Category: Uncategorized

Ikipe y’igihugu y’u Rwanda 'Amavubi’ yisanze mu itsinda C hamwe na Afurika y’Epfo na Nigeria mu matsinda y’Afurika yo gushaka itike y’Igikombe cy’Isi cya 2026 kizabera muri Leta Zunze Ubumwe za Amerika, Canada na Mexico.

Tombola y’uburyo amakipe azahura muri aya matsinda yabaye ku mugoroba wo kuri uyu wa Kane tariki ya 13 Nyakanga 2023 Abidjan muri Côte d’Ivoire.

Ni ku nshuro ya mbere Igikombe cy’Isi kizaba kitabiriwe n’ibihugu 48 aho Afurika izaba ifitemo ibihugu 9 bivuye kuri 5.

Iyi tombola yasize Amavubi ari mu itsinda C azahuriramo n’amakipe ya Zimbabwe, Lesotho, Benin, Afurika y’Epfo na Nigeria.

Amakipe agabanyije mu matsinda 9, ikipe ya mbere muri buri tsinda izahita ibonabya itike ni mu gihe ibihugu 4 byitwaye neza mu mikino y’amatsinda bizakina kamarampaka maze iya mbere izakina mu mikino ya kamarampaka ya FIFA, iharenga ihite ibona itike.

Umunsi wa mbere w’amatsinda muri uru rugendo rwo gushaka itike y’igikombe cy’Isi cya 2026, uzakinwa mu Gushyingo 2023 ni mu gihe izarangira mu Ugushyingo 2025.

Igikombe cy’Isi cya 2022 kizitabirwa n’amakipe 48 arimo 9 yo muri Afurika, kizaba hagati ya tariki ya 11 Kamena na tariki ya 19 Nyakanga 2026 ndetse ni ku nshuro ya 23 hazaba habaye iri rushanwa rikomeye kurusha ayandi muri ruhago.

Amavubi yisanze mu itsinda C na Nigeria na Afurika y’Epfo

Source : http://isimbi.rw/siporo/article/amavubi-yisanze-mu-itsinda-rimwe-na-nigeria-na-afurika-y-epfo-mu-gushaka-itike-y-igikombe-cy-isi-cya-2026

U Rwanda rurimo kubaka ibigega bya gaz yo gutekesha biherereye mu murenge wa Rusororo mu karere ka Gasabo mu mujyi wa Kigali, bizaba bifite ubushobozi bwo guhunikwamo litiro miliyoni 17 n'ibihumbi 100 bya gaz.

Gashumba Jean, uhagarariye kompanyi MM and Rjd ishyira mu bikorwa uyu mushinga, avuga ko imirimo yo kubaka ibi bigega ugomba kurangira muri 2025 utwaye asaga miliyari 37 z'amafaranga y'u Rwanda.

Ati 'Ububiko bwose bwa Gaz bungana na metero cube 17 100, tuzubaka n'ibigega bibiri by'amazi byo kurwanya inkongi igihe bibaye ngombwa ikigega kimwe gifite metero cube 4000, hazubakwa n'inzu ifite ibiro by'abakozi bagomba gukoreramo, ndetse n'ahazabikwa ibikoresho byo kwifashisha mu gupakira no gupakurura gaz'.

Enjeniyeri Gashumba avuga ko mu mwaka umwe gusa ikigega cya mbere kigomba kuba cyuzuye kigatangira gukoreshwa.

Ati 'Twihaye intego yacu ko muri uku kwezi kwa 9 izi nkuta z'amabuye zizaba zuzuye, tuzagerageza kubaka vuba izi nyubako ku buryo umwaka wa 2025 zizaba zuzuye neza zatangiye no gukorerwamo'.

