Category: Uncategorized

Ni Akarere gaherereye mu Ntara y'Iburasirazuba kakaba gatuwe n'abaturage ibihumbi 404 nk'uko biherutse kugaragazwa n'Ibarura Rusange ryo mu 2022.

Mu myaka mike ishize kubatswemo Stade, hoteli iri ku rwego rw'inyenyeri eshatu, imihanda ya kaburimbo, abaturage begerezwa amazi n'amashanyarazi ku bwinshi, n'ibindi bikorwaremezo nibura byatumye kagira isura y'Umujyi muto.

Nyuma y'ibyo bikorwaremezo, kuri ubu imishinga iracyari yose aho n'ubu aka Karere kagiye kongera kubakwamo ibikorwaremezo bifatika, bizasiga isura yako yongeye guhinduka.

Mu mishinga yatangiye kugakorerwamo muri uyu mwaka harimo izashyirwa mu bikorwa hakoreshejwe amafaranga yasagutse ku rugomero rwa Rusumo, ahabwa tumwe mu turere turukoraho [Ngoma na Kirehe].

Buri Karere kahawe arenga miliyari 2,5 Frw, kayubakamo ibikorwaremezo kifuzaga.
Mu Karere ka Ngoma bahisemo kuyakoresha bubaka amasoko, amavuriro n'ibindi biteza imbere imibereho myiza y'abaturage.

Aka Karere kagiye kanishakamo ubundi bushobozi kongeraho imishinga yo ku rwego rw'igihugu, iri kugakorerwamo yose yitezweho kukageza ku rwego rushimishije.

Umuyobozi w'Akarere ka Ngoma, Niyonagira Nathalie, yabwiye IGIHE ko iyi mishinga batangiye gukora yitezweho guhindura imibereho y'abaturage.

Ati “Ni imishinga izahindura byinshi kuko turi kuyikora muri gahund ay'igihugu ya NST1, rero umuturage agomba agomba kubona serivisi nyinshi hafi ye, agomba kwivuza hafi, isoko na ryo rigomba kuba ryegereye umuturage kugira ngo rimufashe kwiteza imbere.”

Yakomeje avuga ko kandi mu cyerekezo gishya cy'Igihugu urubyiruko na rwo rutasigaye inyuma kuko rugiye kubakirwa ikigo gishya kizabafasha kubona aho bamenyekanishiriza impano zabo ndetse n'ibindi bakora.

Ati “Serivisi zose z'urubyiruko zirimo kumurika impano, ubujyanama n'aho rushobora kwishyira hamwe bakamurika impano zabo.”

Umuyobozi w’Akarere ka Ngoma, Niyonagira Nathalie yavuze ko iyi mishinga yose iri gukorwa yitezweho guhindurira ubuzima abaturage bo mu Karere ka Ngoma

Ikigo cy'urubyiruko gishya

Imirimo yo gutunganya ahazubakwa ikigo gishya cy'urubyiruko yaratangiye. Ni ikigo kizubakwa hafi y'Ibiro by'Akarere, kizuzura gitwaye miliyoni 234 Frw.

Rumwe mu rubyiruko rwo muri aka Karere ruvuga ko ruyitezeho kubafasha kumurika impano n'ibikorwa runaka baba bakoze.

Ruhumuriza Justin yagize ati “Inzu y'urubyiruko ahandi usanga irimo abazi gushushanya bahamurikira ibyo bakora; uhasanga abafite impano zitandukanye natwe rero tuyitezeho kudufasha guteza impano zacu imbere.”

Inzu nshya y’urubyiruko igiye kubakwa mu Karere ka Ngoma

Imirimo yaratangiye ahagiye kubakwa ikigo cy’urubyiruko

Ibigo nderabuzima bibiri bishya

Ibi bigo nderabuzima bigiye kubakwa mu Mirenge ibiri ya Kazo na Karembo, itagiraga na kimwe. Icya Karembo kizuzuzra gitwaye miliyoni 515 Frw mu gihe icya Kazo kizuzura gitwaye miliyoni 630 Frw.

Mukandayiramije Anna Augusta utuye mu Mudugudu wa Rango mu Kagari ka Karama mu Murenge wa Kazo, yabwiye IGIHE ko ubusanzwe kuva aho batuye bajya kwivuriza ku bitaro bya Kibungo byari ibintu bibagora cyane.

