Webrwanda Backend

Category: Uncategorized

  • Nta muntu ugomba guhinga ngo koperative itware umuceri we wose, we aburare- Minisitiri w'Intebe Dr Ngirente – #rwanda #RwOT

    Ni kimwe mu kibazo yagejejweho n'abagize Inteko Ishinga Amategeko, ku wa Mbere, tariki 3 Mata 2023, ubwo yabagezagaho ingamba za Guverinoma mu kongera umusaruro w'ubuhinzi no gukuraho imbogamizi zikiri muri uru rwego.

    Byakunze kugaragara ko abahinzi usanga bashyirwa ku gitutu cyo kugurisha umusaruro wose muri za koperative bikarangira bo n'abana babo bagize ikibazo cy'ibiribwa bidahagije mu ngo zabo kuko bajya guhaha ku isoko kandi bari bariyejereje.

    Hari aho usanga abahinzi b'umuceri batawurya, abejeje ibigori batemererwa kubiryaho ahubwo bakabanza kubigurisha byose bakazongera kubihaha byabaye akawunga kandi bahenzwe.

    Depite Mukabalisa Germaine ati 'Bakaba barahinze umuceri bakajya kuwugura ku isoko kandi mu by'ukuri atari uko byagakwiye kugenda. Iki kibazo si abahinzi b'umuceri gusa bagisangiye n'abahinzi bo muri koperative z'ibigori.'

    'Barangiza umusaruro wose bakawutanga, bagahurira natwe ku masoko bavunitse kandi ubundi iki kibazo cyakagombye kugira uburyo gikemuka kuko ubundi hari ibyo baba bemerewe kubyo baba bajyanye ku ruganda.'

    Minisitiri w'Intebe, Dr Ngirente Edouard, yagaragaje ko abanyamuryango ba za koperative bagomba kugira uburenganzira bw'ibanze ku byo basaruye, bakabanza bagakuraho ibyo gutunga imiryango yabo mbere yo kugira ibyo bagurisha mu makoperative babarizwamo.

    Guverinoma yinjiye muri iki kibazo mu buryo bwihariye

    Mu Nama y'Abaminisitiri iherutse guterana, Minisiteri y'Ubutegetsi bw'Igihugu n'iy'Ubuhinzi n'Ubworozi, zahawe umukoro wo gukemura ikibazo cy'abanyamuryango bagorwa no kubona umusaruro wabo mu maguru mashya.

    Minisitiri w'Intebe Dr Ngirente ati 'Ntabwo dushaka kuzongera kumva koperative […] nta muntu ugomba guhinga muri koperative, ngo koperative itware umuceri we wose, hanyuma we aburare. Ni ryo hamwe twemeranyijeho.'

    'Umuturage arahinga cyangwa akorora kugira ngo abanze atunge umuryango we, ni cyo kintu cya mbere. Nta muturage ugomba guhinga cyangwa ngo yorore, koperative itware umusaruro we wose, we agasubira kuwugura ku isoko.'

    Hari aho usanga abahinzi n'aborozi bahabwa umusaruro runaka, undi ukajyanwa ku isoko, aho nk'umuhinzi ashobora kujyana ku ruganda umusaruro ungana na 80% mu gihe usigaye ungana na 20% usigara iwe mu rugo ukajya gutunga umuryango.

    Ku rundi ruhande ariko, Minisitiri w'Intebe avuga ko n'iryo janisha hemejwe ko rivaho kuko ikigomba kubanza ari ugutunga imiryango, ikihaza mu biribwa, ubundi hagakurikiraho gusagurira amasoko.

    Ati 'N'iryo janisha naryo twavuze ko rivaho, umuturage agomba kubanza agahinga, yasarura akavuga ati mfite abana aba n'aba, ibi ndabisigaranye, mpaye koperative ibi. Umuntu akagira uburenganzira ku mutungo we n'ubwo ahinga muri koperative.'

    Minisitiri w'Intebe Dr Ngirente yavuze ko mu gihe cy'amezi abiri, iki kibazo kizaba cyakemutse nk'uko ari wo murongo wemeranyijweho n'abagize Guverinoma.

    Ati 'Ndanabizeza ko kitazamara amezi abiri. Nta koperative izongera kwitwara gutyo, byajemo amanyanga ariko nta koperative izongera kwitwara gutyo, ibyo bintu twabikuyeho.'