Ikibazo cy'ububiko bwa Gaz ni kimwe mu bikomeje gukoma mu nkokora ingamba za guverinoma zo kugabanya ikoreshwa ry'ibicanwa bikomoka ku mashyamba n'ibiti birimo inkwi n'amakara, kuko kutagira ububiko bwa Gaz biteza ihindagurika rya hato na hato ry'ibiciro bya Gaz, yaba yahenzi bigatuma abayikoresha baababacye ahubwo bagahitamo gukomeza gukoresha ibicanwa bituruka ku mashyamba nk'inkwi n'amakara.

Mu mpera z'ukwezi gushize Minisitiri w'intebe Dr. Edouard Ngirente yabwiye imitwe yombi y'inteko ishinga amategeko ko ikibazo cy'ububiko bwa Gaz nigikemuka n'ubucuruzi bwayo buzoroha kurushaho.

Uyu mushinga wo kubaka ububiko bwa Gaz witezweho kugabanya umubare w'abakoresha ibicanwa bikomoko ku biti n'amashyamba.

Umushinga wo kubaka ububiko rwa Gaz uzarangira utwaye miliyari 37 na miliyoni 720 z'amafaranga y'u Rwanda. Uhuriweho n'abafatanyabikorwa 2 ari bo Guverinoma y'u Rwanda binyuze muri Banki itsura amajyambere BRD yihariye 61% ndetse na sosiyete icuruza ibikomoka kuri peteroli SP ifite 39%.

The post Ikibazo cy'ihenda rya Gaz kizaba amateka mu mwaka wa 2025 appeared first on FLASH RADIO&TV.

Source : https://flash.rw/2023/07/13/ikibazo-cyihenda-rya-gaz-kizaba-amateka-mu-mwaka-wa-2025/?utm_source=rss&utm_medium=rss&utm_campaign=ikibazo-cyihenda-rya-gaz-kizaba-amateka-mu-mwaka-wa-2025

Bamwe mu bahinzi bu muceri, bavuga ko ibiciro bishyirwaho na leta bihabwa umuhinzi biri hasi cyane, ugereranyije n'imvune bagira bahinga ibintu bafata nko kudaha agaciro umwuga wabo, kuko ibi biciro bigirira umumaro abacuruzi gusa naho abahinzi bikabahombya.

Ni abahinzi b'umuceri bakorera mu gishanga cya Kabuye bibumbiye muri Koperative KORIKA, bavuga ko ibiciro bishyirwaho na leta kumuceri bibatera igihombo gikomeye, kuko bidahwanye nimvune bagira bahinga

Aba ni abahinzi twaganiriye bashimangira ko ibiciro bishyirwaho bigirira umumaro abacuruzi gusa naho abahinzi bikabatera igihombo gikomeye.

Ati 'Ubuhinzi bw'umuceri budushyira hasi cyane kuko turasarura tukabona umusaruro hariya ariko twajya kureba amafaranga avuyemo ntakigenda,kuko ubara ifumbire dushyiramo iri kugiciro kirihejuru wabara umukozi, wareba nibindi dushyiramo ariko amafaranga avuyemo akaba inica nikize kandi twaridufite umusaruro uhagije.'

Aba bahinzi barasaba inzego za leta kubatekerezaho bakabakura mugihombo barimo, kandi ko mbere yo gufata ibyemezo bajya babanza kubegera bakamenya amakuru yose ajyanye nimvune abahinzi b'umuceri bagira.

Ati 'Twebwe icyifuzo twagira ni iki nka minisitiri ntazicara mu biro ngo avuge ngo umuceri ukwiriye aya na ya atamanutse ngo agere aho uwo muceri uhingwa,  ngo aganire n'abahinzi. Niba buloke (Block) bayikorera ibihumbi mirongo itatu, guhinga no gutera wajya kureba ugasanga ukuyemo ibihumbi makumyabiri, ubwo inyungu iba iri hehe?'

Undi yungamo ati 'Icyifuzo cyacu ni uko abahinzi bahabwa agaciro.'

Minisitiri w'Ubucuruzi n'Inganda, Ngabitsinze Jean Chrysostome, avuga ko ibiciro bishyirwaho harebwe n'inyungu abahinzi bazabona.

