Category: Uncategorized

Ibirori by'iri serukiramuco bizaba ku wa 22 Nyakanga 2023, kuri Mundi Center-Rwandex. Rizahura abantu batandukanye, ibigo na Ambasade ya Israel mu Rwanda.

Inama n'ibirori bya 'Tarama Rwanda' bizagaragara mu bice bibiri bidasanzwe, bigamije kwerekana ubushobozi bunini bw'inganda zihanga n'umuco mu Rwanda.

Iyi nama kandi izahuza abantu barenga 600, barimo urubyiruko, abahanzi bazwi ndetse n'abakizamuka, ba rwiyemezamirimo baturutse mu bihugu birenze 20, ibigo bya Leta n'imiryango itegamiye kuri Leta, hamwe n'intumwa zo mu bihugu bitandukanye ndetse n'Abanyarwanda baba muri Diaspora.

Umuyobozi wa Tarama Rwanda, Wilson yabwiye InyaRwanda ko iyi nama ndetse n'iserukiramuco byose byahujwe ku munsi umwe hagamijwe 'guteza imbere ubushobozi bw'abantu binyuze mu bikorwa by'abahanzi ubwabo cyane cyane abakuru bagafasha abato ariko kandi hagatangwa umurongo nyawo wo kurenga inzitizi zikigaragara mu buhanzi harimo no kutagira amakuru y'ibanze ajyanye n'amategeko ndetse n'uwakabaye afasha abahanzi'.

Akomeza ati 'Aho abitabiriye amahugurwa bazahanahana ubushishozi, uburyo ubuhanzi no kwihangira imirimo bishobora kugira uruhare runini mu iterambere ry'ubukungu bw'u Rwanda mu guteza imbere no kongera ubutunzi bw'impano.'

Hagendewe ku insanganyamatsiko nyinshi, iyi nama izagaragaramo umurongo wihariye w'abavuga bazasangira ubunararibonye bwabo mu byiciro byabo.

Gushyira mu bikorwa iyi nama, iserukiramuco rya 'Tarama Rwanda' rizaba urubuga rwerekana impano mu bice bitandukanye by'ubuhanzi.

Kuva mu bikorwa bya muzika bishimishije hamwe n'ibikorwa byo gusetsa ku ruhande kugeza kwerekana imyambarire, imbyino, imurikagurisha, n'ibindi byinshi. 

Wilson avuga ko hari byinshi bashingiyeho mu gutumira aba bahanzi bazataramira imbaga y'abantu barenga 1500, bakayigaragariza impano zabo zidasanzwe.

Avuga ko intego y'iri Serukiramuco n'iyi nama ari uguhuza abahanzi ubwabo bakaganira ku iterambere ry'uruganda babarizwamo ari nako bahura n'abagenzi babo bo mu bindi bihugu bitandukanye.

Hari kandi kungurana ubumenyi ku bijyanye n'uburyo abahanzi barushaho gukoresha ikoranabuhanga mu byo bakora, cyane cyane bakitabira gushyira ibihangano byabo ku masoko mpuzamahanga yaba ari ayo kuri murandasi ndetse no gukora ibihangano bifite umwimerere.

Guhuza abashoramari n'abahanzi ndetse n'inzengo zitandukanye za Leta no kugaragaza impano z'abahanzi bakizamuka.

Kugeza, ubu abahanzi bazitabira iri serukiramuco bagatanga n'ibiganiro barimo Israel Mbonyi, Tom Close, Intore Massamba, Mani Martin, Mighty Popo n'abandi.

Mu bandi bazitabira iri Serukiramuco kandi harimo Anirban Mitra wo mu Buhinde usanzwe ayobora filime, Producer Ishimwe Clement, Jemina Kakizi, Umunyamakuru Isheja Sandrine Butera, umukinnyi wa filime Gratien Niyitegeka, Umuyobozi wa Africa In Colors, Raoul Rugamba n'abandi. Mu bandi bahanzi bitezwe muri iri serukuramuco harimo Ruti Joel, Okkama, Confy n'abandi benshi.

