Category: Uncategorized

Ni ubutumwa yatanze wa 29 Mata 2023, ubwo Abagize Inteko Ishinga Amategeko, Imitwe yombi bibukaga ku nshuro ya 29 abahoze ari abakozi b'Inama y'Igihugu Ishinzwe Iterambere, CND [Conseil National de Development], bazize Jenoside yakorewe Abatutsi mu 1994.

Perezida w'Umutwe w'Abadepite, Mukabalisa Donatille yashimangiye ko abanyepolitiki b'iki gihe bakwiye kugira amahitamo meza kuko ari yo abumbatiye ahazaza h'igihugu.

Ati 'Abanyepolitiki babi ni bo batumye inzirakarengane zirenga miliyoni zicwa urw'agashinyaguro. Nk'abayobozi rero aba ari umwanya wo kuzirikana buri gihe, uburyo dukwiye guhora tugaragaza ubudasa mu migirire n'imikorere yacu no kongera imbaraga zo gukomeza guhangana n'ingaruka zitoroshye za Jenoside yakorewe Abatutsi.'

'Dushyire hamwe mu gushaka ibisubizo. Amahirwe igihugu cyacu gifite ni uko ku rundi ruhande, Jenoside yahagaritswe n'abandi Banyarwanda b'intwari, biyemeje guharanira kurwanya ikibi batitaye ku ngaruka byagira ku buzima bwabo, baranitanga mu kongera gusana igihugu n'ubumwe bw'Abanyarwanda bwari bwarasenyutse.'

Depite Mukabalisa yavuze ko gupfa cyangwa gukira kw'igihugu ari amahitamo y'ubuyobozi kuko iyo ubuyobozi bw'uyu munsi butaza kuba bwiza, igihugu kitari kuba kigeze aho kigeze haba mu iterambere no kubanisha Abanyarwanda mu bumwe.

Birababaje kubona abagize Inteko bararebereye itegurwa rya Jenoside

Perezida wa Sena, Dr Kalinda François Xavier yavuze ko bibabaje kubona urwego nka CND rwari rushinzwe amategeko rwarebereye itegurwa n'ishyirwa mu bikorwa rya Jenoside.

Ati 'Birababaje kubona urwego rwari nk'inshinga mategeko ntacyo rwakoze mu byo rwari rushinzwe. Ku bw'ibyo dufite uruhare rukomeye tubinyujije mu nshingano dushinzwe.'

'Igihugu cyari gifite urwego rw'ubutegetsi nshingamategeko rwakabaye rwarashyizeho amategeko arengera abaturage kimwe nta tonesha cyangwa ivangura iryo ari ryo ryose. Kandi uru rwego rwagombaga no kugenzura guverinoma n'izindi nzego uko zubahiriza uburenganzira bw'abaturage bose.'

Yakomeje agira ati 'Birababaje ko uru rwego ntacyo rwakoze mu byo rwari rushinzwe.'

Perezida wa Sena, Dr Kalinda yagaragaje ko mu nshingano bafite harimo no kurandura burundu ingengabitekerezo ya Jenoside

Dr Kalinda yibukije Abanyapoliti kwamagana politiki mbi yagizwe umuco mu myaka yo hambere ikanageza igihugu kuri Jenoside yakorewe Abatutsi.

Ati 'Tugomba kugira uruhare rwo kurandura burundu ingengabitekerezo ya Jenoside, ivangura n'amacakubiri. Gushyira imbere ubumwe bw'Abanyarwanda no gushyiraho uburyo bukwiye kugira ngo Abanyarwanda bagire amahirwe angana mu mibereho yabo nta wuhejwe.'

Perezida wa Sena kandi yavuze ko nk'Inteko Ishinga Amategeko, ari ngombwa gufata umwanya wo kwibuka abazize Jenoside yakorewe Abatutsi, mu rwego rwo kubasubiza icyubahiro no kwihanganisha imiryango y'abafite ababo bibukwa, n'abarokotse Jenoside yakorewe Abatutsi bose.

Ati 'Kwibuka ni ngombwa kugira ngo duhamye ingamba kandi twiyubakemo imbaraga n'ubushobozi. Tubigire intego ihamye, ko twese, tugomba gukora buri kintu cyose kiri mu bubasha bwacu no mu bushobozi bwacu kugira ngo turwanye tunakumire ingengabitekerezo ya Jenoside n'amacakubiri byari byaragizwe politiki y'imiyoborere kuva mu bukoloni no kuri Repubulika ya mbere n'iya kabiri.'

Abazwi bari abakozi ba CND bazize Jenoside ni Gashagaza Jean Pierre, Kayiranga Celestin, Mugenzi Jean Louis na Mukantembe Aloysie.