    Yakomeje agira ati 'Twagiye twumva abaturage bataka, ati natanze ibiro 100 by'umuceri ariko abana banjye baburaye, icyo kintu ntabwo twacyemera mu Rwanda. Icyo wakora cyose, nta koperative izongera gutwara umusaruro, umuturage atarihaza mu biribwa mu muryango we.'

    Guverinoma y'u Rwanda yashyize imbaraga mu gushishikariza abaturage kwitabira gukorera hamwe hagamijwe iterambere rusange.

    Amafoto: Irakiza Yuhi Augustin

    Source : http://igihe.com/amakuru/u-rwanda/article/nta-muntu-ugomba-guhinga-ngo-koperative-itware-umuceri-we-wose-we-aburare

  • Nyagatare: Abaturage bambuwe irimbi biguriye ryegurirwa Rwiyemezamirimo #rwanda #RwOT

    Hari abaturage mu Karere ka Nyagatare, bavuga ko biguriye amarimbi yo gushyinguraho bagatungurwa no kuba Akarere karayahaye Rwiyemezamirimo, none akaba arimo kubishyuza amafaranga y'umurengera asaga ibihumbi 470.

    Mu mpera z'umwaka ushize wa 2022, nibwo Rwiyemezamirimo witwa Ntambara Godfrey, yari amaze guhabwa ububasha bwo kugenzura amarimbo yo mu Karere ka Nyagatare.

    Bamwe mu baturage bashyingura muri aya marimba, bavuga ko ubu butaka bashyinguraho ari ubwabo, bakaba baratunguwe no kubona Akarere kohereje Rwiyemezamirimo wo kuyagenzura, nta biganiro bagiranye.

    Umwe ati 'Iri rimbi ry'abaturage, havutse ikibazo cy'umuntu bita Rwiyemezamirimo yitwa Godfrey. Hano abaturage iri rimbi ryari iryabo bakarishyinguramo badatanze amafaranga, kuko ryageze hano ari abaturage babigizemo uruhare batangaga 500Frw kugira ngo iri rimbi bazaribone. Nyuma rero baje gusanga ryarahawe Rwiyemezamirimo biradutangaza nanjye ndimo.'

    Mugenzi we ati 'Abaturage bo barishyinguragamo basa nkaho barifashe nk'irizabagirira umumaro kuko abantu bari bamaze gufata icyemezo ko gushyingura mu ngo bitemewe. Impungenge zihari haje Rwiyemezamirimo abuza abantu gushyingura, ntitubizi niba ryaragurishijwe cyangwa se ritaragurishijwe.'

    Uyu Rwiyemezamirimo akimara gutsindira isoko, yahise ashyiraho ibiciro byihariye.

    Imbonerahamwe y'ibiciro itangazamakuru rya Flash ifitiye kopi igaragaza ko hari ugomba kwishyura amafaranga ibihumbi 472Frw aricyo giciro cyo hejuru, mu gihe igiciro cyo hasi ari ibihumbi 25Frw.

    Abaturage baravuga ko aya mafaranga ari umurengera, kuva ku gushyira ku buntu kugeza ku bihumbi amagana.

    Hari amakuru avuga ko hari abaturage bari babuze ubushobozi bwo gushyingura muri irimbi rya Karangazi, bahitamo kujya gushyingura mu ijoro nubwo bitabahiriye, kubera ko birukankanwe n'abarindaga iri rimbi.

    Bwana Ntambara Godfrey watsindiye isoko ryo gucunga aya marimba, avuga ko ntacyo yabazwa kuko yapiganiye isoko akaritsindira, ndetse ko n'amafaranga akuramo ayagabana n'Akarere.

    Ati 'Ny'iri byago turamwakira bitewe n'icyiciro yishyuye, amafaranga bayishyura kuri konti ya Kompanyi, urumva havaho ayishyurwa muri leta.'

    Amarimbi ya Matimba, Karangazi na Balija niyo ari mu biganza bya Rwiyemezamirimo.

    Nubwo bimeze gutya ariko Rwiyemezamirimo avuga ko amafaranga yabaye make, bitewe no kubura abakiriya bahagije afite.

    Abaturage ngo bahisemo gukomeza gushyingura mu mirima yabo.

    Ati 'Abantu nibwo batangiye kubyumva ariko ubundi ntibabyumvaga cyane ko barimo bashyingura mu ngo.'

