Category: Uncategorized

Ikipe ya Bayern Munich yakubise ibiciro hasi ku ikipe yaba yifuza kugura umunya-Senegal Sadio Mane muri iyi mpeshyi.

Mu mpeshyi ishize nibwo Sadio Mane yasinye amasezerano y'imyaka itatu muri Bayern Munich, nyuma yo gutangwaho miliyoni 35 z'amapawundi avuye muri Liverpool yatwayemo ibikombe birimo Champions League na Premier League.

Uyu mugabo w'imyaka 31 yatsinze ibitego 12 mu mikino 38 yakiniye Bayern Munich muri uyu mwaka w'imikino, ariko amakuru ava mu Budage aravuga ko Bayern Munich yaba yiteguye kumutanga mu ikipe yaba imwifuza.

Inkuru dukesha ikinyamakuru Sky Sports, iravuga ko Bayern Munich iramutse ibonye ikipe itanga miliyoni 17 z'amapawundi kuri Sadio Mane yamurekura, ndetse agakurikirwa n'abakinnyi barimo Benjamin Pavard, Marcel Sabitzer, Ryan Gravenberch, Bouna Sarr, Alexander Nubel na Yann Sommer, nabo byitezwe ko bazasohoka.

Sadio Mane yinjiye muri Bayern Munich nyuma y'igenda rya Robert Lewandowski byitezwe ko ashobora kumusimbura ariko byakomeje kugorana, akaba ariyo mpamvu iyi kipe yerekeje amaso kuri rutahizamu w'umwongereza Harry Kane.

Si Harry Kane gusa kandi uri mu bitekerezo by'abayobozi ba Bayern Munich kuko batekereza ko mu gihe uyu mwongereza byakwanga bashobora gutira Julian Alvarez muri Manchester City, cyangwa bagakomanga muri Juventus bashaka Dusan Vlahovic.

Source : https://yegob.rw/sadio-mane-wari-igihangange-ku-isi-ubu-ari-ku-giciro-nki-icyimineke/

Umugabo wo Nigeria magingo aya yatangiye umuhigo yiyemeje wo kumara amasaha 100 arimo kurira kugira ngo yandikwe muri Gunness World Record.

Umugabo uturuka mu gihugu cya Nigeria witwa Danny Green yatangiye umuhigo yihaye wo kwandikwa muri Gunness World Record ariko abanje guca agahigo k'umuntu warize ari umwe ku giti cye amasaha menshi mu isi nzima.

Danny Green yatangiye umuhigo wo kumara amasaha 100 arimo kurira

Uyu mugabo akaba amaze iminsi asaba ko Gunness World Record yamuha uburenganzira agatangira agahigo ko kumara amasaha 100 arimo kurira. Gunness World Record nayo ntiyamutindiye kuko yamuhaye rugari none uyu munsi yatangiye umuhigo we.

Kugera magingo aya Danny Green nta mikino abifitemo kuko yafashe mudasobwa ayishyira iruhande rwe atera agatebe maze arangije azana camera ngo zimufate amashusho, none magingo aya amaze kurira amasaha abiri yose.

Source : https://yegob.rw/ubwo-arahaze-umugabo-yihaye-intego-yo-kumara-amasaha-menshi-arimo-kurira-amafoto/

Abakinnyi b'Ikipe y'Igihugu y'Abagore ya Suède bategetswe kwereka abaganga imyanya yabo y'ibanga, kugira ngo harebwe niba bemerewe gukina Igikombe cy'Isi cya 2011.

Aya makuru yaciye igikuba yashyizwe ahagaragara n'uwahoze ari myugariro wa Suède, Nilla Fischer, mu gitabo cye yise 'I Didn't Even Say Half Of It'.

Uyu mugore w'imyaka 38 wakiniye Suède imikino 194 mpuzamahanga, yasobanuye uburyo ibizamini byakozwe n'umukozi w'umugore wita ku kunanura imitsi y'abakinnyi, mu mwanya w'umuganga.

Yahishuye ko hakozwe ibijyanye no kureba igitsina nyakuri cy'umukinnyi, nk'uko byari byategetswe na FIFA ko amashyirahamwe agomba kwemeza niba abakinnyi bayo ari abagore.

Isuzuma Fisher yavuze ko ryari 'urukozasoni' ryabayeho nyuma y'uko hari ibirego byagarukaga ku Ikipe y'Igihugu ya Guinée Equatoriale ko ifite abakinnyi batari abagore, biturutse ku makipe ya Ghana, Nigeria na Afurika y'Epfo.

Muri icyo gitabo cye, Fischer wasezeye gukina umupira w'amaguru mu Ukuboza, yanditse ati 'Twabwiwe ko tutagomba kogosha hariya hasi mu minsi iza kandi tuzereka umuganga imyanya yacu y'ibanga.'

