Category: Uncategorized

Benshi bahembutse imitima ku munsi wa kabiri w'ibiterane bya Ev Dana Morey mu Karere ka Bugesera bisozwa kuri iki Cyumweru kuwa 16 Nyakanga 2023. 

Ni ibiterane by’Ibitangaza n’Umusaruro {Miracle Gospel Harvest} biri kubera kuri Stade ya Bugesera, buri munsi kuva saa munani z’amanywa kugeza saa kumi n’ebyiri z’umugoroba. Kwinjira biba ari ubuntu ku bantu bose.

Korali Ijwi rya Yesu ikorera muri Paruwasi ya Nyamata ahazwi nka Maranyundo mu Karere ka Bugesera, iri mu bafashije benshi kwizihirwa mu giterane cya Dana Morey mu Karere ka Bugesera.

Iyi korali imaze imyaka irenga 27 kuko yatangiye umurimo w’ivugabutumwa mu 1996, kuri ubu ikaba igizwe n'abanyamuryango 120. Bavuze ko bafite ishimwe rikomeye kubasha guhurira ku ruhimbi na Rose Muhando ndetse na Theo Bosebabireba. 

Mu kiganiro na InyaRwanda, Bizimana Janvier ubarizwa muri iyi korali yagize ati: 'Iki giterane gifite abantu benshi cyane kurusha ibyo twagiye tujyamo. Hari abahanzi bakomeye nka Rose Muhando na Theo Bosebabireba, ni umugambi mwiza kandi ni ijambo ry'Imana riri gusohora ko tuzicarana n’abakomeye.'

Asobanura kandi akamaro k'ibiterane nk'ibi ati'Ni ibyishimo, ni umugambi w'Imana, bizamura ububyutse kandi iyo turi ahantu nk’aha abantu bariyongera mu gukizwa.' 

Ashingiye ku byo Imana ikoreye Korali yabo, bakaririmbana n'abahanzi bakomeye, yavuze ko nta mpamvu ikwiriye gutuma abantu bava mu masezerano y'Imana kuko “ibyo Imana yavuze birasohoka.' 

Ubwo Theo Bosebabireba yagerwagaho, byari ibyishimo bikomeye. Yatangiye avuga ko ubwo yasabwaga kuza kuririmba hano, yasabwe ko yazaririmba indirimbo yaba iza cyera akanakora no ku zo amaze iminsi ashyize hanze.

Yahise yanzika mu ndirimbo yise 'Icyifuzo'/'Bosebabireba' asobanura ko ariyo ndirimbo yahereyeho bityo akaba yifuje kuyifashisha muri iki giterane.

Yavuze ko yizeye ko hari icyo Imana izakorera buri umwe wakigezemo cyane ko itangira no kubikora hari abatombora moto ati: 'Uwo yayipangiye arayipanda.' Yakurikijeho “Umuriro urotsa”, arishimirwa cyane.

Rose Muhando ubwo yatangiraga kuririmba, abantu bahise bamusaba ko yaririmba indirimbo yitwa “Ni Bebe”, na we abasaba kuzamurira amaboko Imana ndetse bakayikomera amashyi menshi kuba yaremeye ko iki giterane kiba.

Uretse abahanzi na korali twavuze haruguru bizihiye abitabiriye iki giterane cy’ibitangaza n’umusaruro, hanaririmbye Gisubizo Ministries yahageze yakerewe, ariko ikoresheje neza umwanya muto wari uhari benshi bararyoherwa.

Muri iki giterane hatanzwe moto 10 ku bavugabutumwa 10 bamaze ukwezi mu mahugurwa. Ni moto zizabafasha kogeza ijambo ry'Imana mu ivugabutumwa bazakora basanga abaturage aho batuye inzu ku yindi.

Hanasengewe abasore n'abakobwa batarashaka ngo bazabashe kubona abakunzi babakwiriye kandi bazabashe kubakana urugo rwiza. Ni isengesho ryayoborwa na Ev. Dana Morey afatanyije n’umugore we Karman Morey aho umwe yasengeye abasore, undi asengera abakobwa.

