Webrwanda Backend

Category: Uncategorized

  • INGINGO Z'INGENZI Z'IMPAMVU YO GUSABA GUHINDUZA AMAZINA #rwanda #RwOT

    Turamenyesha ko uwitwa MASENGESHO Maombe mwene Kwizera Alphred na Nirere Donathille, utuye mu Mudugudu wa Mugwato, Akagari ka Cyimanzovu, Umurenge wa Shyira, Akarere ka Nyabihu, mu Ntara y'Iburengerazuba wanditse asaba uburenganzira bwo guhinduza amazina asanganywe ariyo MASENGESHO Maombe, akitwa MASENGESHO Sabrine mu gitabo cy'irangamimerere. Impamvu atanga yo guhinduza izina ni Niyo mazina nakoresheje mu ishuli kuva ngitangira kwiga.

    The post INGINGO Z'INGENZI Z'IMPAMVU YO GUSABA GUHINDUZA AMAZINA appeared first on RUSHYASHYA.

    Source : https://rushyashya.net/ingingo-zingenzi-zimpamvu-yo-gusaba-guhinduza-amazina-44/?utm_source=rss&utm_medium=rss&utm_campaign=ingingo-zingenzi-zimpamvu-yo-gusaba-guhinduza-amazina-44

  • Rusizi: Ubukene butuma hari abagore bakibyarira mu ngo #rwanda #RwOT

    Mu Karere ka Rusizi, haracyagaragara abagore bakibyarira mu rugo biturutse ku bukene nk'uko bigaragara mu buhamya bwatanzwe n'abatuye muri aka Karere.

    Ku nshuro ya Karindwi, nibwo Mvutsemurwango Mediane wo mu Murenge wa Bugarama, yabyariye mu rugo.

     Mu buhamya bwe agaragaza ko byaturutse ku kuba nta bwishingizi mu kwivuza Mutuelle de Santé yaguze kubera ko we n'umugabo we bakennye.

    Ati 'Nta bushobozi dufite pee! N'ubu mba mvuye gushakisha ngo abana babeho kandi umugabo wanjye nawe ni umusaza ntashoboye, ubwo rero ndareba ndavuga nti n'ubundi ninjya kwa muganga bazamboheraho, abana bazicwe n'inzara. Nibwo inda yamfashe  ndavuga nti niba ari ugupfa niba ari ugukira nkire. Njye icyo nari niteguye ni urupfu nt akindi.'

    Icyakora ngo aya mikoro macye yo kutishyura Mutuelle de santé ntabwo akwiriye kuba urwitwazo rwo kubyarira mu ngo nk'uko bisobanurwa na Twagiramungu Emmanuel, umwe mu bajyanama b'ubuzima mu Murenge wa Nyakarenzo.

    Ati 'Mutuelle ntabwo yakabaye ikibazo cyo kubyarira mu rugo. Mutuelle ube uyifite, ube utayifite, iyo ubonye ibimenyetso uhita wihutira kujya kwa muganga. Iyo atishoboye nk'ubuyobozi bukoresha uko bushoboye bukayimwishyurira.'

    Ibi bibazo ngo ni bimwe mu bibazo bihangayikishije abashinzwe ubuzima, kuko kubyarira mu ngo bishobora no gutuma habonekamo imfu n'ubundi busembwa ku babyeyi.

    Dr.Uzabakiriho Emmanuel, umuyobozi w'ibitaro bya Mibirizi biherereye mu Murenge wa Nyakarenzo arabisobanura.

    Ati 'Kubyarira mu ngo muri iki gihe tugezemo, ubuvuzi buri gutera imbere ntibikwiye.Barigishwa ariko kwigishwa ni uguhozaho, tuzakomeza tubigishe. Ibyari byo byose ubona ko imibare igenda igabanuka, twizere ko bazagera aho bakamenya ukuri kuko harimo n'abahaburira ubuzima bari kubyara cyangwa bakaba bagira n'ubundi busembwa  bakava bikabije, kuko hari abaza kwa muganga ubona ko bari mu bihe byabo bya nyuma hakaba hari nabo tudashobora gufasha.'

    Mu mezi atandatu ya nyuma y'umwaka wa 2022, mu Mirenge ikorana n'ibitaro bya Mibirizi habaruwe abagore 46 babyariye mu rugo, abenshi muri bo ni abo mu Murenge wa Bugarama, usanga bagifite imyumvire iri hasi.

    Sitio Ndoli

    The post <strong>Rusizi: Ubukene butuma hari abagore bakibyarira mu ngo</strong> appeared first on FLASH RADIO&TV.

    Source : https://flash.rw/2023/03/24/rusizi-ubukene-butuma-hari-abagore-bakibyarira-mu-ngo/?utm_source=rss&utm_medium=rss&utm_campaign=rusizi-ubukene-butuma-hari-abagore-bakibyarira-mu-ngo

  • Ingo 61% z'i Kigali zirakodesha: Ibintu 10 bigaragaza imibereho ya none – #rwanda #RwOT

    Aba banyarwanda barimo 6,817,068 b'igitsina gore bahwanye na 51.5%, na 6,429,326 b'igitsina gabo bahwanye na 48.5% by'abaturage bose. Nibura 27.9% baba mu mijyi, naho 72.1% baba mu byaro.

