Category: Uncategorized

Iri tsinda riri mu Rwanda ryitabiriye Inama ya mbere ya Komisiyo ihuriweho n'ibihugu byombi yashyizweho ngo ikurikirane ishyirwa mu bikorwa ry'amasezerano yasinywe mu nzego zitandukanye.

Ayo masezerano arimo ajyanye n'ibikorwa by'ingendo zo mu kirere hagati y'ibihugu byombi, iterambere n'umutekano w'ishoramari, ubufatanye mu ikoranabuhanga, gukuriraho abadipolomate ikiguzi cya visa n'abafite pasiporo za serivisi hamwe n'ajyanye no gushyiraho komisiyo ihuriweho n'ibihugu byombi.

Muri iyo nama yabaye kuri uyu wa 10 Gicurasi, hasinywe amasezerano yiyongera ku yari asanzwe mu nzego zirimo ubuhinzi, ubukerarugendo n'amahugurwa mu bya dipolomasi.

Ibiro by'Umukuru w'Igihugu byatangaje ko Minisitiri w'Ububanyi n'Amahanga wa Djibouti uyoboye izi ntumwa, Mahmoudi Ali Youssouf, yashyikirije Perezida Kagame indamutso ya mugenzi we wa Djibouti, Ismaïl Omar Guelleh.

Ibiganiro byabo byibanze ku mutekano mu Karere k'Ihembe rya Afurika ndetse barebera hamwe imiterere y'ubufatanye bw'ibihugu byombi mu nzego zifitiye inyungu abaturage babyo by'umwihariko ubucuruzi.

Mu nama ya Komisiyo zihuriweho n'ibihugu byombi, Mahmoudi yavuze ko Djibouti n'u Rwanda ari ibihugu bisangiye icyerekezo cyo kwimakaza umutekano n'ituze mu turere biherereyemo.

Buri gihugu cyahaye ikindi ubutaka bwo gukoreraho ishoramari ndetse mu nama yabaye mu gitondo cyo kuri uyu wa Gatatu byemeranyijwe kwihutisha gahunda zo kububyaza umusaruro.

Perezida Kagame yakiriye Intumwa za mugenzi we wa Djibouti ziyobowe na Minisitiri w’Ububanyi n’Amahanga, Mahmoudi Ali Youssouf

Aba baturage bavuga ko bavomaga kure kandi bakavoma amazi mabi mu gishanga, aho bakoreshaga hagati y'isaha n'igice n'amasaha abiri. Imvura iyo iguye amazi bavoma ahinduka ibiziba.

Umuryango Mpuzamahanga wa Gikirisitu, World Vision, ufatanyije n'Ikigo cy'Igihugu gishinzwe Amazi, Isuku n'Isukura (WASAC), kuri uyu wa Kabiri bashyikirije abaturage bo mu Murenge wa Kageyo, amavomo bubakiwe.

Abaturage bo mu Murenge wa Kageyo bavuga ko baruhutse ingendo bakoraga bajya kuvoma mu mibande amazi mabi.

Twagirayezu Jean Damascène avuga ko baruhutse kumanuka imisozi no kugenda amasaha y'igicuku bajya kuvoma mu tubande kuko bagendaga bikanga umutekano muke bagirira mu mashyamba banyuragamo bajya gushaka amazi.

Ati 'Ikibazo cyo kubona amazi meza turashima ko cyamaze gukemuka nta wuzongera kutuvugaho umwanda. Nta zindi mpungenge zo kugenda amasaha twikanga amajoro tujya gushaka amazi, nta n'indwara zikomoka ku nzoka zizongera kugaragara mu bana bacu.”

Mu 2019 abatuye imirenge y'Akarere ka Gicumbi bari bafite amazi meza ku kigero cya 9% aho bakoraga ingendo zirenze ibilometero bajya gushaka amazi meza, kuri ubu bageze ku kigero cya 95% aho bajya kuvoma ahatarengeje metero 500.

Umuyobozi Mukuru w'Agateganyo wa WASAC, Umuhumuza Gisèle, yasabye abaturage gufata neza ibikorwaremezo baba begerejwe.

Umuyobozi Mukuru wa World Vision, Edgar Sandoval, yashimye ko u Rwanda rwashyize imbere gahunda zo kwegereza abaturage amazi meza, yizeza ko umuryango ayobora uzashyigikira igihugu muri iki cyerekezo.

