Category: Uncategorized

Mu isengeso yagize ati'Nuko imitima yacu yuzuyemo agahinda ariko twari tuzi ko umunsi nk'uyu tuzateranira hano. Imbaraga zawe n'ubuntu bwawe bubane natwe'

 

Ni ijoro riri kurangwa no gutarama ku bahanzi nk’uko Junior Multisystem yabyifuje mbere y'uko ava muri ubu buzima. Ntabwo yigeze yifuza ko abantu bagira agahinda ahubwo yasabye ko hazabaho gutarama.

Muzehe Callixte wari uhagarariye umuryango wa Karamuka Jean Luc, yashimiye abahanzi baje kumuherekeza no kuririmba mu rwego rwo guherekeza Junior Multisystem. Ati'Abateguye ibi birori turabashimiye. Ntibyoroshye, harimo ubwitange. Turabashimiye nk'umuryango'.

 

Umubiri wa Jean Luc Karamuka uzafatwa ejo ku wa Gatatu Saa yine za mu gitondo ku bitaro by'akarere bya Nyarugenge. Saa sita hazatangira amasengesho. Saa munani azasezerwaho bwa nyuma noneho berekeze i Rusororo saa kumi z'igicamunsi.

Umukuru w'umuryango wa Jean Luc Karamuka yakunze kumvikanisha ko uyu ari'Umugoroba w'abahanzi'.

 

Ijambo rya Twahirwa Aimable uhagarariye Leta muri uyu muhango,  yavuze ko kuva Junior yakora impanuka abahanzi bamubaye hafi.

Ati:'Uku gukorana kudufashe gushyira hamwe twitegure kuko turi mu Isi y'ibyago'.

Yasabye abahanzi gukomeza gutahiriza umugozi umwe bagafatanya muri byose kuko abishyize hamwe nta kibananira.

Yongeye agaruka ku buhanga budasanzwe bwa Junior, avuga ko bakwiriye gukomeza indagagaciro ku murimo.

Ati:'Yatangaga indirimbo ku gihe kandi yasize inkuru nziza kuko ibihangano yakoze bitazazima'.

 

Abahanzi babanye mu rugendo rw'umuziki kuva mu 2009 kugeza mu 2023, baje kumuherekeza bwa nyuma barimo Riderman, Butera Knowless, King James, Tom Close n'umufasha we, Tonzi, Bruce Melodie n'abandi.

Mu myidagaduro kandi mu ngeri zitandukanye hari abanyamakuru bafite amazina nka Luckman Nzeyimana ukorera Ikigo cy'igihugu cy'itangazamakuru, Basile Uwimana, Uncle Austin, Ally Soudy n'abandi.

Ababanye bya hafi nka Kjohn wagize uruhare mu bijyanye no kumenyekanisha muzika nyarwanda, Zizou Alpacino wabanye bya hafi na Junior Multisystem nawe yari ahari.

Umunyamakuru Khamis Sango ukorera Televiziyo na Radio 10 niwe wahaye ikaze abaje guherekeza bwa nyuma Junior ndetse n'icyegeranyo kigaruka ku mateka ya Junior Multisystem mu ijwi ryiza riremereye.

 

Mama wa Junior, Karamuka Jeannine mu cyegeranyo kigufi yavuzeko yaranzwe no kwisekera ubuzima bwe bwose.

Ubuhamya bugufi burimo ibyamuranze ariko by'umwihariko bwahurije ku kuba yaragiraga urugwiro.

Ati:'Ibintu by'umujinya ntabwo byari ibye'. 

Afite umwaka n'igice bakiri i Burundi yaguye mu mazi ababyeyi bakeka ko yatabarutse. Mama we ati:'Urupfu rwamugenzeho kuva akiri umwana. Agwa mu mazi tukiri i Burundi twari tuzi ko byarangiye. Hari n'indi mpanuka yigeze kumugera amajanja birangira ntacyo abaye.

Yavuze ko yari agiye mu isabukuru ya mushiki we agarutse akora impanuka.

Yabanje kwanga kujyayo ariko bimwanga mu nda. Mama we yashimiye Muyoboke Alex na Uncle Austin bahagobotse yabuze imbangukiragutabara imujyana CHUK. Icyo gihe baraye mu bitaro bikuru bya Kaminuza'CHUK' babanje gusaba ko badoda ukuboko basanga igisubizo ni ukuguca.

Papa wa Junior yagiye gusinyira ko umuhungu we bamuca ukuboko. Yarwariye kwa se umuganga akajya aza kumukorera isuku. Se ati:'Yarwariye iwanjye arinda akira'.

