Category: Uncategorized

Hussein yabonye izuba kuwa 28 Kamena 1994 mu bitaro byitiriwe Umwami Hussein, akaba avuka ku Umwami Abdullah n'Umwamikazi Rania.

Hussein ni izina yahawe bivuye ku rya sekuru Umwami Hussein. Afite nyirakuru ufite inkomoko mu Bwongereza na nyina ukomoka muri Palestina.

Ni we mfura mu muryango w'iwabo. Avukana n'abana batatu ari bo Igikomangomakzi Iman, Igikomangoma Salma n'Igikongoma Hashem.

Yasoje amashuri yisumbuye mu 2013, naho Kaminuza yayisoje mu 2016 aho yize ibirebana n'Amateka Mpuzamahanga muri Kaminuza ya Georgetowa yo muri Leta Zunze Ubumwe za Amerika.

Yaje kwinjira mu gisirikare maze mu 2017 asoreza mu ishuri rya gisirikare ry'u Bwami bw'u Bwongereza. Ubu ageze ku ipeti rya Captain mu Ngabo za Jordanie.

Nubwo byanyuze mu mavugurura atandukanye, kugeza ubu Hussein ni we wasimbura se mu gihe yaba atanze ku ntebe y'u Bwami bwa Jordanie.

Uyu musore yatangiye kujya ahagararira se aho atari guhera mu bugimbi. Muri Kamena 2010 yitabiriye ibirori byo kwizihiza impinduramatwara y'Abarabu hari no ku munsi w'ingabo.

Kuva icyo gihe kugeza n’ubu yahagarariye se mu bikorwa bitandukanye birimo n’ibya gisirikare n'iby’abanyacyubahiro bakomeye mu Bwami bwa Jordanie.

Kuwa 23 Mata 2015 yaciye agahigo ko kwitabira inama y'umutekano y'Umuryango w'Ababimbye ari muto icyo gihe yari afite imyaka 20.

Icyo gihe yatanzweho urugero n’Umunyamabanga w'Umuryango w'Ababimbye Ba Ki Moon wavuze ko yakabereye icyitegererezo benshi aho kujya mu bikorwa by'ubwigomeke bakayoboka inzira nziza kandi ko bitagombera imyaka.

Muri Gicurasi 2017 yavuze ijambo ry'ikaze mu nama mpuzamahanga ku bukungu bw'isi, maze nyuma yo gusoza amasomo ye ya gisirikare muri Nzeri 2017 avugira mu izina rya Jordanie mu Nama Nkuru y'Umuryango w'Abibumbye.

Hussein akurikirwa n'abarenga miliyoni 4 ku rubuga rwa Instagram. Nk’uko bigaragara, mu byo asangiza abamukurikira, akunda umupira w'amaguru, guteka, gucuranga gitari no gutwara moto kimwe no gukina igisoro.

Kuwa 17 Kanama 2022 ni bwo yambitse impeta y'integuza umukunzi we Rajwa Al Saif wo muri Saudi Arabia. Aba bombi bamenyaniye kuri murandasi, bemeranije kubana akaramata mu birori bikomye byabereye mu nyubako y'agatangaza ya Zahran kuwa 01 Kamena 2023.

Ubukwe bwabo bwitabiriwe n'abanyacyubahiro batandukanye barimo Perezida Kagame na Madamu nk’uko byatangajwe n’Ibiro by'Umukuru w'igihugu, Village Urugwiro.

Mu bandi bitabiriye ubu bukwe harimo Igikomangoma cy'u Bwongereza William n'umufasha we.

Igikomangoma cya Jordanie Hussein yasezeranye kubana akaramata na Rajwa bari bamaze igihe bakundanaPerezida Kagame na Madamu bari mu bitabiriye ubukwe bw’amateka bw’Igikomangoma Hussein Igikomangoma Hussein aganira na Perezida Emmanuel Macron

Hano yasuhuzanyaga na Perezida Joe Biden wa Leta Zunze Ubumwe za Amerika 

Yatangiye inshingano nk’Igikomangoma gifite ikamba akiri muto cyane

Ari mu basirikare bakomeye mu gisirikare cy’u Bwami bwa Jordanie

Iyi gahunda Y’ello Care yatangirijwe mu mu murenge wa Kabarore mu karere ka Gatsibo mu Ntara y’Iburengerazuba kuri uyu wa Kane tariki ya 1 Kamena 2023.