Ati 'Tuzasohoza amasezerano yo kugeza ku baturage amazi meza bagera kuri miliyoni mu Rwanda, nifuje kuba hano ngo ndebe ibyagezweho ndetse n'ingaruka nziza byagize ku baturage. U Rwanda rwerekana ko iterambere rishoboka iyo abantu bakoreye hamwe kabone n'iyo haba hari imbogamizi.'

Yashimye imikoranire n'ubufatanye bwa World Vision na Leta y'u Rwanda.

Umuyobozi w'Akarere ka Gicumbi, Nzabonimpa Emmanuel, yashimiye abafatanyabikorwa, World Vision Rwanda, bubatse amavuriro y'ibanze mu Mirenge ya Nyankenke, Kageyo na Rutare, amarerero y'icyitegererezo ndetse no kubaka ubushobozi mu nzego z'ubuzima.

Ingo 95.030 zo mu Karere ka Gicumbi zimaze kugezwamo amazi meza na World Vision, mu mushinga watwaye miliyari zisaga 2 Frw aho Akarere ka Gicumbi katanzemo 40% angana na miliyari isaga 1 Frw.

Uyu muryango umaze kugeza amazi meza ku baturage miliyoni mu turere 15 tw'igihugu.

Amazi yashyikirijwe abaturage azatuma batongera gukora ingendo ndende

Ingo zirenga ibihumbi 95 zimaze kugezwaho amazi meza ku bufatanye na World Vision

Umuyobozi Mukuru wa World Vision, Edgar Sandoval, yashimye ko u Rwanda rwashyize imbere gahunda zo kwegereza abaturage amazi meza

Amafoto: Igirubuntu Darcy

Mu 2018 ni bwo hatangiye umushinga wo kuvugurura iyi nyubako ikoreramo RRA, Urwego rw'Ubugenzuzi Bukuru bw'Imari ya Leta [OAG] ndetse na Komisiyo y'Igihugu y'Amatora [NEC].

Inyigo yari yakozwe icyo gihe yagaragaje ko umushinga wose wagombaga gutwara arenga miliyari 3 Frw [3.399.229,250 Frw], ukaba waragombaga kumara imyaka ine [2018-2024].

Mu mwaka w'ingengo y'imari wa 2022/23, hateganyijwe gukoreshwa miliyoni 508,9 Frw gusa, Minecofin igaragaza ko kugeza ku wa 30 Mata 2023, hari hamaze gukoreshwa miliyoni 220,5 Frw.

Mu gitondo cyo ku wa Gatatu, tariki 10 Gicurasi 2023, abayobozi ba Minecofin bitabye Komisiyo y'Ingengo y'Imari n'Umutungo by'Igihugu mu Nteko Ishinga Amategeko, Umutwe w'Abadepite.

Bagiranye ibiganiro byagarutse ku gipimo cy'ikoreshwa ry'ingengo y'imari yo muri uyu mwaka, ibikorwa byari biteganyijwe aho bigeze n'amafaranga ateganyijwe kuzakoreshwa mu 2023/24.

Mu byagarutsweho nk'ibyari biteganyijwe muri uyu mwaka w'ingengo y'imari harimo iyi nyubako kuri ubu itakirimo kubakwa kandi yakabaye izarangira mu 2024.

Umuyobozi Mukuru ushinzwe Ingengo y'Imari muri Minecofin, Rehema Namutebi, yavuze ko kugeza ubu umushinga wahagaritswe ari umaze kugera ku kigero cya 43%.

Ku rundi ruhande ariko, Namutebi yavuze ko mu Ukuboza 2022, Minisiteri y'Ibikorwaremezo yategetse ko ibikorwa bihagarikwa hakongera gukorwa inyigo isobanutse.

Ati 'Amasezerano yo gukomeza kuvugurura iyi nyubako yarahagaritswe kubera ko umwaka ushize, Mininfra yasabye ko hakorwa izindi nyingo zimbitse kugira ngo inzu isanwe neza.'