    Ni abaturage barimo kuzamuka ku rwego ruringaniye kuko ubu umubyeyi ashobora kubyara abana 3.6 bavuye kuri 8.6 mu 1978 bikaba umusaruro w'uruhurirane rw'ibikorwa bitadukanye, binatuma kugeza ubu icyizere cy'ubuzima kigeze ku myaka 69.6.

    Bijyana n'uko hubatswe inzego z'ubuzima hashyirwaho n'uburyo bworohereza uwarwaye kwivuza. Abaturarwanda bakoresha ubwishingizi bwa “Mutuelle de santé” ku rwego rwa 93%, abandi 4% bagakoresha ubwa RSSB, ijanisha rito risigaye rigasaranganywa n'ibigo by'ubwishingizi bisigaye.

    Abatunze inzu mu mijyi…

    Ibarura ryagaragaje ko Abanyarwanda bafite inzu zabo bwite ari 72%, mu gihe 22% bakodesha aho kuba.

    Iyi mibare yarahindutse cyane kuko nko mu 2012 abantu batunze inzu zabo bari 80%, abakodesha ari 15%.

    Mu byaro, muri rusange abafite inzu zabo ni 83%, mu gihe abakodesha ari 11%. Mu ntara zose n'Umujyiwa Kigali, abatunze inzu zabo ni benshi mu Majyaruguru kurusha ahandi kuko ari 87%, bakaba bake cyane muri Kigali kuko ari 34%.

    Ubushakashatsi bukomeza buti 'Mu murwa mukuru, ingo zisaga 61% z'abantu ku giti cyabo zibamo abantu bakodesha.'

    Rukarakara zubakishwa ku bwinshi

    Ibarura ryagaragaje ko 74% by'inzu mu Rwanda, zisakajwe amabati naho 26% ni amategura. Nibura 65% zubatswe ku Mudugudu.

    Nko mu Mujyi wa Kigali, inzu zisakaje amabati ni 99%, mu gihe mu majyepfo ari ho hari amabati make, kuko amategura ari 61%.

    Urebye inkuta, abantu benshi bubakishije inkarakara (67%), ibiti birobetsemo icyondo ni 18%. Abubakishije amatafari ahiye ni 4%.

    Imibare igaragaza ko muri izo nzu zose zituwemo, nibura impuzandengo y'abantu babiri basangira icyumba.

    Muri izi ngo kandi, 78% ni zo zifite ibyumba bituma abahungu n'abakobwa barara ahantu hatandukanye.

    Abaryama kuri matola mu mujyi ni 87.5% naho mu byaro ni 63.1%.

    Benshi batunzwe n'ubuhinzi

    Ibarura ryagaragaje ko nibura ingo 2.3 zitunzwe n'umurimo w'ubuhizi, zihwanye na 69% z'ingo zose.

    Intara y'Amajyepfo n'iy'Amajyaruguru nizo zifite abaturage benshi batunzwe n'ubuhinzi kuko bari hejuru ya 80% by'abaturage bazo bose.

    Mu byaro, ingo zikora ubuhinzi muri rusange ni 83%, mu gihe mu mijyi ari 34%.

    Ibihingwa byitabirwa cyane ni ibishyimbo kuri 79.9%, ibigori kuri 56.3%, imbuto kuri 48.7% kimwe n'imyumbati, ibijumba kuri 44.3% n'ibitoki kuri 24.4%.

    Mu bijyanye n'ubworozi, amatungo aboneka cyane ni inka, aho mu mijyi zorowe kuri 7.5%, naho mu byaro ni 36.3%.

    Uretse urwego rw'ubuhinzi rutanga imirimo ku gipimo cya 53.4%, indi mirimo ibamo abantu benshi ni ubucuruzi (9.0%), ubwubatsi (7.0%), ibikorerwa mu nganda (4.3%), ubwikorezi no kubika ibicuruzwa (4.1%).

    Isuku n'isukura

    Mu Rwanda, nibura ingo 82% zikoresha amazi meza yo kunywa ava ku migezi ibungabunzwe, mu gihe 18% bakoresha amasoko y'amazi atizewe.

    Mu mujyi wa Kigali niho bakoresha amazi meza kurusha ahandi kuko bageze kuri 97%, mu gihe aho bari hasi cyane ari mu Ntara y'Iburengerazuba iri kuri 75%.

    Mu bijyanye n'ubwiherero, ku rwego rw'igihugu, ingo zifite ubwiherero bwihariye ni 72%.

