Category: Uncategorized

Umunyamakurukazi yaguye igihumure ari gusoma amakuru imbonankubone kuri TV mu gihugu cya Colombia.

Madamu Elianis Garrido w'imyaka 35,ukora ikiganiro kuri TV yo muri Colombia cyitwa Lo Sé Todo yaguye hasi bitunguranye ari live.

Mu mashusho yagiye hanze, uyu mukobwa usanzwe ari n'umunyamideli n'umukinnyi wa filimi,yagaragaye atitira ku gatebe yari yicayeho hafi y'undi munyamakuru mugenzi we Ariel Osorio.

Yagaragaye ko ufite ikibazo,mbere yo gushyira ikiganza cye ku munwa,hanyuma yikubita hasi bagenzi be barwana no kujya kumutabara.Ibi byabaye kuwa 16 Werurwe.

Madamu Osorio yahise ahaguruka asaba ko abafata amashusho bashyiraho amatangazo akajya kureba uwo bakorana.

Uyu munyamakuru yahise ajyanwa kwa muganga ndetse uyu Osorio yabwiye abari babakurikiye ko mugenzi we yagize ibibazo byo guhumeka.

Uyu yahise abwira nyina wa Garrido,yagize ati “Ibintu byose bimeze neza,Eli ameze neza.Yakorewe ubutabazi ubu ameze neza,ntugire ikibazo.Araguhamagara vuba kandi turakubwira uko Eli ameze.”

Uyu nyuma yaje kubwira abasaga miliyoni 6 kuri Instagram ko ameze neza ndetse n'ibinyamakuru byemeje ko uyu mugore ameze neza.

Source : https://umuryango.rw/ubuzima-115/udushya/article/umunyamakuru-yituye-hasi-ari-mu-kiganiro-bitera-impuenge-abakunzi-be

Ku mugabane wa Afurika hari ibihugu bizwiho kuba bifite abakobwa beza kurusha abandi, gusa ikiza ku mwanya wa mbere mu bihugu 10 biyoboye ibindi kiraza kugutungura kuko utakekaga ko cyaza kuri uwo mwanya.

Dore uko ikinyamakuru cyitwa howafrica cyakoze urutonde rw'ibihugu 10 bifite abakobwa beza muri Afrika.
10.Tanzaniya

Tanzaniya ni igihugu cyizwiho kugira abakobwa beza muri Afurika kandi bazi kwiyitaho ku buryo umubiri wabo uhora usa neza kandi bakamenya gukurura ababareba

9.Kenya
Abakobwa n'abagore bo muri Kenya nabo baza mu bakobwa n'abagore beza muri Afurika bakaba bazwiho gukunda nyabyo, kubana n'abandi neza no gukunda umurimo.

8. Ghana

7.Nigeria
Nigeria iza ku mwanya wa karindwi gusa bikunze kuvugwa ko abagore n'abakobwa baho bashakira ubwiza mu birungo( maquillage) ariko bakamenya kubyisiga neza ku buryo bibabera wabareba ukabona babaye beza.

6.Afurika y'epfo
Afurika y'epfo nayo iri mu biguhu bigira bagore n'abakobwa beza muri Afurika nubwo ari igihugu gituwemo n'abantu b'amoko atandukanye barimo abazungu n'abirabura.

5.Angola
Angola nayo iri mu biguhu bifite abakobwa beza bazwiho kuba bafite uruhu rujya gusa nka shokola, uruhu rukunda kwifuzwa na benshi kuko rugaragara neza.

4.Cape Vert

Ikirwa cya cape Vert naho haba abakobwa beza n'ubwo hadatuwe cyane. Abakobwa n'abagore baho nabo bazwiho kugira uruhu rwiza rwa shokora.
3.Ethiopia
Ethiopia nayo izwiho kugira bakobwa beza kandi bafite igihagararo bakanatera neza.


2.Somalia
Igihugu cya Somalia nacyo kigira abakobwa beza bateye neza kandi bafite uruhu rwiza rutemba itoto.


1.Rwanda
Bikunzwe kuvugwa ko mu Rwanda haba abakobwa n'abagore beza abantu benshi bakabigira impaka nyamara n'ibinyamakuru byo hanze bikora ubushakashatsi bikemeza ko koko mu Rwanda ari iwabo w'abakobwa beza n'abahungu beza bityo bagashyirwa ku mwanya wa mbere muri Afrika.