Inyubako ikoreramo RRA n’ibindi bigo ishobora kuzasenywa ikongera ikubakwa bundi bushya

Abadepite bumiwe

Depite Munyangeyo Théogène yavuze ko ibikorwa byo kuvugurura iyi nyubako bimaze igihe bitangiye ariko bitumvikana impamvu byahagaritswe.

Ati 'Ukabona inzu imaze imyaka itanu irenga, igenda isanwa none tugejeje mu mwaka wa nyuma bati ayo mafaranga mumaze gusohora imyaka yose nimuhagarikire aho ngaho noneho tugiye gutangira inyigo.'

Yakomeje ati 'Ni bo bantu tugomba kugenderaho bakagira inama ibindi bigo na za minisiteri, inyigo ubundi ni yo ibanza. Ubwo bagiye gukora inyigo nyuma y'igihe kingana iki? Cya kintu cyo kurondereza, gukoresha neza bike dufite, nta kigaragara rwose.'

Depite Munyangeyo yavuze ko ibi bigo ari byo byagakwiye guhora bikora neza kugira ngo n'abandi barebereho.

Depite Munyangeyo Théogène ntiyumva ukuntu Minecofin yagira ibibazo mu mikoreshereze y’imari ya Leta kandi ari yo ishinzwe kugira inama ibindi bigo ku buryo ibya rubanda bikoreshwa

Depite Bakundufite Christine yavuze ko mu igenzura ryakozwe n'Umugenzuzi Mukuru w'Imari ya Leta, iki kibazo cyagarutsweho ariko kugeza ubu hakaba hataraboneka umuti.

Ati 'Bakora igenzura n'ubundi twasanze mu bibazo bari bafite, harimo ko aba bantu badafite aho bakorera hagaragara, ni hato ugereranyije n'abakozi bakoreramo.

'Natangaje ko bashyizemo miliyari 1,8 Frw none bakoresheje miliyoni 509 Frw ngo hanyuma barabihagaritse. Mu by'ukuri kumva iyi nteruro ari Minecofin iri kubitubwira ntibyumvikana neza mu matwi, aya mafaranga miliyoni 509 Frw, ntitwabura kuvuga ko […] nko ku bwanjye yagombye kuba atari ngombwa.''

Depite Bakundufite yavuze ko bitumvikana uburyo Minecofin ifite mu nshingano ingengo y'imari ariyo ikora ibikorwa byo kuyisesagura.

Ati 'Cyane ko Minecofin ntabwo ariyo yasohora amafaranga ngo itubwire ngo twageze hagati turabihagarika, ari byo twavugaga ngo uwashyizeho miliyari 1,8 Frw yari agendeye kuki? Iyi nyigo se izarangira ryari kugira ngo ibi bibazo birangire?'

Minecofin yisobanuye

Umunyamabanga wa Leta muri Minisiteri y'Imari n'Igenamigambi Ushinzwe Imari ya Leta, Tusabe Richard, yavuze ko ibyagaragajwe n'inyigo ya mbere byahindutse kubera ko hari ibindi bijyanye no kwangirika gukabije kw'iyi nyubako byabonetse nyuma yayo.

Ati 'Navuga ko inyigo yakozwe ariko icyo gihe ikorwa yagaragazaga ko tugiye gukora gusana byoroheje, twarabitangiye, ingengo y'imari igenda iboneka mu bice. Uwo twahaye akazi, uko yagendaga akora imirimo yo gusana haje kugaragara ko inyubako yari yarangiritse bikabije.''

Kuri ubu ngo Ikigo cy'Igihugu Gishinzwe Imyubakire [gikorera munsi ya Mininfra] cyatangiye gushaka ibigo bifite abahanga mu gukora inyigo z'inyubako kugira ngo harebwe ko yakorerwa inshya.

Ati 'Aho tugeze ni uko RHA […] barimo gukorana kugira ngo badukorere inyigo yimbitse, ariko nabwo irakorwa nande? Mu bushobozi bwo kugenda twiyubaka, turimo gukorana na Mininfra barimo gushaka ibigo bifite ubushobozi buhanitse gukora inyingo zashoboka mu gusana iriya nyubako yose, bitabujije ko dushobora no kuyishyira hasi, bitewe n'ibyo inyigo izagaragaza […] muduhe umwanya dukore ibintu biramba.'

Minisitiri Tusabe yavuze ko mu byo babonye nyuma yo gukora inyigo ya mbere ari uko umutingito wo mu 2017, wayihungabanyije.