 

Uncle Austin yasobanuye ko agikora impanuka yakoze ubukangurambaga kuko abahanzi bumvaga bamurimo ideni'. Ati'Na nyuma niwe wakoze mastering ya Closer yanjye na Meddy'.

Yakomeje avuga ko buri wese afite inkuru ye ariko Junior Multisystem yabaye umuntu mwiza mu buzima bwe ndetse yafashije abahanzi kuba abo baribo ubu.

Zizou Alpacino muri icyo cyegeranyo yavuze ko ubwo yatangiraga guhuza abahanzi benshi ni we wamufashije nka'Bagupfusha ubusa, Fatafata, Niko Nabaye.

Yankoreye indirimbo abantu benshi bakunze ndetse niwe watumye abantu bamenya Zizou uwo ari we'.

Kuva agikora impanuka yagiye amuba hafi we na King James nk'inshuti z'akadasohoka.

Bakunze kumuba hafi kuko nta kindi kintu yari agishoboye gukora.Ati:'Naramuhamagaraga nkumva araseka'.

 

Muri ubu buhamya bwuzuye ikiniga, Zizou Alpacino yavuze ko 'hari ibyo nagombaga kumuha ngo ashyire ku kuboka atazajya aribwa. Yasanze ari gukorora ubwo bavuganaga kuri telefoni. Yari afite gahunda we na Adrien Misigaro yo kujya kumureba. Hari ku wa kane nijoro ndi mu bwogero.

Ndangije nabonye abantu benshi bampamagaye harimo na mama wa Junior. Nimero nahamagaye yari hafi yambajije niba ibyo mbona aribyo.

Nahamagaye mama wa Junior numva ari kuriria nawe ati'Inshuti yawe yapfuye'.

Abahanzi bashimiwe bamubaye hafi mu minsi ye ya nyuma bashimiwe na mama wa Junior barimo King James, Zizou Alpacino na Uncle Austin.

 

Junior Multisystem iminsi ye ya nyuma yabanje guca amarenga. Ari ku Cyumweru yabwiye mama we ko ari kumva agiye gupfa. Ku wa kabiri imbaraga zarashize bamujyana kwa muganga.

Yanyweye amazi arahindukira ashiramo umwuka. Mama we yanavuze ukuntu yatinyaga serumu ku buryo ubwo bari kwa muganga yasabye mama we ko bamukuramo serumu undi akamuhakanira ko kubona umuti byabagoye.

Umuryango we uvuga ko yababereye urugero rwiza ndetse yitaga kuri bene wabo.

Junior Multisystem asize umwana nk’uko byavuzwe na mama we. Ubwo yashiragamo umwuka ntiyigeze asamba yatashye abyiyumvamo.

Ati:'Erega gupfa ni byiza mama. Uyu mubyeyi we yasobanuye ko bagiye mu bitaro saa tanu z'amanywa we atabaruka saa kumi n'ebyiri z'umugoroba.'

 

King James yavuze ko urwibutso asize ari ibihangano yakoze. Ati:'Album yanjye ya nyuma niwe wakoze mixing and mastering. Twifuza gukomeza gutera ikirenge mu cye. Ntabwo tuzamwibagirwa kandi tuzaharanira ko ibyo yakoze bizabera abandi isomo bagire icyo bafasha umuziki nyarwanda'.

 

 

 

 

 

 

 

 

 

 

 

Junior Multisystem wubatse umuziki nyarwanda yasezeweho mu ijoro ryiswe’Ijoro ry’abahanzi’

Umunyamakuru Uwimana Basile niwe wayoboye  uyu mugoroba 

Bruce Melodie yitabiriye ijoro ryo guherekeza no kuvuga amateka ya Junior Multisystem

Junior Multisystem yasezeweho bagaruka ku mateka yamuranze

Producer Clement yaje guherekeza mugenzi we

Umugore wa Tom Close, Tricia Close nawe yitabiriye 

Tom Close niwe wakoze Jingle yakoreshwaga na Junior Multisystem

Tom Close n’umugore we Tricia Close

Toni Unique nawe yahageze

Umuramyi Tonzi nawe yaje guherekeza Junior Multisytem

Umunyamakuru David Bayingana

Riderman yaje guherekeza Junior Multisystem yanaririmbye muri Niko Nabaye yakozwe bayihuriyeho ari abahanzi benshi ikorwa na nyakwigendera

King James yabaye hafi Junior mu minsi ye ya nyuma

Bruce Melodie yateye urwenya ukuntu Junior Multisystem yigeze kwicara ku ntebe irashwanyuka kubera ibiro byinsi. Mu 2015 yamukoreye indirimbo imuhindurira amateka