Ati 'Uko tubara ibiciro, dukora inyigo tugakora isesengura, kuva ku mbuto mu guhinga n'ibindi bitandukanye, tukagera aho umuhinzi tuvuga ngo amafaranga yashyizemo n'inyungu yakuramo, ibiciro turabibereka kuko dukorana nabo.'

Ibiciro biherutse gutangazwa na Minisitere y'ubucuruzi n'inganda bivuga ko umuhinzi agurirwa ku biciro bikurikira

Umuceri wintete ngufi uzwi nka kigori ugurwa 450F/kg.

Umuceri w'intete ziringaniye ugurwa 460F/kg.

Umuceri w'intete ndende ugurwa 465F/kg.

Umuceri wa basumati ugurwa 710F/kg.

Eminente umugwaneza

The post Abahinzi b'umuceri bakomeje gutaka igihombo appeared first on FLASH RADIO&TV.

Source : https://flash.rw/2023/07/13/abahinzi-bumuceri-bakomeje-gutaka-igihombo/?utm_source=rss&utm_medium=rss&utm_campaign=abahinzi-bumuceri-bakomeje-gutaka-igihombo

Mu karere ka Ruhango mu murenge wa Kinihira haravugwa inkuru y'akababaro y'abanyeshuri 2, Niyomukiza Eric w'imyaka 11 na Niyomugabo Claude w'imyaka 9 bigaga mu mashuri abanza, barohamye mu Mugezi wa Nyabarongo bahasiga ubuzima.

Aba bana bari batuye mu Mudugudu wa Nyabivumu, akagari ka Bweramvura Umurenge wa Kinihira, amakuru avuga ko bagiye kwahira ubwatsi bw'amatungo bashaka koga muri Nyabarongo irabatwara.

Imirambo y'aba bana bombi iri mu buruhukiro mu Bitaro bya Gitwe, kugira ngo ikorerwe isuzuma.

Source : https://yegob.rw/ruhango-abanyeshuri-2-barohamye-mu-mugezi-wa-nyabarongo/

Umutoza Mushya wa Kiyovu Sports, Petros Koukouras, yavuze ko yiteguye kwitwara neza no kubaka ikipe ikomeye, izashobora guhatana muri Shampiyona.

Mu kiganiro yagiranye na BB Umwezi FM, Petros Koukouras yagize ati 'Ndi umugabo ukunda gukora cyane kandi ibyiza no gufasha ikipe. Ntituzubakira ku muntu ku giti cye ahubwo tuzashaka uko dukora nk'ikipe. Icyo ni cyo kituraje ushinga.'

Source : https://yegob.rw/azanye-ingamba-nshya-umutoza-mushya-wa-kiyovu-sports-yavuze-ingamba-azanye-muri-shampiyona-yu-rwanda/

Iki giterane cy'Ibitangaza n'Umusaruro kiratangira kuri uyu wa Gatanu kugeza ku Cyumweru tariki 16 Nyakanga 2023. Kizajya kiba buri munsi kuva saa munani z'amanywa kugeza saa kumi n'ebyiri z'umugoroba. Kizaberamo na tombora y'Inka, Moto, amagare, televiziyo n'ibindi.

Ubwo yaganiraga n'abanyamakuru kuwa Gatatu w'iki cyumweru muri La Palisse Hotel, Dana Morey yateguje ibitangaza binyuranye muri iki giterane cya Bugesera, ahamagarira abafite indwara zitandukanye kuzitabira ku bwinshi akabasengera, kandi yizeye ko Imana izabakiza. Ati 'Abantu bose bafite indwara zitandukaye bazaze'.

Yavuze ko iki giterane kigiye kuba nyuma y'ibikorwa byo gufasha umuryango mugari bamaze amezi 2 bakora muri Bugesera. Mu byo bakoze harimo kubaka no gusana inzu z'abatishoboye, kurwanya ibiyobyabwenge mu rubyiruko, gutanga imipira yo gukina mu bigo by'amashuri, isiganwa ry'abanyonzi n'ibindi.