    Hashize icyumwe abanyamakuru ba Flash bagerageza kuvugana n'ubuyobozi bw'Akarere ka Nyagatare kuri iki kibazo, ariko kugeza ubu ntacyo baratangaza.

    Ntambara Garleon

    The post <strong>Nyagatare: Abaturage bambuwe irimbi biguriye ryegurirwa Rwiyemezamirimo</strong> appeared first on FLASH RADIO&TV.

    Source : https://flash.rw/2023/04/04/nyagatare-abaturage-bambuwe-irimbi-biguriye-ryegurirwa-rwiyemezamirimo/?utm_source=rss&utm_medium=rss&utm_campaign=nyagatare-abaturage-bambuwe-irimbi-biguriye-ryegurirwa-rwiyemezamirimo

  • Nta mikino! Umusore yahagaritse ubukwe igitaraganya nyuma yo kumenya ko umukobwa bagiye kubana yakuyemo inda 17 – YEGOB #rwanda #RwOT

    Umusore ukomoka mu gihugu cya Nigeria, yahagaritse ubukwe bwaburaga icyumweru kimwe ngo bube nyuma yo kumenya ko umukobwa bagiye kubana yakuyemo inda 17.

    Inshuti y'uwo mukobwa yahaye amakuru Naija News, yavuze ko abo bakundana bicaye bakagirana ibiganiro by'amabanga.

    Mu kuvuga amabanga, uwo mukobwa yabwiye umusore ko yakuyemo inda 17, ni uko umusore ahita ahagarika ubukwe bwaburaga icyumweru kimwe ngo bube.

    Mbere y'uko uyu musore abuhagarika, yabanje kugisha inama nyina kuri icyo kibazo yari ahuye na cyo, aho nyina yamubwiye ko gushaka uwo mukobwa ntaho bitandukanye no gushaka umugore wabyaye.

    Source : https://yegob.rw/nta-mikino-umusore-yahagaritse-ubukwe-igitaraganya-nyuma-yo-kumenya-ko-umukobwa-bagiye-kubana-yakuyemo-inda-17/

  • Umukinnyi wa filime w’umunyarwanda niwe uyoboye urutonde rw’abantu 100 bakunzwe kuri tereviziyo yo mu Bwongereza – YEGOB #rwanda #RwOT

    Umukinnyi wa filime, Mizero Ncuti Gatwa, ufite inkomoko mu Rwanda ari ku mwanya wa mbere ku rutonde rw'abantu 100 bahize abandi mu biganiro na filime bica kuri Televiziyo mu Bwongereza mu 2022.

    Uru rutonde TV100 rukorwa na RadioTimes, Ncuti Gatwa yaje kuri uyu mwanya nyuma yo kugaragara muri filime nka Sex Education akina yitwa Eric Effiong ndetse ategerejwe mu gice cya 15 cya filime y'uruhererekane ya BBC yiswe Doctor Who.

    Source : https://yegob.rw/umunyarwanda-niwe-uyoboye-urutonde-rwabantu-100-bakunzwe-kuri-tereviziyo-yo-mu-bwongereza/

  • Bruce Melodie n’abo bajyanye bageze muri Tanzania _ AMAFOTO – YEGOB #rwanda #RwOT

    Umuhanzi Bruce Melodie arikumwe na Producer Element n'umushoramari Coach Gael bashyitse muri Tanzania ku gicamunsi cy'ejo ku wa mbere tariki 03 Mata 2023.

    Ku munsi wejo nibwo , umuhanzi Bruce Melodie arikumwe na Element usanzwe umufasha gukora indirimbo ndetse n'umushoramari Coach Gael berekeje muri Tanzania. Aba bagabo uko ari batatuamakuru ahari n'uko bagiye muri icyo gihugu kurangiza imishinga y'indirimbo bakoranye na Harmonize ubwo aheruka mu Rwanda.


    Source : https://yegob.rw/bruce-melodie-nabo-bajyanye-bageze-muri-tanzania-_-amafoto/

  • “Harigihe nicaye mu riyi ntebe arukubura uko ngira” Mu mwenda w’umuhondo n’umukara Bahavu Jannet yazamuye amaboko hejuru atera isengesho -AMAFOTO – YEGOB #rwanda #RwOT

    Umushabitsikazi mu gukina filime uzwi kw'izina rya Jannet uherutse kwegukana imodoka y'umuturika mu marushanwa ya RIMA yateye isengesho ahima Imana.

