Category: Uncategorized

Komiseri ushinzwe amakuru n'itumanaho muri iyo Leta, Dan Manjang, yatangaje ko ku wa Kabiri tariki 16 Gicurasi 2023, ubwo bushyamirane bwaguyemo abantu 30 biturutse ku guhangana kwabaye hagati y'abahinzi n'abashumba b'inka.

Ibice by'Amajyaruguru y'Uburengerazuba bwa Nigeria, bikunze kurangwamo ubushyamirane n'intambara zishingiye ku butaka ndetse no ku mazi.

Aha muri Nigeria, imvururu za hato na hato ni kimwe mu bibazo by'umutekano, bikomeye bigomba kuzitabwaho na Perezida watsinze amatora muri icyo gihugu, Bola Tinubu, namara kugera ku butegetsi mu mpera z'uku kwezi kwa Gicurasi 2023.

Source : https://umuryango.rw/amakuru/mu-mahanga/umutekano/article/nigeria-ubushyamirane-hagati-y-abashumba-n-abahinzi-bwaguyemo-abasaga-30

Ibi bikorwa bibi, 85% byakorewe mu ntara z'iburasirazuba, cyane cyane Kivu ya Ruguru na Ituri, ahishwe abantu 353 muri uko kwezi kwa gatatu uyu mwaka, mu gihe bari 276 mu kwezi kwa kabiri.

Inzobere kuri DR Congo zivuga ko raporo igaragazwa n'ibi biro bya ONU itanga ishusho ntoya y'ibikorwa bibi biba byarakozwe mu by'ukuri.

Ibi biro bya ONU bivuga ko 32% y'ibi bikorwa bihonyora uburenganzira bwa muntu byakozwe n'abakozi b'inzego za leta nk'abapolisi n'ingabo, mu gihe imitwe yitwaje intwaro yakoze 68%.

Muri Werurwe, abantu 223 barashimuswe muri bo harimo abagore 36 n'abana 40, bikozwe ahanini n'imitwe yitwaje intwaro, nk'uko ibi biro bibivuga.

Gushimuta abantu byiganje cyane muri Kivu ya Ruguru, Ituri, n'Intara ya Kivu y'Epfo.

Umutwe wa CODECO wo muri Ituri ni wo washimuse abantu benshi, 93, hamwe na ADF nayo yo muri iyo ntara yashimuse abantu 45.

Ibi biro bya ONU bivuga ko muri uko kwezi abagore 68 bakorewe ihohoterwa rishingiye ku gitsina mu gihe mu kwezi kwabanje bari 16.

Ibi bikorwa byiganjemo gufata abagore ku ngufu, ibi biro bya ONU bivuga ko byakozwe ahanini n'imitwe yitwaje intwaro irimo;

Abagize umutwe wa Mai-Mai Twa – bahohoteye abagore 15
Ngumino [Ngumino] – abagore 11
M23 — abagore 9
CODECO – abagore 9
Ingabo za leta FARDC – abagore 5
Abashinjwe ibi bikorwa ntacyo barabivugaho kugeza ubu, gusa umutwe wa M23 mu ntangiriro z'uyu mwaka wahakanye ibirego washinjwe byo gufata abagore ku ngufu.

Muri Gashyantare (2) Amnesty International yasohoye raporo ishinja M23 gufata ku ngufu abagore barenga 60, kuri ibi birego Majoro Willy Ngoma, umuvugizi wa M23, yabwiye BBC ati: 'Twebwe nta na rimwe dushobora gufata abagore ku ngufu'.

Inzego za leta nta cyo ziravuga kuri ibi bikorwa bibi byabonywe n'ibi biro bya ONU, BBC kandi yagerageje kuvugisha abategetsi ba Congo kuri iyi raporo.

Ibi biro bivuga ko buri gihe bishyikiriza abategetsi ba Congo ibyo byabonye 'kugira ngo bafate ingamba zikenewe, harimo no gushyikiriza ubucamanza abaregwa kubikora'.

Source : https://umuryango.rw/amakuru/mu-mahanga/umutekano/article/drc-raport-ya-l-onu-yagaragaje-ko-abantu-358-barimo-abagore-n-abana-bishwe-mu

Wari umukino wo kwishyura wabaye kuri uyu wa Gatatu, tariki 17 Gicurasi 2023, kuri Royal Bafokeng Sports Palace muri Afurika y'Epfo.

