Webrwanda Backend

Category: Uncategorized

  • Kayonza: Abapadiri babiri bitiriwe ubusitani hazirikanwa ibikorwa byabo muri Jenoside yakorewe Abatutsi – #rwanda #RwOT

    Tariki ya 12 Mata 1994 nibwo Abatutsi bari bahungiye kuri Paruwasi ya Mukarange bishwe, abari bahahungiye baturutse mu yahoze ari Komini Muhazi, Komini Kayonza, Komini Rukara ndetse n'abari baturutse kuri Komini Murambi. Bishwe bigizwemo uruhare na Senkware wari Burugumesitiri wa Komini Kayonza n'abandi bayobozi batandukanye.

    Mbere yo kwica aba batutsi hari abapadiri barimo Munyaneza Jean Bosco utarahigwaga muri Jenoside yakorewe Abatutsi akaba yari na Padiri mukuru wa Paruwasi ya Mukarange.

    Uyu aherutse kugirwa umurinzi w'igihango ndetse na Padiri Gatare Joseph wari uri mu bahigwaga banze kwitandukanye n'Abatutsi.

    Ubutwari bwa Padiri Munyaneza bugaragarira ku kuntu yanze kwitandukanya n'ibihumbi by'Abatutsi bari bahungiye kuri Paruwasi ya Mukarange akabwira Interahamwe n'abayobozi bari baje kubica ko niba bashaka kubica bamuheraho.

    Ibi niko byagenze kuko babanje kumwica bakabona kwirarara mu bari bahungiye i Mukarange.

    Padiri Gatare Joseph we wari mu bahingwa muri Jenoside, yanze kwitandukanya n'abakirisitu be agumana nabo, baje kumubona ngo bamutemagurira imbere y'abakiiristu ubundi bakomeza bica abandi.

    Uyu mupadiri ubwo Interahamwe zajyaga kwica ari ku wa Kabiri, ku cyumweru yari yasomye misa ndetse anabatiza bamwe mu bana b'Interahamwe ariko bararenga bamuhemba kumwica.

    Padiri Mukuru wa Paruwasi ya Mukarange, Tumusenge Jean d'Amour yabwiye IGIHE ko nka kiliziya Gatolika bafashe umwanzuro wo kubitirira ubusitani bwegereye urwibutso rwa Mukarange kugira ngo bakomeze babahe icyubahiro, banazirikane ubutwari bwabaranze.

    Ati 'Muri Paruwasi mbere na mbere turi mu mwaka wa Yubile y'imyaka 50 Paruwasi ya Mukarange imaze ishinzwe, hari ibyaranze ubuzima bw'abapadiri rero banyuze muri iyi Paruwasi barimo aba bapadiri babiri bahagarariye Abatutsi biciwe Mukarange, banze guta abakirisitu babahungiyeho bemera gupfana nabo.'

    Padiri Tumusenge yavuze ko igice cyegereye urwibutso bakitiriye Padiri Munyaneza Jean Bosco uheruka no kugirwa umurinzi w'igihango, iki gice kikaba kizashyirwamo ihema rinini rizajya rikoreshwa mu kwibuka n'ibindi bikorwa bizajya bihabera.

    Igice cyegereye kiliziya ari na ho hari imva ya Padiri Joseph Gatare nicyo gice yitiriwe cyo kikaba kizashyirwamo amacumbi n'ubusitani, aho bateganya no kongeramo izindi serivisi zirimo n'uko hashobora gushyirwamo na hoteli n'ibindi bikorwa bitandukanye.

    Gutunganya ubu busitani kuri ubu bimaze gutwara asaga miliyoni 45 Frw ariko ngo bakaba bagikora inyigo y'uburyo hashyirwa hoteli cyangwa amacumbi kugira ngo ajye yinjiriza Kiliziya Gatolika.

    Kuri ubu urwibutso rwa Mukarange rushyinguyemo imibiri 8739 y'Abatutsi biciwe kuri iyi kiliziya bagiye baturuka impande zitandukanye.