Kigali Protocal niyo yafashaga abantu kwicara neza 

AMAFOTO: NATHANAEL

Rayon Sports irimo gukora ibishoboka byose ngo irebe ko yabona igitego, ariko ubwugarizi bwa Gorilla FC bayibereye ibamba

65″ Rayon Sports irongeye ikora impinduka, Mussa Essenu yagiye mu kibuga asimbuye Aruna naho Iraguha Hadji asimbura Baare 

Youssef abakinnyi ba Gorilla FC ntabwo bari kumuvaho, ndetse baramwataka ari benshi

abafana ba Rayon Sports bagerageje kwitabira ariko aho bigeze ubu ntabwo bishimye

Gatera ni umwe mu batoza b’abanyarwanda bakunze kugora amakipe akomeye

Serumogo Ali yahaye umwanya Mucyo Didier

45″ igice cya kabiri kiratangiye

Ikipe ya Rayon Sports ikoze impinduka Rwatubyaye asimbuye, Eric Ngendahimana, Hakim Bugingo asimbura Arsene, Serumogo asimburwa na Mucyo Didier, Rudasingwa Roger asimbura Rudasingwa, Ojera avamo hinjira Ifasso

45″ Igice cya mbere kirarangiye hano kuri sitade ya Kigali Pele Stadium, amakipe akaba agiye kuruhuka anganya ubusa ku busa.

40″ ikipe ya Gorilla FC ibonye kufura itewe na Emmanuel, umupira ugora Hategekimana, yoherezayo akaguru umupira awushyira muri koroneri

Umutoza wa Rayon Sports ntabwo ari kumva uburyo abakinnyi be barimo gukina. Uyu mutoza kandi yakoze impinduka mu bakinnyi bari babanje mu kibuga mu mukino ubanza, mu buryo bwo kurushaho kureba abakinnyi be.

Icyo umuntu yabibutsa ni uko ikipe ya Gorilla FC mu mwaka ushize w’imikino, ariyo yakuye Rayon Sports ku gikombe mu buryo bweruye, ubwo yayitsindaga ibitego 3-1.

35″ Umupira wa mbere ugana mu izamu ku ruhande rwa Rayon Sports utewe na Youssef gusa ufatwa na n’umunyezamu wa Gorilla FC uzwi ku izina rya Mozombo

30″ kugera magingo aya, ikipe Rayon Sports abantu bategereje igihe nibura uretse no gutsinda igitego iri bunatere mu izamu rya Gorilla FC

Rayon Sports uyu ni umukino wa kabiri ikinnye iminota 20 ya mbere ikayimara idashose mu izamu, nyuma y’umukino baheruka gukina na Vital’O FC

22″ Gorilla FC ibonye uburyo bwa mbere bw’igitego ku mupira azamukanye akuraho abakinnyi ba Rayon Sports, mu gihe yarebaga izamu neza atera yashyizemo amafiyeri’ umupira ujya kuruhande

19″ Bavakure Ndekwe Felix ahawe ikarita y’umuhondo ku Habimana Yves wari wamaze kumusiga akamukurura

11″ Rayon Sports ibonye kufura ku ikosa rikorewe Ojera, ariko umupira awuteye yamurura izamu

Gatera Musa umutoza mukuru wa Gorilla FC yahisemo gukoresha mu mutima w’ubwugarizi Sibomana Abouba uherutse gusinyira iyi kipe avuye muri Police FC

05″ amakipe yombi ari gukinira mu kibuga hagati, asa nkaho yabanje gutinyana.

Abakinnyi 11 Gorilla FC yabanje mu kibuga

Matumele Arnold

Nshimiyimana Emmanuel (C)

Duru Mercy Ikena

Karema Eric

Sibomana Abouba

Iradukunda Simeon

Nshimiyimana Tharcisse

Irakoze Darssi

Mohamed Bobo Camara

Habimana Yves

Victor Murdah

18:27″ Umukino uratangiye

Reka twongere tubahe ikaze mu rugendo rw’iminota 90 y’umukino uri guhuza ikipe ya Rayon Sports yakiriye Gorilla FC. Ikipe ya Rayon Sports yambaye imyenda yayo y’ubururu n’umweru, mu gihe Gorilla FC yambaye amakabutura y’icyatsi, mu n’imipira yinjimye

18:22″ amakipe agarutse mu kibuga nyuma yaho abasifuzi bari batinze ku hagera

18:10″ Amakipe yombi asubiye mu rwambariro abafana bakaba bategereje kureba niba amakipe agaruka

18:05″ Na n’ubu amakipe aracyarimo kwishyushya, ariko na nubu abasifuzi ntabwo barahagera

18:02″ Amakuru ahari ni uko abasifuzi bari gusifura uyu mukino batarahagera

18:00″ Iminota y’umukino yageze ariko amakipe aracyarimo kwishyushya

Ni umkino ugiye kubera kuri sitade ya Kigali Pele Stadium ukaba utangira ku isaha ya saa 18:00 pm. Ikipe ya Rayon Sports ikomeje gupima abakinnyi bayo bashya iherutse kugura, kugira ngo izinjira ku munsi w’igikundiro ihagaze neza.

