Category: Uncategorized

Ifoto y'umunsi: Umugore n'umugabo bagiye kwaka gatanya bambaye imyenda isa bahawe urwamenyo nyuma y'ibyababayeho

Umugore n'umugabo bivugwa ko ari abo muri Kenya bakomeje kwigarurira imbuga nkoranyambaga nyuma yo kujya mu rukiko kwaka gatanya bambaye imyenda isa yo mu bwoko bw'ibitenge.

 

Amakuru yizewe akomeza avuga ko ubwo aba bombi bajyaga kwaka gatanya bayibimye kubera zimwe mu mpamvu batemeranyijweho n'urukiko.

Hari bamwe mu babonye uyu muryango bahamya ko bari bagikundana kuko nta go bari kujya kwaga gatanya bambaye imyenda isa.

Source : https://yegob.rw/ifoto-yumunsi-umugore-numugabo-bagiye-kwaka-gatanya-bambaye-imyenda-isa-bahawe-urwamenyo-nyuma-yibyababayeho/

Kuri uyu wa Gatandatu tariki 20 Gicurasi 2023, nibwo hamenyekanye amakipe abari yakatishije itike yo kujya mu kiciro cya mbere mu bagabo muri shampiyona y'umupira w'amaguru mu Rwanda.

FERWAFA ibinyujije ku mbuga nkoranyambaga zayo zitandukanye, yagize iti 'Twifurije ikaze amakipe ya Etoile de l'Est n'Amagaju mu cyiciro cya mbere cya Shampiyona y'Umupira w'Amaguru mu Rwanda.'

Source : https://yegob.rw/ikaze-mu-kiciro-cya-mbere-ferwafa-yahaye-ikaze-amakipe-2-yaje-mu-kiciro-cya-mbere-mu-bagabo-muri-shampiyona-yumupira-wamaguru-mu-rwanda/

Abagize itsinda rya Kigali Boss Babes bakoze igikorwa cy'urukundo mu gace karimo abagizweho ingaruka n'ibiza.

Abaherwekazi batandatu bagize itsinda ryitwa kigali boss babes bakoze igikorwa cy'urukundo mu gace kibasiwe n'ibiza bijerutse kuba mu Rwanda bigahitana abarenga Ijana.

Aba bakobwa batanze ibikoresho bitandukanye, higanjemo ibyo kurya nk'ibirayi, umuceri, amasabune, pampexi z'abana n' ibindi byibanze.

Ndetse ubwo bageragayo baganirijwe, basobanurirwa neza uko ibi biza byangije ibintu byinshi bitagira ikiguzi ndetse basura n'imwe mu miryango yagiye igirwaho ingaruka n'ibi biza.

Source : https://yegob.rw/abagize-itsinda-rya-kigali-boss-babes-bakoze-igikorwa-cyurukundo-mu-gace-karimo-abagizweho-ingaruka-nibiza/

Gusenga cyangwa kuvuga Imana ni icyaha gihanwa n'amategeko, dore bimwe mu bintu bidasanzwe utari wumva ahandi hantu ku isi biba muri Koreya ya ruguru

Mu Gihugu cya Koreya Ya Ruguru ni hamwe mu hantu haba ibintu byinshi biteye urujijo bitewe n'ubutegetsi bwaho ndetse n'imyemerere, muri ibyo tugiye kurebera hamwe mu bimwe muri ibyo bidasanzwe kurusha ibindi.

1. IYO UMUNTU 1 AKOZE ICYAHA, UMURYANGO WOSE URAHANWA

Muri Koreya ya ruguru iyo wibeshye ugakora icyaha, umuryango wawe wose ndetse nabawukomokaho bahanirwa icyo cyaha,nubwo ntaruhare naruto baba babigizemo.

Nibura hahanwa ibisekuru bita uvuye kuwakoze icyaha, Urugero: Sogokuru na nyogokuru wawe, ababyeyi bawe ndetse n'abana bose bavuka muri uwo muryango baryozwa icyaha umuntu umwe gusa yakoze.

2. HARI INYOGOSHO ZEMEWE KU GITSINAGABO CG IGITSINA GOSE

Umunyakoreya ya rugu yemerewe guhitamo bumwe mu bwoko yiyogosheshamo bungana na 18 ku bagabo ndetse na 15 ku bagore. Ubwo bwoko bw'inyogosho nibwo bwemewe gusa muri iki gihugu. Abasore ntibemerewe kugira umusatsi urenze 5cm naho abagabo bakuru ntibemerewe kurenza 6.9cm

Igitsinagore kitarashyingirwa gitegetswe kugira umusatsi mugufi kandi nticyemerewe kwambara amakoboyi.