Ikigo gicuruza serivisi z’itumanaho, MTN Rwanda cyatangaje ko iyi gahunda izakorwa mu Ntara zose mu minsi 21 mu rwego rwo kwegera abakiriya ba MTN Rwanda by’umwihariko abari mu nzira  yo kwihangira imirimo mu gukora ibikorwa by’iterambere byahindura ubuzima bwabo.

Abakozi ba MTN Rwanda baganiriye n’abangavu babyaye bakiri bato bafashwa n’umuryango utegamiye kuri Leta witwa Empower Rwanda by’umwihariko abigishwa umwuga w’ubudozi.

Umukozi wa Empower Rwanda, Uwase Joanna yavuze ko abana bafashwa n’umushinga wabo baba bakomoka mu miryango itishoboye ndetse bamwe muri bo birukanwe n’imiryango yabo  bamaze guterwa inda z’imburagihe ku buryo usanga Empower Rwanda ariyo ibitaho ndetse n’abana babyaye mu buzima bwa buri munsi.

Abo bana bigishijwe umwuga w’ubudozi ni 200 kandi bose bafite abana. Abahuguwe ku buryo bakwishakamo ibisubizo bagatera imbere ni 100 bari hafi gusoza icyiciro cya mbere mu mwuga w’ubudozi.

Abangavu basambanyijwe bagaterwa inda z’imburagihe bishimiye guhugurwa ku buryo bakwishakamo ibisubizo bakoresheje amahirwe ari muri serivisi za MTN Rwanda nka mokashi (MOCASH).

Umwe mu bana biyemeje gukoresha serivisi za MTN Rwanda zikabafasha kugera ku ntego bihaye mu kwihuta mu bikorwa by’iterambere, Mujawamariya Erica, avuga ko yasobanukiwe uburyo Mokashi (MOCASH) yaba imbarutso y’iterambere rye.

Yagize ati “MTN yatwigishije uburyo bwo kwizigama duhereye ku mafaranga make  twabonye, twasobanukiwe uko kwizigama byatuma ugera ku ntego zawe ukaba wabona uburyo washyira mu bikorwa umushinga ufite bitagusabye kuguza abandi bantu.

Nafashe umwanzuro wo kujya nizigamira mpereye ku mafaranga make kugira ngo nzabashe kubona amafaranga yo kwiteza imbere kandi nta muntu nyagujije, ahubwo nkaba nagera ku ntego zanjye nifashishije mokashi (Mocash).”

Umwangavu wabyaye afite imyaka 14 nawe yiyemeje kwifashisha serivisi za MTN Rwanda zikamufasha kwihutisha iterambere rye.

Yagize ati: “Natewe inda kubera ko iwacu nta bushobozi bari bafite, uwanteye inda yandihiriraga ishuri, akampa ibikoresho ndetse n’amavuta yo kwisiga. Ibyo byatumye anshuka antera inda amaze kubimenya arigendera.

Nishimiye uburyo MTN yatwigishije uko nakwizigamira nkoresheje telefoni ndetse nkagura ibitekerezo, nkahindura ubuzima ku buryo nzashobora kurihirira umwana wanjye ishuri.”

Umukozi ushinzwe imikoranire n’izindi nzego muri MTN Rwanda, Mukundwa Christine, yavuze ko iki kigo gicuruza serivisi z’itumanaho kizamara iminsi 21 mu bikorwa byo kwegera abakiriya mu rwego rwo kubagezaho ubumenyi bwafasha abakiriya bayo kugera ku ntego zabo by’umwihariko abihangira imirimo bafite amikoro make.

Ati: “MTN Rwanda twatangiye iminsi 21 yo kuva aho dukorera tukegera abakiriya bacu tukabagezaho ubumenyi dufite bwatuma babyaza umusaruro serivisi zacu, nka MTN Rwanda muri gahunda Y’ello care tuzagera mu Ntara zose, tuzagera mu turere twinshi kandi dukangurira abakiriya bacu cyane cyane ba rwiyemezamirimo bakora ibikorwa biciriritse ariko bafite intego yo kwagura ibyo bakora Kugera ku ntego zabo.”

