Kuri uyu wa Gatandatu tariki 19 Kanama 2023, nibwo ikipe ya Kakamega Homeboyz yo muri Kenya yakinnye na Hilal Benghazi yo muri Libya mu mukino w'irushanwa rya CAF Confederation Cup.
Uyu mukino waje kurangira izi kipe zombi zinganya 0-0. Ni umukino wabereye muri Kenya, izakomeza muri izi kipe zombi izahura na Rayon Sports mu ijonjora rya kabiri.
Bivuze ko aya makipe ari kwishakamo izakina na Rayon Sports azikiranurira i Benghazi muri Libya kuko i Nairobi ho biranze.
Â
RIP Sam! Umutoza watoje amakipe akomeye mu Rwanda yitabye Imana.
Umunyabigwi wumutoza Sam Timbe watoje amakipe nka Police Fc na Atraco yitabye imana
Uyu mugabo yitabye Imana kuri uyu wa gatandatu.
Sam Timbe yaguye mu gihugu cya Uganda.
Source : https://yegob.rw/rip-sam-umutoza-watoje-amakipe-akomeye-mu-rwanda-yitabye-imana/
'Nta mutoza dufite' Bashize amanga n'amajwi yuzuye umujinya, abafana ba APR FC bazomereye umutoza wabo bamubwira ko kuba ahari bimeze nk'aho adahari.
Abafana ba APR FC barakajwe bikomeye n'umusaruro ikipe yabo isigaye itanga muri iyi minsi.
Nyuma yo kunganya umukino wo kuri uyu munsi, abafana ba APR FC bemeje ko nta mutoza bafite.
VIDEWO
Â
Ifoto y'umunsi! Umuhanzi Bruce Melodie yakiriwe na Perezida Paul Kagame nyuma yo gususurutsa abitabiriye iserukiramuco.
Nyuma yo gususurutsa Abanya-Kigali mu gitaramo cyo guherekeza Iserukiramuco rya 'Giants of Africa', Bruce Melodie yahuye na Perezida Kagame.
Ikipe ya APR FC iguye munsi y'urugo benshi bataha bemeza ko Thierry Froger akwiye kwirukanwa
Ikipe ya APR FC inganyije na Gaadiidka FC yo mu gihugu cya Somalia igitego kimwe Kuri kimwe.
Umukino waranzwe no kwiharira umupira kwa APR FC ariko mu gice cya mbere ikipe ya Gaadiidka FC ibona igitego rugikubita ariko Ntabwo yakomeje kwihagararaho.
Mu gice cya kabiri n'ubundi ikipe ya APR FC yagarutse ifite imbaraga nyinshi cyane ari nako ihanahana umupira mu minota ya nyuma yahise ibona igitego gitsinzwe na Victor Mbaoma itagize icyo yerekana mu mukino wose.
APR FC benshi bibazaga umubare w'ibitego igomba gutsinda umukino uza kurangira ari igitego 1-1 ariko umutoza Thierry Froger yerekana ko ntakintu azageza kuri iyi kipe ahubwo yasezererwa hakiri kare.
Â
Kuri uyu wa Gatandatu taliki 19 guhera saa cyenda kuri Kigali Pelé Stadium hari kubera umukino ikipe ya APR FC yakiriyemo Gaadidka FC. Ni umukino ubanza w’ijonjora ry’ibanze mu mikino ya CAF Champions League 2023-2024.
Ikipe ya APR FC yaserukiye u Rwanda muri CAF Champions League nyuma yo kwegukana shampiyona y’icyiciro cya mbere y’umwaka ushize w’imikino.
Abakinnyi 11 APR FC yabanje mu kibuga:Pavelh Ndizira,Buregeya Prince,Ombolenga Fitina,Ishimwe Christian, Nshimiyimana Yunnusu,Nshimiyimana Ismael,Ali Shaiboub,Ruboneka Bosco,Apam Bemol,Kwitonda Allain Bacca ,Thadeo Luanga na Victory Mbaoma
Abakinnyi 11 ba Gaadiidka FC babanje mu kibuga: Alkadi ARIAS,Osman MOHAMED, Pentecost IKEDINACHI, MOHAMMED Hussein,ZAKARI Soohyane, ABDIRAHMAN Abdiwali,ALUWATOBI Paul,MORO Christian ,OUATTARA Said ,LANDARY Francois na KAGABA Nicholas.
