Ikipe ya Rayon Sports, iri mu biganiro bya nyuma n'umuzamu witwa Simon Tamale ukinira ikipe ya Maroons fc, yo mu kiciro cya mbere muri Uganda.
Uyu musore w'imyaka 28 y'amavuko, ari mu banyezamu 3 bakomeye i Bugande, akaba afite uburebure bwa metero 1 na cm 82.
Umugabo w'imyaka 48 yikubise hasi nyuma y'uko umutima uhagaze bitunguranye, nyuma y'iminota 10 gusa asezeranye n'umukunzi we.
Muri Amerika Tariki 19 Kamena 2023, wari umunsi w'ibyishimo by'agahebuzo mu buzima bwa Mae Davis, kuko ari bwo yasezeranye n'umugabo yakunze mu buzima bwe, Toraze Devis, ariko waje guhinduka umunsi w'ibyago bikomeye.
Kuko ari wo munsi yapfushijeho uwo mugabo, bari bamaze iminota mikeya basezeranye nk'uko byatangajwe n'ikinyamakuru 'New York Post'.
Nk'abanyamakuru, ibitangazamakuru, n'abakoresha imbuga nkoranyambaga, dufite inshingano zo kumenyesha abandi amakuru neza kandi mu buryo bwitondewe tukazirikana ingaruka amagambo yacu n’ibikorwa byacu bishobora kugira ku muryango ndetse n’abakunzi ba nyakwigendera.
Gutangazanya amakuru ubushishozi n'icyubahiro
Iyo utanga raporo ku rupfu rw’icyamamare, ni ngombwa kwibuka ko umuryango n’abakunzi ba nyakwigendera bari mu bihe bitoroshye. Amakuru agomba kutangazwa hifashishijwe ubushishozi no kubahana, hibandwa ku buzima n'umurage wa nyakwigendera, aho kwibanda ku rupfu rwe.
Abanyamakuru bagomba kwirinda gukoresha urupfu rw'icyamamare nk'umwanya wo kwandika imitwe y'inkuru ikurura abarebyi cyangwa abasomyi benshi.Â
Ni ngombwa gushyira mu gaciro ugatangaza amakuru ariko kandi ukubaha n'ubuzima bwite bw'umuryango wasigaranye intimba. Inkuru yawe igomba kumvikanamo kubaha no kwishyira mu mwanya w’abandi, ukemera ibyago byabaye ndetse n’ingaruka bigira ku basigaye.
Kwirinda ibihuha n'amakuru atizewe
Nyuma y'urupfu rw'icyamamare, ibihuha n'amakuru atizewe bishobora gukwirakwira vuba binyuze ku mbuga nkoranyambaga ndetse n'izindi mbuga. Nk'abanyamakuru n'ibitangazamakuru, ni ngombwa kugenzura niba ikintu ari ukuri mbere yo gutanga raporo ku cyateye urupfu cyangwa ibindi bisobanuro bijyanye n'icyo kibazo.
Gusangiza abantu ibihuha cyangwa amakuru atari yo bishobora kubabaza umuryango ndetse n'abakundaga nyakwigendera, kandi bishobora no kwangiza icyizere rubanda rufitiye igitangazamakuru cyangwa ukoresha izo mbuga nkoranyambaga.Â
Ni ngombwa gutegereza kugeza igihe abagomba gutangaza ayo makuru bizewe bayatangarije bakemeza icyateye urupfu mbere yo kubitangaza no kwirinda gukekeranya uko ibintu bimeze.
Kuzirikana umuryango we wa hafi
Umuryango wa hafi wa nyakwigendera ukunze kwibasirwa cyane n'urupfu rwe, ni ngombwa rero kuzirikana ibyiyumvo byabo n'ibikenewe muri icyo gihe kitoroshye.Â
Abanyamakuru n'ibitangazamakuru bagomba kwirinda gutoteza umuryango ku bw'amakuru cyangwa ibitekerezo runaka. Bagomba kandi kubaha ubuzima bwabo bwite hamwe n'urugamba rw'intimba barimo.
Ni ngombwa kandi kumva ingaruka z'amakuru ku muryango ndetse n'abakunzi ba nyakwigendera. Ibitekerezo cyangwa amagambo bidafite ishingiro bishobora gukomeretsa umuryango ndetse bikawambura icyubahiro, ni ngombwa kandi gushyira mu gaciro mu gihe cyo gutangaza amakuru ukibuka kubaha ibyiyumvo by'umuryango.
