Category: Uncategorized

Umukino waraye ubaye ,ubujije amahirwe ikipe ya Kiyovu Sports amahirwe yo gutwara igikombe cya Shampiyona, aho yatsinzwe igitego 1-0 n'ikipe ya Sunrise FC y'Inyagatare.

Uyu mukino waraye ubereye i Nyagatare , aho ikipe ya Sunrise yakiraga Kiyovu Sports ku munsi 29 wa shampiyona,byasabaga Kiyovu Sports gushaka byibuza inota rimwe muri uyu mu kino ariko birangira itahanye intimpa n'agahinda i Kigali.

Uyu mukino kandi wari witabiriwe cyane n'abafana banakoze urugendo rurerure rw'ibilometero 165 bafite icyizere ko bahakura impamba izatuma bakira Rutsiro FC ku munsi wa nyuma bizeye kuzamura Igikombe cya Shampiyona baheruka mu myaka 30.

Gusa si ko byaje kugenda kuko ku munota wa 70, Rutahizamu Yafesi Mubiru yatsinze igitego rukumbi cyagaragaye muri uyu mukino ku mupira yazamukanye mu ruhande rw'iburyo akareba uko umunyezamu Kimenyi Yves yegereye imbere akamurenza umupira inshundura zikanyeganyega.

Ku munota wa 74, Kiyovu Sports yari igiye kubona impozamarira kuri penaliti gusa Umunya-Uganda, Erisa Ssekisambu, ayitera hejuru y'izamu.
Ubwo Umusifuzi yahuhaga mu ifirimbi ko umukino urangiye; abayobozi, abakunzi n'abafana ba Kiyovu Sports bashenguwe n'agahinda nyuma yo gutakaza icyizere cyo kwegukana igikombe cya Shampiyona baherukaga mu myaka 30.

Perezida wa Kiyovu Sports Limited, Mvukiyehe Juvenal, yari yicaye agaragiwe na bamwe mu nshuti ze ababaye cyane nyuma yo guha Kiyovu Sports ibyo yari ikeneye byose ariko ku munota wa nyuma ikaba ishobora gusoza umwaka wa 2022-23 nta gikombe na kimwe yegukanye.

Perezida w'Umuryango wa Kiyovu Sports, Ndorimana Jean François Régis 'General', we yipfutse mu maso nyuma yo kubona ibyari bimaze kuba ku Ikipe ye.

Abafana bo basutse amarira kuri uyu munsi wari uw'agahinda mu gihe abakinnyi n'abafana ba Sunrise FC ku rundi ruhande bari mu birere bishimira intsinzi.

Kiyovu Sports izakira Rutsiro FC tariki 28 ku munsi wa 30 wa shampiyon ari nawo wa nyuma mu gihe APR FC yo izaba yakiriwe na Gorilla FC. Rayon Sports yo izasoreza i Nyagatare yakirwa na Sunrise FC.

Source : https://umuryango.rw/imyidagaduro/imikino/article/abayovu-bararanye-intimba-n-agahinda-nyuma-yo-gusiga-igikombe-inyagatare

Perezida wa Ukraine yabivugiye mu ruzinduko i Hiroshima mu Buyapani, mu nama y'itsinda ry'ibihugu birindwi bikize cyane ku isi rizwi nka G7.

Mbere yaho, Yevgeny Prigozhin yashinze itsinda ry'abacanshuro rya Wagner yari yavuze ko iri tsinda ryigaruriye uyu mujyi wo mu burasirazuba bwa Ukraine.

Ariko abo mu gisirikare cya Ukraine babwiye BBC ko igisirikare cya Ukraine kikigenzura inyubako nkeya zo mu nkengero y'uwo mujyi.

Mu kiganiro n'abanyamakuru ku munsi wa nyuma w'iyo nama ya G7, Zelensky yanze gutanga amakuru yose y'uko ibintu bimeze.

Ariko yavuze ko uwo mujyi, kuva mu kwezi kwa Kanama (8) umwaka ushize uberamo urugamba rwa mbere rumaze igihe kirekire kandi rwiciwemo abantu benshi cyane muri iyi ntambara, “utigaruriwe” n'Uburusiya “kugeza uyu munsi”.

Zelensky yagereranyije Bakhmut na Hiroshima, yagabweho igitero cy'igisasu kirimbuzi mu ntambara ya kabiri y'isi, asezeranya “kongera kubaka” igihugu cye nkuko Ubuyapani bwabigenje.

