Abanyabugeni bashyiriweho irushanwa ryo gushushanya ikirango cya Stade Amahoro kizatorwamo ikizifashishwa mu kumenyekanisha ibikorwa byayo.
Minisiteri ya Siporo ibinyujije mu itangazo yashyize hanze ku wa Gatanu, tariki ya 14 Mata 2023, yamenyesheje ababyifuza bose ko bashobora kurushanwa mu gukora ikirango cya Stade Amahoro.
Uzatoranywa nk'uwahize abandi mu gushushanya azahembwa miliyoni 1 Frw mu gihe uwa kabiri azahabwa ibihumbi 500 Frw.
Aya masezerano yashyizweho umukono kuwa 14 Mata mu 2022 agena ko abimukira bose binjira mu Bwongereza binyuranyije n'amategeko bazajya boherezwa mu Rwanda, ibibagendaho byose bikishyurwa n'u Bwongereza.
Kuva aya masezezerano yasinywa ntiyavuzweho rumwe n'abaharanira uburenganzira bwa muntu kugeza ubwo hitabajwe inkiko kugira ngo zitambamire gahunda yo kohereza abimukira mu Rwanda.
Muri uku kwezi nibwo Urukiko rw'u Burayi Rushinzwe kurengera Uburenganzira bwa Muntu, rwongeye gukereza ishyirwa mu bikorwa ry'aya masezerano kuko rushaka kubanza gusuzuma ubujurire bw'umunya-Iraq wahawe izina rya “NSK” uvuga ko igihe yaba yoherejwe mu Rwanda, uburenganzira bwe butakubahirizwa.
Mu kiganiro Minisitiri w'Intebe w'u Bwongereza, Rishi Sunak yagiranye n'ikinyamakuru 'ConservativeHome' yagaragaje ko ikibazo cy'abimukira binjira mu Bwongereza binyuranyije n'amategeko gikomeje guhangayikisha igihugu kandi kitazakemurwa mu munsi umwe.
Ati 'Nakomeje kugenda mbivuga ibi (gukemura ikibazo cy'abimukira) ibi ntabwo ari ibintu byoroshye, ni ikibazo gikomeye aho nta gisubizo kimwe gihari kandi cyoroshye gishobora kugikemura. Nabivuze kenshi ko iki kibazo kitazakemuka mu ijoro rimwe. Narabisobanuye neza.'
Minisitiri w'Intebe Sunak yakomeje avuga ko abantu bakwiriye kumva ko ikibazo cy'abimukira atakirengagije kuko aricyo ashyize imbere.
Ati 'Abantu bakwiriye kumva ko ari ikibazo cy'ingenzi kuri njye, nk'igihugu dukeneye gushyiraho imikorere ihamye, ntabwo bikwiriye ko abantu bahonyora amategeko bakinjira hano binyuranyije n'amategeko.'
Guverinoma y'u Bwongereza ivuga ko ikibazo cy'abimukira binjira mu bihugu mu buryo bunyuranyije n'amategeko kiri gufata intera ariko ko aya masezerano y'u Rwanda n'u Bwongereza azaba ikiraro mu gukemura iki kibazo.
Kuva aya masezerano yashyirwaho umukono hagati y'u Rwanda n'u Bwongereza ariko ntashyirwe mu bikorwa, abimukira basaga ibihumbi 45 bamaze kwinjira muri iki gihugu binyuranyije n'amategeko.
Muri aba abagera kuri 5000 binjiye mu Bwongereza kuva muri Mutarama mu 2023 barimo n'abasaga 1000 bahinjiye mu cyumweru gishize gusa.
Minisitiri w'Intebe Sunak yavuze ko azakomeza gukora ibishoboka byose kugira ngo inzego z'ubutabera zumve ko aya masezerano n'u Rwanda akwiriye kubahirizwa.
Ati 'Uyu mushinga w'itegeko nawo ushobora no guhura n'ibibazo kuko ari mushya kandi akaba nta handi wageragajwe ariko tugomba buri gihe guhora twiteze guhangana n'ibibazo by'amategeko kuri izi ngingo, inshingano zacu ni ugukomeza kwerekana ko ibyo tuvuga bifite ishingiro kandi ni nabyo turi gukora.'
