Webrwanda Backend

Category: Uncategorized

  • Reba ubutumwa umukobwa adakwiye kwandikira umusore bakundana – Umuryango.rw #rwanda #RwOT

    Mukobwa , birakwiriye ko wamenya icyo ukwiye kuvuga n'igihe cyo kukivugira mu gihe wandikiye umukunzi wawe ubutumwa kuri telefone no kumbuga nkoranyambaga kuko hari icyo ushobora kubwira umukunzi wawe ugasanga ubaye ubwa cya gisiga cy'urwara rurerure, ndetse ukaba washyira iherezo ku rukundo rwanyu.Muri iyi nkuru tugiye kurebera hamwe imvugo udakwiriye gukoresha na gato mu butumwa bugufi uha umukunzi wawe.

    1.Ndagukunda' (ku nshuro ya mbere).

    Biraryoha cyane kubwira umukunzi wawe ko umukunda kuko bimwongerera icyizere n'urukundo kuri wowe kandi bikamunezeza cyane. Jya ukunda kubimubwira muri kumwe muvugana ndetse no mu butumwa umwandikira nta kosa ririmo rwose. Ariko mukobwa, uzirinde kuba wabanza umuhungu ngo umutange umubwire ko umukunda mu butumwa umwandikira kuko burya bigaragara nk'aho uri kwiteretera umuhungu n'ubwo nabyo byadutse ariko ni imwe mu ntandaro zo gusuzugurwa no gufatwa nk'icyo imbwa ihaze mu gihe runaka. Byaba byiza cyane umubanje ari uko muri kumwe atari ubutumwa umwandikiye.

    2.Kumwoherereza 'screenshoots' z'ibiganiro bya kera umwemeza ikosa.

    Uretse kuba ibi byagaragariza umukunzi wawe ko ubika inzika, byanaguteza ibibazo kuko kubika ibiganiro byarangiye kera bishobora kuba ikibazo gikomeye kuko byatuma ugarura n'ibibazo byakemutse kera kandi abakobwa benshi muri kamere yabo bakunda gufata ama 'screenshootsi'. Sinkubujije kuzifata kuko uri umukobwa nyine, kandi sinakubuza ibiri muri kamere zawe ariko uririnde koherereza umuhungu mukundana screenshoots z'ibiganiro mwagiranye hambere kuko hari ikibaye ako kanya ushaka kumwereka uko ari mu mafuti gusa.

    3.Uri kunyicaho?

    Rwose! Ukabona umukobwa yandikiye umuhungu bakundana iri jambo ntanashaka kongera kwandika! Ubutumwa bubaza iki kibazo ntibuteye agahinda ahubwo buratangaje. Ukuri guhari ni uko niba koko umukunzi wawe ari kukwicaho, hari amahirwe make yo kugusubiza, bivuze ko waba uri guta igihe cyawe unitesha agaciro wowe ubwawe mukobwa. Aho kumwandikira ubutumwa bumeze uko, wamuhamagara ahubwo mukabiganiraho bikagira inzira.

    4.Ndakubona!

    Ibi abakobwa bakunda kubikora nk'iyo bagiye ahantu bakahabona abakunzi babo nabo bariyo ariko bakirinda kubiyereka ahubwo bakohereza ubutumwa buvuga ibi. Mukobwa mwiza, niba ubonye umukunzi wawe ahantu utatekerezaga ko muhahurira, icya mbere ukwiriye gukora ni ukugera aho ari niba bigushobokera ukamusuhuza, ukamwiyereka akanamenya ko nawe uhari kuko kumuha ubutumwa umwereka ko ubona aho ari byatuma akeka ko umushyiraho za maneko ahubwo.

    5.Wari uri mu biki?

    Ubusanzwe iki kibazo kijya kumera nko kubaza umuntu uko yari ameze. Ariko kubera uburyo byaba bivuzwemo cyane ko ari mu butumwa aha umuntu atumva ijwi ubivuganye, hari ubwo umukunzi wawe ashobora kumva ko utangiye kumugenzura muri gahunda ze umubonerana cyangwa usa n'ushaka kumushinja amakosa yihariye yamuhugije. Menya imvugo ikwiriye yo gukoresha ku mukunzi wawe.

    6.Birarangiye!

    Yego, bibaho mu rukundo ko birangira cyangwa urugendo rw'urukundo rwanyu ruhagarara. Tutagendeye ku cyaba kibiteye, gutandukanira n'umusore mukundana mu butumwa bugufi ubwabyo ni agasuzuguro noneho bikaba agakabije iyo ari ibintu atari yiteguye ko byabaho. Twaza gahoro, umukobwa ni utuza agacisha make, mushakane mubiganireho murekane mubyumvikanyeho ariko mutarekaniye ku butumwa buvuga ngo 'Byarangiye!'

