Misa.

    Mbere yo kuvugururwa

    Yaravuguruwe isigaye yakira ibihumbi 35

    Ni ho Amavubi azambaranira na Benin

    Source : http://isimbi.rw/siporo/article/amafoto-n-amateka-bya-stade-amavubi-azacakiraniraho-na-benin-yitiriwe-uwahoze-ari-perezida

  • Wema Sepetu wabwiwe ko ashobora kutazabyara, yavuze impamvu yahishe inda ya 3 iheruka kuvamo #rwanda #RwOT

    Nyampinga wa Tanzania 2006, Wema Isaac Sepetu yavuze ko niba Imana yaravuze ko igiye guha umugisha inda ye, atagomba kubitangaza ngo buri wese amenye ko atitwe.

    Ni nyuma y’uko mu minsi ishize umukunzi we Whozu avuze ko muri Kanama 2022 Wema Sepetu yari atwite ariko ubwo inda yari ifite amezi 3 ikaza kuvamo kubera ibibazo bombi bagiranye atakekaga ko byagira ikibazo ku nda, ikaza kuvamo.

    Nyuma y’uko abantu benshi bagiye bibaza impamvu uyu mukinnyi wa filime yahishe ko atwite, abinyujije ku mbuga nkoranyambaga ze yatanze ubutumwa burimo igisubizo.

    Ati “ntabwo ngititwe. Ni yo naba ntwite ukeka nzabivugaho? Imana niba ivuze ngo reka mpe umugisha inda ya we Wema hanyuma nkatwita ntabwo nzabibabwira mwese. Gusa nifuza gutwita.”

    Ni nyuma y’uko mu ntangiriro za 2020 Wema Sepetu yatangaje ko yabuze urubyaro akaba ari nyuma y’uko yakuyemo inda 2 z’uwahoze ari umukinnyi wa filime muri iki gihugu akaza kwitaba Imana ari we Kanumba.

    Wema yarahanuriwe….

    Umuyobozi w’itorero rya Pantecoste, Nabii Bendera riherereye Kimara mu mujyi wa Dar es Salaam, muri Gashyantare 2020 yavuze ko icyo Wema asabwa ari ukumva ijwi ry’Imana kuko inkuru ye ntaho itandukaniye n’iya Hana wo muri Bibiliya.

    Yagize ati'Wema nta tandukaniro afitanye na Hana wo muri Bibiliya washatse umwana igihe kirekire ariko akamubura kugeza ahuye n’ijambo ry’umukozi w’Imana akabona umwana.'

    'Nusoma igitabo cya 1Samweli 1:10-20 uzamva agahinda uwo mugore yari afite kubera kubura urubyaro ariko nyuma yo gusenga asaba Imana igihe kirekire yaje kumuha umwana.'

    Yakomeje agira ati'Imana ya Hana ni yo ya Wema, icyo asabwa gukora Wema ni ukwicuza imbere y’Imana akemera ikosa rye maze icyo cyiswe umuvumo uzakurwaho na we abyibagirwe, umwaka utaha nziko azabona umwana.'

    Uyu muvugabutumwa yavuze kandi ko gushaka umwana bidashirira mu magambo gusa ahubwo bijyana n’ibikorwa bityo ko Wema agomba gusenga cyane ndetse akajya abonana n’umugabo we(kuryamana) kuko ari bwo azatwita.

    Wema aheruka gukuramo inda ya Whozu

    Source : http://isimbi.rw/imyidagaduro/article/wema-sepetu-wabwiwe-ko-ashobora-kutazabyara-yavuze-impamvu-yahishe-inda-ya-3-iheruka-kuvamo

  • Gitega: Itsinda Twiteze Imbere rirasaba ko miliyoni 5Frw zatwawe n'ubuyobozi wabo yagaruzwa #rwanda #RwOT

    Abanyamuryango b'itsinda 'TWITEZE IMBERE' rikorera mu Karere ka Nyarugenge, mu Murenge wa Gitega,  baravuga ko uwari perezidante wabo yabambuye  arenga miliyoni 5 afatanyije n'umubitsi, bakavuga ko ubuyobozi bwabarangaranye mu kubafasha kubishyuriza umutungo wabo.

    Iri tsinda ryatangiye gukora mu mwaka 2017 ryari rigizwe nabanyamuryango 17, abagore 13 n'abagabo 4.

     Baritangije bafite intego yo kwiteza imbere, aho bateranaga rimwe mu cyumweru buri mu nyamuryango yatangaga umugabane fatizo ungana 1000Frw, bitewe n'ubushobozi bw'umuntu hari n'abafataga umugabane urenze umwe.

    Iri tsinda ryatangiye rikorera ku biro by'Akagari ka Kabeza mu Murenge wa Gitega.

    Abaganiriye n'itangazamakuru rya Flash, bavuga ko muri Nzeri umwaka wa 2022 ari wo munsi bagombaga kugabana, uwari perezidante Madame Dukundane Bonne chance, ababwira ko nta mafaranga ahari kuko umubitsi wabo yaburiwe irengero.

    Bakomeza bavuga ko batumva ukuntu amafaranga batanganga atigeze ajyanwa kuri Konti y'itsinda, akaba ari naho bahera bavuga ko uyu perezidante wabo yaba yaragize uruhare mu kunyereza umutungo wabo.

