Webrwanda Backend

Category: Uncategorized

  • BAL 2023:Stade Malien yegukanye umwanya wa 3 – #rwanda #RwOT

    Ni mu mukino wabaye Kuri uyu wagatanu ubera muri BK Arena,aya makipe yombi yakiniraga uyu mwanya wa 3 nyuma yo guysindirwa muri 1/2.

    ikipe ya Stade Malien yo muri Mali yari yatsinzwe na Al Ahly yo naho Petro De Luanda yo muri Angola yo yari yatsinzwe na AS Dounaes.

    Stade Malien niyo yinjiye mu mikino mbere itsinda amanota menshi binyuze ku mukinnyi wabo Aliou Diara. Petro De Luanda yakomeje kurushwa ariko bigeze mu minota yanyuma y’agace kambere yinyara mu isinzu itsinda amanota 5 yikurikiranya bituma igabanya intera dore ko yariri kurushwa amanota agera ku 10. 

    Agace kambere kahise karangira Stade Malien iyoboye n’amanota 20-15. Mu gace kakabiri Petro De Luanda byakomeje kwanga Dore ko mu minota 3 yambere Stade Malien yari yongeye gusubizamo ikinyuranyo cy’amanota 10.

    Igice cyambere cyagiye kurangira Petro De Luanda yongeye kwiyuburura ikora akazi gakomeye igabanya amanota yarushwaga hasigaramo 2 gusa,Stade Malien yarifite 36-34.

    Petro De Luanda yatangiranye igice cyakabiri imbaraga zidasanzwe dore ko mu minota 3 gusa yari yamaze gushyiramo ikinyuranyo cy’amanota 5 ivuye inyuma binyuze ku bakinnyi bayo bakoraga amanota 3 cyane.

    Agace ka gatatu karangiye Petro De Luanda iyoboye n’amanota 54 -50 Stade Malien.Agace ka 3 arinako kanyuma katangiye Stade Malien yakaniye kugira ngo yongere kuyobora umukino ariko bikayangira. Aliou Diara yakomeje kwugaragaza akora amanota menshi mu minota yanyuma bifasha Stade Malien kurangiza umukino iyoboye n’amanota 73-65 ihita inegukana umwanya wa 3.

    Ku munsi wejo hategerejwe umukino wanyuma uzaba saa kumi nebyiri aho Al Ahly yo mu Misiri izamanuka mu kibuga ikina na AS Dounaes yo muri Senegal.

    Source : https://inyarwanda.com/inkuru/129824/bal-2023stade-malien-yegukanye-umwanya-wa-3-129824.html

  • Igihe cyari iki! Senderi yakoze indirimbo Te… – #rwanda #RwOT

    Uyu muhanzi uzwi mu ndirimbo nka 'Twaribohoye' 'Ibidakwiriye nzabivuga', 'Iyo twicaranye tuvugana ibyubuka u Rwanda', yabwiye InyaRwanda ko yahimbye iyi ndirimbo agamije kumvikanisha umwihariko wa buri Murenge ugize Akarere ka Kirehe gaherereye mu Burasirazuba bw'u Rwanda

    Muri iyi ndirimbo avugamo, uburyo Umurenge wa Nyarubuye wihariye mu mabuye karemano utabona ahandi ku Isi ndetse n'ubworozi bw'inka zitanga umukamo.

    Anagaruka ku Murenge wa Nasho ugaragaramo ubuhinzi ntangarugero mu Rwanda, akanavuga ku Murenge wa Kigarama, Kigana na Kirehe n'umupaka wa Rusomo, ahagaragara ubucuruzi bw'urujya n'uruza rw'abantu.

    Ni mu gihe Umurenge wa Gahara na Gashongora na Cyunuzi hazwi cyane mu buhinzi bw'Inanasi n'umuceri, n'aho Musaza hazwi cyane nk'Umurenge ushyize imbere ubuhinzi bw'ikawa.

    Umurenge wa Mpanga, Mahama na Nyamugari, ni Imirenge igizwe n'abatunzi benshi, ahari inka za Kinyarwanda n'izakizungu.

    Uyu muhanzi muri iyi ndirimbo avuga ko mu Murenge wa Mushikiri na Gatore, hazwi cyane mu buhinzi bw'ibitoki mu Rwanda, kuburyo imirenge y'aho yera cyane.

    Akomeza ati 'Ndibutsa buri wese uri muri diaspora, i Kigali no mu Ntara uvuka muri iyi Mirenge kuzirikana ku ivuko, akibuka ibyeraga(Kwera) iwabo, n'ahakorerwa ubworozi, akamenya iterambere ry'aho akabigiramo uruhare.'

    Igihe cyari iki!

    Senderi ni umunyamuziki ubimazemo igihe kinini, kandi mu bihe binyuranye yagiye ahimba indirimbo zubakiye ku bumwe n'ubwiyunge, iz'urukundo, iz'amakipe, agakora n'indirimbo zigaruka kuri tumwe mu turere tw'u Rwanda.