Source : https://umuryango.rw/imyidagaduro/article/u-rwanda-ku-mwanya-wa-mbere-k-urutonde-rw-ibihugu-10-muri-afurika-bifite-70072

Umuholandi Robin van Persie wahoze akinira Arsenal ngo yabwiye mugenzi we bakinanaga ko ubwo yayivagamo akerekeza muri Manchester United mu mwaka wa 2012,yasanze imyitozo yabo itandukanye cyane.

Patrice Evra yahishuye ko Robin van Persie yamubwiye ko yatunguwe n'imyitozo yasanze muri Man United kuko ngo yari hejuru cyane y'iya Arsenal yari amazemo imyaka isaga umunani.

Rutahizamu Van Persie yerekeje muri United aguzwe akayabo ka miliyoni 22.5 z'amapawundi mu mpeshyi ya 2012 nyuma yo kunanirwa gutwara igikombe cya shampiyona mu myaka umunani yari ayimazemo.

Evra yabwiye Vibe with Five,ko yibuka ukuntu Van Persie yamubwiye ko bagenzi be bakinanaga muri Arsenal nta bwitange bari bafite.

Evra yagize ati: “Robin, yarambwiye ati: 'Patrice, sinigeze mbona abantu babigize umwuga gutya.Bitoza ukuntu mwitoza iyo muri mu myitozo'.

'Yavuga ukuntu twarangizaga imyitozo, abantu bose bakajya muri Gym. Mbere yo kwitoza muri gym, na nyuma yo kwitoza muri Gym. “

“Niyo mpamvu yavuze ati:”Ubwo nakinaga muri Arsenal, nabaga nkiri mu kibuga nkabona abana bafashe imodoka zihindura bagiye Harrods cyangwa ahandi hose. “

Van Persie yari we rutahizamu mwiza wa Arsenal icyo gihe kuko yatsinze ibitego 132 mu mikino 278 yakinnye.

Nyuma yo gutsinda ibitego 30 mu mwaka w'imikino 2011-12 akarusha abandi ba rutahizamu bose bari bahanganye,Arsenal yarangije ku mwanya wa gatatu irushwa amanota 19 na Manchester City.

Kubera imyitwarire ya Arsenal,uyu yahisemo kwerekeza muri Man United gushaka igikombe.

Source : https://umuryango.rw/imyidagaduro/imikino/article/robin-van-persie-yagaragaje-ikibazo-cyatumye-arsenal-idatwara-shampiyona-mu

Uyu mugabo yatawe muri yombi ku wa kane w'icyumweru gishize na Polisi ya Dubai bivugwa ko ari umuco umaze gusakara mu banyamahanga bajya muri iki Gihugu.

Ikinyamakuru Gulf News kivuga ko uyu mugabo winjiye muri Leta Zunze Ubumwe z'Abarabu afite viza yo gusura, yafatiwe aho yasabiraga imfashanyo hafi y'imisigiti ndetse no mu duce dutuwemo n'abantu benshi, ahita yoherezwa mu bushinjacyaha bwa Dubai.

Ku wa Kane, Polisi ya Dubai yihanangirije abaturage kudashukwa n'abasabirizi bakoresha amayeri atandukanye yo kubatera impuhwe.

Mu yindi mijyi, abapolisi bafashe abasabiriza batatu umwe bamufatanye asaga miliyoni 21, undi afatanwa arenga gato miliyoni 13, mu gihe undi na we bamusanganye akabakaba miliyoni 14.

Polisi kandi yahamagawe n'umugore wo muri Asia winjiye muri iki gihugu akoresheje viza y'ukwezi kumwe, avuga ko yibwe asaga miliyoni 30 z'amanyarwanda.

Nk'uko ikinyamakuru Gulf News kibitangaza, iperereza ryerekanye ko uyu mugore yakiriye aya mafaranga asabiriza,

Burigadiye Jenerali Saeed Suhail Al Ayali, Umuyobozi wungirije w'ishami rusange rishinzwe kurwanya ubugizi bwa nabi, mu kiganiro n'abanyamakuru ku cyicaro gikuru cya polisi cya Dubai, yavuze ko bahangayikishijwe n'ikibazo cy'abanyamahanga bo muri UAE barimo kwishora mu gusabiriza ngo babeho.

