Webrwanda Backend

Category: Uncategorized

  • Abahoze mu buyobozi bwo hejuru muri FDLR bakatiwe igifungo cy'imyaka 5 #rwanda #RwOT

    Ubushinjacyaha bukuru bw'u Rwanda bwaregeye urukiko rukuru urugereko rwihariye rushinzwe kuburanisha ibyaha mpuzamahanga n'ibyamburanya imbibi ruri i Nyanza mu Majyepfo y'u Rwanda abahoze mu mutwe w'iterabwoba wa FDLR, rubarega icyaha cyo kuba mu mutwe w'iterabwoba n'ibyaha by'irema by'umutwe w'ingabo w'ingabo utemewe n'icyaha cy'ubugambanyi, urukiko rwabakatiye igifungo cy'imyaka 5.

    Abo barimo Leopard Mujyamberea alias Musenyeri, Mpakaniye Emelien ,Ruzindana Felecien,HABIMANA Marc na Habyarimana Joseph.

    Ubushinjacyaha buvuga ko bariya bahoze ari abasirikare ufite ipeti rito muri FDLR-FOCA yarafite ipeti rya Colonel.

    Ubushinjacyaha kandi bwabareze ko mu bihe bitandukanye bariya bose uko ari batandatu bagabye ibitero bitandukanye ku Rwanda nk'igitero cyiswe 'oracle du Seigneur' kigira ingaruka zitandukanye.

    Abaregwa bose baburanye bahakana ibyaha baregwa bavuga ko binjijwe mu mutwe wa FDLR ku gahato katigobotorwa bityo nabo bajyanwa mu ngando i Mutobo nk'abandi babanjirije muri FDLR kandi bari babakuriye.

    urukiko rwariherereye rwemeza ko bariya ibukobwa bakoze byo kuba mu mutwe w'iterabwoba wa FDLR-FOCA nabo ubwabo babyiyemerera kandi bakaba baragiye banashingwa imirimo itandukanye maze urukiko rwisunze ingingo z'amategeko rusanga kuba barabaye muri FDLR bakayigumamo kugeza bafashwe n'ingabo z'igihugu cta Repubulika Iharanira Demokarasi ya Congo bahamwa n'icyaha cyo kuba mu mutwe w'iterabwoba , urukiko kandi rwariherereye rusanga icyaha cyo kurema umutwe w'ingabo utemewe n'ubugambanyi bose kitabahama kuko nta bimenyetso bihagije ubushinjacyaha bwabitangiye.

    Urukiko rusanga gusaba ko bajyanwa i Mutobo mu ngando nk'abandi nta shingiro bifite bityo bakaba bakwiye guhanwa.

    Urukiko rushingiye ko abaregwa batagoye urukiko ndetse bikaba ari ubwa mbere bageze imbere y'inkiko urukiko rwafashe icyemezo ko Leopard Mujyamberea alias Musenyeri, Mpakaniye Emelien, Ruzindana Felecien,HABIMANA Marc na Habyarimana Joseph bahanishwa igihano cy'igifungo cy'imyaka 5 aho banaburanaga bafungiye muri gereza ya Nyarugenge hazwi nka Mageragere, urukiko rwasoneye abaregwa amagarama y'urubanza kuko baburanaga bafunze.

    Isomwa ry'urubanza ryabereye mu ruhame abaregwa bagaragara hifashishijwe ikoranabuhanga rya 'Video conference' ubushinjacyaha bukaba bwari buhagarariwe mu rukiko.

    Ntiharamenyekana niba ari ubushinjacyaha cyangwa abakatiwe igifungo niba hazaba kujurira dore ko urukiko rwibukije ko abo bireba bagomba kubikora bitarenze igihe cy'iminsi 30.

    Théogène NSHIMIYIMANA

    The post Abahoze mu buyobozi bwo hejuru muri FDLR bakatiwe igifungo cy'imyaka 5 appeared first on FLASH RADIO&TV.