    Izi ngo kandi zo mu mujyi, usanga nk'isoko y'ibanze bakoresha y'ingufu batekesha, amakara ni 50% n'inkwi kuri 34%, mu gihe mu byaro, 93% bakoresha inkwi.

    Ibikoresho nkenerwa mu ngo

    Gutunga ibikoresho runaka mu rugo bigenda bitandukana bitewe n'aho abantu batuye.

    Urugero nko mu mijyi, niho hagaragara ingo nyinshi zitunze telefoni (89.9%), radio (91.5) na televiziyo (30.1%).

    Mu byaro, abatunze telefoni ni 73.2%, radio ni 77.2% naho televiziyo ni 5.0%.

    Abatunzi telefoni bose hamwe bari miliyoni 4,6, barimo miliyoni 1.1 batunze smartphones na miliyoni hafi 3,5 batunze udutelefoni dusanzwe.

    Abatunze imodoka, 5.3% ni abo mu mujyi, naho mu cyaro ni 0.4%. Ni kimwe na moto, 2.4% bazitunze baba mu mijyi, naho mu byaro ni 1.3%.

    Abashakanye n'abatandukanye

    Ubwo ibarura ryakorwaga, ryagaragaje ko hafi kimwe cya kabiri cy'abantu barengeje imyaka 12, ni ukuvuga 49.1%, babanaga n'abo bashakanye mu gihe 44.4% bari batarashaka.

    Ni mu gihe 4.6% bari abapfakazi, naho 0.2% bari baratandukanye mu buryo bweruye n'abo bashakanye, naho 1.7% ntibabanaga.

    Urwego rw'amashuri

    Ubushakashatsi bwagaragaje ko mu Rwanda hari abaturage bakuru miliyoni 8.2, barengeje imyaka 15.

    Muri bo, 79% nibo bazi gusoma no kwandika. Ku rundi ruhande, abaturage 2,954,770 bangana na 22.3% by'abanyarwanda bose, ntibigeze bakandagira mu ishuri.

    Mu mijyi niho hari abantu bake batize (18%) ugereranyije no mu byaro (24%).

    Nibura 77% bazi kuvuga rumwe mu ndimi enye z'ubutegetsi zikoreshwa mu Rwanda, ni ukuvuga Ikinyarwanda, Igifaransa, Igiswahili n'Icyongereza.

    Ku rundi ruhande, hejuru ya kimwe cya kabiri cy'abaturage, ni ukuvuga 54%, bize kugeza ku rwego rw'amashuri abanza, 15% ni ku rwego rw'amashuri yisumbuye, naho 3% bize kugeza ku rwego rwa kaminuza.

    Kwiga bivuze byinshi, kuko binagira uruhare mu kugabanya umubare w'abana bavuga, ku buryo imiryango ibyara abo ishoboye kurera.

    Nk'abagore bize kugeza mu mashuri yisumbuye cyangwa kuzamura bo bafite abana ku mpuzandengo ya 3.4 ku mugore, mu gihe abageze mu mashuri abanza bafite mu bana 3.9 ku mugore.

    Gukoresha internet

    Ubushakashatsi bwerekanye ko ku rwego rw'igihugu, nibura abaturage 14% barengeje imyaka 10 y'amavuko, bakoresheje internet mu mezi 12 yabanjirije ibarura.

    Iyi mibare yagendaga izamuka uko imyaka yiyongera.

    Urugero, bigera kuri 16% bafite mu myaka 16 na 17% ku bafite imyaka isaga 21.

    Ku rwego rw'igihugu, 64% by'abaturage barengeje imyaka 10 bakoresheje internet bari mu rugo mu mezi 12 yari ashize, 22% bari ku biro na 13% ku ishuri.

    Umujyi wa Kigali ni wo ufite ijanisha riri hejuru w'abakoresha internet (70%).

    Abafite ubumuga

    Imibare muri rusange yerekana ko mu Rwanda hari abantu 391,775 bafite ubumuga, bangana na 3.4% by'abanyarwanda bose.

    Ubu bushakashatsi bwemeje ko nibura 12.6% by'abantu bakuru bafite ubumuga, ugereranyije na 3% mu bantu bose barengeje imyaka itanu.

    Hari ikinyuranyo mu bijyanye n'igitsina, aho harimo 11% mu bagabo na 13.5% mu bagore.

    Amadini

    Imibare igaragaza ko mu Rwanda, abaturage 92% bari mu madini ya gikirisitu. 3% bo nta dini bagira.

    Mu madini babarizwamo, Abagatolika ni 40%, abo muri ADEPR ni 21%, aba-Protestants ni 15%, Abadiventisiti ni 12%, Abasilamu ni 2%, naho abayoboke b'amadini gakondo bari munsi ya 1% y'abaturage bose.

    Abangavu babyara

    Muri iri barura, umwagavu ni umukobwa wese ufite hagati y'imyaka 10 na 19.

    Ryagaragaje ko abangavu babyaye mu Rwanda ku rwego rw'igihugu ari 2.6 %.

