Category: Uncategorized

Itangazo rigaragaza ibikorwa biba biteganyijwe mu Nteko Ishinga Amategeko, rigaragaza ko kuri uyu wa 4 Mata 2023, ari bwo Inteko Rusange y'Umutwe w'Abadepite yakira Umunyamabanga wa Leta ufite Amashuri y'imyuga, Ubumenyingiro n'Ikoranabuhanga mu nshingano.

Minisitiri Irere yaherukaga kwitaba Abadepite ku wa 14 Gashyantare 2023, aho yari yatumijweho ngo atange ibisobanuro mu magambo ku bibazo byagaragaye mu mashuri y'imyuga n'ubumenyingiro.

Ni umwanzuro wari wafashwe ku wa 25 Ukuboza 2022, ubwo Inteko Rusange y'Umutwe w'Abadepite yasuzumaga Raporo y'ibyavuye mu ngendo Abadepite bakoreye mu mirenge yose igize uturere tw'igihugu hagati ya tariki 17 Ugushyingo 2022 n'iya 5 Ukuboza 2022.

Uwo mwanzuro watumizaga Minisiteri y'Uburezi ngo itange ibisobanuro mu magambo ku bibazo byagaragaye mu mashuri y'imyuga n'ubumenyi ngiro.

Ku wa 14 Gashyantare 2023, ubwo Minisitiri Irere yari yitabye Abadepite, bamubwiye ko mu bibazo babonye birimo kuba hari imwe mu mirenge idafite ishuri na rimwe ryigisha imyuga n'ubumenyingiro kandi rikenewe.

Visi Perezida w'Umutwe w'Abadepite mu Nteko Ishinga Amategeko, Ushinzwe Amategeko no kugenzura Ibikorwa bya Guverinoma, Edda Mukabagwiza, ati 'Ni izihe ngamba minisiteri ifite kugira ngo ikemure ikibazo cy'abanyeshuri batabasha kwiga imyuga n'ubumenyingiro kubera ko bibasaba gukora urugendo rurerure bajya aho ishuri riherereye?'

Muri rusange mu gihugu hose hari imirenge 114 idafite n'ishuri na rimwe muri aya ndetse hari n'aho hari ishuri rimwe mu murenge umwe ariko rikaba ridahagije bitewe n'ingano yawo.

Mu bisobanuro yatanze, Minisitiri Irere yagaragaje ingamba za Guverinoma mu gukemura ibibazo bitandukanye yabajijwe aho yagaragaje ko inyigo yatangiye ku buryo mu ngengo y'imari y'umwaka utaha hari imirenge 24 izubakwamo amashuri y'imyuga n'ubumenyingiro.

Hari aho yagize ati 'Turi gukora ibishoboka byose ngo iyo mirenge igeremo amashuri. Turi gutanga amasoko n'ibikoresho byo kubaka ndetse imirenge 90 izatangira kubaka muri uku kwezi no mu kwa gatatu.'

Nyuma yo kumva ibisobanuro bya Minisitiri Irere, Abagize Inteko Rusange y'Inteko Ishinga Amategeko batangaje ko batanyuzwe na byo, bamusaba ko yazatanga ibosobanuro mu nyandiko.

Umwanzuro w'iyo Nteko Rusange wagiraga uti “Inteko Rusange y'Umutwe w'Abadepite ntiyanyuzwe n'ibisobanuro mu magambo byatanzwe n'Umunyamabanga wa Leta muri Minisiteri y'uburezi, Irere Claudette ku bibazo byagaragaye mu mashuri y'imyuga n'ubumenyingiro, yemeza ko agomba gutanga ibisobanuro mu nyandiko nk'uko biteganywa n'itegeko.”

Ibibazo 11 byabajijwe Minisitiri Irere

1. Imwe mu Mirenge idafite ishuri na rimwe ryigisha imyuga n'ubumenyi ngiro kandi rikenewe no kuba hari ishuri rimwe mu murenge ridahagije ukurikije ingano yawo.

2. Umubare muto w'abanyeshuri mu mashuri yigisha imyuga n'ubumenyi ngiro ukurikije ubushobozi bwayo mashuri, bitewe n'impamvu zirimo kuba aya mashuri adafite ubushobozi bwo gucumbikira abanyeshuri baturuka kure, kutishimira amashami boherejwe kwigamo.

3. Bamwe mu babyeyi bataragira imyumvire iboneye ku bumenyi butangirwa muri aya mashuri.

4. Ibikoresho bidahagije mu bigo byinshi by'amashuri yigisha imyuga n'ubumenyi ngiro no kuba RTB itinda kubyohereza kandi Leta iba yaratanze ingengo y'imari.

5. Amwe mu mashuri atarahabwa umuriro w'amashanyarazi wa “triphase” ukoreshwa n'imashini nini zifashishwa mu kwigisha, hari n'amashuri ataragezwamo amashanyarazi na make.

6. Amwe mu mashuri yigisha imyuga n'ubumenyingiro adafite ibyumba bihagije byo kwigiramo, aho bashyirira mu ngiro ibyo bize n'ubwiherero, hari n'ahagaragaye amashuri afite ibyumba bidakoreshwa.

Hatanzwe urugero rwa VTC Urumuri ya Mayange Bugesera bafite ibyumba bitatu birimo n'intebe n'ibikoresho ariko bidakoreshwa.

7. Kuba abanyeshuri batabona aho bakorera imenyerezamwuga cyangwa ingendoshuri kuko hari aho basabwa kugira ubwishingizi.

8. Kudashyira amashami y'amashuri hafi y'aho abayiga bashobora kwimenyereza umwuga mu buryo bworoshye kandi hari amahirwe n'ibikoresho bijyanye n'ibyo biga

9. Hari amashuri adafite “smart classroom”, imfashanyigisho, ibitabo n'itumanaho rya “internet'.

10. Ikibazo cy'ibiciro by'amazi n'amashanyarazi bavuga ko biri hejuru mu bigo by'amashuri y'imyuga n'ubumenyingiro.

11. Amwe mu mashami adafite abarimu bafite impamyabushobozi zifuzwa mu kwigisha imyuga.

Hatanzwe urugero rw'Ishuri rya TVET Shwemu mu Murenge wa Rugerero mu Karere ka Rubavu ryabuze abarimu bigisha gukora inkweto mu mpu kandi RTB yaratanze ibikoresho bikenewe bikaba bitari gukoreshwa.