Mbere yaho ku cyumweru, yasuye urwibutso rw'amahoro rwa Hiroshima Peace Memorial Park ari kumwe na Minisitiri w'intebe w'Ubuyapani Fumio Kishida — aho Leta Zunze Ubumwe z'Amerika zasutse igisasu kuri uwo mujyi mu 1945.

Zelensky yahashyize indabo mu kwibuka abiciwe muri icyo gitero.

Nyuma yo guhura na Kishida, yateye intambwe yerekeza mu cyumba cy'inama cy'urwo rwibutso rw'amahoro, kuganira n'abanyamakuru.

Ubwo yinjiraga, umunyamakuru umwe w'umugore yateye hejuru agira ati: “Slava Ukraini [Icyubahiro kuri Ukraine]”. Zelensky yikirije n'umutwe yemeranya na we.

Zelensky yagiye atanga ingero nyinshi z'aho Hiroshima ihuriye na Ukraine, avuga ko amafoto y'uwo mujyi wo mu Buyapani nyuma yuko wari umaze kuraswaho igisasu, amwibutsa Bakhmut y'uyu munsi.

Yasezeranyije ko hazabaho “kongera kubaka” Ukraine nk'uko byagenze ku Buyapani.

Yagize ati: “Ubu Hiroshima yongeye kubaka umujyi wayo, kandi dufite inzozi zo kongera kubaka imijyi yacu”.

Source : https://umuryango.rw/amakuru/mu-mahanga/politiki/article/zelensky-yabeshyuje-amakuru-avuga-ko-bakhmut-yigaruriwe-n-uburusiya

Imbere y'imbaga y'abari bitabiriye misa mu rubuga rwa mutagatifu Petero, Papa Fransisiko yavuze ko ahamagariye umuryango mpuzamahanga gukora ibishoboka byose ngo ushyigikire imishyikirano muri iki gihugu kugira ngo umubabaro abantu bakomeje guhura na wo uhagarare.

Intambara hagati y'ingabo za leta n'umutwe wa Rapid Support Forces uyirwanya imaze gusenya ibitari bike. Ku wa gatandatu impande zombi zasinyanye amasezerano yo guhagarika intambara mu gihe cy'iminsi irindwi uhereye kuri uyu wa mbere. Papa Franciso yasabye abantu kutamenyera intambara yongera gusaba ko abantu bo muri Ukraine bakomeza gutabarwa.

Papa yasabye Karidinali Matteo Zuppi, ukuriye inama y'abasenyeri mu Butaliyani gutangiza gahunda y'amahoro yo gufasha kurangiza intambara muri Ukraine. ku wa gatandatu w'iki cyumweru dusoje umwe mu bakora mu byerekeye diplomasi muri Vatikani yatangaje ko Zuppi ahita abonana na Perezida Volodymyr Zelenskiy wa Ukraine na Perezida Vladimir Putin w'Uburusiya.

Source : https://umuryango.rw/amakuru/mu-mahanga/umutekano/article/papa-fransisiko-yongeye-gutabariza-sudani-yugarijwe-n-akaga-k-intambara

Iyi nama yabahuje uko ari batatu yabaye mu gihe bari bitabiriye inama y'abagize ibihugu 7 bikize kurusha ibindi ku isi, G-7 ibera, i Hiroshima mu Buyapani.

Uyu muhuro kandi wagaragaye nk'ikimenyetso cy'ubucuti hagati y'Amerika n'ibi bihugu ukomeje gutera imbere.

Bimwe mu byo baganiriye harimo ikibazo cy'Ubushinwa bukomeje gushaka ijambo mu gace buherereyemo no ku isi muri rusange, n'icya Koreya ya Ruguru ikomeje gukangisha ibya nukiliyeri n'ibisasu bya misile.

Ibi bibazo uko ari bibiri byatumye Amerika, Ubuyapani na Koreya y'Epfo birushaho kunga ubucuti.

Prezidansi y'Amerika yatangaje ko abakuru b'ibihugu baganiriye ku byerekeye kongera urugero rw'ubufatanye mu bya gisirikare hagati y'ibi bihugu, gushyiraho ingamba zo gukurikiranira hafi no gukaza murego mu gucunga umutekano mu gace ibyo bihugu biherereyemo.