    Ubu busitani bwatunganyijwe na Kiliziya kugira ngo hajye habera ibikorwa bitandukanye

    Ubu busitani buri imbere y'urwibutso rwa Mukarange rushyinguyemo imibiri irenga 8000

    Padiri Tumusenge uyobora Paruwase ya Mukarange yavuze ko kubitirira ubusitani ari ukugira ngo bazirikane ibikorwa byiza byabaranze

    Source : http://igihe.com/amakuru/u-rwanda/article/kayonza-abapadiri-babiri-bitiriwe-ubusitani-hazirikanwa-ibikorwa-byabo-muri

  • Menya Sankore’ kaminuza yabayeho 1200 nyuma y’ivuka rya Yesu – YEGOB #rwanda #RwOT

    Igihugu cya Mali ni kimwe mu bihugu bikomeye ku Isi byagize amashuri yo kurwego rwo hejuru kera cyane kuko igihugu cya Mali cyagize ishuri rikuru rya kaminuza ryigishaga ibijyanye n'ubumenyi bw'ikire, ubuvuzi n'ibindi byinshi bitandukanye (Geography) mu 1200 nyuma y'ivuka rya Yesu .

    Igihugu cya Mali gifite amateka ahambaye kuko icyo gihe nicyo cyabagamo umuherwe ukomeye cyane mu mateka y'Isi Mansa Musa wari umwami wa 'Mali Empire'.

    Umujyi wa Tambuktu ni umwe mu mijyi ifite izina rihambaye ku Isi kuko ubarizwamo kaminuza zabayeho kera zikomeye ku rwego rw'Isi nkiyitwa 'Sankore' yarizwiho kugira amasomero arimo inyandiko gakondo zandikishijwe intoki mu ndimi za kinyafurika nka Hausa ndetse n'Icyarabu nyuma y'ivuka rya Yesu.
    Kaminuza ya Sankore bikekwako yaba yarubatswe n'umuherwe akaba n'umwani bivugwa ko ari umwe mu bantu babayeho bari batunze akavagari k'amafaranga ku Isi akaza no kuyigamo.

    Mansa Musa bivugwa ko yaje no kwiga muri iyi kaminuza ya Sankore amasomo atandukanye harimo: ubumenyi bw'Isi 'Geography', Ubumenyi bw'ikirere 'Astronomie', Ubuvuzi, Imibare, Siyanse ndetse n'amateka n'ubwo idini rya Isilamu ritemereraga abayoboke baryo kwiga amateka.

    Igihugu cya Mali cyatangiye gusurwa mu myaka ya 1300 kugeza 1800 n'abazungu batandukanye harimo Abanyaziya n'Abanyaburayi maze gitangira gukoronezwuko.

    Abahanga babanyamali bakibona ko abazungu batangiye kubakoloneza bahise bafata umwanzuro wo guhisha imizingo y'inyandiko zabo munsi y'ubutaka kugira ngo batazazitwara akaba ari nyandiko zageraga ku 700,000 zari zanditse mu buryo bugezweho ndetse zikaba zaramaze kuvumburwa.

    Zimwe munyandiko zabashije kuboneka zari zarahishwe musi y'ubutaka.

    Source : https://yegob.rw/menya-sankore-kaminuza-yabayeho-1200-nyuma-yivuka-rya-yesu/

  • Umuyobozi wa FA muri Brezil yagize icyo atangaza kuri Ancelotti niba yajya gutoza ikipe y’igihugu ya Brazil. – YEGOB #rwanda #RwOT

    Umuyobozi w'ishyirahamwe ry'umupira w'amaguru muri Brazil yemeje ko uwo bifuza kuba yatoza ikipe yabo y'igihugu ari Ancelotti .

    Ednaldo Rodrigues uyobora w'ishyirahamwe ry'umupira wa maguru muri Brezil yagize Ati' simvuze ko Ancelotti hari ibiganiro twagiranye gusa turigusuzuma ngo turebe niba tu mucyeneye Kandi niba haricyo yadufasha'

    Yakomeje agira Ati' niwe mahitamo yacu yambere ibi ndabivuze Kandi mvugishije ukuru kuko nta mpamvu yo kubihisha, Ancelotti niwe dushaka'.

    Uyu mutoza ubu uri gutoza Real Madrid yavuzwe kujya gutoza muri iy'ikipe y'igihugu ya Brazil kuva yasezererwa mu gikombe cy'Isi cya 2022 bitungura ariko uyu mutoza akomeza kubihakana avuga ko azakomeza gutoza ikipe ya Real Madrid.

    Source : https://yegob.rw/umuyobozi-wa-fa-muri-brezil-yagize-icyo-atangaza-kuri-ancelotti-niba-yajya-gutoza-ikipe-yigihugu-ya-brazil/

  • Real Madrid amaso yose iyahanze kuri Jude Bellingham – YEGOB #rwanda #RwOT

    Ikipe ya Real Madrid iri kugerageza kugirana ibiganiro na Dortmund ku musore w'umwongereza ukinira iy'ikipe witwa Jude Bellingham kubyerekeye kuba bamugura.