Hari kandi VTC Ruhuha mu Karere ka Bugesera yabuze umwarimu wo kwigisha gutunganya umusatsi, TSS Cyondo mu Murenge wa Kiyombe, Akarere ka Nyagatare Ishami ry'Ubudozi rifite imashini yandika ku myenda ariko bakaba barabuze impuguke yo kubigisha uko bayikoresha.

Inkuru wasoma:

—  Imirenge 114 nta shuri igira, abarimu n'ibikoresho ni iyanga: Amasubyo mu kwigisha imyuga n'ubumenyingiro

—  Abadepite ntibanyuzwe n'ibisobanuro bya MINEDUC ku bibazo biri muri TVET

Umunyamabanga wa Leta muri Minisiteri y'Uburezi ushinzwe Ikoranabuhanga n'Amashuri y'Imyuga n'Ubumenyingiro, Irere Claudette, yatumijweho n’Inteko Ishinga Amategeko

---

Source : http://igihe.com/amakuru/u-rwanda/article/abadepite-bongeye-gutumiza-minisitiri-irere-nyuma-yo-kutanyurwa

Ni kimwe mu byaranze ibiganiro byo mu mpera z'icyumweru gishize mu Nama Nkuru y'Umuryango wa FPR Inkotanyi yahuriranye n'Isabukuru yayo y'imyaka 35 cyatanzwe na Musoni Protais n'abandi.

Musoni yagarutse ku mateka y'u Rwanda, avuga ko rwahanzwe n'abakurambere, rutari igihugu cyahanzwe n'abakoloni ariko cyagize ikibazo gikomeye cyo kuba Abanyarwanda benshi barisanze nyuma y'imbibi z'igihugu atari ku bushake hamwe n'abandi banyuze mu buhunzi guhera mu 1959.

Ati 'Ni ibisigisigi bya mbatanye mbayobore'.

Yavuze ko ibyo bibazo byateye akababaro mu babirimo, ku buryo ngo mu 1960 abari barahunze bari bafite icyizere ko bazahunguka ariko icyo cyizere bakagishyira kuri Loni, ku mwami no ku mahanga.

Ati 'Nyuma ya 70, nyuma y'Inyenzi, Abanyarwanda benshi bataye icyizere, bajya gushaka uko babaho. Uko bitera icyizere ni ko barera, ndashimira ababyeyi bacu kuko bakomezaga badutongera ku gihugu cyiza cy'amata n'ubuki.'

Musoni yavuze ko abantu batangiye kwiga, bagerageza gusoma, baganira iteka bibaza ikizabaho ngo babashe kugira igihugu cyabo.

Ati 'Muri za 80 hatangira kuvumbuka amatsinda menshi ashaka igisubizo […] ababyibuka navuga nk'Urukatsa, RANU, ndetse n'abagiraga ibitaramo, bose bashakisha uko byazaba, bamwe bakajya no mu ntambara zo kubohora ibihugu by'abandi, by'umwihariko ni iyabaye muri Uganda harimo Abanyarwanda benshi, bamwe intambara yabasanze aho nta kundi bayijyamo.'

Yavuze ko hari n'abandi bagiye mu ntambara bashaka igisubizo cy'igihugu cyabo, barimo na Perezida Kagame, ku buryo ngo bagendaga baryana urwara, babwirana bati 'nyuma y'uru rugamba hazaba urundi rugamba.'

Ati 'Nta wari uzi ko azabaho ariko bakavuga bati dutangire ibi bikorwa, nitunapfa abana bacu bazagerayo, cyangwa abuzukuru bacu. Buri muntu wese yashakaga umugore kugira ngo azagire icyo asiga.'

Yavuze ko intambara yo muri Uganda irangiye, guhuza abari bafite ibitekerezo byo kubohora igihugu havamo imbaraga zo gushakira ibisubizo hamwe, hashakwa umurongo wa politiki.

Muri iyo mikorere, ngo intumbero yari ukugira umuryango wa bose, uzabohora bose.

Ati 'No kwigira rero, kwishakamo ibisubizo ni iby'icyo gihe. No ku rugamba kuvuga ngo tubike, ejo tutazaba abasabirizi, byari ukwigira […] Twashyize imbere kuzajya tuganira, gushakira ibisubizo ibibazo dufite tutagendeye ku by'abandi.'

Sheikh Abdul Karim Harerimana yavuze ko u Rwanda rwari rwarapfuye, hasigara akuka gake kari gafitwe na Perezida Kagame kuko n'abandi bari bahari, bari barahindutse ibisenzegeri, barahungabanye.

Nyuma ya Jenoside, kugira ngo u Rwanda rubashe kwiyubaka, icyakozwe ni ukunga ubumwe bw'Abanyarwanda uhereye ku mashyaka.

Ati 'Muze tuganire turebe uko twubaka igihugu cyacu. Baraza. Hashize iminsi mike na ziriya ngabo yari amaze gutsinda arazihamagara, na zo ziraza, zijya muri RPA ndetse mu minsi mike n'izina rirahinduka ziba RDF.'

'No guhindura amazina uva kuri RPA ujya kuri RDF, ntabwo byari byoroshye, bamwe bati 'izina ryacu ko ryatugejeje i Kigali, murarihindurira iki?'

Nyuma hakurikiyeho ibikorwa byo gucyura impunzi, gusa abari barahunze mu 1994, habaho igikorwa cyo kubabohora, bacyurwa mu Rwanda.

Ati 'Icyakurikiyeho ni uguha ituze Abanyarwanda, kurinda imipaka, abari mu gihugu tugire umutekano, abari hanze bashaka kurwana nibakomeze ni akazi kabo, igihugu rero kigera ku mutekano na n'ubu.'

Muri uko gucyura impunzi, ngo abari mu Burundi no muri Tanzania, bahungutse nta kibazo bateye, gusa abari muri Zaïre bo bagiye kure ahitwa Tingitingi, barinangira ku buryo n'ubu bakomeje uwo mujyo.