    7.Tugomba kuganira.

    Mukobwa mwiza, uri gukanga nde?! Niba utinyuka koherereza umuhungu mukundana ubutumwa buvuga uku, nta gikanganye wanamuha ubumumenyesha ko byarangiye rwose nicyo yaba ari gutekereza nk'inkurikizi zabyo n'ubwo atari cyo waba ugamije. Iri jambo riraremereye ni nk'impuruza ubundi kandi ryumvikana nk'iritagira ibiganiro byiza.

    8.Ese koko urankunda?

    Ibibazo biragwira! Ntibikwiriye na gato ko wohereza ubutumwa bubaza iki kibazo kuko bica intege umukunzi wawe cyane ko burya abahungu bakunda guhabwa igihe cyabo bakanga cyane gusunikirwa mu kintu. Niba agukunda, azabikubwira abyiteguye kandi simpamya ko uburyo iteka azabivugamo ari mu gusubiza ubutumwa bwawe bumubaza icyo kibazo.

    Source : https://umuryango.rw/ubuzima-115/udushya/article/reba-ubutumwa-umukobwa-adakwiye-kwandikira-umusore-bakundana

  • Abadepite bakomeje ingendo batangiye mu turere tw'Igihugu.zigamije (…) – Umuryango.rw #rwanda #RwOT

    Muri izo ngendoAbadepite bakomeje mu Turere, bakora inama nyuma bagasura ibikorwa bakareba ko ibibazo by'abaturage byakemuwe, n'uko ibikorwa byerekeranye n'ubukerarugendo n'inganda nto n'iziciriritse byifashe.

    Ku munsi w'Umuganda abadepite bawukoranye n'abaturage mu Turere baherereyemo muri gahunda yiswe 'Depite mu baturage'.

    Kuri uyu wa mbere mu Karere ka Musanze ho abaturage bagaragaje ibibazo birimo ibisaba ingurane ku butaka bwanyuzemo intsinga z'amashanyarazi.

    Mu Murenge wa Kagano mu Karere ka Nyamasheke Abadepite babwiwe ko hari amahoteri atatu, amacumbi atanu, hakaba hari n'ibice by'ubukerarugendo bikeneye gutunganywa kuko Utugari twaho twose dukora ku nkengero z'ikiyaga cya Kivu.

    Ni mu gihe i Kinihira mu Karere ka Rulindo basanze mu bibazo 11 by'abaturage byasizwe n'Abadepite ubwo bahahereruka, harakemutse 10 gusa.

    Ubutumwa burimo kwita ku isuku, kurwanya igwingira n'amakimbirane biri kugarukwaho aho aba badepite bari kujya hirya no hino mu Turere.

    Perezida w'Umutwe w'Abadepite Mukabalisa Donatille avuga ko ikigamijwe ari ukugira ngo bakurikirane gahunda za Leta, bakurikirane ibikorwa, barebe niba bibafasha kugera ku ntego biyemeje.

    Ati'Hazavamo n'imyanzuro igomba kugezwa mu zindi nzego cyangwa se guhamagaza Abaminisitiri, bizaterwa n'ibyo tuzasanga uko bizaba bimeze.'

    Avuga ko hashingiwe ku ntego yo muri NST1 yerekeranye no guteza imbere inganda na serivisi hagamijwe kugera kuri 17% ku byoherezwa mu mahanga.

    Abadepite bose basura abaturage mu turere nibura kabiri mu mwaka, hagamijwe kumenya no kugenzura ibikorwa bya Guverinoma, kugira inama abaturage no kumenya ibibazo bafite n'uruhare bagira mu iterambere.

    Source : https://umuryango.rw/amakuru/mu-rwanda/ubukungu/article/abadepite-bakomeje-ingendo-batangiye-mu-turere-tw-igihugu-zigamije-iki

  • Hari aho basomanye bakinzeho ikiganza! Mu mafoto amaso yawe atigeze abona, reba uko umuhango w’ubukwe bwa Bienvenue Redemptus wagenze – YEGOB #rwanda #RwOT

    Mu mafoto amaso yawe atigeze abona, reba uko umuhango w'ubukwe bwa Bienvenue Redemptus wagenze.

    Bienvenue Redamptus wamamaye cyane kuri RBA yakoze ubukwe n'umukunzi we, Igihozo Divine.

    Ni ubukwe bwabaye ejo hashize ku Cyumweru tariki ya 28 Gicurasi 2023 aho bwabanjirijwe n'umuhango wo gusaba no gukwa wabereye i Gikondo muri 248 Events hafi yo kwa Rujugiro ari n'aho abatumiwe biyakiriye.