    Amakuru ahari avuga ko iy'ikipe yegereye uyu mukinnyi ikamugeza umushinga imufiteho maze nawe akawishimira akayemerera ko yajya kuyikinira mugihe baba babashije kumvikana na Dortmund, ntagihindutse akaba yagenda muri iyi mpeshyi ajya muri Real Madrid.

    Ikinyamakuru 'Mario Cortegana' dukesha iyinkuru kivuga ko Real Madrid na Dortmund bazaganira kubyerekeye amafranga yamutangwaho maze Dortmund ikaba yamureka akagenda.

    uretse Real Madrid hari nandi macyipe arimo Manchester city, Manchester united na Liverpool FC yamushakaga ariko amakuru ibitangazamakuru byinshi by'iburayi bikomeje gutangaza ngo nuko yishimiye ikipe ya Real Madrid kurusha izindi.

    Source : https://yegob.rw/real-madrid-amaso-yose-yayahanze-kuri-jude-bellingham/

  • Umunyezamu wa Mozambique aragowe: Amavubi yungutse rutahizamu wa Rayon Sports uri gusetsa inshundura muri iyi minsi – YEGOB #rwanda #RwOT

    Kuri uyu wa Kane tariki 4 Gicurasi 2023, inteko rusange ya FERWAFA, yateranye yiga kuri rutahizamu Leandre Willy Essombe Onana usanzwe ukomoka muri Cameroun, hatekerezwa ukuntu yahabwa ubwenegihugu maze agakinira ikipe y'igihugu Amavubi.

    Ibi kandi bigarukwaho, n'umunyamaku wa Radio Tv10, Mucyo Antha 'Mundayisi' watangaje ko ubwo yakurikiraga umukino wa Rayon Sports na Police FC, yari yicaye imbere y'abatoza b'ikipe y'igihugu Amavubi yumva bavuga ko Onana uko bizagenda kose azaza mu ikipe y'igihugu.

    Umutoza w'Amavubi Carlos Alós Ferrer n'umwungiriza we bari bicaye inyuma ya Mucyo Antha, wavuze ko yumvise baravuga ngo uko bizagenda kose Onana arakenewe mu Mavubi.

    Antha yavuze ko nta gihindutse, Onana azaba ari muri 11 bazabanza mu kibuga cy' Amavubi ku mukino azakina na Mozambique tariki 12/7/2023.

    Source : https://yegob.rw/mozambique-iragowe-amavubi-yungutse-rutahizamu-wa-rayon-sports-uri-gusetsa-inshundura-muri-iyi-minsi/

  • Nyuma yo gukorana na Nyakwigendera Jay Polly,… – #rwanda #RwOT

    Clement Ndayi wafashe izina rya Uncle Vutu mu muziki akawukorera muri Leta Zunze Ubumwe za Amerika, yashyize hanze iyi ndirimbo 'Hustle' nyuma yo gukorana indirimbo ebyiri na nyakwigendera Jay Polly.

    'Hustle' ni indirimbo ivuga imibereho ya buri munsi muntu abamo igoranye, yihihringa ashaka ubuzima ndetse akora cyane kugira ngo abashe kubaho. Iyi ndirimbo ishishikariza abantu gukora cyane kuko mu Isi nta kibazo umuntu abona atiyushye akuya.

    Uncle Vutu yakoranye indirimbo ya mbere yise 'Uncle Vutu' n'Umuraperi Jay Polly iba iya mbere yari imwinjije mu muziki ndetse imenyekanisha izina rye mu ruhando rwa muziki nyaRwanda.

    Nyuma y'amezi make aba bombi bakoranye bongeye guhuza imbaraga bashyira hanze indi ndirimbo bise 'Iminsi myinshi' iba iya kabiri yari akoze kandi afatanyije n'umwe mu baraperi bari bafite izina rikomeye mu muziki w'u Rwanda.

    Uncle Vutu avuga ko yishimira kuba umuraperi,ndetse koJay Polly yaramutije imbaraga mbere yuko yitaba Imana kandi ko ari mu bantu bagize uruhare mu kwamamaza izina rye.