Source : https://umuryango.rw/amakuru/mu-mahanga/politiki/article/amerika-ubuyapani-na-koreya-y-epfo-byateye-indi-ntambwe-mu-mubano-wabyo

Nkuko bigaragazwa na minisiteri y'uburezi ivuga ko yakwishyurira nibura 15% by'abanyeshuri bashaka kwinjira muri Kaminuza bitewe n'ingengo y'imari nke .Abanyeshuri 7000 nibo bazahabwa Buruse na leta mu bihumbi 46 byujuje ibisabwa byo kuzihabwa.

Umuyobozi Mukuru w'Inama Nkuru y'Amashuri Makuru na za Kaminuza [HEC], Dr Rose Mukankomeje, aherutse gutangaza ko kuba amafaranga agenerwa kwishyurira abanyeshuri buruse yaragabanutse, bizagira ingaruka zikomeye ku mubare w'abajya muri kaminuza.

Ati 'Ni ukuvuga ngo umubare w'abo twishyurira uzaba muto ugereranyije n'uwo twari dufite. Kandi mu by'ukuri abanyeshuri barangije amashuri yisumbuye bujuje ibisabwa byo kujya muri kaminuza ni ibihumbi 46.'

'Ariya mafaranga baduhaye, ntabwo dushobora kwishyurira na 15% ba bariya bantu. Ikindi buriya imikorere ya Kaminuza y'u Rwanda nayo igendera kuri ayo mafaranga ya buruse, none umubare w'abanyeshuri nuba muke nayo ntabwo izabasha gukora neza kuko izinjiza make.'

Mu gihe leta yaba yishyuriye 15% by'abujuje ibisabwa uko ari ibihumbi 46, bivuze ko baba bangana na 6900. Ikinyuranyo cyaba ari ibihumbi birenga 39 baba batabonye buruse.

Abanyeshuri bishyurirwa buruse na leta kugira ngo bajye gukomeza amasomo, barimo ababa barangije amashuri yisumbuye bagomba gukomeza icyiciro cya mbere cya kaminuza [Bachelor], abakomeza icya kabiri [Masters] ndetse n'abajya gushaka impamyabushobozi y'ikirenga [PhD].

Mu baba bararangije icyiciro cya mbere bakeneye gukomeza muri 'Masters cyangwa PhD, akenshi baba ari abakozi ba leta barimo abarimu, abaganga, abiga za siyansi n'andi masomo aba akeneye abahanga bayaminuje mu bihugu bitandukanye.

Leta ishoramo akayabo kuko nko mu 2022/23, miliyari 52,7 Frw zari zagenewe iyi gahunda yo kwishyurira buruse abiga imbere mu gihugu no hanze yaho.
Minisiteri y'Uburezi igaragaza ko kugira ngo mu mwaka utaha wa 2023/24 ibashe gushyira mu bikorwa iyo gahunda, ikeneye miliyari 55,4 Frw.

Ku rundi ruhande ariko, binyuze mu gusaranganya ingengo y'imari, amafaranga yabonetse ni miliyari 45 Frw. Ni ukuvuga ko harimo icyuho cya miliyari 10 Frw.
Nko muri ayo mafaranga harimo miliyoni 864 Frw zizakoreshwa mu kwishyurira abarimu basanzwe bari mu kazi kugira ngo babashe gukomeza mu bindi byiciro bya kaminuza.

Amafaranga yari akenewe mu kwishyurira abajya kwiga ubumenyi bukenewe mu buryo bwihutirwa mu mahanga, abajya kwiga za Masters na PhD muri UR, ho hari hakenewe miliyari 6,5 Frw ariko habonetse miliyari 5,8 Frw.

Minisitiri w'Uburezi Dr Uwamariya Valentine aherutse kubwira Abadepite bagize Komisiyo y'Ingengo y'Imari n'Umutungo by'Igihugu, ko gushyira amafaranga make muri iyi gahunda bigira ingaruka zitandukanye.

Ati 'Imbogamizi ya mbere ndetse iraza no kugira ingaruka ku banyeshuri bashya binjira muri Kaminuza bazatangira mu kwezi gutaha ni uko umubare w'abanyeshuri bahabwa inguzanyo uzagabanuka, ushobora kuzagabanuka n'abinjira muri kaminuza bakagabanuka kubera ko abenshi baba bategereje kubona inguzanyo.'

Ubushakashatsi buheruka ku mibereho y'ingo bwagaragaje ko mu Banyarwanda barangiza amashuri yisumbuye, nibura 3,3% babasha gukomeza muri za kaminuza.
HEC igaragaza ko ifite umubare munini w'abanyeshuri benshi bashaka kwinjira muri 'Masters' by'umwihariko abo mu rwego rw'ubuzima.