Mu gihe cya 1994, hari igice kimwe cya CND cyabagamo ingabo 600 za FPR Inkotanyi zari zirinze Abanyapolitiki b'uyu muryango, mu gihe hari ikindi gice cyakorerwagamo n'abakozi bayo.

Minisitiri w'Ubumwe bw'Abanyarwanda n'Inshingano Mboneragihugu, Dr Bizimana Jean Damascène, yatanze ikiganiro ku ruhare rw'Abanyapolitiki mu itegurwa n'ishyirwa mu bikorwa rya Jenoside yakorewe Abatutsi, n'ingamba zo kurwanya abahakana n'abapfobya Jenoside yakorewe Abatutsi.

Yagaragaje ko uhereye mu myaka ya 1959 ubutegetsi bubi bwakomeje guhembera urwango mu baturage akenshi bwakurikirwaga n'ubwicanyi bwibasiraga Abatutsi mu myaka myinshi.

Uwari Perezida Grégoire Kayibanda, we ubwe yatangije ubwicanyi bwakorerwaga Abatutsi mu 1960 muri Perefegitura ya Gikongoro ndetse anatanga itegeko ko icyo gikorwa gikomereza ku zindi Perefegitura cyane cyane izo ku mupaka.

Muri Mata 1994, Théodore Sindikubwabo wari Perezida wa Leta yiyise iy'Abatabazi, yashishikarije iyicwa ry'Abatutsi muri Butare na Gikongoro.

Minisitiri Dr Bizimana ati 'Urumva ko abaturage bamaze gukora Jenoside, Sindikubwabo ariko ntanyuzwe kubera ko mu bindi bice bya Butare, batarica. Araje, iyi disikuru yatambutse kuri Radio Rwanda, arababwira ati 'naje kubashimira ibikorwa byanyu, nintaha ndaboherereza abantu bo kubafasha gukomeza aka kazi murimo, kandi ndaza kureba uko nabagenera igihembo, mukore nko mu 1959.'

'Perezida ubwiye abaturage uti 'ibyo mwakoze ni byiza ndaza kubashimira, ndetse ndohereza abaza kubafasha, kandi koko yabikoze atyo kuko amaze kuva i Nyakizu, yari yamaze gukorana inama na Simbarikure Assiel wari SuPerefe wa Busoro.'

Yakomeje agira ati 'Kandi ageze i Butare yayoboye indi nama noneho Major Habyarabatuma Cyriaque wayoboraga Abajandarume yohereza Abajandarume bajya gukora ubwicanyi i Gishamvu n'ahandi hari hasigaye.'

Minisitiri Dr Bizimana yahaye umukoro Abasenateri n'Abadepite wo kumenyekanisha ubuyobozi na politiki nziza igihugu gifite kuri ubu ngubu aho ivanguramoko n'ingengabitekerezo bitagifite intebe.

Ati 'Nimwe mutora amategeko, nimwe mukora igenzura rya Guverinoma, muzi imiterere ya politiki nziza iri mu Rwanda. Nimuyimenyekanishe kuko kumenyekanisha politiki nziza iri mu Rwanda ubwabyo byafasha mu kurwanya abapfoya n'abahakana Jenoside mu buryo buremereye.'

Abagize Biro z’Inteko Ishinga Amategeko Imitwe Yombi, bunamiye inzirakarengane zazize Jenoside yakorewe Abatutsi

Abadepite n’Abasenateri bibutse ku nshuro ya 29 abazize Jenoside yakorewe Abatutsi

Minisitiri Bizimana yasabye abagize Inteko Ishinga Amategeko gukoresha imibanire n’imikoranire n'izindi Nteko mu kumvikanisha ko Jenoside ari icyaha mpuzamahanga gikwiye guhanirwa kimwe n’ipfobya ryayo

Perezida w’Umutwe w’Abadepite, Mukabalisa Donatille asaba abayobozi kongera imbaraga zo gukomeza guhangana n’ingaruka za Jenoside yakorewe Abatutsi

Muri iki gihe iyo utembereye cyane cyane mu Mujyi wa Kigali rwagati hagaragara abagore biganjemo ababa bafite abana kugira ngo bagirirwe impuhwe.

IGIHE yaganiriye na bamwe mu bagore batunzwe no gusabiriza bitwaje abana baba bakodesheje bavuga impamvu bitwaza abana muri iyo ngeso y'ubusabirizi rimwe na rimwe bakanabakodesha.

Bamwe bavuze ko nta muntu usabiriza yitwaje umwana ubura amafaranga na make atahana.

Umunyana Claire utuye mu Kagari ka Ruliba mu Murenge wa Kigali mu Karere ka Nyarugenge, yemeza ko atunzwe no gusabiriza ndetse hari igihe na we yifashisha abana b'abandi kugira ngo agire icyo atahana.