Yakomeje agira ati “Uyu munsi twatangiye gahunda ya Y’ello care hano mu karere ka Gatsibo, aho twahuye n’abakobwa bato batewe inda, iyo wumvise ibyababayeho wumva ari ibintu bibabaje ariko icyadushimishije ni uko bafite umurava wo gutera intambwe yo kuva aho bari. Hari ibyifuzo baduhaye ku byo bifuza nka MTN Rwanda tugomba kugenda tukabyigaho tukazagaruka tubishyira mu bikorwa.”

Mukundwa yakomeje avuga ko MTN Rwanda izirikana uruhare rw’abakiriya bayo akaba ariyo mpamvu biyemeje gushyigikira abakiriya bayo bakora ibikorwa bigamije Iterambere ryabo.

Yagize ati “Kuba MTN Rwanda twegera abakiriya bacu kugira ngo dushyikire ibyo bakora, ni uko ari abakiriya beza. Icyo nabwira abakiriya bacu ni uko kuba baremeye gukorana natwe nababwira ko tubashyigikiye mu bikorwa bakora.”

MTN yatangiriye muri Gatsibo gahunda yayo yo kwegera abakiriya bayo

Bigishijwe ndetse bafashwa na MTN kwiteza imbere

MTN Rwanda yinjiye muri gahunda ya Y’ello care yo kuzirikana abakiriya bayo 

Muri filime zirenga 16 yakinnyemo usibye kumuzamurira izina, nta yindi nyungu yakuyemo. Yakinnye muri filime (series) zirenga 16 ndetse muri zimwe yari we mukinnyi w'imena (actrice principale). 

Nka filime yitwa Samantha niwe wayitiriwe, filime yitwa Igikomere cy'Umutima akina yitwa Dr Sonia, akundwa n'umutama (umusaza) ariko we akaba atamwiyumvamo na busa.

InyaRwanda Tv yakoze urugendo rujya i Kabuga aho Brunella atuye muri iyi minsi. Tuganira yirinze kuvuga icyamuteye kuza mu Rwanda ariko ukurikiye neza ikiganiro wakumva ko ibihe bitari bimworoheye. 

Ati: 'Uwabishobora yamfasha nkakomeza gukina filime kuko njye mfite filime nyinshi mu mutwe wanjye. Mbonye ibikoresho (camera) n'inkunga yo guhemba abakinnyi, nakora filime zanjye abafana banjye bakongera bakambona'.

Ni umubyeyi ufite umuco ndetse wemera kandi ukurikiza amahame y'idini ya Islam nubwo yarigiyemo akuze. Ntashobora kwambara imyenda igaragaza imiterere y'umubiri we kuko ahora yitandiye (yambaye shariya).

Yatunze agatoki abakoresha bo mu Burundi

Brunella uterura ngo atunge itoroshi ku bategura filime mu Burundi yaciye amarenga ko abakinnyi birya bakimara bagakina neza ariko ntibibahe imibereho cyane ko nubwo filime 16 yakinnyemo ariwe wari ukunzwe cyane arifuza uwamufasha agatangira imishinga ye yo gukina filime kuko icyo yakuyemo ari izina gusa.

Kugira ngo ubyumve neza fata nka Bahavu wa hano mu Rwanda usanze yifuza ubufasha nta mibereho myiza afite kandi afite izina muri sinema nyarwanda. 

Ubihuze na Brunella uri kwibera i Kabuga nabwo akaba atorohewe n'ubuzima nyamara filime yakinnyemo zarinjije akayabo. Yananenze uburyo Abarundi badafashanya ngo bakunde guteza imbere iby'iwabo.

Iyo muganira agutekerereza agahinda aterwa n'Abarundi bahitamo kureba filime zo mu Rwanda bakirengagiza iz'iwabo. Yanagarutse ku bufatanye buke burangwa muri sinema-ndundi aho usanga abafite amafaranga badashobora gushyigikira abafite impano ngo na bo batere imbere.

Urukundo rw’amafaranga

Anagaruka ku kateye muri iyi minsi aho usanga umukobwa ajya mu rushako ashaka ubutunzi bw'umugabo aho kujyanwa n'urukundo. Ati:'Uzi kujyana mu muhanda n'umugabo udakunda? Ukajya umusoma muri mu nzu nyamara mwasohoka umwe akagenda ukwe n'undi ukwe'.