Ati “Wategaga nka moto ugasanga iguciye amafaranga menshi noneho byaba ari nijoro ufite nk'umubyeyi ushaka kubyara wasangaga bigoye cyane, none ubu turashimira Umukuru w'Igihugu kubera imiyoborere ye myiza itumye tugiye kubona Ikigo Nderabuzima kitwegereye.”

Ikigo Nderabuzima cyenda kubakwa mu Murenge wa Kazo; kuri ubu bamaze gusiza ikibanza

Kwagura Ikigo Nderabuzima cya Gasetsa

Ubusanzwe iki kigo cyari gifite inzu ababyeyi babyariramo yahujujwe umwaka ushize itwaye miliyoni 150 Frw n'izindi nzu nto zitajyanye n'igihe. Kuri ubu mu rwego rwo kucyagura, Akarere ka Ngoma kongeyemo inzu y'abarwayi izajya inatangirwamo izindi serivisi izuzura itwaye miliyoni 171 Frw.

Nyiragatabazi Marie utuye mu Murenge wa Remera yagize ati 'Urabona iyo uje hano bagasanga ukwiriye guhabwa ibitaro akenshi bakohereza ku Bitaro bya Kibungo, kuri moto kugira ngo ugereyo baguca 2000 Frw. Urumva kugira ngo ubone abawe bagusura cyangwa bakurwaza byari ikibazo gikomeye. Ubu rero iyi nyubako niyuzura bizadufasha kubonera serivisi hafi.”

Ikigo Nderabuzima cya Gasetsa cyubatswemo inzu nshya zitezweho gufasha abarwayi bajyaga bajya kurwarira mu bitaro bya Ngoma

Imirenge itatu igiye kubakwamo amasoko

Muri aka Karere ka Ngoma mu mirenge ya Karembo, Rukira na Sake hagiye kubakwa amasoko abiri meza harimo isoko rya Karembo, irya Rukira rikazavugururwa ndetse n'isoko rya Gafunzo rizaba rigeretse riherereye mu Murenge wa Sake.

Amasoko ya Karembo na Rukira azuzura atwaye miliyoni 280 Frw, mu gihe isoko rya Gafunzo riherereye mu Murenge wa Sake rizuzura ritwaye miliyoni 651 Frw.

Isoko rya Karembo ryakundaga kwinubirwa n’abaturage kuko ari rito ndetse rikaba ryavaga cyane

Isoko rya Gafunzo riherereye mu Murenge wa Sake rigiye kubakwa bundi bushya aho rizaba rigeretse inshuro imwe rizuzura ritwaye arenga miliyoni 650 Frw

Isoko rishya rya Karembo rizorohereza abarikoreramo

Umuhanda wa Kibungo- Ramiro Bugesera

Uyu ni umwe mu mihanda izorohereza ubuhahirane aho umuntu azajya ava ku mupaka wa Rusumo agaca mu Karere ka Ngoma ahita yambuka mu Karere ka Bugesera akagera mu Majyepfo mu Karere la Nyanza bitamusabye kunyura i Kigali.

Kugeza ubu imirimo yo kubaka uyu muhanda yaratangiye aho mu bice bimwe na bimwe hari gukorwa ibiraro no kubanza kuwagura.

Ni umuhanda ureshya na kilometero 52,8 uzuzura utwaye miliyari 64 Frw bikaba biteganyijwe ko nibura uyu mwaka uzarangira hamaze gukorwa ahareshya na 50%.

Umuyobozi w'Akarere ka Ngoma, Niyonagira Nathalie, yavuze ko uyu muhanda bawitezeho kubahuza n'Akarere ka Bugesera ndetse n'ikibuga cy'indege kirimo kuhubakwa.

Yakomeje agira ati “Murabizi Akarere ka Ngoma ni Akarere k'ubuhinzi n'ubworozi, uyu muhanda rero niwuzura uzatugeza ku isoko ririmo n'iryo ku kibuga cy'indege. Ikindi uzadufasha kongera urujya n'uruza rw'abantu bazajya banyura mu Karere kacu bahasige n'amafaranga. Nanavuga ko uzadufasha kongera ibikorwa bitandukanye birimo inzu z'abaturage n'ibindi bizubakwa.”