    Mu mwambaro w'umuhondo uvanzemo amabara y'umukara yicaye mu ntebe nziza maze azamura amaboko hejuru atera isengesho.

    Yagize ati: Harigihe nicaye muriyintebe arukubura ukongira ntanandimahitamo yarahari but now nyicayemo ndikurelaxinga none ubu ndi gushima Uwiteka mubwira nti sinzibagirwa ko ukura kucyavu, sinzibagirwa ko Ugiraneza Amasezerano wahaye Mama urikuyasohoza nushimwe Rurema byose nukuri urumwizerwa.

    Gusa yaje gushimira umugabo we Fleury ndetse na Aline Gahongayure agira ati: Uwiteka yarahabaye sis God blessed my Family Uwiteka arikumwe natwe.

    Source : https://yegob.rw/harigihe-nicaye-mu-riyi-ntebe-arukubura-uko-ngira-mu-mwenda-wumuhondo-numukara-bahavu-jannet-yazamuye-amaboko-hejuru-atera-isengesho-amafoto/

  • Amakuru agezweho : Umahanzi Dany Nanone yanditse amateka – YEGOB #rwanda #RwOT

    Umuhanzi w'umuraperi Danny Nanone ukunzwe cyane hano mu Rwanda nyuma y'imyaka myinshi adakora indirimbo maze akagaruka mu muziki akora indirimbo yise Nasara ubu yujuje miliyoni kuri YouTube.

    Danny Nanone mu ndirimbo yise Nasara yifashishije umuhanzikazi ukunzwe cyane Ariel Wayz ubu yamaze kuzuza miliyoni yabayirebye kuri YouTube nyuma y'ibyumweru bitatu gusa igiye hanze.

    Nasara n'imwe mu ndirimbo nke ibashije kuzuza miliyoni yabayirebye ku rubuga rwa YouTube.

    Uyu muhanzi yari yizeje abakunzi be ko nibuzuza miliyoni azahita asohora indirimbo nshyashya bisobanuye ko vuba cyane arasohora indirimbo nshya.

     

    Source : https://yegob.rw/amakuru-agenzweho-umahanzi-danny-nanone-akoze-amateka/

  • Umukinnyi w’ikipe ya Rayon Sports ushobora gutuma umutoza n’ubuyobozi basezera muri iyi kipe agiye kwerekeza hanze y’u Rwanda – YEGOB #rwanda #RwOT

    Rutahizamu w'ikipe ya Rayon Sports ukomoka mu gihugu cya Mali Moussa Camara ashobora kwerekeza gukina hanze y'u Rwanda nubwo muri Rayon Sports adahabwa umwanya.

    Hashize igihe kitari gito rutahizamu Moussa Camara bivuzweko atumvikana n'umutoza w'ikipe ya Rayon Sports Haringingo Francis biza no gutuma uyu mukinnyi abura umwanya wo kongera gukina imikino ya Shampiyona.

    Muri uko kutumvikana hagati ya Camara na Haringingo Francis, ntabwo byagize icyo byangiza cyane mu kwitwara neza kw'iyi kipe ariko hari aho wabonaga ikipe ya Rayon Sports itsindwa cyangwa ikanganya abakunzi bayo bakabishinja Haringingo Francis wanga uyu mukinnyi Kandi ubona ko ashoboye.

    Nyuma yaho iyi kipe itangiye kunganya ndetse ikaba iheruka gutsindwa na Police FC ibitego 4-2, byongeye kuzamuka cyane bishyirwa kuri Haringingo Francis ndetse n'ubuyobozi bw'iyi kipe bwanze gushyira igitutu ku mutoza ngo ajye akoresha Camara aho gukoresha Moussa Essenu ubona ko gukinisha amaguru kwe bigoye cyane kandi ibyo byose Moussa Camara abishoboye.

    Nubwo Moussa Camara atishimiwe cyane mu ikipe ya Rayon Sports, YEGOB twaje kumenye ko hari ikipe yo hanze y'u Rwanda yandikiye Rayon Sports ishaka uyu mukinnyi ngo babona ari umukinnyi mwiza kandi wagira akamaro kuruta abo bafite.

    Ibi bije nyuma yaho Moussa Camara wabonye kubona umwanya muri iyi kipe bigoye, yasabye ubuyobozi ko bamufasha bakamureka akishakira ikipe yindi azajya abonamo umwanya wo gukina kuko we yiyumvamo ubushobozi bukomeye.