Ntabwo ari Rayon Sports gusa kuko na Gorilla FC igiye kubona umwanya wo gusuzuma abakinnyi bayo iherutse kugura.

Abakinnyi Rayon Sports yabanje mu kibuga

Hategekimana Bonheur

Ally Serumogo

Eric Ngendahimana

Isaac Mitima

Arsene Tuyisenge

Aruna Moussa

Felix Ndekwe

Youssef Rharb

Joackiam Ojera

Rudasingwa Prince

Charles Bbaale

Mahoro Isaac ubarizwa mu Itorero ry’Abadivantiste b’Umunsi wa Karindwi rya Nyamata mu Karere ka Bugesera, akomeje kubera urugero rwiza abandi bahanzi mu bikorwa by’umuziki biherekezwa n’ibikorwa by’ubugiraneza, ikintu kitaro cyashora imizi mu bahanzi benshi mu Rwanda.

Ku Isabato ishize, tariki 29 Nyakanga 2023, Mahoro Isaac ukunzwe mu ndirimbo “Nyigisha”, yakoze igitaramo “Yanteze Amatwi Live Concert” yitiriye indirimbo ye nshya “Yanteze amatwi”, akaba ari igitaramo yatangiyemo ubufasha ku miryango itishoboye aho yatanze inka ku warokotse Jenoside yakorewe Abatutsi, ndetse na Mituweli ku bantu 100 batishoboye.

Ni igitaramo kitabiriwe mu buryo bukomeye, urusengero ruruzura, abandi benshi bahagarara mu madirishya. Cyaranzwe n’ibihe bidasanzwe mu kuramya no guhimbaza Imana mu ndirimbo z’uyu muhanzi wakoze agashya akaririmba agaragiwe gusa n’abagabo mu gihe mu bitaramo byabanje yabaga ari kumwe n’abagabo ndetse n’abagore.

Mahoro yatanze ishimwe ku itsinda rye rimureberera umuziki riyoborwa na Niyomwungeri Pierre. Yavuze ko afite indirimbo “Ujye ushima” ivuga ngo ‘reka kumera nk’umwana w’ingayi udashima’, ati “Njyewe rero ntabwo ndi umwana w’ingayi, ibyo bakora mba mbibona, ndabishima kandi kariya ni akantu gato kerekana amarangamutima yanjye.” 

Bijyanye n’ubwitabire bwinshi mu gitaramo cye cyo muri uyu mwaka, Mahoro Isaac avuga ko byamuhaye umukoro wo gutekereza kugira ngo ubutaha abantu bazabone aho bicara. Avuga ko “Intego yacu twayigezeho nubwo Imana ariyo izi ibyo tutazi, ariko intego ya mbere yari ivugabutumwa riciye mu ndirimbo n’ibikorwa by’ubugiraneza”. 

Uyu muhanzi umaze imyaka iyingayinga 20 mu muziki, avuga ko ikindi cyari kigenderewe byari ukugira ngo “tubwirize abantu Yesu n’iyo twabona umuntu umwe wiyegurira Imana cyangwa batataha bahembuwe babonye Umwuka w’Imana, bakabona imigisha y’Imana, numva rero uruhare rwacu twe twarurangije, igisigaye ni Imana na Mwuka Wera”.

Rukundo William, umwe mu Bakuru b’Itorero rya Nyamata yavuze ko ibikorwa bya Mahoro Isaac babyakiriye neza, ati “Mu by’ukuri iyo Itorero rifite abantu bameze nka Isaac, riba itorero ryiza kandi rishikamye kuko mu butumwa bwiza tubwiriza harimo kuririmba nibyo birumvikana;

Ariko n’ibikorwa byo gufasha bikaba kimwe mu bituma abantu bumva ko ubutumwa bwiza atari ubw’amagambo gusa ahubwo buri no mu bikorwa. Niyo mpamvu ibikorwa nk’ibi by’igitaramo kirimo no gufasha biba ari ibikorwa byiza bituma abantu benshi barushaho kwiyegurira Imana”. 

