Category: Uncategorized

Muri uyu muhango wahuje abakora muri Minisiteri y'Ubuzima no mu nzego z'Ubuzima, bunamiye banaha icyubahiro inzirakarengane zirimo n'abahoze bakorera ibigo by'ubuzima, bazize Jenoside yakorewe Abatutsi. Ni igikorwa cyabereye ku rwibutso rwa Jenoside rwa Kigali ku Gisozi.

Uyu muhango witabiriwe n’abayobozi batandukanye barimo Minisitiri w'Ubuzima, Dr Nsanzimana Sabin na Minisitiri wa MINUBUMWE, Dr Bizimana Jean Damascène, wanagaragaje urutonde rw'abaganga 157 bagize uruhare muri Jenoside yakorewe Abatutsi muri Mata 1994.

Minisitiri wa MINUBUMWE, Dr Bizimana Jean Damascène yavuze ko umubare munini w'abaganga bagize uruhare muri Jenoside yakorewe Abatutsi, ari abakoreraga mu cyahoze ari Perefegitura ya Butare.

Dr Bizimana avuga ko Dr Sindikubwabo Theodore wagizwe Perezida wa Guverinoma yiyise iy'Abatabazi, nk'uwabaye Umuganga, yagombaga kuba intangarugero agashishikariza abaganga kwita ku barwayi, ariko ngo ni we wafashe iya mbere kubwira abakoraga mu rwego rw'Ubuzima ko bagomba kwica bagenzi babo bakoranaga.

Mu kiganiro cye, Dr Bizimana yavuze ko Sindikubwabo na mbere y'uko ahabwa ubutegetsi, yari asanzwe akora akazi ko kuvura abarwayi, kandi akaba yaragakoze imyaka myinshi.

Minisitiri wa MINUBUMWE, yavuze urutonde rw'abaganga 157 bagize uruhare muri Jenoside yakorewe Abatutsi 

Ati: 'Abenshi bari kuri uru rutonde rw'abicanyi bahamwe n'icyaha, kandi amateka atugaragariza ko muri bo hari abari bararangije icyiciro cya 3 cya Kaminuza mu buvuzi.'

Yavuze ko muri abo harimo bamwe bakoraga ibarura rigamije kumenya ubwoko bwa buri murwayi, bagendeye ku ndangamuntu. Ati: 'Hari bamwe bakuragamo Serum abarwayi kugira ngo banogoke.'

Mu bandi baganga bagize uruhare muri Jenoside yakorewe Abatutsi bakanayishishikariza abaturage, harimo uwari Perefe wa Perefegitura ya Kibuye, Dr Kayishema Clément n'uwari Perefe wa Gisenyi witwaga Dr Zirimwabagabo Charles, bakatiwe n'Urukiko mpuzamahanga mpanabyaha rw'i Arusha.

Minisitiri Bizimana avuga ko Dr Sindikubwabo yagiye i Cyahinda mu yahoze ari Perefegitura ya Butare taliki ya 18 Mata 1994 ajyanywe no gushimira abaturage ko bishe Abatutsi.

Icyo gihe ngo Sindikubwabo yaravuze ati: 'Baturage naje kubashimira ko mwakoze akazi, kandi ndabashishikariza gukomeza ndabahemba.'

Ku rutonde rw'abaganga bagize uruhare muri Jenoside kandi harimo Dr Rwamucyo Eugène, Dr Rutegesha, Dr Nshimyumuremyi wahungiye muri Gabon, ndetse n'umuvandimwe wa Perezida Habyarimana Juvénal witwa Dr Bararengana Séraphin.

Yavuze ko hari na bamwe muri abo baganga bafatanyaga n'abagore babo kwica Abatutsi bakoranaga. Ati: 'Hari kandi Umuforomokazi witwa Nyiramisago Thèrese, mushiki wa Dr Sindikubwabo Théodore na we wagize uruhare rukomeye muri Jenoside.'

Yavuze ko ibi byerekana ubukana n'urwango bigishijwe kuva mu mashuri yisumbuye kugeza muri Kaminuza.