    Birashoboka cyane ko Moussa Camara umwaka utaha yaba atakiri umukinnyi w'ikipe ya Rayon Sports mu gihe Haringingo Francis akiri umutoza w'iyi kipe bitewe ni uko kumvikana byanze nubwo ubuyobozi buvuga ko aba bombi ntakibazo bagifitanye.

     

     

     

    Source : https://yegob.rw/umukinnyi-wikipe-ya-rayon-sports-ushobora-gutuma-umutoza-nubuyobozi-basezera-muri-iyi-kipe-agiye-kwerekeza-hanze-yu-rwanda/

  • Ibintu 7 bibujijwe mu gihe cyo Kwibuka29 #rwanda #RwOT

    Minisiteri y’Ubumwe bw’Abanyarwanda n’Inshingano Mboneragihugu yasohoye amabwiriza mashya agenga uko ibikorwa n’imihango yo kwibuka ku nshuro ya 29 Jenoside yakorewe Abatutsi 1994 izakorwa aho hari ibintu 7 bibujijwe.

    Guhera tariki ya 7 Mata 2023 u Rwanda n’inshuti z’u wanda bazinjira mu cyumweru cy’icyunamo kizatangirizwa ku Rwibutso rwa Kigali, ku Gisozi ku itariki ya 7/4/2023; mu Turere Icyunamo kizatangirizwa ku rwibutso rw’Akarere, kuva saa tatu za mu gitondo, kandi hose mu midugudu abaturage bazahabwa ikiganiro kijyanye no kwibuka Jenoside yakorewe Abatutsi bisozwe no gukurikirana ubutumwa nyamukuru bw’uwo munsi.

    Insanganyamatsiko y’uyu mwaka ikaba ari “KWIBUKA TWIYUBAKA.”

    Muri iki cyumweru cy’icyunamo hateganyijwemo ibikorwa byo Kwibuka ahantu hatandukanye mu gihugu ku matariki Abatutsi biciweho gusa igikorwa cyo kwibuka ntikigomba kurenza amasaha 3. Ibikorwa byo Kwibuka bizakomeza kugeza mu minsi 100.

    Imirimo itunze abantu izakomeza mu cyumweru cy’icyunamo aho nta biganiro biteganyijwe nyuma ya saa sita hagati ya tariki 8 Mata na 12 mata 2023.

    Kumenyesha gahunda, Gufata umunota wo Kwibuka, Isengesho ry’uhagarariye amadini ku babyifuza, ijambo ry’ikaze, ikiganiro kijyanye no Kwibuka Jenoside yakorewe Abatutsi, Ubuhamya kuri Jenoside yakorewe Abatutsi, ubutumwa bw’Umuryango IBUKA, ubutumwa bw’uhagarariye abashyinguye ababo igihe igikorwa cyo Kwibuka cyahujwe no gushyingura imibiri yabonetse, kwimura imibiri ivanywe ahandi izanwa mu rwibutso cyangwa habaye igikorwa cyo guhuza inzibutso, Ubutumwa bw’umushyitsi mukuru.

    Hagati y’ibyo bikorwa hashobora gushyirwamo umuvugo n’indirimbo bifasha Kwibuka Jenoside yakorewe Abatutsi. Inzego zose zitegura igikorwa cyo Kwibuka Jenoside yakorewe Abatutsi zirasabwa kubahiriza iyi gahunda hirindwa gushyiramo ibidateganyijwe.

    Guhabwa ikiganiro no Kwibuka Jenoside yakorewe Abatutsi muri za Minisiteri, Uturere, mu bigo bya Leta, iby’abikorera, imiryango ishingiye ku myemerere, amashyirahamwe no mu zindi nzego z’ubuyobozi, bizakorwa ku munsi batoranyije mu gihe cy’iminsi yo kwibuka hagati ya tariki 8 Mata na 3 Nyakanga 2023.

    Ibigo by’amashuri bizateganya umunsi wihariye wo Kwibuka no guhabwa ikiganiro mu gihe abanyeshuri bazaba bagarutse ku mashuri no ku bigo byabo bavuye mu biruhuko.

    Mu gikorwa cyo Kwibuka Jenoside yakorewe Abatutsi, nta busumbane bugomba kuba mu madini. Misa n’amateraniro ntibishyirwa muri icyo gikorwa kuko abitabira Kwibuka Jenoside yakorewe Abatutsi atari abayoboke b’idini rimwe.