    Source : https://flash.rw/2023/04/20/abahoze-mu-buyobozi-bwo-hejuru-muri-fdlr-bakatiwe-igifungo-cyimyaka-5/?utm_source=rss&utm_medium=rss&utm_campaign=abahoze-mu-buyobozi-bwo-hejuru-muri-fdlr-bakatiwe-igifungo-cyimyaka-5

  • Inteko yemeje ishingiro ry'umushinga w'itegeko ry'iyandikwa ry'abaturage mu ndangamuntu-koranabuhanga #rwanda #RwOT

    Inteko Rusange y'Umutwe w'Abadepite, yemeje ishingiro ry'Umushinga w'itegeko rigenga iyandikwa ry'abaturage muri Sisitemu y'Igihugu y'Indangamuntu-koranabuhanga.

    Umushinga w'itegeko uzakomeza gusuzumwa muri Komisiyo.

    Minisitriri w'ikoranabuhanga na inovasiyo,ingabire Paula, yavuze ko uyu mushinga ugamije gukemura ibibazo birimo icyiciro cy'abaturage kititabwagaho, nk'abaturage batagira igihugu babarizwamo n'abandi bantu batagiraga impapuro kandi bakenera serivisi.

    The post Inteko yemeje ishingiro ry'umushinga w'itegeko ry'iyandikwa ry'abaturage mu ndangamuntu-koranabuhanga appeared first on FLASH RADIO&TV.

    Source : https://flash.rw/2023/04/20/inteko-yemeje-ishingiro-ryumushinga-witegeko-ryiyandikwa-ryabaturage-mu-ndangamuntu-koranabuhanga/?utm_source=rss&utm_medium=rss&utm_campaign=inteko-yemeje-ishingiro-ryumushinga-witegeko-ryiyandikwa-ryabaturage-mu-ndangamuntu-koranabuhanga

  • Nyina wa Hakimi yatunguwe n’ibyo umuhungu we yakoze ariko ahamya ko amushyigikiye #rwanda #RwOT

    Nyina wa Achraf Hakimi, Saida Mouh yavuze ko ibyo kuba umuhungu we yaramwanditseho imitungo ye yose ntabyo yari azi.

    Ni nyuma y’inkuru zaje zivuga ko umugore wa Hakimi Achraf, Hiba Abouk yasabye gatanya yifuza ko imitungo yose Hakimi afite bayigabana.

    Uyu mugore yatunguwe no kubwirwa ko nta mutungo n’umwe uyu mukinnyi afite umwanditseho ndetse n’umushahara wa miliyoni ku kwezi w’amadorali ahembwa unyura 80% binyura kuri konti ya nyina.

    Ni inkuru yatunguye benshi ndetse bamwe babifata nk’urwenya cyane ko kugeza uyu munsi ari Hakimi na Hiba Abouk nta kintu barabitangazaho.

    Nyina w’uyu mukinnyi ukomoka muri Morocco ukinira PSG mu Bufaransa, yabwiye itangazamakuru ryo muri Morocco ko ibyo kumwandikaho imitungo ntabyo umuhungu we yamubwiye kandi ko niba yaranabikoze ngo yirinde ntabyo nabyo azi.

    Ati 'niba hari igikorwa icyo ari cyo cyose yafashe ngo yirinde, ntacyo mbiziho.'

    Yakomeje avuga ko uretse ko abaye yaranabikoze yumva nta kibazo kirimo.

    Ati 'ubundi ikibazo kirihe ayo makuru abaye ari ukuri? Umuhungu wanjye abaye atabikoze ntabwo yazabasha gucika uriya mugore.'

    Umugore wa Hakimi, Abouk yasabye gatanya nyuma y’uko umugabo we ashinjwe guhohotera umukobwa w’imyaka 24, Abouk yifuzaga ½ cy’imitungo ya Hakimi ariko asanga nta mutungo n’umwe umwanditseho.

    Nyina wa Achraf yavuze ko ibyo kwandikaho imitungo n’umuhungu ntabyo yari azi

    Source : http://isimbi.rw/siporo/article/nyina-wa-hakimi-yatunguwe-n-ibyo-umuhungu-we-yakoze-ariko-ahamya-ko-amushyigikiye

  • Urukundo rwa Yung Miami na P Didy rwajemo agatotsi #rwanda #RwOT

    Ibi yabitangarije mu kiganiro yagiranye n'ikinyamakuru The Cut ubwo yarabajijwe iby'umubano we na P Didy cyane ko inkuru zo gutandukana kwabo zari zimaze igihe zivugwa.

    Miami adaciye ku ruhande yashimangiye nta mubano wihariye agifitanye na P Didy icyakora avuga ko ubu bari inshuti bisanzwe.