Source : https://umuryango.rw/amakuru/mu-rwanda/uburezi/article/biravugwa-ko-ibihumbi-30-bitazishyurirwa-muri-kaminuza-y-u-rwanda-uyu-mwaka

Itsinda rya Sauti Sol ryo muri Kenya ryatangaje ko rigiye gukora ibitaramo bya nyuma mbere y'uko ritandukana 'kugeza igihe kitazwi', inkuru benshi bagaragaje ko ibababaje cyane.

Iri ni itsinda rya muzika rikomeye kandi rizwi cyane mu karere rimaze imyaka hafi 20 rikorana muzika, rigizwe n'abasore bane Bien-Aimé Baraza, Willis Chimano, Polycarp Otieno, na Savara Mudigi.

Mu itangazo ku rubuga rwa Instagram, iri tsinda ryavuze ko ibitaramo bagiye gukorera muri Amerika, i Burayi, na Canada ari 'amahirwe ku bafana' yo kubona Sauti Sol hamwe 'inshuro ya nyuma'.

Abafana benshi ba muzika yabo mu karere, by'umwihariko iwabo muri Kenya, bagaragaje ko bababajwe no gutandukana kw'aba bagabo bakunzwe mu ndirimbo zitandukanye nka; Suzanna, Kuliko Jana, Melanin, Isabella, Nerea, cyangwa Unconditionally Bae.

Ku itangazo ryo gutandukana kwabo,umwe mu bakunzi babo yagize ati: 'Bagabo nimwiyunge, turabakunda rwose…muri ishusho y'umuziki wa Kenya…ndababaye'

Undi ati: 'Iki gitekerezo ndagisibye, Sauti Sol ni yo 'band' yonyine muri Africa uretse na Kenya…Iki gitekerezo ndagisibye.'

Undi ati: 'Ibi rwose ntabwo mbyiteguye'.

Naho undi ati: 'Nimutandukana umuntu wenyine uzakomeza akabishobora ni Bien..'

Undi ati: 'Nyabuneka nimuzenguruke bimwe mu bihugu byacu bya Africa mbere y'uko mutandukana. Africa irabakunda igakunda na muzika yanyu.'

Nta mpamvu izwi itumye iri tsinda rya muzika rigiye guhagarika gukorera hamwe, gusa abarigize bavuze ko bazakomeza kuba inshuti no guhuzwa n'imishinga bafitanye hamwe.

Bavuze ko mu mpera z'uyu mwaka bazakora igitaramo cya nyuma ku bakunzi babo muri Kenya.

Source : https://umuryango.rw/imyidagaduro/article/abanyafurika-bose-bazababara-inkuru-mbi-ku-itsinda-rya-sauti-sol-riri

Today, we shall list the top 10 richest people or […]

The post Richest Man in Kenya 2023 Forbes Top 10 People appeared first on UGWIRE.

Source : https://ugwire.com/richest-people-kenya/

Impera z’icyumweru zagenze neza kuri bamwe mu bakinnyi b’abanyarwanda bakina hanze yarwo, aho Rubanguka Steve na FC Zimbru yo muri Moldova basoje shampiyona bakatishije itike yo gukina UEFA Europa Conference League, ni mu gihe Yannick Mukunzi na Mutsinzi Ange Jimmy batsindiye amakipe yabo.

Muri iyi nkuru tugiye kureba uko amwe mu makipe akinamo abanyarwanda hanze yarwo yitwaye mu mpera z’icyumweru.

Mukunzi Yannick & Byiringiro Lague

Sandvikens IF ikinamo abanyarwanda 2, Yannick Mukunzi yasoje icyumweru neza inyagira Sylvia 4-0 harimo n’icya Mukunzi Yannick cyo ku munota wa 60 kikaba icya kabiri, yagitsinze ku mupira wari uvuye muri koruneri.

Ni umukino wabaye ejo hashize ku Cyumweru tariki ya 21 Gicurasi 2023, Yannick Mukunzi yari yagarutse mu kibuga nyuma y’imvune yatumye adakina imikino 2 itambutse. Byringiro Lague yinjiye mu kibuga asimbura. Sandvikens IF ubu iri ku mwanya wa 2 n’amanota 19 mu gihe Dalkurd ya mbere ifite 24.

Rafael York

Rafael York ku wa Gatanu yakinnye iminota 90 mu mukino ikipe ye ya Gefle IF mu cyiciro cya kabiri muri Sweden yanganyijemo na Brage 1-1.
Gefle ubu iri ku mwanya wa 8 n’amanota 11, Utsikten ya mbere ifite 17.