Mu ruzinduko aheruka kugirira mu Rwanda, Minisitiri w'Umutekano mu Bwongereza, Suella Braverman, yamaganye abanenga amasezerano yo kohereza abimukira mu Rwanda, avuga ko ahubwo bizaba ari 'umugisha ku bimukira' koherezwa mu rw'imisozi igihumbi.
Yavuze ko nyuma yo gusura u Rwanda yasanze bizaba ari 'umugisha ku bimukira kubohereza muri iki gihugu'
Ati 'Nahuye n'impunzi zo mu bihugu byinshi zishima cyane ubufasha u Rwanda rwazihaye. Amahirwe yo kwiga, umutekano, aho kuba n'ibindi biha aba bantu b'abanyantege nkeya icyizere cy'ahazaza heza'.
Mbere y'uko aya masezerano atangira kwitambikwa n'inkiko yari yatangiye gutanga icyizere ndetse benshi bayabonamo igisubizo kizakemura burundu iki kibazo cy'abimukira.
Muri Gicurasi mu 2022 nyuma y'ukwezi kumwe aya masezerano asinywe, u Bwongereza bwari bwatangaje ko abimukira ba mbere batangiye gusaba ko bafashwa gusubira iwabo.
Muri icyo gihe hashize iminsi 10 inzira yajyaga inyuramo abimukira binjira mu Bwongereza izwi nka 'English Channel' nta n'umwe uyinyuramo.
Kuva iki cyemezo cyatangazwa, umubare w'abimukira bakoreshaga 'English channel' binjira mu Bwongereza watangiye kugabanuka, ndetse kuva kuwa 20 Mata 2022 nta mwimukira n'umwe wahanyuze yaba umwana cyangwa umuntu mukuru nk'uko bigaragazwa na Minisiteri y'Ubutabera mu Bwongereza.
Abimukira baheruka kunyura muri iyi nzira ni abagera kuri 263 bahaciye kuwa 19 Mata 2022.
Umudepite mu Nteko Ishinga Amategeko y'u Bwongereza ukomoka mu Ishyaka ry'Aba-Conservateur, Andrew Bridgen yavuze ko ibyari biri kuba ari umusaruro w'aya masezerano igihugu cye cyasinyanye n'u Rwanda.
Muri uru ruzinduko, Umukuru w'Igihugu azagirana ibiganiro na mugenzi we, Patrice Talon, bizakurikirwa n'ibindi by'abayobozi b'inzego zitandukanye z'impande zombi.
Bombi kandi bazagirana ikiganiro n'abanyamakuru kizabera mu Biro by'Umukuru w'Igihugu muri Bénin, ahazwi nka Le Palais de la Marina.'
Nyuma Perezida Kagame na Madamu bazasura agace kitwa Esplanade des Amazones, ahari ikibumbano gishushanya ubutwari bw'abagore bo muri Benin yaba ababayeho n'abariho ubu.
Bazasura kandi ahazwi nka Les Jardins de Mathieu, agace kitiriwe uwahoze ari Perezida wa Bénin, Mathieu Kérékou, mu guha icyubahiro intwari zitangiye iki gihugu mu rugamba rwo kurwanya iterabwoba.
Perezida Kagame biteganyijwe kandi ko azagirana ikiganiro n'urubyiruko rurenga 100 rwo muri iki gihugu. Kizabera ahazwi nka Sèmè City, umushinga wa Guverinoma ya Bénin ugamije guteza imbere urubyiruko rwa Afurika binyuze mu mahugurwa, ubushakashatsi no guhanga udushya.
U Rwanda na Bénin bisanganywe umubano mu ngeri zirimo Ikoranabuhanga, Ubucuruzi, ibijyanye no kwita ku butaka n'ibindi. Byombi kandi byakuyeho Viza mu koroshya imigenderanire. Bifitanye kandi amasezerano agamije kubyaza umusaruro ibijyanye n'imbaho n'amabuye azwi nka granite akorwamo amakalo.
Byitezwe ko impande zombi zigomba kuzasinya andi masezerano arimo gukuraho ko ibicuruzwa byinjiye mu gihugu kimwe bivuye mu kindi bisoreshwa kabiri, ajyanye no gukoresha ikoranabuhanga mu mitangire ya serivisi, ajyanye n'ubufatanye mu miyoborere y'inzego z'ibanze, mu iterambere rirambye, ndetse bizanavugurura amasezerano asanzwe mu bijyanye n'ubucuruzi n'imari.