Uko umukino uri kugenda umunota ku munota:
78′ Umutoza wa APR FC akoze impinduka mu kibuga havamo Shaiboub hinjiramo Mugisha GilbertÂ
73′ Apam Bemol asimbuwe na Niyibizi RamadhanÂ
71′ MOHAMMED Hussein watsinze igitego cya Gaadiidka FC aryamye hasi ari kwitabwaho n’abagangaÂ
69′ Shaiboub azamukanye umupira mu kibuga hagati ageze imbere y’izamu arekura ishoti ariko umuzamu wa Gaadiidka FC aba maso arawufata
67′ Ruboneka atsinze igitego ariko umusifuzi asifura kurariraÂ
65′ LANDARY Francois wa Gaadiidka FC yaragerageje kurekera ishoti riremeye ariko umuzamu wa APR FC aratabaraÂ
63′ APR FC ikoze impinduka mu kibuga havamo, Allain Bacca avuye mu kibuga hinjiramo Allain BaccaÂ
60′ Nshimiyimana Ismael yararekuye ishoti riremeye ariko rinyura hejuru y’izamu ku mupira mwiza yarahawe na Allain BaccaÂ
57′ Fitina Ombolenga yarazamukanye umupira neza ariko LANDARY Francois amutereka hasi bimuviramo no guhabwa ikaritaÂ
55′ Pentecost IKEDINACHI wa Gaadiidka FC aryamye hasi ari kwitabwaho n’abaganga
53′ Nyuma yo kubona igitego cyo kwishyura,APR FC ikomeje gukina neza ikinira hagati mu kibugaÂ
48′ Fitina Ombolenga azamukanye neza umupira ageze mu rubuga rw’mahina ahereza umupira, Victor Mbaoma ahita atereka umupira mu nshundura,APR FC iba ibonye igitego cyo kwishyuraÂ
46′ APR FC itangiye isatira ibona kufura nziza iterwa neza na Christian iragenda isanga Victor Mbaoma ariko ashyizeho umutwe ihita irenga
Igice cya mbere kirangiye Gaadiidka FC iyoboye n’igitego 1-0
Igice cya mbere cyongeweho iminota 2
44′ Abakinnyi ba APR FC bari kwiharira umupira bashaka aho bakwinjirira ngo bashake igitego cyo kwishyuraÂ
40′ Bamyugariro ba Gaadiidka FC bakomeje gukora akazi gakomeye bakuraho imipira,Apam Bemol yaracenze neza arekuye ishoti ariko bahita baryitambika
37’Nyuma yo gutsindwa igitego,APR FC itangiye urugendo rwo kwishyura, Christian ateye kufura ashaka Victor Mbaoma ariko ba myugariro ba Gaadiidka FC bawushyira muri koroneriÂ
32′ Gaadiidka FC ifunguye amazamu ku mupira umuzamu wa APR FC yihereye MOHAMMED Hussein ahita arekura ishoti rirerire ashiduka ryageze mu izamu
28′ Abasore ba Gaadiidka FC bakomeje kubona kufura nyinshi gusa ntibazibyaze umusaruroÂ
26′ APR FC ibonye kufura nziza ku ikosa ryari rikorewe Shaiboub maze iterwa na Yunnusu ariko ba myugariro ba Gaadiidka FC bayishyira muri koroneriÂ
21′ Gaadiidka FC ibonye uburyo imbere y’izamu rya APR FC Pentecost IKEDINACHI arekura ishoti ariko umuzamu wa APR FC arawufataÂ
18′ Nshimiyimana Ismael arekuye ishoti ripima amatoni ariko Alkadi Alias arishyira muri koroneriÂ
