Category: Uncategorized

Ni irushanwa ryabereye mu nyubako ndende ya Kigali City Tower ahasanzwe habera ibitaramo, kuri uyu wa Gatandatu tariki 16 Nzeri 2023. 

Umuhango wo guhatana wari uryoheye amatwi ku bakunda imiziki yo mu mpande z'Isi mu njyana zitandukanye zaraye zicuranzwe. 

Abari bahatanye babanje guhabwa iminota 20 yo kwiyerekana mu buryo bwo gucuranga imiziki no kwerekana ubuhanga n'udukoryo buri wese yibitseho'Scratch'. Ariko rero igihe cyaje kuba gito ya minota ikubitwa ishoka ishyirwa kuri 10'.

Buri mu Dj  yabaga afite uwo bahatanye. Ni irushanwa ryahaye rugari abasoma kuri Mutzig, Fanta n'ibindi binyobwa byengwa na Bralirwa. 

Ndetse uwinjiraga wese yishyuye itike cyangwa se afite ubutumire yahabwaga udupapuro yerekana bakamuha ibyo ashoboye kunywa. Ucishije amaso ku bitabiriye  umubare munini ni urubyiruko .

Abari bahatanye ni Dj Illest wahatanye na Dj Montag. Aba bose nta numwe wabashije gukomeza muri batanu.

Dj Noodlot yahatanye na Dj Lenzo. Aba nibo bapfundikiye irushanwa ndetse Dj Lenzo yabaye uwa mbere naho Dj Noodlot aba uwa gatanu. 

Mu kiganiro cyihariye yahaye InyaRwanda nyuma yo gukomeza muri batanu yavuze ko yahuye n'uruva gusenya aho bamuhuje na Dj Lenzo umaze imyaka 9 akina n'ibyuma byo kuvanga imiziki kandi akaba ari umwe mu bavanga imiziki b'abahanga u Rwanda rufite. 

Yashimiye Imana kuba yabashije gukomeza muri batanu bazatorwamo 3 bazahembwa, babiri batahe amara amasa.

Dj Bhura yahatanye na Dj Kayg, aba bose batashye bimyiza imoso

Dj Kavori wari ufite abavanga imiziki benshi baje kumushyigikira yahatanye na Dj Dallas waje yambaye ikanzu iriho amazina ye yabikabirije mbese ubona ko yari yateguye muri za mvugo z'iyi minsi. Aba bose bakome dore ko Dj Kavori yabaye uwa kane naho Dj Dallas aba uwa Gatatu. 

Icyiciro cyabo cyaranzwe n'urusaku rwuzuyemo gufana cyane ndetse wagirango ni ya mikino ihuza abantu baterana amakofi kuko Dj Kavori yagezaga hagati agafata indangururamajwi agashyushya abafana ubona ko ibyo akora abizi neza adashakisha.

Dj Yolo yahatanye na Oz The Dj. Hano hakomeje Dj Yolo wabaye uwa kabiri.

Muri make abakomeje bazahatana ku itariki 7 Ukwakira 2023. Ni Dj Lenzo umaze imyaka 9 akaba yarakoranye na ba Dj Phil Peter banahuriye mu ndirimbo yitwa Akuka bari kumwe na Sintex. 

Dj Phil Peter na Dj Lenzo na Dj Anita Pendo bari bafite ukuntu bakorana bikaryoha mu bitaramo bitandukanye. 

Dj Lenzo mumwibuke mu Isango na Muzika yo ku Isango Star. Isibo Tv itangira yakoze igihe gito mbere ya guma mu rugo mu kiganiro cya The Choice Live, hakomeza Dj Ashirumatic nawe yaje kujya hanze y'u Rwanda baha inda ya bukuru Dj Waxxy.

Dj Lenzo abahanga mu kuvanga imiziki bakubwira ko ari umwe mu bavanga imiziki beza u Rwanda rufite dore ko n'amateka abyerekana kandi abahari beza ubu abenshi baramwubaha. 

Ubu rero twavuga ko wenda igihe cye kigiye kugera itara rye rikaka nawe akaza mu bandi bahora ibiraka n'akazi ahantu hakomeye nko muri za BK Arena n'ahandi hashyira aba Djs ku isoko rigari.