Source : https://yegob.rw/urukozasoni-abakinnyi-bikipe-yigihugu-yabagore-ya-suede-bategetswe-kwereka-abaganga-imyanya-yabo-yibanga/

Rutahizamu w'ikipe ya APR FC ndetse n'ikipe y'igihugu y'u Rwanda Amavubi Manishimwe Djabel ntabwo ababajwe n'ibikomeje kuvugwa ko yamaze gusezererwa muri Gitinyiro kuko yamaze kumvikana n'ikipe n'ubundi ikomeye hano mu Rwanda ndetse imaze iminsi itsinda APR FC.

Manishimwe Djabel wari usanzwe ari Kapiteni w'ikipe ya APR FC ari mu bakinnyi bivugwa ko bashimiwe n'iyi kipe, gusa YEGOB twamenye ko uyu rutahizamu yamaze kumvikana na AS Kigali kandi hashize imyaka itari micye ishobora cyane APR FC bivuze ko agiye kongeramo akabaraga noneho bakajya bayitsinda mu buryo bworoshye.

Ntabwo Manishimwe Djabel ari we ugiye kwerekeza muri AS Kigali gusa, biranavugwa ko umutoza Haringingo Francis watozaga Rayon Sports agiye kwerekeza muri iyi kipe ndetse nabo bakoraga bose barimo umutoza wungirije ndetse n'umutoza w'abazamu.

Manishimwe Djabel siwe gusa urimo kuvugwa washimiwe na APR FC, harimo na Mugunga Yves, Ishimwe Anicet, Ishimwe Fiston, Rwabuhihi Aime Plaside, Nzotanga, Uwiduhaye, Itangishaka Blaize, Nkundimana Fabio, Keddy, Ir'Ishad ndetse na Mugisha Bonheur

 

Source : https://yegob.rw/manishimwe-djabel-wirukanwe-akerekana-ko-ntacyo-bimubwiye-yamaze-kurangizanya-nikipe-yagize-umugore-apr-fc/

Gira umutima utabara ejo yaba ari wowe! Tugirimana Jean Damascène ufite ubumuga bw'ingingo arasaba ubufasha bwo kubona ibihumbi 200 ahindure ubuzima bubi arimo.

Tugirimana Jean Damascène ufite ubumuga bw'ingingo avuga ko akeneye igishoro cy'ibihumbi 200 frw kugira ngo atangire Umwuga w'ubucuruzi kuko kwicara hamwe bimurambiye.

Tugirimana avuga ko yifuza igishoro kugira ngo ateze imbere umuryango we

Tugirimana Jean Damascène w'Imyaka 52 y'amavuko, atuye mu Mudugudu wa Nyagasozi, Akagari ka Gasave Umurenge wa Rugendabari mu Karere ka Muhanga.

Tugirimana avuga ko yavukanye ubumuga bukabije bw'ingingo agira amahirwe make yo kuvukira mu muryango ukennye.

Avuga ko ubumuga yavukanye butigeze bumuca intege kuko yakundaga korora amatungo magufi.

Mu bushobozi buke bw'Ababyeyi be yishatsemo igishoro agura ingurube, inkwavu n'ihene akuramo Inkwano yahaye Umuryango wo kwa Sebukwe.

Ati 'Nifuza ko Leta impa igushoro cy'ibihumbi 200 by'uRwanda kugira ngo nongere gukora.'

Uyu mugabo ufite umugore n'abana 2 avuga ko akeneye kunganira Umugore we kubera ko akora umwuga w'ubuhinzi ari nawo utunze umuryango wose.

Ati 'Mbonye igishoro cy'ayo mafaranga nacuruza ubuconsho bukamfasha kunganira uwo twashakanye.'

Tugirimana avuga ko hari inkunga y'ingoboka agenerwa na Leta buri kwezi, gusa akavuga ko idahagije kugira ngo ibashe kwishyurira abana amashuri.

Umunyamabanga Nsingwabikorwa w'Umurenge wa Rugendabari, Gihana Tharcisse avuga ko inguzanyo Tugirimana yifuza guhabwa n'Umurenge biteguye kuyitanga ariko bakayiha umugore kuko ariwe mwishingizi w'Umuryango kandi akaba ariwe ufite imbaraga zo kujya arangura mu Mujyi.

Ati 'Ikibazo cy'ubumuga uyu mugabo afite, ntabwo cyamwemerera guhora ajya kurangura ibicuruzwa.'

Gihana avuga ko umugore ari we ushoboye gukora agasaba ko bategura umushinga Umurenge nawo ukabaha inguzanyo yo muri VUP.

Tugirimana impamvu yumva afite inyota yo kwikorera ngo ni ukwanga gusabiriza nkuko bamwe mu bafite ubumuga bukabije nk'ubwe bajya babikora.