Uyu mubyeyi yemeza ko kuba abahisi n'abagenzi bakunze kugirira impuhwe ababyeyi bafite abana benshi baba bari gusabiriza ari bimwe mu bituma benshi mu batunzwe n'iyo ngeso rimwe na rimwe abatabafite babatira cyangwa bakabakodesha.

Yagize ati 'Buriya ni uko abantu babifata ukundi ariko nta muntu usabiriza afite ubushobozi naho ibyo gukodesha abana bibaho byo wataha na we ukagira icyo wishyura umubyeyi we kuko hari igihe uba nta mwana ufite cyangwa ufite umwe ukeneye nk'abandi babiri, rero iyo ushaka kugira ngo uze kubona icyo ucyura ubatira inshuti zawe.'

Akomeza avuga ko umubyeyi witwaje abana batatu ku munsi atahana amafaranga atari munsi y'ibihumbi 10Frw ndetse umwana umwe bamukodesha amafaranga ari hagati ya 1000Frw na 2000Frw, iyo umubyeyi yakodesheje abana babiri yishyurwa ibihumbi 3Frw.

Umunyana avuga ko hari igihe akodesha abandi bana babiri biyongera ku we umwe bakajyana gusabiriza mu Mujyi yagira icyo abona akabaha bagashyira nyina kuko na we atishoboye.

Avuga ko adasabiriza kuko abikunda ahubwo abiterwa n'uko yakoze impanuka ikamuviramo kumugara ku buryo nta mirimo abasha gukora.

Uwamariya Chantal ufite abana babiri b'impanga, utuye mu Kagari ka Katabaro mu Murenge wa Kimisagara, yemeza ko amaze imyaka ibiri atunzwe no gusabiriza ndetse amaze umwaka abikora yifashishije abana babiri.

Yagize ati 'Birantunze kuko ni byo bingaburira ariko simbikora mbikunze ahubwo ni kwa kundi umuntu abikora ashakisha kugira ngo abone icyo agaburira abana'.

Avuga ko mu myaka ibiri amaze asabiriza amaze kugura ikibanza aho avuka mu Karere ka Rutsiro, akaba ateganya kubireka namara kuzuza inzu ye.

Mu mwaka ushize Inama y'Igihugu y'Abafite Ubumuga (NCPD) yabwiye itangazamakuru ko abantu barenga 300 bo mu Mirenge itandukanye yo mu Mujyi wa Kigali bafite ubumuga batunzwe no gusabiriza.

Abana basabiriza akenshi bakunda gutandukana na ba nyina bakongera guhura babaha amafaranga bahawe

Benshi mu bagore badukanye ingeso yo gukodesha abana

Ni igikorwa cyabaye kuri uyu wa Gatanu mu gihe u Rwanda ruri mu minsi ijana yo kwibuka ku nshuro ya 29 Jenoside yakorewe Abatutsi mu 1994.

Iki gikorwa cyatangiriye ahashyizwe ikimenyetso cy'urwibitso ku cyicaro gikuru cya RSSB hacanwa urumuri rw'icyizere, bakomereza ku Rwibutso rwa Jenoside rwa Kigali.

Ubuyobozi n'abakozi ba RSSB basuye uru rwibutso basobanurirwa amateka y'u Rwanda n'uburyo Jenoside yateguwe ikanashyirwa mu bikorwa maze bunamira Abatutsi bashyinguye kuri uru rwibutso.

Nyuma hatanzwe ibiganiro n'ubuhamya bitandukanye byagarukaga ku mateka ya Jenoside yakorewe Abatutsi mu 1994.

Umuyobozi Mukuru wa RSSB, Rugemanshuro Regis, yavuze ko bategura iki gikorwa mu kwifataya n'imiryango y'abari abakozi b'urwego rwasimbuwe na RSSB, bishwe kandi ko bazakomeza kubaba hafi.

Ati 'Urwego rwa RSSB rwaje kwifatanya n'imiryango y'abakozi bari aba CSR ariko tunibuka Abatutsi bose bazize Jenoside mu 1994, twifatanya n'abandi Banyarwanda bose ariko by'umwihariko aba bari abakozi bacu.'

'Ubutumwa tubaha uyu munsi ni ubw'urukundo no kubakomeza kandi nk'uko urugendo rw'imyaka 29 twarugendanyemo, tubizeza ko tuzakomeza kubaba hafi, ari na ko tuba hafi n'abandi bacitse ku icumu rya Jenoside yakorewe Abatutsi mu 1994.'

Yakomeje ashima ubutwari bw'Inkotanyi zahagaritse Jenoside asaba buri wese kuzirikana uruhare rwe mu kubumbatira ubumwe bw'Abanyarwanda.

