Category: Uncategorized

Mu gitondo cyo ku wa 12 Gicurasi 2023 ni bwo mu Kagari ka Karenge, Umurenge wa Rwimbogo mu Karere ka Rusizi hatoraguwe umurambo w'umupolisi wasanzwe yishwe ariko abamwishe ntibahita bamenyekana.

Uwo mupolisi witwa Sibomana Simeon yatoraguwe ku muhanda uva mu Mujyi wa Rusizi ujya mu Murenge wa Bugarama, aho Umuvugizi wa Polisi mu Ntara y'Iburengerazuba, CIP Mucyo Rukundo, yavuze ko uyu mupolisi yishwe yavuye mu kazi.

Icyo gihe CIP Mucyo yagize ati 'Umurambo wa PC Sibomana Simeon wabonetse mu gitondo kare mu Murenge wa Rwimbogo. Ntabwo yari ari mu kazi. Iperereza ryatangiye ku cyaba cyateye urupfu rwe.'

Nyuma y'iminsi itanu, Sibomana yishwe, RIB na Polisi y'Igihugu bataye muri yombi abantu batatu bakekwaho uruhare mu rupfu rwe.

Umuvugizi wa RIB, Dr Murangira B. Thierry, yemereye IGIHE ko abantu batatu bari mu maboko y'Urwego rw'Igihugu rw'Ubugenzacyaha aho bakurikiranyweho uruhare mu rupfu rwa nyakwigendera.

Yavuze ko uyu 'mupolisi wakoreraga kuri Sitasiyo ya Polisi ya Rusizi yishwe kubera urugomo rushingiye ku businzi.'

Yakomeje ati 'RIB iributsa buri wese ko kuvutsa umuntu ubuzima ari icyaha cy'ubugome kandi gihanwa n'amategeko ahana ibyaha mu Rwanda ko uzabikora wese azashyikirizwa ubutabera.'

Kuri ubu abafashwe bafungiye kuri Sitasiyo ya RIB ya Remera, mu gihe dosiye yabo irimo gukorwa ngo ishyikirizwe Ubushinjacyaha.

Ingingo ya 107 y'Itegeko nimero 68/2018 ryo ku wa 30/08/2018 riteganya ibyaha n'ibihano muri rusange rigena ko Umuntu wica undi abishaka, aba akoze icyaha. Iyo abihamijwe n'urukiko, ahanishwa igihano cy'igifungo cya burundu.

Ni ibyatangajwe mu biganiro MINEDUC yagiranye n'Abasenateri bagize Komisiyo y'Imibereho y'Abaturage n'Uburenganzira bwa Muntu, kuri gahunda yo kwimakaza uburezi budaheza by'umwihariko hitabwa ku kwita ku bantu bafite ubumuga.

Impande zombi zarebeye hamwe ibikorwa mu burezi bw'abafite ubumuga n'ingamba zihari zo gukemura imbogamizi zikigaragara, zirimo izagaragariye Komisiyo ubwo yasuraga uturere.

Umunyamabanga Nshingwabikorwa w'Inama y'Igihugu y'Abafite Ubumuga, Ndayisaba Emmanuel, yagaragaje imbogamizi z'uko nta mibare ihamye y'abafite ubumuga ihari n'ibyiciro by'ubumuga bafite, hanagaragara icyuho mu iyubahirizwa ry'uburenganzira bwabo mu bigendanye n'imyubakire, uburezi, ubwikorezi n'itumanaho.

Ati 'Si uko bamwe batabazi, ahubwo ni uko areba akavuga ati nimbazwa impamvu mfite umwaka ufite ubumuga utiga ni ukubera iki […] uko ingamba zifatwa niko ikibazo kigenda gikemuka.'

Ibibazo byagaragajwe n'Abasenateri birimo kuba abafite ubumuga batazwi n'inzego z'ibanze ku buryo no kubitaho biba ari ingorabahizi.

Senateri Niyomugabo Cyprien ati ''Abayobozi n'abahagarariye inzego z'abafite ubumuga bati reka reka nta baha bahari, twifatira abana duti nta mwana mwaba muzi ufite ubumuga utiga? Bakatubwira, bakatujyana aho abo bana bafite ubumuga bari tukagenda tukababona.'