Brunella yemera ko umugabo yashaka abagore bane nk'uko idini ya Islam ibiteganya. Muri filime yitwa Mugisha aho akina ari Dr Sonia aba afite umusaza wamwihebeye ku buryo aba amuha amafaranga yose yifuza kugirango atsindire umutima we. 

Aba afite musaza we ushaka kurya ku mafaranga y'uwo musaza wakunze mushiki we. Nyamara Dr Sonia aba yifuza gukunda uwo umutima we wihebeye aho kuyoborwa n'iraha.

Birangira atsinze ikigeragezo kuko ntashakana na wa musaza. Avuga ko isomo aba ashaka gutambutsa ari ukwerekana ko urukundo ari rwo rwa mbere.

Brunella ajya mu kabyiniro yasanze batakoze

Munezero Brunella avugako rimwe yajyanye n'inshuti ye mu kabyiniro asanga ntibakoze. Yakuze ari umukobwa w'umutima udasamara. Rimwe yigira inama yo kujya kureba ikihabera. 

Yambaye imyenda yikwije agezeyo asanga ntibakoze ariko atangazwa no kubona imyambarire y'abakobwa bari bahari. Yanga urunuka kubona umukobwa atikwije ku buryo avuga ko adashobora gukina filime zerekana imiterere y'umubiri we.

Brunella yifuza ubufasha

Avugako mu mufuka we hera ku buryo yifuza uwamufasha kubona ibikoresho byo gutangiza filimi ze. Ariko rero yizera Imana ko izagira icyo ikora. Brunella mu gusoza ikiganiro yagaragaje ko akumbuye abafana be, ababyeyi n'abarundi bose bamubuze. Ati:'Abifuza ko nasubira I Burundi bantere inkunga. Ikintu mfite mu mutima wanjye ndabakunda'.

Reba ikiganiro twagiranye na Brunella ufatwa nka nimero ya mbere i Burundi mu gukina filimi

Ku gicamunsi cyo kuri uyu wa Kane, ni bwo abakinnyi n’abatoza b’iri shuri, bageze ku kibuga cy’indege cya Kigali i Kanombe. 

Aba bana bahagurutse i Huye ari naho iri shuri riherereye ku isaha ya saa 07:00 PM bagomba guhitira ku kibuga cy’indege. Iri shuri ryatwaye abakinnyi bagera kuri 24 bari mu byiciro bibiri, icyiciro cy’abatarengeje imyaka 11, ndetse n’icyiciro cy’abatarengeje imyaka 13.

Iki gikombe cy’Isi, gitegurwa n’ikipe ya PSG, kigiye kuba ku nshuro ya 7, gusa ikaba ari inshuro ya kabiri u Rwanda rugiye kukitabira. Amarerero yo mu bihugu binyuranye byo ku Isi yashinzwe na PSG, niyo yitabira iyi mikino aho abana bahura bagakina, ndetse bakanatemberezwa aho PSG ikinira mu buryo bwo kubakundisha umupira w’amaguru.

Abana bagera kuri 24 nibo berekeje mu Bufaransa 

Ndanguza Theonas ukuriye iri shuri mu Rwanda akaba ari nawe ugiye ahagarariye aba bana, yemeza ko biteguye neza imikino bagiyemo, ndetse biteguye gutahana igikombe. 

Yagize ati: “Twiteguye neza nk’uko bisanzwe, imyitozo yarakozwe kandi ikorwa neza. Tujyanye abana bameze neza nta numwe urwaye, mbere turiteguye ku buryo dufite icyizere ko tuzitwara neza.”

Ababyeyi b’aba bana twasanze babaherekeje, bemeza ko baterwa ishema no kubona abana babo burira indege kandi bakabikora bitewe n’umukino bakunda kandi bihebeye.

Umwaka ushize ari nabwo bwa mbere u Rwanda rwari rwitabiriye iyi mikino, u Rwanda mu batarengeje imyaka 13 ni bo begukanye igikombe batsinze Misiri ibitego 3-1. Naho mu batarengeje imyaka 11, u Rwanda rwatsinzwe na Leta Zunze Ubumwe za Amerika mu guhatanira umwanya wa gatatu.