Yanga SC yinjiye muri uyu mukino ifite impamba y'ibitego bibiri yatsindiye mu rugo mu mukino ubanza. Marumo yasabwaga intsinzi y'ikinyuranyo cy'ibitego bitatu kugira ngo yizere kugera ku mukino wa nyuma.

Igice cya Mbere cyaranzwe no gusatira cyane kwa Marumo ariko umunyezamu wa Yanga, Djigui Diarra, akayibera ibamba.

Mu minota ya nyuma y'iki gice rutahizamu Fiston Kalala Mayele yazamukanye umupira neza atsinda igitego cya mbere ku munota wa 45.

Igice cya Mbere cyarangiye Yanga iyoboye umukino n'igitego 1-0. Ibi byatumye Marumo yinjira mu gice cya kabiri isatira cyane ishaka uko yakwishyura igitego hakiri kare.

Mu gihe yari yaryohewe no gusatira bikomeye, Mayele yafashe umupira awuterera imbere ye ariruka asiga myugariro wa Marumo, yinjira mu rubuga rw'amahina ahindura umupira kwa Kennedy Musonda atsinda igitego cya kabiri ku munota wa 62.

Marumo yihariraga umupira cyane yakomeje gusatira, iza kubona igitego cy'impozamarira ku munota wa 91 cyatsinzwe na Ranga Chivaviro.

Umukino warangiye Yanga SC yatsinze Marumo Gallants ibitego 2-1, iyisezerera ku giteranyo cya 4-1 mu mikino yombi. Iyi kipe yabaye iya mbere ibikoze muri Tanzania.

Yanga SC izahura n'ikipe iva hagati ya USM Alger na ASEC Mimosas, amakipe yanganyije ubusa ku busa mu mukino ubanza.

Source : https://umuryango.rw/imyidagaduro/imikino/article/yanga-sc-yanditse-amateka-igera-ku-mukino-wanyuma-wa-caf-cc

Uyu mukino wabereye kuri Etihad Stadium ku mugoroba wo ku wa Gatatu, tariki ya 17 Gicurasi 2023.

Manchester City yari imbere y'abafana bayo 52.313, yatsinze ibitego bine ibifashijwemo na Bernardo Silva (23', 37'), Eder Militao witsinze (76') na Julian Álvarez (90+1') winjiye mu kibuga asimbuye.

Iyi kipe yakatishije itike yo kuzakina umukino wa nyuma uzayihuza na Inter Milan yawugezeho isezereye AC Milan, uteganyijwe kubera Istanbul ku wa 10 Kamena 2023.

Manchester City yakomeje kwandika amateka yo kumara imikino 23 idatsinzwe ndetse ku kibuga cyayo imaze kuhatsindira inshuro 15.

Yinjiye mu mukino ihabwa amahirwe nubwo ubanza wabereye kuri Santiago Bernabeu yari yawunganyije igitego 1-1. Yashakaga kugera ku mukino wa nyuma ku nshuro ya kabiri [nyuma ya 2020-21] mu myaka itatu mu gihe yari ihanganye n'ikipe imaze kwegukana Champions League inshuro 14.

Pep Guardiola nta mpinduka yakoze mu ikipe yifashishije mu cyumweru gishize mu gihe Carlo Ancelotti wa Real Madrid yafashe icyemezo cyo gukinisha Eder Militao utarakinnye ubushize kubera amakarita, asimbura Antonio Rudiger. Uyu yajishe Erling Haaland amubuza kurunguruka mu izamu rya Thibaut Courtois.

Source : https://umuryango.rw/imyidagaduro/imikino/article/ucl-pep-guardiola-yashimangiye-ubuhanganjye-bwe-muri-ruhago-asezerera-real

Mu gitondo cyo kuwa Gatanu tariki 12 Gicurasi 2023 mu kagari ka Karenge mu murenge wa Rwimbogo mu Karere ka Rusizi mu muhanda nibwo hatoraguwe umurambo w'Umupolisi PC Sibomana Simeon hafi y'umuhanda Kamembe-Bugarama!

Kugeza ubu amakuru amaze kumenyekana ni uko mu bashinjwa kwica uyu mu-Polisi harimo umwarimu wo kuri Ecole Secondaire Gishoma, Iradukunda Pacifique. Iri shuli rikaba riri mu murenge wa Rwimbogo! Pacifique akaba yaramaze gufatwa n'inzego z'umutekano ngo ashyikirizwe ubutabera!

Pacifique Iradukunda uvugwa, asanzwe avuka muri Gafunzo! Akaba asanzwe acumbitse hafi n'isoko rya Gishoma hafi y'akazi ke!