3. Nta MANA IHABA

Koreya ya ruguru ni igihugu kitemera Imana ndetse niyibishamikiyeho. Ntarusengero narumwe ruhaba. Gusenga cg kuvuga Imana muri iki gihugu ni icyaha. Gutunga Bibiliya, kureba Film zo muri Koreya ya Majyepfo cg kureba Film z'urukozasoni ni icyaha gihanisha igihano cy'urupfu. Hari umugore wigeze gufatanwa bibiliya arafungwa ndetse aranicwa.

4.IKIRANGAMINSI(Calendar)

Muri Koreya ya Ruguru ubu bari mu mwaka 113 ntago ari muri 2023. Ikirangaminsi cyabo gishingiye ku ivuga ry'umuyobozi wabo wapfuye Kim II Sung not ari Yesu.

5. GUTUNGA IMODOKA

Abasirikare cg abakozi ba leta nibo bonyine bemerewe gutunga imodoka muri iki gihugu. Abasigaye bose bakoresha imodoka rusanga zitwara abagenzi, urugero: bus..

Source : https://yegob.rw/gusenga-cyangwa-kuvuga-imana-ni-icyaha-gihanwa-namategeko-dore-bimwe-mu-bintu-bidasanzwe-utari-wumva-ahandi-hantu-ku-isi-biba-muri-koreya-ya-ruguru/

Ikipe ya REG BBC yari ihagarariye u Rwanda mu mikino ya nyuma ya shampiyona Nyafurika, BAL (Basketball Africa League), yasezerewe itarenze umutaru nyuma yo gutsindwa na Al Ahly yo mu Misiri.

Nyuma y’amajonjora yabaye, guhera uyu munsi muri Kigali Arena hatangiye imikino ya 1/4 aho umukino wabimburiye indi Stade Malien yo muri Mali yatsinze Cape Town yo muri Afurika y’Epfo amanota 78-69.

Hahise hakurikiraho umukino wa REG BBC na Al Ahly warebwe na Perezida wa Repubulika y’u Rwanda, Paul Kagame aho yari kumwe na Madame Jeannette Kagame.

Ni umukino REG BBC yarushijwe uduce twose aho yatsinzwe amanota 94 kuri 77.

Agace ka mbere Al Ahly yagatsinze ku manota 23-18, aka kabiri igatsinda ku manota 23-14, amakipe yombi yanganyije amanota mu gace ka gatatu 21-21 ni mu gihe Al Ahly agace ka nyuma yagatsinze ku manota 27-23.

Adonis Filer wa REG BBC ni we watsinze amanota menshi aho yatsinze 26 ni mu gihe Saleh wa Al Ahly yatsinze 22.

Adonis yatsinze amanota 26

Abakinnyi na Al Ahly bashaka uko bazabira Thomas

Nshobozwabyosenumukiza ashaka aho atanga umupira

Axel Mpoyo ntako atagize

Ntabwo byari byoroshye

Perezida Kagame ari kumwe na Madame Jeannette Kagame barebye uyu mukino

Source : http://isimbi.rw/siporo/article/reg-bbc-yasezerewe-itarenze-umutaru-mu-mukino-warebwe-ba-perezida-kagame-amafoto

Umujyanama wa Biden mu bya gisirikare, Jake Sullivan, yavuze ko ejo kuwa Gatanu ari bwo Perezida Joe Biden, yamenyesheje bagenzi bo mu muryango wa G7 bari mu nama mu Buyapani ibijyanye no guha Ukraine izi ndege.

Ingabo za Amerika zizigisha abapilote ba Ukraine uko izi ndege zikoreshwa.

Ukraine yari imaze igihe kinini isaba indege zigezweho, Perezida Volodymyr Zelensky yabyishimiye avuga ko iyi ari intambwe y'akataraboneka mu rugamba ahanganyemo n'u Burusiya.

Amerika igomba kubanza kwemeza ko ibikoresho byaguzwe n'abanyaburayi muri iki gihugu bishobora kugurishwa ahandi, bikaba byafungurira amarembo ibindi bihugu yo koherereza Ukraine indege za F-16 zisanzwe ziri mu bubiko bwabyo.

Source : https://umuryango.rw/amakuru/mu-mahanga/umutekano/article/ukraine-kongera-imbaranga-ngo-ihangane-n-uburusiya-igiye-guhabwa-indege-z

Uyu mukino wabaye kuri uyu wa Gatandatu, tariki 20 Gicurasi 2023, ni wo wabimburiye indi muri iki cyumweru cy'ibirori bya Basketball biri kubera muri BK Arena kugeza tariki 27 Gicurasi 2023.