Mu byagezweho byose, hari ingorane Umuryango FPR Inkotanyi wahuye na zo, uhereye ku bakada badashaka kumva, bashaka inyungu zabo ku giti cyabo.

Ambasaderi Mathilde Mukantabana na we yanyuze mu mateka y'ubuhunzi. Yavuye mu Rwanda, ahungira mu Burundi mbere yo kujya muri Leta Zunze Ubumwe za Amerika i California.

Ati 'Twigaga ku Kibuye, umuntu yumvaga ko ari ahantu hatari iwe…guhunga, mukagenda muri abana bato, twe twagenze n'amaguru duca mu Akanyaru mu rufunzo, bamwe bakagwayo, duhungira i Burundi, batwakira neza, musitanteri atwakira neza mbere y'uko tujya mu nkambi ya Muramvya.'

Yavuze ko ageze i Muramvya yagiye kwiga ahitwa mu Ijenda, ariko iteka ngo yagiraga inzozi mbi agahora atekereza ko yapfuye. Muri icyo gihe cyose, ntiyumvaga ko aho ari iwabo, ku buryo no kujya muri Amerika byari ugushaka ahandi yabona umuryango.

Ati 'Kugira ngo umuntu abashe kubaho, yumve ko hari abandi bameze kimwe. Muri za 80 baraduhamagara, RPF yari yaje, twamaze ibyumweru bibiri umuntu agenda amasaha umunani muri weekend, ariko inyigisho za RPF twaravugaga tuti ni bya bindi umuntu yarose bitazagerwaho.'

'Iteka umuntu yaravugaga ati ariko ubu tuzongera dusubire iwacu… baje kutwigisha benshi, tukajyayo tukiga, bucyeye jenoside ije, twumvise ko byose birangiye.'

Mukantabana yavuze ko nyuma ya Jenoside, nubwo habaye ibiganiro bigamije iterambere ry'igihugu nk'ibya Kicukiro I n'iya II ndetse n'ibyo mu Rugwiro, nta cyizere yari afite ko igihugu kizabaho.

Ati 'Twe twumvise ko Isi irangiye, tumara nk'imyaka ibiri ariko nk'aho ibintu byapfuye, ariko wumvaga ko bitakimeze kimwe, kuko n'iyo wagarukaga uje gushyingura abacu, warazaga n'akababaro ariko wumvaga ko uje mu gihugu.'

Umukuru w’Igihugu na Madamu baririmba indirimbo y’Umuryango FPR Inkotanyi

Muri iyi nama, Perezida Kagame yashimiwe uruhare rwe ntagereranywa mu rugendo rw’imyaka 35 FPR Inkotanyi imaze ishinzwe

Perezida Kagame yavuze ko bitumvikana uburyo igihugu kinini, gifite ubushobozi, gishobora kumara igihe kinini gisabiriza

Umukuru w’Igihugu yabajije abari bitabiriye iyi nama niba bazi neza umuzi w’ikibazo cy’u Rwanda na RDC

Iyi nama yitabiriwe n’abanyamuryango ba FPR Inkotanyi bagera ku bihumbi bibiri

Amafoto: Igirubuntu Darcy

---

Source : http://igihe.com/amakuru/u-rwanda/article/rpf35-hasobanuwe-iby-inzira-y-inzitane-ku-mpunzi-z-abanyarwanda-n-icyasembuye

Perezida Paul Kagame yakiriye mu biro bye Village Urugwiro mugenzi we wa Kenya Dr Willam Ruto, uri mu ruzinduko rw'akazi mu Rwanda kuri uyu wa Kabiri tariki 04 Mata 2023.

Umukuru w'Igihugu yakiriye Ruto nyuma y'igihe gito atangiye uruzinduko rw'akazi rw'iminsi ibiri mu Rwanda rugamije gutsura umubano w'ibihugu byombi.

 Yakiriwe ku Kibuga cy'Indege na Minisitiri w'Ububanyi n'Amahanga, Vincent Biruta, akomereza muri Village Urugwiro.

Muri uru ruzinduko byitezwe ko hasinywa amasezerano atandatu ari mu ngeri zirimo ubufatanye mu ikoranabuhanga, ubuzima, guteza imbere urubyiruko, guteza imbere amakoperative, imikoranire hagati y'inzego zishinzwe igorora n'ubufatanye mu bya dipolomasi.

Usibye gusinya amasezerano, byitezwe ko Perezida Kagame na William Ruto bagirana ikiganiro n'abanyamakuru.

The post <strong>Perezida Kagame yakiriye mugenzi wa Kenya</strong> appeared first on FLASH RADIO&TV.

Source : https://flash.rw/2023/04/04/perezida-kagame-yakiriye-mugenzi-wa-kenya/?utm_source=rss&utm_medium=rss&utm_campaign=perezida-kagame-yakiriye-mugenzi-wa-kenya

Amakuru aturuka mu Bufaransa aravuga ko Lionel Messi yiteguye guhindura ibitekerezo maze akava muri Paris Saint-Germain muri iyi mpeshyi.

Amasezerano y'uyu munyabigwi ararangirana n'uyu mwaka w'imikino,ndetse ngo PSG yifuzaga kumuha undi mwaka umwe nubwo ngo yamusabye kugabanya umushahara.

Mu gikombe cy'isi cyabereye muri Qatar mu mwaka ushize,Messi w'imyaka 35 yafashije Argentine kwegukana igikombe bituma benshi babona ko agikomeye.

Ise wa Messi witwa Jorge yabwiye Perezida wa PSG, Nasser Al-Khelaifi ko Lionel yemeye kuguma muri iyi kipe gusa ngo uyu mukinnyi yaba yamaze kwisubiraho ashaka kwigendera.

Nk'uko ikinyamakuru cyo mu Bufaransa L'Equipe kibitangaza, Messi n'iyi kipe 'bari hafi yo gutandukana', uyu mukinnyi akerekeza ahandi uyu mwaka w'imikino urangiye.

Ibiganiro byabaye mu byumweru bishize, byarangiye izi mpande zombi zitabashije kumvikana.