U Rwanda na Bénin bifitanye umubano mwiza. Mu 2017, byasinye amasezerano yo gushyiraho ikompanyi y'ubwikorezi y'indege ihuriweho igomba kugira icyicaro i Cotonou. Iyo sosiyete byitezwe ko izitwa Bénin Airlines, bivugwa ko izatangirizwa mu ruzinduko Perezida Kagame agirira i Cotonou.
U Rwanda ruzaba rufite imigabane ingana na 49% muri Bénin Airlines mu gihe Bénin yo izaba ifite imigabane ingana na 51%. Gushinga iyi sosiyete bije bikurikira n'ubundi imikoranire yari isanzwe hagati y'ibihugu byombi, aho guhera muri Nzeri 2016 RwandAir yari yarafunguye ishami i Cotonou, rikora nk'igicumbi cyayo muri Afurika y'Iburengerazuba.
Bénin Airlines izajya ikora mu byerekezo bya Abidjan, Brazzaville, Douala, Libreville, Bamako, Dakar na Conakry.
Ubwo Patrice Talon yari mu Rwanda, yasuye inzego zitandukanye zirimo Urwego rw'Igihugu rushinzwe Iterambere, RDB. Yeretswe uburyo rufasha abashoramari kwandikisha imishinga yabo mu gihe gito n'uburyo serivisi hafi ya zose zikorwa hifashishije ikoranabuhanga.
Yavanye i Kigali igitekerezo cyo gukora muri ubwo buryo, kugeza n'aho yatumiye Serge Kamuhinda wakoraga muri RDB ngo ajye gukora mu Biro bye i Cotonou, kugira ngo asangize ubunararibonye abenegihugu be.
Mu ntangiriro za 2017, Talon yanzuye ko abaturage baturuka mu bihugu 31 bya Afurika batazongera kwaka viza kugira ngo binjire mu gihugu cye. Ni umwanzuro yafashe nyuma y'aho u Rwanda rwari rumaze gutangaza ko Abanyafurika bose bemerewe kwinjira mu gihugu batatse Viza.
Iki kibazo cyongeye kugaragazwa kuri uyu wa Gatanu tariki ya 14 Mata ubwo hibukwaga abatutsi bishwe muri Jenoside yakorewe Abatutsi mu 1994 baruhukiye mu rwibutso rwa Nyarubuye mu Karere ka Kirehe.
Perezida wa Ibuka mu Karere ka Kirehe, Nduwimana Bonaventure yagaragaje ko hari ikibazo cy'abari abana muri Jenoside yakorewe abatutsi bagiye barerwa n'abantu batandukanye barimo bene wabo, ariko ngo ugasanga baribarujeho imitungo y'imiryango yabo ku buryo uyu munsi banze kuyibaha.
Nduwimana yabwiye IGIHE ko mu Karere ka Kirehe bamaze kubarura abana 70 bafite iki kibazo ariko ko bashobora no kuba barenga akurikije amakuru agenda abona.
Ati ' Hari abana mu gihe cya Jenoside bari bato noneho ugasanga yasigaye iwabo ari umwe yagira umugisha akabona nka se wabo cyangwa undi muntu bari baturanye akamurera, urumva rero uwo muntu umurera azi imitungo y'iwabo yose, hari abo usanga baragurishije ya mitungo ya wa mwana atabizi, abandi ugasanga bayiyanditseho yose, abandi ugasanga mu mitungo myinshi y'iwabo wa wa mwana baramuhayemo isambu imwe na yo nto.'
Nduwimana yakomeje avuga ko uko wa mwana yagiye akura yagiye amenya ukuri ku mitungo y'iwabo yashaka kuyaka bakabishwanira ku buryo ngo hari abayimanye burundu kandi igihari abandi ugasanga barayigurishije ku buryo ngo niyo ababajije bamubwira ko nta mitungo ye bafite kandi ihari.
Hari abafite igikomere cy'imitungo yatwawe n'abishe imiryango yabo.
Nduwimana yavuze ko hari abandi bana bafite igikomere cy'abantu bishe imiryango yabo bagiye bigabagabanya amasambu yabo ku buryo ngo uyu munsi iyo bayabatse basanga barayiyanditseho nk'ayabo.
Ati 'Usanga abo bana birirwa birukanka mu nkiko ariko bitarakemuka, ubu dufite urutonde rw'abana 70 tuzi ariko haracyari n'abandi benshi hirya no hino ku buryo iki kibazo gikeneye kwitabwaho.'