17′ Fitina Ombolenga ahinduye umupira mwiza imbere y’izamu usanga Shaiboub nawe arekura ishoti ariko myugariro wa Gaadiidka FC ahita awushyira muri koroneriÂ
13′ Ikipe ya APR FC ikomeje gucana umuriro imbere y’izamu rya Gaadiidka FC, Allain Bacca abonye umupira mwiza mu rubuga rw’mahina arekura ishoti riremeye ariko Alkadi Alias awufata nta nkomyiÂ
10′ Abasore ba APR FC bari kugerageza kuzamura imipira miremire bashaka rutahizamu wabo, Victor ariko ba myugariro ba Gaadiidka FC bakawukuraho
7′ Ishimwe Christian azamukanye neza umupira arawuhindura ashaka Victor Mbaoma ariko myugariro wa Gaadiidka FC witwa Abdiwali ahita ayikuraho
5’Umupira uri gukinirwa hagati mu kibuga abasore ba Gaadiidka FC bagerageza gushaka uburyo binjira mu rubuga rwa APR FCÂ
2’APR FC itangiye umukino neza isatira cyane ndetse inahita ibona koroneri iterwa na Apam ariko umuzamu arayifataÂ
Abakinnyi ba APR FC bishyushyaÂ
Mbere y’umukino abakinnyi ba APR FC bishyushyaÂ
Abasifuzi basifuye uyu mukino bishyushya mbere yuko utangiraÂ
Umukino utitabiriwe n’abafana benshiÂ
Uko abafana bagiye binjira mbere y’umukinoÂ
BK Arena iraba irimo kandi Tiwa Savage winjiza miliyali imwe y'amafaranga y'u Rwanda buri mwaka ndetse na Masai Ujiri ufatwa nk'umwe mu bakinnyi ba Baskteball bakize ku isi. Bruce Melodie araba yaparitse muri parikingi z’iyi nyubako imodoka ye ihagaze Miliyoni 200 Frw. Mu yandi magambo ni igitaramo cy’amateka muri uyu mwaka!.
U Rwanda muri aka karere ni rwo ruri ku ibere mu bikorwa by'imikino n'imyidagadaro. Uti ‘ese kubera iki?’ Mu Burundi nta gikorwa kidasanzwe kiri kuvugwa, muri Uganda nta makuru ashyushye ahaturuka. Muri Kenya harakonje, muri Tanzania usanzwe ahashyushya ni Diamond Platnumz kandi nawe yavuye muri BK Arena acyuye ifoto y'urwibutso ari kumwe na Perezida Kagame.Â
Rero urebye kuva ku itariki 13 Kanama kugeza uyu munsi 19 Kanama 2023 mu nyubako y'imikino yiswe BK Arena ariko yabanje kwitwa Kigali Arena, iriya banki itarayikodesha, ni ho hateraniye urubyiruko rw'Afurika. Nawe reba niba buri gihugu muri 16 byo muri Afurika gihagarariwe, urumva ko baganira n'abo basize iwabo bakabasangiza uko byifashe mu rw'imisozi igihumbi.
Bamwe babashije gukoza ibiganza kuri Perezida Kagame igihe yabasuhuzaga. Abandi babashije guhura na Davido, Diamond Platnumz, Masamba Intore, Sherrie Silver, Tiwa Savage nawe yageze muri Arena ari kumva uko ibyuma bisohora amajwi neza, Tyla nawe umeze neza muri Amapiano y'iwabo arahari.Â
Masai Ujiri baraganiriye bamwe bafata amafoto y'urwibutso. Usibye n'ibyo unarebye ubu muri Afurika hose, u Rwanda nirwo ruri kuvugwa mu myidagaduro ndetse ruri kugendwa cyane.