Dana yateguje ibitangaza muri iyi minsi 3 y'igiterane. Ati 'Muri iyo minsi 3 muri Stade, ubuzima bw'abantu ibihumbi n'ibihumbi 'buzahinduka', bazakira ubutumwa bwiza. Tuzabwiriza Kristo wenyine, uburyo akora umurimo wo guhindura ubuzima bw'umuntu, uwabagaho adafite intego akabaho afite intego'.

Yabwiye abanyamakuru ko icyifuzo cya Kristo 'ni ukuzana ibyiringiro no kubohoka ko mu mutima no mu bitekerezo'. Ati 'Ariko nanone tuzabwiriza ubutumwa bwuzuye ndetse ubwo butumwa buzaba bukurikiwe n'ibitangaza n'ibimenyetso nk'uko Ijambo ry'Imana ribivuga'.

Uyu muvugabutumwa udakozwa ibyo gushinga Itorero no kuba Bishop cyangwa Apotre, yavuze ko 'Mu cyumweru gishize twari i Rukomo, twabonye abantu bafite ubumuga bwo kutabona, babona. Abafite ubumuga bwo kutagenda, baragenze, abafite ubumuga bwo kutumva, barumvise'.

Yunzemo ati 'Ibyo rero turabyiteguye ko bizaba n'i Bugesera kuko Yesu akunda abantu be, ashaka kugaragaza urukundo rwe akiza abantu ibikomere ndetse n'ububabare bw'umubiri. Ku bwacu ibi ni ibintu by'icyubahiro kandi by'igiciro kuri twebwe kuzaba ubutumwa buhindura ubuzima bw'abantu'.

Umunyamakuru wa InyaRwanda, yabajije Dana Morey igitangaza yakoze nawe kikamukoraho cyane, asubiza ko igisubizo agiye kuvuga, gishobora kuba atari cyo cyari cyitezwe n'umunyamakuru. Uyu mukozi w'Imana yavuze ko yakozweho cyane n'umuntu yasegeye wari umaze imyaka 50 afite uburwayi bukomeye bwo 'kwihagarikaho', aramusengera arakira. Ati:

Ndaguha igisubizo ushobora kuba utari witeze, hari umudamu wari mu gihe cy'imyaka 50 waje atanga ubuhamya imbere y'abantu benshi bagera mu bihumbi 100. Ntabwo yigeze agiraho ijoro na rimwe habe mu buzima bwe, imyaka ye yose 50 yayimaze yihagarika ku buriri. Buri gitondo yanikaga imyenda, yabikoraga atabyishimiye, bimukojeje isoni kandi atabihagarika we ku giti cye, Imana iramukiza.

Dana Morey uherutse gukorera igiterane gitangaje mu Karere ka Nyagatare aho buri munsi hitabiraga abarenga ibihumbi 60, yavuze ko icyamukoze ku mutima mu bitangaza byose amaze gukoreshwa hirya no hino ku Isi ari ukubona uwo mugore wri urwaye kunyara ku buriri, ahagarara imbere y'abantu ibihumbi n'ibihumbi agatanga ubuhamya kandi ashize amanga.

Avuga ko byari ibintu wenda umuntu yagakwiye guhisha akabibwira umuvugabutumwa biherereye, ariko uwo mugore yahisemo guhagarara mu ruhame arabivuga. Dana ati'Byatumye nkorwaho cyane kuko yitaye hanze. Icyo ntabwo nzacyibagirwa kuko ntabwo ari ibintu bisanzwe mu bantu'.

Dana Morey yavuze ko akunda cyane u Rwanda by'umwihariko akaba yifuza kubera umugisha Akarere ka Bugesera. Yavuze ko u Rwanda ni igihugu 'kidasanzwe ku mugabane wa Afrika'. Ati 'Ni igihugu gifite ubudasa. Haba ari mu kuremwa kwacyo no mu kugaragara kwacyo, cyahawe ubwiza nyaburanga butagereranywa, utangiriye ku kirere, ni nko mu Ijuru'.

