Category: Uncategorized

Ishimwe Thierry Umubyinnyi rukumbi wabashije guhindura imibyinire mu ndirimbo z'abahanzi nyarwanda yahanahanwe kuva ku itariki 10 Ugushyingo 2021 yafashwe habura iminsi 3 ngo abyinire muri BK Arena mu gitaramo cyari cyazanye Omah Lay wataramiye abanyamujyi ku itariki 13 Ugushyingo 2023.

Hashingiwe ku byavuzwe n’umutangabuhamya wagiranye ikiganiro na  InyaRwanda ,yahishuye ibintu bine by’ingenzi byo kwitondera mbere y’uko itariki ya 22 Nzeri 2023 hagera Tity Brown agasomerwa umwanzuro w’urukiko akaba umwere agataha cyangwa se  gafungwa.

1. Ukuboko kw’aba bagabo 2 n’isano bafitanye n’umukobwa

Umutangabuhamya yabwiye yagize ati “Tity Brown yafashwe huti huti yoherezwa gufungwa binyuranyije n'amategeko u Rwanda rugenderaho.Yafashwe ku itariki 10 Ugushyingo 2021 hari ku wa Gatatu. Bukeye tariki 11 Ugushyingo 2021 ajyanwa ku Murindi, Kabuga. Weekend ivuyemo yari afitemo akazi ko kubyina mu gitaramo cya Omah Lay cyabaye tariki 13-11-2021 , ku itariki 17 Ugushyingo 2021 yahise ajyanwa mu rukiko rw'ibanze kuburana ku ifungwa n'ifungurwa ry'agateganyo.”

Icyo amategeko ateganya ku ifatwa n’ifungwa n’ifungurwa ry’agateganyo

InyaRwanda yasohoye inkuru itariki 21Kamena 2023 ,igaruka ku buryo umuntu afatwa agafungwa n'iminsi amara mu maboko y'ubugenzacyaha n'iminsi amara ategereje ko dosiye ye ishyikirizwa ubushinjacyaha kugirango atangire kubura ku ifungwa n'ifungurwa ry'agateganyo. Ubundi iyo ukurikiranyweho icyaha babonye kidashinga arekurwa atarinze gufungirwa kuri station ya RIB.

Ingingo ya 66 y'itegeko No 027/2019 ryo ku wa 19/09/2019 ryerekeye imiburanishirize y'imanza z'inshinjabyaha, igena ko umuntu ukurikiranyweho icyaha kuba yakurikiranwa adafunze ari ihame. Iri tegeko riteganya ko umuntu ashobora gufungwa mu gihe hari impamvu zikomeye zirimo kuba yatoroka ubutabera, kuba yasibanganya ibimenyetso, gutera ubwoba abatangabuhamya n'izindi mpamvu zitandukanye ziteganywa n’iyi ngingo. Mu bugenzacyaha itegeko riteganya ko umuntu ukurikiranyweho gukora icyaha afungwa iminsi 5. Ubushinjacyaha iyo bubonye iperereza ritararangira butegeka ko wa muntu amara iminsi 5 muri kasho'cachot'.

Noneho iyi minsi ishobora kongerwaho indi 5 itarenga. Uyu mutagabuhamya mu gushimangira ko Tity Brown ibye birimo akagambane n’itekenika. Ati:”Yafashwe ku itariki 10 Ugushyingo  2021. Hadakozwe iperereza ry’ibanze kuko we yahakanaga icyaha kandi nta nubwo bamujyanye kumupisha ngo barebe niba koko yararyamanye n’uriya mukobwa. Yajyanwe Parike ku itariki 17 Ugushyingo 2021.” 

Ubusanzwe Ubushinjacyaha bwandikira urwandiko rwitwa Map rusaba ko hongerwaho iminsi 5 mu gihe iperereza ritarasozwa. Iyo ibimenyetso byamaze kuboneka hategurwa dosiye ikubiyemo ikirego'Indictement cyangwa se Acte d'accusation'. Ubushinjaycaha nibwo bugena niba ikirego kijya mu nkiko cyangwa se ukurikiranywe akitahira.

Urukiko ruburanisha ikirego ku ifungwa n'ifungurwa ry'agateganyo mu gihe kitarenze iminsi 2 y'akazi. Itegeko No 02/2019 ryo ku wa 19/09/2019 ryerekeye imiburanishirize y'imanza z'inshinjabyaha riteganya ko urukiko rufata icyemezo ku ifungwa n'ifungurwa ry'agateganyo mu gihe kitarenze iminsi 3 y'akazi iburana ripfundikiwe.

Uyu mutangabuhamya avuga koTity Brown yamaze iminsi 44 , (Ukwezi n'iminsi 14) kuri sitasiyo ya RIB ya Kicukiro nyamara yakabaye yarahamaze iminsi itarenga 15 iteganywa n'amategeko harimo 5 y'Ubugenzacyaha, 5 y'Ubushinjacyaha ishobora kongerwaho indi 5 ariko ntirenge. Akaburana ku ifungwa n'ifungurwa ry'agateganyo.”

Uyu waganiriye na InyaRwanda avuga ko Umugabo umwe ari Umushinjacyaha ukomeye, akaba avukana na Se w’umukobwa . Naho umupolisi ufite amapeti uvugwaho kugumisha Tity Brown muri gereza we ni  Nyirarume (Musaza wa nyina w’uriya mukobwa). Bivugwa  ko  uyu nyirarume ari nawe wari ucumbikiye uyu  umwana w’umukobwa  igihe afatwa n’inda.

2. Igihe inda yakuriwemo n’igihe Tity Brown yafatiwe

Umwana w'umukobwa uvugwaho guterwa inda yakuwemo Tity atarafatwa ngo akurikiranywe nk’uko bikubiye mu buhamya bwahawe InyaRwanda. 

Uyu mutangabuhamya  ati”Uyu mukobwa yarwariye kwa nyirarume. Noneho ajyanwa kwa muganga basanga yarasamye. Ni muri Nzeri ya 2021. Bahise bategeka ko inda ikurwano bityo wa mwana bamusaba ko yababwira uwo baryamanye. Umwana ntabwo yari azi uwamuteye inda. Yakomeje kubazwa uwo baryamanye noneho bamwizeza ko nta kibazo ari ukugirango bamumenye.