    AMAFOTO

    Source : https://yegob.rw/hari-aho-basomanye-bakinzeho-ikiganza-mu-mafoto-amaso-yawe-atigeze-abona-reba-uko-umuhango-wubukwe-bwa-bienvenue-redemptus-wagenze/

  • Abahungu ntibakina bayirongoreyemo! Bruce Melodie, Elements na Ross Kana barongoreye muri ya nzu y’agatangaza iri mu Rwanda ku mazi (VIDEWO) – YEGOB #rwanda #RwOT

    Bruce Melodie, Elements na Ross Kana barongoreye muri ya nzu y'agatangaza iri mu Rwanda ku mazi.

    Mu nteguza y'amashusho y'indirimbo Fou De Toi ya Bruce Melodie, Elements na Ross Kana bigaragara ko bayafatiye muri Château La Marara.

    Mu bigize ayo mashusho, bigaragara ko hari ubukwe buba bwabereyemo aho Bruce Melodie na Elements baba bari kunyanyagiza ibyo kunywa mu batumirwa.

    Iyi ndirimbo irajya hanze kuri uyu munsi saa kumi n'ebyiri zuzuye.

    Château Le Marara' ihereye mu Kagari ka Kibuye, Umurenge wa Bwishyura mu Karere ka Karongi. Ni inyubako ifite umwihariko w'iz'i Burayi kandi ni yo ya mbere mu ziteye gutyo ku butaka bw'u Rwanda.

    VIDEWO

    Source : https://yegob.rw/abahungu-ntibakina-bayirongoreyemo-bruce-melodie-elements-na-ross-kana-barongoreye-muri-ya-nzu-yagatangaza-iri-mu-rwanda-ku-mazi-videwo/

  • Amakuru agezweho muri siporo: Ikipe ya Chelsea FC imaze gusinyisha umutoza mushya (Ifoto) – YEGOB #rwanda #RwOT

    Ikipe ya Chelsea FC yo mu gihugu cy'Ubwongereza imaze gusinyisha umutoza mushya witezweho kuyigarura mu bihe byiza.

    Umutoza ukomoka mu gihugu cya Argentina wahoze utoza ikipe ya Tottenham witwa Mauricio Pochettino niwe wamaze kugirwa umutoza mushya w'ikipe ya Chelsea FC imaze iminsi ititwara neza muri shampiyona y'igihugu cy'Ubwongereza Premier League.

    Mauricio Pochettino yasinye amasezerano y'imyaka ibiri ashobora kongerwaho undi mwaka umwe bikaba biteganyijwe ko uyu mutoza azatangira akazi tariki 01 Nyakanga 2023.

    Ifoto y'umutoza mushya w'ikipe ya Chelsea FC:

    Source : https://yegob.rw/amakuru-agezweho-muri-siporo-ikipe-ya-chelsea-fc-imaze-gusinyisha-umutoza-mushya-ifoto/

  • Intamenya irira ku muziro! Ibintu bitanu ukwi… – #rwanda #RwOT

    Ugurutsa Drones nawe si ubonetse wese kuko agomba kuba yarabyize kandi abifitiye uruhushya rutangwa nyuma yo kwishyura amadolari 50 (50,000 Frw).

    Mu gihe umuntu yaguze Drones zo kwifashisha nka sosiyete y'ubucuruzi, abyakira icyangombwa yishyura amadolari 500. Icyo cyangombwa kimara amezi 12. Gukoresha drone utabiherewe uburenganzira, wisanga uri kwisobanura mu nkiko.

    Mu Rwanda hashize imyaka itandatu (6) dorone zitangiye gukoreshwa mu bijyanye no gukwirakwiza amaraso, mu buhinzi no mu gufata amashusho y'indirimbo na sinema, ubukwe, gufotora ubutaka. Vuba aha zakoreshejwe mu gutambutsa ubutumwa mu bihe byo kurwanya coronavirus. 

    Muribuka ko hari utudege twabanyuraga hejuru tubagezaho ubutumwa. RCAA igaragaza ko kugeza ubu ubwoko bwa drones zemerewe gukoreshwa mu Rwanda ari izifata amashusho, izikoreshwa mu buhinzi, izifashishwa mu butabazi cyangwa gutwara ibintu byihutirwa, izikoreshwa mu bushakashatsi, izikoreshwa mu burezi, n'izikoreshwa mu kwinezeza. Zageze bwa mbere mu Rwanda mu 2017.