Perezida wa Komisiyo y'Imibereho y'Abaturage n'Uburenganzira bwa Muntu, Umuhire Adrie, yagaragaje ko ikibazo gikomeye cyane kiri mu bijyanye n'ubuvuzi n'uburezi bw'abana bafite ubumuga.

Ati ''Icya mbere ni ibyerekeye imfashanyigisho, porogaramu n'ibizamini mu mashuri y'abana bafite ubumuga, twasanze ari ikibazo. Hari uburezi bw'abana bafite ubumuga bwo mu mutwe twasanze ikiguzi nacyo kitoroheye ababyeyi.'

Minisitiri w'Uburezi, Dr Uwamariya Valentine, yagaragaje ko Leta izakomeza kwita ku bafite ubumuga bahabwa uburezi.

Avuga kandi ko by'umwihariko hari imbogamizi zishingiye ku ngengo y'imari idahagije ku guhugura abarimu no kubona ibikoresho bifasha abafite ubumuga.

Ati 'Ibikoresho nabyo biracyari bike, muri rusange iyo urebye ingengo y'imari ijya ku bana bafite ubumuga muri gahunda zitandukanye usanga ikiri hasi nka Leta birasaba kugira ngo abana bafite ubumuga na bo bitabweho by'umwihariko.'

Minisitiri Dr Uwamariya yabwiye Komisiyo ko mu rwego rwo kwimakaza uburezi budaheza, ubu inkoranya y'ururimi rw'amarenga Nyarwanda yamaze gutegurwa hategerejwe ko yemezwa ubundi ururimi rw'amarenga rugatangira kwigishwa hose mu mashuri.

Senateri Umuhire Adrie na Minisitiri w’Uburezi, Dr Uwamariya Valentine, baganiriye ku ngamba zo kugeza uburezi ku bana bafite ubumuga

Sena yaganiriye n’inzego zitandukanye ku mibereho myiza n’uburenganzira bw’abafite ubumuga

Kuri uyu wa Gatatu saa tatu z’ijoro, kuri Etihad Stadium habereye umukino  wahuje  Real Madrid na Manchester City.

Ni mu mukino wo kwishyura wa 1/2 muri Champions League. Umukino ubanza wabereye kuri Santiago Bernabeu, amakipe yombi yari yanganyije 1-1.

Manchester City yageze hano nyuma yo gukuramo Bayern Munich yo mu Budage naho Real Madrid yo yari yarasezereye Chelsea yo mu Bwongereza.

Abakinnyi 11 Manchester City babanje mu kibuga: Ederson; Walker, Stones, Rúben Dias, Akanji; Rodri; Bernardo Silva, De Bruyne, Gündogan, Grealish na Haaland.

Abakinnyi 11 ba Real Madrid babanje mu kibuga: Courtois; Carvajal, Militao, Alaba, Camavinga; Fede Valverde, Kroos, Modric; Rodrygo, Benzema na Vinicius.

Uko umukino wagenze umunota ku munota

Umukino urangiye Manchester City iyoboye n’ibitego 4-0 ihita ikomeza ku mukino wanyuma ku kinyuranyo cy’ibitego 5-1. Izahura na Inter Milan nayo yageze ku mukino wanyuma ku munsi wejo isezereye AC Milan

90+1 Julian Alvarez winjiye mu kibuga asimbuye atsinze igitego cya 4 ku mupira yarahawe na Foden nawe winjiye mu kibuga asimbuye

Umukino wongereweho iminota 3

87′ Abakinnyi  ba Manchester City bakomeje gutambaza umupira bashaka igitego cya 4

81’Real Madrid yaribonye igitego cy’impozamarira ariko umuzamu ababera ibamba

75′ Kevin De Bruyne arekuye kufura maze Akanji ashyiraho umutwe umupira uragenda ukubita kuri Miltao igitego cya 3 gihita kijya mu izamu 

72′ Haaland arutunguranye arata igitego,ahawe umupira mwiza na Ilkay Gündogan maze arekura ishoti Courtois arikuzaho ukuguru rirazamuka rikubita igiti kizamu rijya muri koroneri

68′ Manchester City yongeye kwiharira umupira cyane ishaka igitego cya 3

65’Bernado Silva yongeye kuzamukana umupira ariko Camavinga akina neza awumukuraho nta nkomyi

