Category: Uncategorized

Ntiyakunze kugaragazwa mu ruhame kuva yavuka nk’abana b’ibindi byamamare, gusa ubwo yari yujuje umwaka, Myla ababyeyi be Meddy na Mimi basangije ababakurikira amafoto y’uyu mukobwa bamukoreye ibirori.

Uyu munsi tariki ya 23 Werurwe 2023 ni bwo umuhanzi nyarwanda ukorera umuziki we muri Leta Zunze Ubumwe za Amerika, Ngabo Medard [Meddy] yasangije abamakurikira AMAFOTO y’umwana we na Mimi Mehfira ukomoka muri Ethiopia bari mu birori by’isabukuru ye.

Meddy ifoto imwe y’uyu mukobwa yayiherekeresheje amagambo agira ati “igikomangomakazi cyanjye. Umwana wanjye yujuje umwaka 1 w’amavuko.”

Tariki ya 23 Werurwe 2022 nibwo Meddy ni bwo yahishuye ko umugore we Mimi yibarutse imfura ya bo bise Myla Ngabo.

Aba bombi bakoze ubukwe muri Gicurasi 2021, bubera muri Amerika muri Leta ya Dallas aho aba bombi baba.

Mu ijoro ryo ku wa Gatanu tariki 19 Ukuboza 2020, nibwo Meddy yasabye uyu munya-etiyopiyakazi ko yareka igihe basigaje ku Isi bakazakimarana.

Muri Kanama 2019, Mimi yari yatangaje ko nyuma y’igihe amaranye n’uyu musore yabonye ari umwizerwa bityo ko amusabye ko babana atazuyaza.

Tariki ya 1 Mutarama 2019 ni bwo Meddy yerekanye umukunzi we mu Rwanda mu gitaramo cya East African Party Meddy yari yatumiwe kuririmbamo, akaba ari nabwo uyu mukobwa w’imyaka 30 aheruka mu Rwanda ariko akaba yavuze ko ari hafi kugaruka.

Urukundo rwa Meddy na Mimi rwatangiye muri 2017 ubwo Meddy ubwe yatangazaga ko hari umukobwa utari Umunyarwanda asigaye atereta uba muri Amerika.

Myla yujuje umwaka umwe

Ari kumwe n’ababyeyi be

Imyanda y'ubwoko bwose iyo itabungabunzwe ngo ishyirwe aho igomba kujya, itera ibibazo birimo no kwangiza ibidukikije.

Mu myanda harimo ibora n'itabora, ariyo akenshi usanga ikeneye kubyazwamo ibindi bikoresho kugira ngo habungabungwe ubuzima n'ibidukikije.

Ubushakashatsi bwakorewe mu Rwanda nk'uko tubikesha Enviroserve Rwanda, bwerekanye ko kuva mu 2010 kugeza 2014 ibikoresho by'ikoranabuhanga byinjiraga mu Rwanda byikubye inshuro eshanu kandi bikaba bishobora kubyara imyanda (ituruka ku bikoresho by'ikoranabuhanga) ingana na toni 9.417.

Muri iyi myanda ingana na toni 9.417; toni 7,677 ni ukuvuga 81.52% zituruka ku bantu ku giti cyabo, mugihe toni 1,143 (12.14%) zituruka mu bigo bya Leta naho toni 597 (6.34%) zikava mu bigo byigenga. Ibi ahanini bikaba biterwa no kwiyongera kw'ikoreshwa ry'ikoranabuhanga mu nzego zose z'ubukungu harimo itumanaho rigendanwa, uburezi, ubuzima, imari, no gutanga serivisi.

Mu Rwanda kandi ibijyanye no kugura firigo zo mu ngo ndetse na AC (Air Conditioning cyangwa se imashini ikoreshwa mu gutanga umwuka ukonje) biriyongera, kandi biteganyijwe ko biziyongera kurushaho mu myaka 15 mu gihe abaturage n'ubukungu bikomeje kwiyongera.

Ibi n'ibindi bikoresho by'ikoranabuhanga bikomeza kwiyongera, iyo bishaje benshi babijugunya aho babonye hose cyangwa se bakabivanga n'indi myanda.

Byinshi mu bikoresho by'ikoranabuhanga n'ibikoresho bikonjesha iyo bishaje, imyanda yabyo ishobora kuba uburozi, cyangwa se ikanateza ibindi bibazo ku bidukikije harimo kugira uruhare mu kugabanuka kwa Ozone no gutera ubushyuhe bukabije ku isi.