Ubuyobozi bw'Umurenge wa Rugendabari buvuga ko busanzwe buha Tugirimana inkunga y'ingoboka ingana n'ibihumbi 21, cyakora uyihabwa akavuga ko hari ayo bakata agasirana ibihumbi 10 gusa.

*Ufite ubufasha wabunyuza kuri Nimero 0780952676 ibaruye kuri Tugirimana

Source : https://yegob.rw/gira-umutima-utabara-ejo-yaba-ari-wowe-tugirimana-jean-damascene-ufite-ubumuga-bwingingo-arasaba-ubufasha-bwo-kubona-ibihumbi-200-ahindure-ubuzima-bubi-arimo/

Umwana ufite imyaka 11 y'amavuko yagaragaje impano itangaje imurimo aho takoze igishushanyo mbonera cya sitade ya Fc Barcelona bita 'Camp Nou'.

Uyu mwana ukomoka muri Nigeria, kandi afite inzozi zo kuzaba umunyabugeni mu bwubatsi mu gihe kizaza. Yakoze igishushanyo mbonera cya Camp  Nou akoresheje ibikarito.

Source : https://yegob.rw/ifoto-yumunsi-umwana-wimyaka-mike-cyane-yagaragaje-ubuhanga-afite-ubwo-yakoraga-igishushanyo-mbonera-cya-sitade-ya-fc-barcelona/

Agiye kunamirwa! Pastor Theogene Niyonshuti witahiye agiye kunanirwa mu giterane cy'ububyutse cyizabohora benshi.

Ev Egidie Uwase usanzwe aba muri Canada ategerejwe mu Karere ka Muhanga mu giterane cy'ububyutse kizunamirwamo Pasiteri Théogene Niyonshuti, kizatuma benshi bakira Yesu Kristo nk'Umwami n'Umukiza w'ubuzima bwabo.

Ni igiterane kizaba ku wa 22-23 Nyakanga 2023 cyateguwe na Ev Egidie Uwase ku bufatanye n'Itorero rya EAR Paroisse ya Gitarama.

Kizabera ku kibuga cya Paroisse ya EAR Gitarama iherereye hafi yo mu Cyakabili, aho kizajya gitangira saa tanu z'amanywa kugeza saa kumi n'ebyiri.

Source : https://yegob.rw/agiye-kunamirwa-pastor-theogene-niyonshuti-witahiye-agiye-kunanirwa-mu-giterane-cyububyutse-cyizabohora-benshi/

Kapiteni wa APR FC wari waratakambye asaba ko bamwirukana, ari kubyinira ku rukoma nyuma yo kwibona ku rutonde rw'abirukanywe.

Abinyujije ku rukuta rwe rwa Instagram, Djabel yasohoye ifoto ye ari mu kibuga ni ashimira Imana hasi aho mu rurimi rw'icyarabu.

Yagize ati: ' Alhmdulillah.'

Bivugwa ko hari ikipe yamaze kumvikana na we yo hanze y'u Rwanda aho izahita imuha miliyoni 10 zo kugira ngo ayikinire.

 

Source : https://yegob.rw/kapiteni-wa-apr-fc-wari-waratakambye-asaba-ko-bamwirukana-ari-kubyinira-ku-rukoma-nyuma-yo-kwibona-ku-rutonde-rwabirukanywe/

Nyuma y’uko bivuzwe ko APR FC yamaze gutandukana na bamwe mu bakinnyi bayo bayobowe na kapiteni w’iyi kipe Manishimwe Djabel, yahise ashyira ifoto ku mbuga nkoranyambaga arimo yisekera, hakomeza kwibazwa ubusobanuro bwayo.

Ni nyuma y’inama yahuje ubuyobozi bwa APR FC n’abakinnyi basanzwe muri iyi kipe aho ikirangira ku mbuga nkoranyambaga hakwirakwiye amakuru y’uko iyi kipe yirukanye bamwe mu bakinnyi bayo.

Mu bakinnyi bashyizwe ku rutonde ko birukanywe bari 10 ni mu gihe 2 abandi babiri Ishimwe Anicet na Mugunga Yves bakaba ngo bagomba gutizwa.

Nimero ya mbere ku bakinnyi birukanywe yari kapiteni w’iyi kipe, Manishimwe Djabel, nyuma y’akanya gato yahise ashyira ku rukuta rwe rwa Instagram ifoto ari mu mwambaro wa APR FC arimo aseka maze iherekezwa n’amagambo agira ati “Alhamdulillah” cyangwa se ngo “Imana Ishimwe.”