Kuri ubu imirimo yo kwagura umuhanda Ngoma-Ramiro yaratangiye aho nyuma y’ibikorwa byo kuwagura biri gukorwa hari n’abagenda bawukora

Imirimo yo kubaka umuhanda Ngoma-Ramiro yaratangiye

Imirimo yo kubaka gare nshya, icyiciro cya mbere igiye kugera ku musozo

Icyanya cyahariwe ubukerarugendo

Meya Niyonagira yavuze ko nta buso runaka bafashe ngo babugenere ubukerarugendo ahubwo ko bifuza gukoresha neza amahirwe bafite yo kubyaza umusaruro ibiyaga bitatu bafite abantu bakabishoramo imari.

Ibyo biyaga ni icya Iriba, Mugesera na Sake byose bikaba bikora ku mirenge ya Sake, Rukumberi, Mugesera na Zaza. Uretse kuba bikora kuri iyi mirenge binateganyijwe ko umuhanda Ngoma-Bugesera uzanabinyura iruhande ku buryo bizoroha mu kubigeraho.

Meya Niyonagira ati “Turifuza kubimenyekanisha ku buryo abantu babishoraho imari bakahubaka amahoteli. Ni ahantu heza cyane kandi uwahashora imari ntiyahomba kuko tugiye no kuhanyuza umuhanda wa kaburimbo urumva ko abantu bazajya bava i Kigali, Bugesera bahagera byoroshye. Uretse amahoteli turanashaka ko abantu bahororera amafi n'ibindi bikorwa by'ubuhinzi.”

Kuri ubu kuri ibi biyaga hatangiye kubakwa amahoteli anyuranye arimo iri kubakwa mu Murenge wa Zaza yitwa Lake side recreation Resort izuzura itwaye miliyari 5 Frw n'izindi nyinshi ziri guteganywa mu bihe iri imbere.

Uretse iyi mishinga iri gukorwa hari no kubakwa ibindi birometero bitatu bya kaburimbo mu Mujyi wa Ngoma bizatwara miliyari imwe y'amafaranga y'u Rwanda, inzu z'ubucuruzi mu Mujyi wa Kibungo ku buryo byitezwe ko ugiye kongera kubyukana ingoga.

Lake Side Recreation Resort ni imwe mu mahoteli yitezweho gukurura abantu benshi mu Karere ka Ngoma

Mu minsi ishize Guverineri yagiye gusura ahari kubakwa hoteli nshya izuzura itwaye miliyari 5 Frw areba uko ibikorwa biri kugenda

Umujyi wa Ngoma wanatewemo ibiti ku muhanda bigaragaza neza umuhanda bikanatanga amahumbezi ku bahanyura

Kuri ubu hagiye gutangira igice cya kabiri cyo kubaka inyubako igeretse muri gare ya Ngoma

Inzu z’ubucuruzi zizaba ziri muri iyi gare zirenda kurangira

Imihanda ya kaburimbo yoroheje iri kubakwa ku bwinshi mu Mujyi wa Ngoma

Kuri ubu porogaramu yubatswe na Kaminuza ya Stanford izwi nka 'Let's Mode', niyo iri kwifashishwa n'abana b'abanyarwanda nka laboratwari babyarizamo imibare umusaruro, urenze kuba 3+3=6 ahubwo ukemura ibibazo byugarije sosiyete nyarwanda.

Umwana atekereza umushinga ashaka, nk'urugero uwo gusukura amazi, agatekereza uko uzagenda kose kuva ku mashini izatwara ayanduye kugera ku yindi izazana ameza yasukuwe mu kigega, yifashishije iyo porogaramu mu uburyo bwa 3D.

Ikoreshwa mu byiciro bijyanye n'ubushobozi bw'uyikoresha, aho umwana wo mu mwaka wa gatatu w'amashuri abanza ashobora kuyikoresha ndetse n'uri muri kaminuza akayikoresha, buri wese agafashwa ku rugero rwe.

Ikoze ku buryo mwarimu aba afiteho konti ndetse n'umunyeshuri bikaba uko, kuko biba byoroshye kumuyobora no kumufasha mu gihe hari ibyo atumva.

Mu bihugu byateye imbere, Let's Mode imaze gufasha mu iterambere ry'ibikorwaremezo cyane ko umwana atekereza umushinga, yamara kwerekana uko uzashyirwa mu bikorwa agahabwa inzobere imufasha kuwiga, nyuma ugashyirwa mu bikorwa mu buryo bwa nyabwo.