    Umwe ati 'Twarahungabanye cyane, twari dufite kwishyura amazu y'abandi turyamamo, kwishyurira abana amafaranga y'ishuri no kuba twakemura n'ibindi bibazo bya buri munsi, tukiteza nimbere.'

    Mugenzi we ati 'Bantwaye amafaranga angana n'ibihumbi magana ane arenga, nayizigamye mu buryo bungoye nteganya kuyakoresha ibintu byinshi bitandukanye. Nateganyaga ko umwana wanjye agomba kujya ku ishuri, nteganya kuyabyaza inyungu. Ibyo byose byarahagaze mbese ubuzima bwarahagaze.'

    Undi ati 'Bamwe muri twe abana babo ntibabashije kujya ku ishuri kandi birazwi ko umuntu yizigama kugira ngo azagire icyo ageraho.'

    Aba baturage bakomeza gushyira mu majwi Umunyamabanga Nshingwabikorwa w'Akagaei ka Kabeza, ko yaba yarakingiye ikibaba uyu perezidante w'iri tsinda bitewe nuko ari inshuti ye y'akadasohoka.

     Ibi byatumye itangazamakuru rya Flash rivugisha uyu muyobozi Madame Uwineza M.claire, avuga ko ibyo abaturage bamushinja ntacyo yabivugaho.

    Ati 'Aaahhh! Ntakintu ndibuze kuvuga, sinibaza ubuvugizi uvuga ushaka ko tubakorera, ngira ngo si ikibazo kije bwa mbere, n'ubundi uwo mwaganiriye ejo bundi yakibajije mu nteko y'abaturage.'

    Aba baturage barasaba inzego zirebwa n'iki kibazo kubafasha, amafaranga yabo bakayabona kuko byabateje igihombo gikomeye cyane.

    Umwe ati 'Turifuza ko mwadufasha mukaturenganura bakaduha amafaranga yacu, natwe tukagira uko twigenza kuko turababaye.'

    Undi ati 'Turifuza ko baturenganura tukabona amafaranga yacu kuko itsinda ryacu ryaberaga mu buyoboz, kandi n'ubu biracyari mu buyobozi. Nibaduheshe amafaranga yacu.'

    Mugenzi we ati 'Twebwe turasaba ko baturenganura kandi aya matsinda ni leta ishishikariza abaturage kuyajyamo.'

    Umuyobozi w'Umurenge wa Gitega, Bwana Mugambira Etienne, avuga ko iki kibazo bakimenye ndetse ko inzego zibishinwe zatangiye kugikurikirana.

     Yaboneyeho  gushishikariza abaturage kuba inyangamugayo mubyo bakora.

    Ati 'Iby'iryo tsinda tubiziho batubwiye ko bizigamiye nyuma abayobozi babo babatwara amafaranga, inzego z'ubutabera ziragikurikirana. Icya mbere tubashishikariza ni ubunyangamugayo kuko kiriya gikorwa bakora kiba gishingiye ku bunyangamugayo.'

    Amatsinda yo kubitsa no kugurizanya afite uruhare rugaragara mu iterambere ridaheza kandi rirambye no kuzana impinduka mu bukungu.

    Aya matsinda ni uburyo bwihariye butuma abayagize bafashanya kandi bakusanyiriza hamwe ubushobozi,  ngo bagere ku iterambere rirambye no kwivana mu bukene.

    Aba baturage bavuga ko umubitsi yabatwariye amafaranga arenga miliyoni 5.

    Eminente Umugwaneza

    The post Gitega: Itsinda Twiteze Imbere rirasaba ko miliyoni 5Frw zatwawe n'ubuyobozi wabo yagaruzwa appeared first on FLASH RADIO&TV.

    Source : https://flash.rw/2023/03/20/gitega-itsinda-twiteze-imbere-rirasaba-ko-miliyoni-5frw-zatwawe-nubuyobozi-wabo-yagaruzwa/?utm_source=rss&utm_medium=rss&utm_campaign=gitega-itsinda-twiteze-imbere-rirasaba-ko-miliyoni-5frw-zatwawe-nubuyobozi-wabo-yagaruzwa

  • Ingingo zishimangira umusaruro w'inama y'Intekorusange ya FIFA ku Rwanda nk'umusingi w'imenyekanishagihugu mu bukerarugendo #rwanda #RwOT

    Inama y'intekorusange ya 73 y'impuzamashyirahamwe y'umupira w'Amaguru ku Isi, FIFA, iherutse kubera mu Rwanda yabaye kuya 16 Werurwe 2023 yasize isura nziza ku banyarwanda ndetse n'igihugu muri rusange bitewe n'ibikorwa ndetse n'ubwuzu abari bitabiriye iyi nama bakiranywe.


    Si ku munsi w'inama y'intekorusange umuntu yasobanura ukwishimirwa ku Rwanda ndetse n'ibyakozwe kuri uwo munsi gusa, ahubwo mbere y'uko iyi nama yabereye mu Rwanda iba habanje ibindi bikorwa byashimangiye ko u Rwanda truhagaze neza mu kwakira asbhyitsi ndetse bamwe banashima ko byagenze neza.

    Tariki ya 14 Werurwe 2023, kuri sitade ya IPRC Kicukiro hatangijwe igikorwa kigamije guteza imbere umupira w'amaguru uhereye mu bana bakiri bato binyujijwe mu mashuri cyiswe 'Football for Schools', ni igikorwa kizatwara asaga Miliyoni 100 z'amadorari y'Amerika yatanzwe na FIFA.