Niyo mpamvu hateguwe igikorwa cy'umuganda kugira ngo habeho gukusanywa kw'ibyo bikoresho bitabora by'ikoranabuhanga n'ibikonjesha bitagikoreshwa (imyanda), kugira ngo n'uwaba abifite abizane babimugurire bizabyazwemo ibindi cyangwa se bitunganywe mu buryo butangiza ibidukikije.

Mu kiganiro na Félix Mihigo, Umuyobozi ushinzwe Ibikorwa muri Enviroserve Rwanda ifite mu nshingano iki gikorwa, ubwo twamubazaga uburyo babikora kugira ngo abaturage bose bamenye ko imyanda y'ikoranabuhanga ikoreshwa, yatubwiye ko bakorana n'aba 'agents' hirya no hino mu gihugu. 

Yagize ati: 'Dukoresha uburyo bwa drop off/ collection points. Ziri hirya no hino mu ntara. Zifite aba agents bazikoraho bafasha abaturage kuzikusanya.'

Mu gushishikariza abaturage kuzana ibyo bikoresho kandi, ngo bashyiraho n'ibihembo kubabizana.

Ati: 'Kugira ngo zize dukora ubukangurambaga harimo kuzana izo bafite bakaba batsindira ibihembo, nk'ama unite na MBs bya phone, cyangwa se bagatsindira refurbished laptops (imashini zigendanwa zongeye gutunganywa).'

Uyu muganda kandi unagamije gushishikariza no gukangurira abaturage kumenya ko ibikoresho by'ikoranabuhanga bishaje bitavangwa n'indi myanda, ahubwo ko bajya babitanga bikagurwa bikabyazwamo uwundi musaruro.

Uyu muganda uzaba kuwa Gatandatu w'iki cyumweru turimo, tariki 25 Werurwe 2023 muri IPRC Kicukiro.

Ni umuganda utumiwemo abaturage bose bazabishobora, abafite ibikoresho bishaje by'ikoranabuhanga bakabizana. Ni igikorwa cyateguwe ku bufatanye bwa Global Green Growth Institute (GGGI) ku bufatanye na MINICT, RURA, R-COOL na Enviroserve, ukaba uri mu mushinga w'amezi atandatu y'ubukangurambaga ku bijyanye n'imyanda y'ikoranabuhanga.

Uzitabirwa n'ibigo bya Leta na za Minisiteri harimo Minisiteri y'Ikoranabuhanga 'MINICT, Minisiteri y'Ibidukikije 'MoE', MINALOC, MININFRA;

Ibigo bya Leta nka REMA, RURA, RDB, NIRDA, GMO, RISA, FONERWA; n'ibigo by'uburezi nka RP, IPRCs na UR.

Imyanda y'ikoranabuhanga iyo ijugunywe ahabonetse hose iteza ibibazo bikomeye

Iyi myanda ishobora kubyazwa undi musaruro 

Aho wasanga aba agents ba Enviroserve Rwanda, ukabaha imyanda y'ikoranabuhanga

Uburyo bwiza bwo kubika imyanda ni ukuyibika ukurikije imiterere n'ubwoko bwayo 

Igikorwa cy'umuganda giteganyijwe kuwa Gatandatu muri IPRC Kicukiro 

Ikipe y’igihugu y’u Rwanda, Amavubi yasoje ari abakinnyi 10 nyuma y’uko Sahabo yahawe ikarita itukura, yanganyije na Benin 1-1 mu mukino utari woroshye.

Wari umukino w’umunsi wa 3 w’itsinda L mu gushaka itike y’igikombe cy’Afurika cya 2023 kizabera muri Côte d’Ivoire.

Benin yari yakiriye Amavubi kuri Stade del’Amitié, u Rwanda rukaba nta mahirwe yahabwaga.

Rwagiye gukina uyu mukino nyuma y’uko ejo Benin yayakuye mu kibuga adasoje imyitozo.

Ku munota wa 5 w’umukino Meddie Kagere yahushije amahirwe y’igitego cyabazawe.

Amavubi yakomeje gukina ashakisha igitego aza kukibona ku munota wa 11 gitsinzwe na Mugisha Gilbert.

Ni ku mupira mwiza Hakim Sahabo yacomucomekeye nta kindi yakoze yahise atsinda igitego.

Benin yashize igitutu ku Rwanda, irema uburyo bwinshi ndetse inatera mu izamu ariko umunyezamu Ntwari Fiacre yitwara neza. Amakipe yagiye kuruhuka ari 1-0.

Iminota ya mbere y’igice cya kabiri, Benin yarushaga ikipe y’igihugu y’u Rwanda Amavubi.