Mu Rwanda yazanywe n'Umuryango Edified Generation, EDG, kugira ngo abana basobanukirwe imibare ku buryo bwisumbuye, ibe yabafasha guhanga udushya tugira uruhare mu gukemura ibibazo sosiyete ihura na byo.

Byose binakorwa hagenderwa mu murongo w'intego 17 za Loni z'iterambere rirambye (SDGs).

EDG yayisabye mu bihe bya Covid-19, nk'igisubizo ku kwigira ku ikoranabuhanga (e-learning) cyane ko muri ibyo bihe ibigo byari byarafunzwe, amasomo anyuzwa kuri za radio n'ahandi ariko bikagorana ku ya siyansi.

Umuyobozi Mukuru Wungirije wa EDG, Rubagumya Charles, yagize ati “Twayisabye mu buryo bwo guteza imbere siyansi, ikoranabuhanga, Engineering n'Imibare (STEM), dore ko muri ibyo bihe andi masomo byari byoroshye kuyigira kuri za televiziyo ariko ku ya siyansi bigoye.”

“Twagiraga ngo iyo porogaramu ibe laboratwari, abana bamenye ko imibare iri nyuma ya buri gikoresho cy'ikoranabuhanga cyose. Kuriya kugenda (movements) kose bakamenya ko ari amategeko aturuka ku mibare, bakiga no kubikora.”

Kuri ubu EDG iri gufatanya n'Ikigo Nyafurika giteza imbere Ubumenyi bushingiye ku Mibare, AIMS, kugira ngo iyo porogaramu yimakazwe n'ibigo by'amashuri nk'uburyo bwo gukangurira abana kwiga imibare ijyana n'ikoranabuhanga mu buryo buvuguruye.

Mu mashuri afashwa n'ibyo bigo abana bamaze gutera imbere, ibigaragaza itandukaniro n'ibindi bigo bitarabona ubu buryo.

Biterwa n'uko iyo porogaramu yishyurwa kuko nk'ibigo byigenga bigendera kuri porogaramu mpuzamahanga, umwana agomba kwishyura $45, uwiga mu kigo cyigenga ariko kigendera ku mfashanyigisho ya leta akishyura $30, mu gihe ikigo cya leta cyishyura $20 ku gihembwe.

Ayo mafaranga yiyongera ku $5 ya internet ku mwana kuko ya porogaramu iba irakenera internet ihagije.

Ubu ibigo bya leta bigera kuri 92 bikorana na AIMS, 10 bikorana na UNESCO, n'ibindi 8 byigenga bifashwa na EDG byamaze gugezwamo iyo porogaramu.

Buri kigo kiba gihagarariwe n'abana 35 baturuka muri buri mwaka kubera imbogamizi z'amikoro adatuma buri mwana wese yabasha kwemererwa kuyikoresha.

Kuri ubu ibyo bigo byigenga byamaze gushyira mu mfashanyigisho iyo porogaramu mu gihe mu mashuri ya leta ho bitarakorwa bijyanye n'uko bisaba kwishyura.

Rubagumbya ati “Nubwo gahunda ifasha abana cyane, hakenewe abafatanyabikorwa bishingira buri mwana wese kugira ngo bose bagire amahirwe yo kubona ubwo bumenyi bwisumbuye.”

Inkingi ya 64 ya gahunda y'igihugu y'imyaka irindwi igamije kwihutisha iterambere (NST1: 2017-2024) igena ko u Rwanda rugomba kongera imbaraga mu ikoreshwa ry'ikoranabuhanga mu myigire n'imyigishirize, binyuze mu kwagura 'Smart Classrooms' no gukwirakwiza mu mashuri ibindi bikoresho by'ikoranabuhanga.

Kugeza ubu hamaze kubakwa ibyumba nk'ibi bigera kuri 61 hirya no hino mu gihugu byashyizwemo mudasobwa 3120 zifite internet.

Rubagumbya akavuga ko nubwo leta yashyizemo izo mbaraga, hakiri ibibazo by'uko “abana bakoresha mudasobwa baziga, ntibazifashisha nk'igikoresho kiborohereza mu kwiga.”