Mutsinzi Ange Jimmy

Mutsinzi Ange Jimmy yari mu kibuga ubwo ikipe ye ya FK Jerv yanganyaga na Kristiansund 1-1 mu mukino w’umunsi wa 9 wa shampiyona y’icyiciro cya mbere muri Norway.

Ni umukino wabaye ejo hashize aho uyu munyarwanda ari we wishyuriye ikipe ye ku munota wa 71, ni igitego bari batsinzwe ku munota wa 52 na Mawa.

Iyi kipe iri ku mwanya wa 14 n’amanota 9, Kristiansund ya mbere ifite 17.

Haruna Niyonzima

Kapiteni w’ikipe y’igihugu Amavubi, Haruna Niyonzima ukinira Al Ta’awon yari mu kibuga ku wa Gatanu ubwo ikipe ye yatsindaga Shabaab al Jabal 2-1. Ubu bari ku mwanya wa 8 n’amanota 20 mu makipe 10, Al Ahli Benghazi ya mbere ifite 29.

Imanishimwe Emmanuel Mangwende

Uyu mukinnyi w’umunyarwanda yari mu kibuga ku wa Gatandatu ubwo ikipe ye FAR Rabat muri Maroc yari yakiriye ikananganyaga na Al Wahda yo muri Leta Zunze Ubumwe z’Abarabu 0-0 mu gikombe cy’Abarabu. Umukino wo kwishyura uzaba tariki ya 24 Gicurasi 2023.

Rubanguka Steve

Byari ibyishimo kuri Rubanguka Steve ubwo we na Zimbru basozaga shampiyona banganya na CSF Bălți 1-1 ku wa Gatandatu w’icyumweru gishize, bahise basoza ku mwanya wa 3 aho bahise bakatisha itike yo gukina Europa League.

Meddie Kagere

Rutahizamu w’ikipe y’igihugu y’u Rwanda, Meddie Kagere ntabwo byagenze neza nyuma y’uko ejo hashize yatsinzwe na Yanga Africans 1-0 muri 1/2 cy’igikombe cy’igihugu. Meddie Kagere yari yabanje ku ntebe y’abasimbura.

Source : http://isimbi.rw/siporo/rubanguka-steve-yakatishije-itike-ya-europa-conference-league-mukunzi-na-mutsinzi-batsindira-amakipe-yabo-amafoto

Perezida Paul Kagame, aritabira itmuhango wo gutangiza ku mugaragaro uruganda rutunganya Peteroli rwa mbere runini ku Isi rwubatswe muri Afurika, kuri uyu wa Mbere tariki 22 Gicurasi 2023.

Umukuru w'igihugu aritabira uyu muhango mu buryo bw'ikoranabuhanga.

Ni uruganda rwubatswe n'Umuherwe wa mbere muri Afurika Aliko Dangote, rukaba rwaruzuye rutwaye miliyari 19 z'amadolari y'Amerika mu gace ka Ibeju-Lekki mu Mujyi wa Lagos, muri Nigeria.

Uruganda rurafungurwa ku mugaragaro na Perezida wa Nigeria Muhammadu Buhari, ari kumwe na Aliko Dangote n'abandi Bakuru b'Ibihugu by'Afurika bitabiriye imbonankubone.

Mu bitabiriye imbonankubone harimo Perezida wa Togo Gnassingbé Eyadéma, Perezida wa Ghana Nana Akufo-Addo, Perezida wa Senegal Macky Sall, Perezida wa Repubulika ya Niger Mohamed Bazoum, Perezida wa Chad Mahamat Déby n'Abambasaderi batandukanye.

Imvaho nshya yanditse ko Perezida Kagame witabira uyu muhango yifashishije ikoranabuhanga, yitezweho kugeza ijambo ku bawitabiriye aho anashimira Nigeria intambwe itewe ku mugabane w'Afurika, mu birebana no kwitunganyiriza umutungo kamere wayo.

Urwo ruganda rufite ubushobozi bwo gukora ingunguru za lisansi 650,000 ku munsi, rwubatswe kuri hegitari 2,635 ziri mu cyanya cyahariwe inganda cya Dangote i Ibeju-Lekki.

Urwo ruganda rugiye guha imirimo abantu barenga 100,000 rukaba rugiye gukura igihugu cya Nigeria mu ruhando rw'ibihugu bikize kuri Peteroli ariko bikaba ari byo bitumiza mu mahanga ingano y'umurengera y'ibikomoka kuri Peteroli.