    Turebe ibintu bitanu byo kwigengesera mu gihe ugiye gukoresha drone uri mu Rwanda

    Gukoresha dorone mu Rwanda bisaba amabwiriza akakaye. Ikigo cy'Igihugu gishinzwe indege za gisivile (RCAA) ni cyo gishinzwe igenzura, iyandikwa n'ikurikirana ry'imikorere n'imikoreshereze ya Drones mu Rwanda.

    1.     Nta Munyamahanga wemerewe kwiyandikishaho Drones

    Mu mabwiriza ya RCAA nkuko bigaragara ku rubuga rwayo, nta drone n'imwe igomba kuba ku butaka bw'u Rwanda itandikishijwe. Kuyandikisha bivuze kumenya nyirayo, ubwoko bwayo, ibyo ikora n'ibindi.

    Bimwe mu by'ingenzi uyandikisha agomba kuba afite ni uko agomba kuba ari Umunyarwanda cyangwa ufite icyemezo cyo kuhatura (Permanent resident) afite imyaka 18 gusubiza hejuru.

    Nta munyamahanga wemerewe kwandikwaho Drones mu Rwanda icyakora ashobora kwifashisha umwenegihugu.

    Guverinoma y'u Rwanda cyangwa kimwe mu bigo byayo nabyo byemerewe kwandikwaho Drones. Icyangombwa cyo gutunga Drones kiboneka mu byumweru bine uhereye igihe cyasabiwe. Kukibona bisaba kwishyura ibihumbi 110 Frw.

    2.     Ubwoko bwa Drones bwemewe

    RCAA igaragaza ko kugeza ubu ubwoko bwa drones zemerewe gukoreshwa mu Rwanda ari izifata amashusho, izikoreshwa mu buhinzi, izifashishwa mu butabazi cyangwa gutwara ibintu byihutirwa, izikoreshwa mu bushakashatsi, izikoreshwa mu burezi, n'izikoreshwa mu kwinezeza. Izitaravuzwe muri izi ntibyemewe kuzikoresha kuko washyira ubuzima bwawe mu kaga.

    3.     Kwandikisha sosiyete ya Drones no kuyigurutsa birishyurirwa

    Mu gihe umuntu amaze kwandikisha Drone ye ntabwo bisobanuye ko ahita ajya kuyigurutsa aho ashaka. Kwemererwa kugurutsa Drones mu gikorwa runaka nabyo byakirwa uburenganzira ndetse bikishyurwa hagati y'amadolari atanu na 70 bitewe n'ubwoko bw'ikigiye gukorwa.

    Ugurutsa Drones nawe si ubonetse wese kuko agomba kuba yarabyize kandi abifitiye uruhushya rutangwa nyuma yo kwishyura amadolari 50.

    Mu gihe umuntu yaguze Drones zo kwifashisha nka sosiyete y'ubucuruzi, abyakira icyangombwa yishyura amadolari 500. Icyo cyangombwa kimara amezi 12.

    Ku bw'umutekano, ushobora gusabwa izindi mpushya

    Uretse uruhushya rutangwa na RCAA, umuntu ukoresha Drones ashobora gusabwa izindi mpushya zitangwa n'izindi nzego bitewe n'impamvu runaka.

    Mu nzego zindi zishobora kubyinjiramo harimo Polisi y'Igihugu n'Ingabo z'Igihugu (RDF) by'umwihariko mu gihe ari indege zifata amafoto cyangwa zigiye kugurutswa mu duce twihariye tutemewemo ko hagurutswa indege.

    Urwego rushinzwe imirimo imwe n'imwe ifitiye igihugu akamaro (RURA) narwo rushobora gutanga uburenganzira kugira ngo Drones itaza guteza ikibazo cy'ihuzanzira n'ibindi bikoresho bikoresha amajwi cyangwa amashusho (radio frequencies).

    4.     Drone ntigomba kurenga metero ijana iguruka

    Mu mabwiriza, nta wemerewe kugurutsa Drone ngo igendere hejuru ya metero ijana uvuye ku butaka. Nta weremerewe kandi gutwara drone ngo irenge metero 300 uvuye aho aherereye, kimwe n'uko nta drone yemerewe kuguruka ipima ibilo birenze 25 .

    5.     Nta Drone igenda nijoro

    Bitandukanye n'izindi ndege zisanzwe, ntabwo Drone yemerewe kuguruka mu masaha y'ijoro mu kirere cy'u Rwanda kubera impamvu z'umutekano waba uwayo, uw'abaturage n'uw'igihugu muri rusange.