Ibikubiye muri iyi nkuru ni ibitekerezo bya Fabrice Nzeyimana. Uyu mugabo watanze ibi bitekerezo, afite impamyabumenyi mu Mategeko ndetse na Tewolojiya.Â
Abamotari baretse ibyabo byose ubundi bafata umuhanda baherekeza Pastor Theogene Niyonshuti washyinguwe kuri uyu wa Gatatu.
Mu nzira ijya ku irimbi rya Rusororo aho Pastor Theogene yashyinguwe, abamotari bari benshi cyane aho bari baje giherekeza uyu muvugabutumwa witabye Imana.
Ikipe ya Special Force itozwa n'umunyamakuru Reagan Rugaju iherewe isomo rya ruhago i Nyamirambo n'ikipe ya RG.
Umukino wari witabiriwe n'abantu benshi cyane aho sitade ya Kigali Pele Stadium yari yuzuye mbese ubona ko atari umukino woroshye gusa burya ngo ababurana ari babiri umwe abayigiza nkana.
Ikipe ya RG itsinze ikipe ya Special Force ibitego bibiri ku busa byatsinzwe na Gasheja ndetse na Muhire byose bikaba byinjiye mu izamu kuri penaliti.
Ikipe ya RG yahise igera ku mukino wa nyuma w'igikombe cya Liberation Cup aho izacakirana n'ikipe ya TF (Task Force) ku mukino wa nyuma uzaba ari ishirano n'aho ikipe ya Special Force ya Reagan ihita isezererwa utyo.
Source : https://yegob.rw/ikipe-ya-reagan-rugaju-iherewe-isomo-rya-ruhago-i-nyamirambo/
Umuhanzi Damini Ebunoluwa Ogulu wamamaye cyane ku izina rya Burna Boy yanikiriye abarimo Davido na Wizkid bahora bahanganye.
Burna Boy umaze kwigarurira imitima ya benshi mu bakunzi b'umuziki ku Isi yaciye agahigo ko kuba umuhanzi wa mbere wo ku mugabane w'Afurika ubashije kugeza miliyoni enye z'abantu bamukurikira kuri YouTube akaba yemeje abarimo Davido na Wizkid bahora bahanganye.
Iri rushanwa rizabera muri kaminuza ya Mount Kigali rifite insanganyamatsiko igira iti: “Ibihe bihindura Impunzi – Guteza imbere Guverinoma ikorera mu mucyo no kubazwa ibyo guteza imbere uburenganzira bwa muntu”.
Kaminuza ya Mount Kenya, Ishami ry’Amategeko rya Parklands, yemewe na Komisiyo ishinzwe uburezi muri kaminuza ndetse n'inama y'uburezi mu by’amategeko muri Kenya, ikaba itanga porogaramu mu cyiciro cya 3 cya kaminuza mu mategeko, icyiciro cya 2 cya kaminuza mu mategeko n'icyiciro cya 1 mu mategeko.
Ni porogaramu ziha ubumenyi ndetse n'ubwenge Abanyeshuri biga amategeko bushingiye ku bukoreshwa muri Kenya ndetse no ku rwego mpuzamahanga. Kuva mu mwaka wa 2009, iki kigo cy'amategeko cyagize uruhare mu guhugura abanyamategeko b'indashyikirwa bafite ubumenyi n'ubwenge bw'amategeko bukenewe ku rwego rw'igihugu ndetse no ku rwego mpuzamahanga.
Nk'uko byatangajwe na Nelly Wamaitha, Umuyobozi w’Ikigo cya Parklands Law Campus, insanganyamatsiko y’iri rushanwa izibanda ku gukemura amakimbirane, amategeko agenga abinjira n’abasohoka, ndetse n’amategeko agenga impunzi.
Yagize ati “Iyi nsanganyamatsiko izatuma abanyeshuri biga amategeko bashaka ibisubizo bishya kugira ngo bakemure ibibazo bijyanye no kwimurwa ndetse no kurengera uburenganzira bwa muntu binyuze mu gukemura amakimbirane.Â
Uruhare rwa kaminuza yacu, hamwe n'Amashuri y'amategeko yo muri za kaminuza enye zo mu Rwanda zirimo kaminuza y'u Rwanda, kaminuza ya Kigali, INES na UNILAK, tuzaha abanyeshuri biga amategeko urubuga rwo gusabana no kwigira mu nzego zitandukanye zemewe n’amategeko “.