61’Kapiteni wa Manchester City,Ilkay Gündogan abonye ikarita y’umuhondo nyuma yo gutega Vinicius wari wamaze kubacika 

57′ Vinicius na Rodrygo bazamukanye neza ariko  bageze mu rubuga rw’amahina rwa Manchester City biranga 

55′ Carvajal ahawe ikarita y’umuhondo nyuma yo gutereka hasi Jack Grealish warumunyuzeho amucenze

50′ umuzamu wa Manchester City akoze akazi gakomeye akuramo kufura nziza yarirekuwe na David Alaba 

49’Calvajar abonye umupira mu rubuga rw’amahina ariko awusubiza inyuma ashaka Benzema birangira bawubatse

47’Abakinnyi ba Real Madrid bakomeje guhererekanya gake gake bashaka uburyo bw’igitego cyo kwishyura

Umwe mu mipira iremereye Courtois yakuyemo umukino ugitangira 

Igice cyakabiri gitangiye Valvelde wa Real Madrid abona umupira imbere y’izamu ariko ahita awuburira mu maguru 

Igice cya mbere kirangiye Manchester City ikiyoboye n’ibitego 2-0.

44′ Alaba akuyemo igitego cyabazwe ku ishoti ryari rirekuwe na Akanji 

40’Abakinnyi ba Real Madrid bakomeje kwahagizwa byongeye gusubira bubisi umupira bawubuze

37′ Bernado Silva atsinze igitego cya 2 ku mupira ateresheje umutwe

35′ Ton Kross arekuye ishoti ripima amatoni ku mupira yarahawe na Karim Benzema riragenda rikubita igiti kizamu hejuru rihita rirenga 

31′ Vinicius Junior abonye umupira wambere agerageza kwinjira mu rubuga rw’amahina ariko Walker ahise amuhagarika neza

Abakinnyi ba Real Madrid bibaza ibiri kubabaho 

29′ Abakinnyi ba Real Madrid nabo batangiye gukora ku mupira nubwo nta mwanya bari kuwumarana

25′ Real Madrid ikomeje gutanga ibimenyetso ko ishobora gutsindwa byinshi bitewe nukuntu iri gusatirwa cyane

23′ Bernado Silva afunguye amazamu atsindiga igitego cya 1 cya Manchester City ku mupira yarahawe na Kevin De Bruyne

21′ Courtois yongeye gukora akazi gakomeye akuramo umutwe wa Haaland ku mupira waruvuye muri koroneri

19′ Abakinnyi ba Real Madrid bari guhigisha umupira itoroshi bawubuze burundu 

17′ Kevin De Bruyne arekuye kufura nziza ariko inyura impande y’izamu gato cyane

13’Courtois wa Real Madrid akuyemo igitego cyabazwe ku mupira Haaland yarateresheje umutwe

11′ ba myugariro ba Real Madrid bari kurwana n’ubuzima gusa, abakinnyi nka Rodri na Kevin De Bruyne bari kwatsa umuririro imbere y’izamu

8′ Abakinnyi ba Manchester City bakije umuriro imbere y’izamu rya Real Madrid aho abakinnyi nka Rodri na Bernado Silva bagerageje gutsinda ibitego ariko ntibyabakundira

5′ Kevin De Bruyne agerageje guhindura umupira imbere y’izamu ashaka Haaland ariko Militao ahita atabara

3′ Kayle Walker agerageje kurekura ishoti riremereye ariko rinyura hejuru y’izamu kure

2′ Abakinnyi ba Manchester City bakomeje gutambaza umupira aba Real Madrid bawubuze

1’Umukino watangijwe na Manchester City bakinana n’umuzamu wabo neza bagerageza guhera inyuma bubaka 

Bernado Silva yishimira igitego cya 1

Be

Manchester City yageze ku mukino wa nyuma w’irushanwa rihuza amakipe yabaye aya mbere ku mugabane w’u Burayi (UEFA Champions League) nyuma yo gusezerera Real Madrid.

Yabigezeho nyuma yo gutsinda Real Madrid ibitego 5-1 mu mikino yombi.