Ati: 'Abasabirizi bagera kuri 90 ku ijana bafashwe ni abashyitsi kandi baza muri Ramadhan kugira ngo babone amafaranga yoroshye kuko bazi ko UAE ari igihugu gikize kandi abantu hano bahora bifuza gufasha. Dufite itsinda ry'abapolisi bashinzwe guhashya abasabiriza.'

Al Ayali, yashimangiye ko gusabiriza ari ibintu birwanya umuco w'iterambere bikamunga sosiyete kandi ubusanzwe bizamuka mu kwezi gutagatifu kwa Ramadhan.

Yasabye abantu kudashukwa n'abasabirizi kuko gusabiriza bishobora gukurura ibindi byaha nko kwiba no gukoresha abana, abasaza ndetse n'abiyemeje gushaka amafaranga mu buryo butemewe.

Ati: 'Abasabirizi benshi ni abariganya, baza muri Ramazani kuri viza yo gusura bakaza kuzenguruka imisigiti. Ntimukabagirire impuhwe, ahubwo muge mutanga ubufasha bwanyu cyangwa amafaranga mu miryango y'abagiraneza mu gihugu.'

Abaturage kandi baburiwe kwirinda gusabiriza ku mbuga nkoranyambaga. Ati: 'Abantu bagomba kwitonda igihe bakiriye ubutumwa cyangwa inyandiko ku mbuga nkoranyambaga zerekeye abakene bakeneye ubufasha kuko ibyinshi atari ukuri.'

Mu rwego rwo kurwanya gusabiriza muri Ramazani, abapolisi bagabanyijwe mu mijyi no mu turere dutandukanye hashingiwe ku hazwiho kugira abasabirizi benshi. yataye muri yombi umusabirizi wari wigize nk'umuntu wacitse akaguru yahishe amafaranga yo muri iki gihugu angana n'ibihumbi 300, ni ukuvuga arenga miliyo 89 z'amanyarwanda yayahishe mu nsimburangingo ya ruhurika.

Ikinyamakuru Gulf News kivuga ko uyu mugabo winjiye muri Leta Zunze Ubumwe z'Abarabu afite viza yo gusura, yafatiwe aho yasabiraga imfashanyo hafi y'imisigiti ndetse no mu duce dutuwemo n'abantu benshi, ahita yoherezwa mu bushinjacyaha bwa Dubai.

Ku wa Kane, Polisi ya Dubai yihanangirije abaturage kudashukwa n'abasabirizi bakoresha amayeri atandukanye yo kubatera impuhwe.

Mu yindi mijyi, abapolisi bafashe abasabiriza batatu umwe bamufatanye asaga miliyoni 21, undi afatanwa arenga gato miliyoni 13, mu gihe undi na we bamusanganye akabakaba miliyoni 14.

Polisi kandi yahamagawe n'umugore wo muri Asia winjiye muri iki gihugu akoresheje viza y'ukwezi kumwe, avuga ko yibwe asaga miliyoni 30 z'amanyarwanda.

Nk'uko ikinyamakuru Gulf News kibitangaza, iperereza ryerekanye ko uyu mugore yakiriye aya mafaranga asabiriza,

Burigadiye Jenerali Saeed Suhail Al Ayali, Umuyobozi wungirije w'ishami rusange rishinzwe kurwanya ubugizi bwa nabi, mu kiganiro n'abanyamakuru ku cyicaro gikuru cya polisi cya Dubai, yavuze ko bahangayikishijwe n'ikibazo cy'abanyamahanga bo muri UAE barimo kwishora mu gusabiriza ngo babeho.

Ati: 'Abasabirizi bagera kuri 90 ku ijana bafashwe ni abashyitsi kandi baza muri Ramadhan kugira ngo babone amafaranga yoroshye kuko bazi ko UAE ari igihugu gikize kandi abantu hano bahora bifuza gufasha. Dufite itsinda ry'abapolisi bashinzwe guhashya abasabiriza.'

Al Ayali, yashimangiye ko gusabiriza ari ibintu birwanya umuco w'iterambere bikamunga sosiyete kandi ubusanzwe bizamuka mu kwezi gutagatifu kwa Ramadhan.

Yasabye abantu kudashukwa n'abasabirizi kuko gusabiriza bishobora gukurura ibindi byaha nko kwiba no gukoresha abana, abasaza ndetse n'abiyemeje gushaka amafaranga mu buryo butemewe.

Ati: 'Abasabirizi benshi ni abariganya, baza muri Ramazani kuri viza yo gusura bakaza kuzenguruka imisigiti. Ntimukabagirire impuhwe, ahubwo muge mutanga ubufasha bwanyu cyangwa amafaranga mu miryango y'abagiraneza mu gihugu.'