Mu magambo ye kandi yavuze ko aya marushanwa afasha Abanyeshuri biga amategeko kongera ubumenyi mu by’amategeko, ubushakashatsi, ndetse n’ubuhanga bwo kunganira abandi mu rurukiko.
Yagize ati 'Binyuze muri iri rushanwa, abanyeshuri biga amategeko barashishikarizwa kujya mu bibazo bikomeye by'amategeko no gutanga ibitekerezo byabo imbere y'inzobere mu by’amategeko. Ubunararibonye bubaha uburambe bufatika mu mwuga w’amategeko, bukabafasha guteza imbere ubumenyi bw’agaciro nko gutekereza, kunrnga, kuvugira mu ruhame no gusesengura amategeko “.
Umuyobozi Wungirije w’agateganyo, Dr. Martin Kimemia, yavuze ko kaminuza ya Mount Kigali yishimiye kwakira iki gikorwa kandi ko izagerageza gushyiraho umubano mu bujyanama hagati y'umwuga w'amategeko n'abanyeshuri biga amategeko.
Yagize ati: “Turateganya ko amarushanwa azaba arimo guhangana cyane, ibyo bigatuma dushimangira uruhare rukomeye rw’ubushakashatsi mu bumenyi, mu gusesengura no mu buvugizi, ishoramari ntagereranywa kuri bose mu mwuga w’amategeko”.
Uruhare rw’amategeko n’ubutabera mu muryango w’Afurika y’Iburasirazuba, byagaragaye ko hari intambwe ikomeye iganisha ku guhuza ibihugu bigize uyu muryango. Byazanye kandi amahoro n’umutekano mu karere, igisubizo cyo guhora bibutsa ko hakenewe ubumwe n’intego imwe mu guharanira iterambere ry’akarere.
Umuyobozi w’ikigo cy'amategeko cya Parklands, Nelly Wamaitha (uwa mbere uhereye iburyo) hamwe n'abandi bakozi bafata ifoto bari kumwe n'itsinda ry'abanyeshuri biga amategeko muri kaminuza ya Mount Kigali
Abanyeshuri biga mu ishuri rya Siyansi ry'abakobwa(ESFIH) ryanshinzwe n'umuryango Muhammed Bun Rashid Al Maktoum Hummanitarian & Charity Est, baravuga ko ibikorwa by'uyu muryango birimo n'iri shuri ryigamo abakobwa basaga 320 barimo 180 bishyurirwa n'uyu muryango bemeza ko uwawushinze ari nka Malayika waziye imfubyi n'abakene baburaga amahirwe yo kujya mu ishuri.
Umuhire Gasaro Leira, umunyeshuri wiga muri ESFIH-MUHANGA mu mwaka wa Kane ashimira uwashinze iri shuri kuko yabashije gutuma abari barabuze ibyiringiro byo kwiga kubera ubukene biga neza ndetse n'impfubyi zigafashwa kwiga.
Yagize Ati' Turashimira Umubyeyi wacu washinze iri shuri kuko yabaye inyenyeri yaje kumurikira abana bavuka mu miryango ikennye ndetse n'impfubyi kuko amiringiro yo kwiga ntayo bari bugire, ariko hano tuhaherwa ubumenyi budacagase kuko dufite byinshi bibigaragaza'. Akomeza yibutsa ko hakiri benshi bagifite ibibazo bibakomereye by'ubuzima nabo bakwiye gufashwa kurushaho.
Umuyobozi w'ikigo cya ESFIH-MUHANGA, Omar Harelimana Emmanuel avuga ko kuva ibikorwa by'uyu muryango byatangira, bakiraga abakobwa 50 ariko ubu bageze aho bakira 320 nabo bashobora kwiyongera kandi abasaga 70% bashoje ishuri mu mwaka ushize bose barihirwaga byose n'uyu muryango wubatse iki kigo.