    Ni imibare igenda itandukana bijyanye n'amahirwe aba bakobwa bagize yo kujya mu ishuri.

    Mu bangavu batigeze bakandagira mu ishuri, ababyaye ni 5.2%, mu bavuye mu ishuri ni 7.8%, mu gihe mu bakiri mu ishuri ari 0.6%.

    Kimironko ni kamwe mu duce dutuwe cyane mu Mujyi wa Kigali, ndetse dukodeshwamo n’abatari bake

    Source : http://igihe.com/amakuru/u-rwanda/article/ingo-61-z-i-kigali-zirakodesha-ibintu-10-bigaragaza-imibereho-ya-none

  • Umuhanzi wakunzwe cyane mu Rwanda n’u Burundi Saidi Braza yitabye Imana #rwanda #RwOT

    Umuhanzi w’umurundi wakunzwe cyane no mu Rwanda, Saidi Braza yitabye Imana azize uburwayi.

    Mu gitondo cyo kuri uyu wa Gatanu tariki ya 24 Werurwe ni bwo inkuru y’uko uyu mugabo w’imyaka 48 watangiye kuririmba afite imyaka 16 yitabye Imana.

    Amakuru avuga ko yari amaze iminsi arwariye mu Bitaro bya “Kira” bizwi nko kwa “Moise” biri Muyinga aho yari atuye.

    Kuva muri 2014 yari yarimukiye mu Rwanda, gusa nyuma yaje guhura n’ibibazo arafungwa, yajyanywe Iwawa ndetse nyuma aza no gufungirwa Mageragere umwaka wose. Muri 2019 ubwo yari afunguwe yabwiye ikinyamakuru ISIMBI ko agarukanye ingamba zidasanzwe kuko igihe cy’ibibazo kirangiye.

    Ati “Nari maze hafi imyaka itatu ntagaragara, nabanje kujya kugororerwa ku Kirwa cya Iwawa mvayo, nyuma y’amezi atandatu nahise njya muri Gereza ya Mageragere marayo umwaka muzima, ubu navuyeyo. Ndabwira abafana banjye ko ubu nagarutse, nibwo ngitangira gukora ibihangano bishya. Igihe cy’imvura cyashize, ubu igihe cy’izuba cyageze.'

    Saidi Braza yavukiye mu Rwanda i Huye, gusa umuryango we waje kwerekeza i Burundi mu mwaka wa 1959 ari naho se na nyina bapfiriye. Azwi cyane mu ndirimbo zamenyekanye mu karere nka Yameze amenyo, Twiganirira, Kugazaka n’izindi.

    Braza asize abana 3 barimo Iwacu Noah yabyaranye n’umuzungukazi, Maya Ineza w’imyaka 18, na mukuru wabo Jambo Prince Kim ufite imyaka 22. Gusa muri 2019 yavugaga ko hashobora kuzaboneka n’abandi.

    Saidi Braza yitabye Imana

    Yari amaze igihe arwaye

    Source : http://isimbi.rw/imyidagaduro/article/umuhanzi-wakunzwe-cyane-mu-rwanda-n-u-burundi-saidi-braza-yitabye-imana

  • Perezida Tshisekedi yinjije muri Guverinoma Jean Pierre Bemba na Vital Kamerhe #rwanda #RwOT

    Perezida Felix Tshisekedi yakoze impinduka muri Guverinoma,aho yazanye amazina mashya, nka Jean-Pierre Bemba wagizwe Minisitiri w'Intebe wungirije akaba na Minisitiri w'Ingabo, naho Vital Kamerhe aba Minisitiri w'Intebe wungirije akaba na Minisitiri w'Ubukungu bw'igihugu.

    Icyakora Minisitiri w'Intebe yakomeje kuba Jean-Michel Sama Lukonde,mu gihe Peter Kazadi yagizwe Minisitiri w'Intebe wungirije akaba na minisitiri w'ubutegetsi bw'igihugu n'umutekano.

    Izi mpinduka zatangajwe kuri uyu wa Gatanu tariki 24 Gicurasi.

    Antipas Mbusa Nyamwisi yagizwe umunyamabanga wa Leta ushinzwe ubutwererane n'akarere.

    Uyu mbere yo kujya muri Guverinoma nka Minisitiri ushinzwe ubutwererane n'akarere ndetse na Minisitiri w'Ububanyi n'Amahanga ku bwa Perezida Joseph Kabila, yayoboye umutwe wa Rassemblement Congolais pour la démocratie-Kisangani/Mouvement de libération (RCD-K/ML).

    Christophe Lutundula Apala yakomeje kuba Minisitiri w'Ububanyi n'Amahanga naho Patrick Muyaya Katembwe akomeza kuba Minisitiri w'itumanaho akaba n'Umuvugizi wa Guverinoma.

    Jean Pierre Bemba wagizwe Minisitiri w'Ingabo na we ni umwe mu banyapolitiki bakomeye muri iki gihugu, ndetse yabaye Visi Perezida ku bwa Perezida Joseph Kabila, kugeza mu 2006.