    Yagize ati: ''Nibyo koko ntabwo nkiriMiami kandi yahakanye amakuru yagiye amuvugwaho ko yaba yaragiye mu rukundo na P Didy amukurikiyeho amafaranga cyangwa se ashaka kumenyekana bashingiye ku kinyuranyo k'imyaka iri hagati yabo cyane ko uyu mukobwa afite 29 mu gihe P Didy afite 53.

    Yati: 'Iyo mba nshaka amafaranga hari benshi bayafite kumurusha nari kuba naragiyeho, kandi twamenyanye nanjye maze gukora izina ku giti cyanjye''.

    Urukundo rwa Miami na P Didy rwashyizwe ku iherezo nyuma y'imyaka ibiri bari bamaze bakundana gusa uyu mukobwa akaba yaragiye ashinja P Didy kumuca inyuma cyane biza kuba akarusho ubwo uyu mugabo yerekanaga ko yibarutse umwana yabyaranye n'undi mugore kandi byari bizwi ko ari mu rukundo na Miami.

    Source : https://umuryango.rw/imyidagaduro/article/urukundo-rwa-yung-miami-na-p-didy-rwajemo-agatotsi

  • Aba nibo bagore 5 bagize bagize uruhare rukomeye mu iterambere ry'umugabane wa Afurika[AMAFOTO] #rwanda #RwOT

    Inzibacyuho ya Afrika kuva mu bukoloni bwo gutegeka mu buryo bwubuyobozi bwigenga ntabwo byabaye mu gihe kimwe. Byarimo intambara nyinshi mu bihugu bitandukanye kugira ngo abaturage babone ubwigenge. Ndetse na nyuma y'ubwigenge, byari ngombwa ko abayobozi bitanga kugira ngo bateze imbere ibihugu byabo ndetse n'umugabane wa Afurika.

    Nubwo bitari urugamba rworoshye, abagore bateye imbere kugeza ubwo babonye imyanya ikomeye muri politiki y'ibihugu byabo .Bazamuye imibereho myiza y'abaturage bateza imbere ubukungu bw'ibihugu byabo ndetse n'umugabane wa Afurika muri rusange.

    Twifashishije ikinyamakuru kitwa afrogistmedia.com Celebz Magazine yaguteguriye urutonde abagore babaye abaperezida muri Afurika bakanagira uruhare mu iterambere ry'umugabane wa Afurika.

    1.Ellen Johnson Sirleaf

    Ellen Johnson Sirleaf ya vutse tariki ya 29 Ukwakira 1938 yabaye perezida wa 24 wa Liberiya yayoboye kuva tariki 16 Mutarama 2006 ageza tariki ya 22 Mutarama 2018 , niwe mugore wa mbere wari uyoboye Liberiya.
    Afatwa nk'impano y'umugore kwishora mu buyobozi bwa politike ya Afurika.Yari asanzwe azi ibibazo abagore bahuye nabyo ku mugabane.Kuba byari bigoye ko umugore aba perezida watowe n'abaturage, Ellen yakoze cyane kugira ngo yumvishe abatora ko bishoboka ko umugore ashobora kuba umuyobozi mu gihugu.

    Nyuma yaje kuba perezida wa Liberiya mu gihe abantu benshi bari bamaze kwemera ko bidashoboka ko umugore uwo ari we wese aba perezida. Yagize uruhare mu iterambere ry'ubukungu bw'igihugu cye. Yateje imbere umubano mwiza n'ibindi bihugu byo ku mugabane wa Afurika, ndetse ateza imbere ubucuruzi hagati y'ibihugu.

    Abantu benshi baramuzi mu gufasha abagore mu kubateza imbere muri Afrika. Abagore benshi ntibemeraga ko bishoboka ko baba abayobozi ku mugabane wa Afurika. Afite ubunararibonye muri politiki no mu buyobozi, yatoje kandi ashishikariza abakobwa bakiri bato kujya mu myanya y'ubuyobozi kugira ngo bafashe mu guhindura umugabane.

    Agnès Monique Ohsan Bellepeau

    Agnès Monique Ohsan Bellepeau azwiho cyane kuruhare yagize mu isi y'itangazamakuru. Mbere yo kwinjira muri politiki, Agnès Monique Ohsan Bellepeau yakoresheje itangazamakuru nk'urubuga rwo kwerekana ubuhanga yari afite.