    Nta Drone kandi yemerewe kugenda ku muvuduko w'ibirometero birenze 100 ku isaha cyangwa ngo iguruke ahantu hari urujya n'uruza rw'abantu, ibinyabiziga, inyamaswa, inzu n'ibindi bitari muri gahunda y'ibyo Drone iri gukora.

    Ubwishingizi bwa Miliyari

    Nta Drone yemerewe kuguruka mu kirere cy'u Rwanda idafite ubwishingizi. Umuntu wese utwara akadege katagira umupilote asabwa gutanga ubwishingizi butari munsi ya miliyoni imwe y'amadolari asaga Miliyali imwe y'amafaranga y'u Rwanda (Frws) yo kwirengera ingaruka zishobora guterwa n'imikorere y'iyi ndege.

    Hari uduce Drones zitemewe kugurukamo

    Uretse ku kibuga cy'indege bibujijwe, RCAA igaragaza ko Drone hari utundi duce itemerewe kugurukamo bitewe n'impamvu zitandukanye zirimo n'umutekano.

    Inyandiko ya RCAA yise 'Aeronautical information publication' yo mu Ukuboza 2020, hagaragaramo ahantu habujijwe cyangwa ho kwitondera mu bijyanye n'ingendo zo mu kirere.

    Aho harimo ahakorerwa imyitozo ya gisirikare, ahandi hantu hateye nabi cyangwa hashyira abantu mu byago, ahantu hagoye kuhagurutsa indege, mu nzira z'izindi ndege, ahari ibikorwa bya siporo cyangwa byo kwishimisha, ahantu hari inyoni cyangwa izindi nyamaswa.

    Amande ya Miliyoni 20 Frw

    Gukoresha drone binyuranyije n'amabwiriza birahanirwa. Urugero nk'ufashwe ayikoresha itandikishije, acibwa miliyoni 20 Frw, ndetse akaba yagezwa mu nkiko ku bindi byaha yaba yakoze.

    Ufashwe ayikoresha atabifitiye uburenganzira acibwa amande ya Miliyoni 5 Frw ariko atarenze Miliyoni 10 Frw akaba yahabwa igifungo kuva ku myaka itatu kugeza kuri itanu cyangwa se akaba yahabwa igihano gisubitse kuko Ab Godwin yasubikiwe umwaka umwe akaba ari gufungwa undi umwe muri Gereza ya Nyarugenge iri i Mageragere.

     Indege zitagira abapilote [Drones] zifashishwa mu mirimo itandukanye, mu ntambara, mu butasi, gufata amashusho n'ibindi, zakorewe bwa mbere mu Bwongereza mu 1916 zifashishwa mu ntambara ya mbere n'iya kabiri z'Isi.

    Byasabye imyaka 78 kugira ngo hakorwe Drones zitandukanye n'izari zimenyerewe mu bikorwa by'intambara.

    Mu 1994 nibwo hakozwe Drones zifasha mu bikorwa by'ubugiraneza [Drones Humanitaires], zikorewe muri Leta Zunze ubumwe z'Amerika.

    Abanyamerika kandi bazwi mu bihugu bikunze gukoresha Drones mu bikorwa byo guhangana n'abanzi, aho ziyoborwa n'ikoranabuhanga zikagenda zirasa kubo babahanganye. Urugendo imodoka ikora amasaha ane ,dorone irukora iminota 35.

    IZINDI NKURU BIJYANYE WASOMA

    Abakoresha drone mu gufata amashusho bararye bari menge

    Ni gute drone zahinduye amashusho ya filimi n’indirimbo z’abahanzi?

    Kurikira ikiganiro kigaruka ku ifungwa rya Ab Godwin

    Source : https://inyarwanda.com/inkuru/129917/intamenya-irira-ku-muziro-ibintu-bitanu-ukwiriye-kumira-bunguri-mu-ikoreshwa-rya-drone-129917.html

  • Bahati Makaca yabatijwe mbere yamezi abiri n… – #rwanda #RwOT

    Bahati Makaca wamamaye mu itsinda rya Just Family ryakanyujijeho mu muziki nyarwanda, yabatijwe mbere y'amezi abiri ngo akore ubukwe n'inkumi bamaze igihe mu rukundo. 

    Uyu munyamuziki yabatijwe na Apôtre Alice Mignonne Kabera washinze Women Foundation Ministries ndetse akaba n'Umushumba Mukuru wa Noble Family Church ku wa 28 Gicurasi 2023.

    Bahati Makaca ugeze kure imyiteguro y'ubukwe abinyujije kuri Instagram, yatangaje ko anejejwe no gupfana na Kristo akazukana nawe, kandi ko anejejwe no kubatirizwa mu idini rya Pantekote.