    Uyu we yahoze ayobora umutwe witwaje intwaro wa Mouvement pour la Liberation du Congo (MLC),

    Ni mu gihe Vital Kamerhe yahoze ayobora ibiro bya Perezida Tshisekedi, akaza gufungwa ashinjwa kunyereza umutungo ariko urukiko rukamugira umwere.

    Ni impinduka zikozwe mu gihe ubutegesi bwa Tshisekedi bukomeje kunengwa kubera ibibazo byugarije igihugu, birimo umutekano muke mu burasirazuba bw'igihugu.

    Source : https://umuryango.rw/amakuru/mu-mahanga/politiki/article/perezida-tshisekedi-yinjije-muri-guverinoma-jean-pierre-bemba-na-vital-kamerhe

  • Senateri wa Nigeria n'umugore we bahamwe na magendu yo gutwara impyiko y'umuntu #rwanda #RwOT

    Umunyapolitike mukuru kandi w'umukire wo muri Nigeria, umugore we hamwe n'umuganga wakoze 'nk'umufasha' bahamwe n'umugambi wo kubona urugingo rw'umuntu mu buryo butemewe mu Bwongereza.

    Ni nyuma y'uko umwaka ushize bavanye i Lagos umusore w'imyaka 21 bakamujyana i London kugira ngo ahe impyiko umukobwa wabo urwaye.

    Senateri Ike Ekweremadu w'imyaka 60, umugore we Beatrice w'imyaka 56, na Dr Obinna Obeta, 50, bahamijwe no gucura umugambi wo gukoresha umuntu ngo babone impyiko ye, mu rubanza rwa mbere rugendanye n'amategeko y'ubucakara yo muri iki gihe.

    Urukiko rw'i Londres rwabwiwe ko impyiko yari guhabwa Sonia w'imyaka 25, umukobwa w'uyu musenateri n'umugore we. Sonia we yahanaguweho iki cyaha.

    Uwari kugikorerwa, umucuruzi wo ku muhanda i Lagos, yajyanywe mu Bwongereza ngo atange impyiko mu kubaga no guhana ingingo kwishyurwa £80,000 (asaga miliyoni 100 Frw) mu bitaro bya Royal Free Hospital i London.

    Ubushinjacyaha buvuga ko uwo musore yari yemerewe guhembwa £7,000 (hafi miliyoni 10 Frw) anizezwa amahirwe yo kumufashiriza mu Bwongereza, ariko ko atari azi neza ibigiye kuba kugeza ahuye n'abaganga bo kuri biriya bitaro.

    Bivugwa ko abaregwa babwiye abaganga kuri biriya bitaro ko uyu musore ari mubyara wa Sonia, wazahajwe n'uburwayi bw'impyiko kandi ujya ku byuma bya dialysis buri cyumweru, nyamara ntacyo bapfana.

    Mu gihe byemewe n'amategeko guha undi muntu impyiko, mu Bwongereza bihinduka icyaha iyo harimo igihembo cy'amafaranga cyangwa izindi nyungu z'ibintu zijemo.

    Abaganga ku bitaro bya Royal Free banzuye ko uwari uje kuyitaga bitagishobotse nyuma yo kumenya ko ataganirijwe ku ngaruka z'uko kubagwa ndetse adafite ubushobozi bwo kwivuza igihe kirekire mu gihe byaba ngombwa.

    Urukiko rwumvise ko Senateri Ekweremadus yahise ashaka kwimurira iki gikorwa muri Turkiya ndetse no gushaka undi muntu uha impyiko uwo mukobwa we.

    Iperereza ryatangijwe nyuma y'uko wa musore acitse aho yari ari mu Bwongereza ariko hashize iminsi akishyikiriza polisi arira kandi afite ubwoba.

    Avuga impungenge ze, yabwiye polisi ati: 'Muganga yavuze ko nkiri muto cyane, ariko uwo mugabo yavuze ko nintabikora azansubiza muri Nigeria nkabikorerayo.'

    Isoko ryo ku muhanda i Lagos

    Abacamanza bumvise ko Sonia yariho yiga Masters muri Newcastle University ubwo yarwaraga mu Ukuboza(12) 2019.

    Mu 2021, se yasabye ubufasha umuvandimwe we w'umuganga, Diwe Ekweremadu, ngo amushakire uwaha umpyiko umukobwa we.

    Diwe, uri muri Nigeria, yagannye uwahoze yigana nawe, Dr Obeta w'i Southwark mu majyepfo ya London, uherutse guhabwa impyiko n'undi muntu wavuye muri Nigeria babikoreye mu bitaro bya Royal Free.

    Dr Obeta yahise asaba Dr Chris Agbo wo mu kigo Vintage Health Group cy'ubukerarugendo mu by'ubuvuzi, ngo bamushakire Visa y'umuntu uzaza gutanga impyiko nk'uko urukiko rwabibwiwe.