Dj Yolo nawe yakomeje akaba amaze imyaka 3 avanga imiziki. Ni umuhanga ariko nta bigwi yari yibikaho . Dj Dallas amaze imyaka 4 avanga umuziki akaba ari we wabaye uwa gatatu.

Ku mwanya wa kane hakomeje Dj Kavori ufite ubuhanga budasanzwe bwo gukina na Turn Table'ibyuma bikoreshwa mu kuvanga imiziki'. 

Dore ko yaraye yerekanye ko akwiriye guhangwa amaso. Nawe amaze imyaka 4 avanga imiziki. Dj Noodlot amaze imyaka 6 avanga imiziki akaba nawe azahatanira ziriya miliyoni 18 Frws ziri ku meza.

Akanama nkemurampaka bari batatu: Mc Dj Anita Pendo ukorera Ikigo cy'igihugu cy'Itangazamakuru akaba umushyushyarugamba ufatwa nka nimero ya mbere mu Rwanda mu bijyanye n'ibitaramo, Dj Sharif nyiri Scratch Music academy, ishuri ryanyuzemo Dj Diallo, Dj Pyfo, Sonia n'abandi dore ko abari ku isoko benshi bahanyuze na Dj Infinity.

Uzatwara iri rushanwa azahembwa miliyoni 18 Frws mu gihe cy'umwaka n'ibikoresho bifite agaciro ka miliyoni 5 Frws. Uwa kabiri azahembwa miliyoni 12 Frws n'ibikoresho bya miliyoni 2.5 Frws. Dore 5 bazavamo abahembwa: Dj Lenzo, Dj Yolo, Dj Dallas, Dj Kavori, Dj Noodlot. 

Abashyushya rugamba bari Mc Tessy wa Isango Star na Mc Nario. Ni mu gihe abatsinze umwaka ushize barimo Selector Danny na Dj Khizbeats bari bahari bafasha kureba niba imashini zimeze neza zakoreshwaga n’abahatanye. 

Ariko rero Dj Rugamba wabaye uwa 3 umwaka ushize ntabwo yahabonetse bitewe n’uko ari mu kazi i Goma.

Dj Lenzo yahize abandi 10 hasigaye kureba niba azitwara neza akegukana miliyoni 18 Frw mu gihe cy’umwaka wose n’ibyuma byo kudija bya miliyoni 5 Frw

Dj Lenzo amaze imyaka 9 avanga imiziki

Akanama nkemurampaka kagizwe na Anita Pendo, Sharif nyiri Scratch Music Academy na Dj Infinity

Mc Dj Anita Pendo niwe wavuze abatsinze barimo 5 bakomeje mu kiciro cya nyuma

Dj Infinity yari umukemurampaka

Dj Sharif bivugwa ko ari umwe mu bavanga imiziki b’abahanga u Rwanda rufite. Yiyemeje gushora imari ashinga Scratch Music Academy, ishuri rirera aba Djs

Abitabiriye nta nyota bahuye nayo

Dj Roxxy wavuyemo ku ikubitiro yabwiye Inyarwanda iri rushanwa riha amahirwe abavanga imiziki

Dj Roxxy yifuza ko abakobwa batazajya bahatana n’abahungu

Dj Roxxy ashimira Bralirwa yatejereje ku bavanga imiziki

Abaje kureba bari buzuye akanyamuneza bakura ku binyobwa birimo Mutzig

Dj Dallas yari yateguye kuva ku bafana kugeza ku myambaro. Yakomeje muri 5

Icupa ryasomwe zita izazo

Dj Thiona ubanza wambaye ikote ry’umukara yabwiye Inyarwanda ko yaviriyemo mu nzira ntabashe kugera kuri semi final

Dj Pyfo ubanza i buryo wambaye amadarubindi y’umukara ari mu baje kwirebera Mutzig Amabeats

Mutzig ni yo yonyine ibaha akanyamuneza. Ni yo bizera ibaha kunezerwa mu kirori

Abafana bari bishimye

Dj Montag yari afite abafana bazanye ibyapa

Inkumi ziba zabukereye

Ntako atari yagize ngo arebe ko yakomeza muri 5 biranga biba iby’ubusa

Abafana bamweretse urukundo

Urubyiruko ruba rwashyizwe igorora

Hari hakubise huzuye abakunda ibijyanye no kuvanga imiziki. Umutekano uba wakajijwe na Tiger Gates ifite abasore b’ibizigira n’inkumi zakoze umubiri