    Bukeye bwaho i Nyamirambo, hafunguwe ku mugaragaro Sitade ya Kigali yahawe izina rya Kigali Pele Stadium, ni nyuma yo kuyivugurura uhereye muri Mutarama 2023, iki gikorwa cyatwaye miliyoni 350 z'Amafaranga y'u Rwanda.

    Ifungurwa ry'iyi Sitade ryakozwe na Perezida wa Repubulika Paul Kagame ndetse aha yari kumwe n'umuyobozi w'impuzamashyirahamwe y'umupira w'amaguru ku Isi, FIFA, Gianni Infantino ndetse n'abandi banyacyubahiro batandukanye.

    Nyuma y'ifungurwa rya Kigali Pele Stadium, hanakinwe umukino wahuje abari bahagarariye u Rwanda bayobowe na Perezida Paul Kagame batsinze iya FIFA yari iyobowe na Infantino, ni umukino warangiye u Rwanda rutsinze ibitego 3-2.

    Umunsi nyirizina wahurije hamwe abanyamuryango ba FIFA 209 mu gihe hari hategerejwe ko haza 211 bitabiriye iyi ntekorusange yagombaga no gutorerwamo umuyobozi mushya wa FIFA uzayobora muri manda ya 2023 kugeza 2027.

    Ni inama y'intekorusange yasize Gianni Infantino yongeye gutorerwa kuyiyobora kuri Manda ye ya gatatu dore ko muri aya matora yabereye muri BK Arena ari naho habereye iyo nama yasize ayoboye iyi mpuzamashyirahamwe y'umupiraw'amaguru ku Isi, FIFA dore ko yari umukandida rukumbi kuri uyu mwanya.

    Kwakira iyi nama ndetse n'ibindi bikorwa bya ruhago byabaye muri icyo cyumweru ku Rwanda, bigaragaza ubushobozi ndetse n'intambwe iki gihugu kimaze gutera mu myaka itari myinsi, ibi kandi bikaba bigaragarira buri wese usuye iki gihugu ndetse bikanatera ishema buri munyarwanda wese.

    Ubwo yari mu kiganiro na Televiziyo y'igihugu kuri iki cyumweru, Minisitiri wa Siporo mu Rwanda, Munyangaju Aurore Mimosa yashimye cyane Perezida Paul Kagame na Madamu we ku ruhare bagira rwo guteza imbere siporo.

    Minisitiri Mimosa yagize ati 'Natangira nshimira abanyarwanda bose bagize uruhare cyangwa mugufasha gutegura iyi kongere, tunashimira Nyakubahwa Paul Kagame na Madamu Jeannette Kagame, mu ruhare bagira cyangwa badahwema guteza imbere siporo cyangwa se siporo muri rusange, ariko hano turavuga by'umwihariko ruhago.'

    Usibye Minisitiri Aurore wavuze ko u Rwanda rwari ruhanzwe amaso muri iki cyumweru bitewe n'iki gikorwa gikomeye cyabere mu rwa Gasabo, umuyobozi wa FIFA, Gianni Infantino ubwo yari mu kiganiro n'itangazamakuru yahishuye ko ubwo yazaga mu Rwanda bwa mbere 2016 yahigiye isomo rikomeye nk'igihugu kirimo gutera imbere.

    Infantino ati ' icy'ingenzi nabonye ni uburyo iki gihugu kiyubatse kirazamuka, kandi cyazamutse nta kintu gifite, ntacyo cyahereyeho, ni icyizere, ni ukwihangana, ni ubushake, ni ugukora cyane n'ubuyobozi bwiza, kandi iki gihugu cyiza ubu ndizere ko buri wese azagarukana n'umuryango we n'inshuti bagasura, atari i Kigali gusa bakagera no mu byaro, bakareba ingagi n'ibindi byiza, bagasura n'ibihugu bikikije iki gihugu cyiza.'

    Uku gutaka ndetse no kuvuga ku gihugu cy'iyubatse nyuma ya Jenoside yakorewe Abatutsi muri Mata 1994 igahitana abarenga Miliyoni bazira uko bavutse, nibyo biha amahirwe ndetse n'ubushobozi bwa kuba u Rwanda rwakira ibikorwa bitandukanye bikagenda neza.

    Infantino yavuze ko u Rwanda rwiyubatse ruhereye ku buso, ariko rubikesheje umuhate ndetse n'ubuyobozi bwiza, kandi uyu munsi abantu benshi bitabiriye iyi nama ya FIFA bazagaruka kurusura.

    Infantino yavuze ko u Rwanda rwiyubatse ruhereye ku buso, ariko rubikesheje umuhate ndetse n'ubuyobozi bwiza, kandi uyu munsi abantu benshi bitabiriye iyi nama ya FIFA bazagaruka kurusura.

    Perezida Kagame Paul Kagame, mu ijambo rye yashimiye FIFA kuba yaratoranyije u Rwanda nk'igihugu gikwiriye kwakira Inteko Rusange ya FIFA. Ati 'Ni iby'agaciro gakomeye, cyane ko mwashoboraga guhitamo kujya ahandi.'

    Kugenda neza kw'ibikorwa bibera mu gihugu cy'u Rwanda biterwa n'impamvu nyinshi ziyobowe ni uko iki guhugu gifite ubuyobozi bwiza buyobowe na Nyakubahwa Perezida Paul Kagame uherutse no guhembwa n'impuzamashyirahamwe y'umupira w'amaguru muri Afurika, CAF.