Akomeza avuga ko, nta marangamutima abamo mu gutoranya abishyurirwa kuko babahabwa n'akarere ka Muhanga kamaze kureba ikibazo cya buri mwana. Abenshi n'abaturuka mu miryango y'abakene ndetse n'impfubyi.
Yongeyeho ko kuva iki kigo cyakubakwa kimaze kunyurwamo n' abasaga ibihumbi bine byigiye ubuntu. Akomeza avuga ko hari ibindi bashaka ko uyu muryango ureberera iki kigo wongera mu bisanzwe ndetse hakavugururwa, hakubakwa ibibuga bya Basketball bigezweho, hakongerwa umubare w'imashini zigirwaho ndetse hakanarebwa uko abatsinze neza babona amahirwe yo gukomereza amasomo mu bindi bihugu.
Umuyobozi w'amashuri abarizwa mu muryango washinze iki kigo akaba ashinzwe kureberera ibigo by'amashuri, Saleh Zaher Saleh Mohamed yijeje ubuyobozi bw'iki kigo ko ibibazo byose abanyeshuri bagaragaje bizwi kandi bigomba gushakirwa ibisubizo.
Yagize ati' Ibibazo byose mwatubwiye tugiye kubishakira ibisubizo birambye kandi bimwe twari tunabizi kuko ubuyobozi bw'Ikigo bwari bwarabitubwiye, bityo rero nk'umuryango washinze iki kigo tugomba gukomeza gushakisha icyatuma abanyeshuri mwiga neza amasomo yanyu kandi vuba aha turabibakorera neza'.
Yongeyeho kandi ko bimwe mu bibazo byagaragajwe byose birimo; Inyubako zigomba gusanwa, Imashini zo kwigiraho ikorabuhanga, Ibibuga byo gukiniraho, Isoko y'amazi ndetse n'Ibitabo bitandukanye byo gukomeza gukarishyirizamo ubwenge babibonye bityo bazabikora.
Yagarutse kandi ku cyifuzo cy'uko hajya hatangwa buruse zo kujya kwiga muri kaminuza zo mu bihugu by'ubumwe bw'abarabu (United Arab Emirate,UAE), abizeza ko iki kizaganirwaho ku rwego rw'ambasade bikajya bica muri Ambasade bakaba bafashwa kuminuza amasomo abavana ku rwego rumwe bakageta ku rundi.
Iki kigo cyatashywe mu mwaka wa 2002, gitangira cyakira abakobwa biga siyansi bagera kuri 50 gusa. Kugeza ubu bafite abanyeshuri 320 harimo 180 bishyurirwa na Muhammed Bin Rashid Al Maktoum Hummanitarian & Charity Est nk'umuryango. Mu myaka 21 kimaze kwishyurira abakobwa bagera ku bihumbi 4 amafaranga y'ishuri n'ibindi bikoresho bakenera.
Akimana Jean de Dieu
Niba ukunda gukurikira Radiyo za hano mu Rwanda, nta kuntu waba utarumvise indirimbo “Hinga Kinyamwuga” yakunze kwifashishwa cyane mu bukangurambaga bwa Minisiteri y’Ubuhinzi n’Ubworozi (MINAGRI), bugamije gushishikariza abanyarwanda guhinga kinyamwuga.
Ni indirimbo iryoshye yaba mu mudiho ndetse n’amagambo ayigize. Yasohotse mu mwaka wa 2019, ariko nyirayo ntabwo azwi cyane, kandi nyamara ni umuhanzi w’umuhanga cyane umaze gukora indirimbo zigera ku 8. Ibi byatumye tumushakisha kugira ngo tubagezeho amakuru ye.
Amazina ye ni Jean de Dieu Harerimana, akaba akoresha izina rya JDK mu ruhando rwa muzika. Avuga ko JDK ari impine y’amazina ye n’umuryango we. Akunda cyane indirimbo ze zose ariko cyane cyane iyitwa “Hinga Kinyamwuga” ari nayo yatumbagije umuziki we.
Iyo asobanura impamvu imutera gukunda iyi ndirimbo kurusha izindi zose, avuga ko ifite ubutumwa bukomeye kandi yafashije abanyarwanda guhinga kinyamwuga, biteza imbere. Iyi ndirimbo yarakunzwe cyane, kugera aho yiyambazwa na MINAGRI mu bikorwa byayo binyuranye.