     Avuga ko atari yaratinze gukora indirimbo igaruka ku ivuko rye, kuko yafashe igihe cyo kuyitegura no kuyitunganya, akubiramo iterambere ry'Akarere avukamo.

    Ati 'Ndi Intaganzwa y'Akarere ka Kirehe, Kireye Yacu, Kirehe yanjye, nafashe igihe cyo kwandika iyi ndirimbo nita cyane ku kureba umwihariko wa buri Murenge ari nabyo nakubiye muri iyi ndirimbo, rero igihe cyari iki cyo kuvuga aho navukiye, nakuriye…' 

    Senderi yashyize ahagaragara indirimbo ye nshya yise 'Tembera Kirehe'

     

    Muri iyi ndirimbo, Senderi yasabye abavuka i Kirehe kugira uruhare mu buzima bw'Akarere

    KANDA HANO WUMVE INDIRIMBO 'TEMBERA KIREHE' YA SENDERI HIT


    Source : https://inyarwanda.com/inkuru/129820/igihe-cyari-iki-senderi-yakoze-indirimbo-tembera-kirehe-yintaganzwa-za-kirehe-129820.html

  • Ab Godwin yakatiwe gufungwa umwaka azira guko… – #rwanda #RwOT

    Uko isomwa ry'urubanza ryagenze ijambo ku rindi 

    Mutimura Abed ukurikirinyweho icyaha cyo gukoresha dorone yasomewe. Ubushinjacyaha bwamureze ko akoresha dorone nta ruhushya.

    Yafatiwe i Nyabugogo mu Murenge wa Muhima aho yahamagawe ngo ahabwe ikiraka cyo gufata amafoto. Mutimura akigera i Nyabugogo, yakuyemo Dorone baramufata

    Ubushinjacyaha bwahise bumuregera icyaha cyo gukoresha dorone. Ubushinjacyaha bwamushabiye igifungo cy'imyaka itatu n'ihazabu y'amafaranga y'u Rwanda y'ibihumbi 500

    Mutimura yemera icyaha cyo gukoresha dorone mu gufata amashusho y'indirimbo z'abahanzi

    Me Nyamanswa Rafael wunganira Mutimura Abed, yavuze ko Abed atari azi niba hari ibyo agomba gukurikiza. Yanavuze ko nta bushake yari afite bwo kuyikoresha. Yasabye ko uwo yunganira yifuzako yaba umwere.

    Mutimura asaba kugabanyirizwa ibihano no kubisubikirwa. Ab Godwin dorone imwe yayiguze n'umuntu w'i Cyangugu ibihumbi 500 by'amafaranga y'u Rwanda. Indi yayiguze i Dubai asaga 1,100,000 Frws ($1100).

    Urukiko rwasuzumye ibivugwa n'impande zose. Rwasuzumye niba ukwemera kwa Abed byamuhamya icyaha. Niba Mutimura Abed yahabwa igihano runaka, urukiko rwasanze Abed yarakoresheje dorone. Ukwiyemerera mu rubanza bitsindisha uregwa

    Urukiko rwasuzumye ingingo ya 110 ryerekeye imiburanishirize y'imana, isobanura igira iti: 'Ibimenyetso bishobora gushingira n'ibyemezwa n'ababuranyi, urukiko rwemeza niba ibimenyetso aribyo cyangwa atari byo…'

    Igifungo cy'imyaka itanu ariko itarenze imyaka 10 n'ihazabu ya miliyoni eshanu ariko zitarenze miliyoni 10. Kuba yarabyiyemereye urukiko rusanga agomba guhanwa.

    Ubushinjacyaha nabwo buvugako yiyemereye icyaha bityo ko agomba guhanwa. Mutimura Abed yemera icyaha akanagisabira imbabazi. Ahanishijwe igifungo cy'imyaka itatu n'ihazabu y'amafaranga y'u Rwanda Miliyoni eshanu. Urukiko rusanga yagabanyirizwa ibihano.

    Igihano cy'imyaka itatu arakigabanyirijwe ahawe imyaka ibiri. Urukiko rusanze akwiriye gusubikirwa umwaka umwe undi akawumara muri gereza.

    Urukiko ruhanishije Abed igihano cy'imyaka ibiri ariko akamara umwe muri gereza undi umwe yawusubikiwe kandi akishyura ihazabu ya Miliyoni eshanu ndetse no gutanga igarama mu isanduku ya Leta. Rwasomewe mu ruhame none tariki 26 Gicurasi 2023 saa Cyenda.

    Source : https://inyarwanda.com/inkuru/129817/ab-godwin-yakatiwe-gufungwa-umwaka-azira-gukoresha-dorone-129817.html

  • Menya impamvu imibanire yababyeyi nabana ba… – #rwanda #RwOT

    Ubundi umuryango ugizwe n'umugore n'umugabo (ababyeyi) n'abana, ndetse n'abandi bose baba muri urwo rugo, ababyeyi baba bafite inshingano zo kurera no kwita ku muryango, bikubiyemo gushaka ibitunga umuryango, gushaka imyambaro, inshingano zo gushaka amafaranga y'ishuri y'abana igihe bageze mu mashuri ndetse n'ibindi bikenerwa mu buzima bwa buri munsi.

