Category: Uncategorized

Uyu muhanzikazi umaze igihe kinini mu muziki, afite indirimbo zomoye imitima ya benshi nka 'Sijya muvako', 'Humura', 'Ndi uw'agaciro' n'izindi zamufashije kongera kwiyubaka nyuma y'uko umubyeyi we yishwe muri Jenoside yakorewe Abatutsi.

Izi ndirimbo zaramuherekeje mu rugendo rwe rw'ubuzima, zinafasha benshi kwegerana n'Imana.

Muri iki gihe u Rwanda n'inshuti zarwo bibuka ku nshuro ya 29 Jenoside yakorewe Abatutsi, Tonzi avuga ko umusanzu wa mbere w’umuhanzi mu kwimakaza ihame ry’ubumwe bw’Abanyarwanda, ari ukubanza kumenya ko nawe ari ikiremwamuntu hanyuma inganzo ye ikubakira ku gutanga ubutumwa bwubaka, ubutumwa bw’urukundo.

Uyu muririmbyi avuga ko ashingiye ku mateka u Rwanda rwanyuzemo, urwango rugeza ku gusenya no kuzana ibikomere mu bantu.

Akomeza ati “U Rwanda rwari rwasenyutse byarangiye. Kubera ko hari abahanzi bitwaye nabi batanga ubutumwa buhembera urwango kandi indirimbo ni ikintu kigera ku bantu benshi, bwa butumwa bukabasha kwinjira mu ntekerezo byihuse.”

Yavuze ko mu gihe cya Jenoside hari abahanzi nka Bikindi Simon bakanguriye urubyiruko ndetse n’Abanyarwanda muri rusange, umugambi wa Jenoside yakorewe Abatutsi, inzirakarengane zirenga miliyoni zihatakariza ubuzima.

Tonzi avuga ko nk’abahanzi bakwiye kubona ko kubiba urwango ‘nta cyiza cyavuyemo’, ahubwo bagaharanira gukora ibihangano n’ibindi bikorwa biri mu murongo wo guteza imbere u Rwanda n’Abanyarwanda.

Uyu muhanzikazi anavuga ko intambwe u Rwanda rugezeho byavuye ‘mu bwitange bw’Inkotanyi zarwanye urugamba’. Avuga ko ingabo zari iza RPA zarwanye urugamba ari urubyiruko, bityo bikwiye guha umukoro urubyiruko rw’iki gihe ‘kwiyubaka dukoresha ubuto bwacu mu kubaka Igihugu cyacu’.

Avuga ko hejuru y’ibi, urubyiruko rukwiye no kwimakaza urukundo kuko ‘urukundo ni wo musingi w’ibyiza byose’. Yungamo ati “Uyu munsi ntabwo ibyo tugezeho byikoze, ahubwo hari ababyitangiye hari n’ababiharaniye.”

Tonzi yumvikanisha ko ibikorwa bimaze gukorwa n’ibindi biri mu nzira, byagezweho/biri gukorwaho kubera amahoro ahari.

Imyaka 29 ishize u Rwanda n’inshuti bibuka Jenoside yakorewe Abatutsi, Tonzi avuga ko umusanzu w’umuhanzi wigaragaza cyane mu kongera kubanisha abantu, binyuze mu bihangano bitsa cyane ku kugaragaza ko ‘kongera kubaho bishoboka’.

Avuga ko uruhare rw’abahanzi mu rugendo rw’isanamitima, ari urwo gushimirwa. Ariko kandi akabasaba gukomeza uwo murongo wo kuririmba inkuru nziza ‘ishingiye mu kubaka ikiremwamuntu kugirango dukomeze tubone u Rwanda twifuza’.

Umusanzu w’umubyeyi urakenewe mu gutegura no kubaka u Rwanda twifuza:

Bisa n’aho ari uhurizo rikomeye ku mubyeyi kubasha kugera ku kigero cy’aho abwiza ukuri umwana we amateka y’ubuzima yanyuzemo mu gihe cya Jenoside yakorewe Abatutsi.