 Umukobwa avuga ko atamuzi. Bigeze aho avuga ko yaryamanye na Tity Brown w'umubyinnyi ku itariki 14 Kanama 2021. Umukobwa yavuze ko yamenye ko atwite tariki 04 Ukwakira 2021. Ni amezi hafi abiri afite inda atabizi kandi ibi ntibyumvikana ukuntu wabura imihango ukituriza n’ababyeyi bakituriza.

Uyu mutangabuhamya avuga ko Tity Brown bamwibikiye bategereza ko iminsi y'akazi muri BK Arena igera noneho afatwa atategujwe.Ngo  nyuma yo kubyina muri kiriya gitaramo yari gusinya amasezerano yo kujya abyina muri buri gitaramo cyose kibera muri BK Arena. Ni ibintu byari kuba bibaye bwa mbere mu mateka y’ababyinnyi b’abanyarwanda.

3. Kuki uyu mukobwa yavuze Tity Brown?

Uyu mutangabuhamya ahamya ko iyi dosiye irimo ubugambanyi karundura ku buryo urebye mu biganiro byo kuri Instagram “DM” ya Tity n'uyu mukobwa yari yaramwandikiye ashaka ko bahura Tity yaramwihoreye. Bivugwa ko harimo akagambane k'abanyeshyari batifurizaga Tity Brown iterambere, ati 'Uzise n'ibindi , Tity Brown ndabyibuka neza yari bujye kubyina muri Amashu ya Chriss Eazy. Icyo gihe Junior Giti yaje gufata Tity Brown ngo bagende mu gufata amashusho noneho uriya mukobwa nawe aba arahageze. Nta mwanya Tity yamuhaye ahubwo bafashe amashusho magufi Tity ari kumwe n'uwo mukobwa na Giti wabafashe video bahita bagenda Giti ajyana na Tity. Rwose ntabwo bigeze baganira kuko Tity yasaga n'uwamaze gukeka ko uriya mukobwa ari gatumwa!'.

Uyu mutangamubamya ,yakomeje abwira InyaRwanda  ko iby’aba bagabo babiri  bakomeye bari kubambisha Tity Brown bihura n’inshuro 5 urubanza rwasubitswe.

Ati'Uriya mukobwa afite nyirarume ni umupolisi kuri Station ya polisi yo ku Muhima. Afite inyenyeri kandi arakomeye, ni musaza wa mama w’umwana. We ubwe yivugiye ko Tity adateze gufungurwa kandi azakora ibishoboka byose Tity agahera mu gihome'.

Yahishuye ko uriya mupolisi mu manza za Tity Brown aba ahari yambaye gisivile kugirango amenye uko ari bujye gucura andi mayeri yo kugumisha Tity Brown i Mageragere'.

Ngp  uyu mupolisi ni nawe uyu mukobwa yarwaye ari iwe amujyana kwa muganga bategeka ko inda ivamo huti huti. Inda yakuwemo ku itariki 04 Ukwakira 2021. Tity Brown atabwa muri yombi ku itariki 10 Ugushyingo 2021. Ni nyuma y’ukwezi inda ikuwemo. 

Undi wa kabiri ukomeye ni Umushinjacyaha uvukana Se w'umukobwa. Uyu we uruhare rwe ni ugutinza urubanza, kurusubika inshuro zisaga 5 nta mpamvu kuko igihe cyose urubanza rusubitswe hagaragazwa impamvu zumvikana. Nyamara kuri Tity Brown hagiye hahimbwa impamvu buri wese yatahura ko ari itekenika.

Ati” Nawe ibaze hari igihe basubitse urubanza rwe bavuga ko dosiye yabuze. Ibi ni urwenya gusa uburyo dosiye ibura. Uruhare rw'uyu mushinjacyaha ni uburyo yifuza ko hazashingirwa ku buhamya aho gushingira ku bimenyetso bya gihanga byafashwe mu kigo cy'igihugu cy'ibimenyetso bya gihanga byifashishwa mu butabera 'RFI' ari byo DNA. “ 

Akomeza agaragaza icyo yifuza ubutabera bwazagenderaho ati “Ubundi uru rubanza umwanzuro warwo wakazashingiye ku bizamini byafashwe hagati ya Tity Brown n'umukobwa. Nyamara bishobora kuzirengagizwa agakatirwa imyaka 25 azira aba abantu 2 bakomeye noneho Tity Brown akazabona kujurira”.

Akomeza avuga ko ubu bujurire uyu wahaye  amakuru InyaRwanda yemeza  ko bitewe n'imyaka 2 Tity Brown amaze muri gereza arengana noneho bashobora kumuha kuzajurira umwaka utaha mu mpeshyi kugirango akomeze yibere muri gereza  ngo nk’uko aba bagabo babiri babihigiye kuzamuheza Gereza.

Ati”Impamvu zagiye zivugwa ko urubanza rwasubitswe harimo igihe Tity yarwaye abura uko ahura n’umunyamategeko we, hari n’igihe umunyamategeko wa Tity Brown yasabye ko urubanza rwasubikwa kugirango abone igihe cyo kwiga ku rubanza, hari igihe dosiye yabuze mu rubanza ku munsi nyirizina wo kuburana, hari igihe umucamanza ukurikirana dosiye ya Tity Brown yabuze yagiye ku masomo, hari igihe bavuze ko bategereje raporo ya DNA”.

 Iyi mpamvu ya nyuma uwahaye ubuhamya InyaRwanda avuga ko ari akagambane ni uko DNA yari gupimwa agitabwa muri yombi ku itariki 10 Ugushyingo 2021 ariko bategereje gufata ibizamini ku itariki 03 Gicurasi 2023 ibizamini biboneka ku itariki 19 Gicurasi 2023 urubanza rushyirwa muri Nyakanga 2023.