Ati 'Turashimira ko hari abandi Banyarwanda b'intwari cyane cyane ingabo zahoze ari iza RPF inkotanyi, zahagaritse Jenoside zitabara abari mu kaga. Ibi babigezeho kubera indangagaciro bari bafite zo gukunda u Rwanda n'Abanyarwanda nta vangura. Uyu ni umwanya mwiza wo gushimira no kuzirikana ubwo butwari kandi buri wese akumva uruhare n'inshingano bye mu kubumbatira ubumwe bw'Abanyarwanda kugira ngo Jenoside itazongera kubaho.'

Uwari uhagarariye Minisiteri y'UBumwe bw'Abanyarwanda n'Inshingano Mboneragihugu (MINUBUMWE), Habimana Djamali, yasobanuye amateka yaranze Jenoside, aboneraho umwanya wo gusaba urubyiruko guhangana n'abapfobya bakanahakana Jenoside.

Ati 'Urubyiruko rukangurirwa gufata iya mbere mu kurinda ibyagezweho bahangana n'abapfobya cyangwa bahakana Jenoside yakorewe Abatutsi n'abagifite ingengabitekerezo yayo.'

RSSB yakoze iki gikorwa mu gihe u Rwanda ruri mu gihe cy'iminsi ijana yo kwibuka ku nshuro ya 29 Jenoside yakorewe Abatutsi mu 1994.

Abayobozi n’abakozi ba RSSB basuye ibice bitandukanye bigize Urwibutso rwa Jenoside rwa Kigali

RSSB yunamiye Abatutsi bashyinguye mu Rwibutso rwa Jenoside rwa Kigali

Iki gikorwa cyitabiriwe n’abakozi batandukanye ba RSSB

Ubuyobozi n'abakozi rwa RSSB basuye uru rwibutso basobanurirwa amateka y'u Rwanda n'uburyo Jenoside yateguwe ikanashyirwa mu bikorwa, banunamira Abatutsi bashyinguye muri uru rwibutso

Bashyize indabo ku mva mu rwego rwo guha icyubahiro abahashyinguye bishwe muri Jenoside yakorewe Abatutsi

Abakozi ba RSSB bafatanyije gucana urumuri rw’icyizere

Iki gikorwa cyitabiriwe n’abakozi batandukanye ba RSSB

Ubuyobozi n'abakozi b'Urwego rw'Ubwiteganyirize mu Rwanda (RSSB), bibutse abantu 19 bamaze kumenyekana bari abakozi b'Isanduku y'Ubwiteganyirize bw'abakozi y’u Rwanda (Caisse Sociale du Rwanda, CSR) bishwe muri Jenoside

Hibutswe Abatutsi 19 bakoraga muri Caisse Sociale du Rwanda, CSR

Umuyobozi Mukuru wa RSSB, Rugemanshuro Regis, yavuze ko bategura iki gikorwa mu kwifataya n'imiryango y'abari abakozi babo bishwe kandi ko bazakomeza kubaba hafi

Umuyobozi wa APR FC, Lt Gen Mubarakh Muganga yavuze ko kuba ibipfa byose mu mupira byitirirwa iyi kipe y’ingabo z’igihugu atari byo kuko bibaye ari ukuri batakabaye bamaze imikino 4 badatsinda.

Yabitangaje nyuma y’umukino wa shampiyona w’umunsi wa 27 iyi kipe yanganyijemo na AS Kigali 1-1.

Wahise wuzuza imikino 3 yikurikiranya iyi kipe idatsinda aho yanganyijemo na AS Kigali na Gasogi United itsindwa na Police FC.

Aganira n’itangazamakuru, umuyobozi wa APR FC, Lt Gen Mubarakh Muganga yavuze ko ibyo bitirirwa byo kugena uko imikino iri bugende bifashishije abasifuzi ari ibinyoma.

Yavuze ko ibyo byari kuba nko ku gihe cya Perezida Kabyarimana aho na kaporali (corporal)yavugaga umusifuzi agashyiraho ibyo yifuza.

Ati “ubundi Chariman wa APR FC nkanjye, nkurikije igihe cya Habyarimana na Kaporali (Corporal) yaravugaga umusifuzi agashyiraho ibyo uwo Kaporali yifuza ariko uyu munsi Chairman wa APR FC mwese muzi w’umu-General ngira ngo ibintu byose byakagiye mu nyungu za APR FC, ariko si mpanya ko ariko bimeze, na we ubwawe wivugiye ko tumaze imikino 4 bitagenda neza.”

Yakomeje avuga ko atari uko ananiwe gutanga ayo mabwiriza kandi abasifuzi bakayakurikiza, ahubwo mu mupira amakipe aba agomba guhatana itsinda igatsinda nta bindi bibyihishe inyuma.