Stade Malien yayoboye Itsinda rya Sahara Conference ryakiniye mu Mujyi wa Dakar muri Sénégal ni na yo yahabwaga amahirwe imbere ya Cape Town Tigers yakiniye i Cairo mu Misiri mu Itsinda ryiswe Nile Conference.

Iyi kipe rero yawinjiyemo mbere ndetse itangira ishyiramo ikinyuranyo hagati yayo nako itsinda amanota menshi ibifashijwemo na John Wilkins.

Agace ka Mbere karangiye iyi kipe yo muri Mali iyoboye umukino n'amanota 31 kuri 15 ya Cape Town Tigers.

Mu gace ka Kabiri, Cape Town Tigers yakomeje kurushwa kuko iyi kipe yatakazaga imipira myinshi ndetse n'iyo iteye ntikunde ngo yinjire mu gakangara.

Aliou Diarra wa Stade Malien yatangiye kwinjira mu mukino ari nako yatsindaga amanota menshi yiganjemo 'rebounds'.

Igice cya Mbere cyarangiye Stade Malien yatsinze Cape Town Tigers amanota 48-30.

Iyi kipe yo muri Afurika y'Epfo yagarukanye imbaraga mu Gace ka Gatatu, itangira gutsinda amanota menshi binyuze ku bakinnyi bayo nka Samkelo Cele ndetse na Pieter Prinsloo.

Iyi kipe yakomeje kugerageza kugabanya ikinyuranyo ariko mu minota ibiri ya nyuma Stade Malien yabonye 'lancer franc' ebyiri Souleymane Berthe azitsinda neza.

Aka gace karangira iyi kipe ikiyoboye umukino n'amanota 64 kuri 52 ya Cape Town Tigers.

Cape Town Tigers yari yamaze kwigarurira imitima y'abari muri BK Arena, yabyaje umusaruro uwo murindi ari nako yakomezaga kurusha Stade Malien gusa itarakuramo ikinyuranyo cy'amanota yari yashyizwemo.

Mu minota ibiri ya nyuma Stade Malien yatsinze amanota menshi by'umwihariko ku ruhande rwa Diarra.

Umukino warangiye Stade Malien itsinze Cape Town Tigers amanota 78-69 igera muri ½ aho igomba gutegereza ikipe iva hagati ya Al Ahly na REG BBC zisobanura Saa Moya n'Igice.

Source : https://umuryango.rw/imyidagaduro/imikino/article/bal2023-stade-malien-itsinze-umukino-wayo-na-cape-town-tigers-biyerekeza-muri

Ni imyigaragambyo byari biteganyijwe ko ibera i Kinshasa, nyuma yo guhabwa umugisha n'ubuyobozi bw'uyu mujyi.

Kuva mu masaha y'igitondo abapolisi ndetse n'abasirikare benshi bari barunzwe mu duce byari byitezwe ko abatavuga rumwe n'ubutegetsi baza kwigaragambirizamo.

Utu turimo nk'akitwa Avenue Kianza gahuza amakomini ya Lemba na Ngaba; gusa inzego z'umutekano zanze ko abigaragambya bahakandagira, bijyanye n'uko amasasu, ibyuka biryama mu maso, ikiboko ndetse no guta muri yombi byarimo bivuza ubuhuha.

Abayobozi muri Opozisiyo ya Congo bahageze bahahuriye n'urugomo rukomeye.

Umunyapolitiki Matata Ponyo wahoze ari Minisitiri w'Intebe wa RDC uri mu bari bateguye iriya myigaragambyo, yavuze ko “yemwe no ku bwa Perezida Kabila ntitwigeze tubona ibintu nka biriya.”

Moïse Katumbi na we wari i Kinshasa we yunzemo ati: “Birababaje cyane, bari kurasa n'ibyuma biryana mu maso, bari babanje kurasa amasasu ya nyayo kandi ibi byose ni Tshisekedi.”

Amashusho yashyizwe hanze yerekana abanyapolitiki bo ku ruhande rutavuga rumwe n'ubutegetsi muri Congo baterana amagambo n'abashinzwe umutekano bashakaga kuburizamo imyigaragambyo; rimwe na rimwe hakazamo n'ibitutsi.

Muri ayo mashusho hari aho umupolisi wa Congo yumvikanye abwira umunyapolitiki Delly Sesanga ko yamurasa mu gihe yaba arenze umurongo.