Abaturage kandi baburiwe kwirinda gusabiriza ku mbuga nkoranyambaga. Ati: 'Abantu bagomba kwitonda igihe bakiriye ubutumwa cyangwa inyandiko ku mbuga nkoranyambaga zerekeye abakene bakeneye ubufasha kuko ibyinshi atari ukuri.'

Mu rwego rwo kurwanya gusabiriza muri Ramazani, abapolisi bagabanyijwe mu mijyi no mu turere dutandukanye hashingiwe ku hazwiho kugira abasabirizi benshi.

Source : https://umuryango.rw/imyidagaduro/article/dubai-uwasabirizaga-yatawe-muri-yombi-nyuma-yo-gusanganwa-miliyoni-89

Ni umwanzuro wafashwe Ku wa Mbere tariki 20 Werurwe 2023 n'rukiko rwo muri Leta ya Florida rwahamije icyaha aba basore batatu barimo Michael Boatwright, Dedrick Williams na Trayvon Newsome cyo kwica barashe umuraperi XXX Tentacion muri Kamena 2018.

Amakuru dukesha BBC avuga ko aba basore uko ari batatu bahamijwe ubwicanyi bwo ku rwego rwa mbere ndetse bashobora guhanishwa igifungo cya burundu.

Umwaka ushize nibwo hafunzwe Robert Allen wagize uruhare mu rupfu rw'uyu muraperi aza no gutanga ubuhamya kuri abo bagenzi be batatu hanaherewe ku mashusho yafashwe na camera zo ku muhanda zagarageje ko XXX Tentacion yibasiwe n'abasore babiri bamwambura igikapu cyari kirimo amafaranga bahita bamurasa.

Tariki 18 Kamena 2018 ni bwo umuraperi XXX Tentacion yarashwe ku manywa y'ihangu mu mujyi wa Plantation wo muri Leta ya Florida.

XXX Tentaction yakoze indirimbo zakunzwe a benshi zirimo Bad, Infinity ndetse n'izindi.

Source : https://umuryango.rw/imyidagaduro/article/abishe-umuraperi-xxx-tentacion-bahamijwe-icyaha-nyuma-y-imyaka-5-yitabye-imana

Umuyobozi w'abatavuga rumwe n'ubutegetsi Raila Odinga yatangaje ko imyigaragambyo yo kurwanya leta yatangiye ku wa mbere izakomeza buri wa mbere no ku wa kane guhera mu cyumweru gitaha.

Mu kiganiro n'itangazamakuru cyabaye kuri uyu wa kabiri tariki ya 21 Werurwe,mu kigo cya Jaramogi Oginga Odinga Foundation i Nairobi,Raila Odinga yavuze ko imyigaragambyo yabereye ejo i Nairobi no mu tundi turere tw'igihugu ko 'yatanze umusaruro cyane', ashimangira ko atazahagarara kugeza igihe Perezida William Ruto yumviye ibyo basaba.

Bwana Odinga yashinje abapolisi kuba barateje akaduruvayo n'urugomo byagaragaye mu myigaragambyo, avuga ko yahitanye ubuzima bw'abantu babiri abandi benshi bagakomereka.

Ati”Benshi mu bigaragambyaga barababajwe kandi byibura Abanyakenya babiri b'inzirakarengane bishwe n'abapolisi. Twihanganishije byimazeyo imiryango yabuze ababo kubera ubugome bwa polisi. Tuzafatanya n'iyo miryango gushakira ubutabera abo bakunda.”

Yakomeje avuga ko abapolisi bagerageje kumuhitana we n'umuyobozi w'ishyaka rya Wiper Kalonzo Musyoka kuko bivugwa ko barashe ku modoka zabo.

Odinga ati: “Habayeho kugerageza guhitana ubuzima bwa Raila Odinga na Kalonzo Musyoka. Imodoka zabo zararashwe ariko ku bw'amahirwe nta wakomeretse.”

Yemeje ko azarega umuyobozi wa polisi ya Nairobi, Adamson Bungei,mu karere ndetse no ku rwego mpuzamahanga.

“Ni muri urwo rwego, twamaganye guceceka kwa IPOA na KNHCR kuba Ruto yarakoresheje nabi abapolisi. Tugiye kureba umuntu ku giti cye ndetse n'abapolisi bakoze ibinyuranyije n'Itegeko Nshinga. Kugeza ubu tugiye kurega Bwana Adamson Bungei ku giti cye.