    Icyubahiro yari afite mu gihugu cyatumye agirwa visi perezida w'ibirwa bya Maurice mu mwaka wa 2010. Nyuma yimyaka ibiri, perezida w'icyo gihe yeguye ku mirimo ye, kandi mu buryo bwikora, nk'uko itegeko nshinga ribiteganya, ko visi perezida azakomeza uwo mwanya kugeza amatora rusange abaye. Ishyaka rye mu burezi ryatumye Maurice itera imbere mu burezi. Yasabye urubyiruko rwo mu gihugu kujya mu ishuri bakiga amashuri akenewe yabafasha kwigenga.

    Joyce Hilda Banda

    Joyce Hilda Banda, ya vutse tariki ya 12 Mata 1950 ni umurwanashyaka, yabaye perezida wa Malawi nyuma y'urupfu rwa perezida Bingu wa Mutharika tariki ya 7 Mata 2014 ageze tariki ya 31 Gicurasi 2014.

    Icyo gihe yari visi perezida kandi yari afite uburambe mu buyobozi. Azwiho guharanira kurwanya abanyagitugu n'abakandamiza abagore muri Malawi na Afurika. Ni umwe mu bantu bagize uruhare mu iterambere rya Afurika mu bijyanye na demokarasi.

    Yakundaga uburezi kandi akangurira abagore kwiga cyane. Yizeraga ko uburezi aribwo bazakoresha kugirango babone kwibohora ingoyi y'ubukene. Muri 2014, yashyizwe ku rutonde rw'umugore ukomeye muri Afurika ndetse n'uwa 40 ukomeye ku isi yose.

    Bibi Ameenah Firdaus Gurib-Fakim

    Gurib-Fakim, yavutse tariki ya 17 Ukwakira 1959 yabaye perezida wa 6 wa Maurice kuva tariki 5 Kamena kugeza tariki 23 Werurwe 2018 , akaba na perezida wa mbere w'umugore watowe muri iki gihugu , y'ibukwa kubera imbaraga n'umuhate mu buyobozi. Mbere yo kwegura, yagize uruhare mu iterambere ry'ubukungu bw'igihugu. Abenegihugu bavuga ko yari umuyobozi mwiza bishimira demokarasi batigeze bagira mbere ye .

    Nk'umuhanga wibinyabuzima, yashishikarije abagore n'urubyiruko kubafasha kubaha ibyo bakeneye mu gihe kizaza. Yibukirwa kandi kuba yaratsindiye ubushakashatsi bwa siyansi muri Afurika kugira ngo afashe mu kuzamura ubukungu.

    Catherine Samba-Panza

    Yavutse tariki ya 26 Kamena 1956 ,yabaye perezida wa Repubulika ya Centrafrique kuva tariki ya 23 Mutarama 2014 yabaye perezida igihe igihugu cyari mu makimbirane . Impande zombi zamwemeye nk'ihitamo ryiza ryo kuyobora igihugu. Muri icyo gihe, yafashaga igihugu kugira amahoro bifuzaga kuva kera.

    Yibukirwa kandi kuba yarafashije igihugu kuzana inzira yo gukemura amakimbirane bari bafite. Yabereye urugero rwiza abandi bayobozi mu ku bereka inzira yo gukemura amakimbirane.

    Sorce:afrogistmedia.com

    Source : https://umuryango.rw/imyidagaduro/article/aba-nibo-bagore-5-bagize-bagize-uruhare-rukomeye-mu-iterambere-ry-umugabane-wa

  • Burundi: Hatoraguwe imirambo y'inyeshyamba bikekwa ko ari iza FLN zambaye impuzankano ya FARDC #rwanda #RwOT

    Amakuru atangwa n'inzego z'umutekano mu Burundi avuga ko iyi mirambo yabonetse ahitwa Myave, muri zone ya Ndora ho muri Komini ya Bukinanyana mu ntara ya Cibitoke.

    Umusirikare watanze amakuru y'iriya mirambo yavuze ko “nta gushidikanya ko ari inyeshyamba zivuga Ikinyarwanda zimaze imyaka myinshi zifite ibirindiro mu ishyamba rya Kibira kandi zirwanya Kigali.”