Ati “impamvu iyo mikino 4 ishize bitagenda neza si uko ntashobora gutanga amabwiriza, nayatanga kandi bakayumva ariko ntabwo byaba ari “fairplay” (ntibyaba binyuze mu nzira nziza), abantu baba bakwiye kubona ibyo baba bakoreye.”

Yakomeje avuga ko bitari bikwiye kuba ibyananiranye byose bikwiye kugerekwa kuri APR FC.

Ati “mbonereho iki kibazo kugishyira kuri mwe b’abanyamakuru, izo ni imvugo zitubaka, ibyananiranye hirya no hino kubera uyoboye igihe iki n’iki, byose bigomba kujya muri APR FC.”

“Rimwe na rimwe nkabyumva kuko bazi ko icyo APR FC yavuga cyose cyaba, ariko na none dukoresheje iyo mvugo ko icyo dushatse cyose kiba mu nyungu z’abafana benshi, bavuga ngo za ngabo dore igitugu cyazo kandi atari byo twatojwe.”

Gusa na none uyu muyobozi yavuze ko batakwicara ngo barebere ikipe irengana, ko igihe cyose yarenganywa biteguye kuba bajya mu manza.

Atangaje ibi mu gihe iyi kipe yagiye igaruka mu majwi inshuro nyinshi ku mikino imwe n’imwe yatsinze hakavugwa ko hari ukundi byagenze bitanyuze mu nzira nziza.

Kugeza ubu APR FC iri ku mwanya 2 ku rutonde rwa shampiyona aho ifite amanota 54, amanota 3 inyuma ya Kiyovu Sports iyoboye urutonde n’amanota 57, hasigaye imikino 3 ngo shampiyona irangire.

Lt Gen Mubarakh Muganga avuga ko gutanga amabwiriza ku basifuzi byari ibya kera

Kuri uyu wa Gatandatu ni bwo kuri konti ya Twitter ya Perezida Paul Kagame yashyizweho amafoto y’abuzukuru be bambaye imyambaro y’ikipe ya Arsenal. Hejuru y’iyi foto banditse bati: “Turi abarashi, bashya kandi bakiri bato”.

Ibi yabikoze mu gihe ikipe ya Arsenal ariyo iyoboye urutonde rwa shampiyona y’u Bwongereza n’amanota 75, gusa ikaba idahagaze neza nyuma y’uko imaze imikino 4 idatsinda harimo n’uwo iheruka gutsindwamo na Manchester City ibitego 4-1.

Perezida Kagame asanzwe ari umukunzi wa Arsenal ndetse yigeze no kubyitangariza. Arsenal izagaruka mu kibuga ikina na Chelsea kuwa 2.

We are #Gunners …newest & youngest….#FanClub!! 😆🤩😍😍!!!! pic.twitter.com/VOIEY7K1H3

— Paul Kagame (@PaulKagame) April 29, 2023

Abuzukuru 2 ba Perezida Paul Kagame

Perezida Kagame asanzwe ari umukunzi wa Arsenal

Kuri uyu wa Gatandatu guhera saa cyenda ikipe ya APR FC yakiriye AS Kigali kuri sitade y’Akarere ka Bugesera. Uyu ni umukino ufite kinini uvuze kuko ikipe ya APR FC iramutse iwutakaje yaba iri kuva ku gikombe cya shampiyona ibererekera Kiyovu Sport iri ku mwanya wa mbere kugeza ubu.

Mu mikino 26 iheruka guhuza aya makipe yombi APR y yatsinzemo 10, AS Kigali itsindamo 7 banganya inshuro 9.

Abakinnyi 11 ba APR FC babanje mu kibuga:Pierre,Fitina, Ynussu , Dieudonne , Byiringiro, Bonheur, Bosco, Gilbert, Djabel, Alain na Yannick.

Abakinnyi 11 ba AS Kigali babanje mu kibuga:Fiacre,Seif, Thierry, Denis, Girbert, Laurance Juma, Ally, Rashid, Jean Bosco, Jacques na Tchabalala.

Uko umukino uri kugenda umunota ku munota:

Igice cyambere kirangiye amakipe yombi anganya igitego 1-1

45+2 Dusingizimana Gilbert wa AS Kigali akoreye ikosa Ruboneka ahita ahabwa ikarita y’umuhondo

Igice cyambere cyongeweho iminota 3

45′ Bosco wa APR FC acenze neza ashaka kwinjira mu rubuga rw’amahina ariko aranyerera atakaza umupira

41’Jacques wa AS Kigali agize ikibazo cy’imvune biba ngombwa ko akurwa mu kibuga ateruwe

39′ APR FC nayo ibonye penariti ku ikosa ryari rikorewe Allain-Baca maze Ombolenga ahita ayitereka mu nshundura