Wilson ati 'Icyo twagendeyeho duhitamo abahanzi; twibanze cyane ku kugira ubunararibonye bw'abahanzi mu bisata bitandukanye, aha twavugamo nka Israel Mbonyi uhagarariye abakora umuziki wo kuramya no guhimbaza, Seburikoko ukora Filime, Isheja Sandrine akaba umunyamakuru, ndetse n'abandi bagiye bakora byinshi bitandukanye n'iby'abagenzi babo ariko kandi akaba ari abantu bageze kuri byinshi mu byo bakora bashobora ko gufasha abakizamuka.'

Akomeza ati 'Kabone n'ubwo benshi bahuriye ku muziki, gusa bafite ibindi bakora bitandukanye; urugero rwiza ni Mighty Popo washinze ishuri ryigisha umuziki no gushushanya ndetse na Tom Close ufatanya inshingano zo kuba akuriye ikigo cyo gutanga amaraso mu Rwanda.'

Kwitabira iyi nama ni ubuntu, ariko kwitabira Iserukiramuco rizaririmbamo aba bahanzi ni ukwishyura.

KANDA HANO UBASHE KWIYANDIKISHA KUZITABIRA IYI NAMA

Iri serukiramuco ‘Tarama Rwanda’ rizaba ku wa 22 Nyakanga 2023

Israel Mbonyi uri gukorera ibitaramo ku Mugabane w'u Burayi ategerejwe muri iri serukiramuco, aho azatanga ikiganiro

Umuhanzi akaba n'umuganga, Tom Close azagaruka ku rugendo rwe mu muziki n'ibindi

Umuhanzi Massamba Intore ukubutse muri Leta Zunze Ubumwe za Amerika, azaganiriza abazitabira iri serukiramuco

Komisiyo y’amatora yatangaje ko kuba Gacinya Chance Denis yangiwe kwiyamamaza muri Komite Nyobozi ya FERWAFA kubera ubunyangamugayo buke aho yabehsye.

Gacinya Chance Denis yari yatanze kandidatire ku mwanya wa visi perezida wa kabiri muri FERWAFA ushinzwe tekinike mu matora azaba tariki ya 24 Kamena 2023.

Komisiyo y’amatora yaje kugaragaza ko atemerewe kwiyamamaza ajya kujurira muri Komisiyo y’ubujurire maze ivuga ko ubujurire bwe bufite ishingiro yemerewe kwiyamamaza.

Uyu munsi Komisiyo y’amatora yaje kongera kumumenyesha ko atemerewe kwiyamamaza muri aya matora kubera ko atujuje ubunyangamugayo.

Kalisa Adolphe ukuriye Komisiyo y’amatora mu kiganiro n’itangazamakuru yagize ati “Biragoye gupima cyangwa kuvuga ngo ubunyangamugayo burahera aha bugere aha. Usanga umuntu abaha amakuru atuzuye, ni cyo gihari. Habaho kwakira icyangombwa, tukemera ko twakibonye, ariko dushobora gusanga icyo watanze kitujuje ibisabwa [kitameze uko cyifuzwa]. Ni ho havuye yego na oya. Ibaze ko byabaye ku muntu w’inzobere umaze igihe mu mupira. Na Moussa [Hakizimana] byamuhayeho.'

'Hari aho ubaza umuntu niba yaba yarigeze gukurikiranwa n’inkiko, akakubwira oya. Yazana icyemezo cy’uko atafunzwe [Gacinya yazanye icyerekana ko yakatiwe], ugasanga biratandukanye. Ibyaha yahamijwe ni inyandiko mpimbano, ubuhemu no gukoresha inyandiko mpimbano. Hari urundi rubanza rwa kabiri, yahamijwe gukubita no gukomeretsa [kandi ni we wabituzaniye hano].'

Kalisa yagaragaje ko Gacinya yatanze icyemezo cyerekana ko atigeze afungwa ariko hari ingingo zimuzitira.

Yagize ati 'Twabonye icyemezo cy’Ubushinjacyaha Bukuru kigaragaza ko atigeze afungwa amezi atandatu. Guhamwa n’icyaha ni kimwe no gukatirwa ni ikindi. Yahamwe n’icyaha ariko hari n’izahabu yaciwe. Na cyo ni igihano. Hamwe yaciwe miliyoni 5 Frw, ahandi acibwa ibihumbi 100 Frw.'

'Amategeko ya FIFA [ingingo ya 75] avuga ko niba mu myaka itanu warahamijwe icyaha, utemerewe kuba mu buyobozi bw’Ishyirahamwe, ikipe cyangwa Komisiyo.'