Hari umwe mu babyeyi wigeze kuvuga ko buri gihe iyo atangiye kubara inkuru y’ibyamubayeho muri Jenoside, afatwa n’ikiniga ntabashe kuyisoza.

Yavuze ko rimwe na rimwe, uburyo abana be bamubaza uko byagenze bimukomeretsa muri urwo rugendo rwo gushaka kumenya ukuri. Rimwe na rimwe akabavunguriraho, ariko ntasoza inkuru ye.

Tonzi yabwiye InyaRwanda ko mu rugendo rwo kubaka no gutegura u Rwanda rw’ejo hazaza, uruhare rw’umubyeyi rukenewe binyuze mu kwigisha abana amateka u Rwanda kubera ko aribo Rwanda rw’ejo.

Ati “Reka twigishe abana bacu amateka [Ababyeyi] kuko aribo Rwanda rw’ejo kugirango bazabe bayazi babashe guhangana n’uwo ari we wese washaka gusenya u Rwanda.”

Uyu muhanzikazi yahumurije buri wese warokotse, avuga ko batari bonyine kuko bafite u Rwanda rubahoza ku mutima n’Imana.     

Tonzi yasabye ababyeyi kugira umuhate wo kwigisha abana amateka ya Jenoside yakorewe Abatutsi 

Tonzi avuga ko umusanzu w'umuhanzi wigaragaza mu rugendo rw'isanamitima mu myaka 29 ishize

Kimwe mu bintu bishobora kugufasha guhangana na kanseri y'ibere, harimo ibyo urya. Ni ngombwa kwirinda ibiryo birimo uburozi cyangwa byangiza umubiri.

Dore amafunguro 5 ya mbere mu kurwanya kanseri y'ibere nk’uko byatangajwe n’urubuga HealthLine rutanga inama ku buzima rwabitangaje:

1.Imboga zizwi nka ‘Cruciferous’

Ubushakashatsi bwagaragaje ko imboga zo mu bwoko bwa cruciferous/légumes crucifères zikungahaye cyane ku ntungamubiri 'phytonutrients' zirinda ikura n'ikwirakwizwa ry'uturemangingo twa kanseri. Ikindi kandi izi mboga zifasha kuringaniza umusemburo wa estrogen, ubusanzwe uba mwinshi ku barwaye kanseri y'ibere.

Zimwe mu ngero z'izi mboga twavuga kale, broccoli, chou-fleur n'amashu.

2. Ibinure byiza

Umubyibuho ukabije ushobora kuba kimwe mu byongera ibyago byo kwibasirwa n'iyi kanseri, kandi ibyo kurya birimo ibivuta byinshi (fatty foods) biri mu byongera umubyibuho ukabije.

Niba ushaka kurya ibinure byiza; twakugira inama yo gufata ibinure bituzuye 'unsaturated fats' zimwe mu ngero:

Avoka, sesame, amavuta ya elayo, amafi, macadamia, almonds, ubunyobwa, flaxseeds, ibihwagari ndetse n'utubuto twa walnuts.

3.Amafi

Nubwo amafi abarirwa mu binure byiza, ariko reka tuyavugeho by'umwihariko.

Amafi abonekamo ibinure bizwi nka omega-3, bifasha cyane kugabanya ububyimbirwe mu mubiri. Ububyimbirwe buhoraho (chronic inflammation) mu mubiri bushobora kuba isoko yo kwibasirwa na kanseri y'ibere.

Ubushakashatsi bwakozwe bwerekana ko gufata iyi omega-3 fatty acids bigabanya cyane ibyago byo kwibasirwa n'iyi kanseri.

4.Inyanya

Inyanya zikungahaye cyane kuri lycopene, iki kinyabutabire gikomeye cyane mu gusukura umubiri gisohoramo uburozi (antioxidants). Iki kinyabutabire ni nacyo gituma ubona inyanya zitukura, kirinda cyane ko uturemangingo twa kanseri twabasha gukura.

5.Ibijumba

Ibijumba cyane iby'umuhondo imbere, bikungahaye cyane kuri carotenoids, zizwi nka beta-carotene.