    Undi musirikare yabwiye SOS Médias Burundi ko bariya barwanyi “biîciwe mu mirwano iheruka kubasakiranya na FDNB (Igisirikare cy'u Burundi) kuva ku wa 14 Mata.”

    Ubuyobozi bwa Komine ya Bukinanyana nyuma y'uko iriya mirambo igaragaye bwahise butanga itegeko ryo kuyihamba, mu kwirinda ko yakomeza kunukira abaturage bo muri kariya gace.

    Abaturage kuri ubu bavuga ko batewe ubwoba no kuba abarwanyi ba FLN bagaragara hafi y'aho batuye bijyanye no kuba mu myaka yashize uyu mutwe warakunze kujya ubakorera amabi, bagasaba Igisirikare cy'u Burundi gushyira iherezo kuri uriya mutwe.

    Umwe mu bayobora inzego za gisirikare muri Bukinanyana yavuze ko kuri ubu ibikorwa byo guhiga abarwanyi b'uriya mutwe bikomeje. Ni nyuma y'uko umubano wongeye kuba mwiza hagati y'u Burundi n'u Rwanda.

    Source : https://umuryango.rw/amakuru/mu-mahanga/umutekano/article/burundi-hatoraguwe-imirambo-y-inyeshyamba-zambaye-impuzankano-ya-fardc

  • Moonbin wamamaye mu muziki wa Korea yitabye Imana #rwanda #RwOT

    Urupfu rwa Moonbin rwamenyekanye kuri uyu wa 19 Mata 2023 mu itangazo ryashyizwe hanze na Fantagio, inzu(lebel) ihagarariye iri tsinda rya Astro uyu muhanzi yabarizwagamo.

    Ni itangazo ryagiraga riti: 'Ku ya 19 Mata, umunyamuryango wa ASTRO, MOONBIN yatuvuyemo bitunguranye ahinduka inyenyeri mu kirere.'

    Rikomeza rigira riti: 'Nubwo bidashobora kugereranywa n'akababaro k'umiryango wabuze umwana ukunda ndetse n'umuvandimwe wabo, abanyamuryango ba ASTRO tumaranye igihe kirekire, ndetse n'abahanzi bagenzi bacu ndetse n'abayobozi ba Fantagio, turi mu cyunamo.'

    Kugeza ubu ntiharamenyekane icyaba cyahitanye uyu musore witabye Imana ku myaka 25 gusa icyakora umurambo we wasanzwe murugo rwe aho yabaga.

    Source : https://umuryango.rw/imyidagaduro/article/moonbin-wamamaye-mu-muziki-wa-korea-yitabye-imana

  • Abavunja amafaranga barasabwa ikintu kikomeye #rwanda #RwOT

    Abakora akazi ko kuvunja amafaranga y'amahanga mu Rwanda, barasabwa kunoza imikorere yabo kugira ngo idaha urwaho iterankunga ry'iterabwoba ndetse n'iyozandonke.

    Uko isi irushaho kuba umudugudu niko ibyaha by'iterabwoba ndetse no guhererekanya amafaranga yavuze mu gukora ibyaha bigenda bifata intera ibizwi nk'iyezandonke.

    Ku bufatanye n'ishyirahamwe ry'abavunja amafaranga na Banki nkuru y'u Rwanda, kuri uyu Gatatu abavunjayi, bakanguriwe kwirinda kuba ikiraro cy'ibyaha bishobora guturuka mu ihererekanya ry'amafaranga.

    Umyobozi w'ishyirahamwe ry'abakora umwuga wo kugura no kugurisha amadevize, Muhigi Zephanie, avuga ko biteguye ko amakosa yagaragaye mu rwego bakoreramo azagabanuka ndetse n'ubugenzuzi mpuzamahanga nibuza buzasanga u Rwanda rukora mu buryo bukwiye

    Biteganyijwe ko mu kwezi kwa 6 uyu mwaka hazaba igenzura mpuzamahanga ku Rwanda ryo kureba uko abakora umwuga wo kugura no kugurisha ama devize bakora .

    Source : https://umuryango.rw/amakuru/mu-rwanda/umutekano/article/abavunja-amafaranga-barasabwa-ikintu-kikomeye

  • Nsabimana Callixte 'Sankara'ntabwo yerekeje i Mutobo hamwe n'abandi #rwanda #RwOT

    Mu minsi ishize nibwo abaregwaga mu rubanza rumwe na Nsabimana Callixte alias Sankara bafunganywe ku mbabazi za Perezida Kagame burijwe imodoka bajyanwa i Mutobo, mu kigo gitangirwamo amasomo yo gusubiza mu buzima busanzwe abari abasirikare.