Abakandida bemerewe

Muri rusange abari biyamamaje bari 24 ariko abemerewe, bujuje ibisabwa ni 18 ariko umwe akuramo kandidatire hasigara 17.

Ku mwanya wa perezida ni Munyatwali Alphonse wiyamamaje wenyine.

Ku mwanya wa visi perezida ushinzwe imiyoborere n’imari ni Habyarimana Matiku Marcel ni mu gihe visi perezida wa kabiri ushinzwe tekinike hiyamamaje Mugisha Richard.

Ku mwanya wa Komiseri ushinzwe imari batatu nibo bemerewe kwiyamamaza ni 2; Rugamba Jean Marie na Niwemugeni Chantal.

Ku mwanya wa Komiseri ushinzwe kumenyekanisha ibikorwa no gushaka inkunga hiyamamaje Rwankunda Quinta wenyine.

Kuri Komiseri ushinzwe amarushanwa hiyamamaje 2, Turatsinze Amani Evariste na Nyiringabo Rodrigue Diallo.

Ku mwanya wa Komiseri ushinzwe tekinike n’umupira w’amaguru hiyamamaje abakandida 2 barimo Habimana Hamdan na Ndayiragije Bosco ariko Ndayiragije yaje gukuramo kandidatire ye.

Mukanka Ancilla ni we wiyamamaza wenyine ku mwanya wo kuba Komiseri ushinzwe umupira w’amaguru w’abagore.

Babiri, Rurangirwa Louis na Ntageruka Jerome nibo bahataniye umwanya wa Komiseri ushinzwe umutekano n’imyitwarire myiza mu mukino.

Ku mwanya wa Komiseri ushinzwe amategeko hariho Gasarabwe Claudine ni mu gihe ku mwanya wa Komiseri ushinzwe ubuvuzi bwa Siporo ari Gatsinzi Herbert.

Komiseri ushinzwe amakipe y’igihugu uhanganiwe n’abantu 3 ari bo; Bizimungu Clement na Ngendahayo Vedaste

Abataremerewe 6 ni Gacinya Chance Denis, Kanamugire Fidele na Rukundo Eugene bose bari wiyamamarije ku mwanya wa visi perezida wa kabiri ushinzwe tekinike.

Abandi ni Murangwa Eugene wari wiyamamaje ku mwanya wa Komiseri ushinzwe tekinike n’iterambere ry’umupira w’amaguru, Mutesi Gloria wiyamamaje ku mwanya wa Komiseri ushinzwe umupira w’amaguru w’abagore na Hakizimana Moussa ku mwanya wa Komiseri ushinzwe ubuvuzi bwa Siporo.

Myugariro w’Amavubi, Manzi Thierry yavuze ko umukino wa Mozambique ari umukino wo gupfa no gukira kuko ari wo uzagena niba kubona itike y’igikombe cy’Afurika cya 2023 izaboneka.

Tariki ya 18 Kamena 2023, Amavubi azakira Mozambique mu mukino w’umunsi wa 5 w’itsinda L mu gushaka itike y’iki gikombe.

Amavubi arasabwa gutsinda imikino yayo yose ibiri isigaye (Mozambique na Senegal) ni mu gihe ubu iri ku mwanya wa nyuma n’amanota 2, Senegal yamaze kubona itike ifite amanota 12 ni mu gihe Benin na Mozambique zifite 4.

Manzi Thierry ndetse ushobora kuzaba ari kapiteni w’Amavubi, yavuze ko ari umukino bafashe nk’umukino wa nyuma ndetse ko ibyo baganira bagomba kuwutsinda.

Ati 'Ni nka 'finale’ kuri twe, ntekereza ko ibyo turi kuganiraho byose mu mwiherero no mu myitozo ari uko tugomba kubona intsinzi kuri uyu mukino.'

Yasabye abanyarwanda ko bagomba kuza kubatera ingabo mu bitugu cyane ko nubwo hari igihe byanga ariko baba bifuza kubikora, gusa kuri iyi nshuro bagomba gutsinda.

Ati 'Ibyo nabwira Abanyarwanda ni uko bagomba kuza bakatuba inyuma kandi twebwe ubwacu turifuza kubikora. Rimwe turabigerageza bikanga, ariko tugomba gushaka iyi ntsinzi Abanyarwanda banyotewe.'