    Yagize ati 'Nejejwe binturutse ku mutima ku bwo gupfana na Kristo nkazukana nawe, ikindi kinshimishije ni uko nabatijwe muri Pantekote'

    Uyu musore yakomeje ashimira Apotle Mignonne wamubatje amusabira umugisha ku Mana ndetse avuga ko yifuza kuyegera nk’uko uyu mubyeyi ayegereye. Ati 'Wakoze Mana, wakoze cyane mubyeyi Apostle Mignonne, Imana yo mu ijuru ikomeze yagura intekerezo zanjye, ndetse ikomeze impe gukomeza kwegerana nayo Amen.'

    Asoza, Bahati yifashishije urubuga rwa Whatsapp, atambutsa ifoto apfukamye arambitsweho ikiganza na Apostle Mignonne asaba Imana kumuha ubwenge bwo kugendana nayo nk’uko uyu mubyeyi agendana nayo umunsi ku wundi.

    Yagize ati 'Mana ya Apostle Mignonne Kabera, wowe yizeye akagukurikira, wowe utarigeze umutenguha, ndagusabye nk’uko wagendanye nawe igihe kinini ntakuveho, nanjye gendana nanjye bana nanjye ngusabye ubwenge Mana bwo kumenya kuba mu byanditswe byera, ibi mbisabye nizereye munsi y'amavuta y'umukozi wawe wizeye ukamuragiza intama nyinshi. Amen'

    Habiyambere Jean Baptiste uzwi nka Bahati Makaca yabatijwe mu mazi menshi mbere y'amezi abiri n'iminsi itanu ngo arongore umukunzi we Cecile bamaze igihe mu rukundo. Ubukwe bw'aba bombi buteganyijwe tariki 05 Kanama 2023.

    Si ubwa mbere uyu musore avuzwe mu nkuru zo kwiyegereza Imana kuko mu 2014 ubwo yari amaze imyaka ibiri atandukanye n’itsinda rya Just Family, yatangarije InyaRwanda ko yabaye icyaremwe gishya, atakibarizwa mu isi y’ibyaha ahubwo ko yakiriye Yesu nk’umwami n’umukiza we.

    Icyo gihe yasengewe na Bishop Rugagi Innocent. Yakomeje avuga ko ari gukora kuri filime mbarankuru izagaruka ku buzima bw’itsinda rya Just Family uko bifashishiga abarozi n’abapfumu mu muziki ariko yarategerejwe amaso ahera mu kirere. 

    Bahati Makaca wamenyekanye mu itsinda rya Just Family yabatijwe mbere y’amezi abiri ngo arongore umukunzi we Cecille 

    Bahati Makaca yasabiye umugisha Apostle Mignonne wamubatije, asaba Imana kumuha imbaraga zo kugendera mu murongo wayo 

    Mu 2014 ni bwo Bahati Makaca yakiriye agakiza, atangaza ko agiye gusohora filime igaruka ku buzima burimo abapfumu n’abarozi babayemo nk’itsinda rya Just Family 

    Source : https://inyarwanda.com/inkuru/129915/bahati-makaca-yabatijwe-mbere-yamezi-abiri-ngo-arongore-amafoto-129915.html

  • TECNO iberanye nakazi nkora-Bruce Melodie wa… – #rwanda #RwOT

    Bruce Melodie ari kugaragara ku byapa bya telefoni za Tecno hirya no hino mu gihugu yasobanuye ko yari arambiwe gukoresha telefoni z'ibiwani ibyo we yise 'Ibikwangari'.

    Ni mu kiganiro twagiranye nyuma yo kuba 'Brand mbassador' wa Tecno ahamya ko azakorana nabo mu gukundisha abanyarwanda ziriya telefoni ziri mu zikoreshwa cyane mu bihugu bifite abaturage bafite amikoro acagase.

    Ati 'Uyu munsi ndi 'Brand Ambassador wa Tecno Camon zose'. Bruce Melodie yahawe telefoni ya Tecno ya Camon 20 Premier 5G.

    Yakomeje avuga ko impamvu Tecno yamuhisemo nawe akemera kuyiha umwanya mu bijyanye n'akazi akora ari uko 'Tecno iberanye n'akazi nkora, umuntu nkanjye nkamamaza ibicuruzwa bya Tecno'.

    Bruce Melodie avugako kuba abanyamahanga baza kumuha akazi byerekana uko umuziki we ukundwa na buri wese.

    Amasezerano basinye afite igihe bateganyije ariko birinze kuvuga igihe azamara. Yanakomoje ko bishoboka kuzajya hagaragara amashusho ya Bruce Melodie yamamaza telefoni za Tecno.