Imodoka yazanye aba bana, ubwo yageraga ku kibuga cy’indege, bamwe mu babyeyi bayisanganiye bitegereza niba harimo abana babo 

Harimo abana bigaragara ko bakiri bato 

Bamwe mu bana usibye no kurira indege, ni nabwo bwa mbere bari bageze kuri uyu mupaka (Ikibuga cy’indege) uhuza u Rwanda n’ibindi bihugu byo ku Isi 

Theonas umaze igihe mu mupira w’amaguru ni we ugiye ayoboye aba bana 

Uyu mubyeyi yitwa Uwiragiye, akaba yarimo guha impanuro umuhungu we, amusaba kuzitwara neza ndetse ibyo akora byose akarushaho gusenga 

No mu maso urabibona ko basa 

Patrick ukomoka i Kirehe, umwaka ushize niwe watsinze ibitego byinshi aho yaje afite ibitego 9 

Shema ukinira abatarengeje imyaka 11 ni umwe mu bakinnyi iri rerero rifite b’impano yo hejuru, ndetse bazi umupira nta gushudikanya 

Kanda hano urebe amafoto menshi 

AMAFOTO: Ngabo Serge 

VIDEO: Nyetera Bachir

Iminsi ibiri irashize hasohotse indirimbo izacurangwa ahantu hose havugirizwa umuziki nyarwanda nibura muri iyi mpeshyi yose. Ni indirimbo irimo babiri bahetse muzika nyarwanda n'undi ukiri mu rugadanda rucura ibyamamare.

 

Fou De Toi yatwaye miliyoni 17 z’amafaranga y’u Rwanda

Iyi ndirimbo kuri Spotify imaze kumvwa na 53,000 (listeners). Urebye neza usanga izumvwa kurusha Kashe imaze kuzuza 318,691 mu mezi 10 ashize. Sindi bwite ku mibare ya YouTube kuko biri mu byasubije inyuma muzika ya Tanzania (kwizerera kuri views). Impamvu nita kuri Spotify nuko ariyo itanga umurongo w'umuziki ucuruzwa ku isi kandi hari ibihugu bidakoresha YouTube. Bisaba abantu bumva indirimbo yawe nibura 150 kugirango winjize idolali rimwe ($1) ringana na 1,140 mu mafaranga y'u Rwanda. 

 Uko Element yasigariye ku rugo Meddy wiyeguriye Imana

Mu gushaka kumenya ikiguzi cyagiye kuri iyi ndirimbo kuva ku majwi ,abayanditse,abafashe amashusho, abagiye mu mashusho ,aho baraye iminsi ibiri bafata amashusho dore ko bategewe imodoka ikabageza I Karongi muri hoteli bacumbitsemo amajoro abiri barya, banywa bidagadura. Iyo ubajije ubuyobozi bwa 1:55Am bakubwirako'Nibura twakoresheje miliyoni ziri hagatu ya 15-17  z’amafaranga y'u Rwanda nubwo turasoza gukora imibare wasanga azarenga ariko ntiyajya mu nsi yayo'.

 

Ni indirimbo ya Element EleéeH (wahoze yitwa Element gusa), Bruce Melodie na Ross Kana (wahoze yitwa David Rubangura).

 

Iyi ndirimbo yanditswe na Niyo Bosco mbere y'uko Ross Kana ajya muri 1:55 Am ariko ntabwo baramumurikira abanyarwanda bivuze ko isaha iyo ariyo yose bazamwereka abanyarwanda. Mu gushimira abayigizeho uruhare bashimiye Junior Rumaga, Element, Bruce Melodie na Ross Kana.

Mu minsi ibiri iyi ndirimbo igiye hanze imaze kuba ikimenyabose mu mitwe y'abakunda umuziki nyarwanda ndetse iyo ugiye mu nzu z'utubyiniro ukayicuranga  (kuyidija) wikirizwa na buri wese kuko bamaze gufata ijambo ku rindi.

Amakuru ahari avugako Gad yishyuwe miliyoni 3,500,000 z'amafaranga y'u Rwanda.

Reba hano indirimbo Fou De Toi yagiyeho miliyoni 17 z’amafaranga y’u Rwanda

“>