    Nyuma yo guhabwa icyo gihembo, Perezida Kagame yagaragaje ko yishimiye guhabwa igihembo gihabwa uwabaye indashyikirwa mu guteza imbere ruhago Nyafurika.

    Yifurije abitabiriye iki gikorwa kwiyumva nk'abari mu rugo. Ati 'Iki ni igihugu cyanyu.'

    'Ibihembo nk'ibi rimwe na rimwe umuntu ntaba abiteganya cyangwa ngo yumve ko abikwiye. Mu mateka yacu, bamwe muri twe, ntidutegereza ko dukwiye byinshi ariko iyo bije muri ubu buryo, hari imvugo hano mu gihugu cyacu ko ikintu gifite agaciro, ucyakirana amaboko yombi.'

    Ni igihembo yahawe kuwa kabiri tariki ya 14 Werurwe 2023, nibwo CAF yahaye Perezida Paul Kagame igihembo cy'indashyikirwa kubera uruhare yagize mu guteza imbere Siporo, ni umuhango wabere muri Kigali Serena Hotel.

    Mu gihe cy'ibi bikorwa bya FIFA, Perezida Paul Kagame akaba umuterankunga wa CECAFA Kagame Cup, Irushanwa rihuza amakipe y'umupira w'amaguru yo muri Afurika y'Iburasirazuba no Hagati yakiriye abahagarariye Inama y'Ubuyobozi ya CECAFA.

    Nyuma y'ibi bikorwa byabaye, ikinyamakuru RUSHYASHYA.NET cyakusanyije inyungu u Rwanda rwakuye mu kwakira iyi nama y'intekorusange yabaye mu cyumweru gishize nk'igikorwa gishingiye ku bukerarugendo.
    Iyi nama ya FIFA, yashimangiye kumenyekana kw'igihugu:

    Ibi bigaragazwa cyane n'ubwitabire bw'abanyamuryango b'impuzamashyirahamwe y'umupira w'amaguru ku Isi bitabiriye ibikorwa bitandukanye byabaye muri iki cyumweru dushoje bikaba byaritabiriwe n'abantu bavuye mu bihugu birenga 200.

    Aha ninaho hatangajwe na Minisitiri wa Siporo, Aurore Mimosa yavuze ko isi yose yari ihanze amaso u Rwanda.
    Minisitiri ati 'Byaradushimishije, byashimishije abanyarwanda, ni ibintu bikomeye ku Rwanda kwakira iyi kongere ya FIFA, nk'uko twagiye tubibona hirya no hino ni ukuvuga ngo Isi yose yari hano mu Rwanda, Isi yose yari ihanze amaso ku Rwanda, mu minsi y'icyumweru isi yose ivuga u Rwanda, ibona u Rwanda.'

    Guteza imbere ubukerarugendo:

    Usibye kwitabira iyi nama kw'abavuye mu bihugu bitandukanye, hateganyijwe ko abitabiriye ibikorwa bya FIFA, bagombaga no gusura ibice bitandukanye byo mu Rwanda harimo ahantu nyaburanga bityo no mugihe kiri imbere ntagushidikanya ko bamwe muribo bazagaruka bazanye n'imiryango yabo cyangwa inshuti gusura aho bageze ndetse kugera ahandi hashya.

    ImageUbwo bari mu kiganiro n'itangazamakuru nyuma y'Amatora yatorewemo Gianni Infantino yashyishikarije abitabiriye ibikorwa bya FIFA kuzasura ibice bitandukanye by'igihugu cyane cyane Urwibutso rwa Jenoside rwa Kigali ruherereye ku Gisozi.

    Infantino ati 'Nibuka uruzinduko nagiriye ku rwibutso [mwese mukwiriye kujya gusura urwibutso], ndavuga nti 'ndi nde wo gucika intege', ibyo iki gihugu cyanyuzemo, uko cyiyubatse, ni ibintu biha icyizere uwo ari we wese.'

    Ibi kandi byashimangiwe na Pierluigi Collina, umutaliyani wabaye umunyabigwi mu gusifura umupira w'amaguru ku Isi yasuye Urwibutso rwa Jenoside yakorewe Abatutsi rwa Kigali ku Gisozi yunamira inzirakarengane zihashyinguye.

    Pierluigi Collina wasuye Urwibutso, ni we wasifuye umukino wa nyuma w'igikombe cy'isi cya 2002 wabereye mu Buyapani uhuza ikipe y'igihugu ya Brazil n'iyu Budage. Ni umukino warangiye Brazil itsinze u Budage ibitego 2-0 byatsinzwe na Ronaldo Luís Nazário de Lima.

    Amafaranga yinjiye mugihugu kubera serivisi abitabiriye iyi nama bose bahaherewe:

    Ubwitabiriye bw'abanyamuryango ba FIFA, binjirije igihugu amafaranga menshi ndetse no mu bice bitandukanye, aha twavuga nk'amafunguro yahawe abitabiriye iyi nama aho babaga bacumbitse, aho bararaga ndetse n'ingendo zakozwe mu gihugu imbere.

    Ibi bikorwa tuvuze haruguru byinjirije igihug amafaranga ndetse akanagera kubanyarwanda benshi mu buryo bumwe cyangwa ubundi bitewe na Serivisi bahawe mu icyo gihe u Rwanda rwakiraga iyi nama.