Umuryango w'uyu mukinnyi urashaka gusubira muri FC Barcelona, ​​aho yamaze ubuzima bwe bwose mbere yo kwimukira i Paris muri 2021.

PSG yasabye Messi kugabanya umushahara we 25 % kuri miliyoni 25.6 z'amapawundi ahembwa buri mwaka kugira ngo itazahabwa ibihano bya Financial Fair play.

Messi nawe ngo arasaba guhabwa icyizere cy'umutoza n'abakinnyi bashya bazagura mu mpeshyi gusa PSG ntiyemeye kumumara impungenge.

Messi ngo arambwiwe kwikorezwa ibyo kwitwara nabi kwa PSG isigaye itsindwa umusubirizo.

Abafana bamuvugirije induru mu mukino baheruka gutsindwa na Lyon mu rugo gusa umutoza wa PSG,Galtier yavuze ko aba bafana ari indashima kuko Messi amaze kubatsindira ibitego 17 anatanga imipira 17 yavuyemo ibitego.

Ikipe ya FC Barcelona yarahiye ko yifuza kugarura Lionel Messi kuri Camp Nou mu mpeshyi ndetse ibiganiro byaratangiye.

Source : https://umuryango.rw/imyidagaduro/imikino/article/lionel-messi-agiye-gutandukana-n-ikipe-ya-psg

Nkuko byumvikanye mu kiganiro cyagiye hanze uyu mukobwa aganira na nyina, yarimo amubaza ku mubano we n'umukozi wo mu rugo.

Tiffah yavuze ko adakunda uburyo uyu mukobwa amuhamagaramo kuko izina rye arihamagarana imbaraga asa n'umukanga ni mu gihe we aba yumva ko yamuhamagara gahoro.

Nyina yamubajije icyo yakora undi avuga ko akwiye guhita amwirukana akazana undi.

Aha Zari yahise amubaza niba yarigeze amubuza kumuhamagara gutyo, undi avuga ko ntabyo yakoze ndetse nta n'ibyo yakora ahubwo ko bakwiye kumwirukana agataha bagashaka undi.

Tiffa ni umwana w'imfura wa Diamond yabyaranye na Zari umuherwekazi ukomoka muri Uganda ariko kuri ubu utuye muri Africa y'Epfo.

Source : https://umuryango.rw/imyidagaduro/article/imfura-ya-diamond-yabyaranye-na-zari-yasabye-ko-bakirukana-umukozi-kubw-impamvu

1.Ariel Wayz

Ariel Wayz ni umwe mu bahanzikazi beza kandi bakunzwe mu Rwanda ku buryo kuba wamusanga ku mwanya wa mbere ari ibintu buri wese atatindaho bitewe n'ubuhanga bwe bwumvikana mu bihangano bye ku buryo bugaragarira buri wese.

Usibye kuba agaragara ku mwanya wa mbere ni umwe mu bahanzikazi bakiri bato haba mu mwaka ndetse no kuba yaba amaze igihe mu muziki gusa mu gihe gito amazemo yakoze indirimbo nyinshi zakunzwe na benshi ndetse yagiye anagaragara mu bitaramo bitandukanye byahaye ibyishimo abanyarwanda.

Wayz yamenyekanye mu ndirimbo zitandukanye zirimo 'Ndagukumbuye' yakoranye na King James, 'Ntago yantegereza' yakoranye na Mama we,'Bad' ndetse n'izindi nyinshi zikunzwe muri iyi minsi.

2. Alyn Sano

Alyn Sano nawe ni umwe mu bahanzikazi bakunzwe cyane mu Rwanda kubera ijwi rye ritangaza benshi n'umwihariko mu mashusho y'indirimbo ze bitewe n'imyambarire aba yambaye.

Sano yamenyekanye mu ndirimbo nyinshi zitandukanye zirimo 'Radio,Sayless,Boo ndetse n'izindi zigezweho muri iyi minsi.

3.Bwiza Emmerance

Bwiza ni umuhanzikazi utamaze igihe gusa bitewe n'ibihangano bye no gukora cyane ubu izina rye rizwi cyane nk'umaze imyaka myinshi mu muziki Nyarwanda.

Bwiza yamenyekanye mu ndirimbo zitandukanye zirimo 'Exchange iri mu zigezweho muri iyi minsi,Ready, My Day yakoranye na Symphony ndetse n'izindi nyinshi.

4.Butera Knowless

Knowless nawe ni umwe mu bahanzikazi bafatwa nk'abamikazi mu muziki Nyarwanda bitewe n'imyaka amaze ikindi kandi kugeza ubu indirimbo yose asohoye irakundwa bitandukanye n'abo batangiranye kuri ubu bitakibukwa ko bigeze kuba abaririmbyi.

5.Aline Gahongayire

Aline Gahongayire ni umwe mu bahanzikazi baririmba indirimbo zo kuramya no guhimbaza Imana ndetse benshi bakunze kugaragaza ko ari umubyeyi w'igikundiro kubera ibihangano bye bihembura imitima ya benshi ndetse n'ibikorwa byo gufasha abababaye akunze kugaragaramo.

Aline yamenyekanye mu ndirimbo zitandukanye zirimo Ndanyuzwe,Ntabanga,Izindi mbaraga ndetse n'izindi nyinshi zihembura imitima ya benshi.

6.Vestine na Dorcas

Vestine na Dorcas nabo n'itsinda ry'abana bato b'abavandimwe baririmba indirimbo zo kuramya no guhimbaza Imana bakundirwa cyane umurava n'umuhate bagaragaza mubyo bakora ndetse n'indirimbo zabo zisana imitima ya benshi.

Vestine na Dorcas bakunzwe cyane mu ndirimbo zitandukanye zirimo'Ibuye,Nzakomora, Isaha n'izindi nyinshi.

7.Marina Deborah

Marina nawe ni umwe mu bahanzikazi bafite igikundiro kinshi bitewe n'ijwi rye ry'umwimerere riryohera amatwi y'abaryumva.

Marina yamenyekanye mu ndirimbo zitandukanye zirimo 'Shawe, Ni Wowe ndetse n'izindi nyinshi.