    InyaRwanda yakoze icyegeranyo cya zimwe mu mpamvu zituma ababyeyi bataboneka, mu rwego rwo kwita ku burere bw'umwana bivamo imyitwarire idakwiye irangwa mu rubyiruko rw'abubu.

    1. Ubwoba bw'ubuzima/inkeke ku buzima

    Ababyeyi benshi bakora iyo bwabaga izo nshingano bakazikora bijyana n'ubushobozi ariko kandi ntihakwirengagizwa ko atari byo byonyine umwana akeneye kugira ngo akurane ikinyabupfura n'uburere, biba ari ngombwa cyane ko uko abana bakura ababyeyi bababa hafi no mu nshingano zo kumenya imyitwarire bakurana.

    Umunyarwanda yaciye umugani ati: 'Inyana ni iya mweru'. Ubundi umwana asa n'ababyeyi be, kuko akenshi umwana akura yigana imico y'abamuba hafi umunsi ku munsi. Nkuko abashakashatsi babivuga, umwana agereranywa n'ikibaho kiriho ubusa, bityo abamurera bandikaho umunsi ku wundi, baba babizi cyangwa batabizi.

    Muri iki gihe, iterambere rikomeje gufata indi ntera, n'impinduka nyinshi zikomeza kwiyongera, bituma umubyeyi n'inkingi ya mwamba mu muryango akomeza kuburira umwanya umuryango, bigatuma urugo rusa nk’aho ruharirwa abakozi bo mu rugo.

    Abakozi bo mu rugo nabo akenshi baba badafite uburere buhagije umwana akeneye, kuko ariwe bamarana umwanya munini, birangira umwana afashe imico y'umukozi. Iyo noneho haba ihindagurika ry'abakozi, bitera umwana kuba yagira imico myinshi itandukanye, akenshi iba itari myiza ijyana n'uburere bw'abo bakozi.

    1. Imiterere n'imihandagurikire y'akazi

    Kuri ubu bimwe mu bitera ababyeyi kubura mu muryango, harimo imiterere y'akazi, nk'akazi gakorerwa kure y'umuryango, cyangwa kakamufata amasaha menshi, bityo bigatuma ababyeyi abura umwanya wo kwita ku muryango we, cyanga akazi kamuha inshingano zo kuba kure y'umuryango igihe kinini.

    Mu mwanya muto abenshi mu babyeyi babona wo kwita ku muryango, ugasanga udahagije mu kunoza inshingano zose, akenshi izo kurera abana zigaharirwa abakozi, aho usanga umubyeyi abaza umukozi wo mu rugo, iby'imico idasanzwe abonana abana be.

    Umukozi nawe uba adasobanukiwe iby'imirere y'abana, bityo ugasanga umukozi ararenga akanakoresha umwana imirimo imusumbya ubushobozi, tutirengagije ko hari n'abakozi byagaragaye ko bicisha umwana inzara, abandi bakabakubita bitajyanye n'ingano yabo, kera kabaye hakazamo no kubakorera ihohoterwa rishingiye ku gitsina.

    1. Ingaruka z'ubupfubyi bwatewe n'amateka mabi yaranze igihugu cy'u Rwanda

    Bamwe mu babyeyi benshi mu gihe cya none, mu mikurire yabo babayeho birera ndetse abandi barera abatoya babo bo muryango cyangwa mu inshuti. Abo bana nibo babyeyi uyu munsi, byumvikane ko kubura ababyeyi babo, abenshi byabateye kutagira ubumenyi bucye ku burere bw'umwana.

    Nyuma ya Jenoside yakorewe Abatutsi mu 1994, habaye ubupfubyi mu bice bitandukanye by'igihugu, kandi mu byiciro bitandukanye. Harimo abarerewe mu bigo by'impfubyi, bityo bakarerwa nk'ababa ku ishuri igihe kinini cy'ubuzima bwabo, aho nyuma y'igihe runaka boherezwaga mu miryango y'inshuti n'abagiraneza.

    Iy bahageze, abenshi bafatwa nabi, bagahitamo kuva mu rugo bakajya kwirera mu buzima butoroshye, ibintu byavuviramo ihahamuka, byo byose bitamuhaye uburere bukwiye bw'umwana mu rugo, kuri ubu nawe ni umubyeyi bigoranye gutanga ubwo burere bwiza nawe atahawe.

    Abandi bana ni abakuze barerwa na bakuru babo cyangwa birera, bakiri bato badafite ubushobozi bwo gutanga uburere kuri barumuna babo nabo ubwabo, uwo mwana nawe ni umubyeyi uyu munsi, ariko abenshi bakuriye muri ubwo buzima, ni ababyeyi utarenganyiriza uko baba batanga uburere mu muryango n'abandi benshi tutarondoye muri iyi nkuru.