    Amakuru dukesha IGIHE nuko Nsabimana Callixte 'Sankara', wahoze ari umuvugizi wa MRCD/FLN atajyanye nabo muri iki kigo cya Mutobo.

    Mu bagombaga kujyanwa i Mutobo byari byitezwe ko habamo Sankara wiyitaga Major mu gisirikare cya FLN. Icyakora, ubwo aba barwanyi bajyanwaga i Mutobo, mu beretswe itangazamakuru ntabwo yagaragayemo nk'uwari umuvugizi wa bagenzi be.

    Kugeza ubwo twakoraga iyi nkuru, yari ataragera i Mutobo.

    Umuvugizi w'Urwego rw'Igihugu rushinzwe Igorora, RCS, SP Daniel Rafiki Kabanguka, yabwiye IGIHE ko yafunguriwe rimwe na bagenzi be.

    Ati “Kuba yaratashye, yaratashye, yatahanye n'abandi kuko itegeko iyo risohotse rirubahirizwa.”

    Umuyobozi wa Komisiyo ishinzwe gusubiza mu buzima busanzwe abari abasirikare [RDRC], Nyirahabineza Valérie, yemereye IGIHE dukesha iyi nkuru ko Nsabimana 'Sankara' atari i Mutobo.

    Ati “Ubu tuvugana aka kanya, ntawe uhari! Mubo dufite ntawe, ariko igihe cyose azazira nta kibazo, tuzamwakira.”

    Yakomeje agira ati “Abaje bose twarabakiriye, ubwo n'undi naza tuzamwakira. Bariya bagombaga kuza guhabwa ariya mahugurwa, abaje bose twebwe turabakira, ubwo rero n'undi na we naza tuzamwakira.”

    Icyakora, amakuru avuga ko mu bajyanwa i Mutobo hari ushobora gusaba kubanza kujya guhura n'umuryango we akabyemererwa, iminsi yahawe yazarangira agahita ajyanwa muri iki kigo guhugurwa.

    Icyakora Nyirahabineza yakomeje ati “Mbere hari abazaga baturutse no hirya iyo [muri Congo] ariko bizanye, bakaza bagera mu Rwanda, byaba ngombwa tukaba tubarekuye bakajya iwabo, bakabasuhuza bakamarayo ibyumweru bibiri cyangwa iminsi ingahe bakagaruka, noneho bagatangira amahugurwa.”

    “Ibyo bibaho rero. Njye ndakubwira nyine abazaga mbere bizanye, ibyo byabagaho, usibye ko ntabwo tureka ngo bajye kwicarayo, kubera ko umuntu aba amaze hariya igihe kirekire, tuba tugomba kubanza kumutegurira kujya mu Muryango Nyarwanda.”

    Avuga ko kuba Sankara ataragera i Mutobo nta kibazo cyo kubyibazaho gihari ariko nahagera azakirwa, akagororwa nk'abandi nyuma agasubizwa mu Muryango Nyarwanda.

    Sankara ubwo yarekurwaga, yategetswe kwitaba Umushinjacyaha ku Rwego rw'Ibanze rw'aho atuye, aho ubushinjacyaha bukorera, inshuro imwe mu kwezi ku munsi wagenwe n'Umushinjacyaha ku Rwego rw'Ibanze ariko ntabwo bizwi neza niba abikora.

    Source : https://umuryango.rw/amakuru/mu-rwanda/ubuzima/article/nsabimana-callixte-sankara-ntabwo-yerekeje-i-mutobo-hamwe-n-abandi

  • Umushoramari Dubai n'abari abayobozi ba Gasabo batawe muri yombi bazira umudugudu wubatswe nabi #rwanda #RwOT

    Urwego rw'Igihugu rw'Ubugenzacyaha (RIB) rwataye muri yombi batanu bahoze mu buyobozi bw'Akarere ka Gasabo, bakekwaho uruhare mu iyubakwa ry'umudugudu uzwi nko kwa 'Dubai' bivugwa ko wasondetswe inzu zikaba zigiye kugwa ku bazituyemo.