Uyu muhango kandi witezweho kwitabirwa na ba Guverineri 36 bo muri Nigeria, ba Minisitiri, Abasenateri ndetse n'abayobozi b'inganda zitandukanye muri Nigeria, muri Afurika n'abaturutse ku yindi migabane.

Ni umuhango kandi witabirwa n'abacuruzi mpuzamahanga b'ibikomoka kuri Peteroli, abahagarariye amabanki, ibigo mpuzamahanga, n'abandi banyacyubahiro batandukaye.
Ni uruganda rwitezweho guhaza isoko rya Nigeria rudasize n'ayo mu bihugu by'abaturanyi, ndetse ikazajya yoherezwa ku masoko yo hanze y'Umugabane.

Urwo ruganda rwitezweho gutanga umusanzu ukomeye mu rugendo rwo kwimakaza Isoko Rusange ry'Afurika (AfCFTA), cyane ko ibihugu by'Afurika birenga 50 byose bikoresha ibikomoka kuri Peteroli byatumijwe hanze y'Afurika.

The post Perezida Kagame yitezwe mu muhango wo gufungura uruganda rwa Peteroli muri Nigeria appeared first on FLASH RADIO&TV.

Source : https://flash.rw/2023/05/22/perezida-kagame-yitezwe-mu-muhango-wo-gufungura-uruganda-rwa-peteroli-muri-nigeria/?utm_source=rss&utm_medium=rss&utm_campaign=perezida-kagame-yitezwe-mu-muhango-wo-gufungura-uruganda-rwa-peteroli-muri-nigeria

Imwe mu nkuru zirimo kuvugwa cyane muri siporo y’u Rwanda ni Kiyovu Sports yaraye ibambiwe i Golgotha itsindwa na Sunrise FC 1-0 maze amahirwe ku gikombe arayoyoka.

Wari umukino w’umunsi wa 29 wa shampiyona y’icyiciro cya mbere mu Rwanda ubanziriza uwa nyuma aho wasize APR FC ifashe umwanya wa mbere nyuma yo gutsinda Rwamagana City ikagira amanota 60 inganya na Kiyovu ariko ikayirusha umubare w’ibitego izigamye.

Ni umukino amakipe yombi yagombaga gutsinda kuko Kiyovu Sports byari kuyifasha kuguma mu rugamba rw’igikombe ni mu gihe Sunrise FC nayo byari kuyikura mu murongo utukura w’amakipe arwana no kutamanuka.

Sunrise FC yabigezeho ubu niyo yatsindwa umukino usoza shampiyona bazakiramo Rayon Sports, ntabwo yamanuka.

Ni umukino buri kipe yiteguye mu buryo bushoboka bwose aho Kiyovu yari yazamuriye abakinnyi agahimbazamusyi kakagera ku bihumbi 400 by’amafaranga y’u Rwanda mu gihe batsinda uyu mukino.

Ku ruhande rwa Sunrise FC, abakinnyi bari bamaze icyumweru nta telefoni bafite barazambuwe kuko bazambuwe ku wa Mbere w’icyumweru gishize ari nabwo bagiye mu mwiherero witegure uyu mukino.

Ikirenze kuri ibyo bari bakubiwe inshuro 2 agahimbazamusyi basanzwe babona aho kari kavuye ku bihumbi 35 kagera kuri 70.

Nyuma y’uyu mukino umwe mu bafana ba Sunrise FC akaba yahise aha abakinnyi ibihumbi 500 ngo babigabane akaba yari yaje ku kibuga ayitwaye.

Andi makuru adafitiwe gihamya ni uko na perezida wa Musanze FC, Tuyishimire Placide yavuganye n’ubuyobozi bwa Sunrise FC akabasaba gukora ibishoboka byose kugira ngo batsinde uyu mukino ko na we hari amafaranga azatanga y’agahimbazamusyi ayaha abakinnyi, ni nyuma yo kubabazwa n’amagambo yavuzweho na perezida wa Kiyovu Sports LTD, Mvukiyehe Juvenal.

Kiyovu Sports yatunguwe na Sunrise FC iyitsindira Golgotha Stadium

Source : http://isimbi.rw/siporo/article/abakinnyi-ba-sunrise-fc-icyumweru-nta-telefoni-ibumbi-400-biburizwamo-imbere-ya-70-maze-kiyovu-sports-ibambirwa-i-golgotha