Akomeza ati “Ni ikibazo gikomeye ariko icyo numva twaratinze ariko tugiye kubona igisubizo kirambye. Mutwihanganire tubanze dukore iyo nyigo.'

Yavuze ko hamaze kuboneka aho abakozi ba RRA bazaba bimukiye ahubwo igisigaye ari ukumenya aho abandi bazimukira ku buryo mu gihe cya vuba n'inyigo izaba yamaze kuboneka.

Ati 'Bitarenze ukwezi kwa Gatandatu aba bantu bagomba kuzaba bimutse bavuye hariya, iyo nyigo icyo izagaragaza cyose ntabwo abo bantu baguma hariya.'

Ingengo y'imari iteganyijwe kwifashishwa muri uyu mushinga ishobora kuzahinduka ikiyongera cyangwa ikagabanuka bitewe n'ibizagaragazwa n'inyigo nshya.

Umunyamabanga wa Leta muri Minisiteri y'Imari n'Igenamigambi Ushinzwe Imari ya Leta, Tusabe Richard, yavuze ko ibyagaragajwe n'inyigo ya mbere byahindutse kubera ko hari ibijyanye no kwangirika byabonetse nyuma

Babigaragaje ku wa Gatatu, tariki 10 Gicurasi 2023, ubwo Inteko Rusange y'Umutwe w'Abadepite yagezwagaho raporo y'Inama y'Abaperezida yasuzumye umushinga w'ivurura ry'Itegeko Nshinga mbere yo gutora ingingo ziwugize.

Depite Mukabalisa Germaine yagaragaje ko mu ngingo zigize Itegeko Nshinga risabirwa kwemezwa nk'irivuguruye, hashobora kuzazamo urujijo rushingiye ku gusobanura neza Abanyarwanda b'igitsina gore cyangwa ab'igitsina gabo.

Yavuze ko muri iki gihe hirya no hino ku Isi hari impaka zishingiye ku kuba hari abagabo basigaye bagaragaza ko biyumva nk'abagore ndetse n'abagore biyumva nk'igitsina gabo.

Ati 'Yaba umugabo ati niyumva nk'umugore atagendeye uko yavutse cyangwa umugore akiyumva nk'umugabo. Ubu rero mu Itegeko Nshinga 'ingingo' yavugaga ko ari uw'igitsina gabo cyangwa gore ntayo ikirimo.'

Yakomeje agira ati 'Ibyo rero byaba byaratekerejweho ko bizagenda bite cyane cyane ko u Rwanda ruri ku Isi, ibiberaho tuba tubibona, urwo rujijo rwaba rwaratekerejweho ko ruzavanwaho rute?'

Ni ibintu ariko atumva kimwe na Depite Rwaka Pierre Claver wavuze ko mu Itegeko Nshinga hakwiye kugumamo ibijyanye n'igitsina gore cyangwa gabo.

Yagize ati 'Mu by'ukuri njye nari nshyigikiye ko hagumamo igitsina gore cyangwa igitsina gabo […] ni byo nari nshyigikiye.'

Yakomeje agira ati 'Kubera ko ni byo nari ndi kuganira n'abandi bagenzi banjye mbabwira ko 'agakobwa' kanjye ka bucura atari akagore, ni igitsina gore ariko si umugore rwose.'

Visi Perezida w'Inteko Ishinga Amategeko Ushinzwe Amategeko no kugenzura Ibikorwa bya Guverinoma, Depite Mukabagwiza Edda, yavuze ko baba ari abo biyumva ukundi gutandukanye n'uko bavutse, bitababuza kwiyumva mu bagabo cyangwa abagore.

Ati 'Ingingo ya 10 y'amahame remezo, amagambo yakoreshejwe ni abagore n'abagabo. Twashatse rero guhuza kuko no mu Isi, ni abagore n'abagabo nibyo byiciro abantu bibonamo.'

'Tugasanga iyi ngingo rero igera ku byiciro by'abantu bari kuvugwa muri iyi ngingo, kwita cyane ku burenganzira bwa bose. Baba ari abakobwa bibona mu bagore baba ari abahungu nabo bibona muri ba bagabo, ni ko dukwiye kubyumva kuko no mu masezerano mpuzamahanga tugenda dushyiraho umukono niko bigaragara.'