8.Annet Murava

Annet Murava ni umuhanzikazi wamenyekanye mu ndirimbo zo kuramya no guhimbaza Imana icyakora izina rye ritumbagira byihuse kubera amagambo yumvikana mu ndirimbo ze ndetse ibyinshi akavuga ko bifite aho bihuriye n'ubuzima bwe.

Annet Murava ymenyenyekanye mu ndirimbo zitandukanye zirimo 'Niho Nkiri yatumye amenyekana cyane, Naje kugushima n'izindi.

Source : https://umuryango.rw/imyidagaduro/article/urutonde-rw-abahanzikazi-bakunzwe-mu-rwanda-kurusha-abandi-n-uko-bakurikirana

Mu ijambo yagejeje ku banyamuryango ba RPF INKOTANYI ku Cyumweru,tariki ya 02 Mata 2023, Perezida Kagame yavuze ko bikwiriye ko uyu muryango wagakwiye gushaka abandi batari we bamusimbura ku buyobozi bw'iri shyaka no ku Buperezida.

Perezida Kagame watangiye kuyobora u Rwanda muri 2003,yakoze ku mitima y'abanyarwanda benshi bituma banasaba ko itegeko rikumira manda ze rivugururwa akongera kwiyamamaza muri 2017.

Iri tegeko ryatowe ku bwinshi,maze 2017 barongera bamuhundagazaho amajwi ndetse ubu afite amahirwe yo gukomeza kwiyamamaza akaba yakomeza kuba ku butegetsi kugeza 2034.

Perezida Kagame yabwiye abanyamuryango ba FPR INKOTANYI ko yifuza ko haboneka abandi bagirirwa icyizere cyo kuyobora iri shyaka n'igihugu.

Ati “Mfite umwenda wo kuvuga ngo yiba byihutaga, uko dukora bigatuma haboneka undi wakora nk'ibyo muntorera gukora. Ni cyo nshaka kuvuga.Birasa nkaho hari icyaha mfite.

N'ukuvuga ngo wananiwe gukorana nabo ukorana nabo ku buryo twibonamo abandi bashobora gukora nk'ibyawe,nk'ibyo tugusaba gukorana nawe.Nicyo nashakaga kuvuga.

Iteka ko dushaka Chairman hakaza Kagame,ubundi mu buryo busanzwe kuki bitaba byiza ariko hari icyo kintu…Ndanabyifuza ko byaba no ku buyobozi bw'igihugu.”

Impaka ntizijya zibura ku bantu bavamo umusimbura wa Perezida Kagame aho benshi mu bavuga bemeza ko ubu ntawaboneka mu gihe abandi bagira amazina make atagera no kuri atatu y'umusimbura we.

Mu kiganiro yagiranye na Radio 10, tariki 18 Ukwakira 2022,Visi Perezida w'Inteko Ishinga Amategeko umutwe w'Abadepite, Sheikh Musa Fazil Harerimana yabajijwe igihe abona u Rwanda rwazayoborerwa n'undi muntu utari Perezida Paul Kagame, avuga ko ari igihe rwazaba rumaze kugera aho rushikamye.

Abajijwe abashobora kuvamo uwasimbura Perezida Paul, Hon Musa Fazil Harerimana yavuze ko ari abakiri bato batabaye mu bibazo by'amateka yaranze u Rwanda.

Ati 'Abakandida mvuga bakiri bato, ni abantu ubona ko bize muri iki gihe cya nyakubahwa Perezida wa Repubulika akabateza imbere, ntibahure n'amacakubiri ya Leta iyabashyiramo. Abo bazamutse gutyo, numva ko kuri njyewe ari bo yategura agaha ubuyobozi.'

Mu kiganiro UMURYANGO wagiranye n'Umusesenguzi Jean Paul Nkundineza,yavuze ko kuri ubu umusimbura wa Perezida Kagame ataraboneka kuko ukenewe ari ufite ubuhanga mu Bubanyi n'amahanga,gukorana n'igisirikare no kubaka urwego rw'ubutasi rukomeye,guteza imbere u Rwanda nkuko abikora ndetse no kuba afitiwe icyizere mu banyarwanda.

Ati “RPF imyaka 35 irimo 29 ku butegetsi,biragoye kubona undi muntu wakorera mu ngata Perezida Kagame,bivuye mu mboni z'abaturage.Biragoye kuko abaturage baramwizera cyane.Imvugo yakoresheje ni imvugo ya politike cyane.Ubuse Paul Biya amaze ingahe,Museveni,…n'abamusimbura nabo muri RPF kuko n'ibintu baba bateguye igihe kinini.”

Yakomeje ati “Mu mboni zanjye umuntu ashobora kuba umuyobozi mwiza ariko kuba Perezida w'igihugu bisaba izindi mbaraga…Aka kanya biragoye.”

Icyakora Nkundineza yavuze amazina abiri abonamo ubushobozi bwo kuba bakundanira Perezida Kagame ku butegetsi.Ati “Aka kanya mpitamo nshaka ko u Rwanda rutera imbere n'ibindi ni hgati ya Donald Kaberuka na Louise Mushikiwabo.Baza kuri uwo mwanya kubera imyanya ikomeye bayoboye ku rwego rw'isi.

Igihugu cy'u Rwanda kimeze nka Isiraheli,gikikijwe n'abanzi,sindabona ibi bihugu duturanye tubanye neza imyka itanu,ntabwo ari bishya.

Ikintu gikomeye Perezida Kagame abarusha bose afite ubuhanga ku bubanyi n'amahanga,azi gucunga umutekano n'ubutasi azi no guteza imbere igihugu cye mu buryo bumwe n'Ubundi.Aragikotanira muri make.Ntabwo ndabona inkotanyi yayobora u Rwanda irenze Kagame.”

Ubwo yatangizaga Inama y Igihugu y'Umushykirano ya 17 yateraniye i Kigali kuva kuwa Kane tariki 19-20 Ukuboza 2019,Perezida Kagame mu ijambo rye, yavuze ko yifuza kuzasimburwa n'umugore.

Aha Perezida Kagame yagize ati “Mwongere vitensi,..njya nifuza rimwe ko uyu mwanya mwampaye ubukurikira uzatwarwa n'umugore, abagabo ntabwo nzi uko mubyumva.”