    1. Urukundo rwacogoye hagati y'abashakanye (Ababyeyi b'abana)

    Kuri ubu hari imiryango myinshi yubakiye ku bindi bitandukanye n'urukundo, aho biteza imyiryane mu muryango, ugasanga bigize ingaruka mbi ku mibereyo y'umuryango, aho ingaruka nyinshi usanga ziza ku burere bw'umwana.

    Hari ubwo usanga hari imiryango yashyingiwe ku gahato ku bw'inyungu zitandukanye haba iz'ababyeyi babo, imitungo se, amoko, amadini n'ibindi bitandukanye. Aha birumvikana abagiye gushyingirwa baba badafitanye urukundo nk'igihango kibahuza hagati yabo, ibi akenshi bigateza umwiryane mu muryango uturutse ku kutihanganirana.

    Mu rugo rumeze gutyo, akenshi rukunze kurangwamo intonganya zidashira, gusiganira inshingano, kutubahana n'ibindi. Ibyo byose bigatuma umuryango ubaho bimeze nko kubaho mu gihano cy'amahitamo mabi, ibyo byose bikabangamira uburere bw'abana.

    1. Ubumenyi budahagije mu gutanga uburere ku mwana

    Mu buzima byakabaye byiza ikintu cyose ukora gifitiye benshi umumaro, kugikora ugifiteho ubumenyi buhagije cyangwa bw’ibanze nibura. Ariko kenshi usanga ababyeyi bagera mu gihe cyo kurera nta bumenyi babifiteho, aho usanga hari byinshi mu gutanga uburere ku bana babo badafitiye amakuru ahagije.

    Ibi byiyongeraho kuba ababyeyi badafata umwanya uhagije ngo bashakishe amakuru ahagije yabafasha mu burere buboneye bw'abana babo, uko kutagira ubumenyi bukenewe bituma uburere budatangwa neza, bishobora kuviramo umubyeyi guhohotera no kuvutsa umwana uburenganzira bwe n'ibindi.

    Nk’uko bizwi ko ikintu cyose gikoranywe, ubumenyi bucye habaho kwangiza. Hamwe mu hantu ubu bumenyi bushobora gushakishwa mu bitabo bijyanye n'uburere, filme mbarankuru (documentaire) zivuga ku burezi, gusura amahuriro y’ababyeyi (Parents seminar), aho bifasha umubyeyi kugira amakuru ahagije amufasha kuvugurura uburere bw’abana.

    Kutarema ubushuti n'abana

    Mu rugo rurangwamo urukundo rw'umwana n'umubyeyi ndakurahiye nta mushyitsi cyangwa inshuti y'umuryango yaharambirwa kubera ubwumvikane n’urugwiro buba burangwa hagati yabo, umubyeyi abasha kumenya neza icyo umwana atekereza cyangwa ateganya gukora.

    Ibi bifasha umubyeyi kuba umujyanama mu gihe gikwiriye, icyo abandi babyeyi bita guhana umwana ahaho byitwa kuganiriza umwana kuko umubyeyi abayizeyeko uwo abwira amwumva neza.

    Ababyeyi bakeneye kuvugurura imibanire nabana kuko uko umubyeyi aganira n’abana niko arushaho kumenya bimwe mu bibazo n’ibitekerezo bikenewe kwitabwaho mu burere bw'umwana nk’uko bitangazwa na CNN.  

    Gusa akenshi usanga bamwe mu babyeyi bagifite imiterereze yo kumva ko kureka umwana akisanzura ku mubyeyi ari ukumusuzugura. Hari n’abumva ko ari ukumumenyereza nabi nyamara ubushakashatsi bugaragaza ko birema isano nziza hagati y'umwana n'umubyeyi.

    Abahanga mu bijyanye n’imibanire bavuga ko umubyeyi abaye hafi y’umwana we, buri kibazo umwana afiteho amatsiko abanza kubaza umubyeyi aho kujya mu bamugira inama zamuroha, ahabituma umwana abaho ubuzima bwiza bufite umutekano nubwisanzure.

    Umwanditsi: SHEMA Yves

    Source : https://inyarwanda.com/inkuru/129813/menya-impamvu-imibanire-yababyeyi-nabana-babo-irushaho-gucumbagira-129813.html

  • Ingabo za EAC ziri muri RDC zikorana na M23- Perezida Tshisekedi #rwanda #RwOT

    Perezida wa Repubulika ya Demokarasi ya Congo, Antoine Felix Tshisekedi uri mu ruzinduko mu Bushinwa, yeruye ko ingabo za EAC ziri mu ntara ya Kivu y'amajyaruguru zikorana byeruye n'umutwe w'inyeshyamba za M23 baje guhangana nazo.

    Radio Okapi ivuga ko Perezida Tshisekedi,avuga ko ingabo zose ukuyemo iz'u Burundi ari zo zitari mu mikoranire n'inyeshyamba.

    Uyu mutegetsi avuga ko abasirikare b'u Burundi aho bahawe afite amakuru ko bahangana na M23, kugera ubwo bababuza gushyiraho imisoro mu duce bafashe, ariko ngo izindi imikoranire n'inyeshyamba ari ntamakemwa.