Ku ngingo y’agahimbazamusyi baheruka gusaba kongererwa, yavuze ko nta cyo yabivugaho kuko hari ubuyobozi burimo kubyigaho.

Ati 'Ibijyanye n’amafaranga ntacyo nabivugaho, byose twabihaye ubuyobozi buri kubyigaho kandi igisubizo kizaboneka. Ni ahacu ho gushaka intsinzi, yaboneka natwe kubaza icyo tuyibonaho.'

Biteganyijwe ko Amavubi azamanuka i Huye ku munsi w’ejo tariki ya 15 Kamena 2023 ari ho azakorera umwiherero mu minsi isigaye kugira ngo umukino ube.

Regero Norbert umukinnyi wa filime nyarwanda wamenyekanye nka Digidigi,yinjiye muri Sinema nyarwanda mu mwaka wa 2018,aho yatangiye gukina mu mafilime atandukanye ariko amenyekana cyane  mu yitwa 'Papa Sava'.

Digidigi avuga ko umwuga wo gukina filime yawuhisemo nk'akazi ka buri munsi, kuko umutunze n'umuryango we.Yagaragaye ko  muri  nyinshi zirimo iyitwa Igitutu,Bolingo,Seburikoko n'izindi zitandukanye.

Uyu mukinnyi agaruka ku  byago yahuye nabyo , yavuze ko ubwo yatangiraga umushinga wo gushyira ahagaragara filime ye bwite yise 'Isa y'urukundo',yatangiye kuyikora no kuyishyira ku rubuga rwe rwa Youtube,igeze hagati  yaje  kwibwa ibikoresho birimo na bimwe mu bice bigize iyo biyigize  bituma ihagarara.

Mu mpera z’ukwezi kwa Werurwe uyu mwaka,nibwo Digidigi yerekeje i Musanze gufata amashusho y’ibindi bice bya filime,aza kwibirwayo ibikoresho birimo na filime ye yari amaze gutunganya.

Yatangaje ko nyuma yo kwibwa ibihangano bye ari kurwana no kwiyubaka kugira ngo yongere akore ibindi bice byaburaga kuri iyi filime,ndetse atangaza ko mu mpera z’ukwezi kwa Nyakanga azaba yasubukuye iyi firimi ye yari yakunzwe na rubanda nya mwinshi .

Digidigi wakunzwe kubera gusetsa cyane muri filime,yavuze ko amaze kugera kuri byinshi abikuye muri Sinema harimo,kunguka inshuti nyinshi,kumenya kubana n'abandi,ndetse yinjiye muri Sinema ari umusore,ariko aza no kugira amahirwe yo kubaka  umuryango.

Mu kiganiro na InyaRwanda, Digidigi yatangaje ko muri Sinema harimo inyungu nyinshi abantu batabona,kandi batarasobanukirwa ko gushoramo byageza kure inzozi zabo.

Yagize ati 'Abantu ntibarumva ko Sinema irimo inyungu,ariko njye sinabahisha ko ari ahantu heza washora ndetse wakwamamarizaho ibikorwa byawe bikagera kure'

Ubwo yatangaga inama ku bantu bakurikira Sinema,yavuze ko ababazwa n'imyumvire iba mu bantu yaba mu kuba basuzugura akazi ko gukina filime ndetse no guhuza ubuzima bw'akazi n'ubuzima busanzwe.

Yavuze ko abantu benshi babona umukinnyi wa filime mu isura y'ibyo akina kandi aba ari mu kazi,bikaba byatuma hapfa ibintu byinshi.Yasabye abantu kumenya gutandukanya akazi n'ubuzima bwite bw'umuntu.

Yasabye abantu kutaba ba nyamwigendaho cyangwa ngo bamara kugera ku rwego rwo hejuru bagahunga babandi bakiri hasi babakeneyeho ubufasha,ndetse asaba abantu gushyira hamwe dore ko bavuga ko ababiri bishe umwe.

Nubwo hatabura imbogamizi mu kuzamura inzozi ze ashimira itangazamakuru rikomeza kwamamaza ibikobwa byabo,ndetse no kugira uruhare rwo kuzamura Sinema nyarwanda ikagera ku rwego rushimishije.