Abahanzi bo muri Nyamata barangajwe imbere na Mahoro Isaac bari gukora cyane. Rukundo William avuga ko ibanga rya mbere ribibashoboza “ni ugusenga no gushyira hamwe, kandi abantu bakumva ko muri kwa gushyira hamwe bitarangirira aho ahubwo hari no kwiga ijambo ry’Imana ariko hakaba no gukora”.

Prof. Dr. Tombola M Gustave, Umujyanama Wungirije wa Mahoro Isaac, yavuze ko batanze ubwishingizi bwo kwivuza ku bantu 50 mu Itorero rya Nyamata SDA ndetse banatanga ubundi bwishingizi 50 ku itorero rya Bugesera. Yavuze kandi ko batanze inka bakuye urugero rwiza kuri Perezida Kagame, woroza abanyarwanda muri gahunda ya “Gira Inka Munyarwanda”. 

Ni iki kiri gukomeza gusunika abantu banyuranye gufasha Mahoro Isaac?

Dr. Tombola ati “Ubundi twebwe nka Management team tuba twumva twabwiriza ubutumwa dukoresheje impano za buri muntu wese. Njye mfite impano y’indimi, muri Kigali Bilingual ndi umusemuzi, ubwirije mu gifaransa, nshyira mu cyongereza. 

Iyo ni impano mfite. Ariko simfte impano yo kuririmba kandi mu ndirimbo naho harimo kubwiriza. Ikidusunika rero ni ugushyigikira ufite impano wese kuko twese turi mu murimo umwe”.

Ku bijyanye n’inkunga batanze ku batishoboye, yabajijwe n’abanyamakuru aho bifuza ko ihabwa, avuga ko ubuyobozi bwite bwa Leta “turabwizeye ni twe tubushyiraho”. Ati “Uwo bazahitamo, bizaba bigaragara ko ari we ukeneye iyo nkunga”. 

“Niyo mpamvu tuvuga ko tuyishyikirije Itorero, naryo riyihe abantu bo mu buyobozi bwite bwa Leta, niyo mpamvu mwabonye uhagarariye Umurenge wa Nyamata yakiriye iyo nkunga ijyanye na Mituweli, ijyanye n’inka, uwo bazahitamo azaba ari uwo kuko ubuyobozi bwacu turabwizera”.

Umurenge wa Nyamata washimiye Mahoro Isaac

Mahoro yaririmbye indirimbo zitandukanye zirimo na “Yanteze amatwi” aheruka gusohora

Isaac yatunguwe n’abana be bamusanze ku ruhimbi ubwo yari arimo kuririmba

Umuhungu wa Mahoro Isaac butinze butebuke ashobora kuzaba nawe umuramyi

Abasore barimo Elsa Cluz nibo bafashije Mahoro Isaac mu miririmbire

Mahoro yanejeje abitabiriye igitaramo cye akora buri mwaka

Buri mwaka Mahoro atanga mituweli 100 ku batishoboye

Ndayisaba ufite ubumuga bwo kutabona yanyuze abitabiriye iki gitaramo

Hatanzwe inka ndetse na mituweli ku bantu 100 batishoboye

Mahoro Isaac yashimiye ‘Management Team’ ye

Mahoro yahaye igikombe abamufasha mu muziki

Mahoro Isaac yari ashyigikiwe cyane muri iki gitaramo “Yanteze Amatwi Live Concert”

REBA INDIRIMBO “YANTEZE AMATWI” YA MAHORO ISAAC

UKO MAHORO YABONYE IGITARAMO CYE N’UMUKORO YAKUYEMO

IBYATANGAJWE N’ITORERO MAHORO ISAAC ASENGERAMO

PROF. TOMBOLA YAGARUTSE KU MIKORANIRE YABO NA MAHORO ISAAC

Nyuma y’amasaha make Rayon Sports itangaje ko izakina na Loto-Popo FC yo muri Benin kuri Rayon Day 2023, iyi kipe yatangaje ko izakina na Kenya Police FC.

Ku mugoroba w’ejo hashize ku wa Mbere nibwo iyi kipe yatangaje ko kuri “Rayon Sports Day” izerekaniraho abakinnyi izakoresha mu mwaka w’imikino wa 2023-24 izakina na Loto-Popo FC yo muri Benin.

Uyu munsi nibwo yemeje ko iyi kipe itakije mu Rwanda ahubwo bazakina na Kenya Police FC.

Bivugwa ko iyi kipe yabuze amatike y’indege igahita isimbuzwa Kenya Police izagera mu Rwanda ku wa Kane ni mu gihe umukino uzaba ku wa Gatandatu.