37’Nyuma yiko AS Kigali ibonye igitego cya 1 isa nkiyagabanyije umurego abakinnyi ba APR FC bari guhererekanya gake gake

33′ APR FC ibonye kufura nziza ku ikosa Laurance Juma yarakoreye Djabel ariko Ynussu ahita ayitera hanze

30′ Tchabalala ahise ayitera umuzamu ayikuramo ariko ntiyayifata neza nituma asongamo igitego kiba kirabonetse

29′ AS Kigali ibonye penariti ku ikosa Ynussu akoreye Tuyisenge Jaques

27′ Uruhande rw’ibumoso runyuraho Mugisha Gilbert ruri gukora cyane yirukankana imipira nubwo atari kuyibyaza umusaruro ngo ibe yavamo igitego

25′ Gilbert wa APR FC ahawe ikarita y’umuhondo kubera gusagarira abakinnyi ba AS Kigali

22′ Yannick arase uburyo butaratwa aho Fitina Ombolenga azamukanye umupira arumuheresa asigaranye n’umuzamu gusa atinda gushota bituma Seif aza aratabara ashyira umupira muri koroneri

17’Abakinnyi ba APR FC babuze umupira,bari kuwubona gusa aruko urenze

15’  Gilbert wa APR FC azamukanye umupira acenga ba myugariro ba AS Kigali bagera kuri 3 ariko ahinduye umupira mwiza imbere y’izamu Rukundo Denis ahita atabara

13′ Abakinnyi ba AS Kigali bari kugerageza guhererekanya ngo binjire mu rubuga rwa APR FC ariko bikananirana

10’Yannick yongeye kubona uburyo imbere y’izamu ariko Ntwali Fiacre aramubangamira abura uko atera mu izamu 

7′ Tchabalala akoreweho ikosa agerageza kwinjira mu rubuga rw’amahina maze umusifuzi atanga kufura ariko nta kivuyemo bayiteye nabi 

5′ Yannick aryamye hasi nyuma yuko yaretsinze igitego ari mu rubuga rw’amahina ariko ba myugariro ba AS Kigali bakawushyira muri koroneri

3’AS Kugali ibonye koroneri ariko Rashid ashyizeho umutwe umupira Pierre wa APR FC ahita awufata

1’AS Kigali niyo yatangije umukino itangira ukinira inyuma birangira iwurengeje

Ku mugoroba wo kuri uyu wa Gatanu tariki 28 Mata 2023, nibwo uyu muhanzi wamenyekanye mu ndirimbo zirimo nka 'Mvura' yateguje abafana be n'abakunzi b'umuziki muri rusange iyi album y'ivugabutumwa amaze igihe ari kubategurira.

Ni album yihariye kuko yatangiye kuyikoraho ubwo yari mu Rwanda akomereza muri Amerika, yifashisha aba Producer batandukanye mu rwego rwo kuyiha icyanga.

Yabwiye InyaRwanda ko muri rusange indirimbo yakubiyeho zivuga 'ku buzima bwiza bwa Yesu Kristo'. Ati 'Iriho indirimbo 11 ariko ndateganya ko nshobora kongeraho indirimbo imwe zikaba 12. Indirimbo ziriho ziravuga cyane ku butumwa bwiza bwa Yesu Kristo.'

Serge avuga ko yandika indirimbo zigize iyi album yanasubije inyuma amaso ku buzima sosiyete ibamo, bituma yita no gushyiraho indirimbo zihumuriza abantu, ubutumwa bwo gushima n'ibindi yizera neza ko abantu bazayumva bazanyurwa.

Akomeza ati 'Ni indirimbo z'ivugabutumwa. Ibyiza Yesu Kristo yakoze ku buzima bwacu ndetse n'ibindi.'

Uyu muhanzi akomeza avuga ko kuri iyi album hariho indirimbo 10 ze wenyine ndetse n'indi ndirimbo imwe yakoranye na Annette Murava [Azwi mu ndirimbo nka ‘Niko Nkiri] uherutse kurushinga na Bishop Gafaranga.

Yavuze ko yafashe iki cyemezo cyo kudakorana cyane n'abandi bahanzi, ahanini bitewe n'uko yamaze igihe kinini akorana n'abandi bahanzi. Kuri iyi nshuro, avuga ko yashakaga ko abantu bumva neza ubuhanga bwe n'ubutumwa yabateguriye.

Iyi ndirimbo yakoranye na Annette Murava avuga ko imaze igihe kinini,  Nk'umuramyi, yifuza ko indirimbo ziri kuri album ye 'zazagarura abantu kuri Kristo cyane cyane urubyiruko, kuko rumaze kubura cyane mu nzu y'Imana'.