Norbert washimishije imitima ya benshi agiye gusubukura filime ye yise “Isa y’urukundo”

Afite abafana benshi kandi ubuhanga bwe mu gukina bugirwa na bacye

Uwamenyekanye nka Digidigi  yavuze ko abafana badakwiye guhuza akazi ko gukina firime n’ubuzima busanzwe bwite

Kimwe kiruta ibindi yigiye muri Sinema ni uko yamenye kubana n’abantu b’ingeri zitandukanye

Akanama k’ubujurire ka komisiyo y’amatora muri FERWAFA kemeje ko Gacinya Denis wamenyekanye ayobora Rayon Sports avanwa ku rutonde rw’abiyamamariza kuyibora FERWAFA kubera ikibazo cy’ubunyangamugayo.

 Gacinya Denis, ni umwe mu banyabigwi mu mupira w’amaguru mu Rwanda wari wagerageje kwiyamamariza kuyobora FERWAFA, aho yari yatanze ibyangombwa bye ku mwanya wa Vice Perezida wa kabiri, ushinzwe tekinike.

Taliki 06 Kamena akanama ka FERWAFA gashinzwe amatora, kari katanze urutonde rw’abemerewe kwiyamaza, aho Gacinya yisanze atariko, ariko ahitamo kujurira byihuse. Nyuma yo kujurira tariki 12, Akanama k’ubujurire katangaje ko Gacinya yemerewe kwiyamamaza kuko basanze yari yararenganye.

Gacinya Chance Dines akomeje gukomwa bigendanye n’inzozi yari afite 

Impamvu Gacinya Denis yari yakuwe ku rutonde rwabemerewe kwiyamamaza ni ukubera ko hari ibyangombwa atari yatanze. Ibyo byangombwa birimo,fotokopi z’impamyabumenyi ziriho umukono wa Noteri, icyemezo cyo kuba yarahagarariye umwe mu banyamuryango ba FERWAFA mu rwego rw’amategeko (Perezida na ba visi Perezida) ndetse n’icyemezo cy’umunyamuryango wa FERWAFA umutanzeho umukandida.

Mu bandi bari batanze ubujurire bwabo, harimo Dr. Mousa HAKIZIMANA wari watanze kandidatire ku mwanya wa komisiyo ushinzwe ubuvuzi bwa Siporo, na Fidele Kanamugire nawe wari watanze kandidatire ku mwanya wa Visi Perezida wa Kabiri ushinzwe Tekiniki. Ariko aba bose ntabwo ubujurire bwabo bwemewe.

Mu gitondo cyo kuri uyu wa Gatatu mbere y’uko haba ikiganiro n’itangazamakuru, akanama gashinzwe amatora katangaje ko Gacinya n’ubundi atemerewe kwiyamamariza kuyobora FERWAFA kuko, afite ubunyangamugayo budahagije. Aka kanama kavuga ko Gacinya hari ibyaha yahamijwe tariki ya mbere Mata 2022, harimo Gutakarizwa icyizere no kubura ubunyangamugayo. 

Amatora ya komite nyobozi ya FERWAFA, azaba tariki 24 Kamena 2023

U Rwanda rurakira Mozambique kuri iki cyumweru tariki 18 Kamena 2023. Ni mu mukino wa gatanu wo mu itsinda rya 12 (L), ukaba uzabera kuri sitade mpuzamahanga y’Akarere ka Huye kuva ku isaha ya saa 15:00 PM. Uyu mukino ugomba gutanga igisubizo niba u Rwanda rugumana icyizere cyo gukina igikombe cy’Afurika ku nshuro ya kabiri, mu gihe baba batsinze, batsindwa bagataha bakihanagura.

Kuri ubu n’ubwo imyitozo igeze kure, ntabwo ikipe y’igihugu ifite kapiteni mukuru, ndetse n’abamwungirije nabo ntabwo bahari. Ni ikibazo cyagarutsweho mu kiganiro umutoza Carlos utoza Amavubi yagiranye n’itangazamakuru kuri uyu wa kabiri.