Ni irushanwa riteguye neza ikintu kiba kiri ku murongo. Uyu mwari yajyaga kwibutsa uko byifashe n’iminota isigaye n’aho bigeze bahatana

Igihe cyo kuwukata cyageze buri wese afata uwo basohakanye

Alafat Kaboy yari yaje kurya ikirori

Alafat Kaboy aba mu itsinda ry’abafana ba Kigali Boss Babes

Sean P amaze imyaka irenga 16 mu myidagaduro aho yagiye afotora ubu akaba akora kuri Ahupa Radio mu kiganiro cy’imyidagaduro. Abahanzi bahari ubu yababonye bari kuzamuka dore ko bagendanye amanywa n’ijoro

MC Tessy wa Isango Star yari yambaye neza yanayoboye neza ikirori

Joshua , Boss wa ‘Kigali Protocal yari yaje gufana Dj Noodlot

Dj Noodlot yakomeje muri 5

Hafashwe amafoto y’urwibutso

Tessy ni mwiza akaba anashoboye kuyobora ibirori byose bijyana no kwambara agaca impaka

Mc Tessy afite uburanga burangaza

Mc Tessy amaze kumenyera kuyobora ibirori

Mc Tessy aseka neza

Mc Nario (umwami wa Micro) na Mc Tessy baraye bayoboye neza Mutzig Amabeats Semi finals

Barafana bigafata intera

MC Nario yambara neza akaberwa akaba azi no kuyobora ibirori

Kanda hano urebe amafoto menshi yaranze irushanwa rya ba Dj bavuyemo batanu

AMAFOTO: Jean Nshimiyimana-InyaRwanda.com

U Rwanda rwatoranyijwe nk’igihugu kizakira amajonjora yo gushaka itike y’Imikino Olempike ya 2024 ku Mugabane wa Afurika muri Table Tennis, azaba muri Gicurasi umwaka utaha ubwo ruzaba rwakiriye Africa Cup mu bakina ari umwe.

Uyu mwanzuro wafatiwe mu nteko rusange ya buri mwaka, yahuriranye na Shampiyona Nyafurika ya ITTF iri kubera muri Tunisia ku nshuro yayo ya 26.

Tunisia yari yatanze ubusabe bwo kwakira Africa Cup ya 2024 izaberamo amajonjora yo gushaka itike y’Imikino Olempike izabera i Paris mu mwaka utaha, ariko yahisemo guharira u Rwanda.

Ni ku nshuro ya mbere u Rwanda rugiye kwakira irushanwa rikomeye rya Table Tennis aho rizahuza abakinnyi bakomeye muri Afurika.

Perezida w’Impuzamashyirahamwe y’Umukino wa Table Tennis muri Afurika (ATTF), Khaled El-Salhy, yavuze ko uburyo abitabiriye inteko rusange bashyigikiye u Rwanda bigaragaza icyizere bafitiye Ishyirahamwe ry’uyu mukino mu Rwanda (RTTF).

Ati 'Nta gushidikanya ko u Rwanda ari rimwe mu mashyirahamwe akora cyane mu karere no muri Afurika, muri gahunda nyinshi z’iterambere bijyanye no kwakira abakinnyi bakomeye muri Afurika kandi byagaragajwe n’abitabiriye inama.'

Yakomeje agira ati 'Twese tuzi igisobanuro cy’amajonjora yo gushaka itike y’Imikino Olempike, kandi Africa Cup ni rimwe mu marushanwa yacu ya buri mwaka akomeye aho abakinnyi beza muri Afurika bahanganira.'

John Birungi uyobora Ishyirahamwe rya Table Tennis mu Rwanda (RTTF), yavuze ko icyizere bagiriwe cyaturutse ku buryo iri Shyirahamwe ryazamuye urwego mu myaka itanu ishize.

Ati 'Ni ku nshuro ya mbere u Rwanda ruzakira irushanwa ryo ku mugabane muri Table Tennis. Ikirenzeho ni uburyo iri rushanwa rizatanga itike yo kwitabira Imikino Olempike.'