Kwinjira kuri uyu munsi, ni ibihumbi 5 Frw mu myanya isanzwe, ahatwikiriye ibihumbi 10 Frw, ibihumbi 30 Frw muri VIP n’ibihumbi 100 Frw muri VVIP.

Uzahitamo kugura itike ku munsi w’ibirori azatanga ibihumbi 7 Frw ku hasanzwe, ibihumbi 15 Frw ahatwikiriye ndetse n’ibihumbi 40 Frw muri VIP. Mu myanya y’ibihumbi 100 Frw, ibiciro bizakomeza kuba bimwe.

Bruce Melodie yari we muhanzi Mukuru muri iki gitaramo cyabaye mu ijoro ryo ku Cyumweru tariki 3 Nyakanga 2023 kuri sitade ya Ngoma. Ni kimwe mu bitaramo byari bitegerejwe muri iki gihugu.

Yinjiriye mu ndirimbo ye yise ‘Ikinya’ yabaye idarapo ry’umuziki we mu 2017. Asoje kuyiririmba yabajije abakunzi b’umuziki niba bameze neza, ababwira ko yiteguye kubasusurutsa bigatinda.

Yakomereje ku ndirimbo ye yise ‘Ndakwanga’. Ku rubyiniro yari kumwe n’ababyinnyi yitwaje muri iki gihugu, kandi yacurangiwe n’itsinda rya Yousta Band basanzwe bakorana mu bihe bitandukanye.

Uyu muhanzi wo muri 1:55 AM,yaririmbaga anyuzamo akabaza abafana niba bameze neza, kandi akabasaba kuririmbana nawe. Yanaririmbye indirimbo ye yise ‘Ntakibazo’ yakoranye na Urban Boys, ‘Saa Moya’

Mu gitaramo hagati, Bruce Melodie yabajije abakunzi be niba bakunda indirimbo z’urukundo cyangwa se zishyushye cyane, maze yanzika mu ndirimbo ye yise ‘Complete Me’ n'izindi.

Iki gitaramo kandi cyaririmbyemo abahanzi ba Double Jay, Kirikou Akili, B-Face n’abandi. Abategura irushanwa rya Primusic bavuze ko abahatanye muri Primusic 2023 beretse abakunzi ba Primus ko ‘igikorwa bahawe bagishoboye neza’.

Ku rubyiniro Kirikou yari yambaye umwambaro uriho amafoto y’abahanzi barimo nka Big Fizzo, Bruce Melodie, Chriss Eazy bakoranye indirimbo ‘Lala’ n’abandi.

Ikinyamakuru Akeza cyo mu Burundi cyandika ko ibihumbi by’abantu bakubise bakuzura sitade mbere y’uko Bruce Melodie agera ku rubyiniro, aho yabanjirijwe n’abandi bahanzi.

Cyavuze ko Bruce yageze ku rubyiniro ahagana saa yine z’ijoro n’iminota 30′ ava ku rubyiniro saa tanu n’iminota 30′ bivuze ko yamaze isaha ataramira abarundi.

Iki kinyamakuru kivuga ko Bruce Melodie yavuye ku rubyiniro, hanyuma inzego z’umutekano zisaba ko igitaramo gihagarikwa kugirango ‘abaturiye hafi ya sitade ya Ingoma babashe gusinzira’.

Ubuyobozi bw'Intara ya Gitega bwanditse kuri konti ya Twitter kuri uyu wa Mbere tariki 31 Nyakanga 2023, buvuga ko Bruce Melodie yamaze isaha irenga ataramira abakunzi be bitabiriye igitaramo cyashyize akadomo ku irushanwa rya Primusic.

Yavuze ko iki gitaramo cyabereye kuri Stade ya Ingoma, kandi ko Bruce Melodie yanakomereje kuri Mystic Bar aho yataramiye abakunzi be 'baryoherwa nawe'.

Intara ya Ngozi ivuga ko ibyavuzwe ko inzego z'umutekano zitambitse igitaramo cya Bruce Melodie 'atari byo na gato' kuko yari we muririmbyi mukuru.

Bakomeza bati 'Yari yatumiwe kunezereza abarundi muri icyo giteramo. Iyo umuririmbyi nk’uwo ahejeje (arangije) kuririmba, nta wundi asubira (wongera) kuririmba.'

Sat-B yaririmbye muri iri rushanwa nyuma y’uko abakunzi b’ikinyobwa cya Primus mu Burundi bamusabye igihe kinini, bavuga ko bakeneye kumubona ku rubyiniro. Icyo gihe ubuyobozi bwa Primusic bwatangaje ko bwumvise icyifuzo cy’abakunzi b’iri rushanwa.