Umukino ubanza wabereye muri Espagne amakipe yombi yanganyije 1-1 ni mu gihe uyu munsi Manchester City yayinyagiriye mu Bwongereza 4-0.

Manchester City yatangiye ishyira igitutu kuri Real Madrid biza kuyiha igitego ku munota wa 23 gitsinzwe na Bernardo Silva ku mupira yari ahawe na Kevin De Bruyne. Benardo Silva yaje gushyiramo ikindi ku munota wa 37.

Real Madrid yagarutse mu gice cya kabiri ishaka kwishyura ariko biranga kuko Manchester City yabarushaga imbaraga.

Yaje kubona igitego cya 3 ku munota wa 76 aho Éder Militão yitsinze. Julián Álvarez yaje gushyiramo agashinguracumu ku munota wa 90.

Nyuma yo gusezerera Real Madrid ikaba igomba guhura ku mukino wa nyuma na Inter Milan yaraye isezereye AC Milan.

Bernardo Silva yagoye Real Madrid

Byari ibyishimo kuri Manchester City

Ryari ijoro ribi kuri Real Madrid

Mu nkuru yasohotse kuwa 8 Gicurasi 2023 mu kinyamakuru Daily Mail, Dannat yavuze ko 'amateka mabi y'u Rwanda' atarwemerera kuba igihugu abantu bahunze intambara n'ibindi bibazo bakoherezwamo.

Yagize ati 'Mfite ugushidikanya ko kohereza abantu mu Rwanda yaba ari politiki nziza. Birasa n'ibigamije guca intege abandi ngo bataza kuko hari igihano gikomeye kibategereje. Birambabaje'.

Dannat wasuye u Rwanda mu 2009, yavuze ko bwaba ari ubugoryi kohereza abantu b'imihanda yose mu gihugu kikivura ibikomere by'amateka mabi yakibayemo mu myaka 30 ishize.

Ati 'Nagiye mu Rwanda kandi amateka ya jenoside aracyaboshye kiriya gihugu…Gifite amateka mabi kandi ntabwo ari ahantu nashyira abantu bava muri Syria cyangwa ahandi ku Isi'.

Mu nyandiko Busingye yanyujie mu kinyamakuru Daily Mail kuri uyu wa Gatatu tariki 17 Gicurasi 2023, asubiza General Lord Dannatt, yavuze ko ibyo yatangaje bigoreka ukuri ku Rwanda rwa none kuko hari impinduka zidasanzwe zabaye mu myaka 29 ishize yaba mu rwego rw'umutekano ubuzima n'iterambere ry'ubukungu.

Ati 'Igihugu cyacu gito ntabwo gisobanurwa n'amateka yacu ahubwo gisobanurwa no kurangamira ahazaza; guharanira ubumwe, umutekano n'imibereho ihesha agaciro abaturage bacu'.

Busingye yakomeje asobanura ko mu 2000, icyizere cyo kubaho cyari imyaka 49, uyu munsi kikaba kiri hejuru y'imyaka 69, ubukungu bukaba butera imbere cyane kandi u Rwanda rukaba ari hamwe mu hantu byoroshye gukorera ubucuruzi.

Banki y'Isi yashyize u Rwanda ku mwanya wa kabiri mu koroshya ubucuruzi muri Afurika nyuma y'ibirwa bya Mauritius n'urwa 38 ku isi. Kwandika ubucuruzi biroroshye aho bifata amasaha atandatu. Ushobora kubikorera kuri internet ugahita ubona icyangombwa. U Rwanda ruratekanye. Ruswa ni ikizira aho ruri ku mwanya wa gatatu mu bihugu birimo nkeya.

Uburinganire no kubaha ibyo abantu batandukaniyeho bihabwa agaciro mu Rwanda, aho 61.3% by'abagize inteko ishinga amategeko ari abagore, akaba ari agahigo ku Isi yose.

Busingye avuga ibi byatumye abaturutse ahantu hatandukanye bishimira gutura mu Rwanda, uyu munsi akaba ari kimwe mu bihugu bike bya Afurika bibyaza umusaruro abahanga baturuka mu bindi bihugu bafite ubushobozi aho bahabwa imirimo, bagahembwa neza kandi bakabaho mu buzima bwiza.