Yakomeje agira ati 'Bisobanuye byinshi kuri Federasiyo n’igihugu. Tugiye kubona abakinnyi beza ku mugabane kandi ikipe yacu izitabira na yo ihanganiye itike.'

Ku bijyanye n’imyiteguro y’irushanwa, Birungi yavuze ko bagiye gufatanya na Minisiteri ya Siporo na Rwanda Convention Bureau (RCB) ku buryo rizagenda neza.

Yongeyeho ati 'Hagati ya none na Gicurasi 2024 ubwo iri rushanwa rizaba, turateganya gukora ingando nyinshi zo gufasha ikipe y’igihugu yacu kwitegura neza.'

Bamwe mu Banyarwanda byitezwe ko bazakina iri rushanwa barimo abari muri Tunisia ndetse n’abaheruka kwitabira 'Chinese Ambassador’s Cup 2023' yabereye i Kigali.

John Birungi, perezida wa RTTF yitabiriye inteko rusange ya ATTF, u Rwanda rwaherewemo kuzakira Africa Cup izatanga itike y’Imikino Olempike ya Paris 2024

APR FC yanganyirije na Pyramids FC mu Rwanda ubusa ku busa, biyisaba kuzakora ibikomeye iyitsindira mu Misiri kugira ngo igere mu matsinda.

Kuri iki Cyumweru tariki ya 17 Nzeri 2023 nibwo APR FC yari yakiriye Pyramids FC yo mu Misiri mu mukino ubanza w’ijonjora rya kabiri rya CAF Champions League.

Ni umukino wagiye kuba ikipe ya APR FC idahabwa amahirwe bitewe n’urwego rw’amakipe yombi.

APR FC yatangiye umukino neza aho ku munota wa 2 Omborenga yahinduye umupira mwiza imbere y’izamu ariko kapiteni wa Pyramids FC, Ali Gabr awushyira muri koruneri itagize icyo itanga.

Ku munota wa 17, Bosco yahinduye umupira mwiza maze Bacca atera mu izamu ndetse n’umunyezamu umunyuraho n’abakinnyi ba APR FC bari bazi bazi ko ari igitego ariko abakinnyi ba Pyramids bawukuyeho n’umusifuzi yemeza ko umupira utarenze umurongo.

APR FC yakomeje gushaka igitego ku munota wa 26 yongeye kubona amahirwe akomeye ku mupira wari uvuye muri koruneri ariko Mboama nabwo awuteye abakinnyi bawugarurira ku murongo.

Pyramids FC yakoze impinduka ku munota wa 35 ubwo Ibrahim Blati Toure yasimburaga Mohamed Hassan

Igice cya mbere cyaje kurangira nta kipe ibashije kureba mu izamu ry’indi maze bajya kuruhuka ari 0-0.

Iminota 10 y’igice cya kabiri nta mahirwe afatika amakipe yombi yaremye, umukino wakinirwaga hagati cyane.

Umutoza wa APR FC wabonaga ko yatangiye kurushwa, yakoze impinduka ku munota wa 67 Mugisha Gilbert yasimbuye Niyibizi Ramadhan.

Izi mpinduka zahise zihindura umukino APR FC irasatira aho ku munota wa 72 Gilbert yazamukanye umupira agacomekera Mbaoma akawufunga yajya gutera bagahita bawumutanga.

Ku munota wa 73 yongeye kubazamukana ariko ahinduye imbere y’izamu bawushyira muri koruneri. Ku munota wa 75 yateye ishoti ariko umunyezamu ararifata.

Ku munota wa 84, Nshuti Innocent yasimbuye Victor Mbaoma ni nako ku munota wa 87 Nshimiyimana Yunusu yahaye umwanya Buregeya Prince.

Umukino warangiye ari 0-0 APR FC ikaba isabwa kurira umusozi mu Misiri tariki ya 29 Nzeri 2023 aho isabwa gutsinda kugira ngo igere mu matsinda.