    Nyakwigendera Jay Polly na Uncle Vutu bakoranye indirimbo, ndetse Uncle Vutu avuga ko Jay Polly yasize amuhaye imbaraga mu muziki


    Uncle Vutu yashyize hanze amashusho y’indirimbo “Hustle”


    Nyakwigendera yasize urwibutso mu mitima ya benshi kuko benshi yabazamuriye impano

    KANDA HANO UREBE INDIRIMBO Y’UYU MUHANZI UNCLE VUTU YITWA “HUSTLE”

    “>

    Source : https://inyarwanda.com/inkuru/128925/nyuma-yo-gukorana-na-nyakwigendera-jay-polly-uncle-vutu-yashyize-hanze-hustle-yumve-128925.html

  • UNESCO yahisemo iserukiramuco ‘Ikirenga’ mu m… – #rwanda #RwOT

    Kuri uyu wa Kane tariki 4 Gicurasi 2023, ni bwo UNESCO yatangaje imishinga 25 yahisemo irimo umushinga w'umuryango Mpuzamahanga utegamiye kuri Leta 'Ikirenga Art and Culture Promotion' usanzwe utegura iserukiramuco 'Ikirenga Culture Tourism Festival' ryabaye ku nshuro yaryo ya mbere mu Rwanda umwaka ushize wa 2022.

    Uyu mushinga ni wo watoranyijwe mu Rwanda gusa mu mishinga irenga ibihumbi 12 yari yatanzwe. UNESCO ivuga ko yahisemo imishinga 13 y'Ibihugu ndetse n'imishinga 12 y'Imiryango Mpuzamahanga itegamiye kuri Leta igamije guha urubuga ubuhanzi mu ngeri zinyuranye z'ubuzima.

    Iri shami ry'Umuryango w'Abibumbye rikomeza rivuga ko aya mafaranga azahabwa za Guverinoma azabafasha gushyiraho amategeko n'amabwiriza, ubujyanama, abafashe mu kuzamura ubuhanzi, guhanga imirimo no guteza imbere umuco.

    Ibihugu bizahabwa iyi nkunga birimo Argentina, Côte d'Ivoire, Chile, Djibouti, Ghana, Kenya, Malawi, Namibia, Niger, Mongolia, Senegal na Zimbabwe.

    Imishinga y'imiryango Mpuzamahanga itegamiye kuri Leta yahawe inkunga irimo Valerian Gunia Union of Young Theatre Artists (Georgia), Instituto Pensar (Brazil), CICADA (Cambodia), Association for the Defence of Women and Peoples (Angola), Culture-Developpement (Togo), Ikirenga Artistic Freedom Initiative (Rwanda), Meemz Arts Initiative (Yemen), Action for Hope (Sudan, South Sudan) n'indi.

    Umuyobozi w'Umuryango 'Ikirenga Art and Culture Promotion', Hakizimana Pierre yabwiye InyaRwanda ko 'kuba UNESCO yahisemo umushinga wanjye mu Rwanda hose akaba ari njye bahitamo ni ikintu gikomeye mbashije kugeraho'.

    Uyu muyobozi yavuze ko bazaterwa inkunga na UNESCO mu gihe cy'umwaka umwe, ariko no mu y'indi myaka y'ibikorwa 'byawe bakomeza kugushyigikira'.

    Pierre yavuze ko umushinga we wahize indi yose mu Rwanda bitewe n'impamvu nyinshi zirimo no kuba 'nta munyango utegamiye kuri Leta wamenyekanishaga inganda ndangamuro muri rusange, kandi mu buryo bwagutse'.

    Yavuze kandi ko kuba asanzwe afite ubumenyi mu gutegura imishinga biri mu byamufashije mu gutuma umushinga we uhabwa amanota menshi.

    Ubwo yatangaga uyu mushinga, yanagaragaje ko azafatanya n'abantu b'abahanga barimo abafite impamyabumenyi z'ikirenga basanzwe bafite ubumenyi mu gukora ku mishinga nk'iyi, kandi bakerekana ko kuwushyira mu bikorwa byoroshye.

    Ati 'N'uburyo naberetse ko umushinga ushoboka biri mu byatumye mpita mpabwa amanota ya mbere, umushinga wanjye uba uratsinze.'

    Iri serukiramuco ritegurwa na ‘Ikirenga Art & Culture Promotion' rigamije guhuriza hamwe abantu b’ingeri zitandukanye kugira ngo bamenye u Rwanda binyuze mu muco warwo, ururimi, n’ubwiza nyaburanga.

    Iri serukiramuco rifatwa nk'urubuga rugamije guteza imbere imico itandukanye ndetse no kumenyekanisha u Rwanda bishingiye ku muco warwo. Umwaka ushize ryabereye mu Karere ka Musanze, kuva ku wa Gatanu tariki 18 kugeza tariki 26 Kamena 2022.