Nijoro nari i Kanombe ku kibuga mpuzamahanga cy'indege. Imijyi ya Abuja, Lagos yo muri Nigeria yari yiyiziye i Kigali. Uti ‘ese gute?’ Hari indege ebyiri imwe iva i Abuja indi iva i Lagos. Muri izi ndege zose zari zuzuye abanya-Nigeria baje kurya ubuzima mu gihugu bafata nk'iwabo bitewe nuko bisanga. Namaze amasaha abiri mpagaze mbona Nigeria iri mu Rwanda.Â
Ariko nibyo hari abaje kureba Davido, Tiwa Savage, Masai Ujiri, Tyla, Bruce Melodie, n'abandi baje kwirira isi no gushaka aho bashora imari. Ibuka neza ko Abuja ari wo mujyi utuwemo n'abaherwe muri kiriya gihugu na Afurika muri rusange.Â
Ni umujyi ugoye kuwubamo ku bantu bakennye kuko uri imbere ya Johanesburg na Nairobi mu kugira ibiciro bihanitse. Abuja niwo mujyi umuherwe wa mbere muri Afurika, Dangote afitemo inyubako 'Mansion' ya miliyali zirenga 30 z'amafaranga y'u Rwanda.
Tugarutse gato kuri BK Arena n'uburyo iza kuba ihenze uyu mugoroba ndetse ikaza kuba ariyo nzu icungiwe umutekano cyane bitewe n'impamvu tugiye kugarukaho. Icya mbere haraba hari Masai Ujiri, inshuti y'akadasohoka ya Perezida Kagame. Haraba kandi hari umuryango wa Perezida Kagame nawe ubwe araza gusoza iri serukiramuco dore ko ariwe waritangije.Â
Hari Davido utunze miliyali zirenga 29 z'amafaranga y'u Rwanda. Ni umuhanzi wa gatanu mu bakize muri Afurika nyuma ya Youssou N'dour utunze miliyali zirenga 145 mu mafaranga y'u Rwanda. Ni uwo muri Senegal ariko yigeze kuza kwita izina ingagi zo mu Birunga.
Hakurikiraho Akon utunze miliyali 80 z'amafaranga y'u Rwanda. Aba muri Amerika ariko ni uwo muri Senegal. Yagiye aza mu Rwanda mu bihe bitandukanye haba muri Youth Connect aho yanatanze ibiganiro. Uyu muhanzi afite imishinga itanga amashanyarazi akomoka ku mirasire y'izuba iri no mu Rwanda n'ahandi muri Afurika.Â
Ateganya kubaka umujyi iwabo uzamwitirirwa. Undi wa gatatu ni Black Coffe wo muri South Africa utunze miliyali zirenga 60 z'amafaranga y'u Rwanda. Uwa kane ni Wizkid wibitseho miliyali 30 z'amafaranga y'u Rwanda na Davido ubarirwa arenga miliyali 29 z'amafaranga y'u Rwanda.
Iyi nyubako ubwo yatahwaga yabarirwaga ko yagiyeho arenga miliyali zirenga 100 mu manyarwanda. Hari ku itariki 08 Kanama mu 2019 nibwo yatashwe nyuma y'amezi 8 yubakwa amanywa n'ijoro ku gitekerezo cya Masai Ujiri nkuko kiriya gihe Perezida Kagame yabivuze.Â
Iyi nyubako iraza kuba irimo Tiwa Savage utunze arenga miliyali 10 z'amafaranga y'u Rwanda. Ndetse haraba hari Masai Ujiri wibitseho arenga miliyali 5 z'amafaranga y'u Rwanda. Bruce Melodie, ntabwo hazwi neza umutungo we ariko ntiyajya munsi ya Miliyari imwe Frw, wibuke ko agendera mu modoka ya miliyoni 200 Frw.
Hatagize igihinduka Perezida Kagame na Masai Ujiri bashobora kwitabira iki gitaramo nk'uko n’ubundi bari kumwe mu gufungura iserukiramuco ryizihiza imyaka 20 ribayeho. Ibyamamare biri buririmbe muri iki gitaramo bitunze akayabo, aho yose hamwe arenga Miliyari 40 Frw.Â
Wibuke BK Arena ubwayo ihagaze Miliyari 100 Frw, yose hamwe ni Miliyari 140 Frw. Kandi ubwo twavuze abahanzi gusa, ntabwo twavuze abandi banyacyubahiro yaba abayobozi n’abaherwe bari bube bitabiriye iki gitaramo cy’imbonekarimwe.