    Ariko mu gihe igikorwa cyo kwibuka Jenoside yakorewe Abatutsi cyateguwe n’idini, itorero cyangwa ibigo by’abihaye Imana byemewe n’amategeko, hagamijwe Kwibuka abayoboke babo, cyangwa abanyamuryango babo bishwe muri Jenoside yakorewe Abatutsi, icyo gihe abateguye icyo gikorwa babikora bakurikije uko imyemerere yabo iteye, hakubahirizwa ibiteganywa n’amategeko n’amabwiriza.

    Umugoroba w’ikiriyo ubanziriza umunsi wo Kwibuka cyangwa gushyingura imibiri y’abazize Jenoside yakorewe Abatutsi uremewe, ariko usozwa bitarenze saa yine z’ijoro, mu rwego rwo kubungabunga ubuzima n’umutekano w’abantu.

    Mu gihe hateguwe urugendo rwo kwibuka, rukorwa mu ituze bikamenyeshwa mu nyandiko ubuyobozi, inzego z’umutekano n’iz’ubuzima byibura iminsi itanu (5) mbere y’igikorwa, zikagena uburyo urugendo rwo kwibuka rwakorwa bitabangamiye uruva n’urujya rw’abantu n’ibintu.

    Inzego zose zateguye Kwibuka Jenoside yakorewe Abatutsi zigomba gufata amashusho n’amajwi by’icyo gikorwa bigashyikirizwa Minisiteri y’Ubumwe bw’Abanyarwanda n’Inshingano Mboneragihugu (MINUBUMWE) mbere y’isozwa ry’iminsi 100 yo kwibuka.

    Amabwiririza agena uko ibirango byo Kwibuka bikorwa ari kuri www.kwibuka.rw hari n’ibirango byo Kwibuka byemejwe bigomba gukoreshwa.

    Nta muntu n’umwe wemerewe kunyuranya n’aya mabwiriza mu gukora ibirango byo Kwibuka.

    Amabwiriza yose akurikizwa mu gikorwa cyo Kwibuka Jenoside yakorewe Abatutsi yasohotse mbere y’aya avanyweho.

    MINUBUMWE yagaragaje ibikorwa 7 bibujwe mu cyumweru cyo Kwibuka 29

    1. Ibirori by’ibyishimo bihuza imbaga y’abantu
    2. Ubukwe n’imihango ijyanye nabwo
    3. Amarushanwa uretse siporo zikorwa n’abantu ku giti cyabo
    4. Umuziki utajyanye no Kwibuka (haba mu tubari, aho bafatira amafunguro, aho batunganyiriza imisatsi, aho batunganyiriza umuziki n’ahandi hantu hahurira abantu benshi nk’aho abantu bategera imodoka, n’ahandi).
    5. Imikino y’Amahirwe
    6. Kwerekana imipira
    7. Ibitaramo birimo utubyiniro, utubari, iby’urwenya, iby’indirimbo, iby’imbyino, sinema, n’ikinamico itajyanye no Kwibuka.

    Source : http://isimbi.rw/kwibuka/ibintu-7-bibujijwe-mu-gihe-cyo-kwibuka29

  • INGINGO Z'INGENZI Z'IMPAMVU YO GUSABA GUHINDUZA AMAZINA #rwanda #RwOT

    Turamenyesha ko uwitwa MUKAMUDENGE Fatuma mwene Kamanzi na Muhorakeye, utuye mu

    Mudugudu wa Nyenyeri, Akagari ka Bwerankori, Umurenge wa Kigarama, Akarere ka Kicukiro, mu

    Mujyi wa Kigali wanditse asaba uburenganzira bwo guhinduza amazina asanganywe ariyo

    MUKAMUDENGE Fatuma, akitwa Hannah KAMANZI mu gitabo cy'irangamimerere. Impamvu

    atanga yo guhinduza izina ni Izina ry'umuryango.

    The post INGINGO Z'INGENZI Z'IMPAMVU YO GUSABA GUHINDUZA AMAZINA appeared first on RUSHYASHYA.

    Source : https://rushyashya.net/ingingo-zingenzi-zimpamvu-yo-gusaba-guhinduza-amazina-47/?utm_source=rss&utm_medium=rss&utm_campaign=ingingo-zingenzi-zimpamvu-yo-gusaba-guhinduza-amazina-47