Ku mbuga nkoranyambaga kandi hiriwe hazenguruka amashusho y'abari bitabiriye imyigaragambyo bahondagurwa na Polisi, ay'abicwaga urubozo ndetse n'ayabari bakomeretse.

Ku bwa Delly Sesanga, ibyabaye “ni imbogamizi” ku myigaragambyo abanye-Congo bemererwa n'itegekonshinga bagombaga gukora.

Muri iriya myigaragambyo kandi ababarirwa muri mirongo batawe muri yombi, aba bakaba barimo n'Umunyamabanga Mukuru w'ishyaka rya Delly Sesanga.

Source : https://umuryango.rw/amakuru/mu-mahanga/umutekano/article/kinshasa-polisi-na-n-igisirikare-biriwe-bahanganye-na-opozisiyo-mu-gihe-amatora

Abategura iyi Marathon yitiriwe amahoro bavuze ko kugeza ubu abagera ku 2000 barimo Abanyarwanda n'abanyamahanga ari bo bamaze kwiyandikisha mu gihe hasigaye ibyumweru bitatu ngo isiganwa ribe.

Ku nshuro ya mbere mu mateka ya Marathon Mpuzamahanga ya Kigali, izitabirwa n'abakinnyi icyenda basanzwe bitabira amasiganwa akomeye ku Isi nk'uko byagarutsweho n'Umuyobozi ushinzwe ibijyanye na Tekinike muri RAF, Ndacyayisenga John Peter.

Yongeyeho ko kuzamura umubare w'ibihembo bisanzwe bitangwa muri Kigali International Peace Marathon biri mu bizatuma abakinnyi bakomeye bazajya bitabira.

Uyu mwaka hitezwe abarimo Umunya-Ethiopia Muluhabt Tsega wegukanye umwanya wa kabiri muri Copenhagen Marathon ndetse akaba yaritwaye neza muri Hangzhou Marathon Champion. Hari kandi Berhanu Heyem na we ukomoka muri Ethiopia, Eric Kiprono Kiptanui wo muri Kenya na Merhawi Kesete ukomoka muri Eritrea.

Perezida w'Ishyirahamwe ry'Imikino Ngororamubiri mu Rwanda (RAF), Rtd.Lt.Col. Kayumba Lemeul, yavuze ko imyiteguro igeze kure, ashishikariza abatariyandikisha kubikora hakiri kare dore ko kuri ubu bisigaye bikorerwa kuri 'internet'.

Nyuma yo kuzamura ibihembo, ubu uwa mbere muri 'Full Marathon' akaba azabona ibihumbi 20$ mu bagabo n'abagore, Kigali International Peace Marathon ni isiganwa rya gatatu rihemba amafaranga menshi muri Afurika.

Isiganwa rya mbere muri Afurika ni Marathon ya Nairobi ihemba ibihumbi 60$ ku mukinnyi wa mbere mu gihe iya Lagos ihemba ibihumbi 30$.

Source : https://umuryango.rw/imyidagaduro/imikino/article/kigali-international-peace-marathon-izitabirwa-n-abarenga-ibihumbi-10

Ishuri Rikuru Gatolika ry'i Kabgayi, ICK nk'urwego rukora ubushakashatsi rwatangiye gushyiraho akarwo kugira ngo iyo ntego igerweho binyuze mu gutekereza imishinga itandukanye yo kongerera gaciro ibikomoka ku buhinzi.

Mu marushanwa yateguwe na HEC ku mishinga y'amashuri makuru na za kaminuza ijyanye na Siyansi, Ikoranabuhanga, 'Engeneering' n'imibare, ICK yari ifitemo imishinga itandukanye yo kongerera agaciro umusaruro w'ubuhinzi bw'urutoki.

Umwe mu mishinga wagaragajwe na Habanabashaka Malachie wari uhagarariye iki kaminuza, ni uwo kubyaza umusaruro umutumba w'insina ugakorwamo impapuro zifashishwa mu gukora envelopes [impapuro zo gupfunyikamo] ibintu bitandukanye.

Mu mishinga itanu yahembwe uwa ICK wabaye uwa kabiri uhabwa miliyoni 4Frw.

Umuyobozi w'Ishami rya Siyansi n'Iterambere muri ICK, unafasha abanyeshuri gukora ubushakashatsi, Dr Simpunga Innocent yavuze ko mu gihe leta yari imaze guca amashashi mu kubungabunga ibidukikije, babonye ko abantu bari kwirwanaho mu gushaka ibyo gupfunyikamo, bashaka uko iki kibazo bagikemura.