Ivugururwa ry'Itegeko Nshinga ni umushinga watangijwe na Perezida wa Repubulika hagamijwe guhuza amatora y'Abadepite n'ay'Umukuru w'Igihugu.

Depite Rwaka ashyigikiye ko mu Itegeko Nshinga hagumamo inyito ‘igitsina gore cyangwa igitsina gabo’

Depite Mukabalisa Germaine yavuze ko kuri ubu hari abasigaye biyumva nk’igitsina gabo kandi ari abagore

Visi Perezida w’Inteko Ishinga Amategeko Ushinzwe Amategeko no kugenzura Ibikorwa bya Guverinoma, Depite Mukabagwiza Edda

Ni ibiganiro byabaye ku wa Gatatu, tariki 10 Gicurasi 2023, ubwo hagarukwaga ku ishyirwa mu bikorwa ry'ingengo y'imari y'uyu mwaka ndetse n'ibyo Minecofin n'ibigo biyishamikiyeho biteganya gukora mu 2023/24 aho bizakoresha miliyari 62,9 Frw.

Mu ishyirwa mu bikorwa ry'ibiteganyijwe mu ngengo y'imari izarangira ku wa 30 Kamena 2023, Minecofin igeze kuri 80% mu gihe Ikigo gishinzwe Imitangire y'Amasoko ya Leta kiri kuri 54%.

Perezida wa Komisiyo y'Ingengo y'Imari n'Umutungo by'Igihugu, Prof Munyaneza Omar, yasabye ko Minecofin n'ibigo biyishamikiyeho byihutisha ishyirwa mu bikorwa ry'ibiteganywa n'ingengo y'imari.

Ati 'Twabagiriye inama ko bagombye kuba intangarugero […] ibyo bemeye ko bagiye gushyiramo imbaraga kandi banagaragaza ingamba kandi hari n'imishinga izatangira muri iki gihembwe kandi bazagerageza kuyihutisha.'

Minecofin yo yagaragaje ko hari ibikorwa n'imishinga yarangiye ndetse amafaranga akaba ahari ariko abakoze ibyo bikorwa bakaba baratinze kwishyuza.

Perezida wa Komisiyo y'Ingengo y'Imari n'Umutungo by'Igihugu, Depite Prof Omar Munyaneza

Ba rwiyemezamirimo batabarijwe

Urugaga rw'Abikorera mu Rwanda [PSF] rwagaragaje ko hari ba rwiyemezamirimo baberewemo amadeni na Leta kandi bibashyira mu bibazo cyane.

Ni ibibazo birimo kutabasha kwishyura, rimwe na rimwe hakumvikana inkuru z'uko rwiyemezamirimo yambuye abo yakoreshaga, akananirwa kwishyura imyenda ya banki cyangwa akaba yafunga ibikorwa bye kubera guhombywa n'abamuhaye isoko.

Umunyamategeko wa PSF, Muhizi Alain Didier, yagaragaje ko mu mitegurire y'ingengo hakwiye gushyirwamo ikijyanye no kwishyura ba rwiyemezamirimo baba bakoze amasoko atangwa na Leta.

Ati 'Kuva aho mwadutumiriye twabonye muri rusange ko ingengo y'imari izagabanuka kandi hari impamvu zumvikana. Ariko ku ruhande rwacu nabwo twagize impungenge zo kuvuga duti ese ababerewemo imyenda bizagenda bite.'

'Cyangwa se hari gufatwa izihe ngamba kugira ngo ibi byo kubererwamo imyenda bibe byagerageza guhagarara cyangwa kugabanuka kuko bibashyira mu bibazo byinshi cyane.'
Ba rwiyemezamirimo si shyashya?

Minecofin yakiriwe n'Inteko Ishinga Amategeko mu gihe mu minsi yashize hakiriwe Uturere n'Umujyi wa Kigali, aho iki kibazo cyagarutsweho.

Bitandukanye n'ibyagaragajwe na PSF hari uturere turimo Huye, Karongi n'Umujyi wa Kigali twagaragaje ko ba rwiyemezamirimo barangije imirimo ndetse ingengo y'imari ihari ariko ntibishyuze.