Uyu mutoza yavuze ko nta kibazo cya Kapiteni afite kuko mu bakinnyi bahari yumva azakuramo umwe. Yagize Ati ” ku bwanjye ntabwo ikibazo ari ukwibaza ngo ninde uzaba Kapiteni kuko dufite itsinda ryiza ry’abakinnyi, kandi harimo abakinnyi benshi bafite ubushobozi bwo gufata inshingano, nka Rwatubyaye Abdul, Manzi Thierry na Bizimana Djihad. Aba ni abakinnyi bagera kuri batatu tumaze gukorana igihe kinini, bafite uburambe, bakinnye hanze y’igihugu, kandi bafite umuhate mu kibuga, mu gihe Kagere adahari, rero bagomba gufata inshingano.

Ese ubundi u Rwanda rwari rumaze iminsi ruyobowe na bande?

Mu 2004 ubwo u Rwanda rwajyaga mu gikombe cy’Afurika, rwari ruyobowe na Desire Mbonabucya, nyuma Katauti Ndikumana yafashe iki gitambaro, akigerana mu 2009, kuva 2009 Olivier Karekezi yabaye Kapiteni w’ikipe y’igihugu agera mu 2013 ubwo yasimburwaga na Haruna Niyonzima, icyo gihe Haruna yari yungirijwe na Miggy Mugiraneza Tuyisenge, na Kagere Meddie.

Kuva 2022 Haruna Niyonzima yabaye nk’uwambuwe igitembaro cya Kapiteni  gihabwa Kagere Meddie gusa nawe ntabwo yahamagawe  ndetse na Tuyisenge. Tugendeye ku bakinnyi umutoza yatangaje, twavuga ko Bizimana Djihad ariwe uzaba Kapiteni ku mukino wa Mozambique, yungirizwe na Manzi Thierry ndetse na Rwatubyaye Abdul. 

Bizimana Djihad niwe uzaba ari Kapiteni w’ikipe y’igihugu ku mukino wa Mozambique 

Rwatubaye azaba ari kapiteni wa gatatu

Manzi Thierry, azaba ari kapiteni wa kabiri kuri uyu mukino

Usengimana Faustin niwe mukinnyi mukuru uri muri iyi kipe izahura na Mozambique ndetse aba umwe mu bakinnyi bageze mu Mavubi

Icyo gihe hari tariki 27 Ukuboza 2021. Yasohoye amafoto amugaragaza ashinga ivi akambika impeta, ariko yagaragaje intoki z'uyu mukobwa.

Bahati yigeze kubwria InyaRwanda ko umuhango wo kwambika impeta uyu mukobwa wabereye muri Kenya mu nyanja y'Abahinde. Ariko icyo gihe, yirinze kugaragaza isura y'uyu mukobwa.

Kuva icyo gihe ntawigeze aca iryera uyu mukobwa usanzwe ufite ubwenegihugu bwa Canada, ndetse hari amakuru avuga ko Bahati azahita amusangayo. Ku mbuga nkoranyambaga za Bahati ntiwashoboraga kubona uyu mukobwa.

Icukumbura ryakozwe na InyaRwanda rigaragaza amwe mu mafoto yafashwe mu bihe bitandukanye Bahati ari kumwe n'umukunzi we Cecile Unyuzimfura, ubwo bari mu biruhuko muri Kenya.

Ni amafoto agaragaza akanyamuneza hagati y'aba bombi, batemberera ku mazi n'ibindi bikorwa kenshi bisiga urwibutso hagati y'abakundana.

Bahati aherutse kugaragaza ko tariki 5 Kanama 2023 aribwo azakora ubukwe mu muhango uzabera kuri Saint Paul mu Mujyi wa Kigali.

Ni mu gihe gusaba no gukwa bizaba tariki 29 Nyakanga 2023, mu birori bizabera kuri Prime Garden. Ati 'Kuza kwanyu ni inkunga ikomeye cyane.'

Bahati aherutse kwakira Yesu Kristo nk'umwami n'umukiza

Ku wa 28 Gicurasi 2023, Apôtre Alice Mignonne Kabera washinze Women Foundation Ministries ndetse akaba n'Umushumba Mukuru wa Noble Family, yabatije mu mazi menshi Bahati Makaca mu gihe ari kwitegura ubukwe bwe.

Icyo gihe, Bahati yatangaje ko anejejwe no gupfana na Kristo akazukana nawe, kandi ko anejejwe no kubatirizwa mu idini rya Pantekote.

Ati 'Nejejwe binturutse ku mutima ku bwo gupfana na Kristo nkazukana nawe, ikindi kinshimishije ni uko nabatijwe muri Pantekote.'