Ngiyi impamvu yo kuba umutekano uri bube uteye ubwoba wakajijwe, imwe mu mihanda yafunzwe, abaguze itike batari bwubahirize amasaha baraza gukurikira iki gitaramo mu nkuru za inyaRwanda dore ko yamaze kuhagera iri gukurikira buri kintu cyose kiri kuhabera.Â
Bruce Melodie ugenda muri Brabus akaba afite inzu igeretse i Kanombe nawe ari mu bahanzi batunze amafaranga menshi ba hano mu Rwanda. Nubwo bigoye kumenya ingano y'ayo atunze ariko ntabwo yabarirwa munsi ya Miliyoni y'idolali nk’uko twabikomojeho haruguru. Impamvu nta yindi.Â
Ni we muhanzi usigaye uhenze kumutumira imbere mu gihugu, afite ibigo yamamariza byishyura neza. Imiziki ye iramwinjiriza. Ibitaramo akora biba bihenze kandi agenda mu modoka ihenze kuko hari bagenzi be bagenda mu zisanzwe bivuze ko yabasizeho intera. Davido ari mu bahanzi bacungirwa umutekano ku buryo bukabije hano muri Afurika.Â
Ariko ni byo! Uwasimbuka akamwambura umukufi yambaye uhagaze Miliyoni 600 mu mafaranga y’u Rwanda yahita anyarukira i Nyarutarama akagura inzu igeretse. Yabishatse yaguramo kwasiteri 10. Yakwinyabya mu Gatsata akagura ibipangu bitabarika, ubundi agashyira akaguru ku kandi kuko ubukode bw’izo nzu bwamusazisha neza atiriwe yongera gukora.Â
Iyi nyubako iraba irimo Perezida Kagame uri mu baperezida bacungirwa umutekano ku buryo budasanzwe hano muri Afurika kandi akaba umwe mu ba Perezida bakunzwe cyane ku isi kubera ibikorwa akora n’uburyo yazahuye igihugu nyuma ya Jenoside yakorewe Abatutsi.Â
Uzabona ko Perezida Kagame akunzwe nubona abantu bakize, abahanzi bakomeye bafite amafaranga ndetse n’abaperezida bagenzi be baba bifuza kumugeraho ngo baganire abandi batahane agafoto.
BK Arena ni inzu nini muri Afurika y’Iburasirazuba. Ijyamo abantu 10,000 bicaye neza ikaba yarubatswe mu mezi umunani. Inzu yari nini ni iyo muri Kenya, i Nairobi ijyamo abantu 5,000. Nubwo ari nini ariko yagenewe imikino n’ibindi bikorwa kubera ko itubakiwe ibitaramo. Nukuvuga ko abahanzi bayikoreramo ibitaramo bayikodesheje kandi ntihabera igitaramo ngo buke bitewe nuko nta sound proof irimo.
Ni muri Manda ya Gatatu ya Perezida Kagame Paul, itaraturutse mu gushaka kwe, ahubwo yavuye mu baturage bandikiye Inteko Ishinga Amategeko amabaruwa miliyoni eshanu, basaba ko Itegeko Nshinga rivugururwa. Ibyo murabizi uko byagenze, uhereye kuri wa mugore wo mu Burengerazuba wavuze ko Perezida Kagame natongera kwiyamamaza aziyahura.
Amaze kurahira, yafashe ijambo, abwira Abanyarwanda bari benshi, bamwikirizaga bati 'Muzehe wacu' ko ibiri kuba ari ibirori byabo. Yabasobanuriye ko icyizere bamugiriye atazagiterera inyoni.