Morey yakeje ubuyobozi bwiza bw'u Rwanda, ati 'Ariko ikintu cy'ingenzi cy'umwihariko ku Rwanda, mwanyuze mu bihe bigoye bikomeye cyane n'ibindi bihugu bitaranyuramo. Iki gihugu cyabonye akaga, cyabonye ibintu biteye ubwoba. Mufie ubuyobozi bwigishije kino gihugu kwivana mu mwijima kikabasha gukura kkab igihugu'.

Aragira ati 'Ubuyobozi bwa kino gihugu bwigishije abantu gukundana ubwabo, n'ubwo batangiriye mu rwango n'icuraburindi. Urambajije ngo ni 'gute mbona u Rwanda?' Njyewe rero nasobanura ko ari igitangaza kuri njywe (It's a miracle to me). Hari umuco udasanzwe witwa Kubabarira ntabonye ahandi mu bindi bihugu byose. (…) '

Yungamo ati 'Ikindi cya kabiri iyo ndi mu Rwanda mba numva mfite umutekano. Iki gihugu gifite isuku kandi kirasa neza gifite n'umutekano, kirimo kirazamuka mu ruhando rw'amahanga mu buryo bwiza kandi bushimishije'.

Ubwiza bw'u Rwanda n'ubuyobozi bwarwo bwiza, yabishimangiye muri aya magambo, ati 'Reka nsoze ibyo mvuga ibi; Ndimo ndashakisha ikibazo cyo kugura nkatura hano, aho natwe dushobora kwita iwacu tuvuye muri Amerika. U Rwanda ni cyo gihugu cyacu cya kabiri'.

Mu kiganiro cyihariye na inyaRwanda, Dana Morey yavuze ko nyuma y'igiterane cya Bugesera, bazakurikizaho ibiterane mu bindi bihugu bya Afrika birimo Uganda, u Burundi n'ahandi. Yanabajijwe uko yakoreye ivugabutumwa muri Pakisitani, avuga ko bahakoreye igiterane gikomeye bisunze ikoranamuhanga rya Zoom.

Ev. Dr Dana Morey ubwo yaganiraga n’abanyamakuru b’i Kigali

Pastor Dr. Ian Tumusime uyobora aLn muri Afrika

Rose Muhando yashimye cyane A Light to the Nations yatumiye muri iki giterane

Dana Morey yateguje ibitangaza binyuranye mu giterane cya Bugesera

Dana Morey yatanze moto nshya ku munyobozi witwa Hakizimana wahize abandi 41 

Abanyonzi 42 ni bo bitabiriye isiganwa ry’amagare ryateguwe na aLn iyoborwa na Dan Morey ku Isi

REBA IKIGANIRO DANA MOREY YAGIRANYE N’ABANYAMAKURU MBERE Y’IGITERANE

UKO BYARI BIMEZE MU ISIGANWA RY’ABANYONZI RYABAYE KUWA GATATU

VIDEO: Murenzi Dieudonne – inyaRwanda Tv

Source : https://inyarwanda.com/inkuru/131838/dana-morey-yakeje-u-rwanda-ahishura-igitangaza-yakoze-atazibagirwa-anateguza-ibindi-byinsh-131838.html

Hazashya: Umuhanzi Diamond Platunmz yashimangiye amakuru avugwa hagati ye n'umuhanzi wo mu gihugu cya Uganda Spice Diana.

Diamond Platunmz uri kubarizwa mu gihugu cya Uganda mu kiganiro n'itangazamakuru yemeje ko azokorana indirimbo na Spice Diana kandi ko basanzwe ari nshuti cyane nk'abantu batuye mu bihugu byegeranye.