Yatanze urugero ku Ishuri ry'abakobwa 256 bo muri Afghanistan rizwi nka School of Leadership Afghanistan (SOLA), ryashinzwe na Shabana Basij-Rasikh ryimukiye i Kigali nyuma yo guhunga intambara iwabo ubwo inyeshyamba z'Abatalibani zari zazengurutse Umurwa Mukuru Kabul, ngo zisubize ubutegetsi zahozemo mbere ya 2001.

Busingye ati 'Ushobora kuba wemeranya n'amasezerano y'ubufatanye bwo kwakira abimukira cyangwa utayemera, ubusesenguzi ku Rwanda bugomba kutabogama kandi ntibushingire ku myumvire abo mu Burengerazuba bafite kuri Afurika'.

U Rwanda kandi rumaze kwakira abimukira baturuka muri Libya. Kuwa 9 Gicurasi 2023, rwakiriye icyiciro cya 13 cy'abasaba ubuhungiro 150 bavuye muri Libya. Aba bimukira baje basanga abandi basaga 500 bacumbikiwe mu nkambi ya Gashora iherereye mu karere ka Bugesera, mu gihe hagishakishwa ibihugu bishobora kubakira.

Kugeza ubu abagera ku 1500 ni bo bamaze kunyuzwa mu nkambi y'agateganyo ya Gashora mu gihe abasaga 900 bamaze kubona ibihugu bibakira.

Minisitiri w'Umutekano mu Bwongereza, Suella Braverman, aherutse kwamagana abanenga amasezerano yo kohereza abimukira mu Rwanda, avuga ko ahubwo bizaba ari 'umugisha ku bimukira' koherezwa mu rw'imisozi igihumbi.

Braverman unafite mu nshingano ze ibijyanye n'impunzi, yasuye u Rwanda mu ruzinduko rugamije ibiganiro ku masezerano ari hagati y'ibihugu byombi mu gufasha abimukira.

Ni amasezerano ataravuzweho rumwe n'abaharanira uburenganzira bwa muntu kugeza ubwo hitabajwe inkiko kugira ngo zitambamire gahunda yo kohereza abimukira mu Rwanda.

Braverman yongeye kwamagana abanenga aya masezerano, avuga ko ari 'abirasi babaswe n'ibitekerezo by'ukunenga kudafite ishingiro'.

Minisitiri w'Intebe w'u Bwongereza, Rishi Sunak, yaganiriye n'ubuyobozi bw'Urukiko rw'Uburenganzira bwa muntu bw'Umuryango w'Ubumwe bw'u Burayi ku ngingo zirimo kuvugurura amategeko rugenderaho ku buryo rutitambika ibihugu binyamuryango ku byemezo bijyanye no guhangana n'ibibazo by'abimukira.

Urwo rukiko ni rwo umwaka ushize rwahagaritse umwanzuro wari wafashwe n'u Bwongereza, wo kohereza mu Rwanda abimukira binjiye mu buryo bunyuranyije n'amategeko.

U Bwongereza buherutse gusaba ko mu mategeko urwo rukiko rugenderaho, hashyirwamo uburyo igihugu gishobora kwanga gushyira mu bikorwa umwanzuro rwafashe mu gihe biri mu nyungu z'igihugu n'umutekano rusange.

General Lord Dannatt yavuze ko u Rwanda rukiboshywe na Jenoside bityo rudakwiye kwakira abimukira

Muammar Gaddafi wayoboye Libya imyaka isaga 40, yageze mu Rwanda yakirwa nk'umwami. Ni uruzinduko rwasize amateka atazibagirana ariko ikigarukwaho cyane ni ijambo yavuze ryasize amateka mabi hagati y'u Rwanda n'iyari Zaïre nyuma yo kwita Mobutu Sese Seko wayiyoboraga umuboyi w'abazungu.

Uyu mugabo buri wese amufata ukwe agendeye ku mateka ye azi. Bamwe bamuzi nk'intwari ya Afurika, abandi bakamufata nk'umwirasi n'umusazi wayoboresheje igitugu kugeza aroshye igihugu mu manga y'intambara z'urudaca zikomeje kugishegesha.