Ikinyamakuru Journal of National Cancer Institute, cyagaragaje ubushakashatsi ko abagore bafite urugero ruri hejuru rwa beta carotene mu maraso, bagira ibyago biri hasi cyane byo kwibasirwa n'iyi kanseri, ugereranyije n'abatayifite ihagije.

Ibi nibyo muri macye byagufasha kurwanya kanseri y'ibere.

Bimwe mu byo ugomba kwirinda harimo; ibyongerwamo amasukari menshi, inzoga, inyama zitukura, ibyo kurya byahinduwe (processed foods).

Ibi biganiro birasinyirwamo amasezerano y'ubufatanye bwo gukuriraho visa abaturage b'ibihugu byombi, hanyuma abakuru b'ibihugu bagirane ikiganiro n'itangazamakuru.

Biteganyijwe ko Perezida Kagame aza kwambikwa umudali uzwi nka 'Amílcar Cabral Medal' w'icyubahiro muri Guinée-Bissau, uhabwa abakuru b'ibihugu b'inshuti za Guinée-Bissau.

Perezida Kagame kandi azasura inzu ndangamateka y'intwari z'igihugu muri Guinée-Bissau, yashyiriweho kuzirikana ubutwari bwa Amílcar Lopes da Costa Cabral, umwe mu barwanyije cyane ubukoloni muri Afurika na João Bernardo “Nino” Vieira wabaye Perezida wa Guinée-Bissau kuva mu 1980 kugeza mu 1999 no mu 2005 kugeza mu 2009.

U Rwanda na Guinée-Bissau bifitanye umubano w'igihe kirekire, aho bisanganywe amasezerano mu nzego zitandukanye zirimo ubucuruzi, uburezi, ubukerarugendo n'ubwikorezi bw'indege.

Perezida Kagame arakomereza uruzinduko rwe muri Guinée ku butumire yagejejweho na mugenzi we, Col Mamadi Doumbouya.

Uruzinduko rwa Perezida Kagame muri Guinée rugamije gushimangira umubano usanzwe hagati y'ibihugu byombi ndetse n'ubushake bw'ibihugu byombi mu kurushaho gukorana mu nzego zirimo iz'ubukungu, umutekano, ubuhinzi, ubucukuzi bw'amabuye y'agaciro n'umuco.

Byitezwe ko abakuru b'ibihugu byombi bagomba kugirana ibiganiro byihariye bigaruka ku ngingo z'umubano no kurushaho kuwushimangira.

Mu Ukwakira 2022, Perezida Paul Kagame yakiriye mu biro bye, Minisitiri w'Ikoranabuhanga wa Guinée, Ousmane Gaoual Diallo, wamushyikirije ubutumwa bwa Perezida Col Mamadi Doumbouya.

Perezida Kagame yaherukaga muri Guinée muri Mata 2017 ubwo yari yitabiriye inama ya AU. Mbere yaho, yari yagiriye uruzinduko muri Guinée rwabaye muri Werurwe 2016.

Icyo gihe yakiriwe mu buryo budasanzwe i Conakry, abaturage bamuha ikaze ndetse hari aho na we yagaragaye agenda n'amaguru abasuhuza.

Yanambitswe umudali w'icyubahiro uruta indi muri Guinée, uzwi nka 'Grand Croix', kubera ibikorwa by'ubutwari yagaragaje.

Repubulika ya Guinée ni igihugu giherereye mu Burengerazuba bwa Afurika, Umurwa mukuru wayo ni Conakry.

Perezida Kagame yageze muri Guiné Bissau aho yakiriwe na mugenzi we Perezida Umaro Sissoco Embaló

Ibiganiro by’Abaperezida bombi birakurikirwa n’isinywa ry’amasezerano yo gukuriraho visa abaturage b’ibihugu byombi

Nyampinga w’u Rwanda 20216, Mutesi Jolly yahishuye ko mu mpera z’umwaka ushize yari atekewe umutwe na sosiyete yamubwiye kujya muri Afurika y’Epfo kuyobora ikiganiro kuri Netflix.