Mu gusoza gahunda y’igiterane yo kuwa 15 Nyakanga 2023, hatanzwe ibihembo ku banyamahirwe bafashe amatike, maze umu-DASSO yegukana inka ihaka.

Umusore waramutse neza yegukanye igare, mu gihe umugabo usanzwe ukora akazi k'ubuyede witwa Nishimwe Simon ari we wegukanye moto nshya. Mu kiganiro na inyaRwanda, Nishimwe yavuze ko afite imyaka 42, akaba afite umugore umwe n’abana babiri.

Uyu mugabo wari waturutse i Musenyi, yavuze ko ari umukiristo muri ADEPR ndetse akaba aririmba no muri korali nkuru ku rusengero asengeramo. Yavuze ko yaje muri iki giterane yasengeye gutwara moto, none Imana iramusubije.

Ev. Dana Morey yakoreshejwe ibitangaza binyuranye nk’uko byatanzwemo ubuhamya n’abo yasengeye bagakira. Urugero ni uwakize akaboko, uwakize ugutwi n’undi wari warivuje byaranze ajya n'i Burayi ariko birangira akiriye mu giterane cya Dana Morey mu Karere ka Bugesera.

Iki giterane cyitabiriwe n’abantu ibihumbi n’ibihumbi

Akanyamuneza kari kose ku bakristo bo mu Karere ka Bugesera bataramiwe n’abahanzi na Korali zitandukanyeRose Muhando n’ababyinnyi be bahembuye imitima ya benshiTheo Bosebabireba yishimiwe n’abakristo ba BugeseraUmu-DASSO wegukanye inka mu giterane cya Dana MoreyNishimwe Simon usanzwe ari umuyede ni we wegukanye motoUmusore wegukanye igare mu giterane cya Dana Morey

AMAFOTO:SERGE NGABO-INYARWANDA.COM

 

Yabitangaje kuri uyu wa Gatanu tariki 14 Nyakanga 2023, atangiza ku mugaragaro uruhererekane rw'ibiterane by'ivugabutumwa ryagutse 'Miracle Gospel Harvest' biri kubera muri aka Karere kuva kuwa Gatanu kugeza ku Cyumweru tariki 16 Nyakanga 2023.

Ni ibiterane by'Umuvugabutumwa Dana Morey wo muri Leta Zunze Ubumwe za Amerika ategura anyujije mu muryango 'A Light to the Nations' (aLn).

Byabereye muri aka Karere nyuma yo gutangirira mu Karere ka Nyagatare mu Burasirazuba bw'u Rwanda kuw 07-9 Nyakanga 2023.

Ibi biterane biherekejwe n'Ijambo ry'Imana, ndetse na tombola z'ibihembo birimo moto, televiziyo, amagare n'ibindi binyuranye. 

Biririmbamo abahanzi b'amazina akomeye nka Rose Muhando wo muri Tanzania na Theo Bosebabireba wamamaye mu ndirimbo zomoye imitima ya benshi, kuva mu myaka irenga 15 ari mu muziki.

Ubwo yatangizaga iki giterane, Meya Mutabazi yashimye Perezida Paul Kagame ku bwa sitade y’Akarere ka Bugesera yatumye babasha kwakira igiterane nk’iki. Ati “Kwari ukugira ngo umunsi (nk'uyu) Dana Morey (ubwo) azaza, azabone aho duhurira.”

Muri iki giterane, Meya Mutabazi yashimye umuryango wa ‘A Light to the Nations’ ku bwo gutegura iki giterane kubera ‘umurimo ukomeye bakorera mu karere kacu’. Ndetse, anashima abafatanyabikorwa b’uyu muryango. Ati “Imana ibahe umugisha.”