Hari igihe Tity yategetswe kujya gupimwa DNA ku ngufu

Yagize ati:'Umutima wa Tity Brown urananiwe. Uzi ko yigeze kujya gupimwa ku ngufu akanga bakamufata, akanga agashaka ko haza umunyamategeko we. Icyo gihe bashakaga kumujyana nta muntu ubizi yewe n'umunyamategeko we adahari rero kuko yari afite ubwoba yarabyanze. Ni ubushinjacyaha na gereza babikoraga gutyo kugirango bazamubeshyere ko yanze kujya gupimisha DNA noneho bazabone uko basunika urubanza kugirango amare imyaka myinshi muri gereza'.

Ngo umunyamategeko igihe cyose yashatse kumenya igihe cya nyacyo uriya mukobwa yavukiye yararindagijwe kubera kwa kuboka kw’abagabo babiri bakomeye

Ubundi mu manza nk'izi usanga haburanwa ku myaka y'uvugwa ko yasambanyijwe kuko bagendera ku nyandiko zo ku Murenge mu gitabo bandikamo abana bavutse . Yagize ati:”Kuri iyi dosiye siko byagenze ku buryo nta kabuza uyu mukobwa ukoze iperereza neza wasanga arengeje imyaka y'ubukure. Igihe cyose umunyamategeko yagiye gushaka mu bitabo by'igihe yavukiye, mama w'umwana yamubwiye ko bakunze kwimuka ku buryo ibitabo yanditsemo igihe yavukiye batamenya aho babariza'.

Ibi ubwabyo ntibibaho  kuko na Filidawusi wa Ndimbati twaje gusanga yaravutse ku itariki itandukanye n'iyanditse ku indangamuntu. Bivuze ko imyaka y'uyu mukobwa nayo irakemangwa kandi yasoje amashuri umwaka wa 2021 mu gihe Tity Brown yarimo ahanahanwa nk'agatambaro k'akabana. Uyu mukobwa ku indangamuntu handitseho itariki 01 Mutarama 2004. Bivuze ko urebye mu gitabo bandikamo abavutse wasanga hari indi tariki yavutseho nk’uko byagenze kuri Filidawusi wa Ndimbati ”.

4.Urubanza rwa Tity Brown rwasubitswe inshuro 5 muri izo zose nta mpamvu zifatika zatanzwe

Uwaganiriye na Inyarwanda yagize ati:”Ubundi umunsi atabwa muri yombi kubera ko yari akurikiranyweho icyaha cyo gusambanya umwana ,Ubugenzacyaha bwari guhita bushaka ibimenyetso. Hano nta bindi biba bikenewe usibye gupimisha DNA ndetse no kureba  koko ko uwo  mwana  yakoze imibonano mpuzabitsina . Siko byagenze bategereje umwaka n'amezi 5 ari i Mageregere nta kintu afungiwe.

Ngo  ku itariki 18 Gicurasi 2023 nibwo urubanza rwasubitswe ku nshuro ya gatanu havugwa ko bafashe ibipimo bya DNA bizagenderwaho mu rukiko. Ati”Birumvikana ko izi DNA zari gufatwa agitabwa muri yombi kuko nibyo bimenyetso byari kuba bikenewe mu iperereza. Ku itariki 14 Mata 2023 Tity Brown yari kuburana birangira urubanza rwe rusubitswe. Hano havuzwe ko haburanishijwe imanza 10 bityo urwe rurasubikwa bitewe nuko dosiye ye yari yabuze. Ibi biragoye kuko ntabwo umunsi w'urubanza ugera ngo dosiye ibure . Ku itariki 08 Gashyantare 2023 urubanza rwe rwarasubitswe kubera Umucamanza yari yagiye ku masomo”.

Tity Brown niwe mubyinnyi waciye agahigo ko kubyina mu ndirimbo nyinshi za buri muhanzi ugezweho muri iyi minsi. Keretse abamamaye nyuma y'uko afunzwe ku bw'amaherere. Ni we mubyinnyi w'umunyarwanda wagiye ku cyapa cyamamaza igitaramo ko azabyina nta muhanzi ari kubyinira ubwo Omah Lay yazaga I Kigali.

Bahengereye igitaramo kibura iminsi 3 atabwa muri yombi ku mugambi wari wacuzwe uranozwa. Ubundi tumenyereye ababyinnyi bafasha abahanzi ariko ntibyari bisanzwe ko umubyinnyi ahabwa akazi ko kubyina hamwe n'abahanzi.

Raporo ya RFI yerekana ko Tity Brown atateye inda uriya mukobwa

Yakomeje avuga ko mu mategeko y'u Rwanda biteganyijwe ko nta muntu ugomba kumara amezi 6 urubanza rwe rutaraburanishwa mu mizi ngo akatirwe cyangwa se abe umwere. Tity yaburanye mu mizi amaze umwaka n'amezi atanu muri gereza. Kuri ubu raporo y’ibizami bya gihanga yerekana ko atateye inda uriya mukobwa. Bivuze ko icyaha akurikiranyweho habuze ibimenyetso bimuhamya.

 Yagize ati:”Ibi bihura n'abasore 6 barekuwe n'urukiko ku itariki 15 Nzeri 2023. Bari barafunzwe mu bihe Tity Brown yafungiwemo muri 2021 Ugushyingo . Ni imyaka 2 bari bamaze muri gereza bafunganywe na Tity Brown ndetse harimo uwo bari inshuti witwa Niyonkuru Amin. 

Aba basore muri Ukwakira kwa 2021 bagiye mu birori by'isabukuru y'amavuko y'umwe mu nshuti zabo. Bagezeyo baranyweye barasinda. Hari umukobwa ukiri muto ari n'isugi. Nawe yaranyweye ziramuyoboka. Mama we abonye uko yabaye akekako bamurongoye nta kabuza. Yahise ahuruza Polisi na RIB. Bamwe muri ba basore barafashwe abandi baracika ariko hafatwa 6. Bahise bajyanwa gufungwa bataburanye hatanafashwe ibipimo ngo bareba ko basambanyije wa mwana.

Reka bigire i Mageragere dore ko n'imiryango yabo ikennye itabona ubushobozi bwo kubirukankaho. Bariye ikigori barakimenyera bariyakira babura n'uwababuranira. Ku bw’amahirwe wa mwana bagiye kumupima basanga ni isugi. Umubyeyi wafungishije ba basore yakubiswe n'inkuba amabere yikora atonsa. Nguko uko Urukiko rwategetse ko bafungurwa.