11 buri ruhande rwabanjemo

APR FC: Pavelh Ndzila, Omborenga Fitina (C), Ishimwe Christian, Salomon Charles Bindjeme Banga, Nshimiyimana Yunusu, Taddeo Lwanga, Ruboneka Bosco, Sharaf Eldin Shaiboub Ali Abdelrahman, Kwitonda Alain Bacca, Niyibizi Ramadhan na Victor Mbaoma

Pyramids: Ahmed, Naser Naser, Ahmed Saad, Aly Gabr Gabr Mossad (C), Fiston Kalala Mayele, Mostafa Mahamed Fathi Abdelhamid Mohamed, Ahmed Tawfik Mohamed Hassan, Mahanad Mostafa Ahmed Abdelmonem, Mohamed Chibi, Walid Elkarti, Karim Hafez Ramadan Seifeldin na Ibrahim Adel Ali Mohemed Hassan

Amakipe yombi yanganyije ubusa ku busa

UKO IKI GITARAMO KIRI KUGENDA UMUNOTA KU WUNDI

Saa 14: 40': Abashyushyarugamba Shaba na Neema bageze ku ruhimbi bakira Umushumba Mukuru w'Itorero rya ADEPR mu Rwanda, Ndayizeye Isaïe, ari kumwe n'umugore we, Mushimiyimana Rachel.

Neema yavuze ko 'aba ni abantu bahagarariye uwiteka muri iki gihe kugirango uwiteka akomeze kudushuboza'.

Yahaye ikaze buri wese muri iki gitaramo, avuga ko hari n'abandi bashyitsi bitabiriye iki gitaramo. Yavuze amazina ya bamwe mu bayobozi b'iri torero bitabiriye iki gitaramo, harimo kandi abaririmbyi, abanyamasengesho, abo mu matorero atandukanye, abo mu Ntara zitandukanye n'abandi.

Yavuze ko n'ubwo atabasha kubavuga mu mazina bose ariko 'Yesu kristu mwaje gushaka hano arahari'.

Yabahaye ikaze mu magambo arimo kubabwira ati 'mwese mugire amahoro'. Yavuze ko uyu ari umunsi wo gutangiriza buri wese ko 'uyu munsi umwami ari kumwe natwe'.

Yanifashishije ijambo 'Ubutumwa bwiza' aha ikaze buri wese. Ati 'Ndatabangariza y'uko Yesu Kristo ari hano. Mbahaye ikaze mwese mu izina rya Yesu Kristo.'

Saa 13: 40′: Itsinda ry’abaririmbyi b’indirimbo zo kuramya no guhimbaza Imana, Ntora Worship Team ryageze ku ruhimbi ryinjirira mu ndirimbo ziri mu rurimi rw’Ikinyarwanda n’Icyongereza.

Ni itsinda ry’abahanga cyane mu muziki w’indirimbo ziha ikuzo Imana. Rigizwe n’abasore n’inkumi b’amajwi meza ku buryo binogera abantu benshi.

Iri tsinda ryakunze kuririmba risubiramo indirimbo zirimo nka ‘The Signs my soul’, ‘It’s me Oh Lord’, ‘You raise me up’ n’izindi.

Umwe mu baririmbyi b’iyi korali yavuze ko ‘dushimira Imana ko ituremeye undi munsi ikaduha ikindi gihe cyo kuyiramya’. Yavuze ko Ntora ari itsinda riramya rikanahimbaza Imana ‘ari nabyo tugiye gukora’.

Umwe mu baririmbyi b'iyi korali kandi yavuze ko Imana yihariye mu buzima bwa muntu, ari Imana y'ibisubizo, Imana ikiza ibikomere n'ibindi bishimangira ubuhangage bw'ayo.

Iki gitaramo kiri kubera mu nyubako y'imyidagaduro ya BK Arena ku gicamunsi cyo kuri iki Cyumweru tariki 17 Nzeri 2023. Ni ubwa mbere kigiye kuba, ariko kizakomeza kuba muri mwaka mu ntego yo gufasha benshi gusabana n'Imana.

Cyubakiye ku bindi bitaramo iyi korali yagiye ikorera ahantu hanyuranye nko muri Kigali Serena Hotel, Kigali Convention Center, muri Car Free Zone, mu Ntara zitandukanye n’ahandi.

Banataramiye muri bimwe mu bihugu byo mu Karere k’Afurika y’Iburasirazuba. Ni igitaramo cyitezweho gufasha benshi batabashaga kubona uburyo bwo kwinjira muri BK Arena.