    Leta ya Kinshasa iri gutegura amatora rusange mu kwezi k'Ukuboza 2023, ndetse amahanga yatangiye kugaragaza impungenge ko uko ibintu bihagaze uyu munsi, ashobora kutazagenda neza.

    Nk'ubu sosiyete sivile ya teritwari ya Djoru mu ntara ya (Tshuapa), yatangiyiye kugaragaza ko imibare y'abaturage bazatora yatanzwe itandukanye n'iyashyizwe ahagaragara na komisiyo y'amatora.

    Iyi sosiyete sivile ivuga ko mu mibare ifite y'abiyandikishije komisiyo yatangaje bake, kuko yabagabanijeho abantu ibihumbi 35 birengaho gato.

    Umunyamabanga wa leta zunze ubumwe za Amerika ushinzwe ububanyi n'amahanga, bwana Antony Blinken, ku wa Gatatu tariki 24 Gicurasi 2023, yahamagaye Perezida wa Kongo, amubwira ko bafite inkeke ku matora ari imbere, ariko yemera ko Washington yiteguye gutanga ubufasha ngo azagende neza, ariko anenga ko iki gihugu kiri kugerageza gupfuka umunwa buri wese ugerageje kugaragaza ibitagenda neza mu gihugu, ndetse no kubangamira ubwisanzure bwo gatanga ibitekerezo.

    Mu kiganiro cyabaye kuri telephone, bwana Blinken yibukije Perezida Tshisekedi ko Amerika itibagiwe ko hari abaturage bahutajwe bo mu mashyaka atavuga rumwe n'ubutegetsi, bashakaga kujya kwigaragambya kuri komisiyo y'amatora.

    Ku ruhande rwa Kongo iyo igaragaza ikibazo ifite inshuro nyinshi, ishyira mu majwi u Rwanda ko ruri inyuma y'ibibazo igihugu gifite, kuko n'aho ari mu Bushinwa perezida Fatshi nk'uko abakunzi be bamwita, nyuma yo kurushinja gutera inkunga umutwe wa M23, yashinje u Rwanda no kuba inyuma y'amakimbirane TEKE—YAKA  ashyamiranije amoko mu ntara za Kwango na Mai Ndombe , muri grand Bandundu n'inkengero za Kinshasa.

    Uyu mutegetsi wa Kinshasa yabwiye abanye-Congo baba mu Bushinwa, ko akeka ko u Rwanda ruri inyuma y'umutwe wa Mabondo uri guhangabnya ibikorwa muri izi ntara.

    Minisitiri w'Umutekano w'Imbere mu gihugu, aherutse no kwemeza ko uri no muri kongo Central.

    Muri ibi biganiro na diaspora ya kongo i Beijing, Perezida Tshisekedi ageze ku kibazo cy'amakimbirane y'imiryango hagati y'aba TEKE n'aba YAKA,  akomeje kwibasira Grand Bandundu n'inkengero z'umujyi wa Kinshasa, avuga ko hafashwe ingamba z'umuteknao  mu kugikemura ariko iyi miryango mu busanzwe yabanaga mu mahoro kuva Isi yaremwa, ariko niba hari ibihari,  hari kuba ibintu bibi cyane, ndetse ko adafite ubwoba, we nka tshisekedi bwo kuvuga ko  umuturanyi wabo mubi u Rwanda, rudafite uruhare mu biri kubera i Kinshasa.

    The post Ingabo za EAC ziri muri RDC zikorana na M23- Perezida Tshisekedi appeared first on FLASH RADIO&TV.

    Source : https://flash.rw/2023/05/26/ingabo-za-eac-ziri-muri-rdc-zikorana-na-m23-perezida-tshisekedi/?utm_source=rss&utm_medium=rss&utm_campaign=ingabo-za-eac-ziri-muri-rdc-zikorana-na-m23-perezida-tshisekedi

  • Menya akamaro ka Tungurusumu karimo no kwirukana imibu mu nzu – Umuryango.rw #rwanda #RwOT

    Nk'uko tubikesha urubuga www.healthline.com, iyo abarwayi bazaga kumwivuzaho hari ubwo yabandikiraga tungurusumu nk'umuti ku ndwara zinyuranye. Ibyo bigaragaza ukuntu tungurusumu yabayeho kera cyane ukurikije igihe uwo muganga yabereyeho, ndetse n'agaciro yari ifite nk'ikimera kivura. Siyansi igezweho muri iki gihe rero, hari ibyiza bya tungurusumu ku buzima bw'umuntu yamaze kwemeza. Tukaba ari byo tugiye kubagezaho.

    Tungurusumu ni ikimera kibarizwa mu muryango umwe n'ibitunguru, ikaba ishobora kwera mu bice bitandukanye by'isi, ikaba ikoreshwa n'abantu batandukanye nk'ikirungo mu gihe bateka, kuko ihumura neza kandi ikaba inatuma ibyo kurya biryoha kurushaho.