Mu ruzinduko rwe mu Rwanda rwatangiye kuwa 16 Gicurasi 1985, Col Muammar Gaddafi yahageze avuye i Burundi yakirwa ku kibuga cy'indege na General Major Habyarimana Juvenal wari Perezida w'u Rwanda. Muri icyo gihe umubano w'u Rwanda na Libya wari nta makemwa, abaperezida bombi bashimirana ibikorwa bagezeho.

Ibi bishimangirwa no kuba umunsi yari bugere i Kigali, amashuri yose yarafunze, ku muhanda uva ku kibuga cy'indege abaturage ari benshi, bose bashikiye kureba umugabo wafatwaga nka Perezida wa mbere ukize muri Afurika.

Abasirikare b'u Rwanda bamugenderaga kure, arinzwe cyane n'abasirikare be kabuhariwe, abakobwa bivugwa ko babaga ari 'amasugi', nubwo nyuma haje gusohoka raporo zivuga ko yajyaga abafata ku ngufu.

Gaddafi yamaze iminsi ibiri mu Rwanda, ku munsi wa nyuma asura ikigo cyamwitiriwe i Nyamirambo kirimo umusigiti n'ikigo cy'amashuri cya ESSI Nyamirambo.

Mu kujya i Nyamirambo, ngo abagore b'Abayisilamukazi bari bamusasiye amakanga [ibitenge] mu muhanda, abantu ari uruvunganzoka ku nkengero z'umuhanda basabwe kuza kureba uwo muntu wafatwaga nk'umwami muri Afurika.

Ku butegetsi bwa Col Muammar Gaddafi hakozwe ishoramari rikomeye mu Rwanda ririmo na Hotel Umubano Leta ya Libya yari ifitemo imigabane ingana na 60% naho Leta y'u Rwanda ikagiramo 40%, hotel yari mu maboko ya Sosiyete ya SOPROTEL.

Umwaka ushize nibwo byatangajwe ko Umubano Hotel yamaze kwegukanwa n'ikigo cy'ishoramari mu by'amahoteli cya Kasada Group, ikazahindurirwa izina ikitwa Mövenpick Hotel ndetse igashyirwa ku rwego mpuzamahanga. Biteganyijwe ko imirimo yose yo kuyivugurura izarangira mu 2025 ari nabwo iyi hoteli izongera gufungura imiryango.

Nyuma yo kuva mu Rwanda mu 1985, Col Gaddafi yateye inkunga iyubakwa ry'umuhanda uva Kimisagara werekeza ku ishuli ryamwitiriwe. Libya kandi yari ifite imigabane mu ruganda rwakoraga inkweto n'ibikomoka ku ruzwi nka Sodeparar.

Uko uwari Umwami yahindutse igicibwa

Col Muammar Gaddafi yamaze imyaka myinshi afite ijambo mu bakuru b'ibihugu bya Afurika, agaragaza gukunda uyu mugabane no guharanira ko wigira. Gusa bivugwa ko yashakaga kuzawuyobora ariko akagira imyitwarire benshi batashimaga.

Uyu mugabo wari warigaruriye umutima w'ubutegetsi bwa General Major Habyarimana, byamuhindukiyeho nyuma ya Jenoside yakorewe Abatutsi mu 1994, ubwo hajyagaho ubuyobozi bushya agatangira kubana n'u Rwanda yikandagira.

Muri Kanama 2017, Perezida Kagame yabwiye Finacial Times ibyerekeye umubano mubi wari hagati ye na Col Muammar Gaddafi n'uburyo yari umuntu mubi.

Yagize ati 'Colonel Gaddafi yari umuntu mubi. Njye nakundaga gushwana nawe kurusha undi muntu uwo ariwe wese.'

Aho niho umunyamakuru yamubajije ikintu bakunze gupfa, cyatumye uko gushwana kwa hato na hato kubaho.

Perezida Kagame yagize ati 'Ni uko yifuzaga kugaragara nk'umwami wa Afurika ubundi agategeka abandi ababwira ibyo bagomba gukora. Hari ubwo numvaga kubyihanganira binaniye.'

Hari umunsi Perezida Kagame na Gaddafi bigeze gushwana, Gaddafi amutunga intoki Perezida Kagame amuha gasopo. Ati 'Na rimwe, na rimwe, ntuzongere kuntunga urutoki umbwira ibintu nk'ibyo.'