Umunyamabanga wa Leta muri Minisiteri y'Ubutegetsi bw'Igihugu, Ingabire Assumpta, yavuze ko iki kibazo cyahawe umurongo ko umwana wacitse ku icumu uzi aho akomoka cyangwa uwamureze azi aho akomoka, uwaba afite icyo kibazo ngo yakwegera ubuyobozi, akaba yanasabye Ibuka niba ifite urwo rutonde kurubaha kugira ngo babikurikirane.
Yakomeje agira ati 'Kurera umuntu, kumufasha gutera imbere, kwiyubaka, kumwigisha ntibivuze ngo wanamuzungura, tuzafatanya nimutugezaho ayo makuru abana basubizwe imitungo yabo turabita abana ariko ubu barakuze bafite uburenganzira ku mitungo yabo.'
Nyarubuye ahabereye ibikorwa byo kwibuka Jenoside yakorewe abatutsi mu 1994 hari urwibutso rushyinguyemo imibiri ibihumbi 58 urwibutso ruriyo rukaba ruri mu nzibutso Nkuru z'Igihugu. Nibura ubwicanyi bwakorewe i Nyarubuye bwabaye mu minsi ibiri ahishwe abatutsi barenga ibihumbi 26 barimo n'impinja zicirwaga mu mivure.
Tariki ya 11 Mata buri mwaka, ku rwibutso rwa Jenoside yakorewe Abatutsi rw'Akarere ka Gatsibo ruri i Kiziguro habera umuhango wo Kwibuka Jenoside yakorewe Abatutsi by'umwihariko hazirikanwa abo Interahamwe ziciye muri Kiliziya Gatolika ya Kiziguro no mu nkengero zaho.
Aba batutsi bishwe barimo abaturutse muri Komini zirimo iyahoze ari iya Murambi, Muhura, Gituza na Ngarama, ubu zarahujwe zigirwa Akarere ka Gatsibo.
Nibura kuri iyi Kiliziya hiciwe abatutsi basaga ibihumbi 14 bamwe bajyanwa kujugunwa mu rwobo rwa metero 28 rwari hafi aho, aha ni hamwe mu hakorewe ubwicanyi bw'abantu benshi mu ntangiriro za Jenoside yakorerwaga abatutsi.
Perezida wa Ibuka mu Karere ka Gatsibo, Sibomana Jean Népomuscène, yavuze ko kuri ubu biteguye kwandika ubuhamya 100 bw'abarokokeye muri aka Karere kugira ngo bubikwe neza mu ikoranabuhanga bujye bufasha abantu kumenya amateka yaranze Jenoside yakorewe abatutsi mu Karere ka Gatsibo.
Ati 'Twateguye umushinga uzatangira umwaka utaha wo gukora inkuru 100 ni ukuvuga ubuhamya 100 twazifashisha twibuka ku nshuro ya 30, muri ubu buhamya rero tuzakuramo 30 twazifashisha, turifuza ko Akarere n'undi wabishaka yawudushyigikiramo kuko nitutandika ubuhamya abakuru barasaza kandi natwe ntitwakomeza kugira icyizere ko abantu bakomeza kubwikuba babukura mu mutwe ibyiza ni uko twabubika mu buryo bwa gihanga.'
Sibomana yakomeje avuga ko nk'abarotse Jenoside yakorewe abatutsi mu 1994 biteguye gufatanya n'abandi mu kubaka u Rwanda no kurwanya ingengabitekerezo ya Jenoside kuko yahembera urwangano.
Bamwe mu barokokeye i Kiziguro batanga ubuhamya ko ubwicanyi bwahakorewe bwakozwe mu gihe gito kuko Interahamwe, abasirikare, abajandarume n'abayobozi barangajwe imbere na Gatete Jean Baptiste wari Burugumesitiri basiganwaga nuko Inkotanyi zihagera bamaze kwica.
Rugigana Jean Baptiste uri mu bantu 11 ingabo za FPR-Inkotanyi zakuye mu cyobo cya metero 28 cyajugunywagamo imirambo avuga ko Kiziguro hiciwe abatutsi benshi abasigaye ngo batundishwa imirambo ijya kujugunywa mu rwobo rurerure.