    Mu mikorere y'iyi telefoni ya Tecno Camon 20 ifite umwihariko wo kuba yakuzura umuriro mu isaha imwe, ikaba yamara umunsi wose uri kuyikoresha kuri murandasi.

    Ni mu gihe ubaye utakoresheje murandasi ishobora kumara icyumweru ugifite umuriro, bitewe na battery yayo ifite 500 mah. Ni telefoni ifite uburyo bwo gufotora icyarimwe ifoto ya camera y'imbere (selfie) n'iy'inyuma hatabayeho gufunga gufunga camera imwe.

    Ni telefoni ifite 108 Megapixels, ikaba ifite urumuri ruhagije rwo gufotora mu mwijima kubera (RGBW) iri hejuru. Mu bindi yihariyeho nuko ishobora gukurura icyo igiye gufotora ntigitakaze umwimerere wacyo. Ikindi kandi ishobora gufata video ntiyizunguze (shaking).

    Ubibuko bwayo (Storage0 bufite 512 RAM, ikaba ifite 8GB . mu kuyikoraho (Touch sampling rate) ya 360 Hz ku buryo uyikoresha yihuta cyane. Ni telefoni ikozwe mu ikoranabuhanga rirengera ibidukikije (positively to the ecosystem). Igiciro cyayo nticyakwigonderwa na buri wese ariko MTN yabitekerejeho.

    Bruce Melodie yatangaje ko yishimiye kuba 'Brand Ambassador' wa Tecno

    Bruce Melodie avuga ko hari byinshi azakora mu kwamamaza iyi telefoni TECNO yashyize ku isoko

    KANDA HANO UREBE UKO BYARI BIMEZE UBWO BRUCE MELODIE YINJIRAGA MU MURYANGO MUGARI WA TECNO

    “>

    Source : https://inyarwanda.com/inkuru/129861/tecno-iberanye-nakazi-nkora-bruce-melodie-wagizwe-brand-ambassador-video-129861.html

  • Bienvenue Redamptus yakoze ubukwe (AMAFOTO) #rwanda #RwOT

    Bienvenue Redamptus wamamaye cyane kuri RBA yakoze ubukwe n’umukunzi we, Igihozo Divine.

    Ni ubukwe bwabaye ejo hashize ku Cyumweru tariki ya 28 Gicurasi 2023 aho bwabanjirijwe n’umuhango wo gusaba no gukwa wabereye i Gikondo muri 248 Events hafi yo kwa Rujugiro ari n’aho abatumiwe biyakiriye.

    Umuhango wo gusezerana imbere y’Imana ukaba warabereye muri Soul Healing Revival Church i Nyamirambo mu Miduha.

    Ubu bukwe bwabaye bukurikiye umuhango wo gusezerana imbere y’amategeko wabaye ku wa Kane tariki 30 Werurwe 2023, aho wabereye ku Murenge wa Rwezamenyo mu Karere ka Nyarugenge mu Mujyi wa Kigali.

    Bienvenue na Divine bahisemo kubana akaramata nyuma y’imyaka itatu bakundana.

    Bienvenue Redamptus yamenyekanye cyane mu kigo cy’itangazamakuru (RBA) aho yakoraga kuri televiziyo by’umwihariko mu makuru aho yasezeye muri RBA muri 2021.

    Uyu mugabo wakoreye iki kigo igihe kinini akaba yarahise ajya gkora mu kigo cy’igihugu gishinzwe ingufu (Rwanda Energy Group) mu ishami rya 'External Link Departement’.

    Redemptus afite Impamyabumenyi y’icyiciro cya Kabiri cya Kaminuza mu Itangazamakuru n’Itumanaho yakuye muri Kaminuza y’u Rwanda mu 2012.

    Ni uku Divine yasohotse agaragiwe na musaza we

    Bienvenue yaramuhobeye bahuza imisaya maze imisambi si uguhiga

    Yafashe ikiganza cye cy’ibumoso atoranyamo urutoki rusumba izindi amwambika impeta nk’ikimenyetso cy’isezerano ry’urukundo rudashira, yereka abari aho ati “yamaze kuba uwanjye ntawe tukimurwanira”

    Igihozo Divine watumye Bienvenue Redamptus asezera ubugaragu

    Ati “Nubwo tubyemerewe ariko hano hashobora kuba hari abana batarageza ya myaka reka nkingeho ikiganza banarebe ubwiza bw’impeta wanyambitse”

    Wari umunsi udasanzwe kuri Bienvenue na Divine

    Burya ngo impumuro ye imurutira iy’akarabo k’iroze

    Uwo amaso adahaga kureba, ndeba nkurebe…

    Source : http://isimbi.rw/imyidagaduro/article/bienvenue-redamptus-yakoze-ubukwe-amafoto

  • Abafite aho bahuriye n'ubutabera bari kwigira hamwe uko imanza zarushaho kugabanuka #rwanda #RwOT

    Minisitiri w'ubutabera akaba n'intumwa nkuru ya Leta Dr. Emmanuel Ugirashebuja, avuga ko inzego z'ubutabera n'abafatanyabikorwa bazo bagiye kuganira ku byatuma imanza zirushaho kugabanyuka.