Aganiriza inyaRwanda ku rugendo rwe mu muziki n’ibihe yari arimo ubwo yandikaga iyi ndirimbo ye yamamaye, JDK yagize ati “Indirimbo yanjye natangiriyeho bwa mbere yitwa “Hinga Kinyamwuga”, hari muri 2019. Ni indirimbo yanjemo ndyamye mu ijoro kuko sinari nzi ko nzaba umuhanzi”.Â
Ati “Icyo nari ngamije ni ugushishikariza abahinzi guhinga kinyamwuga bakiteza imbere ndetse n’igihugu cyacu muri rusange. Nayanditse mu 2019. Ni indirimbo izwi cyane kuko abanyarwanda bayakiriye neza cyane”. Yongeyeho ko kugira ngo igere kuri MINAGRI “habayeho agreement”.Â
Ubusanzwe, JDK akora mu Nganda i Masoro, akaba ari “Director of administration” mu ruganda rumwe rwa hano mu Rwanda. Afite impamyabumenyi y’icyiciro cya kabiri cya kaminuza muri ‘Business administration’, yakuye muri UNILAK mu mwaka wa 2014.
Yabwiye inyaRwanda ko afite imishinga myinshi muri uyu mwaka “ariko hari imaze kugera kuri 50%”. Ati “Ndimo gutegura umushinga w’indirimbo y’Uburere Mboneragihugu n’izindi z’urukundo zisanzwe. Mu myaka 5 mbafitiye ibyiza byinshi, kubaha indirimbo nziza kandi zuzuyemo amasomo”.Â
Uyu mugabo umaze imyaka 4 mu buhanzi, avuga ko imbogamizi yahuriye nazo mu muziki ari nyinshi. Mu byamubabaje cyane, ku isonga ni ukuba indirimbo ye yaramenyekanye ariko nyirayo ntamenyekane. Aha yavugaga indirimbo ye yamwinjije mu muziki ariyo “Hinga Kinyamwuga”.
Yumvikanishije ko ari umwe mu bavumira ku gahera icyorezo cya Covid-19 yatumye atamenyekana. Aragira ati “Indirimbo yanjye yitwa ‘Hinga Kinyamwuga’ yaramamaye cyane, njyewe JDK nyirayo sinamenyekana bitewe n’uko nayisohoye mu mezi make tugahita duhura n’icyorezo cya COVID 19”.
Ni ibintu avuga ko byamugizeho ingaruka zikomeye kuko “yahise azima” mu mvugo z’ab’ubu, ahanini bitewe n’uko yabuze uko afata amashusho y’iyi ndirimbo ye. Aragira, ati “Ibi byatumye nsubira inyuma indirimbo ikomeza kwamamara nyirayo arasigara bitewe n’uko yari Audio”.Â
Yashimye byimazeyo MINAGRI yabengutse indirimbo ye “Hinga Kinyamwuga”, ati “Kandi ndashimira Minisiteri y’Ubuhinzi n’Ubworozi imbaraga bakoresha mu kwigisha no gushishikariza abahinzi guhinga kinyamwuga no kuzamura iterambere ry’umuhinzi”.
JDK yasobanuye ko atayikoreye amashusho agezweho, akaba akirimo kubyigaho. Ni umushinga avuga ko uremeyeye cyane, akaba asabwa kutawuhubukira. Avuga ko amashusho ari hanze, atayakunze, kandi nayo yayafashe ejobundi. Kuko igihangano cye ari cyiza cyane, avuga ko n’amashusho agomba kuba ari meza.
JDK yamamaye cyane mu ndirimbo “Hinga Kinyamwuga”Â
JDK aretaganya gukora indirimbo z’urukundo ndetse n’iz’Uburere Mboneragihugu
Kuva mu rugo kwa Pastor Theogene, umurongo w'ibinyabiziga wari mwinshi ku buryo imodoka yari itwaye abanyamakuru ba InyaRwanda yageze ku rusengero rwa ADEPR Nyarugenge mu buryo bugoranye kuko tukimana kugera ku marembo wabonaga kwinjira byasaga n'ibyabaye amateka.