Ati 'Ndagira ngo mbashimire by'umwihariko icyizere mwongeye kungirira. Ikiruta ariko ni icyizere mwifitiye ubwanyu n'ikiri hagati yacu. Gukomeza kubakorera ni ishema ryinshi kuri njye.'
Magingo aya, imyaka itandatu iruzuye, harabura umwe ngo manda y'imyaka irindwi ya Perezida Kagame irangire. Muri iyo myaka ishize, ubuzima bw'abaturarwanda bwahindutse mu ngeri zose ndetse wa mugani ni ibintu biboneshwa amaso y'umubiri n'ay'umutima.
Ni imyaka yaranzwe no gukomeza gushimangira ubumwe bw'Abanyarwanda, bwari kuri 92,5% mu 2017 ubu bukaba bugeze kuri 94,7%.
Iyi ni inkingi itanyeganyezwa ndetse murabyibuka hafi aha uko ikibazo cyo kwimika Umutware w'Abakono cyahagurukiwe ngo iyo ntambwe yari imaze guterwa idasubira inyuma cyangwa hakagira ikiyivangira.
Icyizere cyo kubaho cyavuye ku myaka 66 mu 2017, ubu kigeze kuri 69.
Muri iyo myaka ishize, ingengo y'imari yikubye inshuro zirenga ebyiri, iva kuri miliyari 2.094,9 Frw igera kuri 5.030,1 Frw. Ni ikinyuranyo kingana na miliyari 2.936 Frw.
Iterambere mu bukungu bw'abaturage naryo ntiryasigaye inyuma. Ubwo Perezida Kagame yiyamamazaga, umuturage yari afite ubushobozi bwo kwinjiza 784$ ku mwaka. Mu mwaka wakurikiyeho, ayo mafaranga yarazamutse agera kuri 796$ mu 2018 na 837$ mu 2019.
Icyo gihe Icyorezo cya Covid-19 cyahise kiza nk'iya gatera, ibintu bisubira inyuma mu nzego zose. Mu 2020, Umunyarwanda yabarirwaga ko yinjiza 816$ ku mwaka, gusa ingamba zafashwe zo kurwanya Covid-19 zatumye mu 2021 byongera kujya mu buryo ku buryo icyo gihe yinjizaga 907$ ku mwaka.
Ikigega Mpuzamahanga cy'Imari, IMF, kigaragaza ko mu 2023, umuturage w'u Rwanda ageze ku bushobozi bwo kwinjiza nibura amadolari 970 ku mwaka.
Kimwe mu byo manda ya gatatu ya Perezida Kagame yibanzeho, ni uguhanga imirimo idashingiye ku buhinzi. Mu 2017, uru rwego ni rwo rwari ku isonga mu kugira uruhare mu musaruro mbumbe w'igihugu, rusimburwa n'inganda mu mwaka wakurikiyeho kugeza mu 2020 mbere serivisi zigaranzura inzego zose mu 2021.
Ibikorwaremezo byashyizwe ku isonga
Ubwo Perezida Kagame yiyamamazaga mu 2017, hari uturere tumwe na tumwe tutarangwagamo kaburimbo. Abagiye mu Majyepfo bibuka ivumbi ry'i Nyaruguru, ku buryo umuntu yakandagiraga rikamugera mu matwi!
Bibuka kandi iryari riri i Gisagara. Magingo aya, nta karere na kamwe katagerwamo na kaburimbo, yewe n'abari bamaze imyaka myinshi bayumva mu matangazo yabagezeho, ubu bayikandagizaho ibirenge byabo.
Imihanda ya kaburimbo ubu igeze ku bilometero 1645 ivuye kuri kilometero 1532 mu 2021. Mu 2017 iyo mihanda yareshyaga na kilometero 1305. Muri yo iyari ifite amatara yari kilometero 663 mu gihe umwaka ushize warangiye ari ku mihanda ireshya na kilometero 1565.