Mu guhangana n'icyo kibazo, abanyeshuri bo muri ibyo bigo n'abarimu babo babanza guhugurwa ndetse bakigishwa uko iyo porogaramu ikora nyuma bagahurizwa mu marushanwa.

Buri mwana atekereza umushinga akawunogereza muri ya porogaramu ya mudasobwa, noneho bakarushanwa ku rwego rw'igihugu, utsinze agahembwa ku bufatanye bwa EDG na AIMS ndetse na UNESCO Rwanda.

Kuri ubu abarenga ibihumbi 10 bamaze kugezwaho iryo koranabuhanga, imishinga 500 mu gihe cy'umwaka yamaze gukorwa n'abanyeshuri batandukanye.

Muri icyo gihe kandi abarimu bagera ku 150 bo mu mashuri y'imyuga n'ubumenyigiro bahawe impamyabushobozi ku bijyanye n'ikoranabuhanga, babifashisjwemo n' Ikigo cyigisha kikanatanga impamyabushozi mu masomo y'Ikoranabuhanga 'International Computer Driving Licence (ICDL).

Abarimu 200 bahuguriwe gufasha abanyeshuri ku bijyanye no guhuza imibare n'ubumenyi bwa mudasobwa hifashishijwe ya porogaramu ya Let's MODE, binyuze mu mushinga wa EDG wiswe Innovation Lead.

Kuri ubu gahunda iriho ni ugufatanya ugufatanya n'Ikigo cy'Igihugu Gishinzwe Uburezi bw'Ibanze, REB, ku buryo ngo ibigo byahawe amashuri agezweho (smart classrooms) ko mu masomo bitanga byashyiramo na Let's Mode, kugira ngo abana bo muri ibyo bigo bajyane n'abandi.

Keza Emile na mugenzi we Kagoyire Blandine biga muri New Life Christian Academy ubwo basobanuraga umushinga wabo bifashishije Let’s Mode

Ubwo Uwase Albine yashyikirizwaga igihembo ku bijyanye n’umushinga wo gusukura amazi, umushinga yubakiye kuri porogaramu ya Let’s Mode

Abanyeshuri bo kuri Ecole de Science de Musanze bari baherekeje mugenzi wabo Mugisha Pacifique wari ufite umushinga wari muri itanu yahize indi hifashishijwe Let’s Mode

Ni ubutumwa bwatangiwe mu Nama Mpuzamahanga y'iminsi itatu yaberaga i Kigali, yasojwe kuri uyu wa 30 Werurwe 2023.

Yateguwe na UR itewe inkunga na Mastercard Foundation, ku bufatanye n'Ihuriro ry'Amashuri Makuru na Kaminuza n'ibigo by'ubushakashatsi (SDSN), yitabirwa n'abashakashatsi, abahanga, abanyeshuri n'abayobozi ba za Kaminuza baturutse mu bihugu bitandukanye, hagamijwe kurebera hamwe ibyakorwa ngo uburezi bwo muri ibyo bihugu buvugururwe.

Umwalimu muri Kaminuza y'u Rwanda, Prof. Wenceslas Nzabalirwa uri no mu itsinda ryateguye iyi nama, yavuze ko uburezi bugiye kubakirwa ku ikoranabuhanga n'amasomo yafasha abayiga kuba bakwihangira imirimo.

Ati ''Turashaka kurushaho gucengeza ikoranabuhanga mu burezi. Kuko ntabwo ushobora kugira uburezi muri iki gihe ikoranabuhanga ritageze mu ishuri aho abana bigira, kandi noneho ntibibe abana gusa, ahubwo n'abarimu''.

Prof. Nzabalirwa avuga ko bari no gushishikariza abana cyane cyane abakobwa, gukunda amasomo ya siyansi, imibare n'ikoranabuhanga, kuko yabagirira umumaro mu iterambere ryabo kandi hakaba hakiri icyuho mu bwitabire bw'abayiga.

Christina Jerome Shuna, umushakashatsi akanaba umwalimu wahagarariye Dodoma College of Education yo muri Tanzania, yavuze ko gukora inama nk'iyi ihuza ibihugu biri mu bitera imbaraga abahanga binyuze mu gusangira ubumenyi banaha abanyeshuri.