Uyu muhanzi si ubwa mbere yari ataramiye kuri Stade Ingoma, kandi yagiye ahacana umucyo. Yifashishije ababyinnyi yitwaje, yagaragaje ko ari umuhanzi ukomeye muri iki gihugu.

Mu bandi baririmbye muri iki gitaramo hari umuhanzi Vichou Love wamamaye mu ndirimbo ‘Icyo Imana yifatanyirije’.

Uyu muhanzi yabwiye abakunzi b’umuziki ko asigaye azi gucuranga iby’umuziki nk’ingoma, gitari, piano n’ibindi. Yaririmbye indirimbo ze zo hambere ndetse n’indirimbo nshya aherutse gushyira hanze.

Ku rubyiniro, umuraperi B-Face yisunze indirimbo ze ziri mu njyana ya Dancehall, Amapiano, Afrobeat n’izindi agaragaza ko ari umuhanzi utanga ibyishimo kuri benshi.

Ni mu gihe Double Jay yaserukanye abasore n’inkumi b’ababyinnyi, maze aririmba mu buryo bwa Live na Semi-Live.

Irushanwa rya Primusic ryasojwe rwegukanwe na Francis Destin, umuhanzi w’indirimbo zo kuramya no guhimbaza Imana wegukanye Miliyoni 30 z’amarundi, Shoffan Niyirema yabaye uwa kabiri n’aho Eloi-Espoir yegukana umwanya wa Gatatu. Abategura Primusic bati ‘Impano yawe n’iyo mateka yawe’.

Francis wegukanye iri rushanwa, yavuze ko zimwe mu mbogamizi yahuye nazo ari uko asanzwe ari umuhanzi w’indirimbo ziha ikuzo Imana. Avuga ko abantu batiyumvishaga ukuntu yajya mu marushanwa nk’aya agamije kwamamaza inzoga ya Primus

Ati “Abantu ntibumvise ukuntu naza mu marushanwa nk’aya cyangwa ngo ndirimbe indirimbo bita iz’Isi kandi nsanzwe ndirimba mu rusengero.”

Uyu musore yegukanye Primusic 2023 ahigitse bagenzi be batandatu bageranye mu cyiciro cya nyuma, Akanama Nkemurampaka kemeza ko ariwe wahize abandi.

Bruce Melodie yamaze isaha ku rubyiniro ashyira akadomo ku irushanwa rya Primusic 2023

Bruce yitaye ku ndirimbo ze zo hambere kugeza ku ndirimbo nshya nka ‘Fou de Toi’

 

Bruce Melodie avuga ko inzego z’umutekano zitigeze zimufungiraho iki gitaramo

    

Sat-B yahawe umwanya wo kuririmba muri iki gitaramo nyuma y’ubusabe bw’abafana

Umuhanzi Vichou Love ufite ubumuga bwo kutabona yabwiye abakunzi be ko asigaye azi gucuranga ibyuma by’umuziki 

Umuraperi B-Face yisunze indirimbo ze ziri mu mudiho wa DanceHall atanga ibyishimo 

Kirikou yari yambaye umwenda wo hejuru uriho amafoto y’abarimo Big Fizzo, Chriss Eazy, Bruce Melodie n’abandi

Kirikou Akili yaserukanye imyambaro iriho amafoto y’abahanzi akunda mu muziki nka Kivumbi King, Michael Jackson n’abandi
 

Double Jay Once Again yitwaje abakobwa b’ikimero ku rubyiniro mu irushanwa rya Primusic

Abashyushyarugamba MC Sadiki na MC Zenobino basusurukije abantu bategereje itangazwa ry’uwegukanye Primusic
 

Niyirema Chauffan, umuhanzi wa gatandatu wagaragaje impano ye muri iri rushanwa

Nasson Uwitonze yabaye umuhanzi wa gatanu wagaragaje impano ye nyuma y’abandi
Umuhanzikazi Chance Manirambona yagaragaje ko akwiye guhangwa amaso mu muziki

Eloi Espoir Nzoyihana, umunyempano wa Gatatu wagaragaje icyo ashoboye
Francis Destin Ndereyimana waje kwegukana irushanwa ubwo yerekanaga impano ye
Igirubuntu Sarah niwe wa mbere wagaragaje impano ye mu kuririmba

 

Ibihumbi by’abantu bari bakubise buzuye kuri Stade Ingoma mu Ntara ya Gitega

  

KANDA HANO UREBE UKO BRUCE MELODIE YITWAYE MURI IKIGITARAMO

“>

Kuwa 4 Kamena 2023, ni bwo hakozwe ijonjora ryo kugaragaza impano yo kuririmba, abahanzi bagera kuri 26 baratoranywa ndetse barindiriye kwitabira andi marushanywa, abazayatsinda bagahabwa ibihembo byabateganirijwe.