    Sulfur iva muri Tungurusumu ijya mu mubiri, nyuma y'uko umuntu ayiriye, igifu kikayisya,ubundi igakwira mu mubiri wose.

    2.Tungurusumu igira intungamubiri nyinshi, ariko ntibyibushya kuko yigiramo ibyitwa 'Calories' nkeya. Ahubwo ikungahaye kuri Vitamine C, Vitamine B6 na manganese ikagira n'izindi ntungamubiri zinyuranye.

    3.Tungurusumu irwanya indwara zirimo n'ibicurune cyangwa se umuntu yaba yamaze gufatwa na byo, igafasha mu kubyoroshya .

    4.Tungurusumu ishobora kugabanya umuvuduko w'amaraso mu gihe umuntu afite umuvuduko uri hejuru cyane. Umuntu ufata urugero ruhagije rwa tungurusumu, byafasha umuntu ugira ikibazo cy'umuvuduko w'amaraso uri hejuru (hypertension), kimwe n'uko indi miti yamufasha.

    5.Tungurusumu igabanya ibinure bibi mu mubiri, bityo bigafasha umutima gukora neza, bikanawurinda indwara zitandukanye.

    6.Tungurusumu yifitemo ibyitwa 'Antioxidants' birinda utunyangingo 'cells' kwangirika, bikanarinda umuntu gusaza vuba, ndetse bikanarinda umuntu ibyago byo kurwara indwara yitwa 'Alzheimer' irangwa no kwangiza imikorere y'ubwonko, igatuma umuntu yibagirwa ibyo yari azi byose.

    7. Ku rubuga www.selection.ca na ho bavuga ibyiza bitandukanye bya tungurusumu harimo kuba yakoreshwa mu kuvura udusebe duterwa n'umuriro n'ibindi.

    Hari ubwo umuntu abyuka afite uduheri ku munwa tumeze nk'uturimo amazi, cyangwa se tumeze nk'udusebe duto, bakavuga ko aba yatwitswe n'umuriro wa malaria. Iyo ashyizeho tungurusumu itwumisha vuba.

    8. Tungurusumu kandi irwanya udusimba twangiza ibimera cyangwa twangiza indabo mu busitani. Udusimba twinshi twangiza indabo cyangwa ibindi bimera bimwe na bimwe, ntidukunda tungurusumu, ni yo mpamvu hari abakora umuti w'umwimerere wica udukoko turya indabo n'ibimera bimwe na bimwe, bifashishije tungurusumu, amavuta batekesha, amazi n'isabune y'amazi, bakabishyira hamwe mu ipompo, ubundi bakawutera mu bimera udusimba tugapfa.

    9. Tungurusumu yirukana imibu. Abahanga baracyakora ubushakashatsi kugira ngo bamenye ikintu kiba muri tungurusumu kirukana imibu. Gusa ikizwi ni uko imibu idakunda tungurusumu. Ubushakashatsi bwakorewe mu Buhinde bwagaragaje ko abantu bisize tungurusumu ku maboko no ku maguru, imibu ibahunga.

    Umuntu ashobora kwikorera umuti w'umwimerere wo kurwanya imibu,yifashishije amavuta ya tungurusumu akavanga n'amavuta ya 'Vaseline', akongeramo ibishashara by'ubuki bitunganyije, akabyisiga imibu ikamuhunga.

    10. Tungurusumu ifasha umuntu kugenzura ibiro bye ntibizamuke cyane. Nk'uko byemezwa n'umuhanga mu by'imirire witwa Cynthia Sass, avuga ko ubushakashatsi bwakorewe ku mbeba, zigaburirwa ibyo kurya birimo tungurusumu nyinshi, zatakaje ibiro, ndetse n'ibinure byari byaritsindagiye mu mibiri yazo biragabanuka. Ni yo mpamvu ari byiza gushyira tungurusumu mu byo kurya kenshi kuko bituma bihumura neza bikanaryoha, ariko ikanafasha mu kugabanya ibinure bibi mu mubiri.

    Source : https://umuryango.rw/ubuzima-115/udushya/article/menya-akamaro-ka-tungurusumu-karimo-no-kwirukana-imibu-mu-nzu

  • Abadepite batoye itegeko rivuga ko umuntu wimutse aho yari atuye agomba kubimenyekanisha #rwanda #RwOT

    Umuntu wimutse aho yari atuye akajya ahandi, agomba kubimenyekanisha binyuze mu buryo bw'Ikoranabuhanga. Ibi ni bimwe mu bikubiye mu itegeko rigenga iyandikwa ry'abaturage muri gahunda y'indangamuntu-koranabuhanga ryatowe n'umutwe w'Abadepite.

    Muri Mata 2023, nibwo Guverinoma yashyikirije Inteko Ishinga Amategeko umushinga w'itegeko rigenga iyandikwa ry'abaturage muri gahunda y'indangamuntu-koranabuhanga, izakemura ibibazo birimo kugendana ikarita yayo no kuba amakuru y'umuntu yabikwaga ahantu hatatanye.