Source : https://yegob.rw/hazashya-diamond-platunmz-yashimangiye-amakuru-avugwa-hagati-ye-na-spice-diana/

Umutoza wungirije mu ikipe ya Rayon Sports yamaze gushyirwa ahagaragara nyuma yo gutangaza umutoza mukuru

Ku munsi wo kuwa mbere nibwo ikipe ya Rayon Sports yatangaje ko yasinyishije umutoza Yamen Zelfani ukomoka mu gihugu cya Tunisia.

Nyuma yo gutangaza ko uyu mutoza yamaze gusinya, Amakuru dufite ni uko umutoza wa mbere wungirije mu ikipe ya Rayon Sports yagizwe Rwaka Claude wari usanzwe yungirije Haringingo Francis umwaka ushize muri iyi kipe.

Ikipe ya Rayon Sports ikomeje gukora ibishoboka byose muri iyi minsi isigaye ngo hatangazwe urutonde rw'abakinnyi n'abatoza izifashisha umwaka utaha w'imikino ari ko igenda isinyisha abakinnyi ndetse n'abatoza bakomeye.

 

Source : https://yegob.rw/umutoza-wungirije-mu-ikipe-ya-rayon-sports-yamaze-gushyirwa-ahagaragara-nyuma-yo-gutangaza-umutoza-mukuru/

Burya koko ntanduru ivugira ubusa i musozi: Ikipe ya Rayon Sports imaze gusinyisha umukinnyi wari wayivuzwemo mbere y'uko ahabwa amasezerano.

Myugariro w'ikipe y'igihugu y'u Rwanda Amavubi Nsabimana Aimable amaze gusinyira ikipe ya Rayon Sports amasezerano y'umwaka umwe akinira iyi kipe y'ubukombe mu Rwanda nk'uko ubuyobozi bwa Murera bumaze kubitangaza bubinyujije ku rubuga rwa Instagram.

Amafoto:

Source : https://yegob.rw/burya-koko-ntanduru-ivugira-ubusa-i-musozi-murera-imaze-gusinyisha-umukinnyi-wari-wayivuzwemo-mbere-yuko-ahabwa-amasezerano-amafoto/

Umutoza ukomoka mu gihugu cy'ububiligi watozaga ikipe ya AFS Leopards yo mu gihugu cya DRC yakoze igikorwa kerekana ko yamaze kurangizanya na APR FC.

Hashize iminsi itari myinshi mu itangazamakuru havuzwe cyane ko ikipe ya APR FC iri mu biganiro n'umutoza Patrick Aussems ariko kubera ko ikipe ya APR FC itigeze igira icyo ibitangazaho ntibyagira imbaraga nyinshi.

Uyu mutoza abinyujije kumbuga nkoranyambaga ze yatangaje ko kongera amasezerano mu ikipe ya AFS Leopards bidakunda kubera impamvu ze bwite. Ariko amakuru ahari avuga ko yamaze kumvikana na APR FC ari yo mpamvu yanze kongera amasezerano.

Yagize Ati' Ku mpamvu zanjye bwite, sinshobora kongera amasezerano mu ikipe ya AFS Leopards. Mwarakoze bakinnyi banjye, abo twafatangije gutoza ikipe hamwe n'abafana bakadasohoka b'ikipe ku myaka 2 tumaranye. Ntifurije Ingwe amahirwe masa.'

Patrick Aussems umutoza ukomoka mu gihugu cy'ububiligi, afite imyaka 58. Yatoje amakipe menshi akomeye hano muri Afurika arimo SIMBA SC, Black Leopards, Al-Hilal, AFS Leopards ndetse n'izindi zikomeye cyane ubu amahirwr menshi ni uko arafata APR FC.

 

Source : https://yegob.rw/umutoza-bivugwa-ko-yumvikanye-na-apr-fc-yakoze-igikorwa-kerekana-ko-umwaka-utaha-wimikino-azaba-atoza-iyi-kipe-yingabo-zigihugu-niyo-hazamo-izindi-mbaraga/