Odinga ati: “Tuzakurikirana ibi birego mu karere ndetse no ku rwego mpuzamahanga.”

Umuyobozi w'abatavuga rumwe n'ubutegetsi yashimangiye ati: “Uru rugamba nibwo rutangiye gusa ntituzasubira inyuma. Ntabwo tuzaterwa ubwoba. Nta kumanika amaboko”.

Source : https://umuryango.rw/amakuru/mu-mahanga/umutekano/article/nta-kumanika-amaboko-raila-odinga-yiyemeje-guhangana-byeruye-na-william-ruto

Aya mahugurwa akaba yari yateguwe n’Ishyirahamwe mpuzamahanga ry’umukino wa karate Shotokan (ISKF). Mu Rwanda aya mahugurwa yari yanitabiriwe n’uhagarariye iri shyirahamwe mu mu gihugu, Bwana Nduwamungu Sesiha Jean Vianney. Umuyobozi mukuru w’ishyirahamwe ry’umukino wa karate Shotokan kw’isi, (Chairman & ChiefInstructor International Shotokan Karate Federation) bwana Hiroyoshi Okizaki ufite Dan 9 muri uyu mukino, niwe watanze aya mahugura.

Nduwamungu uhagarariye uyu mukino mu Rwanda yishimira ko yabashije kubona aya mahugurwa, kuko yatumye arushaho kuzamura ubumenye ku rwego mpuzamahanga. Ibi byanatumye abona icyemezo kimuhesha uburenganzira bwo kuba umutoza wa Karate Shotokan ku rwego mpuzamahanga, akaba ari nawe mutoza rukumbi u Rwanda rugize uri kuri uwo rwego.

Nduwamungu ahanganye na Hiroyoshi mu mukino bakinnye nyuma y’amahugurwa 

Nduwamundu kandi akaba yaranatsinze ikizamini kimuhesha Dan ya 5 muri uyu mukino, akavuga ko ibi ni iby'agaciro kuko bizatuma umubare w’abarimu muri uyu mukino wiyongera mu Rwanda, kuko kuzagirana ubufatanye mu guhugurana no kugira ubuvugizi mu mahanga.'

Mu gusoza aya mahugurwa y’abarimu mu mukino wa karate Shotokan, Abayobozi b'uyu mukino ku rwego mpuzamahanga barangajwe imbere na Hiroyoshi Okazaki bemeje ko muri Kanama uyu mwaka, amahugurwa nk'aya azabera i kigali, akazanitabirwa n'umwe mu barimu bakomeye cyane mu mukino wa Karate Shotokan Denis Hoode. Uyu akaba amaze gusura u Rwanda inshuro 2.

Jean Vianney Nduwamundu Sesiha uhagarariye iri shyirahamwe rya karate Shotokan mu Rwanda, yemeza ko 'aya ni  amahirwe akomeye abakarateka bu Rwanda tubonye cyane ko cyari ikifuzo twari dufite, ibi bikazatuma umubare w’abarimu bafite ubumenyi kandi bemewe ku rwego mpuzamahanga wiyongera bityo bigatuma umukino karate Shotokan utera imbere.'

Kanama uyu mwaka, u Rwanda ruzakira amahugurwa y’abatoza muri Karate Shotokan 

Nduwamungu yatahukanye Dany ya 5 muri aya mahugurwa yaberaga muri Afurika Y’Epfo

Source : https://inyarwanda.com/inkuru/127327/u-rwanda-rugiye-kwakira-amahugurwa-yabatoza-mpuzamahanga-mu-mukino-wa-karate-127327.html

Akarere ka Musanze ni kamwe mu Turere dutanu tugize Intara y'Amajyaruguru kashyizweho n'Itegeko Nᵒ 29/2005 ryo kuwa 23 Ukuboza 2005, rishyiraho kandi rigenga Inzego z'Imitegekere y'Igihugu. 

Akarere ka Musanze gakomoka ku cyahoze ari Umujyi wa Ruhengeri, Akarere ka Mutobo, Akarere ka Kinigi, Imirenge 14 y'icyahoze ari Akarere ka Bugarura n'Imirenge 3 y'icyahoze ari Akarere ka Bukamba.