Kandi kitezweho gufasha ibihumbi by’abantu kuramya Imana mu buryo bwagutse, no kugirana ibihe byiza n’Ijuru.

Ibi biri mu mpamvu zatumye kwinjira bigirwa ubuntu kugira ngo bizorohere buri wese kuzifatanya na Shalom Choir ndetse na Israel Mbonyi.

Kuva saa sita z'amanywa abantu binjiraga muri BK Arena- Hari abahawe 'Invitation' n'abandi banyotewe no gutaramirwa n'iyi korali yizihiza imyaka 40.

Ni kimwe mu bitaramo byavuzwe cyane kuva mu mezi abiri ashize; ahanini biturutse ku buhangange bwa Shalom Choir no kuba barahuje imbaraga n’umuhanzi ufite indirimbo zacengeye mu mitima ya benshi, Israel Mbonyi.

Ni igitaramo cyagarutsweho cyane mu bitangazamakuru no ku mbuga nkoranyambaga. Kandi abaririmbyi b’iyi korali bagiye berekana ko biteguye gutanga ibyishimo ku bihumbi by’abantu bitabiriye iki gitaramo.

Shalom choir ifite amateka yihariye mu muziki w’indirimbo zihimbaza Imana. Ibarizwa muri ADEPR Nyarugenge, Ururembo rwa Kigali.

Iki gitaramo bagiteguye bagihuje n’ibindi bikorwa by’urukundo byatumye biba iserukiramuco ryo guhimbaza Imana no gufasha abatishoboye kandi bizajya biba buri mwaka.

Iri serukiramuco rigizwe n’ibikorwa bitatu: Ku wa Gatatu tariki 13 Nzeri 2023, Shalom choir n’Itorero ADEPR bahuje urubyiruko rurenga 380 basobanurirwa uruhare rwabo mu itorero, kandi batanze ibitekerezo by'ibyo bifuza iri torero ku nsanganyamatsiko ivuga ngo “Urubyiruko ADEPR yifuza”.

Ku wa Kane tariki 14 Nzeri 2023, Shalom Choir yakoze igikorwa cyo gufasha abakobwa babyariye iwabo kibera kuri ADEPR Kinyinya.

Ibi bikorwa bisobanura ko Shalom Choir ikora umurimo w’Imana binyuze mu ndirimbo ariko ikabihuza n’ibikorwa by’urukundo bifasha sosiyete.

Ibyo wamenya kuri Shalom Choir yateguye iki gitaramo:

Iyi korali yatangiye umurimo w'Imana mu 1983 itangira ari korali y’abana. Mu 1985 binyuze mu ntambwe Imana yabateresheje bafashe izina rishya bitwa Korali 'Umunezero'.

Bigeze mu 1993 bakiriye abaririmbyi barimo abashinze ingo bituma bashaka izina bitwa Choir Shalom [Amahoro mu rurimi rw’Igiheburayo].

Ubu iyi korali ibarizwamo abaririmbyi barenga 140 barimo 78% bakuru ndetse n’urubyiruko 22%.

Kuva batangira umuririmo bashyize hanze indirimbo zakunzwe zirimo izo bitabiriye Album esheshatu bamaze gushyira hanze zirimo nka ‘Jambo Nyamukuru’, ‘Ndashima Umwami’, ‘Mungu wangu’ n’izindi.

Perezida wa Shalom Choir, Bwana Ndahimana Gaspard, aherutse kubwira itangazamakuru ko inzira y’urugendo rw’abo mu gukorera Imana itari iharuye kuko ‘no mu murimo w’Imana habamo birantega’.

Ati “Habamo ingorane nyinshi. Twagiye duhura na byinshi bishaka kutubuza umurimo ariko hamwe no gusenga Imana hamwe n’abayobozi bacu Imana yashyizemo umwuka wera ngo batubungabunge tukajya dutambuka bya bibazo. Ibibazo byo ntibibura mu murimo w’Imana.”

Muri iki gitaramo, Shalom Choir yahisemo kuririmba indirimbo zayo zakunzwe, kandi bitaye cyane no kuririmba mu ndirimbo zabo nshya baherutse gushyira hanze.