    Yabivugiye mu karere ka Nyagatare ubwo hatangizwaga umwiherero wa 9 w'izi nzego, aho barimo no kurebera hamwe uko umuturage yagira uruhare muri Serivisi z'ubutabera.

    Gushyira imbere umuco w'ubutabera, guteza imbere uburenganzira bwa muntu n'umuco wo kubazwa inshingano, ni bimwe mu byo inzego z'ubutabera n'abafatanyabikorwa bazo baganiraho mu mwiherero barimo kugirira mu karere ka Nyagatare.

    Androus Kananga, umuyobozi w'ihuriro ry'imiryango itanga ubufasha mu by'amategeko, avuga ko nubwo mu nzego z'ubutabera zagiye zikora amavugurura, ariko hakiri n'ibibazo byagira uruhare mu kugabanya umubare w'imfungwa mu magereza.

    Ati 'Hari byinshi byinshi byagezweho. Hari amavugurura yagiye abaho mu myaka ishize, hari za politike babwiye ebyiri zagiyeho, politiki ijyanye no kunoza ubutabera mu bijyanye n'imiburanishirize y'imanza z'inshinzabyaha, hari politiki yagiyeho mu buryo bwo gufasha abturage kugira ngo bajye bakemura ibibazo mu bwumvikane.'

    Yakomeje agira ati 'Ariko turacyafite n'ibibazo birimo ubucucike mu magereza mumaze iminsi mubikurikirana murabizi nabyo ni ibintu turi buganire muri iyi nama, ese ni gute izo politike ebyiri zafashwe zagabanya ubucucike mu magereza.'

    Bamwe mu baturage basanga gahunda y'ubuhuza kubagiranye ikibazo mu gihe yaba ishyizwemo imbaraga, hari byinshi yakemura birimo no kurengera ikiguzi gitangwa mu butabera.

     Umwe ati 'Uhomba ni wa wundi wagiye kurega. Ahomba byinshi, ahomba umubyizi agahomba n'amafaranga kuko ntaba azi ko ari butsinde cyangwa se ari butsindwe.Icyo byafasha ni uko kwa guhuza abantu byatuma ikibazo gikemuka wa wundi wakarenganye akarenganurwa'

    Undi ati 'Njye inama natanga ni uko basabana imbabazi batagiye mu rukiko byakwanga bakaba bakwiyambaza abantu hafi aho babafasha.'

    Minisitiri w'Ubutabera akaba n'intumwa nkuru ya Leta, Dr. Emmanuel Ugirashebuja, avuga ko inzego z'ubutabera n'abafatanyabikorwa bazo bagiye kuganira ku byatuma imanza zirushaho kugabanyuka.

    Ati 'Iyo hadafashwe ingamba niko umubare ugenda uzamuka bikazagera aho bigorana kugira ngo imanza zibe zagabanuka. Niyo mpamvu rero dushaka gukumira icyo kibazo mbere yuko kiba ingutu ariko kugeza ubu abari muri izi nzego bakora uko bashoboye kugira ngo bakumire ikibazo cy'imanza nyinshi mu nkiko.'

    Umwiherero w'i nzegoz'ubutabera n'abafatanyabikorwa bazo uba buri mwaka, icyakora hari imyaka utabaye bitewe n'icyorezo cya Covid-19.

    Biteganyijwe ko ibizava muri uyu mwiherero, bizakurikiranwa harebwa ko bishyirwa mu bikorwa ibyo izi nzego z'ubutabera zemeranyije,byibanda k'uruhare rw'umuturage mu butabera.

    Kwigira Issa

    The post Abafite aho bahuriye n'ubutabera bari kwigira hamwe uko imanza zarushaho kugabanuka appeared first on FLASH RADIO&TV.

    Source : https://flash.rw/2023/05/29/abafite-aho-bahuriye-nubutabera-bari-kwigira-hamwe-uko-imanza-zarushaho-kugabanuka/?utm_source=rss&utm_medium=rss&utm_campaign=abafite-aho-bahuriye-nubutabera-bari-kwigira-hamwe-uko-imanza-zarushaho-kugabanuka