Yashimye kandi abatuye Umujyi wa Nyamata ku bwo kwitabira iki giterane. Ati “Hari byinshi mwari gukora, ariko mwavuze ‘reka tujye gushaka Imana’.”

Mutabazi yifashishije imirongo itatu ya Bibiliya, yasabye abanya-Bugesera ibintu bitatu: Yavuze ko buri wese afite umuryango abarizwamo, abasaba kwirinda amakimbirane.

Ati 'Tubyirinde! Abenshi hano twakiriye ijambo kandi twakiriye agakiza, twakijijwe kandi ijambo ry'Imana rivuga ko uwakiriye Yesu Kristo aba yahindutse icyaremwe gishya.'

Akomeza ati 'Aho duturuka mu miryango yacu, tuberere imbuto, twirinde amakimbirane.'

Mu gusobanura neza iyi ngingo, yifashishije amagambo aboneka mu Imigani 18: 19 hagira hati 'Umuntu ubabajwe n'uwo bava inda imwe, Kumugorora biraruhije biruta guhindura umurwa ukomeye, Kandi intonganya zabo zimeze nk'ibyuma byugariye ibihome.'

Uyu muyobozi yakomeje asaba abatuye aka Karere gukura amaboko mu mifuka bagakora. Yisunze Bibiliya yasomye amagambo aboneka muri Zaburi 128:2 hagira hati 'Kuko uzatungwa n'imirimo y'amaboko yawe, Uzajya wishima, uzahirwa.'

Yavuze ko nta muturage ukwiriye gushishikazwa no guhindura icyiciro cy'ubudehe kugira ngo Leta imuhe ubufasha, ahubwo akwiriye kwiteza imbere.

Yabwiye abanya-Bugesera ko 'Imana iratwifuriza kugira amahoro mu ngo n'umutekano.' Yifashishije amagambo aboneka muri Zaburi 122:7, ati 'Amahoro abe imbere y'inkike zawe, Kugubwa neza kube mu nyumba zawe.'

Meya Mutabazi yumvikanisha ko kwirinda ubujura, gutangira amakuru ku gihe, kwirinda abagizi ba nabi, kubaruza abantu baraye mu Mudugudu 'Biriya byose ni kugira ngo tuzagire amahoro mu nkike zacu.'

Meya Mutabazi yasabye abatuye akarere ka Bugesera kwirinda amakimbirane

Mutabazi yatangije ku mugaragaro ibiterane bigamije ivugabutumwa biri kubera muri aka karere ayoboye

Abarenga ibihumbi 30 bitabiriye umunsi wa mbere w’igiterane

Meya Mutabazi yashimye umuvugabutumwa Dana Morey, kubera ibiterane ari gukorera mu Bugesera

Kanda hano urebe amafoto menshi yaranze iki giterane ku munsi wa mbere

Umwanditsi: Patience Muhoza

Umuhanzi ukomoka muri Tanzania wanditse izina muri Afurika, Diamond Platnumz yavuze ko Zari Hassan azahorana umwanya wihariye mu buzima bwe kubera ko yamuhaye umugisha w’abana babiri.

Ibi uyu muhanzi yabivugiye mu gitaramo yaraye akoreye muri Uganda aho Zari akomoka nubwo yibera muri Afurika y’Epfo.

Ubwo yari ageze ku rubyiniro, Diamond Platnumz yavuze ko hari indirimo y’urukundo agiye kuririmba kandi akayitura Zari Hassan.

Yagize ati “ndashaka kuririmba iyi ndirimbo kandi iyi ndirimbo nkaba nyituye mama w’abana banjye.”

Yakomeje avuga ko impamvu ari uko ari we mugore babyaranye mbere kandi, bikaba byaramubereye nk’umugisha.

Ati “muzi impamvu? Yampaye umugisha w’abana babiri beza, Litiffah na Nillah, ndabakunda cyane. Murabizi nibo bana banjye ba mbere, sinzi niba muzi iyi indirimbo, ndifuza ko mwamfasha tukaririmbana.”