Uretse kwigisha, akaba asanzwe anafite akabari ariko akagira na moto itwara abagenzi, gusa amakuru akavuga ko iyi moto itagira ibyangombwa bisabwa ibinyabiziga bitwara abagenzi nka moto. Uyitwara yari yarayihaye yakoraga muri bwa buryo abamotari bakunze kwita “inyeshyamba”

Mu minsi ishize, PC Sibomana, wari usanzwe ari Umupolisi ukorera akazi ke kuri Station ya Polisi Gishoma, mu kazi ko gucunga umutekano w'ibinyabizga mu muhanda, yafashe moto ya Pacifique itwawe n'umusore yari yarayihaye nka motari asanga nta byangombwa igira byo gutwara gukora ako kazi arayifunga!

Amakuru avuga ko Pacifique na Motard we bagerageje inzira zose “zishoboka” ngo basubizwe moto, ibyo kuba nta byangombwa byirengagizwe ariko bikanga! Nyuma rero nibwo bafashe umugambi wo gushaka uko bazihimura kuri PC Sibomana!

Ku mugoroba wo kuri 11/05,2023 PC Sibomana ubwo yari agorobereje ku kabali, uyu mwalimu Pacifique na wa mu motard we barahamusanze bamwiyenzaho, abona ko bafite umugambi wo kumusagarira kandi ari wenyine ava kuri ako kabali ajya ku kandi hafi aho!

Amakuru rero avuga ko PC Sibomana yageze kuri ako kabali nabwo bakamukurikirayo ariko noneho bagakora uko bashoboye kose ngo baze guhura nawe wenyine ari nabwo baje kubigeraho! Amakuru akavuga ko bamuteye inkota bakamukubita n'”ikintu” agahita apfa!

Mu gushaka guhisha ibimenyetso, Pacifique na wa mu motard bahetse umurambo wa PC Sibomana kuri moto, berekeza ku nzira anyuramo ataha ava ku kazi bamurambika ku ruhande rw'umuhanda, bamunyura hejuru na moto ngo bizagaragare ko yishwe n'impanuka agonzwe!

Ni uko umurambo we bawusanze iruhande rw'umuhamda bukeye mu gitondo !

Amakuru avuga ko Pacifique aho afungiwe yemeye icyaha ndetse hari n'abari bafashwe bakekwa bamaze kurekurwa nyuma y'uko abyemeye akavuga n'uko icyaha bagikoze bagasanga bo nta ruhare babigizemo!

Biravugwa kandi ko biteganyijwe ko kuwa gatanu we n'abo bafatanyije bazabajyana mu nteko y'abaturage kuberekana bakitangira ubuhamya bw'ibyo bakoze!

Pacifique yize kuri Ecole Secondaire Gafunzo arangiza mu ishami rya Biochimie akomereza muri KIE aho yize Biologie, ari naryo somo yigishaga muri ES Gishoma! Yari mu barimu biyambazwa ku rwego rw'igihugu mu gukosora ibizamini bya Leta bisoza amashuli yisumbuye!

Kuri ubu, inzego zinyuranye zagiye kuganiriza abarimu n'abanyeshuli aho Pacifique yigishaga zirabahumiriza ngo bakomeze akazi kabo bisanzwe kuko ngo uko babona dosiye imeze Pacifique na bagenzi be atari abazagaruka vuba.

Source : https://umuryango.rw/amakuru/mu-rwanda/ubutabera/article/umwalimu-wo-muri-e-s-gishoma-aravugwa-muri-dosiye-y-urupfu-rwa-wa-mu-polisi

Abarebwa n'iki cyemezo ni impunzi zigera ku bihumbi 8 zituye mu mijyi cyangwa ahandi mu duce tw'igihugu tutari muri iyo nkambi.

Izo mpunzi zaherukaga gutangaza ko zihangayikishijwe n'icyo cyemezo cya leta mu gihe benshi mu barebwa nacyo basanzwe bamenyereye ubuzima bw'imirimo itandukanye irimo n'abikorera ku giti cyabo.

Leta ya Malawi yari yatanze itariki ntarengwa ya 15 z'ukwezi kwa kane kugira ngo abarebwa n'aya mabwiriza babe bimutse, bitaba ibyo bakajyanwa muri iyo nkambi ku ngufu.