    Uyu musore, usanzwe azi uwahaye impyiko Dr Obeta, yakuwe ku muhanda i Lagos aho akorera amafaranga yo kumutunga acururiza ibikoresho bya telephone ku ngorofani.

    Sonia, wanze gutanga ibimenyetso mu rukiko, yararize ubwo yagirwaga umwere maze ahobera se ubwo we bamujyanaga kumufunga hamwe n'abareganwa nawe, bategereje gukatirwa n'urukiko tariki 05 Gicurasi(5).

    Ubushinjacyaha bwemeje ko igihano kiruta ibindi mu gushaka ingingo z'abantu mu buryo butemewe ari igifungo cya burundu.

    Esther Richardson wo mu gipolisi cya Londres, yashimye uriya musore ku butwari yagize bwo kuvuga ibirimo kumubaho no kugaragaza abarimo kubikora.

    Uyu musenateri wa Nigeria, ariko unafite aderesi i Willesden Green mu majyaruguru ya London, hamwe na Dr Obeta bahakanye ibyaha barezwe.

    BBC

    Source : https://umuryango.rw/amakuru/mu-mahanga/ubutabera/article/senateri-wa-nigeria-n-umugore-we-bahamwe-na-magendu-yo-gutwara-impyiko-y-umuntu

  • The Weeknd yemejwe nkumuhanzi ukunzwe kurush… – #rwanda #RwOT

    Umuririmbyi n'umwanditsi w'indirimbo ubusanzwe witwa Abel Makkonen Tesfaye wamamaye nka The Weeknd, hashingiwe ku mibare ni we muhanzi ukunzwe kurusha abandi ku mubumbe w'isi, ibintu byamaze no guhabwa umugisha na Guinness World Records [GWR].

    Amakuru dukesha CNN avuga ko uyu muhanzi ukomoka mu gihugu cya Canada kuri ubu ufite imyaka 33, yemejwe na Guiness World Record nyuma y'uko kugeza ubu ku kwezi ku rubuga rwa Spotify mu kigereranyo yumvwa n'abarenga miliyoni 111.

    Miley Cyrus niwe umukurikira ufite miliyoni 82.4 nk'uko GWR ibigaragaza abandi ni Shakira ufite miliyoni 81.6, Ariana Grande miliyoni 80.6, Taylor Swift miliyoni 80.2, Rihanna miliyoni 78.5 umugabo uza hafi ni Ed Sheeran na miliyoni 80.6 kuri Spotify muri uku kwezi gusa.

    Indirimbo ye kandi 'Die for you' iri mu zikomeje guca ibintu cyane ku rubuga rwa Tik Tok, ikaba yaranamaze ibyumweru bigera kuri 7 ari iya mbere kuri Billboard Hot 100. Iyi ndirimbo ikaba yaragiye hanze bwa mbere mu mwaka wa 2016.

    Muri uwo mwaka kandi yanegukanye igihembo cy'umuhanzi wagize Album yumviswe kurusha izindi ku rukuta rwa Spotify, n'ikindi cyo kuba yarahize izindi kuri Billboard Hot 100. 

    The Weeknd ku myaka 33 yemejwe nk’umuhanzi ukunzwe kurusha abandi ku isiAkomeza kugenda aca uduhigo ku mbuga zicururizwaho umuziki no ku ntonde zikorwa mpuzamahanga za Album n'indirimbo zikunzwe

    Source : https://inyarwanda.com/inkuru/127383/the-weeknd-yemejwe-nkumuhanzi-ukunzwe-kurusha-abandi-ku-mubumbe-wisi-127383.html

  • Uruhisho rw’igiterane Refresh Women 2023 kima… – #rwanda #RwOT

    Refresh Women ni igiterane cyatangiye mu 2014, kikaba gihuriza hamwe abakozi b'Imana baturutse mu mfuruka enye z'Isi, bagatangaza ubutumwa bwiza bw'uko Kirisitu agira neza, bakanigisha abari n’abategarugori uko baba ab’umumaro mu miryango yabo, mu gakiza no muri sosiyete.

    Refresh Women imaze kuzana impinduka zitandukanye muri sosiyete nyarwanda aho yahinduye ubuzima bw'umwari n'umutegarugori mu Rwanda, yomora abatari bacye, abari baratandukanye mu miryango no mu ngo bongera gusubirana.

    Iki giterane cyo muri uyu mwaka ntigisanzwe uhereye ku batumirwa, insanganyamatsiko, n’ibindi biteganyijwe nk’uruhisho. Refresh Women iratangira kuri uyu wa Gatanu tariki 24 Werurwe, izasozwe ku Cyumweru tariki 26 Werurwe 2023.

    Yatumiwemo abakozi b’Imana basizwe amavuta barimo Pastor Grace Serwanga, ukorera umurimo w’Imana muri Liberty Christian Fellowship mu Bwongereza. Ni umunyamategeko, akaba n’umwe mu bagore biyeguriye Imana byeruye. Kuri iyi nshuro yazanye n’umugabo we Pastor Lincoln Serwanga. 