Umwanzuro w'urukiko wasomwe nta mwunganizi bafite nta n'umubyeyi uri mu rukiko ariko ndahamya ko batashye uyu munsi tariki 16 Nzeri 2023 kuko i Mageragere hafunguwe abantu benshi nabo ubanza barimo. Aba basore bamaze imyaka 2 i Mageragere bazira amaherere kandi umukobwa ari isugi.”

 Uyu waganirije Inyarwanda asoza avuga ko “Tity Brown aho ari i Magerere ntiyizeye ubutabera kuko yamaze kwitakariza icyizere. Umugambi ushoboka uri gucurwa. Uti byagenda gute? Ku wa Gatanu tariki 22 Nzeri 2023 saa saba z'amanywa nibwo azasomerwa umwanzuro. Rero kubera ba bagabo bashaka kumubambisha birashoboka kumuhamya icyaha hirengagijwe DNA bakagendera ku buhamya bw'umwana na mama we kandi ibi ntibibaho mu rubanza rusaba ibimenyetso bya gihanga. Noneho Tity Brown akajurira agahabwa itariki ya kure y'umwaka utaha nko mu mpeshyi.”

Raporo y'ibimenyetso bya gihanga InyaRwanda ifitiye kopi , igaragaza ko Tity Brown atateye inda uriya mukobwa. Ibi bizamini bigendeweho Tity Brown yaba umwere agataha ariko nihagenderwa k’ubuhamya bw’umukobwa na mama we ntakabuza azafungwa.

Mu ibazwa umukobwa yavuze ko yahuye na Tity Brown ku itariki 14 Kanama 2021. Uyu mukobwa yanavuze ko yamenye ko yatwise ku itariki 04 Ukwakira 2021.

Tity Brown imyaka ibiri   muri Gereza ibizami bya gihanga byerekana ko atateye inda uriya mukobwa.

APR FC yaraye inganyije na Pyramids FC ubusa ku busa mu mukino ubanza w’ijonjora rya kabiri rya CAF Champions League, akaba ari umukino wasize ibintu bimwe na bimwe byiza n’ibibi ku ruhande rwa APR FC.

Ni umukino wabereye kuri Kigali Pelé Stadium aho benshi bumvaga ko APR FC iri buze gutsindwa mu buryo bworoshye.

Muri rusange ni ikipe yakinnye umupira mwiza ndetse yagerageje kurema amahirwe atandukanye kurusha Pyramids FC nubwo kubona izamu byanze.

Muri iyi nkuru tugiye kugaruka ku bintu bimwe na bimwe byaranze uyu mukino n’ibyo umutoza Thierry Froger ashobora guhindura mu mukino wo kwishyura tariki ya 29 Nzeri 2023 mu Misiri.

Nshimiyimana Yunusu yagaragaje guhuzagurika

Umutoza Thierry Froger yari yahisemo kwicaza Buregeya Prince abanzamo Nshimiyimana Yunusu wagaragaje guhuzagurika cyane byanatumye Salomon Bindjeme akina adatuje cyane ahubwo ahora amwereka uko ahagarara.

Mu gice cya mbere yagiye atakaza imipira yari no kuvamo ibibazo kuri APR FC ariko ku bw’amahirwe ntihagira ikiba. Biragoye ko mu mukino wo kwishyura yazabanzamo.

APR FC irabura nimero 10

Nubwo APR FC yakinaga neza ndetse ikarema uburyo butandukanye ariko byagaragaye ko iyi kipe nta mukinnyi ugaburira ba rutahizamu uzwi nka “Playmaker” mu rurimi rw’amahanga ifite.

Byagaragaye ko rutahizamu Mbaoma nta mipira yigeze abona myinshi aho wabonaga nta muntu ufite ubushobozi bwo guhuza abakinnyi bo hagati na rutahizamu. Usanga ibitego byinshi iyi kipe itsinda muri iyi minsi ari imipira iturutse ku ruhande cyangwa imipira y’imiterekano.

Itandukaniro ry’abakinnyi b’abanyamahanga

Ni umukino wagaragaje ko bamwe mu bakinnyi b’abanyamahanga iyi kipe yaguze bari ku rwego ibifuzaho.

Umunyezamu Pavelh Ndzila ntabwo yahuye n’akazi kenshi ariko na gake yahuye nako yabyitwayemo neza harimo nk’amahirwe yo mu minota ya nyuma, uburyo yasohotsemo bwatumye rutahizamu Fagrie Lakaye ananirwa gutsinda.

Nka myugariro Salomon Banga Bindjeme Charles yakoze akazi gakomeye cyane aho yagiye akuramo imipira ikomeye harimo no guhagarika ubwugarizi bwe neza, byagaragaje ko ari ku rwego rwo hejuru.

Hari kandi umukinnyi wo hagati mu kibuga ukomoka muri Uganda, Taddeo Lwanga yagaragaje ko na we ari ku rundi rwego aho wabonaga ahagaze neza mu kibuga hagati imbere y’ubwugarizi byanatumye batabona akazi kenshi, ni umwe mu bakinnyi bagoye Pyramids FC cyane.

Sharaf Eldin Shaiboub muri rusange ntabwo yagize umukino mwiza bitewe n’urwego bari basanzwe bamuziho ariko na we yitwaye neza yafashije mu kibuga hagati.

Undi mukinnyi w’umunyamahanga wari wabanjemo ni rutahizamu Victor Mbaoma, ni umukinnyi utaremeza abakunzi b’iyi kipe ariko na none bigoye kumucira urubanza kuko nta muntu afite umuha imipira.

Guhera taliki 11 zukwezi gushize Ministeri ya siporo ifatanyije n’ishyirahamwe ry’umupira w’amaguru mu Rwanda, FERWAFA bari bari gushaka abanyempano bakiri bato b’umupira w’amaguru bazatoranywamo abajya mu irerero rya FC Bayern Munich rihoraho.