Perezida Kagame yagaragaje uko hari ubwo Gaddafi yajyaga amwita umukozi w'ibihugu bikomeye ku Isi, inshuti y'Abanyamerika n'Abongereza, ibihugu bitacanaga uwaka na Gaddafi.

Yakomeje agira ati 'Naramubwiye, njyewe uko nteye, mu buzima bwanjye, uko nakuze, ntabwo njya nifuza kuba umugaragu w'undi muntu, bivuze ngo urakorera mu nyungu ze, ntabwo uri kwikorera.'

Gushaka guhaka u Rwanda no kurufata nk'akarima ke, Col Gaddafi yari yarabitangiye kera. Mu 1999, Ambasaderi Prof Joseph Nsengimana yavuze uburyo uwari Perezida w'u Rwanda yagiye mu birori muri Libya, we n'itsinda ryamuherekeje bagategwa utwuma dufata amajwi mu byumba bararagamo.

Amb. Nsengimana yigeze kubwira IGIHE ati 'Yaje (Gaddafi) no kudusura muri iyo nzu. Umunsi wo gutaha basubiyeyo kureba muri iyo nzu ibyo bari bibagiriwe mu nzu basanga bari gushwanyaguza intebe bakuramo utwuma dufata amajwi. Rero ikintu nk'icyo kikwereka uwo yari we.'

Urwego rushinzwe ubutasi rwa Leta Zunze Ubumwe za Amerika (CIA), ku wa 17 Mutarama 2017 rwashyize ahagaragara inyandiko 930.000 zigizwe n'amapaji miliyoni 12 zari zaragizwe ibanga; zirimo nyinshi zireba u Rwanda n'ibihugu bitandukanye bya Afurika.

Kuba Gaddafi yarashakaga ko ibyo avuze ari byo abandi bakurikiza, ni umurongo atigeze yumvikanaho na gato na Perezida Kagame, ukunda kuvuga ko 'ntawe ukwiye kugenera abanyarwanda uko babaho'.

Gaddafi mu gutera gerenade i Kigali

Col Gaddafi watewe ikirungurira no kuba ubutegetsi mu Rwanda bwarahindutse, yakomeje guhekenya amenyo no guhonda agatoki ku kandi ari nako acura imigambi mibisha yo guteza akaduruvayo mu gihugu.

Igihamya simusiga ni uko mu 2010, Polisi y'u Rwanda yatahuye ko hari intwaro muri Ambasade ya Libya mu Rwanda zashoboraga kwifashishwa mu bikorwa bimwe na bimwe byo gutera ama-grenade mu Mujyi wa Kigali.

Umwe mu bakozi b'iyi Ambasade yatanze aya makuru, maze Polisi ikoze iperereza izisanga muri iyo nyubako.

Ubwirasi no gushaka gucamo abanyafurika ibice kwa Gaddafi, kugaragara ubwo yigeze kujya i Addis Abeba ku cyicaro cy'Umuryango wa Afurika Yunze Ubumwe (AU), agasanga abadipolomate bahaba batabayeho neza akiyemeza kubafasha ariko icyicaro cya AU kikimukira mu Mujyi wa Sirte muri Libya.

Ibi ubwabyo byari uguteranya abanyafurika. Hari n'ibihugu yategekaga ibyo bigomba gukora, byaba bitumviye agahirika ubutegetsi nko muri Tchad.

Amakuru yigeze gutangazwa na CIA, ni uko nko muri Sudani, Gaddafi yari afite umugambi wo kwinjiza i Khartoum itsinda ry'abagize umutwe w'iterabwoba no gushyigikira umugambi wari warabaye mu 1975 na 1976 wo guhirika ubutegetsi.

U Rwanda ni kimwe mu bihugu byashyigikiye umugambi w'Akanama gashinzwe amahoro ka Loni wo gukora ibishoboka byose muri Libya hakagaruka amahoro, igikorwa cyari gishyigikiwe n'ibihugu birimo u Bufaransa, u Bwongereza na Qatar cyaje gusiga Gaddafi yishwe.

Muammar Ghaddafi yamaze igihe kinini afatwa nk’intwari ya Afurika ariko mu maso y’u Rwanda si ko bimeze