Muri iki gitaramo barafatiramo amashusho y’indirimbo z’abo ku buryo bazagenda bazishyira hanze mu bihe bitandukanye.

Shalom Choir ibarizwa mu Itorero rya ADEPR ururembo rwa Kigali rukorera mu turere: Gasabo, Kicukiro na Nyarugenge. Ururembo kandi rufite Paroisse 12 n’imidugudu 101.

Ururembo rwa Kigali runafite korali zisaga 600 zirimo na Shalom Choir ikorera umurimo muri Paroisse ya Nyarugenge.

Mu cyerekezo cya ADEPR harimo guhindura ubuzima bw’abantu mu buryo bwuzuye bifashishije ijambo ry’Imana.

Itorero ADEPR ryubakiye ku ndangagaciro eshanu: Ubukristo, Urukundo, Ubusonga, Kubazwa inshingano, Gukorera mu mucyo, Ubunyangamugayo ndetse no kwitanga.

Ni umukino wari utegerejwe na benshi mu Rwanda, nyuma y’uko APR FC yongeye kugaruka ku bakinnyi b’abanyamahanga.

APR FC irasabwa gutsinda uyu mukino ndetse ku mpamba ihagije kugira ngo yizere kuzitwara neza igeze mu Misiri.

Pyramid FC ni imwe mu makipe akiri mato muri Misiri, kuko yavutse mu 2008 aho yitwaga Al Assiouty Sport. Iyi kipe ituye mu mujyi wa Cairo, ikaba ari naho izakirira APR FC mu mukino utaha . 

 Ku wa 26 Kanama 2023 nibwo hatangiye gahunda yo kwiyandikisha muri Music Up Competition ibintu byabaye byihuse umubare wari wateganijwe ukagerwaho bidatinze nk’uko Genius yabitangaje.

 

Uyu musore uri mu bagezweho mu gutunganya umuziki yagize ati:”Twari twateganyije ko ku wa 20 Nzeri 2023 aribwo kwiyandikisha bizasozwa gusa twabonye abiyandikishije ari benshi dukora amajonjora ya mbere yasize 100 aribo dukomezanya.”

 

Genius yasobanuye icyiciro gikurikira. Ati:”Ubu 100 nibo binjiye mu matora yatangiye kuri uyu wa 16 Nzeri 2023 azarangira kuwa 10 Ukwakira 2023.”

 

Amanota azava mu matora ari kuba binyuze kuri noneho.com uburyo amashusho y'abahatanye yarebwe binyuze kuri YouTube y’irushanwa hamwe n’uko abateguye irushanwa bumvise imiririmbire y’umuhanzi nibyo bizamuhesha gukomeza muri 40 bazahatana imbona nkubone.

 

Genius kandi yemeje ko hazamenyekana abegukanye ibihembo bitarenze mu Gushyingo 2023. Ati”Turifuza ko irushanwa ritazarambirana ikindi ibyo twemeye tuzabikora kuko nitwe tubyikorera yaba mu buryo bw’amajwi n’amashusho.”

 

Ubu wakurikirana irushanwa binyuze ku mbuga nkoranyambaga zose za Genius Records niza InyaRwanda ,ukanarigiramo uruhare utora binyuze ku rubuga rwa noneho.com.

 

Abahatanye muri Music Up Competition bakaba ari urubyiruko rw’abahungu n’abakobwa abazahembwa bakaba ari batatu bazakorerwa indirimbo zirimo iz’amajwi n’amashusho.

 

Mu rwego rwo gushyigikira umwari n’umutegarigori mu muziki, Genius Records izanahemba umukobwa wahize abandi nyuma ya bariya batatu.

 

Music Up Competition ikaba ikigamije gutanga ibihembo harimo no kumenyekanisha impano nshya ku buryo nabatazabona ibihembo by'ako kanya irushanwa rizasiga bamenyekanishije ibyo bakora.

_{KANDA HANO UTORE}

Gutora ni 100 Frws ku ijwi rimwe (1 Vote=100Frws). Watora ukoresheje Mtn Mobile Money, Airtel Money, MasterCard na Visa Card. Gutora kenshi ku munsi biremewe mu guhesha amahirwe abahatanye