Depite Prof Munyaneza ati 'Ubundi inzego tumaze iminsi duhura, bajyaga batugaragariza ko ba rwiyemezamirimo batinda kwishyurwa, ariko ubu noneho twabonye ibitandukanye. Baratugaragariza ko ahubwo ubu barangiza ibikorwa ntibishyuze? Icyo cyaba ari cyo? Mutubwire niba mukizi.'

Yakomeje ati 'Uturere twinshi twatugaragarije ko dufite amafaranga kuri konti zabo yo kwishyura ba rwiyemezamirimo ahubwo batinze kubona ababishyuza, none ahubwo amafaranga arashyirwa kuri konti ntatangwe, cyo mwaba mukizi.'

Muhizi wa PSF yavuze ko nyuma yo kumva icyo kibazo mu minsi yashize bagerageje kuvugisha ba rwiyemezamirimo bababwira ko bitari ukuri.

Ati 'Ku ruhande rwabo batubwira ko baba batanze inyandiko zishyuza [Invoices] ahubwo ugasanga hari nk'ikindi kintu bamusabye gitandukanye n'icyo yasabwe mbere. Hari ikintu bajya batubwira ko usanga ari nko kunanizwa.'

Yakomeje ati 'Batubwiye ko bishyuza kuko iyo batishyuze hari izindi mbogamizi uhura na zo. Hari imbogamizi, ugasanga hari ikindi kintu kijemo nyuma utari warasabwe, ariko bakatubwira bati twe turamutse dutinze kwishyuza twagira ibibazo, nta watinda kwishyuza.'

Umunyamabanga wa Leta muri Minecofin ushinzwe Imari ya Leta, Tusabe Richard, yagaragaje ko icyo kibazo ari ngombwa ko kivugutirwa umuti urambye.

Ati 'Ni ikibazo dukwiye gusuzuma, tugerageza ubundi mu igenamigambi ry'ibigo bya Leta cyangwa uturere kugira ngo umuntu ntatange isoko adafite ingengo y'imari.'

'Hari igihe hashobora kubaho kunyuranya, ufite ingengo y'imari wenda ntiboneke ku gihe ariko tugerageza kugabanya iminsi tumara dufite amafaranga ya rwiyemezamirimo. Uwarangije akazi, akakarangiza neza ku biryo iyo igihe cyo kumwishyura kigeze yishyurwa.'

Tusabe yavuze ko ari ikintu bagiye kwitaho ku buryo nta rwiyemezamirimo uzajya ahomba kubera gutinda kwishyurwa na Leta.

Ati 'Byaba ari ibintu bibabaje niba hari aho ashobora kugera aho afunga ibikorwa bye cyangwa banki zikamutereza cyamunara kandi tumufitiye amafaranga. Twumva rero ari ibintu twafatanya na PSF tugakomeza kubinoza.'

'Turaza kubishyiraho iherezo ariko na bo baduhe […] ibyo biyemeje babikore ku gihe, baduhe akazi kanoze natwe ibyo tubagomba tubibahere ku gihe.'

Umunyamabanga wa Leta muri Minecofin ushinzwe Imari ya Leta, Tusabe Richard, yijeje ko Leta igiye gushakira umuti urambye ikibazo cya ba rwiyemezamirimo batinda kwishyurwa

Abaturage ni bo baharenganira

Abasesengura ibijyanye n'ubukungu bagaragaza ko ubukererwe mu kwishyura bigira ingaruka ku baturage baba abakoreye rwiyemezamirimo n'abo icyo gikorwa cyagombaga kugirira akamaro muri rusange.

Depite Prof Munyaneza avuga ko izindi ngaruka zikomeye bigira ni izo kuba nk'iyo ari akarere katatanze ayo mafaranga ngo bayishyure uwo rwiyemezamirimo, batabasha kujya gusaba andi yo gukora ibindi bikorwa muri Minecofin.

Ati 'Icyo gihe iyo bagiye gusaba Minecofin amafaranga yo gukora ibindi bikorwa irayabima ikababwira ko bafite andi mafaranga kuri konti zabo.'

Yakomeje agira ati 'Birumvikana iyo iyabimye na bya bikorwa bindi bikurikiyeho noneho byo byanakozwe neza bigomba kwishyurwa, ntibibona amafaranga abyishyura kandi noneho byaratewe na cya kindi kimwe cyatumye batishyura.'