    Ubufatanye (Cooperation) hagati ya FERWAFA n'andi mashyirahamwe:

    Iyi nama yitabiriwe n'abanyamuryango ba FIFA 209 bavuye mu bihugu bitandukanye by'Isi, icyo bivuze hano ni uko nk'ishyirahamwe ry'umupira w'amaguru ryungutse ubufatanye n'abamwe muri abo banyamuryango binyuze mu kwitabira iyi nama.

    Aha twavuga nk'inyubako ya FERWAFA imaze kuzura hafi y'ikicaro cyayo kiri i Remera, mu rwego rwo kureba aho iyi nyubako igeze umwe mubayobozi b'umupira w'amaguru kuri Isi ndetse unakomoka muri Busuwisi yasuye iyi nyubako izaba igizwe n'ibyumba 42.

    Kugirirwa icyizere kw'igihugu mu kwakira izindi nama zikomeye:

    Iyi ngingo ubwayo irivugira kurwego ndetse n'uruhare urwarirwo rwose, ntawashidikanya ko inama mpuzamahanga yabera mu Rwanda yose yagenda neza bitewe n'ubunararibonye (Experience) igihugu kimaze kugira.

    Inama iri ku rwego nk'uru ndetse n'ururi hejuru yayo kugeza ubu ku Rwanda kuba bakwakira iyo nama ni ntamakemwa, aha biraterwa n'ubunararibonye mu gutegura inama zo ku rwego rwohejuru zimaze kubera i Kigali no hanze yaho kandi zikandenda neza.

    Dusubize amaso inyuma ku rugero rumwe rw'inama iheruka kubera u Rwanda igatanga isura nziza ndetse n'abayitabiriye bashimira ubuyobozi bw'iki gihugu buyobowe na Nyakubahwa Perezida Paul Kagame.

    I Kigali haherutse kubera inama y'umuryango w'ibihugu bivuga ururimi rw'icyongereza uzwi nka commonwealth, ni inama yitabiriwe n'abayobozi ndetse n'abandi batandukanye babarizwa muri uwo muryango.

    Umuryango wa commonwealth ugizwe n'ibihugu 54 bituwe n'abaturage barenga miliyari ebyiri na miliyoni 500(bakaba bangana na 1/3 cy'abatuye Isi), ndetse uyu muryango ukaba ari uwa kabiri ku Isi mu bunini nyuma y'Umuryango w'Abibumbye UN.

    Iterambere kuri kampanyi zo mugihugu zagize uruhare mugutegura iriya nama:

    Binyuze ku rubuga rwa Twitter, imwe muri kompanyi ya Manumetal ikora ibikoresho bitandukanye yanditseko yafatanyijwe n'ikigo cyahawe gukora igishushanyo cyangwa gutaka muri BK Arena ahabereye iyi nama gutegura ndetse no gutunganya aho iyo nama yabereye.

    Uru ni rumwe mu rugero rw'ibigo bitandukanye byagiriye inyungu mu gutanganya no gutuma iyi nama y'intekorusange ya FIFA yateraniye mu Rwanda kuba yarabaye ndetse ikaba ari ntamakemwa ndetse ikanatanga umusaruro kuri buri wese wayitabiriye cyane cyane ku Rwanda nkanyiri abashyitsi.

    Iterambere ry'ibikorwa remezo kuko izo nama zisabako biba bihari kandi biri ku rwego rwiza

    Utembereye ibice bimwe na bimwe by'umujyi wa Kigali hari impinduka nini ndetse zigaragarira buriwese uri muri uyu mujyi kuko ibikorwaremezo ni kimwe mu byafashije ndetse binafasha ababikoresha, aha twavuga nk'imihanda, amahoteri, ibyumba biberamo izo nama n'ibindi.

    Uwakugeza kuri i Nyamirambo, ahazwi nko kuri tapis rouge ugakomeza ukinjira muri Sitade yahoze yitwa iya Regionale kuri uyu yabaye Kigali Pele Stadium nibwo wakumva neza ibi, niba uheruka kuriyo Sitade mbere ya tariki ya 4 Mutarama 2023 uzahanyarukire uzabona ubusobanuro bw'iyi ngingo.

    Kanze mbamare amatsiko ho gato, iyi sitade yaravuguruwe ndetse n'ibindi bice bihegereye birimo kuvugururwa kuko imirimo yo irakomeje, iyi sitade yavguruwe nyuma yaho hemejwe ko hazabera irushanwa rizahuza abazaba bitabiriye iyi nama ya FIFA harimo n'abakozi bayo.

    Gutanga imiririmo kuko ibikorwa byose bikenera ababikora haba mu myiteguro nko kubaka ibikorwa remezo, mugihe inama iba nk'abasemuzi, abayobora abakererugendo, protocol ndetse n'abandi.

    Iyi nama y'intekorusange yasigiye inyungu nini u Rwanda mu buryo bufatika ndetse kandi bigaragara ko n'ikindi gihe ibikorwa binini nk'ibi cyangwa ibyisumbuyeho kuba byabera mu Rwanda hari ikizere ndetse n'ubushake ko byose bizagenda neza.

    The post Ingingo zishimangira umusaruro w'inama y'Intekorusange ya FIFA ku Rwanda nk'umusingi w'imenyekanishagihugu mu bukerarugendo appeared first on RUSHYASHYA.