Source : https://umuryango.rw/amakuru/mu-mahanga/politiki/article/malawi-abarundi-n-abanyarwanda-bari-kwerekezwa-mu-nkambi-ku-ngufu

Mahamat ari mu Rwanda aho yitabiriye inama ku nshuro ya cumi yiga ku bibazo bibangamiye umutekano muri Afurika, yateguwe n'Ishuri rikuru rya gisirikare (RDFCSC) ku bufatanye na Kaminuza y'u Rwanda (UR).

Ni inama yatangiye kuri uyu wa Gatatu igamije kwigirwamo ibibazo by'umutekano byugarije Afurika n'uburyo byashakirwa umuti.

Ubutumwa bwashyizwe kuri Twitter y'Ibiro by'Umukuru w'Igihugu, bwavuze ko Perezida Kagame na Mahamat baganiriye ku bibazo by'umutekano mu karere n'ahandi.

Ibibazo by'umutekano byugarije akarere u Rwanda ruherereyemo ku isonga harimo intambara mu Burasirazuba bwa Repubulika Iharanira Demokarasi ya Congo, ihanganishije ingabo za Leta (FARDC) n'inyeshyamba zirimo M23.

Afurika Yunze Ubumwe Mahamat ahagarariye yashyizeho Angola nk'umuhuza mu bibazo bya Congo, icyakora bisa nk'ibigenda gahoro kubera ubushake buke bwa Guverinoma ya Congo ishaka kurangiza ikibazo hakoreshejwe intambara kurusha inzira y'ibiganiro.

Moussa Faki Mahamat yari i Bujumbura mu byumweru bibiri bishize ubwo hateraniraga inama yiga ku mutekano muke mu Burasirazuba bwa Congo, aho hemejwe ko ingamba zisanzweho zo gukemura ibibazo zishyirwamo ingufu.

Source : https://umuryango.rw/amakuru/mu-rwanda/umutekano/article/perezida-kagame-na-mahamat-wa-au-bavuganye-ku-kibazo-cy-umutekano-w-akarere

Ibarura ry'Abaturage rya Gatanu ryagaragaje ko kugeza mu 2022, Abanyarwanda 22,3% bagiteze bagera mu mashuri , mu gihe abageze mu mashuri abanza ari 53,9%.

Ni imibare igaragaza ko abajya mu mashuri yisumbuye bageze kuri 15,1% mu gihe Abanyarwanda 3,3% bafite amashuri ya kaminuza.

Usesenguye intera iri hagati y'abiga amashuri abanza, ayisumbuye na Kaminuza ntiwabura kwibaza aho abandi basigaye bajya kuko mu bizamini bya Leta hagaragazwa ko abatsinze ari benshi.

Nk'urugero amanota y'ibizamini bisoza amashuri abanza ya 2021/2022 agaragaza ko mu bana 227.472 bakoze ikizamini, hatsinze 206.286 bihwanye na 90,69%.

Mu ntangiriro z'umwaka w'amashuri 2022/2023, Minisiteri y'Uburezi yatangaje ko abanyeshuri barenga ibihumbi 100 bamaze ukwezi batarakandagira mu ishuri.

Raporo z'iyi Minisiteri kandi zigaragaza ko mu 2020/2021, abanyeshuri bavuye mu ishuri biyongereye bagera ku 9,5% bavuye kuri 7,8% mu 2019.

Iyi mibare igenda yiyongera nyamara hari gahunda zagiye zitangizwa zigamije kugabanya umubare w'abana bava mu mushuri.

Kugeza ubu ku mashuri yose yo mu Rwanda, abana baragaburirwa, nyamara haracyari abana bata amashuri bakajya kuba abakozi bo mu rugo.

Iyi raporo igaragaza ko impamvu zitera abana kuva mu mashuri zirimo amakimbirane yo mu miryango, ubukene bukabije n'imirimo ikoreshwa abana nko gusoroma icyayi no kujya mu kuba abakozi bo mu rugo.

Muri gahunda ya guverinoma y'imyaka irindwi, Minisitiri w'Intebe, Dr Edouard Ngirente, yagejeje ku Nteko Ishinga Amategeko mu 2017 yavuze ko mu nzira yo gukemura ikibazo cy'abana bava mu mashuri hazashyirwaho abajyanama b'uburezi muri buri kagari.

Abajyanama b'Uburezi si bashya

Abajyanama b'uburezi bigeze kubaho muri gahunda yitwaga 'Mubyeyi Tera Intambwe' ndetse baba igisubizo cyo kugarura mu mashuri abana bo mu turere twa Ngororero, Musanze na Gasabo aho iyi gahunda yari yatangiriye.