Amarerero 308 niyo yari yariyandikishe akaba yaragizwe n’abakinnyi ibihumbi 10 bose hamwe.Muri abo bana ibihumbi 10 hatoranyijwemo 1700 nyuma batoranywamo abandi 100.

Ku wa Gatandatu  w’Icyumweru gishize  muri aba bana 100 habanje gutoranywamo abana 10 bazitabira imikino y’igikombe cy’Isi ihuza amarero itegurwa na FC Bayern Munich iteganyijwe mu kwakira 2023. 

Ejo ku Cyumweru n’ubundi kuri sitade y’Akarere ka Bugesera nibwo noneho mu bana bari basigaye hatoranyijwemo abandi 43 bajya mu irero rihoraho rya FC Bayern Munich ryiswe Residential Football Academy.

Iki gikorwa ni kimwe mu bikorwa biteganyijwe gukorwa nyuma y'uko u Rwanda rusinyanye amasezerano na FC Bayern Munich yo guteza imbere umupira w’amaguru binyuze mu bakiri bato mu gihe cy'imyaka itanu.

Urutonde rw’abana 43 batoranyijwe ndetse n’amarerero baturutsemo

Abatoza barimo Yves Rwasamanzi usanzwe utoza Marine FC ni umwe mu batoranyaga izi mpano

Abana 43 batoranyijwe mu ifoto 

Abana batoranyijwe bitewe n’ubushobozi bagaragaje mu kibuga 

Yabigarutseho mu buhamya yatanze mu ijoro ryo kuri iki Cyumweru tariki 17 Nzeri 2023 ubwo yabwirizaga mu gitaramo cy'iserukiramuco 'Shalom Choir Festival' Shalom Choir yahuriyemo na Israel Mbonyi muri BK Arena.

Uyu mugabo yavuze ko yabaye inzererezi kubera ko Nyina yabataye ari abana bane, biturutse ku makimbirane yagiranye na Se kuko yamukubitaga umunsi ku munsi.

Uyu mugabo avuga ko akimara gusoza amashuri abanza yagiye kuba inzererezi mu Mujyi wa Kigali. Ariko kandi ashima Imana ihindura amateka n’ubuzima kuko yabashije kwiga kugeza asoje Kaminuza.

Yavuze ko yakijijwe ahagana Saa Kumi n’Imwe z’igitondo, yumvise ijwi ry’Imana rimubwira kurikurikira. Ati “Numvise ijwi rimbwira ngo uyu munsi nturenga hano urapfa uraba kandi urimbutse. Nabibwirwaga n’uwaje gutanga ubugingo.”

Dr Raymond yabwiye abakristu ko Yesu akora, asaba buri wese kutinangira umutima igihe yumva ijwi ry’Imana rimuvugiramo. Yavuze ko akimara kwakira Yesu, ijwi ryamubwiye kujya iwabo agatanga imbabazi kuri Se, Nyina ndetse na Mukase batamuhaye uburere yari akeneye nk’umwana.

Yavuze ko kuba mu mihanda ya Kigali byatumaga nta cyizere cy’ubuzima yiyumvamo  kandi yabagaho nk’uzapfa ejo. Raymond yavuze ko akimara kwakira agakiza kandi, igihe cyageze yiyemeza kurushinga, ariko Pasiteri wamusezeranyije yamushidikanyijeho avuga ko ashobora kutazamarana kabiri n’umugeni.

Ati “Yesu niwe wandambagirije kuko sinari kubishobora. Ndanamushimira ko yampinduye umugabo.”

Raymond yavuze ko ‘nari inzahare iteye ubwoba’. Yashimye Imana ko yatanze ibyishimo muri we, ‘kandi ubukwe bwarabaye arasezerana, aranashyingirwa’.

Uyu mugabo avuga ko yagiye gukora ubukwe afite ibiceri 300Frw, ariko umunsi w’ubukwe wagiye kugera ‘ibyo nari nkeneye byose nabibonye’. Ati “Hanyuma Imana ikora imirimo n’ibitangaza.”

Uyu mugabo yavuze ko amaze kugira umuryango yiyemeje gusubira mu ishuri, atangira kwiga 'Tronc Commun' afite imyaka 33 y’amavuko. Yajyanaga n’abana be ku ishuri, kandi iyo igihembwe cyarangiraga buri wese yerekanaga indangamanota.

Dr Raymond avuga ko muri 2015 ari bwo yasoje amasomo ye Kaminuza, ubu ni umuganga. Ati “Uwari mayibobo, uwo bahirikirishaga imigeri, uyu munsi nanjye ndi muganga, iyo nicaye mpereza Imana icyubahiro. Ni Imana ihanagura imyotsi y’urumogi, ni Imana ihanagura ibitutsi byose bagututse, igahindura amateka y’ubuzima bwawe.”

Yavuze ko uyu munsi afitiye agaciro igihugu cye, itorero, abana b’ayo, kandi Imana yamuhaye imbaraga zo gukiza no gusengera abantu. Raymond yavuze ko Yesu ariwe ufite urufunguzo rw’ibizaba ku buzima bwabo, asaba buri wese kwizera Imana ashize amanga.

Raymond muri iki gihe ni umuganga. Yavuze ko iyo ari mu kazi ‘mpita ntekereza izo nzira zose nanyuzemo nkahita mvuga ngo Yesu uri umugabo, kuko abasha guhindura ubuzima n’amateka by’umuntu, akabihindura uburyo abantu batabitekerezaga’.

Ubuhamya bw'uyu mugabo w'imyaka 55 bwakoze benshi ku mutima, bituma abasaga 100 bakira agakiza muri iki gitaramo cy'ivugabutumwa ryagutse.

Yakiriye agakiza afite imyaka 25. Ayisobanura nk'imyaka y'umwijima kuri we, kuko yabayeho ubuzima bw'uburetwa ariko ko akimara kwakira agakiza yatangiye kwakira imigisha y'Imana n'imbabazi zayo. Ati 'Uyu munsi ndaryama nkasinzira nkumva nguwe neza.'