Ku munota wa 51, Ishimwe Christian yasimbuye Imanishimwe Emmanuel wagize ikibazo cy’imvune.

Ku munota wa 57, Ishimwe Christian yagerageje ishoti rikomeye ariko umunyezamu awukuramo.

Ku munota wa 58 Muhire Kevin yahinduye umupira mwiza imbere y’izamu ariko Meddie Kagere ananirwa kuwushyira mu izamu.

Ku munota wa 60, Sahabo Hakim w’u Rwanda yabonye ikarita y’umutuku. Yakururanye ahabwa umuhondo usanga undi yabonye umukino ugitangira kubera ko yari yambaye kora idasa n’imyenda (Jersey).

Ku munota wa 66 umutoza yakoze impinduka 3, Muhire Kevin, Bizimana Djihad na Meddie Kagere bavuyemo hajyamo Rwatubyaye Abdul, Ally Niyonzima na Mugenzi Bienvenue ni na ko Mugisha Gilbert yaje guha umwanya Mugisha Bonheur.

Kubera guhuzagurika yaje k’ubwugarizi bw’u Rwanda, Amavubi yaje gutsindwa igitego na Steve Moune ku munota wa 82.

Benin yakomeje gushyira igitutu ku Rwanda ishaka igitego cy’intsinzi ariko Fiacre aba ibamba. Umukino warangiye ari 1-1.

Amavubi azagaruka mu kibuga tariki ya 27 Werurwe n’ubundi akina na Benin mu mukino w’umunsi wa 4 w’itsinda L.

11 Carlos Alós Ferrer yabanje mu kibuga

Ntwali Fiacre Omborenga Fitina, Manzi Thierry, Mutsinzi Ange Jimmy, Imanishimwe Emmanuel Mangwende, Bizimana Djihad, Muhire Kevin na Hakim Sahabo, Mugisha Gilbert, Rafael York na Meddie Kagere

Ba kapiteni n’abasifuzi mbere y’umukino

Kagere Meddie yagerageje ariko biranga

Mugisha Gilbert ni we watsindiye Amavubi

Bishimira igitego cya Mugisha Gilbert

Amavubi yaguye miswi na Benin

Bwabitangaje ku wa 21 Werurwe 2023 mu kiganiro cyahuje inzego zihuriye kuri ubwo bufatanye zagiranye n'itangazamakuru mu kwitegura umuhango wo kwizihiza imyaka 20 y'ubwo bufatanye uzaba ku wa 24 Werurwe 2022.

Mu myaka 20 ishize Suède yafatanyije na UR mu nzego zirimo ubuhinzi, ubuzima, ibidukikije, siyansi, ubumenyi rusange ndetse na gahunda yo gushishikariza abagore kwitabira siyansi n'inzego z'ubuyobozi, bigakorwa bafasha abanyeshuri kuziminuzamo ariko icyo gihugu kigatanga n'amafaranga yo gukora ubushakashatsi.

Umuyobozi wa Kaminuza y'u Rwanda, Dr Kayihura Muganga Didas yavuze ko 'kuri ubu ikigezweho ari ukubaka ubushobozi, tugikisha abanyeshuri bakorera PhD [impamyabumenyi y'ikirenga] hano mu Rwanda batiriwe bajya [muri Suède]. Umwaka ushize abagera kuri 25 bakoreye PhD mu Rwanda. '

Dr Kayihura avuga ko iyi gahunda iri mu murongo wa leta wo kongera umubare w'abakorera PhD, binyuze mu biganiro byahuje impande zombi, 'bive mu kubohereza hanze hagabanywa n'ikiguzi gitangwa ahubwo bigire hano dore ko ubushobozi butangiye kuboneka.'

Amasomo azibandwaho mu gukorera PhD arimo ajyanye no gukora inkingo, ibijyanye n'ubumenyi bwo gusesengura amakuru (Data Science), gukemura amakimbirane n'ibijyanye n'umutekano, ubuhinzi, ikoranabuhanga ndetse n'ubuvuzi muri rusange.

Mu gihe cy'imyaka 20 ubu bufatanye bumaze binyuze muri porogaramu yo guteza imbere uburezi (UR-Sweden Program), bwatumye abagera kuri 88 barimo abagore 30 n'abagabo 58 bakorera PhD mu masomo atandukanye.

Mu rwego rw'ubushakashatsi UR-Sweden Program yateye inkunga ubugera ku bihumbi 2121 kuva mu 2013 kugeza ku 2022 ndetse ubwo bushakashatsi bwakoreshejwe n'abandika ibindi bitabo bagera ku 2842 kuva mu 2013 kugera mu 2018.