    Abandi bakozi b’Imana bazigisha ijambo ry’Imana muri iki giterane harimo Pastor Lydia Karani, Pastor Florence Mugisha ndetse na Rev. Dr Charles Mugisha. Kizajya gitangira saa kumi z’umugoroba kugeza saa mbiri z’ijoro. Kwinjira ni ubuntu..

    Refresh Women ni iyerekwa rya Pastor Florence Mugisha, Umufasha wa Rev. Dr Charles Mugisha, Umushumba Mukuru w’Itorero New Life Bible Church rikorera mu Karere ka Kicukiro – Kagarama, ribarizwa muri Africa New Life Ministries yashinzwe na Rev Dr. Charles Mugisha.

    Agaruka ku myiteguro ndetse n’umwihariko wa Refresh Women y’uyu mwaka, Pastor Florence Mugisha ari nawe wagize iyerekwa ryayo, yabwiye abanyamakuru ko insanganyamatsiko y’uyu mwaka ari “Kubyara, Kurera no Kuyobora” [Birth – Nurture – Lead].

    Yagize ati “Uyu mwaka ufite umwihariko kandi abazitabira bazishima, turamya duhimbaze ijuru rimanuke”. Yavuze ko bazitsa ku nyigisho nziza zizigisha abagore uburyo bwo kubyara, kurera ndetse no kuyobora. Ati “Insanganyamatsiko ni tubyare, turere ndetse tuyobore”

    Yunganiwe n’umugabo we, Rev. Dr Charles Mugisha, wavuze ko ari umuhamya w’ibyo yiboneye n’amaso ye uburyo Refresh Women yatanze umusaruro ukomeye ku bagore n’abakobwa basaga n’abarushye ndetse banyotewe.

    Aragira ati “Refresh Women yabereye bamwe nk’iriba rihembura kuko yamaze inyota ya bamwe, abandi barahembuka. (..) Yagize umurimo munini cyane mu kubaka umuryango n’ingo”. Yavuze ko ashimira cyane umufasha we kuba yaragize umutwaro wa ‘Refresh Women’ imaze kubera umugisha abatari bacye.

    Yavuze ko ibyiza bya Refresh Women bitagarukiye gusa ku bagore n’abakobwa ahubwo yahembuye n’imiryango yari mu marembera igiye gusenyuka. Ati: “Hari imiryango yitabiriye Refresh Women habuze gato ngo isenyuke igafata icyemezo cyo kwiyunga no gukomeza kubana mu bahoro”.

    Twabibutsa ko iki giterane gitangira kuri uyu wa Gatanu kizasozwe ku Cyumweru ndetse kizagira umwihariko w’abakobwa ku munsi wo kuwa Gatandatu kuko bazigishwa inyigisho zihariye zibafasha kugwiza ubwenge no gutegura ejo habo heza.

    Cyatumiwemo abantu baturutse hirya no hino ku isi ndetse n’ibihugu byo muri aka karere u Rwanda rubarizwamo nka Uganda, u Burundi, Kenya n’ahandi. Kuwa Gatanu no kuwa Gatandatu, kizitabirwa n’abakobwa n’abagore, naho ku Cyumweru n’abagabo bazahabwa ikaze.

    Abakozi b’Imana batumiwe mu giterane cy’uyu mwaka, barimo abakozi b’Imana bafite ubunararibonye mu kubwiriza no kwigisha ijambo ry’Imana ndetse bakaba ari n’abantu bubatse izina mu yindi mirimo ifitiye sosiyete akamaro.

    Pastor Grace Serwanga waturutse mu Bwongereza yahamagariye abali n’abategarugori kudacikanwa n’iki giterane Ati “Mugomba kuhaboneka”. Yatanze urugero avuga ko mu myaka 3 Yesu yamaze ku Isi, yakoze ibitangaza byinshi ariko hari abatarabibonye.

    Yavuze ko bishoboka rwose kuba iki giterne cyazaberamo ibintu bitangaje ariko abantu bamwe ntibabibone, ahita avuga ko uburyo bwo gucikwa n’iki gierane ari ukutakitabira cyangwa se kutagikurikira mu buryo bw’iyakure dore ko kizaca Live kuri Youtube [bazatanga Link nikimara gutangira].

    Pastor Lincoln Serwanga yavuze ko we n’umufasha we bishimye cyane kuza mu Rwanda kuko bakozweho na Refresh Women, anaca amarenga ku kuba bazakora igiterane nk’iki i London.