Ati 'Ni ikintu gihangayikishije Isi muri rusange. Kuko usanga nyine urubyiruko turimo turarubura mu rusengero, ukibaza impamvu ariko harimo ubutumwa bwinshi bagenewe. Indirimbo ikubiyemo ubutumwa bwinshi bw'ibyiringiro kandi buhumuriza abantu, hari abantu baba bacitse intege bibaza ejo bizagenda gute, bizamera gute ariko ni ubutumwa bw'ibyiringiro niko navuga.'

Iyamuremye avuga ko buri ndirimbo iri kuri iyi album yihariye, kandi yayikoze mu njyana itandukanye n'indi ku buryo afite icyizere cy'uko icyiciro cyose cy'ubuzima cy'abantu bazayisangamo.

Uyu munyamuziki asaba buri wese uzumva indirimbo ze akanyurwa kuzazisangiza n'abantu kugirango ubutumwa bw'Imana bugere kure. 

Serge asanzwe afite album zirimo nka 'Nta mvura idahita' , 'Arampagije', 'Biramvura' ndetse na 'Urugendo.' 

Serge Iyamuremye ubarizwa muri Amerika agiye gusohora album yise 'Saa Cyenda'

 

Serge yavuze ko indirimbo yakubiye kuri iyi album aziteho kugarura urubyiruko kuri Kristo 

Serge avuga ko yandika indirimbo zigize album ye ya Gatanu yitaye cyane ku butumwa bumazara igihe kirekire

KANDA HANOUREBE AMASHUSHO Y'INDIRIMBO 'NTAWUNDI NAMBAZA' YA SERGE IYAMUREMYE

“>

Honorable Oluwabunmi Amao, Umuyobozi Mukuru w'Ikigo Gishinzwe Ubuhanzi n'Umuco wa Afurika (Director General Centre for Black and African Arts and Civilisation);

Ibi yabivuze mu kiganiro yagiranye na InyaRwanda ku munsi wa kabiri w'Inama Mpuzamahanga y'Abagore, ubwo twamubazaga ku bijyanye n'ukuntu umuco mu bihugu bya Afurika upfukirana umugore.

Yasabye abagabo guha umwanya abagore kuko 'Hari abagore bashoboye, hari abagore Imana yahaye gukora ibikomeye', ati: 'Reba nka hano, reba Kigali, Kigali (u Rwanda) yateye imbere cyane kuko babagiriye ikizere babaha umwanya (umugore) mugaragaza ko mushoboye'.

Honorable Oluwabunmi Amao yifuza ko ibihugu bya Afurika byigira ku Rwanda kuguha umwanya umugore kuko nawe ashoboye 

Yakomeje avuga ko bafite byinshi byo kwigira ku Rwanda kuko ruha amahirwe umugore w'umunyarwandakazi, cyane ko 'Leta y'u Rwanda 61.3% ari abagore mur Guverinoma.'

Ati: 'Dufite byinshi byo kwigira hano, tukabitira, tukabijyana iwacu kubikora. Turasaba Inteko Ishingamategeko iwacu ko baduha umwanya natwe tukabereka icyo dushoboye. Tubabwire ngo muduhe amahirwe… Dukeneye ko tuvugurura ibihugu byacu.'

Muri iyi nama, abagore batanze ibitekerezo byinshi biganisha ku kubaka igihugu, isi muri rusange uhereye ku kubyaza umusaruro ubushobozi bw'umugore.

Bimwe mu bitekerezo byatangiwe muri iyi nama, ni uko umugabo naha umwanya umugore we, akamutega amatwi, akamwumva bagatahiriza umugozi umwe, urugo rwabo ruzamera neza kandi rugatera imbere kuko n'amafaranga umugore akorera agaruka mu rugo.

Bibukije kandi ko umugore ariwe ufite uruhare runini mu gutuma umugore yubahwa, bitewe n'uko azabanira abagore bagenzi be, uburere azaha abana be, iterambere azageza ku bagore bagenzi be, n'ibindi.

Banagaragaje impungenge zituruka ku kuba abana benshi barebera ku babyeyi babo, aho abana b'abahungu bakuze babona ise akubita nyina nabo ariko babigenza iyo bashatse, umukobwa wakuze nyina akubitwa nawe akumva ko ariko bigomba kugenda,…

Basabye umugore kwigirira ikizere, 'ntabwo ukeneye ko umugabo abanza kubyemera cyangwa kukwemerera kunyura muri iriya nzira kugira ngo ubone kuyinyuramo.' aka ya mvugo ngo 'Tinyuka urashoboye.'

Iyi nama yateguwe na Abolaji Odunuga, Umuyobozi ari nawe washinze Duchess International Magazine, afatanyije na Bwana Olayinka Odeajo, Umuyobozi akaba na nyiri Custodian Global Consult Ltd; bakomoka muri nigeria ariko bakaba baba mu Bwongereza.