Ubushakashatsi bugera kuri 719 bwasohowe mu bigo by'ubushakashatsi bushingiye ku bumenyi (Scientific Journals).

Mu nkunga zahawe abakora ubushakashatsi, 36 zahawe abakora ubushakashatsi busanzwe, 26 ku bari gukora ubushakashatsi nyuma yo kubona PhD , 13 ku basoje PhD bakora ubushakashatsi mu gihugu, mu gihe 49 zahawe abagore bakora ubushakashatsi mu nzego zitandukanye.

Dr Anne Marie Kagwesagye, ni umwarimu muri UR wasoje amasomo muri UR-Sweden Program mu bijyanye n'uburezi, avuga ko akimara gusoza amasomo atari kuguma iyo yize ahubwo yagombaga gutanga umusanzu mu bijyanye no kwigisha ndetse no gukora ubushakashatsi bugirira akamaro Abanyarwanda.

Kuri ubu ahagarariye umushinga wa MasterCard Foundation, ufasha mu gutegura abanyeshuri kuzagira uruhare mu buyobozi bw'ejo hazaza hagamijwe gushaka ibisubizo by'ibibazo bahura nabyo, no kubatoza ibijyanye no kwihangira imurimo.

Dr Kagwesagye avuga ko gutangiza porogaramu yo kwigisha abakorera PhD mu Rwanda bizafasha mu buryo butandukanye cyane ko 'ubumenyi bazajya bahabwa buzajya buhita butangwa mu mashuri aho gutegereza ko basoza imyaka runaka ngo amasomo asozwe.'

Umuyobozi Mukuru wa UR wungirije ushinzwe igenamigambi n'imiyoborere, Ndikumana Raymond wanasoje muri iyi porogaramu mu masomo ajyanye n'icungamutungo n'imiyoborere, avuga ko iyi porogaramu yagize uruhare rufatika mu gukemura ibibazo umuryango nyarwanda uhura nabyo.

Yagaragaje ko ubu hubatswe amasomero agezweho mu mashami yose ya UR, bikajyana no kubaka ikigo kijyanye no gusesengura amakuru (data Center), n'imishinga yo kureba uko imirire mibi yagabanuka bigizwemo uruhare n'abashakashatsi b'iyi kaminuza.

Yerekanye ko ubumenyi bwakuwe muri ubu bufatanye bwafashije no gutunganya igishanga cya Muvumba mu Karere ka Nyagatare cyari kigizwe n'imyunyu yatumaga kitabyazwa umusaruro ariko ngo uyu munsi abaturage batangiye kugihingamo umuceri, binyuze mu kwiga ikoranabuhanga ryatumye iyo myunyu igabanyuka.

Ku bijyanye n'ikoranabuhanga, ubu bufatanye bwafashije mu kubaka ibigo by'icyitegererezo na za laboratwari zitandukanye aho ishingwa ryabyo ryagizwemo uruhare n'abasoje amasomo muri ubwo bufatanye.

Uretse gahunda nshya yo gufasha u Rwanda kujya rwigisha abashaka PhD, Ambasaderi wa Suède mu Rwanda, Johanna Teague, yavuze ko bari kwinjira mu bufatanye bushya burimo no kongera umubare wa za kaminuza zo muri iki gihugu zigakorana n'izo mu Rwanda kugira ngo ibiva mu bushakashatsi bigirire akamaro abaturage b'impande zombi.

Umuyobozi wa UR, Dr Didas Kayihura Muganga ari kumwe na Ambasaderi wa Suède mu Rwanda bagaragaza umusaruro w’ubufatanye mu burezi mu gihe cy’imyaka 20

Umuyobozi Mukuru wa UR wungirije ushinzwe igenamigambi n'imiyoborere, Ndikumana Raymond yagaragaje ko ubufatanye bwabo na Suède bwagize uruhare rukomeye mu guteza imbere kaminuza

Ambasaderi wa Suède mu Rwanda, Johanna Teague yagaragaje ko ubufatanye bwa UR na Suède buzakomeza mu isura nshya aho hazongerwa n’umubare wa za kaminuza zinjizwa muri ubu bufatanye

Ubufatanye bwa Suède na UR bukomeje kwagurirwa no mu zindi nguni hagamijwe guteza imbere uburezi

Umuyobozi wa UR, Dr Didas Kayihura Muganga yagaragaje ko ubufatanye bafitanye na Suède bugeze aho hatangizwa amasomo y’imyamyabumenyi y’ikirenga mu Rwanda

Umwarimu muri Kaminuza y’u Rwanda, Dr Kagwesage Anne Marie yavuze ko gutangiza amasomo ya PhD mu Rwanda bizafasha cyane kuko amasomo abanyeshuri bazajya bahita bayatanga kuri kaminuza ako kanya

Ibi byagarutsweho mu biganiro byateguwe n'uyu muryango bikitabirwa n'inzego zinyuranye ziganjemo iz'ubutabera nk'Ubushinjacyaha, abanyamategeko, RIB, Urwego rw'Igihugu rushinzwe Igorora, imiryango itegamiye kuri Leta n'abandi.