Gusa nyuma y'imyaka ibiri ikora yahise ihagarara, nyamara aho yari yaratangijwe bavuga jko yatangaga umusaruro ufatika.

Umuyobozi w'Ishami ry'Uburezi mu Karere ka Ngororero yabwiye IGIHE ko gahunda y'abajyanama b'uburezi yari nziza kandi yatangaga umusaruro.

Ati 'Yari nziza kandi ishimwa ku buryo igarutse byaba byiza. Abajyanama b'Uburezi bajya badufasha gukangurira ababyeyi kugira uruhare mu burezi bw'abana babo. Akenshi ubwo bukangurambaga babukora babasuye iwabo mu rugo kuko baba babegereye.'

Umwarimu muri Kaminuza y'u Rwanda, Dr Ngenzi Alexandre, asanga uko bibutsa umuganda buri kwezi kandi abaturage bazi akamaro kawo, n'uburezi bukwiriye guhabwa umwanya mu muri bikorwa byo mu tugari n'imidugudu.

Ati 'Hakenewe umukangurambaga wabihuguriwe, wajya abwira abaturage ibijyanye n'uburere bw'abana. Abaturage baba bakeneye ko umuntu ahora ababwiriza kuko n'ubu ujya wumva bahamagara abitabira umuganda, ariko ntabwo bayobewe ko umuganda ufite akamaro.'

Dr Ngenzi yavuze ko mu nama uwo mujyanama w'uburezi yajya ahabwa umwanya agasobanurira neza abaturage gahunda z'uburezi kandi ngo byatuma ababyeyi babigira ibyabo n'umubare w'abana bata ishuri ukagabanuka

Mu mushyikirano wa 18 uheruka kuba, ikibazo cy'abana bata amashuri cyagarutsweho, Perezida Kagame avuga ko inzego z'ibanze zikwiye kujya zikurikirana iki kibazo.

Abajyanama b'uburezi bari bashinzwe kubarura abana bari mu kagari bataye ishuri, bakanajya ku mashuri kubaza abana batacyitabira ishuri, nyuma bagasura imiryango y'abana bataye ishuri, bakazanaganira n'umwana hashakwa icyatuma abana bavuye mu ishuri barisubiramo.

Aba kandi bagira inama impande zombi ku gusubira mu ishuri bikaba byiza umubyeyi ashyigikiye iyo gahunda.

Mu bice bitandukanye by’igihugu, haracyagaragara umubare munini w’abana bata ishuri

---

Source : http://igihe.com/amakuru/u-rwanda/article/umuti-urambye-ku-kibazo-cy-abana-bata-ishuri-cyabaye-agatereranzamba

Nyina wa Cristiano Ronaldo, Dolores Aveiro yavuze ko yamaze kwitabaza abanyamategeko be ngo bamufashe gusukura izina rye ririmo kwanduzwa n’itangazamakuru umunsi ku munsi.

Hamaze iminsi havugwa uruntu runtu mu mubano w’ikirangirire muri ruhago gikomoka muri Portugal, gikinira Al Nassr muri Saudi Arabia, Cristiano Ronaldo ndetse n’umukunzi we, umunyamideli ukomoka muri Espagne, Georgina Rodriguez.

Nyuma nibwo ibitangazamakuru muri Portugal byatangiye kwandika ko ubyihishe inyuma ari nyina wa Cristiano Ronaldo ari we urimo gukoresha abapfumu ngo atandukanye Cristiano na Rodriguez ndetse ko ari we wagiye utuma badashyingiranwa kuko akeka ko uyu mugore yaba agenzwa n’amafaranga y’umuhungu we.

Mushiki wa Cristiano Ronaldo, Katia Aveiro yabaye uwa mbere mu kunyomoza aya makuru binyuze ku mbuga nkoranyambaga ze.

Ati “nafunguye imbuga nkoranyambaga nsangaho amakuru ateye isesemi atari n’ukuri… kuri iyi nshuro ntabwo bizagenda gutyo gusa. Yaba iki kinyamakuru cy’umwanda cyangwa ugiha amakuru.”

Yakomeje avuga ko arambiwe aya makuru y’ibihuha avugwa ku muryango we.