    Abadepite bagize Komisiyo ya Politiki Uburinganire n'ubwuzuzanye bw'Abagabo nabagore mu iterambere nibo basesenguye iri raporo ndetse kuri uyu wa 26 Gicurasi 2023 nibwo bajyejeje raporo yabo ku nteko rusange y'Umutwe w'Abadepite.  

    Mu kwemeza uyu mushinga w'itegeko Abadepite bagiye bemeza ingingo kuyindi, ariko bageze ku ya 7 iteganya ko uwimutse aho yaratuye agomba kubimenyekanisha mu minsi irindwi binyuze muburyo bw'ikoranabuhanga   Bamwe mubadepite  bayigizeho impungenge .

    Depite Christine Muhongayire ati ' Ingingo ya 7 ivuga umuntu iyo agiye guhindura aho atuye bikorwa na nyir'ubwite muburyo bw'ikoranabuhanga nibaza iyo umuntu aramutse yimutse ari umuturage adafite iryo koranabuhanga uburyo azabigenza.'

    Hon Rwaka Pierre Claver ati  'Ibirego biriho umuntu arimo kwimuka bagasanga bakoze amakosa aho baturutse bakoze ibyaha aho bavuy,e ugasanga bavuye ahandi barimutse kubera ko umunyarwanda afite uburenganzira bwo gutura aho ashatse, aho ageze naho akicecekera akituriza n'ubuyobozi bw'ibanze bwaho hantu bukituriza.'

    Depite Rubagumya Emma Furaha Perezida wa Komisiyo ya Politiki Uburinganire n'ubwuzuzanye bw'Abagabo nabagore mu iterambere yasubije bagenzi be …

    Ati ' Umuntu iyo yimutse arabimenyesha kugirango ashobore guherewa serivise aho yimukiye cyane ko badusobanuriye ko bayi baranditse b'irangamimerer umuntu azajaya agira access kubyo mu ifasi ye gusa nibyizas ko iyo wimutse ukajya ahandi ni ngomba kubimenysaha kugirango bahereko bakwimura,'

    Depite Rubagumya Emma Furaha, akomeza asobanura ko nubwo umuntu ariwe uzajya utanga amakuru ko yimutse binyuze mu ikoranabuhanga bidakuyeho ko inzego z'ibanze zigomba gukomeza inshingano zazo zo kumenya abimukiye mu ifasi runaka bagakurikirana aho baturutse nib anta byaha bahakoze.

    Itegeko rigenga iyandikwa ry'abaturage muri gahunda y'indangamuntu-koranabuhanga ryatowe n'umutwe w'Abadepite rinateganya ko  Abadafite igihugu n'abana bakivuka bagiye kujya bahabwa Indangamuntu y'Ikoranabuhanga

     Indangamuntu y'ikoranabuhanga  izajya iba ibitse amakuru y'umuntu  arimo ifoto igaragaza amaso, ibikumwe by'intoki zose, ishusho y'imboni, amazina y'umuntu, igihe yavukiye, aho yavukiye, ababyeyi be, Email na nimero za telefone ku bazifite n'ibindi.

    Minisitiri w'Ikoranabuhanga na Inovasiyo, Ingabire Musoni Paula yavuze ko Leta y'u Rwanda ibona ubu buryo buzoroshya itangwa rya serivisi zitandukaye.

    Daniel Hakizimana

    The post Abadepite batoye itegeko rivuga ko umuntu wimutse aho yari atuye agomba kubimenyekanisha appeared first on FLASH RADIO&TV.

    Source : https://flash.rw/2023/05/26/abadepite-batoye-itegeko-rivuga-ko-umuntu-wimutse-aho-yari-atuye-agomba-kubimenyekanisha/?utm_source=rss&utm_medium=rss&utm_campaign=abadepite-batoye-itegeko-rivuga-ko-umuntu-wimutse-aho-yari-atuye-agomba-kubimenyekanisha

  • Ubu gusura Pariki z'u Rwanda ntibigusaba kwerekana ko wipimishije (…) – Umuryango.rw #rwanda #RwOT

    Mu mabwiriza cyatanze kuri uyu wa Kane tariki 25 Gicurasi 2023, asaba abasura Pariki z'Igihugu gukomeza kwambara agapfukamunwa. Ku basura inyamabere ziboneka muri izo pariki, ariko amabwiriza yo kuba wipimishije Covid-19 yo yakuweho.

    Itangazo ryanyujijwe ku rubuga nkoranyambaga rwa Twitter, rigira riti 'RDB iramenyesha abantu bose ko bamukerarugendo basura Pariki z'Igihugu, ubariyemo n'abana barengeje imyaka 5, batagisabwa kugaragaza icyemezo cy'uko bipimishije COVID-19. Cyakora, abasura inguge, harimo n'ingagi, bazakomeza gusabwa kuba bambaye udupfukamunwa.'