    Source : https://rushyashya.net/ingingo-zishimangira-umusaruro-winama-yintekorusange-ya-fifa-ku-rwanda-nkumusingi-wimenyekanishagihugu-mu-bukerarugendo/?utm_source=rss&utm_medium=rss&utm_campaign=ingingo-zishimangira-umusaruro-winama-yintekorusange-ya-fifa-ku-rwanda-nkumusingi-wimenyekanishagihugu-mu-bukerarugendo

  • Zagutunga zikanagushuka: Uko Mwene Karangwa yahiriwe n'imbuga nkoranyambaga – #rwanda #RwOT

    Ni umusore ufite abamukurikira barenga ibihumbi 136. Mu kiganiro yagiranye na IGIHE, Karangwa yavuze ko yatangiye gukoresha imbuga nkoranyambaga yiga mu mashuri yisumbuye gusa atangira kubishyiramo imbaraga mu 2017 ubwo yigaga muri Kaminuza.

    Benshi mu bakoresha imbuga nkoranyambaga ntibazi ko kuri ubu hari ababigize akazi ka buri munsi ku buryo bibinjiriza amafaranga atari make. Benshi muri abo ni urubyiruko aho usanga bafite sosiyete bamamariza zikabahemba buri kwezi, abandi ugasanga banahawe amasezerano n'ibigo bikomeye mu Rwanda no hanze yarwo.

    Karangwa yavuze ko ashobora kwinjiza arenga ibihumbi 400 Frw kubera imbuga nkoranyambaga

    Yavuze ko imbuga nkoranyambaga zatangiye kumwinjiriza amafaranga nyuma y'icyorezo cya Covid-19 ngo kuko aribwo yanatangiye kumenyekana cyane muri rubanda bituma zimwe muri sosiyete zitandukanye zitangira kumuhamagara zikamuha amafaranga.

    Ati 'Byaje kuzamuka biva ku mafaranga make noneho atangira kwiyongera ubu nibura nshobora gukorera ibihumbi 400 Frw mu kwezi ariko hari n'igihe arenga cyane bitewe n'ibiraka nabonye mu kwezi ariko ntiyapfa kujya munsi, ayo rero niyo nkoresha mu kwishyura inzu akanantunga.'

    Karangwa wize ibijyanye n'amazi ndetse n'ibidukikije muri kaminuza, yavuze ko ibyo yize kuri ubu yabishyize hasi ahitamo kwamamaza abamugana ngo kuko ariho abona amafaranga.

    Uyu musore avuga ko hari byinshi imbuga nkoranyambaga zimaze kumugezaho birimo kumuha inshuti nshya, kumuhuza n'abakomeye ndetse no kuba abasha kwizigamira buri kwezi amafaranga aba yakoreye.

    Ati ' Ni akazi gashya abantu batari bumva ariko gahemba n'amafaranga menshi mu gihe wabyitwayemo neza, niba umuntu muvuganye amafaranga ukamukorera ibyo yagusabye, ubutaha akurangira n'abandi bantu ugashiduka buri munsi ufite abantu runaka muri bukorane kandi bakakwishyura.'

    Imbuga nkoranyambaga zishobora kugushuka

    Karangwa avuga ko imbuga nkoranyambaga kimwe n'ubundi buzima busanzwe byose bisaba gushyiramo ubwenge mu byo ukora ngo kuko iyo udashyizemo ubwenge hari abantu bashobora kukuyobya bakakugusha mu byaha.

    Ati ' Hari umuntu ushobora kugusaba gukora ibintu runaka ngo akwishyure, rero iyo ufashe umurongo wawe ukirinda kujya mu bintu runaka cyane cyane kuba wakurikirana bariya barwanya Leta nabo bagera aho bakagutinya kuburyo ntaho bahera bakubwira gukora ibintu bibi.'

    Hejuru yo kwamamaza, Karangwa avuga ko yifashisha Twitter mu gukorera ubuvugizi abababaye, ibibazo bafite bigakemuka.

    Ati ' Twatangije ubuvugizi kuri bya biciro bya RURA biza guhindurwa, hari abanyeshuri runaka baba bafite ibibazo tukabavuganira bikagenda neza, hari abaturage baba barenganye ukabavuganira. Hari ibikorwa umuntu ategura bihuza urubyiruko bikagenda neza'.

    Karangwa yagiriye inama urundi rubyiruko rukoresha imbuga nkoranyambaga ko mu kuzikoresha bakwiriye kumenya ko izi mbuga zigira ibyiza byinshi ndetse n'ibibi byinshi.

    Ati ' Nababwira kuzikora mu buryo batibagirwa ko n'ubuzima busanzwe buhari . Ntazikunde biri ku kigero cyo hejuru, ahe umwanya n'ubuzima bwe busanzwe n'abantu be basanzwe, birinde kuba imbata kandi bamenye kuzikoresha mu buryo bubabyarira inyungu.'

    Karangwa yavuze ko imbuga nkoranyambaga zitajya zibagirwa ibyo abantu bandika ari nacyo yasaba abazikoresha kujya bibuka bakandika ibifite umumaro.