Mu biganiro twagiranye mu minsi itandukanye y'iyi nama bakomeje bashimangira ko bazanye iyi nama mu Rwanda, kuko basanze bafite byinshi byo kwigira ku Rwanda, by'umwihariko ku bijyanye n'uburyo umugore mu Rwanda ahabwa agaciro.

Mu kiganiro na Frank Gisha, Umuyobozi Mukuru w'Ishami rishinzwe Ubukerarugendo muri PSF, ubwo twamubazaga uburyoyakiriye kuba abo muri Nigeria bazana Inama Mpuzamahanga mu Rwanda aho kuyijyana iwabo, yagize ati: 'Kimwe mu byatumye bazana inama yabo mu Rwanda ni uko u Rwanda rutekanye, service zacu bagiye babona ubuhamya bwacu hirya no hino, ku bigendanye n'imiyoborere myiza iteza imbere umugore.'

Abitabiriye Inama Mpuzamahanga y'Abagore banyuzwe cyane n'uburyo uyu Muyobozi (Frank Gisha) yabakiriye bituma bifuza kuzagaruka

Akomeza avuga ko mu kiganiro bagiranye, bamubwiye ko bitangaje kumva ko u Rwanda rufite abagore barenga 50 ku ijana mu nzego zinyuranye, ndetse bakabona ari igitangaza bifuza ko cyagera n'iwabo.

Tumubajije inyungu abona bifitiye u Rwanda, yatubwiye ko ari nyinshi cyane kuko 'Iyo inama zije bakoresha indege yacu, amahoteri yau, ibiribwa,… tuba ducuruje' anongeraho ko ariko ari amahirwe yo kongera kubereka ibindi birenze ibyo bifuzaga bashobora kubona mu Rwanda kuko 'Iyo aje biroroshye cyane gukora icyitwa package, kumwereka ibindi twabacuruzaho' kukobitandukanye na ba mukerarugendo basanzwe baza baje gutembera gusa, kuko abaje mu nama banerekwa n'ibindi bikorwa bishobora gukorwa mbere cyangwa nyuma y'inama.

Inama nk'izi kandi ngo zibyarira umusaruro abantu banyuranye harimo abafite amahoteli, abo ziha akazi bakora 'sound system', ababatembereza, n'abandi.

Frank Gisha avuga ko 'Icyadushimisha ni uko batubera abavugizi, batubera ba ambasaderi. Twavuganaga ko batubera abavugizi, nabasabye ko inama yabo bayirambura maze ubutaha bakazana n'abantu bo hirya no hino kandi nabonye barabyishimiye…'

Iyi nama yitabiriwe n'abanyacyubahiro banyuranye, benshi bavuye mu gihugu cya Nigeria, abandi bavuye muri Tanzania, Uganda, Kenya n'ahandi muri Afurika;

Barimo Hon. Ajoke Moromoke Aminat Obe, umuyobozi wungirije wa Agbado Oke Odo LGA,wavuze ku buryo imbaraga z'ikoranabuhanga no guhanga udushya ziri guhindura ubucuruzi muri Afurika;Hon. Fidelia Salami, umuyobozi muri Delta State Tourism Board, wavuze uburyo ikoranabuhanga no guhanga udushya byagirira akamaro abagore bakora mu bijyanye n'ubukerarugendo;

Hari kandi RTN. Tejumola Taiwo, wavuze ukuntu ikoranabuhanga no guhanga udushya biri guhindura uburyo ubushabitsi bukorwa; Madamu Memory Usaman, umuyobozi muri Horizon Global Summit, wavuze ku buryo ikoranabuhanga no guhanga udushya biri gukora ku buzima bw'abagore mu isi;

Ndetse n'umunyarwandakazi Cynthia Umutoni, umunyeshuri muri Kaminuza 'African Leadership University' mu Rwanda, wavuze ku guha umugore urubuga mu ikoranabuhanga no guhanga udushya mu rwego rwo kumuzamura.

Iyi nama Mpuzamahanga y'Abagore 'International Women's Conference' yabereye mu Rwanda aho yamaze iminsi itatu. Umunsi wa mbere wabereye muri Century Park Nyarutarama, umunsi wa kabiri ubera muri Sheraton Hotel naho umunsi wa gatatu urangwa no gutembera i Nyanza mu Ingoro y'Abami mu Rukari, ndetse banasura Urwibutso rwa Jenoside yakorewe Abatutsi rwa Nyanza. 

Iyi nama yasojwe ku mugoroba wo kuwa Gatanu tariki 28, mu muhango wabereye muri Century Park, inatangirwamo ibihembo 'Awards'.

Amafoto: Serge Ngabo-InyaRwanda.com