Yagaragaje ko muri rusange abagirwaho ingaruka no kuba rwiyemezamirimo atarishyuwe ari benshi ku buryo usanga birenga wa wundi wamukoreye bikagera no ku gihugu muri rusange.

Ati 'Bizagira ingaruka no ku bindi bikorwa bisanzwe byagombaga gukorerwa abaturage kuko noneho cya kindi ntibacyishyuye babura n'amafaranga yo kwishyura ibindi.'

'Ubwo bivuze ngo turimo gushaka guhana urwego ariko mu by'ukuri ibyo bakoraga ari iby'abaturage. Icyo ni cyo kinakomeye twanabonyemo ku buryo bafite ibindi bikorwa bashaka kwishyura ntibibonerwe ingengo y'imari kuko hari andi mafaranga bafite kuri konti zabo.'

Ikibazo cya ba rwiyemezamirimo bambura abaturage cyakunze kugarukwaho n'inzego nkuru z'igihugu ndetse n'Urwego rw'Umuvunyi muri rusange aho igihurizwaho ari uko hajya hubahirizwa itegeko ry'imitangire y'amasoko ya Leta.

Rigena ko uwatsindiye isoko mbere yo kwishyurwa amafaranga ajyanye n'imirimo yakoze, agomba kugaragariza urwego rwatanze isoko ko nta mwenda abereyemo abakozi yakoresheje.

Mu gihe urwego rwa Leta cyangwa ikigo cyigenga kitabikoze, kikishyura rwiyemezamirimo utahembye abakozi, urwo rwego ruzajya rwirengera kwishyura imishahara y'abo bakozi.

Itegeko rigenga amasoko ya Leta rinateganya ibihano kuri rwiyemezamirimo utishyuye abaturage kuko ashobora guhezwa kuyapiganira amasoko mu gihe cy'imyaka irindwi.

Ni kenshi abaturage bubaka ibikorwaremezo ariko bakazajya kwishyurwa nta nkuru yo kubarwa

Aba bagabo bafunzwe muri dosiye yarimo abantu benshi y'isoko ry'inzu yaguzwe igahendesha Leta, aho yaguzwe 9.850.000.000 Frw nyamara Umugenagaciro yari yagaragaje ko ikwiriye kugurwa atarenze 7.600.000.000 Frw.

Ni inzu Leta yagurishijwe n'umunyemari Rusizana Aloys, isigaye ikoreramo minisiteri zitandukanye iherereye ku Kacyiru imbere y'ahahoze ari Umubano Hotel.

Mu 2021 Urukiko rwahamije Caleb Rwamuganza wahoze ari Umunyamabanga Uhoraho muri Minisiteri y'Imari n'Igenamigambi; Serubibi Eric wayoboraga Rwanda Housing Authority (RHA) na Kabera Godefroy ibyaha byo gukoresha nabi umutungo wa Leta ufitiye rubanda akamaro, gutanga isoko rya Leta binyuranyije n'amategeko no kugira akagambane n'upiganira isoko rya Leta, bakatirwa gufungwa imyaka itandatu.

Rwakunda Christian, Rusizana Aloys na Munyabugingo Bonaventure bareganwaga bo bagizwe abere, bituma Ubushinjacyaha bujurira.

Rwakunda na Rusizana na bo baje guhamwa n'ibyaha mu Urukiko Rukuru, bitabaza Urukiko rw'Ubujurire, ariko bakomeza kuburana bari hanze.

Ku wa 5 Gicurasi 2023 urukiko rwemeje ko ubujurire bwa Rwakunda, Serubibi na Rusizana Aloys butari mu bubasha bwarwo, bivuze ko imyanzuro y'Urukiko Rukuru yagombaga gukurikizwa uko yakabaye.

Amakuru agera kuri IGIHE ni uko ku wa 5 Gicurasi 2023, Gereza ya Mageragere yakiriye Rwakunda Christian n'Umunyemari Rusizana Aloys kugira ngo barangize igifungo cy'imyaka itandatu bakatiwe.