    Ishimwe Karangwa Claude kuri ubu akurikirwa n'abarenga ibihumbi 136

    Yishimira bimwe mu bikorwa ategura bikitabirwa n'urubyiruko

    Igikorwa cyo gusana inzu ya Mukanemeye uzwi mu gufana Mukura n'Amavubi ni kimwe mu byo yishimira

    Source : http://igihe.com/amakuru/u-rwanda/article/zagutunga-zikanagushuka-uko-mwene-karangwa-yahiriwe-n-imbuga-nkoranyambaga

  • Lupita Nyong’o yahishuye ko ikanzu yambaye mu… – #rwanda #RwOT

    Iyi ni ikanzu y'umweru Lupita Nyong’o ukina yitwa Nakia yambaye ku gace ko muri filime 'Black Pather: Wakanda Forever', gatangira bari gushyingura T'Challa wari umwami wa Wakanda, ari we Chadwick Boseman, witabye Imana mu 2020.

    Abinyujije kuri Instagram, Lupita Nyong’o yasobanuye uko iyi kanzu yari yambaye yakozwe, biturutse ku mushanana wambarwa n’Abanyarwanda mu birori bitandukanye. Ni ikanzu yakozwe na Ruth E. Carter usanzwe azobereye mu gukora imyenda ikoreshwa muri filimi zitandukanye, wanakoze iyo muri Black Panther.

    Lupita Nyongo’o w’imyaka 40 ukomoka muri Kenya umaze kwandika amateka i Hollywood, yavuze ko ubwo yajyaga kureba uyu munyamideli yamweretse ibitekerezo by'uko ashaka iyo kanzu na we amusaba kugira ibyo yongeraho, ahita yibuka umukenyero yabonanye umuvandimwe we.

    Yagize ati 'Igihe najyaga kwipima imyenda yo muri Wakanda Forever, Ruth yari akiri gushaka umwambaro Nakia azajyana mu kiriyo cyo kwa Ramonda. Yagerageje kunyereka ibitekerezo yari yakusanyije, ashaka kumva nanjye ibyo nashyiraho.'

    Yakomeje ati 'Icyo gihe nari maze iminsi mvuye muri Kenya, umuvandimwe wanjye Fiona yitabiriye ubukwe bw'inshuti z'Abanyarwanda yambaye umwambaro wabo gakondo.. Neretse Ruth iyo foto ihita imuha igitekerezo cy'iyi kanzu yakoze, iri muzo nakunze cyane.'

    Ruth E. Carter wadoze iyi kanzu ya Lupita Nyong’o agendeye ku mushanana w’Abanyarwanda, niwe uherutse guhabwa igihembo cya Oscar Award 2023 mu kiciro cy’umuhanzi w’imideli wahanze imyenda myiza yambawe muri filime ya 'Black Panther: Wakanda Forever'.

    Ubusanzwe Lupita Nyong’o akunze kwambara imyenda yo muri Africa. Mu 2020 yatangarije Vogue Magazine ko akunda gukorana n’abahanzi b’imideli nyafurika, kuko aba ashaka kwerekana imico y'aho akomoka n’imideli yaho ko imaze gutera imbere.

    Lupita Nyong'o avuze kuri iyi kanzu mu gihe ubwo hamurikwaga igice cya kabiri cya 'Black Panther', musaza we Junior Nyong'o yari yambaye umwenda wakozwe na Matthew Rugamba washinze House of Tayo.

    Ikanzu Lupita Nyong'o yambaye muri 'Black Panther: Wakanda Forever' yadozwe nk'umushanana w'Abanyarwanda

    Ifoto yagendeweho y'umuvandimwe wa Lupita yambaye umushanana yatumye bamudodera iyo yambaye muri Wakanda Forever

    Source : https://inyarwanda.com/inkuru/127240/lupita-nyongo-yahishuye-ko-ikanzu-yambaye-muri-black-panther-2-ikomoka-ku-mwambaro-wabanya-127240.html

  • MU MAFOTO: Ubwiza bwa Hannah Karema Tumukunde… – #rwanda #RwOT

    Henshi ugenda ureba kuri murandasi mu Karere k'Ibiyaga bigari, inkuru y'amarushanwa y'ubwiza ya Miss Uganda 2023 niyo iri kugarukwaho cyane.

    Birumvikana kubera impamvu zitandukanye zirimo kuba iri rushanwa ryari rigiye kumara imyaka igera kuri 5 ritaba, kuko ryaherukaga mu mwaka wa 2019.

    Gusa na none ikindi kiri kuvugwaho ni ubwiza bwa Hannah wegukanye ikamba, bivugwa ko ari amateka kuba muri Uganda hatowe umukobwa mwiza kuko bitari bisanzwe.

    Uretse kandi Hannah wegukanye ikamba, Ademu Whitney Martha yabaye Igisonga cya mbere naho Prossy Agwang aba icya kabiri.

    Miss Olivier Nakakande niwe waherukaga gutorerwa kuba Miss Uganda 2019, gusa ubwo yajyaga kwiga muri Leta Zunze Ubumwe za Amerika ikamba yarisigiye Elizabetha Bagaya wari Igisonga cye cya mbere hari muri 2021, akaba ari na we waryambitse Hannah.