Ni kamwe mu turere twabereyemo ibitaramo by'umuziki bikomeye nka Primus Guma Guma Super Stars n'ibindi, ndetse haberaga ijonjora rya Nyampinga w'u Rwanda.

Ni akarere kazwi cyane mu Rwanda, ahanini binaturutse ku kuba ari yo nzira ba mukerarugendo bifashisha basura ibyiza bitatse u Rwanda n'ibindi.

Kuri ubu uruganda rwa Skol ruratangaza ko rukomeje ibitaramo bizagera mu Ntara zitandukanye z'u Rwanda bizwi nka 'Nyega Nyega', hagamijwe kumenyekanisha ikinyobwa cya Skol Lager.

Ibi bitaramo bizabera mu Mujyi wa Musanze ku wa Gatanu tariki 24 Werurwe 2023 no ku wa Gatandatu tariki 25 Werurwe 2023, guhera saa cyenda z'amanywa kuri sitade Ubworoherane.

Byatumiwemo Orchestre Impala, umuhanzikazi Marina, Bushali, Papa Cyangwe ndetse na Mr Kagame.

Ibi bitaramo bigiye kubera i Musanze, nyuma y'uko aba bahanzi batanze ibyishimo ku baturage bo mu Karere ka Muhanga mu byumweru bibiri bishize.

Mu baririmbiye i Muhanga ntabwo Marina arimo kubera ko atari kuri gahunda. Yanditse kuri konti ya Instagram ateguza abafana be n'abakunzi be kutazacikwa n'iki gitaramo. Kwinjira muri ibi bitaramo, usabwa kugura Skol Lager 2 ku mafaranga 1000 Frw. 

Ibitaramo bya SKOL bigiye gukomereza i Musanze nyuma yo kuva i Muhanga  

Marina uzwi mu ndirimbo nka ‘Ni wowe’, ‘Ok’ yakoranye na Li John ategerejwe mu Karere ka Musanze  

Impala nazo ziri mu bagiye kuririmbira i Musanze

Umuririmbyi Munyanshoza Dieudonné wamenyekanye nka Mibirizi agiye kongera gutaramira abakunzi be 

Joselyne, umwe mu bahanzikazi babarizwa muri Orchestre Impala-Ibyishimo byari byose kuri we ubwo bataramiraga i Muhanga mu bitaramo bya Skol

Umuraperi Papa Cyangwe yifashishije indirimbo ze zakunzwe yacanye umucyo i Muhanga mu gitaramo giheruka

Umuhanzi Mr Kagame, byageze aho yikura umwenda wo hejuru yari yambaye ubwo yari ku rubyiniro i Muhanga 

Ibi bitaramo bigamije kumenyekanisha birushijeho inzoga ya Skol Lager 

Bushali imbere y’abakunzi be mu Karere ka Muhanga  

Ibi bitaramo bihuza abantu banyuranye, binyuze mu kubegereza ibinyobwa bya SKOL

Kanda hano urebe amafoto menshi

Source : https://inyarwanda.com/inkuru/127315/abarimo-marina-bushali-na-mr-kagame-bagiye-gutaramira-i-musanze-mu-bitaramo-bya-skol-127315.html

Bamwe mu baturage bagana amavuriro ya leta, baravuga ko babangamiwe na serivisi mbi bahabwa kwa muganga, aho usanga abaganga bibereye kuri telefone abandi bibereye mu biganiro byabo, kandi hari abarwayi babuze ababakira.

Ibi ngo byatumye bamwe bafata icyemezo cyo kujya bivuriza mu mavuriro yigenga(Privé) kuko ariho bitabwaho .

Umwe mu barwayi itangazamakuru rya Flash ryasanze ku bitaro bya muhima, avuga ko ku itariki 13 Werurwe 2023, yakoze impanuka azanwa ku bitaro bya Muhima, aho guhabwa ubutabazi bwibanze abwirwa ko atavurwa adafite amafaranga y'ubwishyu.

 Yatashye mu rugo ajya gushaka amafaranga aho ayaboneye agarutse abwirwa ko igisebe cye yagitindanye, bityo ko badafite ubushobozi bwo kumuvura ko bamuha taransiferi (transfer) akajya ahandi.

 Aha niho ahera asaba ko aho bibaye ngonbwa bajya batanga ubutabazi bw'ibanze bagatabara ubuzima bw'umuntu akishyuzwa amafaranga nyuma ariko nibura yavuwe.