Yavuze ko bishwe mu gihe gito cyane kuko abayobozi ngo bikangaga ko Inkotanyi ziri hafi kubageraho bituma bica abantu benshi mu gihe gito ubundi barahunga.
Burugumesitiri Gatete wagize uruhare mu kwica abatutsi i Kiziguro ni n'umwe mu babaye aba mbere mu gufunga abo Leta ya Habyarimana Juvénal yitaga ibyitso by'Inkotanyi, ndetse bamwe muri bo akabatwara mu cyobo kiri ahahoze Ikigo cya Gisirikare i Byumba kubicirayo, nyuma akabasukaho amakara akabatwika kuri ubu hashyizwe urwibutso rwa Gisuna.
Kuri ubu Urwibutso rwa Jenoside yakorewe abatutsi rwa Kiziguro rushyinguyemo imibiri 20 127 abenshi akaba ari abiciwe ku kiliziya cya Kiziguro kuko hahungiye abatutsi benshi bizeye ko bari buhabone ubutabazi bikarangira bahiciwe.
Abanyarwanda bakomeje ibikorwa byo Kwibuka ku nshuro ya 29 Jenoside yakorewe Abatutsi mu 1994, bizasozwa nyuma y'iminsi 100, kuko ari nayo minsi Jenoside yamaze.
Abanyarwanda baba muri Zimbabwe n'inshuti z'u Rwanda kuri uyu wa 14 Mata 2023 bahuriye mu Murwa Mukuru Harare, mu muhango wo kunamira Abatutsi bazize Jenoside mu 1994.
Ambasaderi w'u Rwanda muri Zimbabwe James Musoni yabasangije ubugome Jenoside yakorewe Abatutsi yakoranywe, abereka ko byose byabaye ku manywa y'ihangu imiryango mpuzamahanga irebera, ndetse n'itangazamakuru mpuzamahanga rirebera, bose ntihagira utabara.
Yavuze ko nyuma y'uko Ingabo zari iza RPA zihagaritse Jenoside yakorewe Abatutsi, hakozwe byinshi mu rugendo rw'ubumwe n'ubwiyunge, ndetse ubu u Rwanda rukataje mu kwiyubaka.
Yagaragaje ko imbogamizi isigaye ari ibihugu bigiha urubuga abahimbahimba ibinyoma bagamije guhakana no gupfobya Jenoside yakorewe Abatutsi no gukwiza ingengabitekerezo yayo.
Amb Musoni yahaye buri wese umukoro wo kugeza imbere y'ubutabera abakekwaho ibyaha bya Jenoside yakorewe Abatutsi.
Ati 'Ndahamagarira buri wese kubifata nk'inshingano ye n'iya rusange, agafasha kugeza imbere y'ubutabera abagize uruhare muri Jenoside yakorewe Abatutsi mu 1994 aho bari hose. [â¦] Ndashimira Leta ya Zimbabwe ku mikoranire myiza ifitanye n'u Rwanda, yemeye gushyiraho uburyo bw'amategeko buzafasha gushakisha abanyabyaha baba abari muri Zimbabwe uyu munsi cyangwa mu gihe kizaza.'
Yavuze ko u Rwanda na Zimbabwe ari ibihugu bifite umubano mwiza binafatanya mu ngeri nyinshi zirimo uburezi n'ubutabera.
Minisitiri w'Ububanyi n'Amahanga n'Ubucuruzi Mpuzamahanga muri Zimbabwe, Prof Amos Murwira, yashimye ubudaheranwa bw'abanyarwanda, babashije kugana inzira y'ubwiyunge, bagafata icyerekezo gishya kigana ku iterambere.
Yavuze ko igihugu cye cyiyemeje gutanga umusanzu wose ushoboka ku cyatuma abagize uruhare muri Jenoside yakorewe Abatutsi batabwa muri yombi bakagezwa imbere y'ubutabera.
Ati 'Reka nongere mbahamirize ko igihu cya Zimbabwe cyiyemeje rwose gutanga umusanzu haba ku rwego mpuzamahanga no ku rwego rw'umugabane, kugira ngo abagize uruhare muri Jenoside yakorewe Abatutsi n'ahandi bagezwe imbere y'ubutabera. Twizera ko nta mahoro arambye n'ubutabera byabaho hatari ukubazwa inshingano mu buryo buhamye.'
Prof Murwira yongeyeho ko ari yo mpamvu igihugu cye cyasinyanye amasezerano n'u Rwanda yo guhererekanya abakekwaho ibyaha, hamwe no guhugurana mu ngeri y'ubutabera.