Inkuru bifitanye isano: Abasaga100 bakiriye agakiza! Shalom Choir yanditse amateka avuguruye mu gitaramo yahuriyemo na Israel Mbonyi

Pasiteri Dr Twahirwa Raymond yatanze ubuhamya bw'ukuntu yabaye inzererezi mu mihanda ya Kigali, igihe kigeze Imana ihindura amateka ye

Dr Twahirwa yavuze ko yiyemeje gusubira mu ishuri afite imyaka 33, kandi ko yakoze ubukwe afite ibiceri 300Frw

Ubuhamya bwa Dr Twahirwa bwakoze benshi ku mutima bituma abarenga 100 bakira agakiza

Kanda hano urebe amafoto menshi yaranze igitaramo cya Shalom Choir muri BK Arena

Umuhanzi Nyarwanda wari utuye muri Canada, Kagahe Ngabo Calvin uzwi nka Young CK w’imyaka 22 yitabye Imana bitunguranye.

Mu gitondo cyo kuri uyu wa Mbere tariki ya 18 Nzeri 2023 nibwo inkuru y’urupfu rwa Young CK yamenyekanye aho icyamuhitanye kitaramenyekana gusa iperereza ku rupfu rwe rikaba ryatangiye.

Yitabye Imana nyuma y’uko ku wa 2 Nzeri 2023 yari umwe mu bafashije Platini mu gitaramo yakoreye mu Mujyi wa Montreal.

Muri Nzeri umwaka ushize nabwo yagaragaye mu gitaramo cya The Ben na Nel Ngabo bakoreye mu Mujyi wa Ottawa, Umujyi yari atuyemo.

Young CK yamamaye mu ndirimbo zitandukanye nka “Umurava”, “Umugabo” yaje gusubiramo yifashishije abahanzi nka Shizzo, Ish Kevin, Bull Dogg, Young Grace, Diplomate.

Ku munsi wejo ku cyumweru kuri Kigali Pelé Stadium saa kenda haberaga umukino ubanza w’ijonjora rya kabiri ry’imikino ya CAF Champions League ikipe ya APR FC yari yakiriyemo, Pyramids yo mu Misiri. Warangiye amakipe yombi anganya 0-0.

Nyuma y’uyu mukino inkuru ntabwo yabaye ibyawuvuyemo ahubwo yabaye ifoto ya Rukundo Patrick yambaye umwambaro w’ikipe ya APR FC ari gukurikirana umukino kandi asanzwe ayobora muri mu keba Rayon Sports.

Abantu benshi biganjemo abafana ba Rayon Sports bahise batangira kumunenga binyuze ku mbuga nkoranyambaga bavuga ko bidakwiriye kubona umufana wa Rayon Sports unayiyoboramo yambaye umwambaro wa mukeba w’ibihe byose ariwe APR FC. 

Umwe mu bamunenze ni Munyakazi Sadate wigeze kuyobora Rayon Sports aho yamushiniije kugira inda nini.

Abinyujije ku rubuga rwa Twiter yanditse ati”Tuyime amayira!Tuyime amayira!Iduteranya n’inshuti ukaba umugaragu wayo. Nshuhuje Perezida wa Nkemurampaka w’Umuryango wa Rayon Sports,Bwana Rukundo Patrick”.

InyaRwanda.com yifuje kumenya icyo Rukundo Patrick abitekerezaho nyuma y’uko abantu bamunenze maze iramuganiriza avuga ko nta kindi yabikoreye usibye kuba APR FC ari ikipe ihagaririye kandi ikaba nta n’ahantu izahurira na Rayon Sports.

Yagize ati “APR FC ni ikipe ihagaririye u Rwanda,nta bukeba burimo kuko ntabwo duhirira mu mikino ny’Afurika ,niyo mpamvu naje kuyishigikira nambaye umwambaro wayo . Njye ndi umurayon naba ndi muboyobozi bwayo ntaba ntaburimo”.

Rukundo Patrick wagaragaye ari gufana APR FC yambaye umwambaro wayo kandi ayobora muri Rayon Sports

Rukundo Patrick wavuze ko impamvu yagiye gufana APR FC ari ukubera ko ihagaririye u Rwanda kandi ikaba nta naho izahurira na Rayon Sports

Mu ijoro ryo kuri iki Cyumweru tariki 17 Nzeri 2023, Mbonyi yabwiye InyaRwanda ko buri kimwe gisabwa kugirango iki gitaramo kizashoboke cyamaze gushyirwa ku murongo, avuga ko abakunzi be bakwiye kwitegura kuzagirana nawe ibihe byiza.

Ubwo yari mu gitaramo cya Shalom Choir cyabereye muri BK Arena, Israel Mbonyi yabwiye abakristo  bacyitabiriye kuzabana nawe mu gitaramo azakora kuri Noheli. 

Ati 'Nanjye ndabatumiye mu gitaramo dufite kuri Noheli muri uyu mwaka hano muri BK Arena, ntimuzabure. Imana ibahe umugisha, niteguye kuzababona mwese.'

Mbonyi avuga ko yafashijwe n'indirimbo za Shalom Choir nyuma y'uko bamutumiye kuzaririmba mu gitaramo cy'iserukiramuco 'Shalom Choir Festival'.

Ati 'Ndanezerewe cyane kuba hano, ndashimira Shalom ni abakozi b'Imana batangaje. Mwarakoze kudutekerezaho. Njye natangiye kubakurikirana cyane kuva mudutumiye ariko indirimbo zanyu zaramfashije cyane. Mwakoze cyane.'

Agiye gukora iki gitaramo nyuma y'uko tariki 25 Ukuboza 2022 aciye agahigo, aba umuhanzi wa mbere wo mu Rwanda wabashije kuzuza inyubako ya BK Arena.

Icyo gihe ari mu gitaramo, uyu muhanzi yagaragaje ko atabona amagambo asobanura uburyo yiyumva nyuma y'uko abakunzi be bamushyigikiye by'ikirenga.

Yabaze inkuru y'uburyo yakuriye mu murango ukikijwe umutoza kumenya Imana. Ati 'Navukiye mu muryango ukijijwe bantoza kumenya Imana, umunsi umwe bari kutwigisha ku ishuri baratubwira ngo niba utaratura ngo uvuge ko Yesu ari umwami n'umukiza mu buzima bwawe, ntabwo urakizwa.'