Mukamazimpaka Alexia, watanze ubuhamya avuga ko igihe Jenoside yahagarikwaga yabanje kuzinukwa ubuzima, ariko uko iminsi yagiye ihita indi igataha ari bwo yagendaga akira ibikomere buhoro buhoro, ubu akavuga ko aho ageze n'uko abona u Rwanda atifuza kuva muri ubu buzima nubwo agenda asatira izabukuru.

Mukamazimpaka Alexia umukozi w'ikigo cyo gutanga amaraso, yatanze ubuhamya

Ati: 'U Rwanda rurarese sinifuza kuruvamo nubwo nsatira imyaka 60 ndacyifuza gukomeza kubaho.'

Uyu mubyeyi yashimiye Inkotanyi zamurokoye zirangajwe imbere na Perezida Paul Kagame.

Minisitiri w'Ubuzima Dr Nsanzimana Sabin avuga ko 80% by'abakozi bakoraga muri iyi Minisiteri bagizweho ingaruka na Jenoside yakorewe Abatutsi. Ati: 'Abakoraga mu rwego rw'ubuzima bagize uruhare muri Jenoside, abo bishe, abayibonye 80% bose yabagizeho ingaruka.'

Minisitiri w'Ubuzima, yibukije abaganga kwirinda icyasubiza inyuma U Rwanda

Yasabye abaganga by'umwihariko n'abakora muri iyi Minisiteri y'Ubuzima ko bakwiriye gutanga ubuzima baha serivisi nziza ababagana, bakirinda icyasubiza  u Rwanda inyuma.

Yavuze ko nta Munyarwanda wakuye inyungu muri Jenoside yakorewe Abatutsi. Dr Nsanzimana avuga ko izo ngaruka zatumye uyu munsi Umuganga umwe yakira abarwayi 1000, kandi uwo mubare wagombaga kwakirwa n'abaganga 4 nibura.

Hibutswe abakoraga muri Minisiteri y'Ubuzima no mu bigo by'inzego z'ubuzima bazize Jenoside

Batemberejwe inzu ndangamateka y'Urwibutso rwa Jenoside rwa Gisozi

Abitabiriye iki gikorwa bacanye urumuri rw'icyizere

Minisitiri w'Ubuzima, Dr Nsanzimana Sabin yasinye mu gitabo cy'abasuye Urwibutso rwa Jenoside rwa Gisozi

Umuhanzikazi Mariya Yohana yaririmbye muri iki gikorwa

Mu mukino waraye uhuje ikipe ya Mukura Victory Sports yatsinzwemo na Rayon Sports ibitego 3-2, nyuma y’uyu mukino hatangiye gusakara amakuru y’uko uyu mutoza yaba yahise atandukana n’iyi kipe ndetse akisubirara iwabo. Ibi byaje nyuma yaho uyu mutoza atitabiriye ikiganiro n’itangazamakuru ndetse abanyamakuru bagiye kumushaka basanga yatashye. 

Mu buryo bwo kumenya amakuru y’ukuri kuri iki kibazo, InyaRwanda yaganiriye n’umutoza Afahmia Lotfi ku murongo wa telephone, ahakana aya makuru yose yavugwaga. 

Umutoza Afahmia yagize ati: “Ibyo ntabwo ari ukuri, njye ndi gutegura umukino wa Musanze FC na Gorilla FC muri shampiyona, kandi ku wa Gatandatu nzaba ndi i Kigali, ku mukino wo kwishyura. Mfite amasezerano y’imyaka ibiri na Mukura kandi kandi ngomba kubaha amasezerano.” 

Hari amakuru yandi avugwa ko uyu mutoza n’ubwo afite amasezerano y’imyaka ibiri, ariko hari amakipe arimo kumushaka yo mu mujyi wa Kigali, harimo na Rayon Sports yaraye imutsinze.