Muri uyu muhango, umwanditsi Dimitrie Sissi warokotse Jenoside yakorewe Abatutsi yasangije abari aho ubuhamya bw'uko yarokotse Jenoside, n'uburyo yiyubatse ndetse ubu akaba afite umuryango.
Yabasangije ku gitabo yanditse cyitwa 'Don't Accept to Die' yahise anagurisha ibyo yari yajyanye byose bigashira.
Kugeza ubu nta gihugu cya Afurika cyari cyaburanisha umuntu ukekwaho Jenoside yakorewe Abatutsi, ndetse usanga ibyinshi bigaragaza intege nke mu guta muri yombi no kuburanisha abakekwaho uruhare muri Jenoside yakorewe Abatutsi mu 1994.
Kubwimana Daniel w'imyaka 33 y'amavuko, yarasiwe mu murenge wa Rukoma mu rukerera rwo kuri uyu wa 15 Mata 2023 i saa kumi zirenga ho iminota mike. Yari kumwe n'inzego z'umutekano agiye kwerekana bimwe mu bikoresho yakuye kwa Nyakwigendera Mujawayezu Madeleine nyuma yo kwicwa.
Amakuru yo kuba uyu Kubwimana Daniel yarashwe agapfa, yemezwa n'umunyamabanga Nshingwabikorwa w'Umurenge wa Rukoma Nsengiyumva Pierre Celestin. Avuga ko uyu warashwe yashatse kwiruka, Polisi yamuhagarika akanga, irasa hejuru nabwo yanga guhagarara, hakurikiraho kumurasa arapfa.
Gitifu Nsengiyumva agira ati' Twamenye amakuru ko mu rwego rwo gukora iperereza ku rupfu rwa Mujawayezu Madeleine, hari umuntu wagombaga gutanga amakuru akagaragaza ibyo yakuye muri iyo nzu aho yabishyize. Amakuru dufite ni uko yemeraga uruhare yagize. Mu gihe yari agiye kujya kubyerekana yashatse gutoroka kuko niwe wari uhazi, agerageje kwiruka rero inzego z'umutekano zashatse kumuhagarika zirasa mu kirere ntiyahagarara biba ngombwa ko araswa'.
Nyuma y'iraswa rya Kubwimana Daniel, ubuyobozi bw'Umurenge wa Rukoma n'abaturage bageze aho ibyo byabereye, bakorana inama n'abari bahari hagamijwe kwibukiranya inshingano za buri wese mu kugira uruhare ku gutanga amakuru hagamijwe gukumira icyaha.
Uyu warashwe, ni umwe mu bakekwaga kandi bivugwa ko yemeraga uruhare rwe, akaba ari umuntu utari usanganywe imyitwarire myiza kuko yari aherutse gufungurwa nabwo ku byaha yari yafungiwe. Ikindi ni uko bikekwa ko n'igihe Mujawayezu Madeleine yiciwe hari mu masaha y'igitondo( urukerera) ku buryo abantu bagendaga.
Umurambo wa Kubwimana Daniel wahise ujyanwa mu buruhukiro bw'ibitaro bya Remera-Rukoma mu gihe inzego z'umutekano zahageze zikaba zigikora iperereza ku byo uwarashwe yari akurikiranyweho byo kugira uruhare mu iyicwa rya Mujawayezu Madeleine.
intyoza
Source : https://www.intyoza.com/2023/04/15/kamonyi-ukekwaho-kwica-mujawayezu-madeleine-yarashwe-arapfa/
Niba ukurikirana imyidagaduro nta kuntu waba utazi indirimbo “Kashe” ya Producer Element ndetse ushobora kuba waranayibyinnye mu buryo bumwe cyangwa ubundi, gusa uko bamwe barimo bayishimira, agahinda kari kose kuri Element kuko urukundo rw’ubuzima bwe rwari rwamaze kumubwira ko kashe yamuteye yasibanganye.
Ni kenshi mu itangazamakuru hagiye havugwa inkuru y’urukundo rwa Nyampinga w’umuco n’umurage 2022, Kelia Ruzindana na Producer Element uri mu bagezweho muri iyi minsi.
Gusa aba bombi bahisemo kubigira ibanga cyane ko inshuro zose bagiye babibazwaho bagiye babyamaganira kure.