Miss Mutesi Jolly umwe mu bavuga rikijyana mu Rwanda, mu Kuboza 2022 yakiriye ubutumire buvuye muri kompanyi yitwa 'ARUM HOLDINGS’ abwirwa ko yatoranyijwe kuba umwe mu bashobora kuvamo abazajya bayobora ikiganiro cya 'Hot Property Check’ kizajya kinyura kuri Netflix.

Mu butumwa Jolly yasangije abamukurikira, yavuze ko yababajije impamvu ari we batoranyije bamubwira ko bashakaga umuntu wo muri Afurika y’Iburasirazuba w’umuhanga ufite igihagararo kandi shobora guhuza n’Abanyamerika 2 Klylie Jenner na Drake bari bagiye gukorana ndetse ko ku bushakashatsi bakoze basanze ari we ukwiye ayo mahirwe.

Yavuze ko yahise yumva yishimye kuko yumvaga agiye kujya ku rubuga azereka Isi yose ubushobozi bwe cyane ko yari guhabwa amasezerano y’imyaka 3 ishobora kongerwa ahembwa hagati ya miliyoni eshatu n’enye z’amadorali ku mwanya.

Ati 'nk’umushabitsi, byari binshishikaje. Intekerezo zanjye zarambwiye ngo ubonye urubuga runini rwo kwiragaragarizaho unagaragaze ubushobozi bwawe. Mumenye ko nagombaga guhembwa hagati ya miliyoni 3 na miliyoni 4 z’amadorali ku mwaka ku masezerano y’imyaka 3 ishobora kongerwa. Nk’umushabitsi wizerera muri Bibiliya Ntagatifu, natangiye gusubiramo amagambo yo muri Matayo 7:7 (Musabe muzahabwa, mushakashake muzaronka mukomange muzakingurirwa).'

'Kuri njiye Imana yari yamaze kubimpa. Nabwiwe ko tuzakoresha urubuga rwa Netflix mu kumenyekanisha u Rwanda binyuze muri Visit Rwanda rimwe na rimwe ibiganiro byacu tukabikorera mu Rwanda mu mahoteli ahenze.'

Nk’umuntu utewe ishema no kuba umunyarwanda, Jolly avuga ko nubwo yabonaga ari ukuri ibyiyumviro bye byamubwiye kubisesengura neza yitonze, yasabye iyi kompanyi ibiyaranga biyivugaho neza ndetse n’ubutumire bwemewe (official invitation) ndetse na hoteli agomba kujyamo.

Jolly yahise abijyana mu buyobozi kugisha inama no kuba bamufasha kumenya ukuri kwa byo niba byaba byizewe nyuma agirwa inama yo kutajyayo kuko ibyagaragaye kuri ba nyirayo bidasobanutse.

Ati 'nagiriwe inama yo kutagenda kubera ko ibyabonetse byose kuri kompanyi na ba nyirayo byari ubutubuzi.'

Mu cyumweru gishize mu itangazamakuru yasomye abanyabyaha bashakishwa cyane muri Afurika y’Epfo asanga ni abantu bavuganaga.

Ati 'mu cyumweru gishize nasomye ku banyabyaha bashakishwa cyane muri Afurika y’Epfo nsanga ni baba bantu navuganaga nabo.'

Miss Mutesi Jolly akaba yasabye abantu cyane cyane abakiri bato by’umwihariko ibyamamare kugira amakenga ku muntu amuhaye amahirwe yo kuba yamukiza vuba kuko akenshi nta mpuhwe aba amufitiye, bamenye ko ibishashagirana byose atari zahabu.

Thread1/7 : To the few that know me very well know that i am an introvert but very big at networking bcz i believe that your network is your networth. So last year, I received an invitation to go to S.A as a possible candidate to host a Netflix show alongside Kylie J & Drake 😂 pic.twitter.com/V2YbciictU

— Jolly Mutesi. #TeamPK (@JollyMutesi) April 17, 2023

Mutesi Jolly yahishuye uko yari atekewe umutwe