Mu byaganiriweho harimo icyuho kigaragara mu itegeko ryifashishwa mu guhana umuntu wasambanyije umwana.

Umuyobozi w'Umuryango, Center for Rule of Law Rwanda, Mudakikwa John, yavuze ko uwakoze icyaha akwiye guhanwa ariko ibihano biremereye cyane bituma ubutabera bukenewe butaboneka.

Ati 'Ubona uburyo batanga ikirego bikiri hasi cyane, iyo uganiriye na bo bakubwira ko badashaka gutanga amakuru. Kimwe mu byo batinya ni ukwirinda gufungisha abo bakunda. Abantu bahanwe ababikora bagabanuka ariko ibihano bihambaye usanga bidatanga ubutabera buboneye.'

Umwe mu baturage batanze ubuhamya yasobanuye uko umukobwa we yatewe inda n'umusore ufite imyaka 19 undi afite 16 ariko bajya gupimisha inda umusore agahita afungwa bikaba byaragize ingaruka ku mukobwa n'umwana babyaye.

Ati 'Amaze gufungwa byamuviriyemo guhita ahagarika ishuri kuko yageragayo bagenzi be bakamushinja gufungisha umuhungu bangana kandi nta ruhare we yabigemo. Ibyo bimubera igikomere.'

Uyu mubyeyi agaragaza ko uretse no kuba nta butabera buboneye bahawe ariko byakuruye n'amacakubiri mu muryango.

Abatanze ibitekerezo bagaragaje ko hari icyuho ku bijyanye no guhana abakoze iki cyaha kuko abana bari mu myaka imwe batagakwiye guhanwa nk'abakuru basambanyije umwana.

Uwari uhagarariye Ubushinjacyaha muri iyi nama nyunguranabitekerezo, Me Ninahazwa Roselyne, yashimangiye ko mu gutegura amategeko habaho impamvu zo guhana uwakoze icyaha ariko kandi bigakorwa mu gutinyisha abantu gukora icyo cyaha.

Ati 'Nibyo koko hagombye kurebwa n'impamvu zo guhana mu by'ukuri. Guhana uwakoze icyaha, gutinyisha abandi bantu bashobora gukora icyaha. Urebye ibirego byakirwa na RIB ukareba ibigera mu Bushinjacyaha n'ibihano bitangwa twakagombye kugira impungenge kuko n'ibihano bitangwa ubwabyo ni bito.'

Ubusanzwe itegeko riteganya ko iyo umuntu mukuru asambanyije umwana ahanishwa igifungo kitari munsi y'imyaka 20 ariko itarenze 25.

Rikomeza rigaragaza ko iyo bikurikiwe no kumugira umugabo cyangwa umugore, igihano kiba igifungo cya burundu kidashobora kugabanywa kubera impamvu nyoroshyacyaha.

Umunyamabanga Nshingwabikorwa wa AVEGA, Kalisa Etienne, yavuze ko uyu muryango witeguye no gukora ubuvugizi bugamije gutanga ubutabera kandi uwakorewe icyaha ntakomeze kubihomberamo.

Ati 'Wa muntu twavuze wakorewe icyaha, uwakimukoreye ahanwe ariko na we abone ubutabera bwuzuye. Mbivuze kubera ko hari ababyitwaza bakavuga ngo runaka ntafungwe. Ntekereza ko uyu ari umwanya w'ishyirwa mu bikorwa ry'ayamategeko agenga umuryango ariko uharanira kubaka ejo hazaza.'

Yavuze ko hakenewe ubufatanye bw'inzego zitandukanye mu kwigisha amategeko ku baturage no kubahamagarira kwirinda gukora ibyaha.

Umushinjacyaha Ninahazwa Roselyne yavuze ko itegeko ritahindurwa ahubwo kugena igihano byarekerwa ubushishozi bw’urukiko

Bamwe mu bitabiriye ikiganiro nyunguranabitekerezo cyateguwe na AVEGA