Ati ''Twayigiyemo byinshi, ndatekereza ko ubu nkwiriye kwagura ibitekerezo ku kuntu nakora ubushakashatsi bwinshi, kugira ngo dutegure abanyeshuri benshi bo mu mashuri abanza n'ayisumbuye, kugira ngo tubarememo umutima wo gukunda amasomo ya siyansi, imibare n'ikoranabuhanga''.

Umuyobozi wa Kaminuza y'u Rwanda, Dr. Kayihura Muganga Didas, yahamagariye abitabiriye iyi nama bo mu bihugu bitandukanye, gufatanya na byo hagashyirwa imbaraga mu guha uburezi bufite ireme abanyeshuri bakiri bato.

Ati ''Umukoro wo gutahana, ni ukumenya ko uburezi bufite ireme budashobora kugerwaho, mu gihe abana bato biga mu mashuri abanza n'ayisumbuye batahawe uburezi bwiza''.

Dr. Kayihura yavuze ko umwana apfa mu iterura, biryo ko ibihugu bikwiriye gushora imari mu burezi bw'abakiri bato guhera mu kiburamwaka, kugira ngo bazagere muri kaminuza bafite ubumenyi bw'ibanze, hasigaye gusa kubafasha mu mikoro-ngiro.

Iyi nama yateguwe hagamijwe guhuriza hamwe abahanga n'abashakashatsi mu kungurana ibitekerezo, hagamijwe kwigira hamwe ku cyakorwa ngo uburezi buvugururwe. Yitabiriwe n'ibihugu bisaga 15.

Abahanga n’abashakashatsi bitabiriye iyi nama bishimiye ko yabaye umwanya mwiza wo gusangira ubumenyi n’ubunararibonye

Abitabiriye iyi nama, mbere yo gusubira mu bihugu byabo babanje gusura Urwibutso rwa Jenoside rwa Kigali ku Gisozi

Nyuma y’imikino y’ikipe y’igihugu, shampiyona y’icyiciro cya mbere mu Rwanda umwaka w’imikino wa 2022-23 mu mupira w’amaguru irakomeza hakinwaga umunsi wa 25.

Shampiyona yari yasubitswe hamaze gukinwa umunsi wa 23, kuko umunsi wa 24 wahuriranye n’imyiteguro y’ikipe y’igihugu wahise usubikwa.

Shampiyona ikaba yasubukuwe iri bukinwe guhera uyu munsi ku wa Gatanu tariki ya 31 Werurwe 2023 aho Gorilla FC yakira Sunrise n’aho Rutsiro ikakira Rwamagana City.

Ejo Rayon Sports izakira Police FC n’aho ku Cyumweru APR FC izakira Bugesera FC.

Gahunda y’umunsi wa 25

Ku wa Gatanu tariki ya 31 Werurwe 2023

Gorilla FC vs Sunrise FC
Rutsiro FC vs Rwamagana City

Ku wa Gatandatu tariki 1 Mata 2023

Rayon Sports vs Police FC
AS Kigali vs Mukura VS
Marines FC vs Musanze FC

Ku Cyumweru tariki ya 2 Mata 2023

APR FC vs Bugesera FC
Etincelles FC vs Gasogi United
Espoir FC vs Kiyovu Sports

Abakinnyi 7 batemerewe gukina umunsi wa 25

Nizeyimana Jean Claude (Rutsiro FC)
Bishira Latif (AS Kigali)
Niyonzima Olivier (AS Kigali)
Nduwayo Valeur (Musanze FC)
Ciiza Hussein (Etincelles)
Elie Ganijuru (Rayon Sports)
Léandre Onana Willy Essomba (Rayon Sports)

Benin yareze u Rwanda muri CAF kuba rwarakinishije Muhire Kevin kandi afite amakarita 2 y’umuhondo, Amavubi ashobora kurusimbuka nubwo amahirwe atari menshi.

Ni mu mukino w’umunsi wa 4 w’itsinda L mu gushaka itike y’igikombe cy’Afurika cya 2023 kizabera Côte d’Ivoire wakinwe na Kevin Muhire kandi afite amakarita 2 y’umuhondo.

Kevin Muhire wabonye ikarita ku mukino wa Senegal yabonye indi ku mukino ubanza wa Benin wabaye tariki ya 22 Werurwe 2023 muri Benin, bivuze ko atari gukina umukino wo kwishyura wabaye tariki ya 29 Werurwe 2023.