Ni ifoto yasamiwe hejuru ndetse inatangwaho ibitekerezo bitandukanye (na we wabisoma hano hasi), bamwe bamunnyega bamwibutsa ko yituwe ibyo yakoreye Rayon Sports, abandi bavuga ko bababajwe no kubura akazi kwe ni mu gihe hari n’anavuze ko arimo kugerageza kwerekana ko nta kibazo kandi nyamara agahinda kenda kumwica.

View this post on Instagram

A post shared by Manishimwe Djabel (@mdjabel10)

Ese koko Manishimwe Djabel ari mu bakinnyi birukanywe na APR FC?

Ni umukinnyi utaragize umwaka w’imikino mwiza wa 2022-23 aho atigeze abona umwanya wo gukina bihagije hakiyongeraho ibibazo yagiranye n’umutoza Adil byatumye ahagarikwa ukwezi.

Ubwo shampiyona yari irangiye abajijwe niba adafite impungenge ko ashobora kuzirukanwa bitewe n’umusaruro we cyane ko byari byanavuzwe ko aba yarirukanywe muri shampiyona hagati, Djabel yabwiye ISIMBI ko yagiranye ibibazo n’umutoza hakiyongeraho ibibazo byo mu muryango kandi byose ubuyobozi bukaba bwari babizi ndetse ko atumva ko yakwirukanwa kuko ibyabaye nta ruhare yabigizemo.

Amakuru ISIMBI yamenye ni uko Manishimwe Djabel atari ku rutonde rw’abakinnyi iyi kipe ishaka kurekura uretse ko we yifuza kuba yajya gukina hanze y’u Rwanda.

Uyu mukinnyi bivugwa ko afite ikipe mu barabu yegereye ubuyobozi bw’iyi kipe abusaba kumurekura ariko bubanza kubyanga bamubwira ko atagomba kugenda.

Uyu mukinnyi yakomeje guhatiriza agaragariza iyi kipe ko ari igeragezwa agiyemo byanze yagaruka. Amakuru avuga ko ku wa Mbere w’iki cyumweru tariki ya 10 Nyakanga ari bwo bamuhaye uruhushya rwo kujya gukora iryo geragezwa.

Bivugwa ko bamumenyesheje ko mu gihe bitagenda neza azagaruka mu Rwanda agakomeza amasezerano muri APR FC nta yindi kipe yakinira mu Rwanda.

Nta gihindutse biteganyijwe ko uyu mukinnyi ukina inyuma ya ba rutahizamu wageze muri APR FC 2019 avuye muri Rayon Sports, mu mpera z’iki cyumweru ari bwo ava mu Rwanda yerekeza mu barabu (havuzwe Libya na Dubai) kurangizanya n’iyi kipe imwifuza yagize ibanga.

Manishimwe Djabel yahise ashyira hanze iyi foto arimo guseka

Source : http://isimbi.rw/siporo/article/inseko-ya-djabel-nyuma-y-uko-bivuzwe-ko-yamaze-kwirukanwa-muri-apr-fc

Ejo hashize ubuyobozi bwa APR FC bwari bwakoze inama n’abakinnyi basanzwe muri iyi kipe aho basabwe ko guhera ku wa Gatanu batangira gukora imyitozo ibongerera imbaraga.

Ni inama yari iyobowe na Chairman w’iyi kipe, Lt Col Richard Karasira akaba ari nabwo bwa mbere yari ahuye n’abakinnyi kuva yagirwa umuyobozi wayo.

Yamenyesheje abakinnyi ko ikipe yahinduye gahunda yasubiye ku gukinisha abanyamahanga ndetse anababwira ko hari abo yasinyishije abasaba kuzabakira neza bakabamenyereza.

Lt Col Richard Karasira yabwiye aba bakinnyi ko hari abo batazakomezanya ariko ko bazagenda bashyikirizwa ibaruwa umwe ku wundi ndetse ko hari n’abo ikipe izatiza.

Yasabye abakinnyi ko byibuze ku wa Gatanu batangira gukora imyitozo ibongerera imbaraga mu gihe ikipe irimo gushaka umutoza byitezwe ko azaba yabonetse bitarenze mu ntangiriro z’icyumweru gitaha.

Iyi kipe yasubiye kuri gahunda yo gukinisha abanyamahanga imaze kwerekana abanyamahanga bashya 6 yaguze barimo Abarundi 2, Nshimirimana Ismaïl Pitchou na Ndikumana Danny uzakina nk’umunyarwanda, umunyezamu Pavelh Ndzila ukomoka muri Congo Brazaville, Umugande Taddeo Lwanga, Umunya-Cameroun, Joseph Apam Assongue ndetse na rutahizamu ukomoka muri Nigeria, Victor Mbaoma.

Ubuyobozi bwa APR FC bwakoze inama n’abakinnyi

Source : http://isimbi.rw/siporo/article/bimwe-mu-byavugiwe-mu-nama-yahuje-ubuyobozi-bwa-apr-fc-n-abakinnyi