Israel yavuze ko kwakira agakiza kuri we ari inzira itari yoroshye, kuko yari asanzwe ari umucuranzi mu rusengero, agira isoni zo kujya mu bandi bakiriye agakiza ubwo umukozi w'Imana yasabaga abiyumvamo gusanga Kristu kwegera imbere.

Yavuze ko yakiriye agakiza ari ahantu habaga ubwiherero. Ati 'Nari nsanzwe ncuranga mu rusengero ndi umucuranzi, numva nagize isoni z'ukuntu mvuga ngo ngiye gukizwa kandi bazi ko ndi umukozi w'Imana. Naragiye niherera ahantu inyuma ahabaga ubwiherero ndavuga ngo Mana niba biriya uriya mugabo yavugaga aribyo nanjye ndashaka gukizwa.'

Uyu munyamuziki ufite igikundiro cyihariye yabwiye urubyiruko ko kuba umukristo bitakubuza gukomeza gukora imirimo yawe.

Ati 'Gukizwa ntabwo bituma utaba umu 'Jeune' mwiza usa neza uganira neza, urakizwa ugakomeza ukaba umuntu wisanzura. Abantu rero bababwiye ko gukizwa ari ukwambara ipantaro ijyamo abantu batanu, ishati ijyamo babiri nkawe, barababeshye! Ushobora gukizwa ukagumana 'vibes' zawe.'

Israel Mbonyi yatangaje ko kuri Noheli azataramira abakunzi be 

Israel agiye gukora iki gitaramo nyuma y'igitaramo yakoze mu 2022 cyatumye aba umuhanzi wa mbere wa Gospel wabashije kuzuza BK Arena

Israel Mbonyi yahuriye bwa mbere mu gitaramo na Shalom Chori batanga ibyishimo

KANDA HANO UREBE AMASHUSHO Y'INDIRIMBO 'TUGUMANE' YA ISRAEL MBONYI

“>

Rukundo Patrick usanzwe ari umuyobozi w’Akanama Nkemurampaka ka Rayon Sports, yahawe inkwenene n’abakunzi b’iyi kipe nyuma yo kujya ku mukino wa APR FC na Pyramids FC yo mu Misiri yambaye umwambaro w’Ikipe y’Ingabo z’Igihugu.

Ejo hashize ku Cyumweru tariki ya 17 Nzeri 2023, APR FC yari yakiriye ndetse iza no kunganya 0-0 na Pyramids FC mu mukino ubanza w’ijonjora rya kabiri rya CAF Champions League wabereye kuri Kigali Pelé Stadium.

Uretse iyi nkuru indi nkuru yaraye ivuzwe cyane ni umuyobozi w’Akanama Nkemurampaka ka Rayon Sports, Rukundo Patrick waje wambaye umwambaro wa APR FC aje kuyishyigikira mu mikino Nyafurika.

Ni ibintu bitavuzweho rumwe aho benshi mu bakunzi ba Rayon Sports bavuze ko yakoze ishyano kwambara umwenda wa mukeba akajya no kuyishyigikira ku ka rubanda, ndetse ko yari kuyishyigikira bitamusabye kwambara umwenda wabo.

Mu butumwa bwa WhatsApp yasangije abarayon, Patrick yavuze ko yabikoze mu rwego rwo gushyigikira APR FC iri mu mikino Nyafurika, kwambara umwambaro wayo kandi akaba ari igitekerezo cye.

Ati 'Mwiriwe neza, iyo foto mwabonye ni iyanjye, uyu munsi nagiye gushyigikira ikipe ya APR FC yakinnye na Pyramids mpitamo kuyishyigikira nambaye umwenda wayo… Icyo ni igitekerezo cyanjye bwite kandi numva kitambangamiye. Niba hari uwo ifoto yababaje musabye imbabazi. Ndi umufana wa Rayon Sports kandi nta n’uwabimbuza.'

Munyakazi Sadate we wahoze ayobora Rayon Sports, yabifashe nk’inda nini aho abinyujije kuri Twitter, yavuze ko inda nini ikwiye kwimwa amayira.

Ati 'Tuyime amayira! Tuyime amayira! Iduteranya n’inshuti ukaba umugaragu wayo. Nsuhuje perezida wa Nkemurampaka w’Umuryango wa wa Rayon Sports bwana Rukundo Patrick.'

Muri ubu butumwa nibwo bake mu bamukurikira bamubwiye ko nta nka yaciye amabere ariko abandi bo baha inkwenene Patrick ndetse banamusaba kwegura cyangwa akirukanwa.

Tuyime amayira!
Tuyime amayira!
Iduteranya n’inshuti ukaba umugaragu wayo.
Nshuhuje Perezida wa Nkemurampaka w’Umuryango wa @rayon_sports Bwana #RUKUNDOPATRICK pic.twitter.com/03Kbw77uMj

— Munyakazi Sadate (@SadateMunyakazi) September 17, 2023

Ntamwanya woguha uwomuhora muhanganye sha ubundi ashyigukira ikipe ikoresha imisoro yacu gute ajye ashyigukira amavubi naho igikona wapi

— Davidhakiza Hakiza (@DavidhakizaHak1) September 17, 2023

Rero nabe umugabo yegure cg tumweguze nashatse ahantu yambaye umwenda wa rayon nahabuze uhabona ahampe ese harahandi mwabwira kumakipe yamacyeba ese impanuro yatangaga munzove zari izi yewe akabi gasekwa nkakeza ikizira cyakandagiye ahera abatinganyi none ndeber

— Murego Philemon (@PhilemonMurego) September 17, 2023

Yagaragaje aho ari yigumireyo kujya gushigikira ntawe ibyanze kuko natwe twagiyeyo ark twambaye imyenda ya murera nizereko turabona ubwegurebwe

— Habinshuti Damascene (@HabinshutiDama2) September 17, 2023

Icyobita kuba ikirumira habiri namesekamwe turamubonye ntatubonye.