NI BANDE BAGERAGEZA GUSIMBURA PEREZIDA KAGAME KU BUTEGETSI

1]LOUSE MUSHIKIWABO

Mushikiwabo ni inararibonye muri Politiki,azi u Rwanda n'imikorere yarwo ndetse anafite ubunararibonye buri hejuru ku bijyanye na politiki mpuzamahanga.

Ni umunyapolitiki wavukiye i Jabana mu karere ka Gasabo tariki 22 Gicurasi 1961.

Ni mushiki wa Lando Ndasingwa wari umunyapolitiki n'umucuruzi ukomeye, akaza kwicwa muri jenoside yakorewe Abatutsi mu 1994 n'abandi bamwe bo mu muryango we.

Mushikiwabo yakuriye i Kigali mu bwana bwe, aho yigiye amashuri abanza n'ayisumbuye, nyuma aza gukomereza muri Kaminuza Nkuru y'u Rwanda i Butare mu mwaka wa 1981.

Nkuko bigaragara ku rubuga rwa interineti ruvuga ku buzima bwe, nyuma yaje gukomereza amasomo muri Leta Zunze Ubumwe z'Amerika kuri Kaminuza ya Delaware aho yize indimi no kuzisemura, ahavana impamyabumenyi y'icyiciro cya gatatu cya kaminuza.

Yabaye muri Amerika imyaka ibarirwa muri 20 akora imirimo ijyanye n'ubusemuzi nko mu Muryango w Abibumbye. Yaje kuhava ajya gukorera banki nyafurika y'iterambere muri Tuniziya, mu buyobozi bushinzwe itangazamakuru.

Prezida Kagame yamugize Minisitiri w'Itangazamakuru ahava ajya kuyobora Minisiteri y'Ububanyi n'Amahanga y'u Rwanda kuva mu mwaka wa 2009.

Ibi bimugira umwe mu bayoboye iyi minisiteri igihe kirekire kurusha abandi bose nyuma ya jenoside.

Mu Kwakira 2018, Mushikiwabo yatorewe kuba umunyamabanga mukuru wa Francophonie, umuryango uhuza ibihugu bivuga Igifaransa. Ni we mu nyarwanda wa mbere watorewe kuyobora uyu muryango mu myaka ine ndetse mu mezi make ashize yongerewe kugirirwa iki cyizere.

Ubushobozi, ubunararibonye muri politiki y'u Rwanda ndetse na mpuzamahanga, biha amahirwe madamu Mushikiwabo kuba yajya mu basimbura ba Perezida Kagame igihe yaba avuye ku butegetsi.

Mushikiwabo azwiho cyane gucengera no gukora 'lobbying' kugira ngo agere ku cyo ashaka. Ikindi afite cyihariye usibye kuba yarize indimi azi kuzivuga neza n'umuhanga mu bwirwaruhame n'imibanire na benshi

Ni umuntu uhora yishimye kandi utera urwenya iyo yabishatse.

2] DONALD KABERUKA


Dr Donald Kaberuka,umuhanga mu bukungu na Politiki, wubatse izina rikomeye muri Afrika no ku isi yose ubwo yayoboraga Banki Nyafurika itsura Amajyambere (BAD) imyaka 10,nawe n'undi muntu utarenzwa ingohe mu kuba yayobora u Rwanda.

Dr Donald Kaberuka ni Umunyarwanda wavutse tariki ya 5 Ugushyingo 1951, avukira ahahoze hitwa i Byumba ; ubu ni mu karere ka Gicumbi, akaba ari imfura mu muryango w'abana 7.

Ku myaka 8 gusa, Donald Kaberuka n'umuryango we bahungiye mu gihugu cya Tanzania ari naho yize amashuri ye, aza no kuminuriza muri University of Dar es Salaam aho yakuye impamyabumenyi y'icyiciro cya kabiri mu bijyanye na Philosophy.

Icyiciro cya gatatu cy'amashuri ya kaminuza, Donald Kaberuka yacyigiye muri University of East Anglia mu Bwongereza mu bijyanye n'iterambere (Development studies) aho yaje kuva yerekeza muri University of Glasgow yo mu gihugu cya Ecosse ari naho yavanye impamyabumenyi y'ikirenga mu bijyanye n'ubukungu (PhD in Economics).

Akimara kurangiza amashuri ye, kuva mu mwaka w'1987 yakoze mu bijyanye n'amabanki ndetse n'ubucuruzi mpuzamahanga mu gihe kigera ku myaka 10. Mu bigo bikomeye yakozemo icyo gihe harimo Umuryango nyafurika ushinzwe iby'amakawa (OAIC) aho yari umuyobozi ushinzwe ubukungu.

Mu mwaka w'1997, Dr Donald Kaberuka yagizwe Ministiri w'imari n'igenamigambi w'u Rwanda aho yari afite inshingano zikomeye zo kuzahura ubukungu bw'igihugu cyari kimaze imyaka 3 kivuye muri Jenoside ndetse n'intambara, aho ubukungu bwari bwarazahaye bisa nko gutangirira ku busa.

Uyu mwanya akaba yarawumazeho imyaka 8 aho yagize uruhare mu izamuka ry'ubukungu bw'u Rwanda muburyo bugaragara.

Muri 2005,Dr Donald Kaberuka yatorewe kuyobora BAD,aba umunyarwanda uyoboye Banki nk'iyi ikomeye muri Afurika.Muri 2010 nabwo yongeye gutorerwa indi manda.

Mu mwaka wa 2013, Dr Donald Kaberuka yahawe igihembo cy'Umunyafurika w'umwaka cyitwa ” Daily Trust Award ” kubera uruhare yagize mu iterambere ry'umugabane wa Afurika, cyane cyane ku gitekerezo yagize cyiswe ” Africa 50 Fund ” kigamije guteza imbere ibikorwa remezo kuri uyu mugabane.

Ku rutonde rwakozwe n'ikinyamakuru Jeune Afrique muri 2015, Donald Kaberuka yaje mu bantu 50 bavuga rikijyana ku mugabane wa Afrika.