    Igiterane Refresh Women 2023 kiratangira kuri uyu wa Gatanu

    Rev. Dr Charles Mugisha hamwe na Pastor Florence Mugisha

    Pastor Lincoln Serwanga hamwe n’umufasha we Pastor Grace Serwanga bo mu Bwongereza

    Ubwo baganirizaga itangazamakuru ku giterane Refresh Women 2023

    Rev. Dr. Charles Mugisha yasabye abakobwa n’abagore b’i Kigali kudacikwa n’iki giterane

    Pastor Grace Serwanga usanzwe ari umunyamategeko i London ni umwe mu bazigisha ijambo ry’Imana muri iki giterane

    Pastor Lincoln Serwanga waturutse mu Bwongereza yakomoje ku gutangiza Refresh Women London

    AMAFOTO: Iradukunda Jean de Dieu – InyaRwanda

    Source : https://inyarwanda.com/inkuru/127377/uruhisho-rwigiterane-refresh-women-2023-kimaze-komora-abagore-batari-bacye-127377.html

  • Tumukunde uherutse kwegukana ikamba rya Miss Uganda 2023 yahishuye ko afite inkomoko mu Rwanda #rwanda #RwOT

    Hannah Karema Tumukunde uherutse kwegukana ikamba rya Miss Uganda 2023 bikavugwa ko ari Umunyarwandakazi, yahishuye ko Nyina ari Umunyarwandakazi na ho Se akaba Umunya-Ankole.

    Uyu mukobwa ubwo yahabwaga ikamba rya Nyaminga Uganda tariki 18 Werurwe 2023 abantu benshi batangiye kwibaza niba yaba atari umunyarwandakazi bitewe n'amazina ye ndetse n'uburyo ababaye abambere mu kumwifuriza instinzi ari abanyarwanda .

     Ubusanzwe uyu mukobwa w'imyaka 24 y'amavuko avuka muri Nakasese akaba yarize amashuri ye abanza Seroma Christian High School na Hana Mixed International School mugihe Kaminuza yayize Makerere University, atuye Kampala mugace kitwa Kisasi.

     Akaba yarahawe iri kamba asimbuye Elizabeth Nagaya.

    The post Tumukunde uherutse kwegukana ikamba rya Miss Uganda 2023 yahishuye ko afite inkomoko mu Rwanda appeared first on FLASH RADIO&TV.

    Source : https://flash.rw/2023/03/24/tumukunde-uherutse-kwegukana-ikamba-rya-miss-uganda-2023-yahishuye-ko-afite-inkomoko-mu-rwanda/?utm_source=rss&utm_medium=rss&utm_campaign=tumukunde-uherutse-kwegukana-ikamba-rya-miss-uganda-2023-yahishuye-ko-afite-inkomoko-mu-rwanda

  • Karongi: Umurambo wa Halindintwali Zabuloni bawusanze mu Mugezi wa Musogoro #rwanda #RwOT

    Umurambo w'umusaza witwa Halindintwali Zaburoni wo mu kagali Ka Ruragwe bawusanze mu Mugezi wa Musogoro ku nkombe z'uyu Mugezi ku ruhande rw'akagali ka Kibirizi .

    Umugezi wa Musogoro ukunda kuzura cyane mu gihe cy'imvura nyinshi kandi igihe wuzuye kuwa mbuka bigasaba ko utambukira aho ubonye hose. Musogoro ikaba ari umwe mu migezi ni yiroha muri Nyabarongo.

    Bamwe mu baturage bashobora kuba aribo bamuheruka bwa nyuma baganiriye n'Umuryango bavuga ko kuwa gatatu Zabuloni yiriwe ku isoko rya Kibilizi muri kamwe mu tubali twaho aho yiciraga inyota. Bavuga ko yanywaga urwagwa.

    Bemeza rero ko ashobora kuba yarasanze Musogoro isanzwe itandukanya akagali ke ka Ruragwe yuzuye akambukira ku gice kibi akarohama.

    Umunyamabanga Nshingwabikorwa w'akagali ka Kibirizi yatangarije Umuryango ko babonye umurambo w'uwo musaza mu ma saa tanu z'amanywa.

    Yagize ati:” nibyo koko mu ma saa tanu abaturage baduhamagaye batubwira iby'ayo makuru. Twahageze duhamagara RIB umurambo we bawujyanye mu bitaro bya Kibuye ngo upimwe…

    Abaturage batubwiye ko Zaburoni ku munsi w'isoko (rya Kibilizi) yiriwe mu isoko yasinze kandi ataha mu kagali duturanye ka Ruragwe aho bisaba kuwambuka kandi ejo hiriwe hagwa imvura nyinshi ashobora kuba yambukiye ahantu hatameze neza umugezi (wa Musogoro) ukamutwara. Reka turindire raporo ya muganga .

    Ntabwo ari ubwa mbere uyu mugezi wa Musogoro utwaye abantu mu gihe cy'imvura nyinshi kuko muri 2018 wigeze gutwara ubuzima bw'abantu 9 umunsi umwe. Nta teme ririho ribasha gufasha abambuka.

    Source : https://umuryango.rw/amakuru/mu-rwanda/article/karongi-umurambo-wa-halindintwali-zabuloni-bawusanze-mu-mugezi-wa-musogoro