Ati 'Tumaze gusoma tukabona ko imitumba y'insina ishobora kuvamo impapuro, natwe twaragerageje tubona byashoboka, dutanga umushinga mu Kigo cy'Igihugu cy'Imiyoborere, RGB kinadutera inkunga ngo dukomeze twagure ubwo bushakashatsi.'

Kuri ubu 90% by'ingo zo mu Rwanda zihinga urutoki ndetse igihugu gifite gahunda zo kongera ubuso bw'ubutaka buhingwaho bukava kuri hegitari ibihumbi 635 bwariho mu 2017, bukagera ku bihumbi 980 mu 2024, ibyumvikana ko n'ubuhingwaho urutoki buziyongera.

Iyo mitumba yera kuri icyo gihingwa iyo idahawe inka nta bundi buryo ibyazwamo umusaruro, Dr Simpunga akavuga ko kuri ubu bari gushaka inkunga ngo babe bashinga uruganda rukora bene izo mpapuro [envelopes] ku bwinshi, byakunda rukaba rwanajyanwa mu cyanya cy'inganda i Masoro.

Ati 'Tugomba guteza imbere umutumba w'insina ugafasha abantu kubona ibyo bapfunyikamo aho kwifashisha impapuro z'amakayi y'abana babo. Impapuro zacu zuzjuje uburinanenge kuko zinabungabunga ibidukikije.'

Iyo bagiye gutunganya umutumba w'insina barabanza bakawupima bakamenya ingano y'amazi ufite, ubundi bakawuhondahonda ayo mazi agashiramo.

Nyuma bazana indi mashini iwurambura neza, bakongeramo za acide zitandukanye zikamuramo imyanda n'amakakama yose, hanyuma bakayanika bakoresheje imashini zabugenewe.

Iyo urwo rupapuro rwumye neza batangira kuruzinga mu ishusho bashaka ko envelope izaba imezemo hanyuma igatangira gukoreshwa.

Ubu bushakashatsi bugirwamo uruhare n'abarimu ndetse n'abanyeshuri ba ICK binyuze mu kigo yashinze cya Kabgayi Business Incubation Center, aho ibyo abanyeshuri biga mu ishuri bahita bajya kwerekwa uko bishyirwa mu bikorwa.

Bakoreye ubushakashatsi mu turere dutandukanye turimo Muhanga, Ngororero, Ruhango n'utundi tweramo insina, Dr Simpunga akavuga ko bashaka kwagura, bakagera no mu Ntara y'i Burasirazuba yera urutoki ku bwinshi.

Uretse imitumba y'insina ICK itunganya n'ibitoki mu buryo butandukanye aho bimwe bikorwamo inzoga, ibindi nk'iby'inyamunyo bikumishwa bakabisya bikavamo ifu iba yakorwamo n'imigati.

Ibyo bikorwa byiyongera ku bundi bushakashatsi kuri ubu bakomeje gukurikirana bwo gutunganya imyanana y'insina ikaribwa nk'imboga.

Dr Simpunga ati 'Igihe twabonye isoko, tuzajya dufata imodoka nini tujye kugurira iyo mitumba abahinzi b'urutoki. Turashaka ko niba tugeze ku muhinzi tuzajya tumugurira umutumba, igitoki n'umwanana w'insina.'

Amarushanwa ya HEC ngo yabaye icyitegerezo ku buryo abayobozi ba ICK bagiye gushyiraho amarushanwa ku banyeshuri.

Uzajya ugira igitekerezo cyavamo umushinga ushingiye ku guteza imbere ubuhinzi n'izindi nzego azajya ahembwa.

Ati 'Tukawujyana mu kigo cyacu cy'ubushakashatsi (Centre Universitaire de Recherche Professionnelle) nyuma umwana tukaba twamufasha no kuwushyira mu bikorwa.'

Kuri ubu bafite imbogamizi zirimo kubona imashini zifite ubushobozi bwo gutunganya imitumba myinshi, n'izitera amarangi kuri izo envelopes zakozwe.

Ni imbogamizi ziyongera ku kubona abakozi bazobereye mu by'inganda bashobora kwifashishwa mu kwigisha abandi.

ICK igeze kure mu gutunganya imitumba y’insina igakorwamo impapuro zo gupfunyikamo

Ni urupapuro rushobora gutwarwamo ibicuruzwa bitandukanye

ICK irashaka kubaka uruganda rukora impapuro zo gupfunyikamo [envelopes] ku bwinshi

---

Source : http://igihe.com/amakuru/u-rwanda/article/ibyihariye-ku-mushinga-wa-ick-wo-gukora-impapuro-zo-gupfunyikamo-mu-mitumba-y