Gusa inkuru y’urukundo rwa bo itangirira mu mashuri yisumbuye muri St Andre aho bombi bigaga, nyuma yo gusoza barakomeje kugeza Kelia agiye muri Miss Rwanda 2022 ndetse na Element ntahweme kugaragaza ko ari we ashyigikiye.
Kwifurizanya isabukuru biherekejwe n’imitima ntibyaburaga kuri buri umwe, gusa inshuti zabo za hafi iby’uru rukundo bari babizi.
Bakomeje gukundana mu ibanga ndetse urukundo rwa bo rugenda rukura kugeza aho Element ahisemo gukorera indirimbo umukunzi we.
Amakuru yizewe agera ku kinyamakuru ISIMBI ni uko Element ajya gukora indirimbo “Kashe” yari indirimbo yahimbye ashaka gutura umukunzi we Kelia Ruzinda yari yareguriye umutima we.
Nk’uko umwe mu nshuti za bo yabibwiye ISIMBI, ubwo indirimbo yari muri studio itarasohoka, Element yaje kugirana ikibazo na Kelia barashwana.
Muri uku gushwana bagerageje gukemura ibintu ariko guhuza biranga birangira Kelia abwiye Element ko igihe kigeze buri umwe anyura inzira ye n’undi iye.
Element wakundaga uyu mukobwa byamubereye ihurizo kubyakira kongeraho n’indirimbo yari muri studio yamukoreye itarasohoka.
Amakuru avuga ko yashatse no kureka kuyisohora ariko inshuti ze zimugira inama yo kuyisohora kuko ari “hit” izatuma n’izina rye rikundwa kurushaho.
Ni bwo tariki ya 24 Nyakanga 2022 Element yarekuye iyi ndirimbo yakiranywe yombi ndetse inatumbagiza izina rye mu myidagaduro, Element wari Producer yiyongera no ku rutonde rw’abahanzi.
Iyo wumvise amagambo agize iyi ndirimbo neza, wumva ko Element yari yayitondeye hari uwo yageneraga ubutumwa, ikindi ni uko kuva icyo gihe nta yindi arasohora.
Hari aho agira ati “yego nabonye amahitamo menshi ariko ni wowe wenyine nshaka nk’umwuka mpumeka, njye sinkunda tatuwaje (tatoo) ariko ku bwawe nayishyiraho, gukundwa na we bifite isuku baby…”
Uko benshi bishimiraga iyi ndirimbo cyane ko ubu imaze kurebwa n’abarenga miliyoni 5, ni ko Element we byamushenguraga umutima kuko uwo yari yarihebeye bari baramaze gutandukana.
Ikindi kigaragaza ko iyi ndirimbo yasohotse iby’urukundo rwabo rwarashyizweho akadomo, ni uko tariki ya 22 Kanama 2022 Kelia Ruzindana nyuma y’igihe kinini avugwa mu rukundo na Element yafashe umwanzuro wo kuganira n’abamukurikira kuko yari abizi neza ko icyo kibazo kitabura.
Kelia yaje kukibazwa ndetse avuga ko afite umukunzi ariko atari Element bakundana.
80% by'abantu batuye isi barya inyama, gusa igitangaje bose ntago barya inyama z'ubwoko bumwe, kandi buri wese aba yumva inyama akunda ariyo iryoha kurusha izindi.
Ariko tugendeye ku bitekerezo byahuriweho na benshi dore uko urutonde rw'iziryoha umeze.
1.Inkoko
2.Dendo n'imbata
3.Urukwavu
4.Sumbirigi
5.Ifi
6.Akabenzi (izingurube)
7.Ihene n'intama
8.Inka
Â
Source : https://yegob.rw/dore-urutonde-rwinyama-8-ziryoha-kurusha-izindi/
Umugore n'umugabo bo mu gihugu cya Nigeria bakomeje gutangaza abatari bake kubera inkuru y'urukundo rwabo.
Uyu mugore uzwi ku izina rya Tiwalola, yavuze ko we n'umugabo we bajya guhuza ibintu byose.
Yavuze ko bavukiye rimwe bavukira mu mugi umwe biga hamwe ndetse ubu baba hamwe.
Akomeza avuga ko bamenyanye bafite imyaka 13 ubwo bingana mu mashuri abanza.
Aba batangiye gukundana bafite imyaka 18 ni uko banana bafite 28.