Icyakora twakambiye uwari ufite ububasha ari imbere y'umuryango mu mbuga y'urusengero, abonye ko turi abanyamakuru atugirira impuhwe turinjira. Uru rusengero rwa ADEPR Nyarugenge ruherereye mu mujyi wa Kigali, mu Karere ka Nyarugenge, Umurenge wa Nyarugenge, ahazwi nko mu Gakiriro ariko hahoze hitwa Agakinjiro
Ntabwo twari tuzi aho twerekeza kuko gutambuka byasabaga kubyigana ku buryo ufite amagara make nta kabuza umwuka wamubanye iyanga. Tugeze imbere mu rusengero byasabaga kuzamura camera n'amakarita kugira ngo batureke twibyiganire kuko aho gukandagira hari hashize.
Twazengurutse imiryango yose tubura aho duhagarara. Ku bw'amahirwe, umunyamakuru wa InyaRwanda yari imbere abikurikirana mu mafoto n'amashusho.Â
Aho twanyuraga hose, icyifuzo abakristu n'inshuti n'abandi bamenye Pasiteri Théogène Niyonshuti bumvikanaga bavugira mu matamatama bati: 'Ese ubu iyo bareka tukajya muri stade twese tukabasha gusezera umuntu wacu'.
Usibye ko uwari wasigaye inyuma muri wa murongo w'ibinyabiziga navuze hejuru nubwo waba uri uwo mu muryango wa Pasiteri Théogène Niyonshuti mu rusengero byagoranye kuko utayiraye ku ibaba rwose ntabwo yabashije kumusezeraho bwa nyuma.Â
Mu muhanda ukikije urusengero hari huzuye. Mu mbago z'urusengero hari huzuye abifuza gusezera kuri Pasiteri Théogène Niyonshuti ntabwo bagize ayo mahirwe. Mu mpande zose z'urusengero hari huzuye ku buryo no kubona aho unyura usohoka byari bigoye cyane pe.
Umubyeyi warimo ushaka kwigira imbere ngo asezere kuri Pasiteri Théogène Niyonshuti yari afite umwana amuhetse mu mugongo. Yabyiganaga ashaka kureba imbere yibagirwa ko ahetse umwana.Â
Nyamara uwamuhwituye amwibutsa ko nareba nabi umwana we ahera umwuka yahise yikanga kuko yari yabyibagiwe. Bivuze ko haza kuvuka ibibazo ku bantu bari bubure umwuka cyangwa se abafite amagara make bakaba bahatesekera.
Ishusho yo ku rusengero mu gusezera bwa nyuma Pasiteri Théogène Niyonshuti
Abantu babuze aho bicara baje kumusezera bari uruvunga nzoka ku buryo buri muntu kubona aho ahagarara ni ikibazo gikomeye cyane.
Ubwo bari mu muhango wo gusezera nyakwigendera pasiteri Niyonshuti Theogene wamenyekanye nk'inzahare cyangwa inzahuke hari abantu benshi cyane kandi buri muntu wese yumvaga ashaka kumusezeraho bwa nyuma.Â
Nibura hari abarenga ibihumbi 400 kandi bose bashaka ko bamusezeraho byari bimeze nko muri bya bihe byo kujya ikibeho kwa nyina wa Jambo mu ma bonekerwa ikibeho.
Mwibuke ko Pasiteri Theogene yabanaga na buri wese harimo abasengera mu madini yose cyane cyane abandi bo mu mihanda, abacuruzi mu mujyi bafunze hafi ya bose baje guherekeza Pasiteri Théogène Niyonshuti.
Mu rugo kumusezera bwa nyuma ntabwo abahaje bari benshi
Mu gitondo cyo kuri uyu wa 28 Kanama 2023 mu karere Rulindo mu murenge wa Ntarabana, akagari ka Kajevuba, umudugu wa Bikamba mu Isibo yo Gukunda umurimo ni bwo habaye umuhango wo gusezera bwa nyuma Pasiteri Théogène Niyonshuti watabarutse azize impanuka.Â
Yagonzwe avuye muri Uganda ageze i Kabale ahagana saa tanu z'ijoro abona ubutabazi atinze. Nibura abaje kumutabara bamugezeho saa sita z'amanywa. Iyi mpanuka yari ikomeye kuko yahitanye abantu bane bari bari mu modoka yari itwawe na Pastor Theogene.