Apôtre Alice Mignonne Kabera, yavuze ko 'Imana yari yarambwiye ko nzaba Pasiteri w'abasitari'.Atangaza ko yishimiye guha ikaze Bahati mu itorero.

Bahati yasobanuye ko yatangiye gusengera muri Women Foundation Ministries bigizwemo uruhare n'umukunzi we. Yavuze ko Cecile Unyuzimfura ku nshuro ya mbere yamusabye kujya gusengera kwa Mignonne amwizeza kumugurira icyo kunywa.

Uyu munyamuziki avuga ko bitewe n'uburyo yakiriwe muri iri torero yagiye aryisangamo, bigeza n'aho atangira kujya yijyanayo yibwirije.

Nyuma yo kubatizwa, Bahati yasabiye umugisha Mignonne. Ati 'Mana ya Apostle Mignonne Kabera, wowe yizeye akagukurikira, wowe utarigeze umutenguha, ndagusabye nk’uko wagendanye nawe igihe kinini ntakuveho, nanjye gendana nanjye bana nanjye ngusabye ubwenge Mana bwo kumenya kuba mu byanditswe byera, ibi mbisabye nizereye munsi y'amavuta y'umukozi wawe wizeye ukamuragiza intama nyinshi. Amen'.

Bahati wahoze mu itsinda rya Just Family ari kwitegura gukora ubukwe na Cecile Unyuzimfura  

  

Bahati n’umukunzi we Cecile ubwo bari mu biruhuko mu gihugu cya Kenya

 

Uyu mukobwa usanzwe ubarizwa muri Canada yahisemo guhurira na Bahati muri Kenya 

Cecile ugiye kurushinga na Bahati asanzwe afite ubwenegihugu bwa Canada 

Bahati amaze igihe ari mu rukundo na Cecile byagejeje ku kwiyemeza gukora ubukwe 

Bahati aherutse kwakira agakiza nyuma y’uko umukunzi we amusabye kujya gusengera kwa Mignonne

Umutoza w’ikipe y’igihugu y’u Rwanda umunya-Espagne, Carlos Alós Ferrer ari mu ihurizo rikomeye nyuma y’uko myugariro Emmanuel Imanishimwe [Mangwende] ikipe ye ya FAR Rabar yamwimanye.

Imanishimwe Emmanuel yahamagawe mu bakinnyi 28 Carlos Alós Ferrer azifashisha mukino w’umunsi wa 5 w’itsinda L mu gushaka itike y’igikombe cy’Afurika aho azakira Mozambique tariki ya 18 Kamena 2023.

Uyu myugariro wo ku ruhande rw’ibumoso akaba yagombaga kugera mu Rwanda ejo hashize tariki ya 13 Kamena 2023 ariko ntiyaje.

Ikipe ye FAR Rabat ikaba yamwimye uruhushya kuko iri mu minsi ya nyuma ya shampiyona aho iyoboye urutonde n’amanota 57 ikurikiwe na Wydad n’amanota 56.

Iyi kipe rero ikaba yanze kumurekura kubera ko uyu munsi ifite umukino na Khouribga ni mu gihe ku wa Gatandatu bafite umukino usoza shampiyona na MAS de Fes.

Ntabwo byakunda ko yakina uyu mukino kubera ko Mangwende azakina umukino usoza shampiyona tariki ya 17 Kamena ni mu gihe Amavubi azakina na Mozambique tariki ya 18 Kamena 2023.

Umutoza w’ikipe y’igihugu, Carlos Alós Ferrer yavuze ko kubura uyu mukinnyi ari igohombo gikomeye cyane.

Ati “Imanishimwe ni umukinnyi mwiza kandi dukeneye umukinnyi wacu mwiza ku mukino wa Mozambique. Yego ni igihe cy’amakipe y’igihugu FIFA iba yarashyizeho. FAR Rabat nayo irimo kurwanira igikombe cya shamoiyona, rero bafite imikino 2 y’ingenzi. Tuzareba ikizaba.”

Kubura Mangwende kuri uyu mukino ni igihombo gikomeye kuko ni umukinnyi ngenderwaho mu Mavubi.

Amavubi ari ku mwanya wa nyuma n’amanota 2, Senegal yamaze kubona itike ifite amanota 12 ni mu gihe Benin na Mozambique zifite 4.