Mu bantu 26, batanu bari gutorwa kurusha abandi ndetse bari gutanga icyizere ko hatagize igihinduka bazatsinda irushanwa, nubwo n'abandi bagifite amahirwe yo gutorwa bagahiga abandi.

Abahanzi batanu bafite amajwi menshi kurusha abandi harimo Umurungi Cynthia, Iriho Chanelle Nikita, Kariza Honorine Fruit, Manirakiza Innocent na Rumanzi Steven.

Gushyigikira aba bahanzi mu rwego rwo kubatora, biri gukorwa binyuze ku rubuga rwa noneho.com rwa InyaRwanda.com.

Amabwiriza avuga ko uzatsindira umwanya wa mbere azahembwa gukorerwa indirimbo 3 z’amajwi n’indirimbo imwe y’amashusho (video), biherekejwe n'amafaranaga 100.000Frw, na Buruse yo kwiga muri IBTC Film School, ibijyanye Videography and Film Making.

Uwa kabiri azahembwa gukorerwa indirimbo z'amajwi ebyiri, n'amafaranga angana na 50,000 Frw ndetse na Buruse yo kwiga muri IBTC Film School ibijyanye na Videography and Film Making.

Naho uwa gatatu we azahembwa gukorerwa indirimbo 1 n'amafaranga angana na 50.000 Frw na Buruse yo kwiga muri IBTC ibijyanya na Videography and Film Making.

Kuya 19 Kanama 2023, ni bwo hazaba ijonjora rya nyuma muri Greewich Hotel, maze abahize abandi bagahembwa, bagashyigikirwa binyuze mu mpano zabo bazaba bagaragaje.

Iri rushanwa ryateguwe na Million Ways Entertainment hagamijwe kuzamura impano nyarwanda.

Dore urutonde rw'abahanzi batanu bari gutorwa kurusha abandi:

1.     Umurungi Cynthia

Umurungi Cynthia umuhanzikazi urusha bose muri aya atora afita amajwi 580

2.     Iriho Chanelle Nikita

Umuhanzikazi Iriho Chanelle ari ku mwanya wa kabiri n’amajwi 548

3.     Kariza Honorine Fruit

Kariza umuhanzikazi uri gutorwa cyane afite amajwi 488

4.     Manirakiza Innocent

Manirakiza Innocent ari ku mwanya wa Kane n’amanota 294

5.     Rumanzi Steven

 

 

Umuhanzi Rumanzi ari ku mwanya wa Gatanu n’amanota 282

Aya marushanwa ari kubera ku rubuga rwa Noneho.com

KANDA HANO UTORE UMUNYEMPANO UHA AMAHIRWE

Ku wa Mbere tariki ya 31 Nyakanga 2023, bivugwa ko uwo mukandida wigenga yafatiwe mu cyumba gikorerwamo ibizamini arimo areba ibibazo n’ibisubizo by’ikizamini cya Principle Economics barimo gukora.

Uwo mukandida wigenga yarimo gukorera ibizamini mu kigo cya ESIR mu Karere ka Musanze. Amakuru avuga uwo mukandida wigenga we na bagenzi be 19 bagihawe n’umwarimu utuye mu karere ka Rubavu aho itsinda rya WhatsApp arimo bahawe icyo kizamini Saa mbiri n’iminota mirongo itanu n’itatu ku mugoroba wo ku Cyumweru tariki ya 30 Nyakanga 2023.

Bivugwa ko ikizamini cyafatanwe uwo mukandida wigenga basanze gisa n’icyo NESA yateguye. Bivugwa kandi ko uwo mukandida wigenga warimo gukora ikizamini gisoza umwaka w’amashuri 2022/2023 yashyikirijwe Urwego rw’Igihugu rw’Ubugenzacyaha, RIB.

InyaRwanda.com twagerageje kuvugisha, Dr Murangira Thierry, Umuvugizi w’Urwego rw’Igihugu rw’Ubugenzacyaha ariko ntibyadukundira ndetse n’ubutumwa bugufi twamwohereje ubwo twakoraga iyi bwari butarasubizwa.

Dr Bernard Bahati uyobora NESA yabwiye InyaRwanda ko ayo makuru bayamenye kuva ejo ariko ibijyanye n’ayo makuru bazayavugaho birambuye nyuma y’iperereza ririmo gukorwa na RIB. Yanavuze ko ibizamini birimo gukorwa nta kindi kibazo cyagaragayemo uretse uwo muntu umwe wafatiwe i Musanze.