Ati 'Ndataha ndicara nshaka aho nzakura amafaranga nyine biranshanga ndayabura, ubwo naje gushakisha munshuti hirya no hino amafaranga ndayabona ndaza ndishyura, maze kwishyura dogiteri arambwira ngo igisebe naragitindanye birasaba ko bampa 'transfe'r nkajya ahandi.'

Uyu kimwe n'abandi bagana amavuriro ya Leta bakomeza bavuga ko bakirwa nabi ndetse bakanabwirwa nabi n'abaganga.

Ibi ngo byatumye bahitamo kujya bivuza mu mavuriro yigenga kuko ariho bitabwaho.

Umwe ati 'Kuri ibi bitaro bya muhima ujyayo umeze nabi, aho kugira ngo muganga akuvure akifatira telefone akireberamo, ugasanga niba wahageze saa moya akwakiriye saa yine, kandi waje urembye akaba ari nayo mpamvu umuntu ahitamo kutivuriza kuri mutuelle, nivuriza muri privé(ibitaro byigenga), nonese kugera ahantu mu gitondo bakakwakira saa sita ntiwashobora ukajya muri privé ugatanga bitanu(5000Frw) bakaguha imiti ukitahira.'

Undi ati 'Njye barantindanye umwana agiye kundembana. umwana mujyana muri privé usanga nyine ari igihombo byangizeho numva birambabaje, cyane kubu nka muutuellr nshobora kumara umwaka ntayivurijeho, kuko usanga kwa muganga ntacyo bagufasha.'

Mugenzi we ati 'Nari nagiye mu gitondo mpava saa cyenda, urumva ko ari ikibazo rwose.'

Aba baturage barasaba inzego zibishinzwe kubafasha gukosora iki kibazo cyo kutakira neza abagana amavuriro ya Leta.

Umwe ati 'Rwose batwingingire abaganga niba bageze mu kazi telefone zabo bazibike babanze batwakire, nibabona baturangije bakoreshe telefone zabo.'

Undi ati 'Ikintu bagomba gukosora ni uko nta muryango ugomba kujya ufungwa , niba umwe agiye muri pause(ikiruhuko) undi ahasigare.'

Mugenzi we ati 'Nibadufashe bongere abaganga.'

Umuyobozi w'ibitaro bya muhima, Dr Steven Mugisha, asobanura ko ubucye bw'abaganga kandi bakira abarwayi benshi, aribyo bitera iki kibazo cyo kwakirwa nabi ariko akaba yizeza ababagana ko vuba bidatinze iki kibazo kiraba cyabonewe umuti.

Ati 'Mu bigo by'ubuvuzi mu gihugu  hirya no hino, umubare w'abaganga ntuhagije, kandi twita ku barwayi benshi bituma babandi twitaho batabasha guhabwa serivisi inoze, Cyiri mu bibazo bikomeye cyane ndetse na Minisante ishyize imbere. Twizera ko mu ntangiro z'ukwezi kwa kane, Minisante ifite gahunda yo kongera umubare w'abakozi bakora kwa muganga, kugira ngo bahaze serivisi abaza batugana bahabwa, ni ikibazo ariko gifitiwe umuti mu gihe cya vuba turizera ko kiza gukemuka.'

Ni kenshi hirya no hino mu gihugu abaturage bagaragaza ikibazo cy'uko bahabwa  serivise mbi mu mavuriro ya Leta, iki kibazo kandi cyagarutsweho mu myanzuro y'inama y'umushyikirano, aho byanzuwe ko hakwiye kuvugururwa serivisi z'ubuvuzi no kwakira neza abagana amavuriro.

Eminente Umugwaneza

The post <strong>Abagan ibitaro bya leta barinubira serivisi bahabwa</strong> appeared first on FLASH RADIO&TV.

Source : https://flash.rw/2023/03/22/abagan-ibitaro-bya-leta-barinubira-serivisi-bahabwa/?utm_source=rss&utm_medium=rss&utm_campaign=abagan-ibitaro-bya-leta-barinubira-serivisi-bahabwa

Ibi bikomejwe kw’itega any time soon ko uyu muyobozi wahoze ayobora amerika akaba yarashinjwe gukorana na Vladimir Putin ashobora gutabwa muri yombi akurikiranweho icyaha cyo kutamenyekanisha amafaranga yahaye Umukinyi wa prono Ngo atamwandagaza , nubwo byarangiye n ubundi abikoze.

Iyi nkuru turacyayikurikirana