Ku wa 31 Werurwe 2021, Urukiko Rukuru rwa Gasabo rwahamije Rwakunda ibyaha byo kuba icyitso ku cyaha cyo gukoresha nabi umutungo ufitiye rubanda akamaro, kuba icyitso ku cyaha cyo gutanga isoko rya Leta mu buryo bunyuranyije n'amategeko utubahiriza ihame ryo kuzigamira Leta n'iryo gukorera mu mucyo mu itangwa ry'amasoko ya Leta bigateza Leta igihombo hamwe n'icyaha cyo kugira akagambane n'upiganirwa isoko rya Leta.

Mugenzi we Rwamuganza Caleb we yahamwe n'ibyaha byo kuba icyitso ku cyaha cyo gukoresha nabi umutungo ufitiye rubanda akamaro, kuba icyitso mu cyaha cyo gutanga isoko rya Leta mu buryo bunyuranyije n'amategeko, kutubahiriza ihame ryo kuzigamira Leta n'iryo gukorera mu mucyo mu itangwa ry'amasoko ya Leta bigateza Leta igihombo, hamwe n'icyaha cyo kugira akagambane n'upiganirwa isoko rya Leta.

Ni mu gihe Serubibi Eric we yahamwe n'ibyaha byo kukoresha nabi umutungo ufitiye rubanda akamaro, gutanga isoko rya Leta mu buryo bunyuranyije n'amategeko utubahiriza ihame ryo kuzigamira Leta n'iryo gukorera mu mucyo mu itangwa ry'amasoko ya Leta bikayiteza igihombo, hamwe n'icyaha cyo kugira akagambane n'upiganirwa isoko rya Leta.

Umunyemari Rusizana Aloys icyo gihe byemejwe ko ahamwa n'ibyaha byo kuba icyitso ku cyaha cyo gukoresha nabi umutungo ufitiye rubanda akamaro ndetse n'icyaha cyo kuba icyitso ku cyaha cyo kugira akagambane n'upiganirwa isoko rya Leta.

Rwakunda, Rwamuganza na Serubibi Eric bahanishijwe igifungo cy'imyaka itandatu n'ihazabu ya miliyoni 3 Frw kuri buri wese.

Basabwe kandi gusubiza 1.804.727.200 Frw agashyirwa mu isanduku ya Leta. Aya mafaranga bagombaga kuyagabana mu buryo bungana.

Rwakunda Christian wahoze ari Umunyamabanga Uhoraho muri Minisiteri y'Ibikorwaremezo aafungiwe muri Gereza ya Nyarugenge i Mageragere

Buri wese winjiye muri gahunda yo guhinga cyangwa gucuruza indabo, aba afite umwihariko we mu rwego rwo kwigarurira isoko no gukundisha abakiliya be ibyo akora.

Imibare itangazwa n'Ikigo cy'Igihugu gishinzwe guteza imbere Iyoherezwa mu mahanga ry'Ibikomoka ku Buhinzi n'Ubworozi, NAEB, yerekana ko ibijyanye n'indabo, imbuto n'imboga bikomeje gutanga umusaruro kuko nko mu 2022 byinjije miliyari 28.79 Frw avuye kuri miliyari 28.7 Frw yabonetse mu 2020/2021.

Iyi mibare kandi igaragaza ko ubucuruzi bw'indabo bwazamutse cyane ku kigero cya 58.78% mu 2022.

Abashoramari batandukanye bakomeje kugaragaza umwihariko mu guteza imbere ubu bucuruzi. Aha ni ho Uwacu Sandrine yahereye yinjira mu gutunganya indabo z'umwimerere zishobora kumara hafi umwaka zitangiritse.

Mu 2019 ni bwo Uwacu yagize igitekerezo cyo kuba yatangira gukora ishoramari mu gutunganya indabo, cyane ko byari ibintu akunda cyane nubwo nta bumenyi yari afite kuri uwo murimo ariko akomeza guhatana ndetse aza gushinga ikigo yise S.U Bouquet.

Nk'umuntu utari ufite amikoro yatangiye akorera imirimo yo kwamamaza no kumenyekanisha ibyo akora kuri internet yifashishije urubuga rwa Instagram kugeza mu 2020 agize icyicaro cyo gukoreramo ibikorwa bye ku Kicukiro ahazwi nka Sonatubes.

Uwacu Sandrine atunganya indabo z'umwimerere zishobora kumara hafi umwaka zitangiritse