Yahise aririmba indirimbo y’umuhanzi w’umugande, Aziz Azion yise ‘Nkumira Omukwano’.

Ubwo yagera muri iki gihugu ku wa Kane w’iki cyumweru, Diamond yavuze ko abana be yabyaranye n’uyu muherwekazi ukomoka muri Uganda ariko uba muri Afurika y’Epfo, batazi ko yatandukanye na nyina, gusa ngo arabizi neza ko igihe kizagera bakamenya ukuri.

Atangaje ibi mu gihe Zari Hassan we imyiteguro y’ubukwe igeze kure n’umugabo we baheruka gusezerana imbere y’idini ya Islam, Shakib Lutaaya.

Diamond Platnumz avuga ko Zari Hassan yamubyariye abana babiri kandi akunda cyane

Prince Kid azaburana ku itariki 15 Nzeri 2023 ku majwi yasuzumiwe muri Rwanda Forensic Laboratory (RFL). Aya majwi kandi yakorewe raporo n'umuhanga mu bijyanye n'amajwi no gutahura umwimerere wayo. Ariko rero umunyamategeko ufite uburambe akaba anafite sosiyete (firm) yunganira abantu mu mategeko yitwa Muramira& Co advocates yahaye ikiganiro cyihariye Inyarwanda ku bibazo byose abanyarwanda bibaza kuri dosiye ya Prince Kid.

 Kugirango urubanza rwa Prince Kid rushyirwe muri Nzeri, Ngabire Blaise wari uyoboye inteko y'abacamanza yasobanuye ko muri Kanama abacamanza bazaba bari mu mahugurwa abongerera ubushobozi. Ikindi kandi mu bacamanza bafite dosiye ya Prince Kid harimo uzaba afite ikiruhuko yemererwa n'itegeko ry'umurimo kizarangirana na Kanama. Aha rero Inyarwanda yashatse kumenya byinshi ku majwi yatumye urubanza rusubira irudubi cyangwa se ibubisi.

INKURU WASOMA

INKURU BIFITANYE ISANO

INKURU KURI PRINCE KID

Twegereye Maitre Muramira Innocent, ni umunyamategeko wa Ambasade ya Uganda mu Rwanda, aburanira ibigo bikomeye ndetse afite uburambe mu bijyanye n'amategeko y'umuryango (family law) amategeko y'inganda n'ibigo by'ubucuruzi (corporate, rademark registration, Company registration, corporate, commercial,civil ,debt recovery, arbitration, criminal litigation , immigration,family ,divorce custody , employment & labour cases in Rwanda) . Ku ngingo y'amajwi  yajyanywe gupimishwa, Maitre Innocent yasobanuye ko ibimenyetso byose by'amajwi birasuzumwa. 

Ati:'Ibimenyetso by'amajwi 'voices, audio recorded' amategeko asobanura ko bigomba gusuzumwa na Laboratory ibifitiye ububasha cyangwa se umuntu ubifitiye ububasha. Ariko ibyo ntabwo bihagije kuko bigomba kuburanwaho n'impande zombi'. 

Maitre Muramira Innocent avuga ko ubushinjacyaha bufite ububasha bwo gushaka ibimenyetso bishinja n'ibishinjura Prince Kid. Ariko rero urukiko rufite ububasha mu bushishozi bwarwo guha agaciro cyangwa se gutesha agaciro ibimenyetso. Imanza z'inshinjabyaha abaregwa bagomba kugaragaza ko nta gushidikanya guhari. Ingingo ya 107 mu itegeko rya 2018 mu gitabo mpanabyaha ivuga ko ugomba kwerekana impamvu kandi ko nta gushidikanya kwabayeho. 