Mu kumusezera bwa nyuma, mu rugo rwe hari huzuye ku buryo abafite imitima yoroshye bari bananiwe kwihangana amarira ari yose. Urugo rwari ruruzuye kandi ari guherekezwa mu masengesho kuko n’ubundi ubuzima bwe bwaranzwe no gukorera Imana yamuhamagaye.
Hari saa kumi n'ebyiri za mu gitondo ubwo umuryango, inshuti, itorero rya ADEPR bajyaga gufata umubiri wa Pasiteri Théogène Niyonshuti. Yabonye izuba ku itariki 01 Mutarama mu 1982. Yatashye ku itariki 22 Kanama 2023 saa tanu z'ijoro. Agiye assize abana bane n'abandi 22 yareraga ku bw'ubugwaneza bwamuranze ubuzima bwe bwose.
Ku isaha ya saa tatu n'igice nibwo umubiri wari ugejejwe mu rugo rwa nyakwigendera. Kuva umubiri we uhageze amarira yabaye menshi mu gikari abandi kwifata birabananira. Uyoboye umuhango yabanje kuvuga ko nta mpamvu yo kumuherekeza mu gahinda kuko yasabye ko yazaherekezwa mu byishimo no mu ndirimbo.
Niko byagenze yahise asaba korali kwanzika bashyiraho indirimbo zirimo ubuhamya bugira buti:'Wabaye intwari mu buzima uyobora benshi ku Mana. Aratashye umukozi w'Imana, aratashye intwari ya benshi'.
Ni indirimbo ivuga ko hahirwa abapfa bapfira mu mwami. Baruhukira mu Mwami. Bati:'Wakoreye Imana, Wakoreye Imana mukunzi igendere ruhuka mugeni wa Kristo'.
Pasiteri Théo, wari ufite imyaka 40, yari azwi cyane mu Banyarwanda n’Abarundi n’abandi bumva Ikinyarwanda bakurikira ibiganiro ku rubuga rwa YouTube.
Yabwirizaga akenshi yifashishije ingero zo mu buzima yanyuzemo nk’umwana wo mu muhanda.
Ni ibiganiro yatangaga abivangamo no gutebya (gutera urwenya). Rimwe na rimwe yanatumirwaga ari kumwe n’umugore we. Yari umushumba wa Paruwasi ya Muhima mu itorero rya ADEPR-Kamuhoza, mu mujyi wa Kigali.
Pasiteri Ndayizeye ati: “Ndamuzi ataraba na pasiteri. Yari afite impano yihariye mu ivugabutumwa, ijyanye n’ubuzima yabanje kubamo muri Jenoside. “Yabaye imfubyi, aba ku muhanda ariko arakizwa. Yari umuntu wahindutse, wifitemo umutima wo gukunda”.
Pasiteri Ndayizeye avuga kandi ko Pasiteri Théo hari abana yari yarakuye mu buzima bwo mu muhanda akabarihira ishuri. Ati: “Yari umuntu ufißte ubwo bwitange”.
Asize abana bane n’umugore.
Pasiteri Niyonshuti, yari umugabo wahindutse ahindura n'abandi Mu buhamya bwe, Pasiteri Niyonshuti yivugiraga ko ari umwe mu bakozi b'Imana batarya iminwa iyo bigeze ku ngingo ijyanye no kuvuga ubuzima bw'ibyo banyuzemo.
Ubusanzwe avuka mu muryango ukomeye ariko nyuma ya Jenoside yakorewe Abatutsi muri Mata 1994 yabayeho mu buzima bugoye bwatumye ayoboka inzira yo kwicira incuro.
Muri ubwo buzima yari atunzwe no gukora mu kinamba ndetse uwarangaraga amuri hafi yasangaga amutwaye umuzigo we.
Nyuma yo kurambirwa nubwo buzima bwo gushakira amahoro mu rumogi n'ibindi, mu 2003 ni bwo yafashe umwanzuro wo kwakira agakiza, ndetse yari akigahagazemo yemye kugeza atabarutse.
Nyuma yo kwimarira mu gakiza, yasubiye ku muhanda akurayo bamwe mu bo yahasize, abahindurira ubuzima, bamwe abafasha kwiga imyuga, abandi abafata nk'abana be.
Umuhango wo kumushyingura ukomereje ku irimbi rya Rusororo aho biza kugorana ku bari butinde kuhagera kuko bigaragara ko yaherekejwe n'abantu benshi.