Umutoza Afahmia Lotfi yasoje umukino afite uburakari bwinshi ndetse akeka ko umukino ushobora kuba wagurishijwe 

Mu mwaka wa mbere w’uyu mutoza asigaje imikino ibiri ya shampiyona ndetse n’imikino y’igikombe cy’Amahoro itarenze ibiri 

Afahmia Lotfi yatangaje ko agomba kubaha amasezerano afitanye na Mukura ariyo mpamvu agomba gukora akazi nk’uko amasezerano abivuga

Kuri uyu wa Gatatu tariki 11 Gicurasi, ni bwo ikipe ya Mukura yari yakiriye Rayon Sports mu mukino wa 1/2 cy’igikombe cy’Amahoro aho umukino warangiye ari ibitego 3-2. 

Ntabwo byari bisanzwe ko Mukura itsindwa ibitego birenze 3 mu mukino umwe, by’umwihariko mu gice cya kabiri.

Uyu mukino, igice cya mbere cyarangiye Mukura ifite ibitego 2 -0, ariko ibintu byahindutse Mukura ikubitwa ibitego 3, maze agahinda gataha imitima y’abakunzi ba Mukura.

Ese habaye iki ngo Mukura ikubite hasi umukino yari yikoreye?

Mukura yagiye gukina uyu mukino imaze kunganya na Rayon Sports ikino ibiri yose ya shampiyona yabaye muri uyu mwaka. 

Cyari ikizamini gikomeye cyo gufata abakinnyi ba Rayon Sports yari imaze igihe gito ivuye ku gikombe cya shampiyona kubera gutsinda na Gorilla FC ibitego 3-1. Mukura yari yahawe urugero rwiza na Gorilla FC rwo gutsinda Rayon Sports ariko ntabwo babyubahirije.

Mukura yananiwe gufata abakinnyi b’abanyamahanga, aribo baje kuyica

Mukura yatangiye ikina neza, aho umutoza Afahmia Lotfi yafashe umwanzuro wo gukinisha Hakizimana Zubel kuri gatatu nk’umukinnyi wagombaga gufata Ojera Joackiam. Yari inshuro ya Kabiri Zubel akinishizwe kuri gatatu, kuko n’i Musanze yaje gukina kuri uyu mwanya nk’ubutabazi.

Hakizimana Zubel yakinnye neza igice cya mbere, afata Ojera nk’uko yari yabisabwe, ariko umukino wagiye kurangira akazi kamunaniye. Mu gice cya kabiri, Hakizimana gufata Ojera byanze, ndetse igitego cya kabiri ikipe ya Rayon Sports yatsinze, cyaturutse kuri we.

Mukura yazize ubukure

Rayon Sports yari isanzwe ikina igice cya mbere, yaje kubika imbaraga zose izikoresha mu gice cya kabiri, ibintu bitari bikunze kubaho.

Abakinnyi ba Mukura baje kuyobora umukino, ariko kumenya ibyo gukora nyuma yaho biranga. Icyo gihe nibwo abakinnyi nka Luvumbu Heritier Nzinga, Onana na Ojera, batangiye gukina nk’abakinnyi bakuru, ndetse bituma abakinnyi bakiri bato nka Ntarindwa Aimable, Zubel, Iradukunda Elie bakiri bato, bagorwa n’aba bakinnyi, birangira ikipe itakaje umukino.

Mukura yakoresheje imbaraga nyinshi mu gice cya mbere, yibagirwa izibasubiza inyuma

Abakinnyi nka Mico Justin, Mukoghotya Robert Hakizimana Zubel bitanze cyane mu gice cya mbere, ndetse bakoresha imbaraga nyinshi, ariko mu gice cya kabiri biza kwanga, ari bwo Rayon Sports yatangiye kubahindukirana, kuko n’abasimbura Mukura yahoresheje ntacyo bayifashije.

kanda hano urebe ibihe byaranze umukino

kanda hano wumve icyo umutoza Haringingo yatangaje n’ibanga yakoresheje 

Amakipe ane niyo akiri mu mikino ya Europa League. Ayo makipe araza gucakirana ku isaha ya saa tatu za hano mu Rwanda. Uko imikino iteganyijwe, ni Juventus iza kwakira ikipe ya FC Sevilla, naho ikipe ya Roma yakire Bayer Leverkusen.