Iya vuba iherutse kuzura irimo uwa Base -Rukomo ureshya na kilometero 51, Gisiza â” Rubavu ureshya na kilometero, 20, Huye â” Gisagara wa kilometero 13.6, Nyagatare â” Karama ureshya na kilometero 30,19. Hari kandi na Bugesera â” Kagasa â” Batima wa kilometero 10,5.
Si ibi gusa ahubwo ibyiza biracyaza. Mu minsi mike, haruzura umuhanda wa Huye â” Kibeho [66 km], uwa Nyagatare â” Rukomo [73 km], Bugesera â” Nyanza [66.5 km] ndetse mu Mujyi wa Kigali naho hari kubakwa ireshya na kilometero 282.
Iyari isanzwe na yo ubu yaravuguruwe, kujya Kagitumba â” Kayonza â” Rusumo umuntu aba agenda nta binogo mu ntera ya kilometero 208, uwa Huye â” Kitabi wa kilometero 53 naho ni uko, Sonatubes â” Gahanga â” Akagera ureshya kilometero 12 hamwe n'uwa Rubengera â” Rambura, ureshya na kilometero 15,5.
Ibyambu na byo biri kubakwa amanywa n'ijoro. Muri ibyo harimo icya Rubavu, Karongi na Rusizi.
Amazi na yo ntiyasigaye kuko hubatswe inganda nshya zirimo uwa Kanzenze rutanga meterokibe 40.000 ku munsi, urwa Gihira rwa 15,000 ku munsi, Nyankora i Kayonza rutanga meterokibe 19.000 ku munsi.
Kugeza mu 2022, ingo 82,3% zagerwagaho n'amazi meza.
Ibitaro na byo byashyizwe mu bigomba kwitabwaho. Ubwo Perezida Kagame yiyamamazaga, ibitaro bya Munini, Gatunda, Gatonde, Nyabikenke, ibyo gufasha abagore bagiye kubyara by'i Kabgayi byose byari mu mishinga. Ubu inzozi zabaye impamo bikomeje kugira uruhare mu kurengera abaturarwanda.
Imidugudu ya Munini na Kivugiza; uwa Horezo, Karama, Kinigi, Gishuro na yo ubu ituje abaturage benshi bari mu manegeka.
Hagati aho, Ikibuga cy'Indege cya Bugesera na cyo imirimo irarimbanyije aho bukera ejo bundi aha turagitaha, mu gihe icya Kanombe n'icya Kamembe byavuguruwe.
Sosiyete Nyarwanda y'Ubwikorezi bwo mu Kirere, RwandAir, na yo ni uko kuko yagutse bigaragara, igura indege nshya zirimo n'iy'imizigo. Ikomeje kwagura kandi ingendo ku migabane itandukanye nko mu Burayi (Paris), mu minsi mike itegerejwe muri Amerika.
Hagati aho kandi, imirimo yo kubaka Stade Amahoro irarimbanyije mu gihe Stade ya Nyamirambo yavuguruwe ndetse ihabwa n'izina rishya [Kigali Pelé Stadium]. Stade ya Huye na yo yagizwe nshya, ishyirwa ku rwego mpuzamahanga.
U Rwanda rwakomeje kandi kuba igicumbi cy'inama zikomeye, ruherutse kwakira iy'iy'Inteko Rusange ya FIFA yaje ikorera mu ngata CHOGM.
Rwakiriye kandi amarushanwa atandukanye [Tour du Rwanda, CAV, Beach Volley World Tour, Ironman, BAL n'andi. Ubu Siporo yabaye umuco mu Baturarwanda kuko bayikora kabiri mu kwezi mu gihugu hose.
Amashanyarazi ntakibona umugabo ngo asibe undi
Kugera mu 2000, muri Kigali nk'Umurwa Mukuru 38,7% by'abari bayituye bakoreshaga peteroli mu gucana kuko nta mashanyarazi bari bafite. Mu gihugu hose, 59.2% by'abaturage bakoreshaga itara ry'ikirahure ryajyagamo peteroli mu gucana mu masaha y'ijoro, 20,1% bakamurikisha ibishirira, 13,0% na bo bagakoresha itara rya mazutu mu gihe 5,1% ari bo bacanaga amashanyarazi ya Electrogaz, ni yo REG ya none.