Ati “turi mu gihe aho buri kimwe kiba ngo gitwike. Nanga aya makuru, iki kinyamakuru n’ibyo batanganza. Mama ari hafi kuzuza imyaka 70, yanyuze muri byinshi muri ubu buzima ngo akuze abana be, njye ubwanjye zashyira iherezo ku wo ari we wese wazanye igitekerezo cyiza cyo gutangaza iyi nkuru.”

Nyina Maria Dolores Aveiro na we abinyujije kuri Instagram akaba yavuze ko atari ko bizahora, ubu yamaze kubimenyesha abanyamategeko be.

Ati “ndahamya ko uyu munsi tariki ya 16 Gicurasi 2023 namaze kuvugana n’abanyunganira mu mategeko ngo basukure izina ryanjye ku bw’umuryango wanjye no ku bw’icyo basobanuye mu buzima bwanjye.”

Yavuze ko kimwe mu binyamakuru bizwi muri Portugal cyamwanditseho inkuru y’ibihuha bakanatuka izina ry’umuryango we kugira ngo gikomeze kumenyekana.

Avuga ko cyatangaje amakuru ateye ubwoba y’ibihuha aho basa nabamushinje gushaka gutwara ibyinshimo by’umwe mu bana be.

Ati “iyi nkuru ivuga ibintu biteye ubwoba, ko nashatse gutwara ibyishimo by’umwe mu bana banjye, ibyo ni ibihuha bitabayeho bigamije kutubabaza. “

Yakomeje agira ati “ntabwo nzigera nemera ko abo bantu batari abanyamwuga bakoresha izina ryanjye baryangiza.”

Yavuze ko agiye kugira icyo akora atari ukwirinda n’abe gusa ahubwo ari no kugaragaza ko ibyatangajwe byose ari ibinyoma.

Yavuze ko hagomba kubaho igikorwa cyo kwirwanaho iyo bigeze ku kintu cy’agaciro bafite ari wo muryango.

Ati “ndashimira abankurikira bakananyubaha n’abanjye, mwitondere ibyavuzwe bikanandikwa, hagiye kubaho kwitabara nyuma y’aya makuru ababaza, agasiga dusiga nta bwinyagamburiro iyo bigeze ku mutungo w’agaciro wacu ari wo muryango.”

Ati “abazukuru banjye bamwe bazi gusoma, bakumva n’ibyo bantu bavuga ni yo mpamvu ntazacika intege kugeza iki kingamakuru kigaragaje buri kimwe cyanditse.”

Cristiano Ronaldo na Georgina Rodriguez batangiye gukundana 2016 bahuriye mu Mujyi wa Madrid muri Espagne aho yakiniraga Real Madrid undi acuruza mu iduka rya Gucci. Bamaze kubyarana abana 3.

Nyina wa Cristiano yashinjwe gushaka gusenyera Ronaldo yifashishije abapfumu

Source : http://isimbi.rw/siporo/article/nyina-wa-cristiano-yavuze-ku-byo-gukoresha-abapfumu-ngo-batandukanye-ronaldo-na-georgina-rodriguez-yitabaje-abanyamategeko

Klean Herbert [DJ Klean], uzwi mu kiganiro ‘Saturday Moto Moto’ gitambuka kuri televiziyo Rwanda, yambitse impeta ya fiançailles umukunzi we Steicy bitegura kurushinga.

DJ Klean ni umwe mu basore bagezweho kandi bakunzwe mu kazi ko kuvanga imiziki muri Kigali.

Ku munsi w’ejo hashize ku wa Gatatu nibwo amafoto y’uko DJ Klean yasabye inkumi yihebeye ko yazamubera umugore igihe basigaje ku Isi bakakimarana undi akabyemera, yagiye hanze.

Ni mu gihe umuhango wo kumwambika impeta wabaye tariki ya 16 Gicurasi 2023.

Abinyujije ku rukuta rwe rwa Instagram, DJ Klean yagize ati “Umutima wanjye wose ku buzima bwanjye bwose.”

Steicy na we abinyujije ku rukuta rwe rwa Instagram yagize ati “Nzahora nshima Uwiteka kubera gukiranuka kwe, nzaririmba ibisingizo by’izina ry’umwami usumba byose!”

DJ Klean akaba ari umwe kandi mu bagize itsinda ry’aba-DJs rya DJ Pius rizwi nka 1k Entertainment.

DJ Klean yambitse impeta ya fiançailles Steicy

Steicy ugiye kurushinga na DJ Klean

Source : http://isimbi.rw/imyidagaduro/article/amafoto-dj-klean-wa-tvr-yambitse-impeta-ya-fiancailles-umukunzi-we