    Miss Hannah Karema Tumukunde n’Ibisonga byeUbwiza bwa Miss Hannah bwakangaranyije benshiMiss Hannah biravugwa ko ari we mukobwa mwiza wa mbere utowe muri UgandaHabanje kuba imyiyereko y’abakobwa bose bari bahatanye

    Imyaka yari igiye kuba itanu hataba Miss Uganda kubera ibibazo birimo na COVID19Kuwa 18 Werurwe 2023 nibwo Miss Hannah yambitswe ikambaYitwa Hana Karema ku mbuga nkoranyambaga [@hana.karema]

    Source : https://inyarwanda.com/inkuru/127237/mu-mafoto-ubwiza-bwa-hannah-karema-tumukunde-wegukanye-ikamba-rya-miss-uganda-2023-127237.html

  • Mahoro Isaac yashyize hanze amashusho y’indir… – #rwanda #RwOT

    Kuwa 11 Werurwe 2023 ni bwo Mahoro Isaac yafashe amashusho y’iyi ndirimbo yise “Nyigisha”, mu gikorwa cyabereye i Nyamata aho yashyigikiwe n’abakunzi be, abanyamakuru barimo Justin Belis wa Flash Fm na Olivier Baganizi wa Isango Star Tv, ndetse n’itsinda rigari rimufasha mu muziki. 

    Bisabye iminsi 9 gusa kugira ngo amashusho yayo abe ageze hanze kuko yasohotse kuri uyu wa Mbere tariki 20 Werurwe 2023. Aririmbamo ko nta cyo yanganya ubuntu Imana yamugiriye, akongeraho ati “Sinshaka kubuvamo namba. Nyigisha guhorana nawe, umbe hafi Mukiza, ne kukuvaho, undeke nkubemo kandi nawe umbemo”.

    Mahoro Isaac watangiye umuziki mu mwaka wa 2006 [awumazemo imyaka 17], akunzwe mu ndirimbo zirimo “Ndabizi neza”, “Isezerano”, “Ibihishwe” n’izindi. Indirimbo ye nshya yise “Nyigisha” yari itegerejwe cyane bitewe n’uburyo yayamamaje cyane, agateguza abantu ko ari indirimbo idasanzwe.

    Kera kabaye aya mashusho yageze hanze. Mahoro yabwiye inyaRwanda ko iyi ndirimbo yayitekereje ubwo yibazaga iyo aza kuba ataramenye Yesu uko byari kuba bimeze uyu munsi. Aragira ati “Nabyibajijeho kenshi ni bwo haje igitekerezo cyo gushima Imana, nshima umunsi namenyeho umukiza”.

    Mahoro uri gukora umuziki ashyigikiwe cyane na ‘Management team’ ye, yungamo ati “Ariko kandi nkasaba Imana ko yakomeza kumbamo nanjye nkayibamo tukaba umwe, ibindi byose naba mbifite bibaye gutyo. Ariko sinjye wivugaga gusa, ahubwo ni isengesho rya buri wese wamenye Umukiza”.

    Iyi ndirimbo ye isemuwe mu Cyongereza ariko nanone ifite agashya ko kuba isemuwe mu rurimi rw’Amarenga. Abisobanura agira ati “Iyo tuvuga ubutumwa, tureba ingeri zose kuko ntituba tuzi uwo buzakiza. Ni yo mpamvu dushyiraho amagambo y’icyongereza, tugashyira mu marenga, ushyira inshundura nyinshi mu mazi, ubundi hakagira izifata”.

    “Nyigisha” igaragaramo umuzungukazi witwa Eva wo mu Budage, wavugishije benshi ku mbuga nkoranyambaga kubera uburyo avugamo Ikinyarwanda adategwa. Anita Pendo ukorera RBA, anyuze kuri konti ya Instagram y’umunyamakuru wacu Mupende Gedeon [tman_gideon], [kanda HANO], yatangariye uburyo Eva anasobanukiwe neza umuhamagaro we mu Kinyarwanda. 

    Mahoro yabwiye inyaRwanda ko Eva ari umuvandimwe n’inshuti ye. Ati “Yaje nk’uko n’undi wese w’inshuti yaza”. Asubiza niba ari iturufu yo kugeza muzika ye i mahanga, yavuze ko Imana ibishimye byaba ari byiza, kuko Yesu yasize asabye abigishwa be kogeza izina rye mu mahanga yose.

    Yagize ati “Ariko Imana ibonye ko ari bwo buryo bwiza bwo kugera kure, nabwo Imana yabikoresha kugira ngo ubutumwa bwayo bugera kure. Kuko tugomba kuvuga ubutumwa amahanga yose, niko Yesu yasize avuze”.

    Mahoro arakataje mu muziki ari gukora afite ‘Manager’

    Bamwe mu bagaragara mu mashusho y’iyi ndirimbo

    Isaac yashyize hanze indirimbo ‘Nyigisha’ yari itegerejwe cyane

    Mu ndirimbo “Nyigisha” hagaragaramo Eva ari kuririmbana na Isaac

    Niyomwungeri Pierre niwe Manager wa Mahoro Isaac

    Umugore wa Mahoro Isaac nawe agaragara muri iyi ndirimbo

    Baganizi Olivier wa Isango Star Tv yashyigikiye Isaac muri ‘Nyigisha’

    Justin Belis wa Flash Fm mu ndirimbo ‘Nyigisha’ wa Mahoro

    Hano ni nyuma y’igikorwa nyamukuru cyo gufata amashusho y’indirimbo

    Nyuma y’ifatwa ry’amashusho y’indirimbo basangiye icyo kurya

    REBA INDIRIMBO “NYIGISHA” YA MAHORO ISAAC

    Source : https://inyarwanda.com/inkuru/127238/mahoro-isaac-yashyize-hanze-amashusho-yindirimbo-nyigisha-isemuwe-mu-rurimi-rwamarenga-vid-127238.html