    Ubukerarugendo bwo mu Rwanda kimwe n'ahandi ku Isi hose bwakomwe mu nkokora n'Icyorezo cya Covid-19 kuva cyatangira mu mpere za 2019 kigaragaye mu Bushinwa kigakwira Isi yose, kugeza ubwo hafatwaga ingamba zo kuguma mu rugo hagasigara hakorwa ingendo na serivisi nkenerwa z'ibanze gusa.

    Kuri ubu urwego rw'ubukerarugendo bugenda bwiyubaka gahoro gahoro kugeza n'aho zimwe mu ngamba zari zarafashwe zigenda zoroshwa n'umubare wa ba mukerararugendo ukagenda wiyongera.

    Ubukerarugendo ni umwe mu nkingi za mwamba zihetse ub ukungu bw'Igihugu aho bushobora kukinjiriza arenga miliyoni 400 z'Amadolari ya Amerika ku mwaka.

    Source : https://umuryango.rw/amakuru/mu-rwanda/ubukungu/article/ubu-gusura-pariki-z-u-rwanda-ntibigusaba-kwerekana-ko-wipimishije-covid-19

  • Uburundi bwanze ubusabe bwa FERWAFA kuri rutahizamu wahamagawe (…) – Umuryango.rw #rwanda #RwOT

    Muri iyi baruwa y'ishyirahamwe ry' Umupira w'amaguru mu Burundi, harimo kwibutsa I ry'Urwanda ko Ndikumana Danny ari Umurundi wavukiye mu gihugu ,akagikuriramo ari naho yigiye umupira kugeza ari mu ikipe ya Rukinzo fc aho abarizwa ubu.

    Ikomeza yibutsa ko uyu mwana avuka ku babyeyi 2 b'Abarundi kandi ko azahamagarwa mu ikipe y'Igihugu cy'Uburundi y'abakina imbere mu gihugu CHAN no mu ikipe yabo y'abatarengeje imyaka 23 (U23) kandi ngo yanditse muri FIFA nk'umurundi.

    Ni igisubizo kije nyuma y'uko Ishyirahamwe ry'Umupira w'Amaguru mu Rwanda (FERWAFA) ryandikiye iry'Umupira w'amaguru mu Burundi, ririsaba kwemerera Ndikumana Danny ukinayo kuza gukinira ikipe y'Igihugu 'Amavubi'.

    Ndikumana ukina asatira izamu asanzwe akinira ikipe ya Rukinzo FC; ndetse aheruka mu Rwanda ubwo yari kumwe n'iyi kipe mu mikino yahuzaga amakipe ya Polisi z'ibihugu byo muri Afurika y'Iburasirazuba EAPCCO

    Source : https://umuryango.rw/imyidagaduro/imikino/article/uburundi-bwanze-ubusabe-bwa-ferwafa-kuri-rutahizamu-wahamagawe-n-amavubi

  • Ikipe Onana agiye kwerecyezamo yamenyekanye – Umuryango.rw #rwanda #RwOT

    Rutahizamu Leandre Esombe Willy Onana ashobora gusezerera ikipe ya Rayon Sports akerecyeza muri mu ikipe ya Simba Sports Club yo muri Tanzania iri kumwifuza .

    Imikino ya Shampiyona y'icyiciro cya mbere mu Rwanda ndetse n'iyi gikombe cy'Amahoro mu mupira w'amaguru iri kugenda igana ku musozo. Ibi bivuze ko amakipe agiye gutangira kugura abakinnyi bashya ndetse agatangira kongerera amasezerano abo yari asanganwe bayasoje bitwaye neza.

    Willy Essomba Léandre Onana ukomoka muri Cameroon yageze muri Rayon Sports mu mpeshyi ya 2021, yari yaje aje mu igeragezwa yitwara neza birangira aritsinze.

    Yasinye amasezerano y'imyaka 2 ubwo bivuze ko uyu mwaka w'imikino n'urangira azaba yigenga.

    Nk'uko abayobozi ba Rayon Sports bwabitangaje bari kumuganiriza ngo abe yakongera amasezerano ariko amakuru menshi akomeje kwerekeza uyu mukinnyi mu ikipe yo mu gihugu cya Tanzania ariyo Simba Sports Club.

    Ku makuru UMURYANGO ucyesha ibinyamakuru byo muri Tanzania ni uko Robertinho utoza iyi kipe ya Simba yifuza cyane Onana kandi ngo abayobozi biteguye kumuzana kugira ngo afashe iyi kipe kongera kwegukana ibikombe bya shampiyona dore ko Yanga SC ariyo yegukanye icy'uyu mwaka.

    Onana yagize umwaka w'imikino mwiza cyane akaba ariyo mpamvu Robertinho wigeze no gutoza Rayon Sports ari kumushaka.

    Kugeza ubu ni we uyoboye urutonde rw'abakinnyi bamaze gutsinda ibitego mu Rwanda kuko yatsinze ibitego 15 ndetse anatanga imipira 10 yavuyemo ibitego.

    Source : https://umuryango.rw/imyidagaduro/imikino/article/ikipe-onana-agiye-kwerecyezamo-yamenyekanye