— Gaza Honore250 (@GazaHonore250) September 17, 2023

Kuri njye singombwa ko #rukundoPatrick atemerwaho itaka ko yambaye jersey ya Mukeba wa @rayon_sports arko no kuri #RukundoPatrick ntibyari bikwiye ko ajya gushyigikira @aprfcofficial yambaye Jersey yayo nkuri muri Staff eg:support ya #RDF ntibiyisaba kwambara uniform ya Mozambike

— Vivance:#Team PK (@VKajyibwami) September 18, 2023

toka shitani toka.. kwa jina la Yesu… nzasubira ku kibuga ari uko uyu mugambanyi yavuye mu nshingano muri Murera!! ni ukubabona bagenda mu mapantalo tukagira ngo ni abagabo. #SayNoToIbikona n’abambari babyo

— 🇷🇼🇪🇹 (@Fluocaril2) September 17, 2023

Niba yambaye umupira wa APR Ari umurayon rwose ndamugaye ahubwo yegure. Ntarukundo rwa mukeba nka equipe burya niyo Yaba amavubi adatsinda nafana equipe itsinda. Mutandukanye politique na Ruhago rero

— ruskevo (@ruskevo3) September 17, 2023

Rwose ibi ni ugukabya, ku isi hose nta mu rival wambara ibirango bya mugenzi we! Rero kereka niba ari football nyarwanda!??

— Shyirambere Ernesto che (@CheShyirambere) September 17, 2023

Gushyigikirana ni sawa ariko tuvugishije ukuri umuyobozi muri rayon yambaye APR ntibyarigera bibaho kabisa ! Nzaba numva ariko ibi yakoze n’amahano ari umufana usanzwe we nabyumva ariko umuntu wo mubuyobozi!!!

— Ninkabandi Juvenal (@ninkabandi) September 17, 2023

very sad ,,,,,, nagende nagende

— Gahima wi bwami (@gashokero) September 17, 2023

Uwububa abonwa Nuh agaze

— Ndagijimana Eddy (@Ndagiji87251487) September 17, 2023

Twebwenkaba fans ba rayon 💙 baba mumahanga turasaba uwo mugabo kwegura kuko yadusebeje cyanee 😠🤔

— Jallas Øfficial (@jallasOfficial1) September 17, 2023

Yewee yewee inda izarikora cyakoze uyu yaba umugambanyi pe nizereko perezida wa rayon abonye abo akorana nabo ko nakiza nakimwe bageza ku kipe ahubwo ko bayigambanira ibi nibikwerekako bamwe mubayobozi bayobora umupira nabyo bazi arukugendera mukigare

— [email protected] (@mukanwakihene) September 17, 2023

Harigihe umuntu avuga ukabona level ye y’imyumvire ko iciriritse.

— Ganza (@ganzawibuganza) September 17, 2023

Nyamara Rayon yarinjiriwe pe😭😭ibaze umuyobozi mu ikipe agakora nkibi😭ubu kandi ntago baarara bamukuyeho

— Tora Kagame 2024✊🇱🇺 (@HarrisKigali) September 17, 2023

Kabaye #RukundoPatrick mu gikona se?? 😢😢 No way

— M Rene (@MunyakayanzaRen) September 17, 2023

Mubyukuri tutabeshye abafana n’abandi turashyigikirana ariko kwambara umwambaro wa mukeba Kandi uri muri team staff byo ni agahebuzo kuko nubwo dushakira ineza igihugu cyacu ariko burya ikipe dufana ni amavubi.

— a.nkurunziza (@ankurunziza1) September 17, 2023

Bibaye byiza yahita yegura
Cg akirukanywa kandi abafana twese tukabimenya ibi ni agasuzuru agumeyo . Umuyobozi nkuyu ntago tumucyeneye

— D’amour barista Rw (@BaristaDamour) September 17, 2023

Ese Uwayezu Jean Fidel president wa gasenyi ni iki? Rtd se babyita abakozi ba skol cg ni ingabo za APR? Mugabanye urwango rubarimo nta nka yaciye amabere. 🤍🖤

— Bajeneza Elie (@BajenezaElie) September 17, 2023

Yigumireyo

— Ndagijimana Eddy (@Ndagiji87251487) September 17, 2023

Abababaye biyahure🤣

— Dado Gasana (@gasana_dad70203) September 17, 2023

Nakwemeraga aliko hano ugaragaje poor thinking. Ndi umu APR cyane aliko ejobundi muri kwakira nzabajya inyuma kuko Rayon izaba ihagarariye u Rwanda. Rero icyo ukoze ni extremisme mururimi rw’amahanga. Uwo muvandimwe yakoze gushyigikira ikipe ihagarariye igihugu mw’irushanwa.

— Bernardin Magnus (@bbmagnus2011) September 17, 2023

@SadateMunyakazi tuza ntagikuba cyacitse rwose muzanye ibyo kumuvyaha ngo nuko yambaye umwambaro wa @aprfcofficial mwaba mutangiye kuzana amacakubiri muri football nyarwanda kuko ntampamvu yo kwamagana hagati ya Apr fc na rayon, nimb ekipe iserukiye igihugu igomb gushyigikirwa

— UMUKORERABUSHAKE (@PatriotismT) September 17, 2023

Ariko Sadate rwose!!! Nonese ubu abanyamupira natwe tuzareke kuza gufatanya naba Rayons le24 na le 30? Umupira si intambara keretse niba hari ibindi ntazi muvuga? Si ubwambere abafana ba Rayons cg Aba Apr bahurije hamwe imbaraga z’imifanire. Amafoto yo haboneka menshi.

— Jules Rutaremara (@JulesRutaremara) September 17, 2023

Niko biza ngo ni mararia! Ubwo nimb yashyigikiye ekipe ihagarariye igihugu mukaba mutangiye kumwamagana haricyo bishatse kuvuga!
Ubwose Koko waba ukunda Urwanda ekipe yaserukira igihugu ugashyigikira abo bahanganye?? Njye ndumv umuvandimw ataciye Ink amabere kbx

— UMUKORERABUSHAKE (@PatriotismT) September 17, 2023

Uyu babyuke bamwirukana ntamu Rayon wambaye umwanda wa mukeba kirazira kikazirirwa ntibibaho mugitondo abyuke yegura nategura bamweguze ntasoni umweru numukara mubururu koko

— Theos (@brunotheo6) September 17, 2023