3]JEANNETTE KAGAME

Ugendeye ku bunararibonye afite muri politiki y'u Rwanda no kuba abana na Perezida Kagame,Madamu Jeannette Kagame yaba umusimbura mwiza wa Perezida Kagame,agakomereza ku byo yagejeje ku banyarwanda.

Jeannette Nyiramongi ni yo mazina yiswe n'ababyeyi be, ni umufasha wa Perezida w'u Rwanda Paul Kagame.

Yavutse tariki 10 Kanama 1962. Kubera amateka mabi yaranze u Rwanda ashingiye ahanini ku ivanguramoko, Jeannette n'umuryango we babaye mu buhungiro ari naho yize amashuri ye mu bihugu nk'u Burundi na Kenya.

Jeannette Kagame afite impamyabumenyi mu bigendanye n'ubukungu n'icungamutungo, gusa akunze kugaragara cyane yibanda ku bukungu, ubuzima, imibereho myiza y'umwana n'umugore, kurwanya sida no kurengera umugore ndetse n'umuryango muri rusange.

Mu 2010, Madamu Jeannette Kagame yabonye impamyabumenyi y'ikirenga muri Kaminuza ya gikiristu ya Oklahoma kubera uruhare yagize mu kurwanya agakoko gatera SIDA no kurwanya ubukene, muri uwo mwaka ahita anashingwa guhagararira ibikorwa by'imirire myiza ku bana muri gahunda y'ibiribwa (PAM cyangwa WFP) mu muryango w'Abibumbye (ONU).

Mu Rwanda, agira uruhare mu guteza imbere uburenganzira bw'umugore, uburezi , imibereho myiza y'abaturage cyane imfubyi n'abapfakazi bari bazahajwe na Jenoside yakorewe Abatutsi mu 1994.

Mu mwaka wa 2002 yashinze umuryango udaharanira inyungu wa Imbuto Foundation, anabereye umuyobozi kugeza ubu. Ni umuryango wagize uruhare runini mu gushyira imbaraga mu buzima n'uburezi bw'abana b'abakobwa batishoboye.

Mu Ukuboza 2011 yafashije mu itangizwa ry'ihuriro ry'abafasha b'abakuru b'ibihugu muri Africa rigamije guhuriza hamwe imbaraga mu kurwanya SIDA n'ibindi bibazo.

Nta gushidikanya ko ari umwe mu bantu bazi ibibazo Abanyarwanda bafite ndetse azi byinshi muri politiki y'igihugu bityo yaba umwe mu basimbura Perezida Kagame.

Avuga adategwa neza indimi z'amahanga zikoreshwa cyane ku isi igifaransa n'icyongereza.

4]TITO RUTAREMARA

Azi Politiki y'u Rwanda,ari mu bashinze ishyaka FPR INKOTANYI,ndetse ubunararibonye afite bwatuma akora aka kazi neza cyane ko anakuze.

Hafi ubuzima bwe bwose; Hon. Tito Rutaremara yabaye muri politike.Yayoboye akanama kashyizeho RPF mu mwaka wa 1987; ayobora akanama katunganije Itegeko Nshinga u Rwanda rugenderaho; yabaye Umuvunyi Mukuru; aba Umudepite; Umusenateri mu Nteko Ishinga Amategeko y'u Rwanda,ubu ari mu kanama ngishwana k'inararibonye.

Senateri Tito Rutaremara avuga ko yavutse taliki 21 Ugushyingo 1944; avukira mu Karere ka Gatsibo; Umurenge wa Kiziguro. Yavukiye mu muryango wifashije kuko se yari umwarimu nyuma aza kuba umukarani wa Leta; kandi iwabo bari boroye inka.

Senateri Tito yize muri kaminuza ya Cyambogo; ahita ajya mu gihugu cy'Ubufaransa aho yakomeje muri kaminuza ya Clermont Ferrand ndetse ahakorera Master's muri Geo-Physics.

Ubuzima bwe bwa Politike nyuma y'Amashuri

Mu mwaka wa 1980-1985; Tito Rutaremara yinjiye mu ishyaka rya Gikomunisti ryo mu Bufaransa; avuga ko bwari uburyo bwo kwiga imikorere y'amashyaka no kureba uburyo iyo mikorere yakwifashishwa kugira ngo Abanyarwanda bavanwe mu buhunzi.

Muri icyo gihe Rutaremara yari yarambuwe uruhushya rw'inzira (Passport) yari yarahawe na Uganda; ngo kuko ubutegetsi bwariho bwamushinjaga gukorana na National Resistance Movement (ishyaka rya Museveni).

Rutaremara yaje gusubira muri Uganda ubwo Yoweli Kaguta Museveni yari amaze gufata ubutegetsi; icyo gihe yahise ashingwa kuyobora Task force (Itsinda) ryo gushyira mu buryo RANU ari yo yaje guhinduka RPF-Inkotanyi mu Kuboza 1987.

Kuva RPF yatangira; Tito Rutaremara yaranzwe no kuba mu myanya ikomeye muri iryo shyaka; aho yabaye Umunyamabanga Mukuru.

1987-1989: Umunyamabanga Mukuru wa RPF-Inkotanyi
1989-1991: Komiseri ushinzwe ubukangurambaga
1991-1993: Umuhuzabikorwa wa Politike n'igisirikare
1993: Yazanye n'itsinda ry'abasirikare 600 bari muri CND (Inteko Ishinga Amategeko.)

5]JAMES KABAREBE

Jenerali James Kabarebe ni umunyarwanda. Yabaye Umugaba Mukuru w'Ingabo z'u Rwanda na Minisitiri w'Ingabo. Mbere yaho yabaye umugaba w'ihuriro ry' ingabo zigamije kubohora Repubulika Iharanira Demukarasi ya Kongo. Kuri ubu ni Umujyanama wa Perezida Kagame mu bya gisirikare .

Gen Kabarebe nawe ari mu bantu bazi politiki y'u Rwanda ,azi byinshi ku mutekano n'igisiirikare ndetse arakunzwe mu banyarwanda cyane ko anakunze guhura n'urubyiruko akaruganiriza amateka ku rugamba rwo kwibohora.