Ku ruhande rw’ikipe y’igihugu Amavubi, Team Manager Jackson avuga ko bari bafite mu bitabo bya bo ko Kevin Muhire afite amakarita 2 y’umuhondo ariko CAF iboherereza raporo ivuga ko umukinnyi utemerewe gukina uyu mukino ari Hakim Sahabo.

Ngo bahamagaye muri CAF babaza niba ari byo koko, ndetse anegera Komiseri w’umukino amubaza niba nta wundi mukinnyi Amavubi afite atemerewe gukina uyu mukino amubwira ko nta we uwo yahawe ari Hakim Sahabo.

Ni nyuma y’uko muri raporo y’umusifuzi na Komiseri ku mukino ubanza wa Benin yatanzwe muri CAF igaragaza ko Muhire Kevin nta karita yabonye kuri uyu mukino ahubwo amakarita yahawe Mugisha Gilbert wahawe umuhondo na Hakim Sahabo wahawe umutuku nyuma yo kubona imihondo 2.

Amakuru ISIMBI yamenye ni uko nyuma y’umukino wabaye ku wa Gatatu amakipe yombi akanganya 1-1, Rutayisire Jackson yegereye Komiseri w’umukino akamubwira ko hashobora kuba habayemo kwibeshya na we akamubwira ko ikirego agihawe umukino urangiye kandi mbere y’umukino Benin itigeze igaragaza ko uyu mukinnyi afite amakarita 2.

Yamuremye agatima amubwira ko kuba batanze ikirego umukino warangiye batabigaragaje mbere badakwiye kubigiraho ikibazo ahubwo byaba ikibazo mu gihe komiseri yabamenyesheje ko umukinnyi atemewe gukina akarengaho agakina.

Itegeko rivuga iki? Hari aho rirengera u Rwanda?

Nk’uko mu nkuru iheruka twabagejejeho bamwe mu basifuzi bavuze ko uyu musifuzi azahanwa ariko na none n’u Rwanda rukaba rwaterwa mpaga, gusa haracyari amahirwe ku Rwanda nubwo atari menshi.

Itegeko rya 42 mu mategeko agenga imikino y’Igikombe cya Afurika rigaruka ku bijyanye no guhagarikwa kw’abakinnyi kubera amakarita, rigena ko umukinnyi ubonye amakarita abiri asiba umukino, CAF ikabimenyesha amashyirahamwe bireba ariko na none kubimenya bikaba inshingano z’ishyirahamwe ku giti cyaryo.

Gusa na none iyo umunutse ku ngingo ya 43 ijyanye no kwanga abakinnyi bafite imiziro batagomba gukina, agaka ka mbere kavuga ko iyo hari umukinnyi ushidikanywaho hakekwa ko afite ikibazo, mbere y’umukino kapiteni w’ikipe irega agomba kuba yamaze gukora ikirego mu buryo bukurikije amategeko ndetse akanabimenyesha kapiteni w’ikipe iregwa akanabisinyira.

Agaka ka 2 kavuga ko iki kirego kigomba kuba cyagejejwe muri CAF bitarenze amasaha 48 nyuma y’umukino.

Kevin Muhire yakinnye umukino wa Benin afite amakarita 2 y’umuhondo

Ahoufe Abrantie wamamaye nka 2Pac wa Ghana kuri Tik Tok yitabye Imana bitunguranye.

Urupfu rw’uyu musore w’imyaka 21 ukomoka muri Ghana rwamenyekanye ku mugoroba w’ejo hashize ku wa Kane tariki ya 30 Werurwe 2023 aho ibinyamakuru bitandukanye byo muri Ghana byabitangaje ariko umuryango we ukaba wari utaratangaza icyo yazize.

Yigaruriye imitima ya benshi bitewe n’amashusho yifataga akayasangiza abamukurikira kuri Tik Tok na Instagram.

Yiyise 2Pac kubera uburyo rimwe na rimwe yanyuzagamo akifata anashusho yambaye nk’uko uyu muraperi yakundaga kwambara, yashyize bandana mu mutwe.

Ku rubuga rwa Tik Tok yakurikirwaga n’abantu hafi miliyoni 4 ni mu gihe kuri Instagram yakurikirwaga n’abarenga ibihumbi 600.

Indoro yasetsaga benshi mu mashusho yabasangizaga

Yakundaga kwiyita 2Pac

Urupfu rwe rwatunguye benshi