Ubushinjacyaha bushingira ku bimenyetso bifatika kugirango ukurikiranywe ahamwe icyaha. Ingingo ya 111 ivuga ko ishidikanya rirengera uregwa. Bivuze ko habayeho kwivuguruza ku bimenyetso by'ubushinjacyaha Prince Kid yaba umwere bidasubirwaho. Ingingo ya 4: Ikoreshwa ry'amategeko ahana

Amategeko ahana agomba gufatwa uko ateye, ntashobora gukoreshwa ku buryo butandukira.

Inkiko zibujijwe guca imanza ku buryo bugenekereje.

 

Ese Prince Kid yakomeza ubushabitsi?

Kuri iyi ngingo ijyanye no kuba yakora ubukwe, Maitre Muramira Innocent yabwiye Inyarwanda ko urukiko rwisumbuye rwamugize umwere. Umwanzuro umugira umwere wasomwe ku itariki 12 Ukuboza 2022 ahita ataha ava muri gereza ya Nyarugenge iri i Mageragere. Ati'Mu Rwanda amategeko ntabwo yamubuza gukora ubukwe cyangwa se ubucuruzi kuko yakomeza gukora inshingano ze ntakibazo'.

 Itegeko nshinga rya repubulika y'u Rwanda mu ngingo ya 29 ivuga ko umuntu asigara ari umwere igihe atarakatirwa n'inkiko. Yaba mbere yo kuburana, ari kuburana n'igihe atarakatirwa n'urukiko aba ari umwere kandi yemerewe gukora icyo ashaka. Uhereye aha rero wahamya ko Prince Kid ari umwere kugeza igihe hazasomerwa umwanzuro w'ubujurire.

 

Zimwe mu ngingo zizifashishwa mu rubanza rwa Prince Kid

Itegeko Nº68/2018 ryo ku wa 30/08/2018  riteganya ibyaha n'ibihano muri rusange

Ingingo ya 107: Ibimenyetso byemeza icyaha Ubushinjacyaha, uwakorewe icyaha cyangwa se abamufiteho uburenganzira iyo baregeye indishyi z'akababaro cyangwa biregeye umuburanyi, ni bo bagomba gutanga ibimenyetso byemeza icyaha.

Ukurikiranyweho icyaha afatwa nk'umwere igihe cyose urubanza rutaramwemeza icyaha burundu. Iyo icyaha cye kitaragaragazwa,ushinjwa ntagomba gutanga ibimenyetso byo kwiregura.

Icyakora, iyo icyaha cyabonewe ibimenyetso bikigaragaza, ugikurikiranyweho cyangwa umwunganira ashobora kwerekana impamvu zose yireguza, zerekana ko ikirego kitakwemerwa, zihamya ko icyo aregwa atari icyaha cyangwa se ko ari umwere n'izindi mpamvu zose zivuguruza izimuhamya icyocyaha.

Uretse igihe itegeko ribiteganya ukundi, ku byerekeranye n'itangwa ry'ibimenyetso

hakurikizwa itegeko rijyanye n'itangwa ry'ibimenyetso.

 

Ingingo ya 111: Ishidikanya rirengera ushinjwa

Gushidikanya birengera ushinjwa. Iyo urubanza rwakurikiranywe mu buryo bwose, ntihagire ibimenyetso nyakuri biboneka byemeza nta shiti abacamanza ko ushinjwa yakoze icyaha koko, bagomba kwemeza ko atsinze

 

Nº 027/2019 ryo ku wa 19/09/2019 :Itegeko ryerekeye imiburanishirize y'imanza z'inshinjabyaha

 

 

Maitre Innocent Muramira ni umunyamategeko wa Ambasade ya Uganda mu Rwanda. Amaze igihe aburana imanza z’ibigo bikomeye, inganda, imanza z’imiryango kandi afite sosiyete itanga ubwunganizi mu by’amategeko yitwa Muramira& Co advoctaes

Miss Elsa na Prince Kid baseranye imbere y’amategeko  tariki 02-3-203 mu Murenge wa Rusororo mu karere ka Gasabo. Hategerejwe gusaba no gukwa.