Uretse aba,hari abandi banyapolitiki bazwi mu Rwanda nka Dr Vincent Biruta,Charles Muligande, Amb. Valentine Sendanyoye Rugwabiza,Bernard Makuza,Dr Ngirente Edouard,Hon.Frank Habineza nabo bafite ubunararibonye muri Politike ku buryo bayobora u Rwanda.

Source : https://umuryango.rw/amakuru/mu-rwanda/politiki/article/abanya-politiki-bavugwaho-ko-baba-abasimbura-beza-ba-perezida-kagame-ku

Umusifuzi ufatwa nk'ukurura abagabo kurusha abandi ku isi Claudia Romani yatumye benshi bacika ururondogoro ku mbuga nkoranyambaga nyuma yo kwifotoza yambaye utwenda tw'imbere.

Yiswe umusifuzi uteye neza kurusha abandi ku isi ndetse uyu Claudia yagaragaye ku bifubiko by'ibinyamakuru bikomeye nka Playboy, GQ na Cosmopolitan.

Uyu musifuzi w'umugore akunze gushyira hanze amafoto akurura abamukurikira.

Aheruka yayafatiye Miami muri Amerika nabwo yambaye utwenda tw'imbere.

Yayaherekeje n'amagambo ashimagiza ikigo cyamwambitse utwo twenda tw'imbere.

Umwe mu bafana be yagize ati “Mbega! niki kindi navuga.

Undi yongeyeho ati “Mbega Babe uri mwiza kandi urakururana 💓💓💓

Abandi benshi bakomeje gutangarira imiterere y'uyu mugore

Claudia yamenyekanye asifura imikino ya Serie A na Serie B kandi yemewe muri 2014.

Uyu mugore w'imyaka 39 yaciye ibintu cyane muri 2016 ubwo yashyiraga hanze amafoto yambaye umupira wa AC Milan kandi ari umusifuzi atagomba kwerekana aho abangamiye.

Source : https://umuryango.rw/imyidagaduro/imikino/article/umusifuzi-w-umugore-ufatwa-nk-ukurura-abagabo-kurusha-abandi-ku-isi-yongeye

Uru rutonde TV100 rukorwa na RadioTimes, Ncuti Gatwa yaje kuri uyu mwanya nyuma yo kugaragara muri filime nka Sex Education akina yitwa Eric Effiong ndetse ategerejwe mu gice cya 15 cya filime y'uruhererekane ya BBC yiswe Doctor Who.

Umwaka ushize Russell T Davies ni we wari ku mwanya wa mbere kuri uru rutonde nyuma yo kugaruka mu gice cya 14 cya Doctor Who, ndetse n'imishinga itandukanye irimo Nolly, You & Me na Men Up ya BBC.

Our annual #TV100 list is here! We’re celebrating the biggest and brightest stars who have shaped the entertainment landscape in the past year.

Take a look at the #TV100 2022 top 10 and why they made the list ⭐️

See the full list: https://t.co/0mdzsASiqL pic.twitter.com/lvqONszjlU

— Radio Times (@RadioTimes) April 3, 2023

Urutonde rw'uyu mwaka rugaragaraho abantu batandukanye barimo Huw Edwards, Jennifer Coolidge , Emma D'Arcy, Adam Kay mu gihe Prince Harry na Meghan Markle bari ku mwanya wa 13.

Mu gukora uru rutonde RadioTimes yitabaza abantu batandukanye barimo abayobora ibiganiro kuri Sky na BBC.

Charlotte Moore uyobora ibiganiro kuri BBC televiziyo na radiyo yavuze ko Ncuti Gatwa agiye gukora ibidasanzwe muri sinema binyuze muri 'Doctor Who'.

Ati “Ncuti Gatwa afite imbaraga zidasanzwe, ni umukinnyi utangaje kandi udatinya ufite impano n'imbaraga bitagira umupaka.'

'Nkurikije ibyo maze kubona kugeza ubu , Ncuti Gatwa agiye kuyobora Isi no gushyira Doctor Who ku rwego rudasanzwe.'

Ikipe yIgihugu y'u Bwongereza mu Bagore, 'Lionesses', yaje ku mwanya wa munani nyuma yo kwegukana igikombe cya Euro mu 2022 itsinze u Budage, uyu mukino ni umwe mu yarebwe cyane kuri televiziyo mu Bwongereza.

Radio Times ikora uru rutonde igendeye ku biganiro byo kuri televiziyo zikomeye kandi zizwi cyane mu Bwongereza.

Source : https://umuryango.rw/imyidagaduro/article/umunyarwanda-gatwa-yaje-ku-rutonde-rw-abantu-100-bakunzwe-kuri-televiziyo-mu

Georgina Rodriguez uzwi cyane mu kwerekana imideli no kuba ari umukunzi wa kizigenza Cristiano Ronaldo yavuze ko bagihura yagowe cyane no kumureba mu maso.

Uyu munyamideli w'imyaka 29, yifotoje yambaye imitako myinshi mu mafoto yasohowe na Sorbet mag yabwiye uburyo yahuye n'umukunzi we w'imyaka 38, muri 2016.

Yari umufasha mu iduka ubwo yahuraga na Ronaldo ndetse avuga ko yumvise “ibinyugunyugu mu nda”.

Georgina, umaze gusohora igice cya kabiri cya filimi mbarankuru kuri Netflix yise
I am Georgina,yavuze byinshi ku rukundo rwe na CR7.

Yagize ati: 'Ni umugabo mwiza.

“Ubwo namubonaga bwa mbere, ​​yari mwiza cyane numvise mfite isoni zo kumureba.

Reka mvuge ko ari ibinyugunyugu mu nda.'

Ibi bije nyuma y'uko aherutse guhishura ahantu hadasanzwe yaryamaniye na Cristiano.

Mu gice cya kabiri cya Netflix yerekana ko yaryamaniye na Ronaldo mu bwogero bw'amazi y'akazuyazi [spa] yabo.

Source : https://umuryango.rw/imyidagaduro/imikino/article/umukunzi-wa-cristiano-ronaldo-yahishuye-ikintu-cyamugoye-bagitangira-gukundana