    Mu bikorwa biranga iri serukiramuco harimo imbyino n'indirimbo gakondo, imbyino zigezweho, kwerekana imideli, gutaka no kwerekana indyo nyarwanda, gushushanya, kureba firimi zigisha umuco n'amateka y'urwanda, ubusizi ndetse n'imikino n'imyidagadura yo mumuco nyarwanda n'ibindi byinshi.

    Ikirenga Art and Culture Promotion ni umuryango udaharanira inyungu ukorera mu Rwanda ufite intego yo guteza imbere ubukerarugendo bushingiye ku muco ndetse no gufasha urubyiruko kwihangira imimo by'umwihariko mu bijyanye n'ubuhanzi n'ubugeni.

     

    Umuyobozi w'Umuryango 'Ikirenga Art and Culture Promotion', Hakizimana Pierre yishimiye kuba umushinga we wahize indi yose mu Rwanda ukaba ugiye  guhabwa inkunga na UNESCO

    Umwaka ushize iri serukiramuco ryatanze ibyishimo ku banya-Musanze ndetse n'abari bitabiriye inama ya CHOGM

    Source : https://inyarwanda.com/inkuru/128922/unesco-yahisemo-iserukiramuco-ikirenga-mu-mishinga-yibihugu-25-izatera-inkunga-128922.html

  • Umutoza mukuru yahagaritswe! Menya byinshi byihishe inyuma y’umukino uteganyije hagati ya Musanze FC na Kiyovu Sports iyoboye urutonde rwa shampiyona – YEGOB #rwanda #RwOT

    Mu gihe habura umunsi umwe gusa ngo ikipe ya Kiyovu Sports icakirane na Musanze FC, umutoza mukuru w'ikipe ya Musanze FC Ahmed Adel yabaye ahagaritwe.

    Nk'uko tubikesha umunyamakuru Mucyo Antha 'Mundayisi', yavuze ko ubuyobozi wa Musanze FC buyobowe na 'Tramp' bwagiranye inama n'umutoza w'iyi kipe Ahmed Adel, maze bamusaba ko yabereka abakinnyi azifashisha kuri uyu mukino, maze banusaba kugira abo akuramo maze arabyanga, bimuviramo guhagarikwa.

    Hari n'andi makuru avuga ko ubu ikipe ya Kiyovu Sports, imaze iminsi 2 iba i Musanze, gusa igitangaje ni uko abakinnyi bayo barya ibiryo biturutse i Kigali.

    Ndetse kandi ubu abakinnyi ba Musanze FC, telephone zabo ziri gucungirwa hafi kugira ngo harebwe ko ntawahawe amafaranga kugira ngo yitsindishe.

    Source : https://yegob.rw/umutoza-mukuru-yahagaritswe-menya-byinshi-byihishe-inyuma-yumukino-uteganyije-hagati-ya-musanze-fc-na-kiyovu-sports-iyoboye-urutonde-rwa-shampiyona/

  • Ibyishimo ntibishira muri Murera! Ikipe ya Rayon Sports yahembye rutahizamu wayo uri guca inshundura z’amazamu – YEGOB #rwanda #RwOT

    Ikipe ya Rayon Sports yahembye rutahizamu wayo uri guca inshundura z'amazamu muri iyi minsi.

    Rutahizamu Willy Esomba Onana yahawe igihembo cy'umukinnyi w'ukwezi kwa gatatu nyuma yo kwitara neza.

    Onana yegukanye iki gihembo acyambuye mugenzi we Joachim Ojera watwaye icyo mu kwezi kwa kabiri.

    Source : https://yegob.rw/ibyishimo-ntibishira-muri-murera-ikipe-ya-rayon-sports-yahembye-rutahizamu-wayo-uri-guca-inshundura-zamazamu/

  • Inkuru y’akababaro ku bakunzi ba ruhago mu Rwanda: Umutoza wungirije wa Etincelles FC yitabye Imana – YEGOB #rwanda #RwOT

    Inkuru y'akababaro ku bakunzi ba ruhago mu Rwanda: Umutoza wungirije wa Etincelles FC yitabye Imana.

    Ku gicamunsi cyo kuri uyu wa Kane tariki 4 Gicurasi 2023, uwari Umutoza wungirije wa Etincelles FC, Umunya-Congo, Addy Bukalaba yitabye Imana azize uburwayi aho yaguye mu bitaro by'i Goma muri Repubulika Iharanira Demokarasi ya Congo.

    Source : https://yegob.rw/inkuru-yakababaro-ku-bakunzi-ba-ruhago-mu-rwanda-umutoza-wungirije-wa-etincelles-fc-yitabye-imana/