Mu 2021 abafite amashanyarazi mu Rwanda bari 71% bavuye kuri 34,4% bariho mu 2017. Ni imibare yavuye kure cyane kuko mu 2005 bari 4,3%, mu 2010 bagera kuri 10,8% bigera mu 2013 ari 19,8%.
Ubu amashanyarazi ahari angana na MW 311. Zimwe mu nganda zatumye yiyongera harimo urwa Gisagara rukoresha Nyiramugengeri rufite ubushobozi bwa MW 17.
Hari ibigomba gukomeza gukorwa
Ibyo u Rwanda rumaze kugeraho, nta n'umwe ushobora kubirenza ingohe. Gusa hari bimwe bigikeneye gushyirwaho umwotso. Bitewe n'ingaruka z'icyorezo cya Covid-19, ubushomeri bwabaye bwinshi mu rubyiruko kurusha uko byari bimeze mbere.
Ibyavuye mu Ibarura Rusange rya 2022 byerekana ko miliyoni 7,9 ari bo Banyarwanda bari mu kigero cyo gukora, bagera kuri 60% by'abaturage bose b'igihugu. Aba ni abafite kuva ku myaka 16 gusubiza hejuru.
Muri abo abafite akazi ni 45,9%. Ku rwego rw'Igihugu urubyiruko rungana na 40% [bafite imyaka iri hagati ya 16 na 30] ntibari mu kazi cyangwa mu ishuri.
Usibye ubushomeri, abaturarwanda banyotewe kubona urwego rwo gutwara abantu n'ibintu rukora neza, uburezi bufite ireme n'igabanuka ry'abana bata ishuri.
Amwe mu mafoto y'ingenzi yaranze irahira rya Perezida Kagame
Imyaka itandatu ya manda ya Perezida Kagame yabaye amata yabyaye amavuta
The post Imyaka 6 muri 7 ya Manda ya Perezida Kagame Paul irirenze, Ibyagezweho ni Byinshi appeared first on RUSHYASHYA.
Umuzamu wa Rayon Sports Hategekimana Bonheur yaciye bugufi asaba imbabazi abakunzi b'iyi kipe bose ndetse n'abayobozi be.
Ku munsi w'ejo hashize ubwo ikipe ya Rayon Sports yatsindaga Gasogi United, umuzamu Hategekimana Bonheur yagaragaje imyitwarire itari myiza bituma abatoza batamwishimira ariko yaje gusaba imbabazi.
Mu itangaza uyu muzamu yavuze ko icyabimuteye ari uko aba adashaka gutsindwa Cyangwa ngo abe yakinjizwa igitego ariko ko asabye imbabazi bimuvuye ku mutima.
Source : https://yegob.rw/hategekimana-bonheur-ufatira-rayon-sports-aciye-bugufi/
Umukinnyi w'ikipe ya APR FC benshi bakomeje kwibaza icyamubayeho kugirango aburirwe irengero kandi yari umukinnyi ukomeye kandi utanga icyizere
Ikipe ya APR FC yarekuye abakinnyi batandukanye Kandi bagize uruhare kugirango itware igikombe umwaka ushize gusa hakomeje kwibazwa impamvu ikomeje gutuma umuzamu wayo atarimo kugaragara cyane muri iyi minsi.
Ikipe ya APR FC imaze igihe irimo gukora imyitozo yitegura umukino ifite kuri uyu wa gatandatu n'ikipe ya Gaadiidka FC yo mu gihugu cya Somalia mu gushaka itike yo gukina imikino y'amatsinda nyafurika.
Muri iyi myitozo imaze iminsi ikora ntabwo umuzamu Ishinzwe Pierre arimo kugaragara cyane ariko ndetse benshi bakomeje kwibaza niba ari imvune yagize ikipe ntiyagira icyo ibitangazaho kandi ari ngombwa cyane.
Â