Category: Uncategorized

Umubare munini w'amafaranga akenewe, ni agenewe gusana ibikorwaremezo byangijwe n'ibiza aho by'umwihariko uru rwego rukeneye hafi nibura miliyari 110 Frw.

Minisitiri w'Ibikorwaremezo, Dr Nsabimana Ernest, yavuze ko hakenewe miliyari 39 Frw zo gusana ibiraro byangiritse, imihanda yo mu turere yo igomba gutwara miliyari 25 Frw naho imihanda minini ihuza uturere n'imipaka ikazatwara miliyari 41 Frw.

Ibi biza byangije ibiraro 26 n'imihanda icyenda yo ku rwego ruhuza intara n'imipaka. Mu yindi yo mu turere yangiritse, habarurwa icyenda irimo Muhanga- Ngororero- Mukamira, Rubengera- Gisiza.

Gusana ibikorwa by'amashanyarazi bizatwara miliyari 5 Frw na ho ibijyanye n'amazi bitware miliyari 1 Fw.

Ati 'Urebye kugira ngo twongere tugire ibikorwaremezo bimeze neza twifuza kandi bishobora kongera guhangana n'imihindagurikire y'ikirere cyangwa se n'ibiza, biratwara hafi miliyari 110 Frw.'

Gusa ubaze amafaranga yose akenewe mu guhangana n'ingaruka zatewe n'ibiza mu ngeri zose, arenga miliyari 130 Frw.

Magingo aya, mu mihanda minini 14, icyenda yamaze gusanwa ku buryo ari nyabagendwa, ndetse inganda z'amazi umunani zari zangiritse, muri zo esheshatu zimaze gusanwa.

Ati 'Ndetse no mu nganda zitanga amashanyarazi, muri 12 zari zimaze kwangirika ubu eshanu zimaze kongera gukora neza. Ibyo birerekana imbaraga ziri gukoreshwa. Nk'umuhanda wa Pfunda kuva nijoro amakamyo bayarekuye.'

Dr Nsabimana yavuze ko uko imvura igenda igenza make, ariko hazashyirwa imbaraga mu gusana ibikorwa remezo mu buryo bushobora guhangana n'ingaruka z'ibiza.

Minisitiri w’Ibikorwa Remezo, Dr Nsabimana Ernest, yavuze ko leta iri gukora ibishoboka byose ngo isane ibyangijwe n’ibiza

Minisitiri w’Ibikorwa by’Ubutabazi, Kayisire Marie Solange, yavuze ko amafaranga yose akenewe mu gusana ibyangijwe n’ibiza ari miliyari 130 Frw

Minisitiri w’Ubutegetsi bw’Igihugu, Dr Musabyimana Jean Claude, yasabye abaturage baba ahantu hashobora gushyira ubuzima bwabo mu kaga, kwegera ubuyobozi bukabafasha kubona aho bimukira

Umuvugizi wa Polisi y’u Rwanda, CP John Bosco Kabera, yavuze ko Polisi izakomeza kuba hafi mu kubahiriza amabwiriza yemejwe mu gukumira ibiza

Abanyamakuru batandukanye babajije ingamba ziri gufatwa mu gukumira ibiza

Ibikorwa remezo byangiritse byatumye imodoka zitemba

Gusana imihanda yo mu turere bizatwara miliyari 25 Frw naho imihanda minini ihuza uturere n'imipaka izatwara miliyari 41 Frw

Amafoto: Igirubuntu Darcy

Iyi mpanuka yabaye ahagana saa kumi n'ebyiri za mu gitondo cyo kuri uyu wa Gatandatu tariki ya 6 Gicurasi 2023.

Abatangabuhamya babonye iby'iyi mpanuka babwiye IGIHE, ko yatewe n'uko iyi modoka yari ipakiye ibisheke yavaga mu Karere ka Nyamasheke yabuze feri ubwo yageraga ku Ruyenzi.

Umushoferi w'iyi modoka witwa Ngirinshuti François, na we yemereye IGIHE, ko iyi mpanuka yatewe n'uko ikinyabiziga yari atwaye cyabuze feri.

Yagize ati 'Nari mvuye i Nyamasheke ngeze aha imodoka ibura feri noneho mbona ko ninkomeza manuka ngana kuri Nyabarongo nakora impanuka ikomeye nibwo nayikatishije aha ngonga iyi nzu ku bw'amahirwe nsanga nta n'umuntu wari uyirimo.'

Bamwe mu babonye iby'iyi mpanuka bavuze ko umushoferi wari utwaye iyi fuso iyo atagira amakenga ngo ayikatishe agonge iyo nzu isanzwe icururizwamo matela yari guhitana abantu benshi.

Habiyambere Fabien yagize ati 'Ahubwo uyu mushoferi ni umuhanga kuko iyo aba ari umuswa yari gukomeza akagonga abaturage bari imbere ye n'izindi modoka cyangwa se akaza kwisanga yaguye muri Nyabarongo kuko yari ageze ahantu hamanuka cyane.'

Yakomeje avuga ko amahirwe yagize ari uko muri iyo nyubako nta muntu n'umwe wari urimo.

Iyi modoka yari ipakiye ibisheke ubwo yagongaga iyi nzu

Yagonze inzu yinjiramo imbere ku bw’amahirwe ntiyagira uwo isangamo

Inzu yagonzwe yangiritse mu buryo bukomeye

Iyi mibiri yabonetse kuri uyu wa Gatandatu tariki ya 5 Gicurasi 2023 mu busitani bwa kiliziya buherereye mu Mudugudu w'Abisunganye mu Kagari ka Bwiza mu Murenge wa Mukarange.

Umunyamabanga Nshingwabikorwa w'Umurenge wa Mukarange, Kabandana Patrick yabwiye IGIHE ko iyi mibiri yabonywe n'abari bari gukora mu busitani bwa Paruwasi kuko bari kubwubaka neza.

Yakomeje agira ati 'Imibiri yabonetse ni umugabo umwe, umwana we n'uwari umuturanyi wabo, amakuru yatanzwe n'abahakoraga tujyayo n'izindi nzego, abaharokokeye batubwiye ko amakuru yari azwi cyane kuko babashoreye hamwe bajya kubica gusa ntabwo hari haramenyekanye aho babiciye.'

Gitifu Kabandana yakomeje avuga ko kuri ubu bahise bayishyira mu cyumba kiri ku rwibutso rwa Mukarange kugira ngo izatunganywe neza hanyuma ishyingurwe mu cyubahiro. Yasabye abafite amakuru y'ahari imibiri itari yashyingurwa kuyatanga igashakishwa.

Ahandi habonetse umubiri w'uwishwe muri Jenoside yakorewe Abatutsi ni mu Murenge wa Kabarondo mu Kagari ka Cyabajwa mu Kabarondo, aha naho habonetse umubiri wari warubakiweho inzu, nyuma yo gusenya iyo nzu bagacukura uwo mubiri wabonetse abavandimwe be bemeza ko yishwe muri Jenoside.

Akarere ka Kayonza ni kamwe mu tukigaragaramo ahari imibiri myinshi itari yaboneka ngo ishyingurwe mu cyubahiro, muri ibyo bice harimo ahitwa Midiho habarurwa Abatutsi barenga 200 bishwe ariko imibiri yabo ikaba itari yaboneka ngo ishyingurwe mu cyubahiro. Hari kandi abishwe bakajugunywa mu cyuzi cya Ruramira.