    Amakuru avuga ko abatawe muri yombi ari Stephen Rwamurangwa wahoze ari Meya wa Gasabo, Raymond Chretien Mberabahizi wahoze ari Visi Meya ushinzwe ubukungu, Jeanne d'Arc Nyirabihogo wahoze ayobora ishami ry'ubutaka mu karere (One Stop Center) na Jean Baptiste Bizimana wahoze ashinzwe imyubakire.

    Bakurikiranyweho icyaha cyo gukoresha ububasha bahabwa n'itegeko mu nyungu bwite.

    Mu bafunzwe kandi harimo umunyemari Jean Nsabimana uzwi nka 'Dubai' ku ruhare rwe mu kubaka inyubako zitujuje ibisabwa ziherereye mu mudugudu wiswe 'Urukumbuzi Real Estate' uri mu Murenge wa Kinyinya, Akarere ka Gasabo.

    Umuvugizi wa RIB, Dr Murangira B.Thierry, yatangaje ko hari abayobozi bane n'umunyemari batawe muri yombi bakekwaho uruhare mu myubakire mibi y'umudugudu wo 'Kwa Dubai'.

    Uyu mudugudu watangiye kubakwa mu 2013, icyiciro cya mbere cyuzura mu 2015. Izi nzu uko ari 114 abantu baziguze nk'abagura amasuka ku buryo hafi ya zose zahise zishira, ndetse izindi zibona abazikodesha. Abaturage bavuga ko baziguraga hagati ya miliyoni 17 Frw na miliyoni 25 Frw.

    Iby'uwo mudugudu byatangiye kuvugwa cyane mu kwezi gushize ubwo bamwe mu bawutuye batabazaga, bavuga ko inzu zigiye kubagwaho kubera uburyo zubatse nabi.

    Abahanga mu by'ubwubatsi bagaragaje ko harimo ibibazo birimo aho inzu ihagaze, igisenge ndetse no kuba Umudugudu wose ufite ikibazo cyo kuyobora amazi aho yakagombye kujya.

    Ubuyobozi bw'Umujyi wa Kigali mu cyumweru gishize bwatangaje ko abaturage bari muri uwo mudugudu basabwe kwimuka, kugira ngo inzu zitabagwaho.

    Ni umudugudu Perezida Paul Kagame aheruka kuvugaho, ko habayeho uburangare bw'abayobozi, umuntu akubaka ibintu bitujuje ubuziranenge, abashinzwe kubikumira barebera.

    Meya w'Umujyi wa Kigali, Pudence Rubingisa, aherutse kuvuga ko ubugenzuzi bwakozwe n'inzego zibifite mu nshingano, bwagaragaje ko inzu 54 arizo zigomba gusanwa mu nzu zitageretse, gusa ngo ikibazo gikomeye kiri mu nzu zigeretse.

    Biravugwa ko abatawe muri yombi bari abayobozi ubwo uwo mudugudu wubakwaga, ari nabo batanze uburenganzira kugira ngo uwo mudugudu wubakwe.

    Ingingo ya 15 mu Itegeko ryo kurwanya ruswa ivuga ko Umukozi wese wa Leta cyangwa undi muntu wese uri mu rwego rwa Leta wifashisha umwanya w'umurimo we cyangwa ububasha afite kubera uwo mwanya agakora ikibujijwe n'itegeko cyangwa ntakore igitegetswe n'itegeko agamije kwihesha cyangwa guhesha undi muntu inyungu itemewe n'amategeko aba akoze icyaha.

    Iyo abihamijwe n'urukiko ahanishwa igifungo kitari munsi y'imyaka irindwi ariko kitarenze imyaka icumi n'ihazabu y'amafaranga y'u Rwanda atari munsi ya miliyoni eshanu ariko atarenze miliyoni icumi . Iyo icyaha gikozwe hagamijwe inyungu ibarwa mu mafaranga, igihano kiba igifungo kitari munsi y'imyaka irindwi ariko kitarenze imyaka icumi n'ihazabu y'amafaranga y'u Rwanda yikubye inshuro kuva kuri eshatu kugeza kuri eshanu z'agaciro k'indonke yatse.

    IVOMO: IGIHE

    Source : https://umuryango.rw/amakuru/mu-rwanda/ubutabera/article/umushoramari-dubai-n-abari-abayobozi-ba-gasabo-batawe-muri-yombi