Umukino uza guhuza ikipe ya Juventus na Sevilla urabera mu gihugu cy'u Butaliyani kwa Juventus, kuri Allianz Arena Staduim, ukaba uri buze gusifurwa n'umudage witwa Daniel Siebert.

Abakinnyi bashobora kubanza mu kibuga ku ruhande rwa Juventus ni Wojciech Szczesny, Alex Sandro, Bremer, danilo, Juan Cuadrado, Nicolo Fagioli, Manuel Locatelli, Adrien Rabiot, Fiip kostic, Dusan Vlahovic ndetse na Angel Di Maria.

Angel Di Maria ni umwe mu bakinnyi bitezweho kugora FC Sevilla 

Ku ruhande rwa Sevilla abakinnyi bashobora kubanza mu kibuga ni Marco Dmitrovic, Alex Telles, Karim Rekik, Loic Bade, Jesus Navas, Fernando, Ivan Raktic, Erik Lamera, Lukas Ocampos, Bryan Gil ndetse na Youssef En-Nesyri.

Undi mukino ni uwo ikipe ya Roma iraza kwakira ikipe ya Bayer Liverkusen. Uyu mukino nawo urabera i Roma mu Butalitani. Stadio olimpico du Rome ni cyo kibuga uyu mukino uraza kuberaho. Uyu mukino kandi uraza gusifurwa n'umwongereza Michael Olivier.

Abakinnyi cumi n'umwe bashobora kubanzamo ku ruhande rwa Roma ni Rui Patricio, Gianluca Mancini, Chris Smalling, Roger Ibanez, Nicola Zalewski, bryan Cristante, Nemanja Matic, Leonaldo Spinazzola, Paulo Dybala ndetse na Lorenzo Pellegrin

Ku ruhande rwa Bayer Leverkusen abakinnyi bashobora kubanza mu kibuga ni Lucas Hradecky, Piero Hincapie, Jonathan Tah, Edmond Tapsoba, Jeremie Frimpong, Exequiel Palacios, Robert Andrich, Mitchel Bakker, Florian Wirtz, Moussa Diaby ndetse na Adam Hlozek.

Abasore ba Juventus barashaka kugera ku mukino wa nyuma 

Alexis Telles ni umwe mu bakinnyi baraba bari gufasha FC Sevilla mu bwugarizi 

AS Roma imbere y’abakunzi bayo iraba yesurana na Bayer Leverkusen 

Hashize iminsi Konti ya Instagram ya Nyampinga w’u Rwanda 2020, Nishimwe Naomie itagaragara aho bikekwa ko yaba ari we wayikuheho.

Uyu mukobwa usanzwe ukoresha amazina ya @ishimwenaomie5_, mu ntangiriro z’iki cyumweru nibwo amakuru yatangiye gusakara ko urukuta rwe rwa Instagram rutakiriho.

Hari ababihuza no kuba imbuga nkoranyambaga z’ibyamamare zikunzwe kwibwa aho abazitwara baba bashaka amafaranga kuri ba nyirazo bakazibasubiza bamaze kuyatanga, hari n’abazifata bakazikoresha biyitirira abo bazambuye mu nyungu zabo bwite.

Aha niho akenshi ubona batanga amatangazo hirya no hino basaba kwirinda abantu barimo gukoresha izo konti kuko zashimuswe, bityo ko ari nabwo buryo urwa Naomie rwabuzemo.

Ku ruhande rwa Miss Nishimwe Naomie, ntaragira icyo abitangazaho mu gihe rumaze iminsi rwaravuyeho ndetse n’iyo ubimubajije ntiyifuza kubivugaho byinshi.

Gusa amakuru aturuka mu nshuti ze ahamya ko ikibazo konti ya Instagram yagize akizi neza, ari n’aho bihera bivugwa ko yaba ari we wayikuyeho kubushake.

Bibaye mu gihe hari amakuru hanze y’uko ari mu myiteguro y’ubukwe n’umukunzi we Michael Tesfay nubwo aheruka kubwira ISIMBI ko ayo makuru ari ibihuha.